ბათუმელები
პროგრამა ასევე მოიცავს 1 წლამდე ასაკის ბავშვების მენჯ-ბარძაყის სახსრის დისპლაზიისა და თანდაყოლილი ამოვარდნილობის ამბულატორიულ მკურნალობას, რაც სამკურნალო მასაჟს, ფიზიოთერაპიის 15–დღიან კურსსა და კალციუმის შემცველი მედიკამენტით ბენეფიციართა უზრუნველყოფას მოიცავს.
პროგრამის ბიუჯეტი 47 ათას 150 ლარს შეადგენს.
ბათუმის ხელმძღვანელის ლევან კუტუბიძის, თქმით “ელსას” სამომავლო საქმიანობაა სამართლებრივი პროექტების განხორციელება, საჯარო ლექციების მოწყობა საკონსტიტუციო სასამართლოში, დისკუსიების, იმიტირებული სასამართლო პროცესების, დებატებისა და სემინარების გამართვა.
„ელსა“ (The European Low Sudents Association) ევროპის იურისტ სტუდენტთა ასოციაციაა. მასში გაწევრიანებულია ევროპის 42 ქვეყანა. საქართველო “ელსას” 2009 წელს შეუერთდა. წარმომაგენლობითი ჯგუფები ჰყავს თბილისში და ქუთაისში. “ელსა საქართველოს” პრეზიდენტი ზურაბ ბეჟაშვილია.
“ელსა ბათუმის” ხელმძღვანელის თქმით, ორგანიზაცია საგანმანათლებლო პროგრამებს იურიდიუილი ფაკულტეტის სტუდენტებისთვის ახორციელებს. “ელსა ბათუმის” ორაგანიზაციაში ამჟამად 40 სტუდენტი შედის.
მეორე სტატია კი, რომელიც მინისტრის უკმაყოფილების მიზეზი გახდა, ეხებოდა აჭარის ფინანასთა და ეკონომიკის სამინისტროს წარმომადგენლობით ხარჯებს. სტატია, სათაურით – „რამდენს ხარჯავს აჭარის ეკონომიკის სამინისტრო სასტუმროებსა და რესტორნებში“ – წელს, თებერვალში, გამოქვეყნდა და მასში განხილული იყო აჭარის ფინანსთა და ეკონომიკის სამინისტროს 2014 წელს „მოსალოდნელი ინვესტორების მოტივით“ გაზრდილი წარმომადგენლობითი ხარჯები.
გაზეთი „ბათუმელები“ მიიჩნევს, რომ სიტყვისა და გამოხატვის თავისუფლება ნებისმიერ ადამიანის განსაკუთრებული უფლებაა, თუმცა ეს განსაკუთრებული უფლება მინისტრს განსაკუთრებულ პასუხისმგებლობასაც აკისრებს, მითუმეტეს, როცა ეს მოსაზრება ფაქტებით არ არის გამყარებული.
„ბათუმელების“ ზემოთ მითითებული ორივე სტატია მომზადებულია იმ დოკუმენტებზე დაყრდნობით, რომელიც აჭარის ფინანსთა და ეკონომიკის სამინისტრომ მოგვაწოდა. „ბათუმელები“ საზოგადოების ამომწურავი ინფორმირების მიზნით, ყოველთვის ცდილობს საჯარო უწყებებიდან მოპოვებული დოკუმენტები კიდევ ერთხელ გადაამოწმოს უწყების კვალიფიციურ პირებთან. სამწუხაროდ ამის მიღწევა ძირითადად შეუძლებელია იმ შემთხვევაში, როცა საქმე ეხება აჭარის ფინანსთა და ეკონომიკის სამინისტროს პირველ პირს – მინისტრი დავით ბალაძე თითქმის არასდროს პასუხობს ჟურნალისტების სატელეფონო ზარს.
და ბოლოს, საბიუჯეტო ხარჯები გაზეთ „ბათუმელების“ განსაკუთრებულ ინტერესს წარმოადგენს. შესაბამისად, რედაქცია მომავალშიც აქტიურად იმუშავებს ამ მიმართულებით.
საქართველოს საკონსტიტუციო სასამართლო იმსჯელებს ზეპირი მოსმენის გარეშე, არჩევითი პირის თანამდებობიდან გადაყენების კანონიერებაზე.
გიგი უგულავას მტკიცებით, მისი თანამდებობიდან გადაყენება საქალაქო სასამართლომ პროკურორის შუამდგომლობით, ზეპირი მოსმენის გარეშე გადაწყვიტა, რაც მას არაკონსტიტუციურად მიაჩნია. სწორედ ამ ნაწილში განიხილავს სასამართლო უგულავას სარჩელს.
საკონსტიტუციო სასამართლომ არ დააკმაყოფილა უგულავას მოთხოვნა სარჩელის იმ ნაწილში, სადაც თბილისის ყოფილი მერი თანამდებობაზე აღდგენას ითხოვდა.
შეხვედრის მთავარი მიზანი ჰოლანდიაში მებაღეობისა და მეყვავილეობის კუთხით არსებული გამოცდილების, ცოდნისა და შესაძლებლობების ფერმერთათვის გაზიარებაა, რათა სამომავლოდ ერთობლივი პროექტები დაიგეგმოს, რაც ხელს შეუწყობს იმ მებაღეების მიერ წარმოებული პროდუქციის რაოდენობის გაზრდას, ხარისხის გაუმჯობესებასა და დისტრიბუციას, რომლებიც ამ კომპანიებთან თანამშრომლობას გადაწყვეტენ. ძირითადად კი საუბარი აჭარაში ბოსტნეულის სასათბურე მეურნეობის განვითარებისა და პერსპექტივების შესახებ გაიმართება.
კომპანია „ბილანსია“ არის ორგანიზაცია, რომელიც სოფლის მეურნეობაში უზრუნველყოფს სხვადასხვა სახის პროექტებისა და ტრენინგების ზედამხედველობას, ასევე კვალიფიციური, გამოცდილი სპეციალისტების ჩართვას პროექტებში, რომლებიც შემდგომ პასუხისმგებელნი არიან, პროექტით გათვალისწინებული პროდუქციის მოყვანასა და გაზრდაზე. რაც შეეხება, კომპანია “ფრანსენ როუზის“, ის ფლობს ულტრათანამედროვე ვარდების სათბურს ჰოლანდიაში, სადაც 1980 წლიდან მსოფლიოში ცნობილ Red Naomi (წითელი ნაომის) სახეობის ულამაზეს ვარდს აწარმოებენ.
შეხვედრას სასათბურე მეურნეობებით დაინტერესებული ფერმერები, ქობულეთის გამგეობის, აგროსერვის ცენტრისა და აჭარის სოფლის მეურნეობის სამინისტროს წარმომადგენლები ესწრებიან.
კიევი ჩემი პირველი მივლინება არ ყოფილა. პირველად იყო ბაქო. მაშინ თვითმფრინავშიც პირველად ვიჯექი. მამაჩემის ფობიების გამო ბავშვობაში საბჭოთა კავშირი მატარებლით მომატარეს. როცა საბაჟო კონტროლი გავიარეთ და ვაკო ავალიანმა თქვა – ბოარდინგ პასს (ჩასხდომის ბარათი) მოვამზადოთო, ვიფიქრე, არაფერი მეშველებოდა. ეს იყო ყველაზე უცხო და თავზარდამცემი სიტყვა ჩემს ლექსიკონში.
ბაქოში ვიზიტი კრილოვის დამსახურებაა. მაიამ და მათემ (საინფორმაციოს ხელმძღვანელები) დამიძახეს საეთეროში და დაიწყეს – „Попрыгунья Стрекоза; Лето красное пропела;“ და მე დავასრულე „Оглянуться не успела; Как зима катит в глаза“. გცოდნია რუსულიო და გამიშვეს. მათე ყველას გვაყვედრიდა – პასპორტში ვიზები ლუბლიანას 5-ში ჩაირტყითო…
მოკლედ, ჩავედით კიევში, ნარინჯისფერი რევოლუცია იწყებოდა. ჩავედით და დავრჩით 40 დღე. მაია თაბაგარი, ყოველ პარასკევს, ბილეთის კიდევ ერთი კვირით გადაცვლაზე მითანხმებდა.
გოგიჩა სულ ლოცულობდა, დილით, საღამოს და არამარტო… მას შემდეგ, რაც „რუსთავი 2“-ს მეორე ჯგუფი ჩამოუვიდა დასახმარებლად, გოგიჩას ლოცვების გაძლიერებას ვთხოვდი…
გოგიჩა, მძიმე კამერით და შტატივით, დილიდან დილამდე დაუზარელად დამყვებოდა გადაღებებზე. როცა ძალიან შემეცოდებოდა, ცოტა ხნით ვასვენებდი. შეგიძლიათ წარმოიდგინოთ სცენა – ხრეშატიკზე მიდის წინ გოგიჩა, აბოლებს სიგარეტს და უკან მივყვები მე, შტატივით და კამერით. კიევში მგონი ცუდად არ ვიმუშავეთ. „როიტერის“ ნატალია ყოველ დღე მეუბნებოდა, რომ მაგარ მასალებს ვაგზავნიდი თბილისში, იუშენკოს პრესმდივანი ოლგა კი – შენი ყვითელი მიკროფონი უკვე მსოფლიომ გაიცნოო. არადა, ისე მივეჩვიე ექსკლუზივებს, რომ მხოლოდ მსოფლიოს წამყვან არხებთან ერთად „ვკადრულობდი“ მიკროფონის მიშვერას. სხვა დანარჩენ შემთხვევაში მარტო ვწერდი ყველას – იუშენკოს, ტიმოშენკოს, პრეზიდენტის ადმინისტრაციის წევრებს, ბიზნესმენებს, მომღერლებს, ელჩებს. იანუკოვიჩის შტაბში ან გვეჩხუბებოდნენ, ან კომენტარს არ გვაძლევდნენ. ჩვენ ნარინჯისფერი რევოლუციის თანამონაწილეებად მივაჩნდით. მახსოვს რუსეთის ელჩი უკრაინაში, ჩერნომირდინი როგორ გაჰკიოდა ჩვენს კამერაში – ვერ ეღირსებით აქ ვარდების რევოლუციის გამეორებასო…
არადა, ვეღირსეთ.
ვიყავით ყველგან, სადაც მთავარი ამბავი ხდებოდა. ერთხელაც, რადას მორიგ სესიაზე იუშენკომ საპრეზიდენტო ფიცი დადო, ოფიციალურად გამარჯვებული კი იანუკოვიჩი იყო და ოპოზიციაც ქუჩაში ამას აპროტესტებდა.
ფიცის დადების შემდეგ რადას გასასვლელები გადაკეტეს. მე გოგიჩას კამერიდან კასეტა ამოვაძრე და „პერეგონზე“ გავიქეცი. შენობაში უკან აღარავის უშვებდნენ. გოგიჩა რადაში ჩარჩა.
„პერეგონი“ ვიდეომასალის ტრანსლირებას ნიშნავს. ამ შემთხვევაში, თბილისში, „იმედის“ სტუდიაში. იუშენკოს ფიცი ერთ-ერთმა პირველმა „იმედის“ მაყურებელმა ნახა. თბილისიდან შეგვაქეს და რადაში დავბრუნდი.
ჟურნალისტები ეზოში ვართ და მხოლოდ ერთი კამერაა რადაში. დამავიწყდა მთავარი – გოგიჩამ ერთი ღერი რუსული არ იცის. რამდენიმე საათში მას რადა დაატოვებინეს. არც ერთ გადამღებ ჯგუფს არა აქვს არც ერთი კომენტარი. პოლიტიკოსები შენობაში არიან და თავმჯდომარესთან თათბირობენ. გოგიჩა თვალს მიკრავს – ორი ექსკლუზივი მაქვსო -ლიტვინი და ტიმოშენკო.
როგორ-მეთქი, გადავირიე…
მასალა გადავახვიე და ვუსმენ. ცალ ხელში კამერით და მეორეში მიკროფონით ტიმოშენკოს ეუბნება – ია გრუზინსკი პარენ, ჩუტჩუტ მალენკი კომენტარიი… ტიმოშენკო მოეფერა და მისცა კომენტარი (იქ უკვე ყველა გვცნობდა და გვიცნობდა);
ინტერვიუ მეორე – ლიტვინს (პარლამენტის თავმჯდომარე იყო მაშინ) ეძახის – ნა ეტატ ჩას, ნა ეტა ვრემია, სიტუაცია კაკაია?
და აქვს მეორე ინტერვიუც… მთავარი ის იყო, რომ ლიტვინმა პირველად თქვა, რომ იუშენკოს ფიცს იურიდიული ძალა არ ჰქონდა. კიდევ ბევრი რამე ითქვა გოგიჩას კამერაში პირველად.
გამორჩეული იყო იუშენკოს შვილზე მომზადებული რეპორტაჟი, „დროებისთვის“. მახსოვს, როგორ ვტენიდით ანდრეის საკუთარ მანქანაში ჩქარა, რომ სხვა არხებს არ დაენახათ.
მე და გოგიჩა უკვე ყველას დავუმეგობრდით, შევიყვარეთ იქაური სამზარეულო, ვგიჟდებოდით კიევის ერთ ნაწილზე, რომელსაც პადოლს ეძახიან. იქ ოპოზიციის შტაბები იყო და მთელი პადოლი ნარინჯისფრად მორთული. ყველა წამყვანი ტელევიზიის ჟურნალისტს ვიცნობდით. ერთხელ გადაღებაზე მისულებს მესმის რეპლიკა – ძიანა ნოვოე პალტო კუპილა..
ჩემი გარდერობიც კი ზეპირად იცოდნენ.
დღეში რამდენიმე ჩართვა გვქონდა, როიტერის ბიუროდან. როცა ლაივი მთავრდებოდა, საეთეროში ჯონის სიყვარულს ვუხსნიდი (ჯონი ჩემი ქმარია და „იმედის“ რედაქტორი). პირდაპირი ეთერის შემდეგ როიტერის ტექნიკურ პერსონალს ვეკითხებოდი – აბა, როგორი ჩართვა მქონდა? და ისინიც იწყებდნენ ხუმრობას – ჯონიმ უკვე დაგვირეკა და მადლობა გვითხრა, რომ მისი გოგონა ასე კარგად ჩავრთეთ…
ეს ამბები 2004 წლისაა. კიევი ისევ ეპიცენტრია. ახლა იქ სხვა ჟურნალისტები მუშაობენ და ბევრად უფრო დიდი საფრთხის ქვეშ.
ეს წერილი კი არის ერთ ოპერატორ ბიჭზე, რომელსაც პროფესია ძალიან უყვარს.
მოსარჩელე ითხოვს საქართველოს სამოქალაქო კოდექსის 185-ე მუხლისა და 312-ე მუხლის მე-2 ნაწილის არაკონსტიტუციურად ცნობას, საქართველოს კონსტიტუციის 21-ე მუხლის პირველ და მეორე პუნქტებთან მიმართებით.
სადავო ნორმების თანახმად, საჯარო რეესტრში რეგისტრირებული პირი ითვლება უძრავი ნივთის მესაკუთრედ იმ შემთხვევაშიც კი, თუ იგი არ წარმოადგენს ნამდვილ მესაკუთრეს.
ასეთი პირის მიერ უძრავი ნივთის გასხვისების შემთხვევაში შემძენი ითვლება კეთილსინდისიერად და თავდაპირველი მესაკუთრე კარგავს უფლებას, მოითხოვოს ქონების დაბრუნება.
საქართველოს კონსტიტუციის 21-ე მუხლის თანახმად, საკუთრება და მემკვიდრეობის უფლება აღიარებული და ხელშეუვალია.
დაუშვებელია საკუთრების, მისი შეძენის, გასხვისების ან მემკვიდრეობით მიღების საყოველთაო უფლების გაუქმება.
მოსარჩელის მტკიცებით, სადავო ნორმები ეწინააღმდეგება საქართველოს კონსტიტუციის 21-ე მუხლით განმტკიცებულ საკუთრების უფლებას, რადგან მისი უძრავი ქონების დანაშაულებრივი გასხვისების შემთხვევაში, მესამე პირები, რომლებიც უძრავ ქონებაზე შეიძენენ საკუთრებას, კეთილსინდისიერი შემძენნი აღმოჩნდებიან და ის როგორც თავდაპირველი მესაკუთრე ვერ დაიბრუნებს კუთვნილ უძრავ ქონებას, რითაც ილახება მისი საკუთრების უფლება.
საქმეს არსებითად განიხილავს საკონსტიტუციო სასამართლოს მეორე კოლეგია.
ბატონო გიორგი, ქალაქის განვითარების კონცეფცია თუ გაქვთ?
ქალაქის განვითარების კონცეფციაზე ახლა ვმუშაობთ, ცოტა დროა დარჩენილი არჩევნებამდე, ადგილობრივი თვითმმართველობის არჩევნების ჩატარების შემდეგ ვინც იქნება ქალაქის მერი, გადაწყვეტს ამ საკითხს. რაღაც მონახაზები მაქვს, ვფიქრობ, ქალაქის ინფრასტრუქტურის რეაბილიტაცია არის მნიშვნელოვანი. კაპიტალური წყალგაყვანილობისა და საკანალიზაციო არხების გაკეთების შემდეგ, ასფალტის საფარით მოპირკეთდება ქუჩები ქალაქის გარეუბნებში.
როგორც მერი, რას შეცვლით ბათუმში, რა მოგწონთ და რა არ მოგწონთ ამ ქალაქში?
უამრავი აზრი მაქვს… ბევრი საკითხია, რომელთა მოგვარება და გადაჭრა მსურს, მაგრამ ამ წუთას სოციალური საკითხებია პრიორიტეტული, ვგულისხმობ იაფი სახლის პროექტს, ვფიქრობ ძალიან საინტერესო პროექტია. ჩემი ყველაზე დიდი სურვილია, ის ადამიანები, რომლებიც უსახლკაროდ არიან, ნორმალურ პირობებში ვაცხოვროთ. სახელმწიფოს თანამონაწილეობით ჩვენს თანამოქალაქეებს რომ გავუუმჯობესოთ საცხოვრებელი პირობები, ესაა ახლა ჩემი მთავარი მიზანი.
კონკრეტულად რომელ წლებში მუშაობდით ძალოვან უწყებებში და რა თანამდებობაზე?
განათლებით იურისტი ვარ, ივანე ჯავახიშვილის უნივერსიტეტი დავამთავრე, უნივერსიტეტში პედაგოგიურ საქმიანობას ვეწეოდი, შსს უწყებაში კორუფციასთან ბრძოლის სამსახურში ვმუშაობდი წლების განმავლობაში, დაცვის პოლიციის ხელმძღვანელიც ვიყავი. ვმუშაობდი შემოსავლების სამსახურში და კერძო კომპანიაშიც მოვასწარი მუშაობა.
როგორც იურისტი, როგორ ფიქრობთ, უნდა ისჯებოდეს თუ არა ადამიანი, რომელიც მარიხუანას მოიხმარს?
როგორც იურისტი, ამას სამართლებრივ შეფასებას ვერ მივცემ, მაგრამ როგორც რიგითი მოქალაქის აზრი, ჩემი დამოკიდებულება ამ საკითხთან მიმართებაში უარყოფითია. ვიცი, რომ სხვა ქვეყნებში ლეგალიზაციის პრაქტიკა არსებობს, მაგრამ მე მიუღებლად მიმაჩნია.
ხართ თუ არა რელიგიური?
კი, მე მართლმადიდებელი ქრისტიანი ვარ და ვცდილობ, კეთილსინდისიერი ვიყო. რამდენად გამომდის ეს, არ ვიცი.
როგორ უყურებთ ათეისტებს, იეჰოვას მოწმეებს?
ამ საკითხთან მიმართებაში მე ტოლერანტი ვარ, ყველას მისი შეხედულება აქვს. ეს ადამიანის პირადი ცხოვრებაა.
ბათუმში არის თუ არა გეიკლუბი, როგორ ფიქრობთ, უნდა იყოს თუ არა?
ყველა ადამიანის უფლებები საერთაშორისო კონვენციით დაცულია. კანონით რაც არ არის აკრძალული, ის დასაშვებია. მე ქრისტიანი ვარ, მართლმადიდებელი და ჩემს რწმენასა და შეხედულებებს ეწინააღმდეგება. ამას გპასუხობთ როგორც მოქალაქე ერმაკოვი და ვამბობ, რომ ეს ჩემთვის მიუღებელია.
ხართ თუ არ ნამყოფი ბორდელში?
პროფესიული საქმიანობიდან გამომდინარე არ მომწევია, როცა შს სამინისტროში ვმუშაობდი, ჩემი საქმიანობა იყო კორუფციულ გარიგებებთან ბრძოლა.
კორუფციული გარიგებები ახსენეთ, რა სქემებისა და კორიფციული გარიგების შესახებ გსმენიათ ბათუმის მერიასთან დაკავშირებით?
ამ კითხვაზე პასუხს ვერ ჩამოვაყალიბებ ახლა, მაგრამ თუკი მსგავსი რამ განხორციელდება მერიაში და ეს ჩემთვის გახდება ცნობილი, ჩვენი მხრიდან დაუყოვნებლივ რეაგირება მოჰყვება. ამის შესახებ ვაცნობებთ შესაბამის უწყებებს.
ხართ თუ არა რომელიმე პოლიტიკური პარტიის წევრი?
მმართველი გუნდის წევრი ვარ, თუ მკითხავთ მივიღებ თუ არა არჩევნებში მონაწილეობას, გიპასუხებთ, რომ ჩამოვყალიბდები და გადაწყვეტილებას მოგვიანებით მივიღებ.
ამჟამად ჩემი ცხოვრების 67-ე წელს ვითვლი, ანუ ვარ ასაკით პენსიონერი, შვილმა ირაკლიმ, ვიდრე პენსიაზე გავიდოდი, ორ-ნახევარი წლის წინ სადაზღვევო კომპანია „ჯი პი აი“ ჰოლდინგის 50-ლარიანი „მედი პრემიუმის“ პოლისით გამანებივრა. ყველაფერი ეს გაამართლა იმით, რომ ქვეყანას აქვს სახანძრო სამსახური, სადაც მეხანძრეები წლების განმავლობაში დომინოს თამაშში კლავენ დროს და არავის ახსოვს მათი არსებობა, მაგრამ ერთი უბედურება (ხანძარი) და ყველა იმედის თვალით შეჰყურებს მათ ოსტატობას, რომელზეც მთლიანადაა დამოკიდებული წლების განმავლობაში შექმნილი მატერიალური დოვლათის გადარჩენის ბედი.
ასეა სადაზღვევო პოლისიც.
ღმერთმა ნუ ქნას მისი საჭიროება, მაგრამ თუ მაინც დადგა ამის აუცილებლობა, მაშინ ნამდვილად დარჩები მზღვეველის მადლიერი. ჩემ შემთხვევაშიც ორწლინახევრის მანძილზე წელიწადში ერთხელ თუ შევუვლიდი ყურადღებიან და კვალიფიციურ პირად ექიმ თამრიკო დონდუას, რომლის მიმართვით ვაბარებდი მეზღვაურთა სამედიცინო ცენტრის ლაბორატორიას ანალიზებს, იმავე დღეს ვიღებდი პასუხს, რომ მაქვს შესაშური ჯანმრთელობა. ამით პრაქტიკულად მთავრდებოდა სადაზღვევო კომპანიის ზრუნვა ჩემს ძვირფასს ჯანმრთელობაზე.
მოხდა ისე, რომ 2012 წლის 22 სექტემბერს ავტოავარიის შედეგად მივიღე ზედა მარჯვენა კიდურის მხრის იდაყვთან შემაერთებელი ძვლის მრავლობითი მოტეხილობა. სასწრაფო დახმარების ბრიგადამ სამედიცინო ცენტრ `მედინაში~ გადამიყვანა. მკურნალობა მორიგე ქირურგ-ტრავმატოლოგ ლევან გვასალიას ანდეს, რომელმაც თავი დამამახსოვრა, როგორც მაღალი კვალიფიკაციის დაუზარელმა, გულისხმიერმა და პერსპექტიულმა ახალგაზრდა სპეციალისტმა. მან მრავლობითი მოტეხილობის მქონე მხარ-იდაყვის შემაერთებელი ძვლის გასამრთელებლად მეტალის ფირფიტა და ბურღხრახნი (შურუპები) გამოიყენა.
მკურნალობის მეთოდი წარმატებული გამოდგა. ოპერაციიდან მინიმუმ ერთი და მაქსიმუმ სამი წლის განმავლობაში საჭირო იყო მეტალის 35 სმ. ფირფიტის ამოღება. მე, რაღა თქმა უნდა, პირადი ექიმის მიმართვით კვლავ სამედიცინო ცენტრ „მედინას“ და მკურნალ ექიმ ლევან გვასალიას ვეწვიე, რომელმაც ჩასატარებელი გეგმიური ოპერაციისთვის 1129 ლარის ღირებულების ანგარიშფაქტურა მომართვა „ჯი პი აი“ ჰოლდინგში წარსადგენად.
ამ უკანასკნელმა (დეა ქაჯაია) როცა იხილა ინვოისი, განმიმარტა, რომ ვინაიდან მე მაქვს სახელმწიფო საპენსიო სადაზღვევო („იმედი L“) პოლისი, თანახმად ჩვენი შიდა შეთანხმებისა, მომსახურების ღირებულების 90 პროცენტი უნდა დააფინანსოს „იმედი L“-მა, ხოლო დარჩენილის 80 პროცენტს დააფინანსებდა „ჯი პი აი“ ჰოლდინგი. ჩემს პროტესტზე, რომ მე ვარ „ჯი პი აი“ ჰოლდინგის 50-ლარიან „მედი პრემიუმის“ მფლობელი და ყველა ლოგიკით მეკუთვნის 10 000 ლარის ფარგლებში გეგმიური ოპერაციის დაფინანსება, მათ ურცხვად გამიმეორეს კომპანიას და სახელმწიფოს შორის გარიგებაზე, რომლის კორუფციული ფესვები შეუიარაღებელი თვალითაც კარგად ჩანს (ცნობისათვის, ყველა ლოგიკით ზემოთ ნახსენები შეთანხმება გაფორმებულია 2012 წლის 22 სექტემბრამდე, ე.ი. „ნაციონალური ხელისუფლების“ დროს, მაგრამ ხალხზე ზრუნვით დამშვრალმა „საოცნებო“ ხელისუფალმა დღემდე ვერ მოიცალა მის გაკეთილშობილებაზე – ამჟამად წარმატებით აგრძელებენ მოსახლეობის ყვლეფას).
ჩემს პროტესტს და კანონიერ მოთხოვნას იმ კუთხით, რომ განმეორებით ოპერაცია წესით იმ ექიმის გასაკეთებელი იყო, ვინც თავის დროზე მკურნალობის ეს მეთოდი აირჩია, გაგებით მიუდგა და ბიუროკრატიასთან 25-დღიანი ჯახირის შემდეგ ლოგიკურ შედეგამდე მიიყვანა აჭარის ჯანდაცვის მინისტრის მოადგილემ, ბატონმა რომან ბოლქვაძემ, რომელმაც ისევ „იმედი L“-ი დაითანხმა მედინაში გეგმიური ოპერაციის ღირებულების – 1129 ლარის 90 პროცენტით, ანუ 1016 ლარით დაფინანსებაზე (დარჩენილი 123 ლარიდან წუწურაქმა „ჯი პი აი“ ჰოლდინგმა მხოლოდ 90 ლარი გამოიმეტა. იმ დროს თუ მე არ მექნებოდა სხვა დაზღვევა გარდა „ჯი პი აი“-სა, იგი ვალდებული იყო აენაზღაურებინა 903 ლარი. გულისხმიერებისა და გაწეული ჯაფისათვის ბატონ რომან ბოლქვაძეს გულწრფელი მადლობა.
ზემოთ აღწერილი ბატალიების შემდეგ მე დავინტერესდი, თუ რამდენით დააფინანსა „ჯი პი აი“ ჰოლდინგმა 2012 წლის 22-26 სექტემბერს „მედინაში“ ჩემს მკურნალობაზე გაწეული ხარჯები. აღმოჩნდა, რომ ნული ლარით. აქაც სახელმწიფოს ხარჯზე 3048 ლარის გადახდა აირიდა, რამეთუ თაღლითური ხელშეკრულება ამის საშუალებას აძლევდა. ამ ინფორმაციის გაგების შემდეგ მე „ჯი პი აი“-სთან ხელშეკრულება გავაუქმე.
მე, ერთი მოქალაქე, სახელმწიფო სამსახურს არ განვიხილავ, როგორც მამინაცვალს, რომელსაც რაც შეიძლება მეტი უნდა გამოსტყუო. მარტო ჩემს ეპიზოდში, რომ არა ზემოთ მოტანილი კორუფციული გარიგება, სახელმწიფო დაზოგავდა 3048 ლარს, რომლითაც შეეძლო შეშველებოდა სხვა შეჭირვებულს. სათაურში გამოტანილი აბჯარი, რომლითაც სადაზღვევო პოლისი იცავს ბენეფიციარებს, თაღლითური სქემის ნაწილი ხდება და უხილავი ხვრელით ქართული სადაზღვევო კომპანიები 65-68 პროცენტ წლიურ მოგებას იჯიბავენ მაშინ, როცა მსგავსი პროფილის კომპანიები მოწესრიგებულ დასავლეთში 4-6 პროცენტ მოგებას ყაბულდებიან.
„ქართული ოცნების“ მთავრობის შრომის, ჯანმრთელობის დაცვისა და სოციალური უზრუნველყოფის სამინისტრომ მინისტრ დავით სერგეენკოს რევოლუციური გადაწყვეტილებით, პირველად დემოკრატიული საქართველოს პირობებში, მოახერხა ის, რომ დღეს ქვეყანაში არ მოიძებნება არც ერთი კატეგორიის მოქალაქე, რომელსაც რაღაც დოზით არ შეხებია ჯანდაცვის პროგრამაში ჩართულობა. ეს ძალიან კარგია, მაგრამ არა – საკმარისი. გასაგებია, მთავრობას ამ ეტაპზე მეტის შესაძლებლობა არ გააჩნია, მაგრამ იგივე ჯანდაცვის სამინისტროს შეუძლია შექმნას მსურველთათვის დაზღვევის თანადაფინანსების პროდუქტი, რომელიც მე, 46 წლის სტაჟის მქონე პენსიონერს და მრავალ სხვა მსურველს, მოგვცემს შესაძლებლობას ჩვენსავე პენსიიდან, სახელმწიფოს მიერ ბოძებულ 15-ლარიან სადაზღვევო პაკეტს ჯიბიდან შევაშველოთ ხუთი, ათი, თხუთმეტი, ოცი და მეტი ლარი, რათა სამედიცინო დაზღვევის პოლისმა უფრო სრულყოფილად დაუფინანსოს ჩვენს მოქალაქეებს მკურნალობის ხარჯები.
შეჯიბრება ჩატარდება 15 წლამდე ასაკში 9 წონით კატეგორიაში 35; 40; 45; 50; 56; 62; 69; 77; +77 და 17 წლამდე ასაკში 9 წონით კატეგორიაში: 45; 50; 56; 62; 69; 77; 85; 94; +94.
პირად შეჯიბრებაში გაორება დასაშვებია ნებისმიერ წონით კატეგორიაში, არაუმეტეს 2 სპორტსმენისა.
შეხვედრის მიზანია იუნიორ ძალოსანთა საქართველოს პირველობისათვის ნაკრები გუნდის კანდიდატების შერჩევა, ძალოსნობის პოპულარიზაცია და განვითარება აჭარაში.
გამარჯვებული სპორტსმენები დაჯილდოვდებიან თასებით, მედლებითა და სიგელებით. ჩემპიონატის ორგანიზატორი აჭარის სპორტისა და ახალგაზრდობის საქმეთა დეპარტამენტი და აჭარის ძალოსნობის ფედერაციაა.
საქველმოქმედო ფონდის იდეის ავტორი შუახევის მუნიციპალიტეტის გამგებელი ტარიელ ებრალიძეა. ტარიელ ებრალიძესთან ერთად ფონდის დამფუძნებლები არიან იური ქათამაძე, ავთანდილ დიასამიძე, მიხეილ დავითაძე, ფრიდონ, რომან ფუტკარაძე და ზურაბ, გურამ და ზაზა ზოიძეები.
როგორც ფონდის ერთ-ერთი დამფუძნებელი ავთანდილ დიასამიძე ამბობს, ქველმოქმედებისთვის ფონდის ჩამოყალიბება არსებულმა მდგომარეობამ განაპირობა.
ავთანდილ დიასამიძე: „დღევანდელი ცხოვრების პირობებიდან გამომდინარე საქველმოქმედო ფონდის არსებობა არ თუ საჭირო, აუცილებელიც კი გახდა, ადამიანებს ჩვენი ფინასურ დახმარების გაწევა ესაჭიროებათ; ესენი არიან სტუდენტები, რომლებსაც სტატუსი არაერთხელ შეუჩერდათ, რადგან მათ ოჯახს არ აქვთ შესაძლებლობა საფასური გადაუხადოს; ავადმყოფები, რომელთა მკურნალობა არ ფინანსდება, ოჯახები, რომლებიც ერთჯერად დახმარებას საჭიროებენ და ა.შ. სწორედ ამ გარემოებამ გვიკარნახა დაგვეარსებინა საქველმოქმედო ფონდი, რომელიც ასეთ ადამიანებს დახმარებას გაუწევს. იდეა ბევრმა მოიწონა, ვისაც სურვილი აქვს შეუძლია თავისი წვლილი შეიტანოს და ხელფასის 1%-ი ქველმოქმედებას დაუთმოს“.
აჭარის უმაღლესმა საბჭომ თებერვალში ორი რუსულენოვანი ჟურნალი გამოიწერა: менеджмент и кадры психология управления – 4 ეგზემპლარი და политическая наука – 10 ეგზემპლარი. უმაღლეს საბჭოში სულ 26 დასახელების ჟურნალ-გაზეთი აქვთ გამოწერილი, მათ შორის: აჭარა; აჭარა პს; ბათუმელები; ალია; ახალი ვერსია; ახალი თაობა, კვირის ქრონიკა, კვირის პალიტრა, საქართველოს რესპუბლიკა, რეზონანსი, ლელო, ასავალ-დასავალი, საპატრიარქოს უწყებანი, კარიბჭე, ეკონომიკა, საქართველოს ეკონომიკა, ოჯახის მკურნალი, ადვოკატი მეოხი, ჩემი ქობულეთი, ქედა, შუახევი, ხულო, менеджмент и кадры психология управления; политическая наука. უმაღლესი საბჭო ჟურნალ-გაზეთების შესაძენად სულ 4385 ლარს ხარჯავს.
23 დასახელების ჟურნალ-გაზეთი აქვს გამოწერილი აჭარის მთავრობას. მათ შორის: აჭარა, აჭარა პს, ბათუმელები, ახალი ვერსია, ახალი თაობა, ასავალ-დასავალი, ალია, ქრონიკა, კვირის პალიტრა, 24 საათი, რეზონანსი, ტაბულა, ეკონომიკა, ლიბერალი, საქართველოს ეკონომიკა, პრაიმ ტაიმი, საქართველოს რესპუბლიკა, გადასახადები და აღრიცხვა, ბუღალტრული აღრიცხვა, ведомости, коммерсант, Georgia today, Georgian Journal – სულ 2285 ლარის ღირებულების ჟურნალ-გაზეთი.
16 დასახელების ჟურნალ-გაზეთს ეცნობიან ბათუმის მერიაში. ეს ჟურნალ-გაზეთებია: აჭარა, აჭარა პს, ბათუმელები, ახალი ვერსია, ახალი თაობა, ასავალ-დასავალი, ალია, ალია ქრონიკა, ბუღალტრული აღრიცხვა ანგარიშგება, გადასახადები და აღრიცხვა, გადასახადები, კვირის პალიტრა, 24 საათი, პრაიმტაიმი, რეზონანსი, საქართველოს რესპუბლიკა. პრესის შესაძენად მერია წელწადში 3 499 ლარს იხდის.
ბათუმის საკრებულოში კი 13 დასახელების ჟურნალ-გაზეთი აქვთ გამოწერილი. ესენია: აჭარა, აჭარა პს. ბათუმელები, ასავალ-დასავალი, აუდიტი აღრიცხვა ბიზნესი და მენეჯმენტი, ალია, ალია ქრონიკა, კვირის პალიტრა, WEEKEND, რეზონანსი, საქართველო და მსოფლიო, საქართველოს რესპუბლიკა და ქრონიკა +. საკრებულო ჟურნალ-გაზეთებისათვის წელიწადში 4775 ლარს იხდის.
აჭარის განათლების სამინისტროში 11 დასახელების ჟურნალ-გაზეთი აქვთ გამოწერილი: აჭარა, ახალი განათლება, ალია, ასავალ-დასავალი, ბათუმელები, ბუღალტრული აღრიცხვა, აუდიტი, აუდიტი, აღრიცხვა, ფინანსები, კვირის პალიტრა, საპატრიარქოს უწყებანი და 24 საათი – სულ 966 ლარის ღირებულების ჟურნალ-გაზეთი.
ათი დასახელების ჟურნალ-გაზეთი აქვს გამოწერილი საქართველოს საკონსტიტუციო სასამართლოს, რომელიც ბათუმში მდებარეობს. ბათუმელები, ახალი ვერსია, ალია, ალია ქრონიკა, Georgia today, კვირის პალიტრა, ლიბერალი, 24 საათი, პრამტაიმი, რეზონანსი. – ამ ჟურნალ-გაზეთებისათვის საკონსტიტუციო სასამართლო სულ 2099 ლარს იხდის.
შვიდი დასახელების ჟურნალ-გაზეთი აქვს გამოწერილი აჭარის სოფლის მეურნეობის სამინისტროს. აჭარა, ალია, რეზონანსი, ბათუმელები, აგრარული საქართველო, აუდიტი აღრიცხვა ბიზნესი და მენეჯმენტი, кормопроизводство. პრესაში ეს სამინისტრო 1960 ლარს ხარჯავს.
ყველაზე ნაკლები, ექვსი დასახელების, ჟურნალ-გაზეთები აჭარის ფინანსთა და ეკონომიკის და ჯანმრთელობისა და სოციალური დაცვის სამინისტროებს აქვთ გამოწერილი.
აუდიტი, აღრიცხვა, ფინანსები, ბიზნესი და მენეჯმენტი; ბუღალტრული აღრიცხვა, გადასახადები და აღრიცხვა, ეკონომისტი, ბათუმელები და აჭარა – ამ ჟურნალ-გაზეთების შესაძენად აჭარის ფინანსთა სამინისტრო წელიწადში 455 ლარს ხარჯავს.
ჯანდაცვის სამინისტროში კი ჟურნალ-გაზეთების – აჭარა, აჭარა პს, ბათუმელები, ბუღალტრული აღრიცხვა, კვირის პალიტრა და 24 საათი – შესაძენად წელიწადში 671 ლარი იხარჯება.
რაც შეეხება აჭარის პროკურატურას, სახელმწიფო შესყიდვების სააგენტოს მონაცემების თანახმად, ჟურნალ-გაზეთებს აქ არც გასულ წლებში იწერდნენ და არც წელს არ გამოუწერიათ.
შსს-ს ინფორმაციით, სამართალდამცავებმა ბრალდებული ბათუმში, ლერმონტოვის ქუჩაზე იმ დროს დააკავეს, როცა იგი ავტომანქანით გადაადგილდებოდა. დაკავებულის ჩხრეკისას ამოიღეს „ბერეტას“ სისტემის ცეცხლსასროლი იარაღი ერთი მჭიდითა და 4 საბრძოლო ვაზნით.
გამოძიება ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვისა და ტარების ფაქტზე მიმდინარეობს (საქართველოს სსკ-ის 236-ე მუხლის 1-ლი და მე-2 ნაწილებით).
ამირან კახიძის განმარტებით, წიგნში მოცემულია ბათუმის ციხეზე, ფიჭვნარის ანტიკური ხანის სამაროვანზე, გონიო-აფსაროსის მუზეუმ-ნაკრძალის ტერიტორიაზე, სოფელ ჩაისუბანში, სოფელ ერგესა და სოფელ ფურტიოში აღმოჩენილი ნივთების ფოტომასალა და ინფორმაცია.
წიგნი 1000 ეგზემპლარად კულტურული მემკვიდრეობის სააგენტოს ფინანსური მხარდაჭერით გამოიცა, მის დასაბეჭდად 11 500 ლარი დაიხარჯა.
კულტურული მემკვიდრეობის სააგენტოს პრესსამსახურის ინფორმაციით, წიგნი არ გაიყიდება, იგი საჩუქრად გადაეცემა მეცნიერებსა და დაინტერესებულ პირებს.
წიგნის პრეზენტაციას ბათუმის განათლების მინისტრი გიორგი თავამაიშვილი, ბათუმის საკრებულოს თავმჯდომარე ირაკლი ჩავლეიშვილი და სხვა სტუმრები ესწრებოდნენ.
კონკურსში მონაწილეობის მიღება შეუძლია აჭარაში არსებული საჯარო და კერძო სკოლების დაწყებითი საფეხურის მეხუთე და მეექვსე კლასის 7 მოსწავლისგან დაკომპლექტებულ თითო გუნდს.
კონკურსი შედგება ორი ტურისაგან. მონაწილეობის მსურველმა სკოლამ 2014 წლის 10 მარტის ჩათვლით შესაბამის რესურსცენტრს უნდა მიაწოდოს ინფორმაცია კონკურსში მონაწილე მოსწავლეების შესახებ.
მუნიციპალიტეტის გამგეობის ინფორმაციით მცირემიწიან ფერმერთა ხელშეწყობის პროგრამით წელს 20 634 ქობულეთელი ფერმერი ისარგებლებს, მათ შორის 3 907 ბენეფიციარს სახნავი სამუშაოების საწარმოებლად საჭირო ბარათები დაურიგდებათ, ხოლო დანარჩენები ე.წ. „აგრობარათებით“ ისარგებლებენ.
ქობულეთში კი „ნაციონალური მოძრაობის“ ქობულეთის ორგანიზაციის თავმჯდომარედ ქობულეთის მუნციპალიტეტის საკრებულოს თავმჯდომარე ელგუჯა ბაგრატიონი აირჩიეს.
„ნაციონალური მოძრაობის“ პრესსამსახურის ინფორმაციით, ელგუჯა ბაგრატიონს 70 დელეგატიდან 60-მა დაუჭირა მხარი.
ადვოკატთა ასოციაციის წარმომადგენელი ბათუმში ლელა ბჟალავა ადვოკატთა ასოციაციის ეთიკის ხელმძღვანელს, ციცინო ცხვედიანს მიმართავს და ფაქტზე რეაგირებას სთხოვს. მისი განმარტებით, ნიკოლოზ მჟავანაძემ დაარღვია ეთიკის ნორმები, როცა მან ადვოკატთა ასოციაციის კორპუსს და ასოციაციის თავმჯდომარეს ზაზა ხატიაშვილს საჯაროდ სიტყვიერი შეურაცხყოფა მიაყენა.
ადვოკატმა ნიკოლოზ მჟავანაძემ გუშინ პრესკონფერენციაზე განაცხადა, რომ მისთვის მიუღებელია ის განცხადებები, რაც ზაზა ხატიაშვილმა ადვოკატ გიორგი ონიანთან დაკავშირებით გააკეთა. ხატიაშვილმა აღნიშნა, რომ გიორგი ონიანის მიმართ პოლიტიკური დევნა ხორციელდება.
ზაზა ხატიაშვილი ამ ბრალდებას აბსურდულს უწოდებს.
ბათუმის გამწვანებისა და ლანდშაფტური დაგეგმარების სამსახურმა ხებუჩქოვანი მცენარეების შესაძენად ტენდერი 200 ათას ლარზე გამოაცხადა, ტენდერი უკვე დასრულებულია, გამარჯვებული, შპს „საქართველოს ნერგები“ ბათუმის გამწვანების სამსახურს მცენარეებს 170 ათას ლარად მიაწვდის. მცენარეების ნერგების შემოტანა და დარგვა მარტის ბოლოსაა დაგეგმილი.
170 ათასი ლარი 20 სახეობის მცენარის შემოტანაზე დაიხარჯება, ჯამში სულ 1340 ძირი ხებუჩქოვანი მცენარის შეძენაა გათვალისწინებული. მათ შორისაა 50 ძირი საკურა. ერთი ძირი საკურას ფასი, სატენდერო წინადადების თანახმად, 117 ლარი და 55 თეთრია. 50 ძირი საკურას შესაძენად სულ 5875 ლარი დაიხარჯება.
იმ მცენარეებიდან, რომელსაც წელს ბათუმში დარგავენ, ყველაზე ძვირადღირებულია მაგნოლია დიდყვავილა – 281 ლარი; კამელიები – 271-262 ლარი და წითელი ნეკერჩხალი- 231 ლარი.
ნუნუ
ნუნუ 86 წლისაა. მისი კომუნისტი მამა სხვადასხვა თანამდებობაზე მუშაობდა, აჭარის სოფლის მეურნეობის მინისტრიც კი იყო. ძმა პირველი ბათუმელია, რომელმაც სორბონის უნივერსიტეტში ხარისხი დაიცვა. ნუნუ ასპირანტურისთვის დაიწუნეს, თბილისელმა პროფესორებმა, რომლებიც ნუნუს მაშინ „ღმერთებად მიაჩნდა“, „აჭარიდან პირველ ქალს მხოლოდ ანკეტის გამო“ უთხრეს უარი.
ნუნუს ახსოვს, ერთ-ერთმა ბიძამ 10 წლის ბავშვს ეზოში „ტროცკისტის ბარტყი“ რომ დაუძახა. ფიქრობს, რომ შეიძლება ეს თავის გადასარჩენად დასჭირდა.
მამაზე ყვება და ცრემლი სდის. თეა ამბობს, რომ ბებიას თვალზე ცრემლი არ ახსოვს. ნუნუ იმან ააფორიაქა, რომ მისი ისტორია ხალხმა უნდა გაიგოს.
მამა
ნუნუს მამა, მევლუდ ოქროპირიძე ზუგდიდში დააკავეს. ბრალდება – ანაკლიაში საიდუმლო ანტისახელმწიფოებრივ კრებაზე დასწრება. მაშინ ის ჩაისა და სუბტროპიკული კულტურების კვლევითი ინსტიტუტის დირექტორი იყო. ნუნუ დედის – ფატის მონათხრობს იხსენებს.
ზუგდიდელი კაკებეშნიკი მისულა მამასთან და ერთი ბინა უთხოვია, საყვარლისთვის. მამა სახლს ინსტიტუტის მუშებისთვის აშენებდა. `უთხრა, სამაგიეროს თუ მომცემ, დაგითმობ ბინასო. ამაზე გაბრაზებულა კაკებეშნიკი. `უარი როგორ გაბედე და გამაწბილეო~. ამის გამო მამა დააპატიმრეს.
„მგონი M-1 რომ ეძახდნენ, იმ მანქანით მოვიდა ორი კაცი. ჩხრეკის სცენა არ მინახავს, ეზოში ვიყავი. მამა მაშინ დავინახე, როცა მანქანაში სვამდნენ. 10 წლის ვიყავი“.
მამა აღარ დაბრუნებულა – „ტროიკამ“ 10 წლით კიროვის ოლქში გადაასახლა.
ხუბუა და ხაბურზანია – ამ ორმა გლეხმა მოაწერა ხელი მევლუდის დასმენას. ერთ-ერთმა უთხრა კიდეც მევლუდს `საშვილიშვილო ცოდვა ჩავიდინე, მაგრამ ცემაში მომკლეს, შენ თავს ჩემი თავი ვარჩიე. თუ სასამართლო იქნება, ყველაფერს ვიტყვიო“. მაშინ სასამართლო არ ხდებოდა. მამის ბედი ტროიკამ გადაწყვიტა.
ნუნუმ იცის იმ კაცის გვარი, ვინც მამა დააპატიმრა, მაგრამ არ უნდა მისი დასახელება: `შთამომავლობა ჰყავს. ნორმალურად აღზრდილები თუ არიან, გული ეტკინებათო“.
მამა ბერიას ცოლის კურსელი ყოფილა.
დედა
„მორცხვი, ნაზი ქალის სხეულში საიდან ამდენი ძალა, დღემდე ვერ ვხვდები“, – ამბობს ნუნუ. ფატის მეუღლის დაპატიმრების დროს გული წაუვიდა. მერე იყო მტანჯველი წლები სამ შვილთან ერთად. სოფელში დაბრუნებული ჩაის კრეფდა. ღამღამობით ანგარიშობდა, ერთი კილო კარაქის საყიდელი ფული თუ გამოიმუშავა. ომის წლებში ტყიდან შეშის ნაფოტებს `მეშოკებით ეზიდებოდა“.
მერე ბათუმში, ქუთაისის ქუჩაზე, ერთ ოთახში ცხოვრობდნენ. დედას ქვაფენილით მოკირწყლულ ქუჩაზე ურიკების ხრიგინი აშინებდა, ხრუშოვის მოსვლამდე. ელოდა, რომ მასაც წაიყვანდნენ და თადარიგი დაიჭირა. თავის დისშვილს, რომელიც თითქმის მისი ტოლი იყო, სთხოვა, თუ გადამასახლეს, ხელის საკერავი მანქანა და ყველაფერი, რაც მაქვს, შენი იყოს, ოღონდ შვილებს უნდა მიმიხედოო“.
„დედას როცა ძალიან უჭირდა – ღმერთმა ჩემსავეთ სტალინის და ბერიას ცოლშვილიო, ვითომ წყევლიდა მისებურად“.
წერილები
მევლუდი გადასახლებიდან წერილებს აგზავნიდა – დახმარებას ითხოვდა. ერთხელ ნუნუსაც მოსწერა – შვილს სთხოვა, სტალინისთვის ხმა მიეწვდინა. თუ რა უნდა მიეწერათ ბავშვებს ბელადისთვის, იქვე ეწერა. წერილი ასე იწყება: „საყვარელო დიდო ბელადო, მამავ და მასწავლებელო“.
იყო სხვა წერილებიც:
„ძმაო ხუსეინ, იცოდე, რომ სიცრუეა ჩემზე წამოყენებული ბრალდება…“
„ძვირფასო დაო რეხიმევ!… ამანათზე არაფერს ვწერ, რადგან იცით, რომ მე უამანათოდ ძალიან გამიჭირდებოდა სიცოცხლის შენარჩუნება. უსუფმა მის ტანზე შეაკერინოს ბლუზი, რომ გამომიგზავნა, ისეთი ან უფრო უბრალო მატერიიდან, გალიფე შარვალიც გამომიგზავნოს“…
„ძმაო ხუსეინ, ერთ დროს თუ იყო მორიდება და თითქოს საშიშიც ძმებისგან გამოხმაურება, ეს პერიოდი წავიდა და ახლა ძმებიც კი კითხულობენ ძმის ამბავს. საშიში და სათაკილო არ არის მე მგონი…. ფატის არ შეუძლია თბილისში წასვლა, რიგში დგომა და პროკურორის ნახვა, მაგრამ ძმებმა ცოტა რამე იზრუნეთ, ბიჭო!“
მევლუდ ოქროპირიძე სახლში არ დაბრუნებულა. ოჯახმა კიროვიდან მიიღო წერილი იმის შესახებ, რომ მისი საფლავი არ არსებობს.
სტალინი
ფატიმ, ისე როგორც ნუნუმ, მაინც იტირა სტალინის გარდაცვალების გამო. „რადიოში ვისმენდით, ავად არისო. ერთ დღესაც, დილის 6 საათზე, გემების საყვირის ხმა გავიგონეთ; ალბათ, სტალინი მოკვდაო, დედამ. ასე მახსოვს, 04:06 საათზე მოკვდა. არ გაგიკვირდეთ, სტალინის გარდაცვალება ჩვენ არ გაგვხარებია“.
ნუნუ ცდილობს მაშინდელ ტირილს ახსნა მოუძებნოს: „სტალინი არაფერ შუაში იყო, კეკებეშნიკები ჰყავდა მიშვებული სრულუფლებიან ძაღლებად. ბერია უბოროტესი კაცი აღმოჩნდა.
პრესიდან მახსოვს, სტალინი უგონო მდგომარეობაში რომ იყო, თურმე ცეკას წევრები დასცქეროდნენ. ჩათვალეს, რომ მოკვდა. ბერიას უთქვამს – „ვზდოხ იშო ადინ ტირან“. ამ დროს სტალინს თვალი გაუხელია. ბერია მუხლებზე დაცემულა და იძახდა, `პრასტი ტავარიშ სტალინ“.
ერთხელ ბიძამ მითხრა – ულვაშამ მამა წაგართვა და მაგი გიყვარსო? მე არაფერი მითქვამს. ჩვენ პიონერულ ორგანიზაციაში გვზრდიდნენ… ახლანდელი ადამიანი ბევრი რამისგან გათავისუფლდა“.
თეა
„ევროპის ერთ-ერთ უნივერსიტეტში ლექციის წასაკითხად მიმიწვიეს. სტუდენტებს დიდად არ აინტერესებდათ ჩემი მოსმენა. მე მათ ვუთხარი, რომ ჩემი ოჯახის მაგალითზე მოვუყვებოდი ერთი ადამიანს ბედს, თუ როგორ გააქრეს 37 წელში. ეს იყო ემოციური მომენტი ჩემთვის, პირველად ცხოვრებაში, ევროპის შუაგულში, ულამაზეს ადგილზე ვგრძნობდი ვენდეტას – ამით ვუხდიდი სამაგიეროს იმ რეჟიმს.
მოვყევი იმაზე, თუ როგორ მეზიზღებოდა ფორტეპიანო ბავშვობაში. როცა გავიზარდე, მაშინ მოვისმინე, რომ ბებია ბავშვობაში ოცნებობდა ფორტეპიანოზე. მივხვდი, რომ ის, რასაც მე ვერ ვაფასებ, ბებიასთვის იყო მწვერვალი – ბედნიერებასა და მამასთან დაკავშირებული ნივთი. ამას რომ ვყვებოდი, ახალგაზრდები ცხარე ცრემლებით ტიროდნენ… რაც იმ მომენტში ვიგრძენი, ნამდვილი კათარზისი იყო“.
16 წლამდელთა 2014 წლის აჭარის ჩემპიონები: ირაკლი ახვლედიანი, ანრი სურმანიძე, დიმიტრი ჯიბუტი, ნატა ჯიბუტი ბათუმის სასპორტო სკოლაში, საჭადრაკო კლუბ „ნონას“ ბაზაზე ვარჯიშობენ, ანა გოგიტიძე და ია საფარიძე კი – ქობულეთის სასპორტო სკოლაში. ისინი, როგორც აქამდე, ჩვეულებრივ რეჟიმში აგრძელებენ მეცადინეობას, ოღონდ ფულს არ იხდიან და მათ ვარჯიშს მეტ ყურადღებასა და დროს უთმობენ მწვრთნელები.
მერაბ ნაგერვაძე
ქობულეთის სპორტსკოლის მწვრთნელი თენგიზ ხალვაში ამბობს, რომ მარტო ყურადღება საკმარისი არ არის და ბავშვებს ყველაზე მეტად ამხანაგური შეხვედრები და გასვლითი ტურები წვრთნის, რაც ფინანსური სიმწირის გამო ვერ ხერხდება.
„საქართველოს პირველობაზე გასვლამდე უნდა შეეძლოს ფედერაციას ან აჭარის დეპარტამენტს, ვთქვათ, თურქეთში გაიყვანოს ამხანაგურ შეხვედრაზე. ეს არის ერთგვარი ცოდნის შეჯამება. ასეთი სახის წვრთნები ოთხი-ხუთი თვის მეცადინეობის ტოლფასია. ბათუმის სასპორტო სკოლის ანგარიშზე ქობულეთელი მოჭადრაკეები ვერ მიიღებენ შეკრებაში მონაწილეობას. მაშინ აჭარის ნაკრები უნდა ჩამოყალიბდეს და მისი საწვრთნელი შეკრებებისთვის თანხა გამოიყოს“.
აჭარის ჭადრაკის ფედერაციის გენერალური მდივანი ქეთევან მუხაშარია კი განმარტავს, რომ შეკრებებისთვის საკმარისი თანხა ფედერაციას არ გააჩნია.
„გარდა ამისა, ასეთი რამ არ ხდება აჭარის ჭადრაკის ჩემპიონატებზე. აქ ნაკრები არ დგება. ნაკრები უფრო დიდ დონეზეა. ეს არის ინდივიდუალური ჩემპიონატი. ნებისმიერ ასაკში ვინც იმარჯვებს, მას ჰყავს თავისი მწვრთნელი და გამარჯვებულს ისინი ამზადებენ“.
„ჭადრაკის ფედერაცია პრიორიტეტულ სახეობაში გადავიდა და აჭარას აქვს პრეტენზია, ჭადრაკში იყოს მოწინავე“, – უთხრა „ბათუმელებს“ აჭარის სპორტისა და ახალგაზრდულ საქმეთა დეპარტამენტის უფროსმა მერაბ ნაგერვაძემ. „ – თუკი საქართველოს ჩემპიონი იღებდა 1500 ლარს, ახლა 2500 ლარს აიღებს“. მისი თქმით, ეს ცვლილება, ბოლო ერთი წლის შედეგებიდან გამომდინარე განისაზღვრა, როცა სხვადასხვა ასაკის აჭარის მოჭადრაკეებმა: ნინო ბაციაშვილმა, სალომე მელიამ, ნოდარ ლორთქიფანიძემ, ეკატერინე ცივაძემ, ირაკლი ახვლედიანმა და გაიოზ ნიგალიძემ საპრიზო ადგილები მოიპოვეს.
2013 წელს მიღწეული ამ შედეგების გამო, გასულ წელთან შედარებით, დეპარტამენტმა ფედერაციას 10 ათასი ლარით გაუზარდა დაფინანსება – 2014 წელს ფედერაციას საჭადრაკო ღონისძიებებისთვის 32 ათასი ლარი ექნება. თუმცა ამ თანხაში არ არის გათვალისწინებული 16 წლამდელთა შორის გამოვლენილი ექვსი გამარჯვებულის საწვრთნელი შეკრება. ქეთევან მუხაშარიას თქმით, ფედერაცია პირველი ადგილის მფლობელებს, თავიანთ მწვრთნელებთან ერთად, საქართველოს ჩემპიონატზე მხოლოდ გამგზავრების, ღამის გათევისა და კვების ხარჯებს დააფინანსებს.
გამარჯვებულები ქობულეთიდან – ანა გოგიტიძე 7 წლამდელთა, ხოლო ია საფარიძე 12 წლადელთა ასაკში – ქობულეთის კომპლექსურ სასპორტო სკოლაში საქართველოს ჩემპიონატისთვის დღეჩაგდებით მეცადინეობენ. მწვრთნელები მათ საკუთარი ძალისხმევით ამზადებენ.
„მეცადინეობის ხანგრძლივობა ასაკის მიხედვითაა. მაგალითად, 7 წლამდე ასაკისთვის საათი და 20 წუთის მეტი არ უნდა იყოს, 12-წლიანებში ორი საათი ან ორ საათ-ნახევარია განსაზღვრული. თამაშის დროს თითოეულ პარტიასა და სვლას ვაშუქებთ, ბავშვს ვეუბნებით – შენ ეს კარგად ითამაშე, ეს სვლა კარგია, ეს არ ვარგოდა, ამის მაგივრად ეს რომ გეთამაშა, უკეთესია. ასე კუს ნაბიჯებით მივდივართ წინ“.
თენგიზ ხალვაში ამბობს, რომ ხშირად შეჯიბრება მშობლების ხარჯითაც ტარდება. მიუხედავად ამისა, იას მამა – დავით საფარიძე ამბობს, რომ ჩემპიონის მომზადება განსაკუთრებულ სირთულეებთან არ არის დაკავშირებული, მთავარი ბავშვის სურვილია.
„ია მეექვსე კლასშია, ბავშვობიდან მიეჩვია თამაშს. რვა და ათი წლის ასაკში მოიპოვა აჭარის ჩემპიონობა. წელს 12-წლიანებში გაიმარჯვა. მას ძმები – ამირანი და ბაგრატ მჟავანაძეები წვრთნიან. მეცადინეობაზე დღეგამოშვებით დადის. დანარჩენს სახლში ვარჯიშობს“, – ამბობს იას მამა.
60 წლის გამოცდილების მქონე საერთაშორისო არბიტრის გურამ ჭანტურიას შეფასებით, ძალიან ნიჭიერი თაობა მოდის და უფრო და უფრო მეტი ახალგაზრდა ინტერესდება ჭადრაკით, მათ კი აუცილებლად სჭირდებათ წახალისება.
ახალგაზრდებისთვის ხელშეწყობის აუცილებლობას სპორტისა და ახალგაზრდულ საქმეთა დეპარტამენტის უფროსიც ხედავს, აჭარის სპორტის სფეროში ფინანსური დახმარების ზრდის ტენდენციააო, აღნიშნავს ის. ამის ფონზე მერაბ ნაგერვაძე მომავალში ჭადრაკის ფედერაციის დაფინანსების გაზრდას ვარაუდობს.
საქართველოს გამოცდების ეროვნული ცენტრის პრესსამსახურის განმარტებით, ქართული ენის საგამოცდო ტესტი, რომელიც არაქართულენოვან სკოლაში მომუშავე პედაგოგის უნარებსა და ცოდნას შეამოწმებს, ეროვნული სასწავლო დეპარტამენტის თანამშრომლებმა შექმნეს. ახალი საგნების შესახებ დამატებითი ინფორმაცია კი მოგვიანებით გამოქვეყნდება.
მოქმედი პედაგოგები, რომლებიც პირველად მონაწილეობენ სასერტიფიკატო გამოცდებში, გამოცდის ჩაბარებისთვის რეგისტრაციას უფასოდ გაივლიან. იმ პედაგოგებისათვის, რომლებმაც ერთხელ უკვე მიიღეს მონაწილეობა სასერტიფიკატო გამოცდებში და ვერ გადალახეს ზღვარი, ერთ გამოცდაზე გასვლის ფასი 25 ლარია, ხოლო იმ პედაგოგებს, ვინც გადალახეს ზღვარი კონკრეტულ გამოცდაში და სურთ შედეგის გაუმჯობესება, ერთი გამოცდის ჩაბარებისთვის 50 ლარის გადახდა მოუწევთ.
შეფასებისა და გომოცდების ეროვნული ცენტრის ინფორმაციით ამ დროისთვის 250-ზე მეტი მასწავლებელია დარეგისტრირებული.
რეგისტრაცია 20 თებერვალს დაიწყო და 21 მარტს 18:00 საათამდე გაგრძელდება.
2014 წელს მასწავლებლები სასერტიფიკატო გამოცდებს შემდეგ საგნებში ჩააბარებენ:
ამ საკითხთან დავავშირებით, დღეს შენგელიების ოჯახს აჭარის ჯანმრთელობისა და სოციალური დახმარების მინისტრის მოადგილე ლევან გორგილაძე, „წითელი ჯვრის“ ბათუმის ორგანიზაციისა და კომპანია „აჭარა ლაზურის“ წარმომადგენლები ესტუმრნენ.
როგორც ჯანდაცვის მინისტრის მოადგილემ ლევან გორგილაძემ აღნიშნა, არ არსებობს კონკრეტული პროგრამა, რომლითაც ტყუპების ყოლის შემთხვევაში სახელმწიფო ოჯახს, უშუალოდ საკვები პროდუქტებითა და ჰიგიენური საშუალებებით უზრუნველყოფს.
„თუკი ვინმე მოგვმართავს, ჩვენ ვეძებთ დონორ ორგანიზაციებს. შენგელიების ოჯახმა კი დახმარებისთვის გასულ წელს მოგვმართა“-ამბობს გორგილაძე.
2014 წელს, აჭარის ჯანდაცვის სამინისტროში ამოქმედდა პროგრამა – „ახალშობილი ტყუპების ოჯახების ერთჯერადი მატერიალური დახმარება“, რომელიც თითოეულ ტყუპის ცალზე, ათასი ლარით დახმარებას გულისხმობს. შენგელიების ოჯახი სახელმწიფოს ამ პროგრამით არ სარგებლობს, რადგანაც ტყუპები მათ 2013 წელს შეეძინათ.
სამაშველო სამსახურის უფროსის, მამუკა თურმანიძის ინფორმაციით, ამ წუთებში მდინარიდან ავტომობილის ამოტანას მაშველები ცდილობენ. მისივე ინფორმაციით, შემთხვევის დროს არავინ დაშავებულა.
ბინაში, სადაც ლელა უნებართვოდ მცირეწლოვან გოგონასთან ერთად ცხოვრობს, მხოლოდ ორი სკამი, პატარა მაგიდა, საწოლი და შეშის ღუმელია განთავსებული. ბინას არ მიეწოდება ელექტროენერგია, საჭმელს და შეშას ლელას მშობლები აწვდიან.
ლელა: „საკუთარი სახლი არ გამაჩნია, არ ვმუშაობ, ეპილეფსიით დაავადებული შვილი მყავს, 8 წლის განმავლობაში ხან სად ვცხოვრობდი და ხან – სად. ვის არ ვთხოვე დახმარება, ვის არ მივმართე: ადგილობრივ ხელისუფლებას, ჯანდაცვის სამინისტროს, თბილისშიც გავგზავნე წერილობითი მოთხოვნა, ჩვენმა ჯანმრთელობის მინისტრმა საცხოვრებლით თუ არა, ფინანსურად მაინც დაგეხმარებიო, მაგრამ არავინ მომაქცია ყურადღება, არავინ დამეხმარა, არ გაითვალისწინეს ჩემი პრობლემები, ავდექი და თვითნებურად შემოვედი ეკომიგრანტთა სახლში, რა მექნა? სხვა გზა არ მქონდა.
ბინა თვითნებურად დავიკავე, რადგან არ მეხმარებიან, მეუბნებიან, სახლი დამეწყრილებისთვის არის განკუთვნილი, შენ ვერ გაგაჩერებთო, მუნიციპალიტეტის გამგებელს მოვუბოდიშე და ვუთხარი სხვა გზა არ მქონდა, მან კი მითხრა, გამოგაგდებ, ვერ დაგტოვებ, ბინა თუ გინდა, იქირავე და იცხოვრეო.
რით ან რანაირად ვიქირაო, რატომ არ მეკითხებიან? ჩვენი შემოსავალი ჩემი შვილის 100-ლარიანი პენსიაა, რომელსაც მამის გარდაცვალების შემდეგ იღებს. 100 ლარით დღეს თავს ირჩენს ვინმე? ბავშვს ჭამა არ უნდა? ჩაცმა არ სჭირდება?!
ერთი წლის იყო ბავშვი, როცა ქმარი გარდამეცვალა, წამოვედი და მას შემდეგ ვარ უსახლკაროდ, ხან მშობლებთან ვცხოვრობდი, ხან – ნათესავებთან.
ეკომიგრანტთა სახლში უკანონოდ პირველად ზაფხულში შემოვედი, მაშინ პოლიციელები მოვიდნენ, ასე მითხრეს – ახლა საკუთარი ნებით გამოდი და ჩვენ მოვაცემინებთ ბინას, ვიცით გეკუთვნისო. მეც გამოვედი, რომ არ მომცეს, ისევ შემოვედი“.
ლელას 9 წლის ბავშვი ეპილეფსიით არის ავად. როგორც დედა ამბობს, მისი მთავარი საფიქრალი მისი შვილია, რომელსაც ყოველწლიურად მკურნალობა სჭირდება, რის საშუალებაც მშობელს არ აქვს. ლელას თქმით, ადგილობრივი ხელისუფლება მხოლოდ ეპილეფსიის ერთ მედიკამენტს სთავაზობს უფასოდ.
ლელა: „ბავშვს ერთი წლის ასაკიდან ვმკურნალობ. მკურნალობის კურსი 500 ლარი ჯდება და ყველა წელიწადს უნდა ჩაუტარდეს, რაც ბავშვის შემდგომი რეაბილიტაციისთვის აუცილებელია. წელს მკურნალობის კურსი არ გაუვლია, ამისთვის საჭირო თანხა არ მაქვს, არც ჩემს მშობლებს აქვთ, რომ დამეხმარონ, ხელისუფლება მხოლოდ ერთი დასახელების მედიკამენტით გვეხმარება უსასყიდლოდ.
მშობლებმა მომიტანეს, ღუმელი ნისიად ვიყიდე, შუქი მე არ მაქვს, საჭმელი მამაჩემს მოაქვს და ასე ვარ შვილთან ერთად, მთავარია, ის მყავდეს კარგად“.
შუახევის მუნიციპალიტეტის ჯანმრთელობისა და სოციალური დაცვის სამსახურის უფროსი ზაზა ზოიძე ამბობს, რომ შუახევში მცხოვრები ეპილეფსიით დაავადებული 48 მოალაქე სარგებლობს ეპილეფსიის პროგრამით და ყველა მათგანი პრეპარატს უფასოდ იღებს.
ზაზა ზოიძე: „ეპილეფსიით დაავადებულ ყველა მოქალაქეს ვეხმარებით, ვინც მოგვმართა და შესაბამისი სამედიცინო ცნობა წარმოადგინა. პროგრამაში ჩართულ ბენეფიციარებს მედიკამენტებს უფასოდ ვთავაზობთ, რაც უშუალოდ ეპილეფსიას ეხება, სხვა დაავადებებზე მედიკამენტით ვერ ვეხმარებით“.
შუახევის გამგებლის მოადგილე ავთანდილ დიასამიძე ამბობს, რომ თვითნებურად შესახლებულ ლელა გოგიაშვილს საცხოვრებელი ფართობი შესთავაზეს, რაზეც უარი განაცხადა: „ჩვენ მას შევთავაზეთ ხის შენობა საცხოვრებლად, უარი განაცხადა. სხვა ოჯახი შევასახლეთ იმ სახლში. დახმარება ეკუთვნის, მაგრამ ამ ეტაპზე დახმარებას სხვა ოჯახები უფრო საჭიროებენ, ვიდრე თვითნებურად შესახლებული ეს ქალბატონი. ლელას მსგავს მდგომარეობაში ექვსი ოჯახია, რომლებიც საცხოვრებელი ფართობით შემდეგ ეტაპზე დაკმაყოფილდებიან – ეს არის მუნიციპალიტეტის გადაწყვეტილება. რაც შეეხება ბავშვს, თუ დახმარება ესაჭიროება და სამკურნალოა, მოვიდნენ და რაც შეგვიძლია, ყველანაირად დავეხმარებით“.
მომავალი ხელოვნებათმცოდნე, ნონიკა სურმანიძე 21 წლისაა. ხელოვნების ყველა მიმართულება ბავშვობიდან აინტერესებს: “გენეტიკურადაც არის, ბაბუაჩემი და მამაჩემი ხატავდნენ, მეც ვხატავ, სამუსიკო ხუთწლედი მაქვს დამთავრებული. ბებიაჩემი ლექსებს წერდა, მე ყოველდღიურ ჩანაწერებს ვაკეთებ. მთლად შემოქმედებითი ბუმი არ მქონია ოჯახში, თვითონ ვიყავი უფრო დაინტერესებული, თავიდან ჩემი თოჯინებისთვის ვკერავდი ტანსაცმელს, მერე ჩემთვის.”
ნონიკას არ უყვარს იმის კეთება, რაც ადვილად გამოსდის, ამბობს, რომ მისთვის უფრო საინტერესო რთულთან შეჭიდებაა: “ყველა მეუბნებოდა გავმხდარიყავი მსახიობი ან დიზაინერი, რადგან ორივე მეხერხებოდა, მე კი მგონია, რაც არ იცი, ის უნდა ისწავლო, ხელოვნებათმცოდნეობა ბევრ რამეს აერთიანებს, კინო, თეატრი, ფერწერა, უფრო თეორიულია, მეტ გარჯას მოითხოვს.
გარდა ამისა, ბრიტანულ ცენტრში დავდივარ, იქ გაკვეთილები ერთი სტილით მიმდინარეობს, ჩემი მოუსვენრობის გამო სულ არეულობას ვიწვევ, ყველას ვაცინებ და ვამხიარულებ, ყველაზე მკაცრი მასწავლებლებიც კი ვერ მაჩერებენ, თუ ხმაურია, მე შემომხედავენ ხოლმე, მეუბნებიან – შეხედე, აიყოლია ყველა. საზღვარგარეთ მინდა სწავლის გაგრძელება, იმიტომაც `ვუძლებ~ ბრიტანულ ცენტრს.” – გვიყვება ნონიკა.
“ყველგან ვიღებ მონაწილეობას, სადაც ამის საშუალება მეძლევა, არც ის მაშინებს, რომ შეიძლება ვერ გავიმარჯვო, ეს არ არის მთავარი ჩემთვის, ამ ყველაფრით მე უფრო მეტს ვიღებ, ვიდრე პრიზია.”
წინასწარ გეგმის შედგენა არ უყვარს, არც ის იცის დაზუსტებით, რომელ სფეროში გააგრძელებს მუშაობას მომავალში, იცის, რომ პარალელურად შეუძლია ითამაშოს თეატრში, შეკეროს სამოსი და აკეთოს სხვა რამეც: “ქუჩაში მივდიოდი, როცა მეგობარმა გამაჩერა და მითხრა, რომ რეჟისორ ოთარ ქათამაძეს სპექტაკლში გოგონა სჭირდებოდა. 17 წლის ვიყავი, ძალად შემიყვანა, როლზე დამამტკიცეს, მარიანას – მსახურის როლი შევასრულე. ოთოს კიდევ რამდენიმე სპექტაკლში ვმონაწილეობდი, მისი დახმარებით გავიცანი გიორგი ჩხაიძე, მისი სპექტაკლი “მელოტი მომღერალი ქალი” ძალიან წარმატებული აღმოჩნდა, მიგვიწვიეს საფრანგეთში ფესტივალზე. თეატრში იდგმება ახალი სპექტაკლი – “სიყვარულით გაკეთილშობილებული არლეკინი”, სადაც სილვიას როლს ვთამაშობ. ძალიან მიყვარს ჩემი პერსონაჟები, პერსონაჟებს რაღაცით ემსგავსები ან მერე ისინი გემსგავსებიან… რეჟისორებთან თავიდან ვერ ვახერხებ გახსნას, ადამიანები კარგად უნდა გავიცნო, რომ თავი თავისუფლად ვიგრძნო.” – გვიყვება ნონიკა სურმანიძე.
თუ რაღაც მართლა გინდა, აგისრულდება
ბავშვობიდან ვოცნებობდი საფრანგეთში მოგზაურობაზე, მაინტერესებს და მომწონს ყველაფერი ფრანგული. თავიდან ვიცოდით, რომ ლონდონში უნდა წავსულიყავით და როცა მოწვევა პარიზიდან მოვიდა, ჩემს სიხარულს საზღვარი არ ჰქონდა. ბავშვები მილოცავდნენ, პარიზში ვიყავი და მაინც ვერ ვიჯერებდი. პარიზში თითქმის არ მეძინა, მინდოდა ყოველი წუთი ფხიზლად ვყოფილიყავი. ეიფელის კოშკთან გავგიჟდი კინაღამ. სიამოვნებით ვიმოგზაურებდი კიდევ ერთხელ. ოცნებები სრულდება, ამაში დარწმუნებული ვარ, რაც ძალიან გინდა, ის აუცილებლად აგისრულდება.
ის, რაც ჩემია
ძველმანები ძალიან მომწონს, კარგად შენახული ძველი სტილის სამოსი. დედაჩემისა და ბებიაჩემის ნაქონ ტანსაცმელს ვიყენებ. მეორადებშიც ვარჩევ ტანსაცმელს, მეგობრებიც მჩუქნიან. დედაჩემმა თუ რამე ვერ იპოვა, შემოდის ჩემთან და ეძებს, იცის, რომ მე ავიღებდი. თუ მოუსწრო კარგია, შეიძლება გადაკეთებული დახვდეს (იცინის).
ჩემი ოთახიც ძველი ნივთებით მაქვს გამოვსებული, ყველამ იცის, ძველი ნივთები რომ მიყვარს, მაწვდიან ხოლმე. დიდი საძინებელი მაქვს, სადაც ვიღებ ჩემს სტუმრებს, ძველ სამოვარში ვადუღებ ჩაის. ჩემი მეგობრების უმეტესობა ხელოვნებასთანაა კავშირში, ძირითად დროს მათთან ერთად ვატარებ. დედაჩემი მეუბნება, რომ სახლში ვერ ვჩერდები, უნივერსიტეტი, რეპეტიციები, ბრიტანული ცენტრი, საკონსულო, ამის გამო მთელი დღე სახლში არ ვარ, რვაზე ვბრუნდები სახლში, გამოვიცვლი და ჩემს რომელიმე მეგობართან გავრბი. როცა ავად ვარ, მაშინაც ვერ ვჩერდები სახლში, სიცხიანიც კი თავს ვუმტკიცებ, რომ კარგად ვარ, ეს მშველის, განწყობა მნიშვნელოვანია, უფრო მარტივად გამოჯანმრთელდები ხოლმე.
დილით შვიდ საათზე ვიღვიძებ, წიგნის კითხვისთვის საუკეთესო დროა, ან რამის შესაკერად. შეიძლება დილით კარადას რომ გამოვაღებ, ისეთი რამე არ დამხვდეს, რაც მინდა იმ დღეს რომ ჩავიცვა. საერთოდ, ჩაცმულობა მოქმედებს განწყობაზე, ნათელი ფერები მიყვარს. ჩემი სავიზიტო ბარათია ქუდი, წელიწადის ყველა დროის შესაბამისი ქუდი მაქვს, ძირითადად ცილინდრი.
ბათუმის მესამე დაწესებულება გათვლილია 244 პატიმარზე. შენობის რეაბილიტაციის შემდეგ, სამინისტროში ამბობენ, რომ უწყება ევროპული ტიპის საკნებით კეთილმოეწყო. ყველა საკანში იქნება სველი წერტილი, საშხაპით და ტელევიზორით აღჭურვილი.
ამის პარალელურად ოზურგეთში, დაბა ლაითურში განახლდა და ამ ეტაპზეც მიმდინარეობს სასჯელაღსრულების დაწესებულების მშენებლობა. მშენებლობის დასრულების შემდეგ ამ დაწესებულებაში შეასახლებენ მაღალი რისკის მქონე პატიმრებს.
ბათუმის მესამე საპყრობილის ყოფილი დირექტორი გიორგი ვეკუა და მისი მოადგილე ზაზა ჯიქია ბრალდებულები არიან პატიმრების დამამცირებელ და არაადამიანურ მოპყრობაში. პატიმრობისა და დახურული თავისუფლების აღკვეთის შერეული ტიპის მესამე დაწესებულების დირექტორი კი ახლა ალექსანდრე პეტროსიანია.
ფერმერებს კომპანია თანხის ნაცვლად შაქარს სთავაზობს _ ერთ ტომარას 70 ლარად. ფერმერების უმრავლესობა ამ შეთავაზებით უკმაყოფილოა.
„ერთი ტომარა შაქრის საბითუმო ფასი 63 ლარია, კომპანია კი 70 ლარად გვთავაზობს, რატომ უნდა დავთანხმდე ამ პირობებს?“ – ამბობს ქობულეთელი მურმან ვერულიძე.
სახელმწიფოს სუბსიდია – კილოგრამ ენესზე 10 თეთრი კი უმეტესობას აღებული აქვს. აჭარის სოფლის მეურნეობის სამინისტროს საზოგადოებასთან ურთიერთობის სამსახურის უფროსის როინ გოგაძის განმარტებით, ფერმერებს დარჩენილი თანხა უახლოეს დღეებში დაერიცხებათ.
ქობულეთში არასტანდარტული საკონსერვო ქარხნის ხელმძღვანელის, მერაბ არძენაძის თქმით, ფერმერის სურვილზეა დამოკიდებული შაქარს წაიღებს, თუ თანხას მიიღებს.
სატენდერო დოკუმენტების მიხედვით შესყიდვა კულტურულ-საგანმანათლებლო და სპორტულ ღონისძიებათა ხელშეწყობის პროექტის ფარგლებში ხორციელდება. მუნიციპალიტეტის გამგეობის განათლების განყოფილების ხელმძღვანელის ნუგზარ შავაძის ინფორმაციით, ეს ნივთები მრავალშვილიანი დედებისთვის გადასაცემად და კულტურული პროგრამების ფარგლებში მონაწილეების დასაჯილდოებლად სჭირდებათ.
სატენდერო დოკუმენტების მიხედვით, გამგეობას წელს სულ ორმოცდაათი ერთეული ელექტროჭაღი, ამდენივე ტორტის თეფშების ნაკრები, 13 ერთეული ჩაის სერვიზი და 55 ერთეული სამზარეულოს მიქსერი დასჭირდება. მუნიციპალიტეტის სატენდერო კომისიამ სატენდერო დოკუმენტაციაში სასურველი ნივთები ტექსტურ ნაწილშიც აღწერა: „ტორტის თეფშების ნაკრები, ექვსცალიანი ოქროსფერი ორნამენტებით“ და მეტი სიზუსტის მისაღწევად ფოტოებიც თან დაურთო.
გასულ წელს ამ პროგრამის ფარგლებში ჩამოთვლილი ნივთების გარდა მუნიციპალიტეტის გამგეობამ სამზარეულოს კოვზების ნაკრები და შამპანურის ჭიქები შეიძინა.
26 თებერვლის საკონცერტო პროგრამა:
ვიქტორ დოლიძე – ქეთოს არია ოპერიდან „ქეთო და კოტე“. ასრულებს მარიამ ძნელაძე კონცერტმაისტერი ევგენია ღოღელიანი.
ლუიჯი არდიტი – ვალსი „კოცნა“. ასრულებს სალომე სალაძე. კონცერტმაისტერი ევგენია ღოღელიანი.
ვოლფგან ამადეუს მოცარტი – ქერუბინოს არია “Voi ee pete” ოპერიდან ფიგარის ქორწინება“. ასრულებს მაია ჟღენტი. კონცერტმაისტერი ევგენია ღოღელიანი.
ჯაკომო პუჩინი – მიუზეტას არია ოპერიდან „ბოჰემა“ ასრულებს ნინო ქარცივაძე. კონცერტმაისტერი მარინა ქიქავა.
ჯაკომო პუჩინი – ლაურეტას არია ოპერიდან „ჯანი სკიკი“. ასრულებს ხათუნა ხაჯიშვილი. კონცერტმაისტერი ევგენია ღოღელიანი.
ჯუზეპე ვერდი – ელენას ბოლერო ოპერიდან „სიცილიური ღამე“ . ასრულებს ნატა ცქვიტინიძე. კონცერტმაისტერი ევგენია ღოღელიანი.
არიგო ბოიტო – მარგარიტას არია ოპერიდან „მეფისტოფელი“. ასრულებს ნინო ბოლქვაძე. კონცერტმაისტერი ევგენია ღოღელიანი.
შარლ გუნო – მარგარიტას არია ოპერიდან „ფაუსტი“ “Aria de bijux”. ასრულებს მარიამ ფირცხალაიშვილი. კონცერტმაისტერი მარინა ქიქავა.
ჟორჟ ბიზე – ხაბანერა ოპერიდან „კარმენი“. ასრულებს ხათუნა დონდუა. კონცერტმაისტერი ევგენია ღოღელიანი.
შარლ გუნო – ჯულიეტას არია ოპერიდან „რომეო და ჯულიეტა“. ასრულებს მარიამ ბერიძე. კონცერტმაისტერი მარინა ქიქავა.
ჯუზეპე ვერდი – უვერტიურა ოპერიდან „ნაბუქო“. ასრულებს სიმფონიური ორკესტრი.
საოპერო სტუდიის სამხატვრო ხელმძღვანელი მარიამ ჯახუტაშვილი;
დირიჟორი: მამუკა ალაფიშვილი.
ბათუმის მერიის პრესსამსახურის ინფორმაციით ამ ეტაპზე ასფალტის პირველი ფენის დაგების სამუშაოები მიმდინარეობს სავაჭრო ცენტრ ,,ალამიდან“ (ე.წ. ხოფის ბაზრობა) ტაბიძის ქუჩამდე.
სამუშაოებს, რომლებიც 2013 წლის სექტემბრიდან დაიწყო და მიმდინარე წლის 31 ივლისში უნდა დასრულდეს, ტენდერში გამარჯვებული კომპანია „არნაბი-21″ ასრულებს. პროექტის ღირებულება 4 მილიონ 741 ათას ლარს შეადგენს.
25 თებერვალი საქართველოს პარლამენტის დადგენილებით საბჭოთა ოკუპაციის დღედაა გამოცხადებული. საქართველოს პარლამენტის 2010 წლის 21 ივლისის დადგენილებიდან: „ ვინაიდან 25 თებერვალი არის საქართველოს ანექსიისა და ოკუპაციის დღე და ვინაიდან რუსეთის ფედერაციას დღემდე ოკუპირებული აქვს საქართველოს ტერიტორიის მნიშვნელოვანი ნაწილი, საქართველოს პარლამენტი ადგენს:
აჭარის ტურიზმისა და კურორტების დეპარტამენტის ინფორმაციით, სოფლებში – სახალვაშოსა და ჩაისუბანში განთავსებულ სასტუმროებში უცხოელ სტუმრებს 44 390 ლარის მომსახურება გაუწიეს, სხვა ხარჯებმა 13 560 ლარი შეადგინა, საბოლოო შემოსავალმა კი – 57 950 ლარი.
2012 წელს სოფლის სასტუმროებში შემოსული თანხა 20 105 ლარი იყო, სხვა ხარჯები – 4 320 ლარი, მთლიანი შემოსავალი კი – 24 425 ლარი.
აჭარის ტურიზმის დეპარტამენტის ინფორმაციით, მონახულების რაოდენობის მიხედვით ეკოტურისტებისთვის ყველაზე პოპულარული ადგილებია შუამთის ფრინველებზე დაკვირვების პლაცდარმი, სახალვაშოს ფრინველებზე დაკვირვების წერტილი, ბათუმის ბოტანიკური ბაღი, მტირალას ნაციონალური პარკი, ჭოროხის დელტა, ბათუმის ბულვარი და ზღვისპირა პარკი.
აჭარის ტურიზმისა და კურორტების დეპარტამენტმა ფრინველებზე დაკვირვების ტურიზმის განვითარების ხელშესაწყობად 2012 წელს 28 178 ლარი დახარჯა, ხოლო 2013 წელს – 15 320 ლარი. დეპარტამენტში მიიჩნევენ, რომ „გაწეული ხარჯები და ზემოაღნიშნული შემოსავლები ადასტურებს ფრინველებზე დაკვირვების ტურიზმის გრძელვადიან პერსპექტივაზე დამყარებული სტრატეგიის მართებულობას. ტურიზმის აღნიშნულ სახეობას აჭარაში პოტენციალი აქვს.“
სოფელ კვირიკეში ხიდი ექვსი თვის წინ ძლიერი წვიმის დროს ადიდებულმა მდინარემ წაიღო.
ახლა, ხიდის ნაცვლად მდინარეში წყლის სქელი მილია ჩადებული, ზემოდან ქვიშაა დაყრილი და ასე მოძრაობს მსუბუქი ავტომანქანები. სატვირთო მანქანების გავლა კი ჭირს.
მოსახლეობა ხიდის აღდგენას მუნციპალიტეტს სთხოვს: ”არავინ არ მოსულა არ უკითხია რა პრობლემები გვექმნება, მაინცდამაინც რაღაც უბედურება უნდა მოხდეს თუ არჩევნები უნდა იყოს რომ ხიდი გააკეთონ? ”_ ამბობს ”ბათუმელებთან” კვირიკეშჳ მცხოვრები ემზარ ღაღაიშვილი.
სოფლის რწმუნებულის გია ხარაზის განმარტებით, ხიდის რესტავრაცია საგზაო დეპარტამენტის პრეროპგატივაა. მისივე ინფორმაციით, უახლოეს ათი დღის ვადაში დაიწყება სარემონტო სამუშოები.
ამისთვის ის შემოსავლების სამსახურის ვებ-გვერდზე www.rs.ge განთავსებულ შესაბამის ფორმაში, პირადი ნომრისა და თავისი საბანკო რეკვიზიტის მითითებით, ავსებს ელექტრონულ დეკლარაციას და აქვე იღებს ინფორმაციას მისთვის დასაბრუნებელი თანხის ოდენობის შესახებ. დეკლარაციების შევსება დაიწყება 1 აპრილიდან. შესაბამისად, აღნიშნული ფორმა ვებ-გვერდზე 1 აპრილიდან გააქტიურდება.
შეგახსენებთ უკან დასაბრუნებელი თანხის გამოთვლის წესს: 2013 წელს, მთელი წლის განმავლობაში, ხელფასის სახით თუ დაგერიცხათ 6000 ლარი ან ნაკლები, მაშინ ამ დარიცხულ თანხას აკლდება ამავე თანხის 20% და თუ ვღებულობთ: ა) 1800 ლარს ან მეტს, დასაბრუნებელი თანხაა 360 ლარი; ბ) თუ 1800 ლარზე ნაკლებს, მაშინ უკან დასაბრუნებელი თანხაა 2013 წელს დარიცხული ხელფასის 20%.
აჭარის მთავრობის წარმომადგენელმა დავით გაბაიძემ კი სასამართლო პროცესზე განმარტა რომ სალომე ჟღენტმა კონკურსი ვერ გაიარა. მან მოსარჩელე მხარეს მორიგება შესთავაზა თუმცა ამაზე უარი მიიღო. სასამართლომ საქმის არსებითი განხილვა დაიწყო.
საქმეს მოსამართლე ჯუმბერ ბეჟანიძე განიხილავს.
