Batumelebi | ბათუმის ციხის რემონტი დასრულდა ბათუმის ციხის რემონტი დასრულდა – Batumelebi
RU | GE  

ბათუმის ციხის რემონტი დასრულდა

 

 

ბათუმის №3 დაწესებულების რეაბილიტაცია დასრულდა. ამ ეტაპზე სასჯელაღსრულების დეპარტამენტის დაწესებულების ინვენტარით აღჭურვა მიმდინარეობს. სამინისტროს ინფორმაციით, ეს პროცესი მარტის დასაწყისში დასრულდება და პატიმრებსაც ამ დროისთვის გადმოიყვანენ ბათუმში.

 

 

ბათუმის მესამე დაწესებულება გათვლილია 244 პატიმარზე. შენობის რეაბილიტაციის შემდეგ, სამინისტროში ამბობენ, რომ უწყება ევროპული ტიპის საკნებით კეთილმოეწყო. ყველა საკანში იქნება სველი წერტილი, საშხაპით და ტელევიზორით აღჭურვილი.

ამის პარალელურად ოზურგეთში, დაბა ლაითურში განახლდა და ამ ეტაპზეც მიმდინარეობს სასჯელაღსრულების დაწესებულების მშენებლობა. მშენებლობის დასრულების შემდეგ ამ დაწესებულებაში შეასახლებენ მაღალი რისკის მქონე პატიმრებს.

 

ბათუმის მესამე საპყრობილის ყოფილი დირექტორი გიორგი ვეკუა და მისი მოადგილე ზაზა ჯიქია ბრალდებულები არიან პატიმრების დამამცირებელ და არაადამიანურ მოპყრობაში.  პატიმრობისა  და დახურული თავისუფლების აღკვეთის შერეული ტიპის მესამე დაწესებულების დირექტორი კი ახლა ალექსანდრე პეტროსიანია.  

ნეტგაზეთის მასალების სხვა გამოცემებში გადაბეჭდვის წესი
ნათია როყვა