Batumelebi | ბათუმის მერობის კანდიდატი: „მე ვარ კარენოი ბათუმელი“ ბათუმის მერობის კანდიდატი: „მე ვარ კარენოი ბათუმელი“ – Batumelebi
RU | GE  

ბათუმის მერობის კანდიდატი: „მე ვარ კარენოი ბათუმელი“

 

მურნამ ბერიძე, ბათუმის მერობის კანდიდატი პასუხობდა 27 მაისს, ონლაინგადაცემა „შეუზღუდავ სივრცეში“ ჟურნალისტის შეკთხვებს. იგი მერობის კანდიდატად „ქრისტიან დემოკრატიულმა მოძრაობამ”, “მემარცხენე ალიანსმა”, “დემოკრატიული მოძრაობა ერთიანი საქართველოსთვის” და „ქართულმა დასმა” წარადგინა.

ნინო ბურჯანაძემ კანდიდატების წარდგენის დროს განაცხადა, რომ მას ბათუმში განსაკუთრებული მოგების შანსი აქვს. როგორ აპირებს  ამ იმედის გამართლებას ბათუმის მერობის კანდიდატი მურმან ბერიძე ამ პარტიიდან? მერობის კანდიდატი კითხვას ასე პასუხობს: “შანსი ის არის რომ, მე პირადად ვარ ძირძველი ბათუმელი, აჭარელი პიროვნება ვარ, კარენოი ბათუმელი”. 

 

 

 

 

“უკრაინაში სოფლის მეურნეობის, აზოტის სფეროში ასე თუ ისე წარმატებული ბიზნესი მქონდა, მაგრამ ჩამოვედი და დავინახე, რომ ჩემს ბათუმელებს ძალიან უჭირს, ის ბათუმი აღარაა ბათუმი ქათქათა რომ იყო, ძალიან დიდი მოვლა უნდა, ძალიან დიდი გასაჭირი აქვს მოსახლეობას” – აცხადებს მურმან ბერიძე.

 

მურმან ბერიძე, ბათუმში, ე.წ ჭაობის უბანში ცხოვრობს და მისი უბნის განვითარებაზე გვიყვება: „ეს უბანი ჩვენ უნდა განვავითაროთ, ტურისტები უნდა მოვიზიდოთ – რუსეთი იქნება, უკრაინა იქნება თუ სხვა საზღვარგარეთის ქვეყანა”…

 

კანდიდატის აზრით ქალაქში ბევრი პრობლემაა: ” მედიცინაში დასახვეწია ყველაფერი, ინფრასტრუქტურა დასახვეწია, სპორტული მოედნები არ არის ახალგაზრდებისათვის, არაფერი არ არის, ტყუილად ცარიელი მიწები არის მიგდებული უპატრონოდ…”

 

რატომ გადაწყვიტა ბიზნესმენმა პოლიტიკაში წასვლა? –  „იცით რა არის, მე როცა ჩამოვედი უკრაინიდან , რომ დავბრუნდი ჩემს ბათუმში შევხედე, მიტინგები ტარდებოდა, „ოცნებასთან“ ერთად მეც ვღებულობდი მონაწილეობას და როდესაც დაარბიეს აქცია, 26 მაისს, აჭარის ტელევიზიასთან, ჩემი შვილი მსახურობდა ჯარში, დამირეკა ჩემმა შვილმა ტელეფონზე, რა ხდება მამა მეთქი, და დამამთავრებინე ეს ჯარიო და რატომ მეუბნებითქო და ჩემი უფროსი მევიდა, მამაშენი იქანე მიტინგზე არის, წავიდეს, რომ უნდა დავარბიოთო, ხოდა ეხლა რა ხდება – პიროვნებები, რომლებიც ამ პროცესში მონაწილეობდნენ ისინი არიან მერიაში უფროსებად და მთელ ინფრასტრუქტურაში მაგენი არიან, ამით არაფერი არ შეცვლილა და ამისათვის გადავწყვიტე. ქალაქში, რაც მერიას ესაჭიროება, იმ სფეროში შევცვლი აუცილებლად, ჩვენი ბიუჯეტი რაც არის, უქმად რაც იფლანგება, გამოვიყენებ ქალაქის სასარგებლოდ”…

 

რას ფიქრობს  ბათუმის მერობის კანდიდატი ანტიდისკრიმინაციულ კანონზე? –  „არ უნდა მივემხროთ , ჩვენ არა ვართ მაგისათვის მზად, ჯერ მზად უნდა იყო იმ კანონისათვის, რაც მისაღებია და მერე უნდა მიიღო”…  კითხვაზე წაკითხული აქვს თუ არა კანონი გვპასუხობს: “არ წამიკითხავს, არ მეცალა , მაგ თემაზე ნაღდად არ განმიხილია” – ამბობს მურმან ბერიძე. 

ნეტგაზეთის მასალების სხვა გამოცემებში გადაბეჭდვის წესი
მოხალისე , სალომე დეკანაძე