Batumelebi

შს სამინისტროს ინფორმაციით ოფიციალური საზეიმო ღონისძიებას დაესწრებიან საქართველოს პრემიერ-მინისტრი ირაკლი ღარიბაშვილი, შინაგან საქმეთა მინისტრი ალექსანდრე ჭიკაიძე, საქართველოს მთავრობის წევრები, პარლამენტის თავმჯდომარე, პარლამენტის წევრები, საქართველოში აკრედიტებული დიპლომატიური კორპუსის წარმომადგენლები და ოფიციალური დელეგაციები პარტნიორი ქვეყნებიდან.

ღონისძიების დაწყება 14:00 საათზეა დაგეგმილი.

გარდა ამისა იუსტიციის მინისტრი, ოპოზიციური პოლიტიკური პარტიების კანდიდატებზე ზეწოლის საკითხსაც გამოეხმაურა და ჟურნალისტებთან შეხვედრისას აღნიშნა, რომ აღნიშნულის შესახებ ინფორმაციები უწყებათშორის კომისიაში განიხილება.

თეა წულუკიანის თქმით, პროკურატურა ფაქტების ადგენს და კანდიდატზე ზეწოლის დადგენის შემთხვევაში, მკაცრ ზომებს მიიღებენ.

“თითოეული ის ინფორმაცია, რომელიც ეხება რომელიმე პარტიის რომელიმე კანდიდატზე ზეწოლას, შემოდის უწყებათაშორის კომისიაში. თითოეული ეს ინფორმაცია გადაცემულია პროკურატურისთვის, რომელიც აწარმოებს ფაქტების დადგენას. თუ გამოვლინდება, რომ ვინმეზე იყო ზეწოლა, ვინმეს მხრიდან, ვინც არ უნდა იყოს ზეწოლის ავტორი, რა თქმა უნდა რეაგირება იქნება მკაცრი. ჯერჯერობით, ფაქტები დადგენის პროცესშია” – განაცხადა თეა წულუკიანმა.

საარჩევნო სიებში, საცხოვრებელ ადგილებთან დაკავშირებულ ცდომილებებზე იუსტიციის მინისტრმა აღნიშნა, რომ კვლავ სერიოზულ გამოწვევად რჩება დამისამართების პრობლემები, არა მხოლოდ თბილისსა და ბათუმში, არამედ ყველგან საქართველოში. მისივე თქმით საარჩევნო სიების დახვეწის მიზნით, წელს პირველად საქართველოს ექნება ფოტოიანი საარჩევნო სია და სწორედ ამ მიზნით მიმდინარეობს დღესაც, უსაბუთო ადამიანების მოდინება იუსტიციის სახლებში, რომ მათ უფასოდ აიღონ პირადობის მოწმობები.

“რაც შეეხება ამ არჩევენბისთვის დამისამართების პრობლემებს, სულ რამდენიმე დღე დარჩა და მე მინდა ყველას მოვუწოდო პარტიებს, მოქალაქეებსა და მედიას, მიგვითითონ კონკრეტული პრობლემები, კონკრეტულ მისამართებთან დაკავშირებული და ჩვენ ამის შედეგად გავასწორებთ მონაცემებს” – აღნიშნა იუსტიციის მინისტრმა.

ხელშეკრულების საფუძველზე ბათუმის საზღვაო აკადემიამ 1 მილიონ ლარად გემის დინამიკური პოზიციის დიპის ტიპის სიმულატორი შეიძინა, რომელსაც კომპანია ხუთი თვის შემდეგ ბათუმში ჩამოიტანს.

სიმულიატორი შორეულ ნაოსნობაში მეზღვაურებისთვის გემის მართვას ითვალისწინებს.

მსოფლიოში სულ ამ ტიპის 14 სიმულიატორი არსებობს. შავ ზღვაზე ბათუმი თურქეთის, უკრაინისა და რუმინეთის შემდეგ მეოთხე რეგიონი იქნება სადაც ამ ტიპის სიმულიატორს იყენებენ.

ბათუმის საზღვაო აკადემიის რექტორის ირაკლი შარაბიძის თქმით : „კომპანია „ტრანსასი“ მსოფლიოში ცნობილი და ძლიერი კომპანიაა საზღვაო სიმულიატორების წარმოებაში. დღეს მსოფლიოში ძალიან მოთხოვნადია მეზღვაურები ამ სპეციფიკურ გემებზე. ეს სიმულატორები ხელს შეუწყობს ქართველ მეზღვაურების დასაქმება, შორეულ ნაოსნობაში ამ ტიპის გემებზე ცურვას“.

ბათუმის საზღვაო აკადემია კომპანია „ტრანსასთან“ 2008 წლიდან თანამშრომლობს. როგორც ირაკლი შარაბიძე ამბობს აკადემიას სიმულიატორის შესაძენად თანხა საქართველოს ეკონიმიკისა და მდგრადი განვითარების სამინისტრომ გამოუყო.

დღესვე საზღვაო აკადემიამ ხელი მოაწერა გერმანულ კომპანია “ფესტოსთანაც“. ხელშეკრულების ფარგლებში იგეგმება სხვადასხვა სახის ნავიგაციის, ჰიდრავიკული, პნევმატური, ფიზიკის ლაბორატორიების მოწყობა.

ბათუმელი ფოტოგრაფების გამოფენით დახურება ღონისძიებათა ციკლი, რომელიც თურქეთში საქართველოს დამოუკიდებლობის დღის აღასანიშნავად, რამდენიმე დღის მანძილზე მიმდინარეობდა თურქეთში საქართველოს საელჩოსა და აჭარის განათლების, კულტურისა და სპორტს სამინისტროს მხარდაჭერით.

გამოფენაზე – „მოკითხვა ბათუმიდან“, შოთა გუჯაბიძისა და გიორგი გოგიბერიძის მიერ მაღალმთიან აჭარაში გადაღებული ფოტოების გარდა, ხარიტონ ახვლედიანის სახელმწიფო მუზეუმში დაცულ მინის ნეგატივებზე აღბეჭდილი ბათუმისა და აჭარის ფოტოკადრებიც გამოიფინება, რომელთა ციფრული ვერსია სტუდია „იალონმა“ მოამზადა.

11:30 – მზადება ღონისძების დასაწყებად, მუსიკალური გაფორმება. ღონისძიების წამყვანი: კოტიკო თოლორაია და ნუკი კოშკელიშვილი.

11:45 – პარკის ტერიტორიაზე დასარტყამი ინსტრუმენტებით კოსტუმირებული მსახიობების შემოსვლა. საკარნავალო მსვლელობა სანაპიროსთან მოწყობილ სცენამდე.

12:00 – სამაშველო სამსახური ჩაატარებს მცირე სწავლებებს დამსვებელების უსაფრთხოების წესების შესახებ.

12:00 – ბენდი Cuba Band –დაუკრავს ცოცხალ მუსიკას.

12:30 – თამაშების დაწყების წინ დაუკრავს მოწვეული Dj.

13:30 – სრულდება სპორტული ღონისძიებები.

13:40 – მოეწყობა  საზაფხულო კაბებისა და საცურაო კოსტუმების ჩვენება პოდიუმზე.

14:00 – გამოვლენილი გამარჯვებულების დაჯილდოვება.

21:00 –  კონცერტი დათო ხუჯაძისა და გუფი ლენდის მონაწილეობით.

23:00 –  ზაფხულის ტურისტული სეზონის გახსნა ბულვარის ცენტრალურ ფანტანებთან ფოიერვერკით დასრულდება.

გარდა ამისა საოცრებათა პარკის მიმდებარე სანაპიროზე მოეწყობა ფრენბურთის მოედანი, მაგიდის ჩოგბურთი, ტანმოვარჯიშეების მოედანი, ქუჩის კალათბურთისა და ხელბურთის სივრცეები. სანაპიროზე გაიშლება შეზლონგები, ზღვაში კი მოეწყობა ბილიკები მოცურავეთათვის და წყალბურთის მოედანი.

მოედანზე მოწყობილ ფოტო სტენდებთან შესაძლებელი იქნება გადაღება ცოცხალ მიმებთან. ასევე შესაძლებელი იქნება სხეულისა და სახის მოხატვა.

არასამთავრობო ორგანიზაცია „ცვლილებები თანაბარი უფლებებისთვის“ თავმჯდომარემ თომა კაკაბაძემ კონკრეტულ ფაქტზე ისაუბრა და თქვა, რომ მძღოლმა მას ავტობუსი არ გაუჩერა:

„გუშინ ვმგზავრობდი #16 ავტობუსით. როცა მძღოლს პანდუსის გაშლა ვთხოვე. შეყოყმანდა და სხვას სთხოვა პანდუსის გახსნა. ვინც მახლდა, იმან არ იცოდა პანდუსის გახსნა. მძღოლი იძულებული გახდა, ჩამოსულიყო პანდუსის გასახსნელად. გაჩერებაზე ბარდიულთან მოუხერხებლად გააჩერა, ისე, რომ ოთხი ადამიანი დამჭირდა პანდუსზე ჩამომევლო. უკან დაბრუნებისას იგივე მძღოლი დამხვდა იმავე ავტობუსით. მგზავრებმა მძღოლს უთხრეს პანდუსი გაეხსნა. მძღოლმა ხელი აიქნია და წავიდა. მიუხედავად იმისა, რომ ბათუმში არსებობს ადაპტირებული საზოგადოებრივი ავტობუსები და მძღოლები, რომლებმაც ტრენინინგის საფუძველზე იციან როგორ უნდა მოემსახურონ შეზღუდული შესაძლებლობების მქონე პირებს, მაინც ირღვევა შშმ პირთა უფლებები,“ – განაცხადა  თომა კაკაბაძემ.

თომა კაკაბაძე აღნიშნულ  ფაქტზე ბათუმის ავტოტრასპორტისგან რეაგირებას მოითხოვს:

„ეს იყო დამამცირებელი და შეურაცხმყოფელი. ამ ფაქტზე დავრეკე ცხელ ხაზზე, ვესაუბრე მენეჯერს და იმედი მაქვს, მოყვება სერიოზული რეაგირება. მოვითხოვ ავტოტრანსპორტის სამსახურის ხელმძღვანელობისგან გადამზადდნენ მძღოლები, ან უფრო კომპეტენტური მძღოლებით შეცვალონ, ან დაამატონ მძღოლებთან ერთად თანმხლები პირები, ვინც შეძლებს მძღოლის ჩამოსვლის გარეშე თვითონ მოემსახუროს და გახსნას პანდუსი შეზღუდული შესაძლებლობის მქონე ეტლით მოსარგებლე ადამიანისთვის“.

ბათუმის ავტოტრანსპორტის დირექტორი პაატა დუმბაძე ადასტურებს, რომ გუშინ ცხელ ხაზზე საჩივარი დაფიქსირდა. ის ამბობს, რომ მძღოლები შეზღუდული შესაძლებლობების მქონე მგზავრების მომსახურების ვალდებულებით მუშაობენ. გუშინდელი ფაქტი კი გაუგებრობა იყო და მძღოლმა იმიტომ არ გააჩერა ავტობუსი, რომ შეზღუდული შესაძლებლობის მქონე პირი გაჩერებაზე არ იდგა.

„ტექნიკურმა ჯგუფმა მძღოლებს ტრენინგი ჩაუტარა და ყველა,  ვინც ამ ავტობუსებზე მუშაობს, საქმის კურსშია. საჩივრის დაფიქსირების შემდეგ მოკვლევა გავაკეთეთ. გაუგებრობას ჰქონდა ადგილი. შშმ პირი მგზავრი არ იდგა გაჩერებაზე, ხოლო მას, ვინც ახლდა, იმან მძღოლს ვერ გააგებინა რა სურდა“.

მსავსი ფაქტის გამეორების შემთხვევაში თომა კაკაბაძე აპირებს სასამართლოს გზით დაიცვას მისი უფლებები.

 დღესვე ხელი მოეწერება „ENPARD Ajara სოფლის მეურნეობის ხელშეწყობა აჭარის ავტონომიურ რესპუბლიკაში“ ხელშეკრულების გაგრძელებას, რომელიც რეგიონში აგროსექტორის განვითარებასა და მცირე ფერმერთა გაძლიერებას ითვალისწინებს.

აღნიშნული პროგრამის ღირებულება 3,3 მილიონ ევროს შეადგენს და ის აჭარაში გასული წლის 18 ივნისს ამოქმედდა. 

გოჩა გუგუნავა, „სალომე ზურაბიშვილი – საქართველოს გზა“  

ბათუმის მერობის კანდიდატი გოჩა გუგუნავა ფლობს 40%-იან წილს შეზღუდული პასუხისმგებლობის საზოგადოება GEO TRANS-ში. რეესტრის მონაცემების თანახმად, საზოგადოების საქმიანობის საგანი არაერთ ეკონომიკურ მიმართულებას მოიცავს, დაწყებული სატრანსპორტო მომსახურებით დასრულებული ხე-ტყის გადამუშავებით. ასეთივე საქმიანობის სფერო აქვს კიდევ ერთ შეზღუდული შესაძლებლობის საზოგადოება – შპს თამერლანს, რომლის დირექტორი  2012 წლის 9 ივლისამდე გოჩა გუგუნავა იყო – ამ პოზიციაზე, რეესტრის მონაცემების მიხედვით, აზერბაიჯანის მოქალაქე ვაგიფ ისაევი დაინიშნა, რომელიც ამავდროულად არის შპს თამერლანის დამფუძნებელი და 100%-იანი წილის მფლობელიც. გოჩა გუგუნავამ 2013 წლის 7 ოქტომბერს, სხვა 4 პირთან ერთად, დააფუძნა არასამეწარმეო (არაკომერციული) იურიდიული პირი საქველმოქმედო ფონდი „ბათუმი“, რომელიც, წესდების მიხედვით, მიზნად ისახავს სოციალურად დაუცველი ოჯახების დახმარებას, ნიჭიერი ახალგაზრდების მხარდაჭერას და ა.შ. ოფიციალური დოკუმენტების თანახმად, გოჩა გუგუნავა ამჟამად ფონდის დირექტორია. გუგუნავა კიდევ ერთი შპს-ის დირექტორი და დამფუძნებელია – შპს აჭარის პოკერის ფედერაციაში ბათუმის მერობის კანდიდატი 40%-იან წილსაც ფლობს. საზოგადოების საქმიანობის საგანი, ოფიციალური დოკუმენტების თანახმად, ფსიქოლოგიური სტრესის მოხსნა, ანალიტიკური აზროვნების ჩამოყალიბება და გარკვეული ფინანსური მოგების მიღებაა. გოჩა გუგუნავა 2010 წლის 5 თებერვალს დარეგისტრირებული შპს აჭარა დისტრიბუშენ 2010-ს 20%-იანი წილის მფლობელიც არის. წესდების მიხედვით, შპს ვაჭრობა-დისტრიბუციასა და სხვა ეკონომიკურ საქმიანობაზეა ორიენტირებული. რაც შეეხება გოჩა გუგუნავას საკუთრებაში არსებულ უძრავ ქონებას, რეესტრში ამაზე ინფორმაცია არ იძებნება. 

გიორგი დიასამიძე, საარჩევნო ბლოკი „ერთიანი ნაციონალური მოძრაობა“

ბათუმის საკრებულოს წევრისა და საკრებულოს ჯანდაცვისა და სოციალურ საკითხთა კომისიის თავმდჯომარის გიორგი დიასამიძის  კანდიდატურა ბათუმის მერობაზე საარჩევნო ბლოკმა „ერთიანმა ნაციონალურმა მოძრაობამ“ წარადგინა. 2013 წლის 1 ოქტომბერს შევსებული თანამდებობის პირთა ქონებრივი დეკლარაციის თანახმად,  გიორგი დიასამიძე ბათუმში, კლდიაშვილის ქუჩის 13-ში ფლობს 55 კვ.მ. ფართობის ბინას, მისი მეუღლე ზეინაბ გვარიშვილი კი ავტომანქანას – 1997 წლის ტოიოტა RAV4. ამავე დეკლარაციით ირკვევა, რომ გიორგი დიასამიძემ საკრებულოს კომისიის თავმჯდომარეობიდან მიღებული შრომის ანაზღაურების გარდა, შემოსავალი საექიმო საქმიანობიდანაც მიიღო –  2012 წელს დიასამიძემ ბათუმის #1 საქალაქო საავადმყოფოში შრომითი ანაზღაურების სახით 9000 ლარი მიიღო. არც გიორგი დიასამიძე და არც მისი მეუღლე არ ფლობენ წილებს კომპანიაში და არც სამეწარმეო საქმიანობას ეწევიან. 

გიორგი ერმაკოვი, საარჩევნო ბლოკი „ქართული ოცნება“

ბათუმის მერობის კიდევ ერთ კანდიდატს, გიორგი ერმაკოვს, 2014 წლის 11 თებერვალს შევსებული ქონებრივი დეკლარაციის თანახმად, თბილისში, სამტრედიის 2-ში 50 კვ.მ. ფართობის ბინა აქვს, დედას, ლიანა მელაძეს კი ბათუმში, ზ. გორგილაძის ქუჩაზე 95 კვ.მ. ფართობის ბინა ეკუთვნის. 2013 წელს, ბათუმის მერობის მოვალეობის შესრულებამდე, გიორგი ერმაკოვი შპს „თეგეტა მოტორსის“ ბათუმის ფილიალის დირექტორი იყო. ამ პოზიციაზე მუშაობის დროს ერმაკოვმა სახელფასო ანაზღაურების სახით 17 ათას ლარზე მეტი მიიღო. საარჩევნო ბლოკ „ქართული ოცნების“ ბათუმის მერობის კანდიდატი 2004-2005 წლებში მუშაობდა აჭარის შსს კორუფციის წინააღმდეგ ბრძოლის სამსახურის უფროსად, ასევე მოგვიანებით გარემოს დაცვისა და ბუნებრივი რესურსების სამინისტროს გარემოს დაცვის ინსპექციის აჭარის ბიუროს უფროსად. ქონებრივი დეკლარაციის მიხედვით, გიორგი ერმაკოვი და მისი მეუღლე არ ფლობენ წილს რომელიმე კომპანიაში.

მერაბ ხიმშიაშვილი, პოლიტიკური გაერთიანება „ერთიანობის დარბაზი“

2004 წელს დაფუძნებული გაერთიანება „ერთიანობის დარბაზის“ ბათუმის მერობის კანდიდატი მერაბ ხიმშიაშვილი ამჟამად ბათუმში, მემედ აბაშიძის #50-ში ფლობს 75.21 კვ. მ. ფართობის ბინას. მისი მეუღლე ნინო მიქელაძე 2006 წლის 18 აგვისტოს დარეგისტრირებულიშპს M. TOUR-ის 100%-იანი წილის მფლობელი და ხელმძღვანელი იყო, თუმცა შეზღუდული პასუხისმგებლობის საზოგადოების 100%-იანი წილი და მართვაც 2013 წლის ნოემბერში,რეესტრის მონაცემების თანახმად, გოჩა ხიმშიაშვილს გადაეცა.

ალექსანდრე თევზაძე, „არასაპარლამენტო ოპოზიცია (კახა კუკავა, ფიქრია ჩიხრაძე)“

„არასაპარლამენტო ოპოზიციის“ ბათუმის მერობის კანდიდატი ალექსანდრე თევზაძე ამჟამად შეზღუდული პასუხისმგებლობის საზოგადოება „სულიკოს“ დირექტორია, 100%-იანი წილის მფლობელი კი რუსეთის ფედერაციის მოქალაქე დავით ანანიაშვილი. წესდების თანახმად, შპს სხვადასხვა სახის კომერციულ საქმიანობაზეა ორიენტირებული. ალექსანდრე თევზაძის საკუთრებაშია 2505 კვ. მ. სასოფლო-სამეურნეო დანიშნულების მიწის ფართობი ხელვაჩაურში, მწვანე კონცხის ტერიტორიულ ორგანოში (საკადასტრო კოდი 22.21.02.079).

გამოფენა ხორციელდება აშშ-ის საელჩოს მხარდაჭერით,  აშშ-ის სახელმწიფო დეპარტამენტის  „განათლება ამერიკის შეერთებულ შტატებში” (EducationUSA) ქსელის ფარგლებში. ფონდი „საერთაშორისო განათლების ცენტრი“ აღნიშნული ქსელის ერთადერთი ოფიციალური წარმომადგენელია საქართველოში.

ღონისძიების მიზანია აჭარის რეგიონის ახალგაზრდებს  მიაწოდოს პირველადი ინფორმაცია აშშ-ში უმაღლესი განათლების მიღების შესაძლებლობებზე, დაფინანსების წყაროებსა და უნივერსიტეტებში ჩარიცხვის კრიტერიუმებზე.

გამოფენაში მონაწილეობას მიიღებს  პრემიერ-მინისტრის ინოვაციური პროექტების ფარგლებში დაარსებული „განათლების  საერთაშორისო ცენტრი“, რომელიც  გამოფენის სტუმრებს მიაწვდის უახლეს ინფორმაციას საქართველოს მთავრობის პროექტებზე მსოფლიოს საუკეთესო უნივერსიტეტებში ჩარიცხული სტუდენტების დაფინანსებასთან დაკავშირებით.

ინფორმაციის ხელმისაწვდომობის მიზნით,  მსგავსი გამოფენა ყოველწლიურად იმართება საქართველოს სხვადასხვა რეგიონში.

სამუშაოებს ბათუმის განვითარების ფონდის მიერ გამოცხადებულ ტენდერში გამარჯვებული ორი კომპანია ასრულებს. შპს „რეალი“ ხელშეკრულების საფუძველზე კარების გამოცვლა-რესტავრაციას აწარმოებს, შპს „დია ამო“ კი _ სადარბაზო ჭიშკრების დამზადება-მონტაჟს.

სატენდერო დოკუმენტაციის მიხედვით 13 ქუჩაზე (ერთ ქუჩაზე რამდენიმე ნომერში),  უნდა გამოიცვალოს  36 სადარბაზო ხის კარი, ცხრა ქუჩაზე რესტავრაცია ჩაუტარდეს 16 კარს, ხოლო 12 ქუჩაზე დამონტაჟდეს 37 ჭიშკარი.

როგორც ბათუმის განვითარების ფონდის თამჯდომარე ავთანდილ დარჩია ამბობს, პროექტი ექვსი თვეა მიმდინარეობს. ამ ეტაპისთვის ჩასმულია 24 ჭიშკარი და 12 სადარბაზო კარი. სამუშაოები 7 ივნისს უნდა დასრულდეს.

„ტენდერში განსაკუთრებული მოთხოვნები იყო ჩადებული, მასალად ყოფილიყო გარკვეული ჯიშის ხეები გამოყენებული, ამჯერად შერჩეულია წაბლი. სადარბაზო კარები მაღალი ხარისხით – დაპრესვის მეთოდითაა გაკეთებული. ძირეული ხე იჭრება ოთხ ნაწილად და საპირისპირო მიმართულებით იპრესება. გამოყენებულია ახალი მეთოდი და გათვალისწინებულია ტემპერატურის ცვალებადობა. ხის მასალას გარანტია აქვს ხუთი წელი, საღებავს კი _ ერთი წელი. გამოყენებული დეტალები, მაგალითად, ანჯამები, სახელურები თითბრისგანაა დამზადებული და ხელნაკეთია.“

ავთანდილ დარჩიას თქმითვე კომპანიას ვალდებულება არის ასევე ზღურბლის გაკეთება გრანიტით ან მარმარილოთი. 

ჩასატარებელი სამუშაოები ბათუმის განვითარების ფონდში სპეციალურად შექმნილმა „ძველი ბათუმის ტერიტორიაზე ჭიშკრებისა და სადარბაზოების კარებების მდგომარეობის შემსწავლელმა კომისიამ“ შეისწავლა, რომელსაც ქალაქის მთავარი არქიტექტორი გია რამიშვილი ხელმძღვანელობდა. კომისიის დასკვნის საფუძველზე სამუშაოები ოთხ ტიპად დაიყო: კარები, რომელსაც  მინიმალური შეკეთება სჭირდება, ექვემდებარება რემონტს, ექვემდებარება რესტავრაციას და მთლიანად შესაცვლელია ახლით.

სატენდერო დოკუმენტაციის თანახმად ერთი კარის გამოცვლის საერთო ღირებულება საშუალოდ 7870 ლარია. ხოლო ერთეული კარის ღირებულება 1600 ლარი.

 ქედის სასპორტო სკოლაში გამართულ საარჩევნო სუბიექტების წარდგენას სხვადასხვა სოფლის მოსახლეობა ესწრებოდა. შეხვედრაზე განსაკუთრებით სკოლის მოსწავლეები აქტიურობდნენ.

ამომრჩეველს სიტყვით მიმართა საქართველოს პარლამენტარმა,  ქობულეთის მაჟორიტარმა დეპუტატმა ფატი ხალვაშმა. მან მოსახლეობას გამგებლობის კანდიდატად დავით დუმბაძე წარუდგინა და მათ კოალიციის  მიერ წარდგენილი კანდიდატების მხარდაჭერისკენ მოუწოდა.

თავად  გამგებლობის კადიდატმა, დავით დუმბაძემ კი, საკრებულოს მაჟორიტარი დეპუტატობის კანდიდატები: ტარიელ მანველიძე,  გურამ ანანიძე, გიორგი ბერიძე, რაინდი ლორთქიფანიძე, რეზო თურმანიძე, როლანდ დუმბაძე, ზურაბ დევაძე, რომან ბედინაძე და ნარგიზ დიასამიძე წარუდგინა მოსახლეობას და ქედის მუნიციპალიტეტში განსახორციელებელ პროექტებზე ისაუბრა.

„აქ ძირითადი პრობლემა დასაქმება და ხშირი მეწყრული მოვლენებია. მუნიციპალიტეტის განვითარების ფონდთან ერთად მიზნად დავისახეთ მეწყერსაწინააღმდეგო ღონისძიებების გატარება. ჩემი მუშაობის გეგმა იყო და იქნება ის, რომ ქედელი კაცი სამუშაოდ საზღვარგარეთ არ უნდა მიდიოდეს, ამისათვის აქტიურად ვმუშაობდი ინვესტორების მოძიებაზე, მოვიძიეთ ინვესტორი, რომელიც ქედაში სამკერვალო ფაბრიკას გახსნის. შენდება ღვინის საწარმო, ვიწყებთ მინერალური წყლების ჩამოსხმას. მოეწყობა თამბაქოს  ქარხანა და მშრალი გაყინვის საწყობი“ – უთხრა ამომრჩეველს გამგებლობის კანდიდატმა დავით დუმბაძემ.

„მოსახლეობას ვპირდები, დავიცავ მათ უფლებებს, ვერ მივცემ ისეთ დაპირებას, რაც ჩემი ფუნქცია არ იქნება და ჩემს ძალებს აღემატება“ – განაცხადა ს დაბა ქედის მაჟორიტარმა ნარგიზ დიასამიძემ.

საარჩევნო სუბიექტების წარდგენას ქედაში პარტიის აქტივისტებთან ერთად მსახიობი ზურაბ ცინცქილაძე და ბათუმის უნივერსიტეტის პროფესორი ვლადიმერ ბალაძე ესწრებოდნენ.

ინფექციური პათოლოგიის შიდსისა და კლინიკური იმუნოლოგიის სამეცნიერო-პრაქტიკული ცენტრის მონაცემებით, საქართველოში რეგისტრირებულ ავი დადებით და შიდსით დაავადებულ ადამიანთა შორის 50%-ზე მეტმა უკვე შიდსის სტადიაში შეიტყო მისი სტატუსი. ეს ამტკიცებს იმას, რომ საქართველოში გამოვლენა ჯერ კიდევ გვიანია (ადამიანები გვიან იგებენ, რომ დაინფიცირდნენ აივით), რაც ართულებს მკურნალობის პროცესს და ვირუსის გავრცელებას უწყობს ხელს.

პრესკონფერენციის ორგანიზატორები, მხარდამჭერები და მოწვეული სტუმრები ისაუბრებენ საქართველოში აივ ტესტირების ბარიერებზე და მოგვაწვდიან რეკომენდაციებს, თუ  რა შეიძლება განხორციელდეს იმისათვის, რომ უფრო მეტმა ადამიანმა მოისურვოს და რეალურად გაიკეთოს ტესტი აივზე და გამოვლენის შემთხვევაში მიმართოს დროულ მკურნალობას, რაც ჯანმრთელობის  შენარჩუნების გარანტია.

პრესკონფერენციის პანელისტები: ნათია ხარატი -დირექტორი- საინფორმაციო სამედიცინო ფსიქოლოგიური ცენტრი „თანადგომა“ (ბათუმის ფილიალი); თამარი ქაჩლიშვილი-დირექტორი, საზღვაო ჰოსპიტალი; იულია რასკევიჩი – მედიაკომუნიკაციის ოფიცერი-აღმოსავლეთ ევროპისა და ცენტრალური აზიის აივ დადებით ადამიანთა გაერთიანება; ლაშა თვალიაშვილი-დირექტორი-„რეალური ხალხი რეალური ხედვა“.

ღონისძიება ხორციელდება ევროკავშირის მხარდაჭერით.

აჭარის საოლქო პროკურატურის რამდენიმე თანამშრომელი სამსახურეობრივი მოვალეობის სანიმუშო შესრულებისთვის მადლობის სიგელითა და სამახსოვრო საჩუქრებით დააჯილდოვეს.  

სამახსოვრო საჩუქრები გადაეცა გიროგი თორდიას, საოლქო პროკურატურის საგამოძიებო ნაწილის უფროსს; ვლადიმერ თურმანიძეს, საოლქო პროკურატურის განყოფილების უფროს პროკურორს; ირაკლი გაჩეჩილაძეს, ოზურგეთის რაიონული პროკურატურის პროკურორს; გიორგი პერანიძეს, საოლქო პროკურატურის საგამოძიებო ნაწილის უფროსი გამომძიებელს; რომეო ტყაბლაძეს,  ბათუმის რაიონული პროკურატურის პროკურორს.

მადლობის სიგელი გადაეცათ: ანზორ უსტიაძეს, აჭარის საოლქო პროკურატურის უფროს პროკურორს და ფრიდონ ქარცივაძეს, აჭარის პროკურატურის განყოფილების პროკურორს.

ასევე, ვადამდელი სახელმწიფო სპეციალური წოდება მიენიჭათ:

ბაკურ აბულაძეს, აჭარის საოლქო  პროკურორის მოადგილესა და შოთა ხორავას, ბათუმის რაიონული პროკურატურის პროკურორს.

ჟურნალისტების კითხვებს მთავარმა პროკურორმა არ უპასუხა. 

„შეხვედრების მიზანია ვაცნობოთ საზოგადოებას თვითმმართველობის კოდექსში შესული ცვლილებების შესახებ. ის რომ თვითმმართველ ორგანოებს გადაეცემათ ექსკლუზიური უფლებამოსილება; ის რომ 2014 წლის სექტემბერში საშემოსავლო გადასახადის ნაწილი უნდა დარჩეს თვითმმართველობას, ასევე უნდა გაიმიჯნოს ქონება თვითმმართველობასა და ცენტრალურ ხელისუფლებას შორის. 2017 წლამდე შესაძლებელია მოხდეს ახალი მუნიციპალიტეტების წარმოშობაც. ასევე ის ცვლილებები, რომელიც საარჩევნო კოდექსშია, როდესაც პირდაპირ ვირჩევთ მერებს, ის რომ 4%-იანი ბარიერია პარტიებისთვის დადგენილი, რომ ამომრჩევლის 20% აქვს უფლება მოითხოვოს საკითხის ინიცირება, თუ კი უკმაყოფილოა გამგებლის ან მერის საქმიანობით. ბუნებრივია შემდეგ საკრებულომ უნდა იმსჯელოს და ორმა მესამედმა გადაწყვიტოს ეს საკითხი“ – ამბობს სამოქალაქო კულტურის საერთაშორისო ცენტრის წარმომადგენელი ასლან ჭანიძე.

ტბელ აბუსერიძის #4-ში ამხანაგობის თავმდომარე ლალი ბისეიშვილი თვითმმართველობის რეფორმის, კონკრეტულად კი დეცენტრალიზების მომხრეა.

 „რაც არის დასახული, რომ ადგილობრივი ბიუჯეტი მოხმარდეს ქალაქის განვითარებას და არ იყოს ცენტრალიზებული, ეს იქნებოდა კარგი“- ამბობს ლალი ბისეიშვილი.

დღემდე საქართველოში ოთხი ადგილობრივი თვითმმართველობის რეფორმის მცდელობა იყო. ასლან ჭანიძე  მიიჩნევს, რომ თვითმმართველობის რეფორმის პრაქტიკაში დანერგვა ხალხის აქტიურობაზეა დამოკიდებული:

„ხალხს აქვს ძალაუფლება. თუკი მოსახლეობა არ იაქტიურებს და არ გაიგებს, როგორ ხდება ქონების გამიჯვნა, რა პროცენტი რჩება საშემოსავლოს და თვითმმართველობას, ბუნებრივია ეს რეფორმაც დაზიანდება.“

მსგავსი საინფორმაციო შეხვედრები მთელი საქართველოს მასშტაბით 21 მაისიდან ტარდება. მას სამოქალაქო კულტურის საერთაშორისო ცენტრი, აშშ საერთაშორისო განვითარების სააგენტოს  (USAID) პროგრამის დემოკრატიული მმართველობა საქართველოში (G3) მხარდაჭერით. პროექტის „ადგილობრივი თვითმმართველობის რეფორმების შესახებ საზოგადოებრივი ცნობიერების ამაღლების საინფორმაციო კამპანია“ ფარგლებში ახორციელებს.

„საარჩევნო პლაკატების განთავსებასთან დაკავშირებით გვსურს კიდევ ერთხელ განვმარტოთ, რომ ბეჭდვითი-სააგიტაცო მასალების გავრცელების, მათ შორის საარჩევნო პლაკატების გაკვრის ადგილი განსაზღვრულია ბათუმის საკრებულოს მიერ. სამწუხაროდ ხშირად არის კანონის დარღვევის ფაქტები. საარჩევნო სუბიექტებს უკვე დაეგზავნათ გაფრთხილება და ჩაბარებიდან ორი დღის ვადაში  ვალდებულნი არიან გაითვალისწინონ, წინააღმდეგ შემთხვევაში ისინი დაჯარმდებიან. თითქმის ყველა პოლიტიკურ პარტიას თანაბარი რაოდენობის დარღვევა აქვს.“ – განაცხადა გოჩა ძნელაძემ.

მისივე თქმით, ჯარიმა საარჩევნო პლაკატის კანონით გაუთვალისწინებელ ადგილას გაკვრისათვის  50 ლარია (პირველ ჯერზე), ხოლო თუ საარჩევნო პლაკატი გაკრულია კულტურული მემკვიდრეობის ძეგლთა დაცვის ზონაში მდებარე შენობაზე, მაშინ ჯარიმა პირველ შემთხვევაში 200 ლარია, განმეორებით შემთხვევაში კი 1000 ლარი.

გაფრთხილება თვითმმართველობის არჩევნებში მონაწილე პარტიებს ზედამხედველობის სამსახურმა გუშინ გაუგზავნა. პარტიებს გაფრთხილების მიღების შემდეგ ორი დღის ვადა აქვთ დარღვევების გამოსასწორებლად.  ზედამხედველობის სამსახურს ჯერ-ჯერობით არც ერთი პოლიტკური პარტია არ დაუჯარიმებია.

კოალიცია „ქართული ოცნება“; პოლიტიკური პარტია „ერთიანი ნაციონალური მოძრაობა“; პოლიტიკური გაერთიანება „ერთიანი საქართველო – ნინო ბურჯანაძე“; მოქალაქე  ნიაზ ბოლქვაძე; პოლიტიკური პარტია „სალომე ზურაბიშვილი – საქართველოს გზა“; პოლიტიკური გაერთიანება  „ხალხის პარტია“; პოლიტიკური გაერთიანება  „ხალხის პარტია“; პოლიტიკური პარტია „პატრიოტთა ალიანსი“; პოლიტიკური გაერთიანება ,„ირაკლი ღლონტი – რეფორმატორები“ – ეს ის პარტიები და პოლიტკური გაერთიანებებია, რომელსაც მერია აფრთხილებს, საარჩევნო პლაკატები მხოლოდ კანონით დადგენილ ადგილებში განათავსონ.

პროექტი „ბათუმის ეზოს ამბები“ 2014 წლის აგვისტოს მესამედ გაიმართება და გულისხმობს საჯარო სივრცეში მხატვრების ერთობლივშემოქმედებით, კვლევით და სამუშაო პროცესს – ძველი ბათუმის რამდენიმე ეზოსა (ე.წ. „იტალიური ეზო“) და ქუჩაზე, ხოლო ბოლოს ნამუშევრების იგივე ეზოებში გამოფენას.

პროექტში მონაწილეობას მიიღებს 8 ადგილობრივი (4 აჭარიდან, 4 საქართველოს სხვა რეგიონიდან) და 4 უცხოელი მხატვარი

(პოლონეთი, უკრაინა, იაპონია).

განხორციელების თარიღი:

სამუშაო პერიოდი 16-დან 28 აგვისტომდე;
ნამუშევრების გამოფენა – 29, 30 და 31 აგვისტო.

მონაწილე მხატვრების და ეზოს მაცხოვრებლების თანამშრომლობით შეიქმნება ნამუშევრები, რომელთა ინსპირაციის წყარო ეზოს და მისიმობინადრეების კულტურული მემკვიდრეობა, პერსონალური ისტორიები, ინფრატრუქტურა, არქიტექტურული თავისებურებები და ყოველდღიურიცხოვრების დინამიკა იქნება.

გამოყენებული მედია შეიძლება იყოს ფოტო, ვიდეო, აუდიო, პერფორმანსი, ინსტალაცია, ლენდ-არტი, სტრიტ-არტი და ა.შ.;

შესაძლებელია პერმანენტული და დროებითი ნამუშევრების შექმნა.

საკონკურსოდ მიიღება PDF ფორმატის პორტფოლიოები /არაუმეტეს 5 MB-სა/

პორტფოლიო უნდა მოიცავდეს შემდეგ ინფორმაციას:

შემოქმედებითი მოკლე ბიოგრაფია და საკონტაქტო ინფორმაცია);
ბოლო 3 წლის განმავლობაში განხორციელებული დაგანუხორციელებელი 3 პროექტი:
ნამუშევრები/პროექტები – სახელწოდება, შექმნისთარიღი, კონცეფცია, ფოტო-დოკუმენტაციაან ონლაინბმული;
განუხორციელებელი პროექტები – სახელწოდება, კონცეფცია;

პროექტის ფარგლებში ანაზღაურდება: მგზავრობა, საცხოვრებელი, ნამუშევრების წარმოება, პერ-დიემი, ჰონორარი.

საკონკურსო პორტფოლიოები (PDF) მიიღება 2014 წლის 20 ივნისამდე ელფოსტაზე:

info@backyardstories.ge 

ინფორმაცია შერჩეული მონაწილეების შესახებ გამოქვეყნდება ვებგვერდზე 2014 წლის 25 ივნისს.

“საერთაშორისო სამეცნიერო კონფერენცია მნიშვნელოვანი მოვლენაა არა მხოლოდ უნივერსიტეტის, ბათუმის ისტორიაშიც, ვინაიდან დღემდე, ბათუმში გამართულ ყველა საერთაშორისო სამეცნიერო კონფერენციაზე ხელოვნება წარმოდგენილი იყო სექციის სახით, მაგრამ დამოუკიდებლად იგი  მხოლოდ წელს იმართება ხელოვნების უნივერსიტეტში,” – ნათქვამია ოფიციალურ რელიზში.

„მავნებლებთან ბრძოლა ერთ-ერთი პრიორიტეტია ჩვენთვის,“ – აცხადებს აჭარის სატყეო სააგენტოს უფროსის მოადგილე ჯუმბერ აბულაძე. მისივე თქმით, აჭარაში, წიწვოვან მცენარეებში გავრცელებული მავნებელი მბეჭდავი ქერქიჭამია და კენწეროს ქერქიჭამიაა.

„მბეჭდავი ქერქიჭამია წლების განმავლობაში აზიანებს წიწვოვნებს. მას პერიოდულად ებრძვიან. ალბათ კლიმატის ცვლილების ბრალიც არის, რომ მოიმატა რაოდენობამ. შესაძლებელი იყო ქიმიური შეწამვლის მეთოდის გამოყენებით მავნებლის განადგურება, მაგრამ  ჩვენ ვცდილობთ ნაკლები ზიანი მიადგეს გარემოს, ამიტომ გამოვიყენებთ მექანიკურ მეთოდს. მწერდამჭერი ხაფანგები შევისყიდეთ და მალე განვათავსებთ  დაავადებულ მონაკვეთებში,“ – ამბობს ჯუმბერ აბულაძე.

მისივე თქმით, გარდა ზემოჩამოთვლილი მავნებლებისა, ნაძვს სხვა მავნებელი –  ნაძვის დიდი ლაფანჭამია აზიანებს. მწერდამჭერი ხაფანგი ამ მავნებელს ვერ ერევა. სწორედ ამიტომ დაავადებასთან საბრძოლველად ბუნებრივი მტერი უნდა  გამოიყვანონ.

„თუ გახსოვთ ბორჯომში გახმა ტყეები. იმ პერიოდში ჩვენთანაც იყო, ჩატარდა მაშინ ღონისძიებები, მაგრამ ახლა ისევ გააქტიურდა. მავნებლების წინააღმდეგ ჩვენი ძალებით უნდა გამოვიყვანოთ ბიოლოგიური მტერი, რომელსაც ჩავასახლებთ და  შემდგომ უკვე თვითონ შეებრძოლება და გაანადგურებს დაავადებას,“ – ამბობს ჯუმბერ აბულაძე.

6 ათასი მწერდამჭერი ხაფანგი ქობულეთში, ხულოსა და შუახევში გადანაწილდება. მავნებლები ძირითადად ნაძვსა და სოჭს აზიანებენ. მწერდამჭერი ხაფანგებისთვის ჯამში 230 ათასამდე ლარი დაიხარჯება. კითხვაზე, რამდენად ეფექტური იქნება  აღნიშნული ღონისძიებები, აჭარის გარემოს დაცვისა და ბუნებრივი რესურსების სამმართველოს ხელმძღვანელი ვახტანგ წულაძე პასუხობს: „თურქეთის გამოცდილებით შეგვიძლია ვთქვათ, რომ ამ ხერხმა გაამართლა. იქ ეს პრობლემა მოგვარდა ფაქტობრივად. ყველა კონსულტაციის შედეგად, რაც გავიარეთ, გადავწყვიტეთ, ეს მეთოდი გამოგვეყენებინა“.

გარდა წიწვოვანი მცენარეებისა ტყის მავნებლებთან ბრძოლას ფოთლოვან მცენარეებშიც აპირებენ. თუმცა ამისათვის ჯერ სათანადო კვლევა უნდა ჩატარდეს. სამმართველოს ხელმძღვანელის განცხადებით, სამმართველოს ტენდერი აქვს გამოცხადებული. გამარჯვებულის გამოვლენის შემდეგ ფოთლოვან სახეობებში სრული მონიტორინგი განხორციელდება. შედეგები კი მოგვიანებით დაიწყება.

„წელს  შეიქმნა მავნებლებთან ბრძოლის სამსახური აჭარის სატყეო სააგენტოში.  ასევე მათთვის ქედის ტერიტორიაზე მოეწყო სამუშაო ოფისი, რომელსაც ბევრი დანიშნულება ექნება. ალბათ ერთ-ერთი მთავარი დანიშნულება იქნება მონიტორინგი და კვლევა დაავადებული უბნების, დაავადებებისა და მავნებლების  იდენტიფიცირება,“- განაცხადა ვახტანგ წულაძემ.

ფოთლოვანი მცენარეებიდან ყველაზე პრობლემური წაბლია. საქართველოს ტყეებში წაბლი დაავადებულია. მცენარეს ე.წ. წაბლის კიბო სჭირს, დაავადება ჯერ ქერქს აზიანებს, მოგვიანებით კი ხეს ნიადაგიდან კვების საშუალებას უბლოკავს, რაც საბოლოოდ ხის გახმობას იწვევს. 

აჭარის სატყეო სააგენტოს უფროსის მოადგილე ჯუმბერ აბულაძე ამბობს, რომ  წაბლის დაავადებასთან ბრძოლის ერთ-ერთი ეფექტური მეთოდი სანიტარული ჭრაა. 

„სანიტარულ  ჭრას ვატარებთ იმისთვის, რომ კერები შემცირდეს. უფრო ეფექტური წამალი არცაა გამოგონილი,“ – ამბობს ჯუმბერ აბულაძე.

საქართველოს გარემოსა და ბუნებრივი რესურსების დაცვის სამინისტროს ეროვნული სატყეო სააგენტოს ტყის მოვლა-აღდგენის დეპარტამენტის უფროსი ნათია იორდანიშვილი: „საქართველოში წაბლის ხმობის შემთხვევები ჯერ კიდევ მე-19 საუკუნის ბოლოს გამოვლინდა, განსაკუთრებით დასავლეთ საქართველოში. მაშინდელი მკვლევარების თანახმად ხმობა გამოწვეული იყო ე.წ. „მელნისებრი ავადმყოფობით“. დღეისათვის დადგენილია ხმობის გამომწვევი სოკო. მეცნიერთა რეკომენდაციებით, დღეისათვის ამ დაავადების წინააღმდეგ ბრძოლის ერთადერთ ეფექტურ საშუალებად მხოლოდ სანიტარული ჭრა მიიჩნევა“.

„სარეთაშორისო გამჭვირვალობის“ მიერ 2014 წლის 22 მაისს გავრცელებულ კველავაში ნათქვამია, რომ ვაჟა ვერულიძე ფლობს 50%-იან წილს კომპანიაში შპს „აუდიტორული საკონსულტაციო და სასწავლო ცენტრი BDO ლიდერი“, ამავე კომოპანიის დარჩენილი 50%-ის  მფლობელი კი მისი მეუღლე ნანა ხინიკაძეა. 

კვლევაში ნათქვამია ისიც, რომ საკრებულოს თავმჯდომარის მოადგილის ვაჟა ვერულიძის მეუღლე  ნანა ხინიკაძე 20% წილს ფლობს „თაობა XXI“-იც.

ინფორმაციას, რომ მეუღლესთან ერთად ფლობს კომპანიას ვაჟა ვერულიძეც ადასტურებს. ის ამბობს, რომ კომპანია დიდი ხნის წინაა დაარსებული და  არასდროს მიუღია ტენდერებში მონაწილეობა, შესაბამისად, ამ წილებიდან შემოსავალი არ მიუღია.  

ეს განმარტება ორგანიზაციის კვლევაშიცაა დაფიქსირებული. „ზემოთ მოცემულ კომპანიებს ელექტრონულ ტენდერებში მონაწილეობა არ მიუღიათ. მათთან არც გამარტივებული შესყიდვის შესახებ გაფორმებულა ხელშეკრულება“, – ნათქვამია  კვლევაში.

მიუხედავად ამ განმარტებისა,  ვაჟა ვერულიძე ამტკიცებს, რომ ორგანიზაციამ მისი იმ ადამიანებში მოხსენიებით, რომლებმაც თვითმმართველი ორგანიების მიერ გამოცხადებული ტენდერები მოიგეს, მისი უფლებები დაირღვა.

„საერთაშორიოს გამჭვირვალობის მიერ  კვლევის პრეამბულაში, რომელიც ეხებოდა ბათუმის საკრებულოს წევრების ბიზნესინტერესებს, ნათქვამია, რომ  ბათუმის საკრებულოს ექვსი წევრი, მათ შორის დასახელებულია ჩემი გვარიც, იმ კომპანიების მეწილეები არიან, რომლებიც  ბათუმის მერიის მიერ გამოცხადებულ ტენდერებში რეგულარულად იმარჯვებდნენ. ამ ინფორმაციის ტელევიზიისა და პრესის საშუალებით გავრცელების  შემდეგ  კი,  ნებსით თუ უნებლიედ დაირღვა ჩემი უფლებები და საზოგადოება შეყვანილი იქნა შეცდომაში“, – აცხადებს ვაჟა ვერულიძე.

ორგანიზაციის ბათუმის ოფისის ხელმძღვანელის, მალხაზ ჭკადუას განმარტებით, საკრებულოს თავმჯდომარის მოადგილის დამოკიდებულება, რომ „არ უნდა ვყოფილიყავი მოხსიენიებული, რადგან მათ მოგებული აქვთ ტენდერი და ჩვენ არ გვაქვს ტენდერებში მონაწილეობა მიღებული, არის აბსოლუტურად გაუგებარი. ჩვენ პრემაბულაში, ანუ დათქმებში, რაც კვლევის შედეგად მივიღეთ, ვწერთ, რომ ამ ადამიანების კომპანიების ნაწილს აქვს მოგებული სახელმწიფო ტენდერები და ნაწილთან არის გამარტივებული შესყიდვები გაფორმებული. 

ჩვენს კვლევას ჰქვია საკრებულოს წევრებისა და მათი ოჯახის წევრების ბიზნეს ინტერესები. პრეამბულაში ცალ-ცალკე ვერ ჩაწერდით ვის აქვს გაფორმებული ხელშეკრულება და ვის არა, ამიტომაც ჩაშლილად მივაწოდეთ ინფორმაცია საზოგადოებას თუ რომელი პირი რა კომპანიას ფლობდა და ეს კომპანია რა ტენდერებში იღებდა მონაწილეობას.  

არგუმენტი, რომ ვაჟა ვერულიძის უფლებები შეილახა, ჩვენთვის აბსოლუტურად გაუგებარია. ჩვენი კვლევა არანაირად არ იყო ორიენტირებული ვინმეს უფლების შელახვაზე.  ჩვენი მიზანი იყო საზოგადოების ინფორმირებულობა იმაზე, რომ რეალურად ადამიანები, რომლებიც არიან წარმომადგენლობით ორგანოში, აქვთ თუ არა სხვა ინტერესები გარდა იმისა, რომ მართონ ქალაქი. ჩვენ  აბსოლიტურად პასუხისმგებლები ვართ იმ ინფორმაციაზე, რაც გამოვაქვეყნეთ.“

„მაკბეტი“ ორ მოქმედებად  შექსპირის მიხედვით თარგმნა ლილი ფოფხაძემ და რობერტ სტურუამ.
  

მხატვარი – გოგლა გოგიბერიძე
ქორეოგრაფი – კოტე ფურცელაძე
მუსიკალური გაფორმება – თენგიზ შამილაძე
რეჟისორის თანაშემწეები – თეონა ლორთქიფანიძე, ზვიად მურვანიძე

მონაწილეობენ:

მანუჩარ შერვაშიძე – (დანკანი, სიუარდი)
მამუკა მანჯგალაძე – (მელკოლმი)
ნიკა ძიძიგური – (დონალბეინი)
ზაალ გოგუაძე – (მაკბეტი)
დიმიტრი მელია – (ბენკო)
დავით ჯაყელი – (ლენოქსი)
ჯემალ ველიაძე – (როსი)
გიორგი ფირცხალაშვილი – (ანგუსი)
გოგიტა მეგრელიძე – (მენთესი)
ლაშა კონცელიძე – (ფლეანსი, მაკდაფის ვაჟი)
ლევან თედორაძე – (სეიტონი)
დავით წერეთელი – (ექიმი, სერჟანტი)
თათია თათარაშვილი – (ლედი მაკბეტი)
მეგი კობალაძე – (ლედი მაკდაფი)
ენვერ ჩაიძე – (მაესტრო)
ნოდარ იაკობაძე – (I მკვლელი)
ბერდია ინწკირველი – (II მკვლელი)
ტიტე კომახიძე –( I ალქაჯი)
ქეთი ეგუტიძე – (II ალქაჯი)
თეო შამილაძე – (III ალქაჯი)

ბილეთები იყიდება თეატრის სალაროში
სალარო – (0422) 27 31 90 ან 27 06 13
ფასი 15 ლარი

ტურნირში ქედის, ხულოს, ქობულეთის, ხელვაჩაურისა და ბათუმის რესურსცენტრების საჯარო სკოლების ნაკრები  გუნდები ასპარეზობდენ, გამოვლინდა გამარჯვებული.

პირველი ადგილი ქედის სკოლების ნაკრებმა გუნდმა მოიპოვა, მეორე-ქობულეთის, მესამე ადგილის მფლობელი კი ხელვაჩაურის გუნდი გახდა. ტურნირში მონაწილე სპორტსმენებს სიგელები დაურიგდათ, გამარჯვებულ გუნდს კი გარდამავალი თასი ერგო.

„ეს ტურნირი მუნიციპალიტეტების სკოლებს შორის ტარდებოდა, ჩვენი ორგანიზებით ტურნირს მაშტაბური სახე მივეცით და მუნიციპალიტეტის სკოლების ნაკრები გუნდები  დამოუკიდებლობის დღესთან დაკავშირებით წარმოვადგინეთ. ავთანდილ ბერიძე იყო მწვრთნელი და პედაგოგი, რომელმაც 1974-1975 წლებში, საბჭოთა კავშირის ქვეყნებს შორის ჩატარებულ საკავშირო ჩენმპიონატში მახუნცეთის სკოლა მესამე ადგილზე გაიყვანა“ – აცხადებს ქედის რესურსცენტრის უფროსი დურმიშხან შავიშვილი.

ტურნირის პარალელურად, ქედაში, ღია ცის ქვეშ, გამარჯვების პარკში, კონცერტი მიმდინარეობდა. ქედის კულტურის ცენტრის მიერ ორგანიზებულ ღონისძიებას ერთგვარი საქველმოქმედო დატვირთვაც ჰქონდათ, იქვე იდო შესაწირი ყუთი, სადაც დამსწრე საზოგადოება ქედის მკვიდრის ნანა გორგილაძის მკურნალობისთვის საჭირო თანხას აგროვებდა.

„დამოუკიდებლობის დღისადმი მიძღვნილ ღონისძიებას ტრადიციულად მეხუთე წელია ღია ცის ქვეშ ვმართავთ, წელს ნანა გორგილაძის დასახმარებლად შესაწირი ყუთი განვათვსეთ, შემოსული თანხა კი მის მკურნალობას მოხმარდება“ – განაცხადა  ქედის კულტურის ცენტრის რეჟისორმა ლია მახარაძემ.

დამოუკიდებლობის დღისადმი მიძღვნილი ღონისძიებები მოეწყო ხულოსა და შუახევის მუნიციპალიტეტებშიც.