საინფორმაციო სააგენტოები ავრცელებენ აშშ-ს ელჩის ჯონ ბასის კომენტარს გუშინ ბიძინა ივანიშვილთან შეხვედრის დეტალების თაობაზე.
“ბიძინა ივანიშვილი შედარებით ახალი ფიგურაა პოლიტიკაში. მან გუშინდელ შეხვედრაზე საკმაოდ მნიშვნელოვანი განცხადებები გააკეთა იმ ბრალდებების შესახებ, რომელსაც, ბიზნესმენის თქმით, მას უყენებენ. ჩვენ ყურადღებით ვადევნებთ ყველაფერს თვალს და თუ საჭირო იქნება, ამ საკითხებს საქართველოს მთავრობასთანაც განვიხილავთ”, – განაცხადა ჯონ ბასმა. Continue reading “ჯონ ბასი: “ჩვენ ყურადღებით ვადევნებთ ყველაფერს თვალს””
ჯონ ბასი ზოგიერთი ჟურნალისტისა და საარჩევნო გარემოს შესახებ
ავტორი: ნათია ზოიძე
აშშ–ის ელჩმა ბათუმში, ჟურნალისტებთან შეხვედრაზე წინასაარჩევნო გარემოსა და ქართული მედიის თავისებურებაზე ისაუბრა.
გაზეთ „ბათუმელების“ შეკითხვაზე:
– წინასაარჩევნო კამპანია საქართველოში ოფიციალურად ჯერ გამოცხადებული არ არის, მაგრამ კამპანია უკვე მიმდინარეობს. შევიდა მნიშვნელოვანი ცვლილებები რამდენიმე კანონში… თქვენ იღებთ ინფორმაციას სხვადასხვა წყაროდან, ამის მიხედვით როგორ შეაფასებდით წინასაარჩევნო გარემოს საქართველოში – აკმაყოფილებს თუ არა ის დემოკრატიის მოთხოვნებს?
ჯონ ბასი: – ეს ის შეკითხვაა, რომელიც აინტერესებთ საქართველოს მოქალაქეებს და ასევე საქართველოს მეგობრებს. არის მითქმა–მოთქმა თითქოს ამერიკის შეერთებულმა შტატებმა შეცვალა თავისი დამოკიდებულება საქართველოს მიმართ და თითქოს ამერიკის შერთებულ შტატებს ჰყავს საკუთარი კანდიდატი ან ელის სასურველ შედეგს. გავიმეორებ, რომ აშშ მხარს უჭერს საქართველოს მოსახლეობას და მის სწრფვას დემოკრატიისკენ. ჩვენი მიზანია მხარი დაგიჭიროთ, რომ შეიქმნას კონკურეტუნარიანი გარემო და არჩევნები ჩატარდეს მაქსიმალურად თავისუფალ გარემოში, სამართლიანად. საქართველოს მოსახლეობამ უნდა აირჩიოს პარლამენტი, რომელიც ასახავს საზოგადოებაში არსებულ აზრს და მრავალფეროვან შეხედულებებს.
რაც შეეხება ლეგიტიმურობის კრიტერიუმებს – მნიშვნელოვანია, რომ წინსაარჩევნო პროცესში და შემდეგაც იყოს ნათელი წესები, ხოლო საზოგადოება იყოს ინფორმირებული ამ წესების შესახებ. ეროვნულმა ორგანოებმა უნდა მიაწოდონ ამ წესებთან დაკავშირებული ინფორმაცია საზოგადოებას, პოლიტიკურ პარტიებსა და წევრებს. რა არის დასაშვები და რა არა, ამ სტანდარტის გაუმჯობესების საშუალება ჯერ კიდევ რჩება.
რაც შეეხება წინასაარჩევნო გარემოს შეფასებას, ეს ნაადრევია. ერთ-ერთი, რაც უკვე მაღელვებს ეს დაბალნსებული გაშუქების ნაკლებობა, ზოგიერთი მაუწყებლის მხრიდან.
ჯონ ბასის განცხადებით, ჟურნალისტებში ცნობისმოყვარეობისა და კითხვების დასმის დეფიციტია.
„ხშირად მაოცებს ზოგიერთ ჟურნალისტში ცნობისმოყვარეობის დეფიციტი. როდესაც ჟურნალისტი არ სვამს რთულ კითხვას, არ ინტერესდება გარკვეული სფეროთი, არ ჩაეკითხება განსაკუთრებით ისეთი პასუხს, რომელიც ტოვებს გარკვეული კითხვების დასმის შესაძლებლობას. ეს ნიშნავს თავად ჟურნალისტის ცნობისმოყვარეობის ნაკლებობას, მაგრამ ამავე დროს იმ პოზიციას, რომელიც აქვს ჟურნალისტის უკან მდგომ პროდიუსერს. ხშირად ვხედავთ, რომ კომენტარის მიღებისას ჟურნალისტი აღარ სვამს დამატებით კითხვას, არ უდგება სკეპტიკურად მიღებულ პასუხს. ეს შესაძლებელია ნაწილობრივ ასახავდეს როგორც თავად ჟურნალისტის ხარისხს, პროფესიონალიზმის დონეს, გამოცდილების ნაკლებობას ან მის ქონას“.
ჯონ ბასს შეკითხვა ჟურნალისტებმა დემოკრატი კონგრესმენის ჯიმ მაკდერმოტის მიერ „2012 წლის საქართველოს დემოკრატიის აქტის“ კანონპროექტთან დაკავშირებითაც დაუსვეს.
– პატივისცემით იმ სისტემისა, რომელიც მოქმედებს აშშ-ში აღმასრულებელ და საკანომდებლო რგოლებს შორის უფლებამოსილების გამიჯვნის თაობაზე, ჩემი მხრიდან არ იქნებოდა სწორი ამ კანონპროექტზე გავაკეთო კომენტარი, მაგრამ ვადასტურებ – ჩემს ქვეყანაში დიდი ინტერესია საქართველოს მიმართ. ამაზე ეს კანონპროექტი და ბევრი სხვა რამეც მეტყველებს.
ელჩი ბასი ჟურნალისტებს ბათუმის პრესკაფეში შეხვდა.
ავტორი: ნათია ზოიძე
აშშ–ის ელჩმა ბათუმში, ჟურნალისტებთან შეხვედრაზე წინასაარჩევნო გარემოსა და ქართული მედიის თავისებურებაზე ისაუბრა.
გაზეთ „ბათუმელების“ შეკითხვაზე:
– წინასაარჩევნო კამპანია საქართველოში ოფიციალურად ჯერ გამოცხადებული არ არის, მაგრამ კამპანია უკვე მიმდინარეობს. შევიდა მნიშვნელოვანი ცვლილებები რამდენიმე კანონში… თქვენ იღებთ ინფორმაციას სხვადასხვა წყაროდან, ამის მიხედვით როგორ შეაფასებდით წინასაარჩევნო გარემოს საქართველოში – აკმაყოფილებს თუ არა ის დემოკრატიის მოთხოვნებს?
ჯონ ბასი: – ეს ის შეკითხვაა, რომელიც აინტერესებთ საქართველოს მოქალაქეებს და ასევე საქართველოს მეგობრებს. არის მითქმა–მოთქმა თითქოს ამერიკის შეერთებულმა შტატებმა შეცვალა თავისი დამოკიდებულება საქართველოს მიმართ და თითქოს ამერიკის შერთებულ შტატებს ჰყავს საკუთარი კანდიდატი ან ელის სასურველ შედეგს. გავიმეორებ, რომ აშშ მხარს უჭერს საქართველოს მოსახლეობას და მის სწრფვას დემოკრატიისკენ. ჩვენი მიზანია მხარი დაგიჭიროთ, რომ შეიქმნას კონკურეტუნარიანი გარემო და არჩევნები ჩატარდეს მაქსიმალურად თავისუფალ გარემოში, სამართლიანად. საქართველოს მოსახლეობამ უნდა აირჩიოს პარლამენტი, რომელიც ასახავს საზოგადოებაში არსებულ აზრს და მრავალფეროვან შეხედულებებს.
რაც შეეხება ლეგიტიმურობის კრიტერიუმებს – მნიშვნელოვანია, რომ წინსაარჩევნო პროცესში და შემდეგაც იყოს ნათელი წესები, ხოლო საზოგადოება იყოს ინფორმირებული ამ წესების შესახებ. ეროვნულმა ორგანოებმა უნდა მიაწოდონ ამ წესებთან დაკავშირებული ინფორმაცია საზოგადოებას, პოლიტიკურ პარტიებსა და წევრებს. რა არის დასაშვები და რა არა, ამ სტანდარტის გაუმჯობესების საშუალება ჯერ კიდევ რჩება.
რაც შეეხება წინასაარჩევნო გარემოს შეფასებას, ეს ნაადრევია. ერთ-ერთი, რაც უკვე მაღელვებს ეს დაბალნსებული გაშუქების ნაკლებობა, ზოგიერთი მაუწყებლის მხრიდან.
ჯონ ბასის განცხადებით, ჟურნალისტებში ცნობისმოყვარეობისა და კითხვების დასმის დეფიციტია.
„ხშირად მაოცებს ზოგიერთ ჟურნალისტში ცნობისმოყვარეობის დეფიციტი. როდესაც ჟურნალისტი არ სვამს რთულ კითხვას, არ ინტერესდება გარკვეული სფეროთი, არ ჩაეკითხება განსაკუთრებით ისეთი პასუხს, რომელიც ტოვებს გარკვეული კითხვების დასმის შესაძლებლობას. ეს ნიშნავს თავად ჟურნალისტის ცნობისმოყვარეობის ნაკლებობას, მაგრამ ამავე დროს იმ პოზიციას, რომელიც აქვს ჟურნალისტის უკან მდგომ პროდიუსერს. ხშირად ვხედავთ, რომ კომენტარის მიღებისას ჟურნალისტი აღარ სვამს დამატებით კითხვას, არ უდგება სკეპტიკურად მიღებულ პასუხს. ეს შესაძლებელია ნაწილობრივ ასახავდეს როგორც თავად ჟურნალისტის ხარისხს, პროფესიონალიზმის დონეს, გამოცდილების ნაკლებობას ან მის ქონას“.
ჯონ ბასს შეკითხვა ჟურნალისტებმა დემოკრატი კონგრესმენის ჯიმ მაკდერმოტის მიერ „2012 წლის საქართველოს დემოკრატიის აქტის“ კანონპროექტთან დაკავშირებითაც დაუსვეს.
– პატივისცემით იმ სისტემისა, რომელიც მოქმედებს აშშ-ში აღმასრულებელ და საკანომდებლო რგოლებს შორის უფლებამოსილების გამიჯვნის თაობაზე, ჩემი მხრიდან არ იქნებოდა სწორი ამ კანონპროექტზე გავაკეთო კომენტარი, მაგრამ ვადასტურებ – ჩემს ქვეყანაში დიდი ინტერესია საქართველოს მიმართ. ამაზე ეს კანონპროექტი და ბევრი სხვა რამეც მეტყველებს.
ელჩი ბასი ჟურნალისტებს ბათუმის პრესკაფეში შეხვდა.
ჯვარი, გმირთა საფლავები და აზიზიეს მეჩეთი
„… დღეს ხდება იმ გმირების პატივისცემა, რომლებიც აქ არიან დაკრძალულები, რაც ცოტა დაგვიანებულია. პირველ რიგში აქ ჯვარი უნდა აღიმართოს, რადგან ყველა ქრისტიანის საფლავზე ჯვარი აუცილებელია“ – უთხრა მამა მარკოზმა „ბათუმელებს“. ის დღეს გოგებაშვილისა და გამსახურდის ქუჩების კვეთასთან მიმდებარე ტერიტორიაზე არსებულ სკვერში, სადაც ბათუმის გათავისუფლებისთვის ბრძოლაში დაღუპულ მეომართა საფლავებია ჯვრის აღმართვის მიზნით მოსამზადებელ სამუშაოებში იღებდა მონაწილეობას. ეს ის ადგილია სადაც აზიზეის მეჩეთი მდებარეობდა, დღემდე გავრცელებული ინფორმაციით კი თურქეთის მხარე თურქეთში მდებარე ქართული ტაძრების აღდგენის სანაცვლოდ აზიზეის მეჩეთის აღდგენას ითხოვს. Continue reading “ჯვარი, გმირთა საფლავები და აზიზიეს მეჩეთი”
ჯენტლმენური სპორტი საზოგადოებრივ საწყისებზე
ავტორი: ცაგო კახაბერიძე
გასულ ოლიმპიადაზე მოსახვედრად ბათუმელ მოფარიკავეს სულ რამდენიმე ქულა დააკლდა. სალიცენზიო ტურნირზე მან საუკეთესო შედეგი აჩვენა, თუმცა წლის განმავლობაში გამართულ შეჯიბრებებზე დაუფინანსებლობის გამო მონაწილეობა ვერ მიიღო, რის გამოც ოლიმპიადაში მონაწილეობისათვის საჭირო ქულები ვერ მოაგროვა. საქართველოს შვიდგზის ჩემპიონი ირაკლი ჭელიძე თამაშგარე მდგომარეობაში აღმოჩნდა. ფარიკაობის ფედერაცია ბათუმში დღემდე საზოგადოებრივ საწყისებზე მუშაობს და არ არსებობს ინფრასტრუქტურა, რომ ბავშვებს სპეციალურ ბილიკზე ვარჯიშის საშუალება მიეცეთ.
ბათუმის სპორტსკოლაში ფარიკაობის შესასწავლად ასამდე ბავშვი დადის, მათ შორის ბევრი სპორტის ამ სახეობას ხუთი წლიდან ეუფლება. დღეში დაახლოებით საათნახევრის განმავლობაში მეცადინეობენ, ოღონდ არა – სპეციალურ ბილიკზე, რადგან ფარიკაობისთვის განკუთვნილი საათის შემდეგ დარბაზში ფრენბურთის ჯგუფი შედის, 14 სმ სიგრძის ელექტრობილიკის ყოველდღიურად აღება-დაგება კი შეუძლებელია.
„ადრე სპეციალური სტაციონარი გვქონდა, სადაც ექვსი ბილიკი იყო დაფენილი. ახლა იმ დარბაზში მოჭიდავეები შეიყვანეს. ბოლო წლებში აღჭურვილობაც არ გვქონდა, არც საბრძოლო იარაღი, რამაც ძალიან დაგვწია უკან. ბილიკი და შესაბამისი აღჭურვილობა ბათუმის მერიამ გასულ წელს შეგვიძინა, ამიტომ დარბაზის გამო აღარ ვწუწუნებთ.“ – უთხრა „ბათუმელებს“ ფედერაციის გენერალურმა მდივანმა თენგიზ მორჩილაძემ. Continue reading “ჯენტლმენური სპორტი საზოგადოებრივ საწყისებზე”
ჯარიმა მოსამართლე თამარ ბეჟანიშვილისგან
ავტორი:ცაგო კახაბერიძე
„…სასამართლომ უნდა იმუშაოს საქმეზე მოპოვებული მტკიცებულების საფუძველზე, კანონის მოთხოვნისა და საკუთარი რწმენის გათვალისწინებით და არა ისე, როგორც პოლიცია და პროკურატურა უკარნახებს“, – ადვოკატ ნუგზარ ჯინჭარაძის მიერ 21 ოქტომბერს დაცვის სიტყვაში წარმოთქმულმა ამ მოწოდებამ მოსამართლე თამარ ბეჟანიშვილის გულისწყრომა გამოიწვია. მან ადვოკატი „სასამართლოს შეურაცხყოფისთვის“ 100 ლარით დააჯარიმა. Continue reading “ჯარიმა მოსამართლე თამარ ბეჟანიშვილისგან”
ხშირად ხელმიუწვდომელი ჯანდაცვა
ავტორი: ნინო კახიშვილი
ხელმისაწვდომი ჯანდაცვა საქართველოს ყველა მოქალაქისთვის _ შესრულდება თუ არა საქართველოს მთავრობის ეს დაპირება.
Continue reading “ხშირად ხელმიუწვდომელი ჯანდაცვა”
ხელისუფლება პირად ანგარიშებს გააკონტროლებს
ბრძოლა დანაშაულის წინააღმდეგ თუ საზოგადოების ტოტალური კონტროლი
ავტორი: ლელა დუმბაძე
სულ მალე, საქართველოს პარლამენტის მიერ მიღებული საკანონმდებლო ცვლილების შედეგად, ხელისუფლებას უფლება მიეცემა, ნებისმიერი ადამიანის საბანკო ანგარიში გააკონტროლოს. კანონპროექტის ავტორების განცხადებით, ეს პროექტი ფულის გათეთრების წინააღმდეგ არის მიმართული. ამ იდეის ოპონენტების აზრით კი, ამით ხელისუფლება საზოგადოებაზე ტოტალური კონტროლის დამყარებას ცდილობს.
„პირადი ანგარიში იმიტომ ჰქვია, რომ პირადი უნდა იყოს. მთავრობამ რატომ უნდა ნახოს. თუმცა ამ ცვლილების შესახებ პირველად მესმის. ალბათ უნდა დავფიქრდე და გავაანალიზო, კარგია ეს თუ ცუდი“, – ამბობს ბათუმელი პეტრე კემულარია.
Continue reading “ხელისუფლება პირად ანგარიშებს გააკონტროლებს”
ხეების გაჩეხვა ბათუმში – ფოტორეპორტაჟი
ავტორი :მირანდა მიქაძე [slideshow]
ავტორი :მირანდა მიქაძე [slideshow]
ხანძარი ვაჟა ფშაველას ქუჩაზე
ავტორი: ლელა დუმბაძე
დღეს, ვაჟა ფშაველას და გორგილაძის ქუჩების კვეთაში კერძო საცხოვრებელ სახლს ცეცხლი გაუჩნდა. სახლიდან გამომავალი კვამლი მეზობლებმა დაახლოებით დილის ათი საათისთვის შენიშნეს. იმ დროისთვის ცეცხლმოკიდებულ სახლში ოჯახის ორი წევრი, დედა-შვილი პასკოები იმყოფებოდნენ. მათ ხანძრის შედეგად სხეულის მსუბუქი დამწვრობები მიიღეს. დაზარალებულები რესპუბლიკურ საავადმყოფოში ერთი საათის შემდეგ გადაიყვანეს. ხანძრის გამომწვევ სავარაუდო მიზეზად ელექტროგაყვანილობა სახელდება, თუმცა ამ დროისთვის საპატრულო პოლიციისა და სახანძრო სამსახურის წარმომადგენლების მხრიდან ხარძრის გამომწვევი ოფიციალური მიზეზი არ სახელდება.
ავტორი: ლელა დუმბაძე
დღეს, ვაჟა ფშაველას და გორგილაძის ქუჩების კვეთაში კერძო საცხოვრებელ სახლს ცეცხლი გაუჩნდა. სახლიდან გამომავალი კვამლი მეზობლებმა დაახლოებით დილის ათი საათისთვის შენიშნეს. იმ დროისთვის ცეცხლმოკიდებულ სახლში ოჯახის ორი წევრი, დედა-შვილი პასკოები იმყოფებოდნენ. მათ ხანძრის შედეგად სხეულის მსუბუქი დამწვრობები მიიღეს. დაზარალებულები რესპუბლიკურ საავადმყოფოში ერთი საათის შემდეგ გადაიყვანეს. ხანძრის გამომწვევ სავარაუდო მიზეზად ელექტროგაყვანილობა სახელდება, თუმცა ამ დროისთვის საპატრულო პოლიციისა და სახანძრო სამსახურის წარმომადგენლების მხრიდან ხარძრის გამომწვევი ოფიციალური მიზეზი არ სახელდება.
ხანძარი ბათუმში
ავტორი: ცაგო კახაბერიძე
გრიბოედოვის ქუჩაზე საცხოვრებელ კორპუსს ცეცხლი გაუჩნდა, თვითმხილველთა თქმით „თავდაპირველად ცეცხლი სამსართულიანი კორპუსის მანსარდზე გაჩნდა შემდეგ კი ძალიან სწრაფად მთელ სახურავს მოედო. კორპუსის მანსარდზე ცეცხლის ალი 12 საათისთვის დააფიქსირეს, სამაშველო სამსახური კი შემთხვევის ადგილზე გამოძახებიდან 15 წუთში მივიდა. დაახლოებით ამდენივე დრო დასჭირდა ხანძრის გაჩენის ადგილზე წყლის მიწოდებას.“ ცეცხლის ლოკალიზება 1 საათის განმავლობაში ვერ მოხერხდა, მთლიანად დაიწვა მანსარდის ერთი მხარე.
კორპუსში მყოფთა გამოყვანა მაშველებმა დროულად მოახერხეს, მათგან არავინ დაშავებულა. სამაშველო სამსახურის თანამშრომლების ინფორმაციით ხანძრის გაჩენის მიზეზი ჯერჯერობით გაურკვეველია, ადგილზე მობილიზებული იყო პოლიციაც.
[youtube https://www.youtube.com/watch?v=g75_GDihoso&w=560&h=315]
ავტორი: ცაგო კახაბერიძე
გრიბოედოვის ქუჩაზე საცხოვრებელ კორპუსს ცეცხლი გაუჩნდა, თვითმხილველთა თქმით „თავდაპირველად ცეცხლი სამსართულიანი კორპუსის მანსარდზე გაჩნდა შემდეგ კი ძალიან სწრაფად მთელ სახურავს მოედო. კორპუსის მანსარდზე ცეცხლის ალი 12 საათისთვის დააფიქსირეს, სამაშველო სამსახური კი შემთხვევის ადგილზე გამოძახებიდან 15 წუთში მივიდა. დაახლოებით ამდენივე დრო დასჭირდა ხანძრის გაჩენის ადგილზე წყლის მიწოდებას.“ ცეცხლის ლოკალიზება 1 საათის განმავლობაში ვერ მოხერხდა, მთლიანად დაიწვა მანსარდის ერთი მხარე.
კორპუსში მყოფთა გამოყვანა მაშველებმა დროულად მოახერხეს, მათგან არავინ დაშავებულა. სამაშველო სამსახურის თანამშრომლების ინფორმაციით ხანძრის გაჩენის მიზეზი ჯერჯერობით გაურკვეველია, ადგილზე მობილიზებული იყო პოლიციაც.
[youtube https://www.youtube.com/watch?v=g75_GDihoso&w=560&h=315]
ჭაჭის თაუერი ბათუმში
„… ეს იქნება კოშკი-შადრევანი, საიდანაც ხანდახან წყლის ნაცვლად ქართული ჭაჭა წამოვა და ყველა მსურველს, ჩვენს თანაქალაქელს, უცხოელ სტუმარს თუ ტურისტს საშუალება ექნება დააგემოვნოს ის“ – ბათუმის საკრებულოს თავმჯდომარის გიორგი კირთაძის თქმით ახალი ორიგინალური შადრევანი, რომელიც ბათუმში, გოგებაშვილის ქუჩაზე, ახალი პარკის შესასვლელთან გაიხსნება, ქართული ეროვნული ჭაჭის პოპულარიზაციისთვის კეთდება.
ორიგინალური შადრევანის გახსნა ბათუმში ზაფხულის ბოლოსთვის იგეგმება, გიორგი კირთაძის ინფორმაციით წყლის ნაცვლად ჭაჭა შადრევნიდან კვირაში ერთხელ, 15 წუთის განმავლობაში წამოვა.
იდეა ქალაქის ხელმძღვანელებს ეკუთვნით და მის დახვეწასა და განხორცილებაში სოფლის მეურნეობის სამინიტრო და ტურიზმის დეპარტამენტიც ჩაერთვებიან.
ორიგინალური შადრევნის გახსნის იდეის შესახებ ჯერჯერობით არაფერი იციან აჭარის ტურიზმის დეპარტამენტში „შადრევანთან დაკავშირებით ჯერ ჩვენ თვითონ არა გვაქვს სრული ინფორმაცია, როგორც ჩანს ეს უფრო მერიის გადაწყვეტილებაა, გავარკვევ და მოგვინებით დამიკავშირდით“, – განაცხადა ტეპარტამენტის თანამშრომელმა „ბათუმელებთან“ სატელეფონო საუბარში.
ახალი შადრევნის შესახებ ინფორმაციას არც არც მერის მოადგილე ჯემალ ანანიძე ფლობს: „არ ვიცი ამის შესახებ, მაგრამ თუ ასეა, მივესალმები“.
25 მეტრიანი „თაუერი ჭაჭის“, როგორც მას გიორგი კირთაძე უწოდებს, შადრევნის გარდა ტურიზმის საინფორმაციო ცენტრს, ოთხ ღია აუზსა და კიდევ სხვადასხვა დანიშნულების რამოდენიმე ობიექტს გააერთიანებს. კოშკის მშენებლობა ბათუმის მერიის ბიუჯეტიდან 810 055 ლარით არის დაფინანსებული.
____
ფოტო უკვე აშენებული ჭაჭის თაუერიდან
წყალი, წყალმა, წყალს…
თამარ კიწმარიშვილი
ხუთი წელია გაზეთ „ბათუმელებში“ ვმუშაობ. ჩემს საქმიანობას სტატიების წერასთან არავითარი კავშირი არ აქვს, მაგრამ ეს პირველი შემთხვევაა, როცა ჩემი პროტესტის გაზეთში გამოხატვა მომინდა. რედაქტორის კაბინეტში შესულმა გავიგონე, როგორ საუბრობდნენ გაზეთის რედაქტორი და ჟურნალისტი ბათუმის წყალკანალზე და იმ წუთში გამიჩნდა პროტესტის გრძნობა. კი მაგრამ, სად არის წყალი? რატომ წყდება გაუფრთხილებლად, უმიზეზოდ და რატომ არ ვიცით სანამდე უნდა ველოდოთ წყალს? მინიმუმ კვირაში ორჯერ, ჩემს სახლში ონკანის მოშვება უშედეგოდ მთავრდება. 26 მაისის ქუჩაზე ვცხოვრობ, ქალაქის ცენტრში, მაგრამ რა მნიშვნელობა აქვს, ონკანში წყალი მაინც არ მოდის. მერე მეზობლებს გადავძახებ ხოლმე -არის შენთან წყალი? არაა და არც „მატორშია“, ვიღებ ხშირად პასუხად. თუ ბედმა გაგვიღიმა და მეზობელ ეზოში მოწანწკარებს, ვედროს და ბოთლებს ხელი უნდა სტაცო და სწრაფად დაიკავო რიგი, სანამ იქაც არ შემწყდარა წყალი. ამასობაში ნიჟარაში ჭურჭლის რაოდენობა იზრდება და სამზარეულოსკენ გახედვაც კი ნერვებს გიშლის. ასეთ დროს სხვა არაფერი დაგრჩენია, გარდა იმისა, რომ საათობით უყურო ტელევიზორს.
Continue reading “წყალი, წყალმა, წყალს…”
წყალდიდობა თბილისში – არის მსხვერპლი
თბილისში წყალდიდობის შედეგად 5 ადამიანი დაიღუპა
ღამის წვიმამ თბილისში წყალდიდობა გამოიწვია. დაიტბორა საცხოვრებელი სახლები. მსხვერპლის რაოდენობამ ხუთ ადამიანს მიაღწია. მათ შორის არის ორი ბავშვი.
სამაშველო და სახანძრო სამსახურები მთელი ღამის განმავლობაში მუშაობდნენ და მოსახლეობა დაზიანებული უბნებიდან გაჰყავდათ. ამ დროისთვის საგანგებო სიტუაციების სამსახურთან – 111–თან დაკავშირება გართულებულია. ორთაჭალის მიმართულებით მოძრაობა გადაკეტილია.
ელექტროენერგია არ მიეწოდება ქალაქის რამოდენიმე უბანს, მათ შორის ჩუღურებთის რაიონს. თელასის ცხელა ხაზთან დაკავშირება და დაზიანებების შესახებ ინფორმაციის მიღება შეუძლებელია.
– “ამჟამად მიმდინარეობს ამოტუმბვითი სამუშაობეი და მოძრაობა უკვე აღდგენილია. ძირითადი პრობლემა იყო გორგასლის ქუჩაზე, გულუას მოედანზე”, – აცხადებს ‘ნეტგაზეთან’თბილისის მერიის პრესსამსახური.
ნახევარი საათის წინ იპივეს კიდევ ერთი დაღუპილი ადამიანი. გვამები ტრანსპორტირებულია პროზექტურაში. დაღუპულები ცხოვრობდნენ გარაჟის ტიპის სახლებში.
ორთაჭალის მიმართულებით მანქანების მოძრაობა (დღის 12 საათის მონაცემებით) შეზღუდულია. მიმდინარეობს ამოტუმბვითი სამუშაოები. დატბორილია შსს–ს ავტოსადგომი და დაზიანებულია ავტომანქანები. დატბორილია ხეივნის დასახლება (ორთაჭალა).
თბილისში წყალდიდობის შედეგად 5 ადამიანი დაიღუპაღამის წვიმამ თბილისში წყალდიდობა გამოიწვია. დაიტბორა საცხოვრებელი სახლები. მსხვერპლის რაოდენობამ ხუთ ადამიანს მიაღწია. მათ შორის არის ორი ბავშვი.
სამაშველო და სახანძრო სამსახურები მთელი ღამის განმავლობაში მუშაობდნენ და მოსახლეობა დაზიანებული უბნებიდან გაჰყავდათ. ამ დროისთვის საგანგებო სიტუაციების სამსახურთან – 111–თან დაკავშირება გართულებულია. ორთაჭალის მიმართულებით მოძრაობა გადაკეტილია.
ელექტროენერგია არ მიეწოდება ქალაქის რამოდენიმე უბანს, მათ შორის ჩუღურებთის რაიონს. თელასის ცხელა ხაზთან დაკავშირება და დაზიანებების შესახებ ინფორმაციის მიღება შეუძლებელია.
– “ამჟამად მიმდინარეობს ამოტუმბვითი სამუშაობეი და მოძრაობა უკვე აღდგენილია. ძირითადი პრობლემა იყო გორგასლის ქუჩაზე, გულუას მოედანზე”, – აცხადებს ‘ნეტგაზეთან’თბილისის მერიის პრესსამსახური.
ნახევარი საათის წინ იპივეს კიდევ ერთი დაღუპილი ადამიანი. გვამები ტრანსპორტირებულია პროზექტურაში. დაღუპულები ცხოვრობდნენ გარაჟის ტიპის სახლებში.
ორთაჭალის მიმართულებით მანქანების მოძრაობა (დღის 12 საათის მონაცემებით) შეზღუდულია. მიმდინარეობს ამოტუმბვითი სამუშაოები. დატბორილია შსს–ს ავტოსადგომი და დაზიანებულია ავტომანქანები. დატბორილია ხეივნის დასახლება (ორთაჭალა).
წირვა ღია ცისქვეშ
წირვა აზიზიეს მეჩეთის მშენებლობის წინააღმდეგ
https://netgazeti.ge/GE/95/News/8545/.htm
https://netgazeti.ge/GE/95/News/8545/.htm
წინასწარ არავის არაფერს ვპირდები
ავტორი: თეონა თურმანიძე
გოგა ქათამაძე ახალი საქმით, კვარიათში ბუნგალო „ბუმერანგით“ დაკავდება. მისი გახსნა ივლისში იგეგმება. ძმების, გოგასა და გოჩას მეგობარ ქალებზე საუბარი სიახლე არ არის, მათ ხშირად ცნობილი ქალბატონების გვერდით მოიხსენიებენ. პირადი ცხოვრების შესახებ ამჯერად გოგა ქათამაძე გვესაუბრა.
ყოველთვის რაღაცით ხარ დაკავებული, თუმცა კონკრეტულად რით, არავინ იცის…
ახალ გეგმებზე მოგიყვები, ივლისისთვის კვარიათში ვაკეთებთ ბუნგალოს, დირექტორი ვარ და შეთავსებით მენეჯერიც, ალბათ. ბუნგალო გასულ წელს ქობულეთში გაიხსნა, წელს არჩიეს კვარიათში გადმოეტანათ (დათო ოქიტაშვილის ბუნგალო).
აქამდე?
6 თვე ვცხოვრობდი ბაქოში, გასულ წელს წავედი, იქ ვიქირავეთ მეგობრებმა გასართობი ცენტრი, გავხსენით ქართული რესტორანი, იქვე იყო აუზი და კორტები, კომპლექსის ტიპის გასართობი ცენტრი გამოვიდა. მერე რაღაც გარემოებების გამო მომიწია ჩამოსვლა. აქ, ბათუმშიც, პარკში გვქონდა ბავშვთა გასართობი ატრაქციონები, ბულვარში იქნება წელს. სახელმწიფო სამსახურში არასდროს მიმუშავია, ამის სურვილი არ მაქვს. პროფესიით იურისტი ვარ.
შენს და გოჩას სახელს ქალებთან კონტექსტის გარეშე, როგორც წესი, არ ახსენებენ. ხშირად ცნობილი ქალბატონების ბოიფრენდებად გიხსენიებენ, თავისუფალი დრო ვისთან ერთად გადის?
Continue reading “წინასწარ არავის არაფერს ვპირდები”
წინ, დამკვრელურად
მცირემიწიანობის პრობლემა აჭარაში
ავტორი: ირმა ზოიძე
აჭარაში მცირე მიწიანობასთან დაკავშირებული პრობლემა ხელისუფლებამ მარტივად გადაჭრა. იმის გამო, რომ საქართველოს დანარჩენი რეგიონებისგან განსხვავებით აქ პრივატიზაცია არ ჩატარებულა, მთავრობამ მიწები ჯერ დაირეგისტრირა, ახლა კი ცდილობს, რაც შეიძლება სწრაფად გაყიდოს. სპეციალისტების აზრით, ირღვევა იმ ადამიანების უფლებები, რომლებიც ამ მიწით სარგებლობდნენ. ექსპერტები ადგილობრივი მოსახლეობის დისკრიმინაციულ მდგომარეობაზე საუბრობენ.
„აჭარის საერთო ტერიტორია 290 ათასი ჰექტარია და აქედან მხოლოდ 72 ჰექტარი მოდის სასოფლო-სამეურნეო სავარგულებზე, საიდანაც სახნავ-სათესი 10 ათას ჰექტარია. აჭარაში მიწათ მოსარგებლე 55 ათასზე მეტი კომლია. წარმოგიდგენიათ, ამ ორი ციფრის შეფარდება? – სახნავ-სათესი 10 ათასი ჰექტარი და 55 ათასი კომლი. თუ თითოეული კომლის უკან დავიწყებთ სასოფლო-სამეურნეო სავარგულების მცირე ნაკვეთებად დაშლას, გამოვა, რომ ჩვენ საერთოდ ვერ ვისაუბრებთ სასოფლო-სამეურნეო წარმოების ზრდაზე“, – ამ კომენტარით გამოეხმაურა აჭარის სოფლის მეურნეობის მინისტრი, დონარა სურმანიძე „ბათუმელებს“ ერთ-ერთ შეხვედრაზე.
Continue reading “წინ, დამკვრელურად”
წინ სამთავრობო საათია
უმაღლესი საბჭო ერთსულოვანი იყო მაშინ, როცა მთავრობის თავმჯდომარის პოსტზე ლევან ვარშალომიძის კანდიდატურას უყარეს კენჭი, 17 ხმით – არც ერთის წინააღმდეგ პრეზიდენტის კანდიდატურას მხარი ერთპარტიულმა ოპოზიციამაც დაუჭირა. უფლებამოსილების განხორციელების სამი წლის თავზე კი, ისევ ერთსულოვნად, მისგან მუშაობის ანგარიშის ჩაბარებას ითხოვენ. ამ პერიოდის განმავლობაში ვარშალომიძე საკანონმდებლო ორგანოში სულ ოთხჯერ იყო. პოლიტიკოსების ნაწილი, რომელებსაც მასთან თანამშრომლობის გამოცდილება აქვთ, ამ ინიციატივას „წინასწარ შეთანხმებულს“ უწოდებენ. Continue reading “წინ სამთავრობო საათია”
წითელი ოკუპაცია
ირაკლი ირემაძე, ივანე ჯავახიშვილის სახელობის თბილისის სახელმწიფო უნივერსიტეტის სტუდენტი
რუსეთის მიერ საქართველოს ოკუპაციის მცდელობა 1921წლის თებერვალში პირველი არ ყოფილა. ეს ჯერ კიდევ 1920 წლის აპრილ-მაისში მოხდა, მას შემდეგ რაც რუსეთმა ფაქტიურად უბრძოლველად დაიპყრო აზერბაიჯანი და შეეცადა საინგილოს მხრიდან საქართველოში შემოსვლას. სამხედრო ინტერვენციის ეს მცდელობა ქართულმა ჯარმა გენერალ კვინიტაძის მეთაურობით სწრაფადვე აღკვეთა. ამ შემთხვევაში საქართველოს ოკუპაციისგან გადარჩენას ხელი შეუწყო რუსეთის საერთაშორისო მდგომარეობამ. ამ პერიოდისათვის რუსეთს არც შიდა პოლიტიკა უქადდა კარგს, რადგანაც პოლონეთის არმიასთან და თეთრგვარდიელებთან პერმანენტულ მარცხს განიცდიდა.
რუსეთი ამ წარუმატებელი ოკუპაციის შემდეგ დათანხმდა საქართველოს, ეღიარებინა იგი როგორც დამოუკიდებელი სახელმწიფოს და მასთან ხელშეკრულება გააფორმა, რომელიც ისტორიაში შესულია როგორც 1920 წლის 7 მაისის საქართველო–რუსეთის ხელშეკრულება, სადაც ორივე მხარე თანხმდება იმაზე, რომ არცერთი მათგანი არ დაუშვებს თავის ტერიტორიაზე მეორეს საწინააღმდეგო რაიმე დაჯგუფების საქმიანობას. ასევე ორივე მხარე ერთმანეთს აღიარებს სუვერენულ სუბიექტად და პირობას დებენ, რომ არ ჩაერევიან ერთმანეთის შიდა საქმეებში. ეს ხელშეკრულება ძალზე მნიშვნელოვანი იყო საქართველოსათვის, რადგან ფაქტიურად ყოფილი მეტროპოლის მიერ დამოუკიდებლად იქნა აღიარებული, რასაც წესით ხელი უნდა შეეწყო მის საერთაშორისო აღიარებისათვის. ხელშეკრულებას გააჩნდა საიდუმლო დანამატი, რომელსაც თავიდანვე არ მიექცია განსაკუთრებული ყურადღება. არადა ეს საიდუმლო დანამატი ძალზე სახიფათო იყო ქვეყნისათვის, მის საფუძველზე რუსეთმა შეძლო ქვეყანაში შეექმნა მეხუთე კოლონა. საიდუმლო დანამატი გულისხმობდა ბოლშევიკური ძალების სრულიად თავისუფალ საქმიანობას საქართველოს ტერიტორიაზე. Continue reading “წითელი ოკუპაცია”
წამება და არაადამიანური მოპყრობა
ავტორი: ლელა დუმბაძე
დღეს ბათუმში, სახალხო დამცველის ოფისში არასამთავრობო ორგანიზაცია „წამების მსხვერპლთა ფსიქოლოგიური და სამედიცინო რეაბილიტაციის საქართველოს ცენტრის“ და „ადამიანის უფლებათა ცენტრის“ მიერ, სემინარი გაიმართა. სემინარზე განხილული იყო საკითხები თუ რა ითვლება წამებად და ვისგან შეიძლება განხორციელდეს ეს ქმედება. სემინარზე წარმოდგენილი იყო წამების ფაქტებთან დაკავშირებით, ორგანიზიის მიერ ბოლო ათი წლის განმავლობაში შესწავლილი კვლევები.
„წიგნში, – „წამების კვლევისას“ შეტანილი მაგალითები ჩვენი პრაქტიკიდანაა წარმოდგენილი. მსხვერპლები წარმოდგენილია როგორც პატიმროები ასევე დევნილებიდა და ა.შ. ბევრია სულის შემძვრელი ფაქტები და ისტორიები. წიგნში შეტანილი გვაქვს დევნილი ბავშვების ნახატებიც“-ამბობს, ორგანიზაციის იურისტი და უფლებადამცველი, ზურაბ მახაშვილი. მისი ინფორმაციით, წამების ფართო სპექტრია წარმოდგენილი: „არის ელექტრო შოკის, გაუპატიურების, სიკვდილის იმიტაციის და სხვა შემთხვევები. ელექტრო შოკის გამოყენების შემთხვევები ბოლო წლებში აღარ ფიქსირდება, მაგრამ ხშირია გაუპატიურების შემთხვევები“.
Continue reading “წამება და არაადამიანური მოპყრობა”
ძლიერმა ქარმა ხე მოგლიჯა
ლელა დუმბაძე
თბილისში, მარჯანიშვილის ქუჩაზე ძლიერმა ქარმა ხე მოგლიჯა.
[youtube https://www.youtube.com/watch?v=s7hIFO8WM2Y&w=560&h=349]
ლელა დუმბაძე
თბილისში, მარჯანიშვილის ქუჩაზე ძლიერმა ქარმა ხე მოგლიჯა.
[youtube https://www.youtube.com/watch?v=s7hIFO8WM2Y&w=560&h=349]
ძლიერი მამაკაცების ფესტივალი
ავტორი: ცაგო კახაბერიძე
„საიდან ან როგორ მოიფიქრეთ, ან ვინ მოიფიქრებს ამ ფესტივალებს, ან ამ სათაურებს?… ხომ ნახეთ გასული წლის მაგალითებზე, რომ ვერ ვატარებთ ფესტივალებს?“ – ასე გამოეხმაურა ოპოზიცია ბათუმის საკრებულოს სხდომაზე მერიის განათლების, კულტურის, სპორტისა და ტურიზმის სამსახურის უფროსის განცხადებას ბათუმში „უძლიერეს მამაკაცთა ფესტივალის“ ჩატარების შესახებ.
ნათია სურგულაძის თქმით, საერთაშორისო ტურნირი ახალ ბულვარში ჩატარდება და მასში 10 ქვეყნის ათლეტები მიიღებენ მონაწილეობას. მათი მგზავრობის, ბათუმში ცხოვრებისა და გადაადგილების ხარჯებს კი მთლიანად ბათუმის მერია დაფარავს. გათვალისწინებულია საპრიზო ფონდიც, ამ ფესტივალისთვის მერიის ბიუჯეტიდან 32 000 ათასი ლარი დაიხარჯება;
ბათუმში კინო და ტელეოპერატორთა საერთაშორისო კონკურსიც იგეგმება, გასულ წელს ეს ფესტივალი თბილისში ჩატარდა. ნათია სურგულაძის თქმით, „წელს მასში მონაწილეობის მისაღებად `სონისა~ და `პანასონიკის~ წარმომადგენლებიც ჩამოვლენ, ჩატარდება მასტერკლასებიც“.
ავტორი: ცაგო კახაბერიძე
„საიდან ან როგორ მოიფიქრეთ, ან ვინ მოიფიქრებს ამ ფესტივალებს, ან ამ სათაურებს?… ხომ ნახეთ გასული წლის მაგალითებზე, რომ ვერ ვატარებთ ფესტივალებს?“ – ასე გამოეხმაურა ოპოზიცია ბათუმის საკრებულოს სხდომაზე მერიის განათლების, კულტურის, სპორტისა და ტურიზმის სამსახურის უფროსის განცხადებას ბათუმში „უძლიერეს მამაკაცთა ფესტივალის“ ჩატარების შესახებ.
ნათია სურგულაძის თქმით, საერთაშორისო ტურნირი ახალ ბულვარში ჩატარდება და მასში 10 ქვეყნის ათლეტები მიიღებენ მონაწილეობას. მათი მგზავრობის, ბათუმში ცხოვრებისა და გადაადგილების ხარჯებს კი მთლიანად ბათუმის მერია დაფარავს. გათვალისწინებულია საპრიზო ფონდიც, ამ ფესტივალისთვის მერიის ბიუჯეტიდან 32 000 ათასი ლარი დაიხარჯება;
ბათუმში კინო და ტელეოპერატორთა საერთაშორისო კონკურსიც იგეგმება, გასულ წელს ეს ფესტივალი თბილისში ჩატარდა. ნათია სურგულაძის თქმით, „წელს მასში მონაწილეობის მისაღებად `სონისა~ და `პანასონიკის~ წარმომადგენლებიც ჩამოვლენ, ჩატარდება მასტერკლასებიც“.
ძვირადღირებული და იაფი დასვენება ბათუმში
სასტუმროები, ჰოსტელები, კერძო ბინები, კაფეები, რესტორნები, სწრაფი კვების ობიექტები, კლუბები და ბუნგალოები – ამ ობიექტებით სარგებლობენ ბათუმში ჩამოსული ტურისტები. სად შეიძლება დახარჯოს დამსვენებელმა ყველაზე ბევრი თანხა ან სად და როგორ შეიძლება დასვენება ყველაზე იაფად? რა სხვაობაა ძვირადღირებულ და იაფფასიან მომსახურებას შორის?
ხატია ღოღობერიძე
ძველი ბათუმის ძვირადღირებული “არაჩვეულებრივი” რეაბილიტაციის მეორე ტალღა
ავტორი :ნათია ზოიძე
ბათუმის მერია ისტორიულ უბნებში მცხოვრებლებს ემუქრება.სახლები, რომლებიც მერიის რეაბილიტაციის გეგმაში მოხვდა, მოსახლეობის თანადაფინანსებით უნდა გაკეთდეს. მერია მანსარდს დააშენებს, მოქალაქე კი ერთ კვადრატულ მეტრში 350 ლარს გადაიხდის. თუ მესაკუთრისთვის ეს პირობა მიუღებელია, მერია სახლზე მანსარდს მესაკუთრის ნებართვის გარეშეც დააშენებს.იმ შემთხვევაში,თუ ფართობი იზოლირებული არ არის, მერია სასამართლოს მიმართავს და თანხის ამოღებას მესაკუთრისგან „უსაფუძვლო გამდიდრების მომწესრიგებელი ნორმით“ შეეცდება. იურისტები მერიის მიერ მიღებული განკარგულების ნორმას იურიდიულ კაზუსად მიიჩნევენ. Continue reading “ძველი ბათუმის ძვირადღირებული “არაჩვეულებრივი” რეაბილიტაციის მეორე ტალღა”
ცუდად შესრულებული „ბაღდადური“
ავტორი: ემზარ კახიძე (ისტორიკოსი)
სადამ ჰუსეინი ახალგადაგდებული იყო, როდესაც აშშ-ის იმდროინდელმა პრეზიდენტმა ჰოლივუდური ფრაზა ისროლა: „მისია შესრულებულია“. ნამდვილად არ მახსოვს მიაყოლა თუ არა მისტერ ბუშმა ამ სიტყვებს ჰოლივუდურივე ღიმილი, მაგრამ მისი ავბედითი ინიციატივა დადებითი ემოციების და კბილების ღრეჭის საბაბს რომ არ იძლევა საბოლოოდ გაცხადდა: ამერიკელების გასვლის მეორე დღესვე ჩაფლავებული მისიის „ტროტილოვანი სურნელი“ მთელმა მსოფლიომ ჩაიყნოსა. Continue reading “ცუდად შესრულებული „ბაღდადური“”
ცოცხალი კედლები უნივერსიტეტში
ლაშა მიქელაძე
ლაშა მიქელაძე, სტუდენტი
უკვე თვეზე მეტია ბათუმის შოთა რუსთაველის სახელობის უნივერსიტეტში უფრო და უფრო მატულობს უკმაყოფილოთა რიცხვი. ამის მიზეზი არც მოახლოებული გამოცდებია და არც სტუდენტების აკადემიური მდგომარეობა, საქმე სულ სხვა რამეშია, კერძოდ კი ისინი უკმაყოფილოები არიან ბოლოდროინდელი ცვლილებებით, რომელიც უნივერსიტეტში განხორციელდა. საუბარია სათვალთვალო კამერებზე, რომლებიც, როგორც დერეფნებში, ისევე აუდიტორიებშია დამონტაჟებული.
კამერებზე საუბარი განცხადების გახმაურებისთანავე მთავარ თემად იქცა როგორც სტუდენტებში, ისე აკადემიურ პერსონალში და ძირითადად უარყოფითი და კრიტიკული შეფასებები გამოიწვია. სწორად ამის გამო, შოთა რუსთაველის სახელობის უნივერსიტეტის რექტორმა ალეკო ბაკურიძემ რამდენჯერმე მოაწყო კონფერენცია, რათა აეხსნა უკმაყოფილო სტუდენტებისათვის, თუ რა დადებითის მომტანი იყო სათვალთვალო კამერები. ამ პრესკონფერენციებზე ძირითადად ერთი და იგივე ისმოდა, რომ კამერები დამონტაჟდებოდა მხოლოდ ისეთ აუდიტორიებში, სადაც ესა თუ ის ტექნიკა იყო, მაგრამ კამერები უკვე დამონტაჟებულია ისეთ აუდიტორიებშიც, სადაც არანაირი ტექნიკა არ არის და არც ახლო მომავალში არ ჩანს იმის პერსპექტივა, რომ სწავლების გაუმჯობესების მიზნით ამ აუდიტორიებში თანამედროვე ტექნიკას შეიტანენ.
სტუდენტები ასევე ფიქრობენ, რომ მათი საუბარი უნივერსიტეტის ტერიტორიაზე ისმინება, ეს ინფორმაცია რექტორმა რამდენჯერმე უარყო და აღნიშნა, რომ „არავინ არ აპირებს სტუდენტების პირადი საუბრების მოსმენას“.
იმისათვის, რომ უფრო კონკრეტულად მოგვცემოდა სიტუაციის შეფასების საშუალება და დაგვეზუსტებინა აკადემიური პერსონალის დამოკიდებულება აღნიშნულ ცვლილებებთან დაკავშირებით, გავესაუბრეთ ბათუმის შოთა რუსთაველის სახელობის ასოცირებულ პროფესორს ირაკლი მანველიძეს, რომელიც უნივერსიტეტის „კამერიზაციასთან“ დაკავშირებით ამბობს, რომ ეს შეიძლება „კარგიც იყოს და ცუდიც”: Continue reading “ცოცხალი კედლები უნივერსიტეტში”
ცოტნე ანანიძის სასამართლო პროცესის დეტალები
ავტორი: ეთერ თურაძე
Continue reading “ცოტნე ანანიძის სასამართლო პროცესის დეტალები”
ცივილიზაციამ ჩვენამდეც მოაღწია
ავტორი: (მოქალაქე ჟურნალისტი) თამარ თურმანიძე
ხშირად პრიორიტეტი თითოუეული ჩვენთაგანისთვის არის პირადი, და არა საზოგადოებრივი სარგებელი. რაღა შორს წავიდე და ერთ-ერთი ამისი მაგალითია, ჩემს ეზოში მომხდარი ფაქტი. ახლხანს მოგვივიდა ქ.ბათუმის მერიიდან გაფრთხილება, რომ 4 დღის ვადაში უნდა მოვახდინოთ ავტოფარეხის განთავისუფლება და დემონტაჟისათვის მომზადება. ამ ფაქტმა,ზოგში აღშფოთება და სიბრაზე გამოიწვია,ზოგში კი სიხარული… მე პირადად, პირველი ემოცია, რომელიც დამებადა ამ გაფრთხილების წაკითხვისას იყო: ,,ძლივს, გვეღირსა, ცივილიზაციამ ჩვენამდეც მოაღწია’’…
ჩვენც დავბერდებით…
[slideshow]
ავტორი – მოქალაქე ჟურნალისტები: თამარ ლომიძე, თამარ თურმანიძე, ლუიზა ბალაძე, მარიკა ზაქარაძე, გიგა ახალაია.
ბათუმის წმინდა მოწამე ეკატერინეს სახელობის სათნოების სავანე დაარსდა 1995 წლის 5 მარტს, მეუფე დიმიტრის ძალისხმევით. ამჟამად, დაწესებულების ხელმძღვანელია დეკანოზი შიო პაიჭაძე. სავანეში ფუნქციონირებს წმინდა ეკატერინეს სახელობის ტაძარი, სადაც ყოველ შაბათ-კვირას აღევლინება წირვა-ლოცვა.
ჩვენ გვწამს… „პრაზდნიკებზე“
[slideshow]
ავტორები: (მოქალაქე ჟურნალისტები) ანი ზაქარაძე, მარი ზოიძე, თამილა ვერძაძე, ნინო ბოლქვაძე, ნოდარ კონცელიძე.
ყველამ გადავხედოთ დღევანდელ საქართველოს… რა თქმა უნდა ძალიან ბევრ საამაყოსთან და ღირებულთან ერთად უამრავი პრობლემა და ნაკლი გაგვაჩნია რომლებიც თავისით არ მოგვარდება თუ ჩვენვე არ მივხედეთ!
საერთოდ საქართველო ერთ-ერთი უძველესი ქრისტიანული სახელმწიფოა, რომელიც ოდითგანვე რწმენით გამოირჩეოდა. ღვთის სიყვარულით ქართველები ყოველთვის იკრებდნენ საკმარის ძალას, რომ მტრებს გამკლავებოდნენ, ზოგჯერ თავიანთი სიცოცხლის ფასადაც კი! გავიხსენოთ აბო თბილელი, შუშანიკი, ქეთევან წამებული. უდიდესი იყო მათი რწმენა და სიყვარული ღვთისადმი, თუმცა გადავხედოთ დღევანდელობას…
რა შეგვრჩა?
ჩვენ გვიყვარს „მაუგლი“
მარიამ ლორია (კონკურსის გამარჯვებული)
მარიამ ლორია არის „ბათუმელების“ საბავშვო გვერდის კონკურსის გამარჯვებული. ის პირველი იყო, რომელმაც გასულ ორშაბათს „ბათუმელების“ რედაქციაში ყველაზე ადრე მოიტანა მაუგლის აპლიკაცია, რისთვისაც საჩუქარიც მიიღო – წიგნი. Continue reading “ჩვენ გვიყვარს „მაუგლი“”
ჩვენ გვიყვარს შრეკი
„ბათუმელების” საბავშვო გვერდის კონკურსის გამარჯვებულები, რომლებმაც ყველაზე სწრაფად გააკეთეს შრეკის აპლიკაცია.
საბა მამფორია, 5 წლის
[youtube https://www.youtube.com/watch?v=J7bLllStltk&w=425&h=349]
ნინო შარაშენიძე, 6 წლის
[youtube https://www.youtube.com/watch?v=j45WG2t6Hk8&w=425&h=349]
„ბათუმელების” საბავშვო გვერდის კონკურსის გამარჯვებულები, რომლებმაც ყველაზე სწრაფად გააკეთეს შრეკის აპლიკაცია.
საბა მამფორია, 5 წლის
[youtube https://www.youtube.com/watch?v=J7bLllStltk&w=425&h=349]
ნინო შარაშენიძე, 6 წლის
[youtube https://www.youtube.com/watch?v=j45WG2t6Hk8&w=425&h=349]
ჩარევა სახელმძღავნელოების ბიზნესში
საქართველოს განათლებისა და მეცნიერების სამინისტროს მიერ პირველიდან მე-6 კლასის ჩათვლით, სახელმძღვანელოებზე ფასების რეგულაციამ მშობლები კმაყოფილი დატოვა. იგივეს ვერ ვიტყვით იმ გამომცემლებზე, რომლებმაც ფასები შეამცირეს. თუმცა გამომცემელთა შორისაც არიან ისეთები, რომლებიც ფიქრობენ, რომ ფასი მართლაც არარეალურად მაღალია.
შშმპ ნამუშევრების გამოფენა-გაყიდვა
დღეს, 9 ნოემბერს, 14.00 საათზე ბათუმის # 2 საჯარო სკოლის მოსწავლეები, სკოლის კლუბი ”თანადგომა” და სტუდია ”ანდამატი” აწყობს შშმპ ნამუშევრების გამოფენა-გაყიდვას მხარეთმცოდნეობის მუზეუმში (ბათუმი, ჯინჭარაძეზე # 5).
გამოფენა-გაყიდვის შემდეგ, 15.00 საათზე გაიმართება დისკუსია, შშმპ პრობლემებზე და საჭიროებებზე, სადაც მოწვეულები არიან ადგილობრივი სამთავრობო, არასამთავრობო და მედიასექტორი.
დღეს, 9 ნოემბერს, 14.00 საათზე ბათუმის # 2 საჯარო სკოლის მოსწავლეები, სკოლის კლუბი ”თანადგომა” და სტუდია ”ანდამატი” აწყობს შშმპ ნამუშევრების გამოფენა-გაყიდვას მხარეთმცოდნეობის მუზეუმში (ბათუმი, ჯინჭარაძეზე # 5).
გამოფენა-გაყიდვის შემდეგ, 15.00 საათზე გაიმართება დისკუსია, შშმპ პრობლემებზე და საჭიროებებზე, სადაც მოწვეულები არიან ადგილობრივი სამთავრობო, არასამთავრობო და მედიასექტორი.
შუქნიშანი, რომელიც პრეზიდენტის ჩამოსვლისას მუშაობს
ქეთევან ლაბაძე; სტუდენტი
უკვე რამდენიმე თვეა, რაც ბათუმის უნივერსიტეტის წინ შუქნიშანი არ მუშაობს. სტუდენტები ამის გამო შეწუხებულები ვართ, რადგან ჩვენს სიცოცხლეს ყოველ წუთს საფრთხე ემუქრება. “-იმედია მე არ ვიქნები ის, ვისაც მანქანა გაიტანს”, – ხუმრობით ამბობს ჩემი მეგობარი ლელა ცინარიძე, რომელსაც გადაჭარბებული სიჩქარით მომავალი მანქანების იმდენად ეშინია, რომ ქუჩაზე გადასვლისას ნახევარი საათი სჭირდება. Continue reading “შუქნიშანი, რომელიც პრეზიდენტის ჩამოსვლისას მუშაობს”
შუქი, წყალი და ნაგავი ერთ ქვითარში
ავტორი: ლელა დუმბაძე
ბათუმის საკრებულოს 17 იანვრის გადაწყვეტილებით, ბათუმში კომუნალური გადასახადების გადახდის ახალი სისტემა ამოქმედდება. მოსახლეობა ელექტროენერგიის, წყლისა და სანდასუფთავების მოსაკრებელს, ერთდროულად გადაიხდის. ქვითრების ერთიანი ადმინისტრირებისთვის კომპანია „ენერგო პრო-ჯორჯიას“ თვითმმართველობის ბიუჯეტიდან 370 000 ლარი გამოეყო. ქვითრების ერთიანი ადმინისტრირება, როგორც მერიის ეკონომიკური პოლიტიკის სამსახურის უფროსი, ტიტე აროშიძე ამბობს, იმისთვის არის საჭირო, რომ კომუნალური გადასახადების გადახდა ერთიან სისტემაში მოექცეს: „ერთიანი ადმინისტრირების შემდეგ, ყველა აბონენტს ინდივიდუალურად მიუვა სახლში ქვითარი და საშუალება ექნება თავად გაეცნოს თუ რამდენი აქვს გადასახადი, რამდენი დავალიანება. მოსახლეობა ერთიან ქვითრებს ერთი თვის შემდეგ მიიღებს, რადგან მანამდე წინასწარი მოკვლევითი სამუშაოები უნდა ჩატარდეს, რომ მოხდეს მოსახლეობის ზუსტი აღრიცხვა სულადობის მიხედვით. კითხვაზე-დარჩება თუ არა მომხმარებელი ელექტროენერგიის გარეშე, თუკი ის ვერ შეძლებს მაგალითად წყლის ან სანდასუფთავების გადასახადის ერთად გადახდას? ტიტე აროშიძე ამბობს: „ეს უკვე იქნება მარეგულირებელი კომისიის საკითხი და მან უნდა გადაწყვიტოს, თუ როგორ მოხდება ურჩი გადამხდელებისთვის საჯარიმო სანქციების დაწესება“.
ავტორი: ლელა დუმბაძე
ბათუმის საკრებულოს 17 იანვრის გადაწყვეტილებით, ბათუმში კომუნალური გადასახადების გადახდის ახალი სისტემა ამოქმედდება. მოსახლეობა ელექტროენერგიის, წყლისა და სანდასუფთავების მოსაკრებელს, ერთდროულად გადაიხდის. ქვითრების ერთიანი ადმინისტრირებისთვის კომპანია „ენერგო პრო-ჯორჯიას“ თვითმმართველობის ბიუჯეტიდან 370 000 ლარი გამოეყო. ქვითრების ერთიანი ადმინისტრირება, როგორც მერიის ეკონომიკური პოლიტიკის სამსახურის უფროსი, ტიტე აროშიძე ამბობს, იმისთვის არის საჭირო, რომ კომუნალური გადასახადების გადახდა ერთიან სისტემაში მოექცეს: „ერთიანი ადმინისტრირების შემდეგ, ყველა აბონენტს ინდივიდუალურად მიუვა სახლში ქვითარი და საშუალება ექნება თავად გაეცნოს თუ რამდენი აქვს გადასახადი, რამდენი დავალიანება. მოსახლეობა ერთიან ქვითრებს ერთი თვის შემდეგ მიიღებს, რადგან მანამდე წინასწარი მოკვლევითი სამუშაოები უნდა ჩატარდეს, რომ მოხდეს მოსახლეობის ზუსტი აღრიცხვა სულადობის მიხედვით. კითხვაზე-დარჩება თუ არა მომხმარებელი ელექტროენერგიის გარეშე, თუკი ის ვერ შეძლებს მაგალითად წყლის ან სანდასუფთავების გადასახადის ერთად გადახდას? ტიტე აროშიძე ამბობს: „ეს უკვე იქნება მარეგულირებელი კომისიის საკითხი და მან უნდა გადაწყვიტოს, თუ როგორ მოხდება ურჩი გადამხდელებისთვის საჯარიმო სანქციების დაწესება“.