Batumelebi | პედაგოგთა სასერტიფიკატო გამოცდების რეგისტრაცია 21 მარტამდე გაგრძელდება პედაგოგთა სასერტიფიკატო გამოცდების რეგისტრაცია 21 მარტამდე გაგრძელდება – Batumelebi
RU | GE  

პედაგოგთა სასერტიფიკატო გამოცდების რეგისტრაცია 21 მარტამდე გაგრძელდება

 

 

პედაგოგთა სასერტიფიკატო გამოცდებისთვის რეგისტრაცია დაიწყო. შეფასებისა და გამოცდების ეროვნული ცენტრის ინფორმაციით, პედაგოგთა სასერტიფიკატო გამოცდებში წელს მნიშვნელოვანი ცვლილებები არ არის, თუმცა დაემატა სამი საგამოცდო საგანი: ქართული ენა, განკუთვნილი იმ მასწავლებლებისთვის, რომლებსაც არაქართულენოვან სკოლებში ქართული ენის სწავლება სურთ, ბუნებისმეტყველება და უცხოური ენა-კომპიუტერი.

საქართველოს გამოცდების ეროვნული ცენტრის პრესსამსახურის განმარტებით, ქართული ენის საგამოცდო ტესტი, რომელიც არაქართულენოვან სკოლაში მომუშავე პედაგოგის უნარებსა და ცოდნას შეამოწმებს, ეროვნული სასწავლო დეპარტამენტის თანამშრომლებმა შექმნეს. ახალი საგნების შესახებ დამატებითი ინფორმაცია კი მოგვიანებით გამოქვეყნდება.

მოქმედი პედაგოგები, რომლებიც პირველად მონაწილეობენ სასერტიფიკატო გამოცდებში, გამოცდის ჩაბარებისთვის რეგისტრაციას უფასოდ გაივლიან. იმ პედაგოგებისათვის, რომლებმაც ერთხელ უკვე მიიღეს მონაწილეობა სასერტიფიკატო გამოცდებში და ვერ გადალახეს ზღვარი, ერთ გამოცდაზე გასვლის ფასი 25 ლარია, ხოლო იმ პედაგოგებს, ვინც გადალახეს ზღვარი კონკრეტულ გამოცდაში და სურთ შედეგის გაუმჯობესება, ერთი გამოცდის ჩაბარებისთვის 50 ლარის გადახდა მოუწევთ.

შეფასებისა და გომოცდების ეროვნული ცენტრის ინფორმაციით ამ დროისთვის 250-ზე მეტი მასწავლებელია დარეგისტრირებული.

რეგისტრაცია 20 თებერვალს დაიწყო და 21 მარტს 18:00 საათამდე გაგრძელდება.

2014 წელს მასწავლებლები სასერტიფიკატო გამოცდებს შემდეგ საგნებში ჩააბარებენ:

  1. ქართული ენა და ლიტერატურა
  2. მათემატიკა
  3. ისტორია
  4. გეოგრაფია
  5. სამოქალაქო განათლება 
  6. ფიზიკა
  7. ქიმია
  8. ბიოლოგი
  9. ქართული ენა მასწავლებლობის იმ კანდიდატებისათვის, რომლებსაც სურთ                                                                                                 ასწავლონ არაქართულენოვან სკოლებში
  10. ბუნებისმეტყველება
  11. სახვითი და გამოყენებითი ხელოვნება
  12. დაწყებითი საფეხური (I-IV და I-VI)
  13. გერმანული
  14. ფრანგული
  15. რუსული
  16. ინგლისური
ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი