Batumelebi | კონკურსი მეხუთე და მეექვსეკლასელებისათვის კონკურსი მეხუთე და მეექვსეკლასელებისათვის – Batumelebi
RU | GE  

კონკურსი მეხუთე და მეექვსეკლასელებისათვის

 

აჭარის  განათლების, კულტურისა და სპორტის სამინისტრო აცხადებს რეგისტრაციას კონკურსში მონაწილეობის მისაღებად, რომელიც ჩატარდება მათემატიკასა და ქართულ ენასა და ლიტერატურაში. სამინისტროს ვებგვერდის ინფორმაციით, კონკურსის მიზანია ხელი შეუწყოს მოსწავლეებში არგუმენტირებული მსჯელობის, კრიტიკული აზროვნების, ობიექტურობისა და  საჯარო ქცევის კულტურის გამომუშავებას.

  

 

კონკურსში მონაწილეობის მიღება შეუძლია აჭარაში  არსებული  საჯარო და კერძო სკოლების დაწყებითი საფეხურის მეხუთე და მეექვსე კლასის 7 მოსწავლისგან დაკომპლექტებულ თითო გუნდს.  

 

კონკურსი შედგება ორი ტურისაგან.   მონაწილეობის მსურველმა სკოლამ 2014 წლის 10 მარტის ჩათვლით  შესაბამის რესურსცენტრს უნდა მიაწოდოს ინფორმაცია კონკურსში მონაწილე მოსწავლეების შესახებ.  

ნეტგაზეთის მასალების სხვა გამოცემებში გადაბეჭდვის წესი
"ბათუმელები"