Batumelebi

კონცერტის მხარდამჭერია აჭარის ტურიზმისა და კურორტების დეპარტამენტი.

ბილეთის ფასი: 30 ლარი

ონკოლოგიურ პათოლოგიათა ადრეული გამოვლენის მიზნით ტარდება შემდეგი სახის უფასო სამედიცინო–პროფილაქტიკური გასინჯვები: ონკოლოგის, ონკოუროლოგის, ონკოლარინგოლოგის, ონკოგინეკოლოგის კონსუტაციები, ექოსკოპიური გამოკვლევა, ციტოლოგია, PSA –ს განსაზღვრა.

მოსახლეობას სამედიცინო მომსახურებას სს “ქ. ბათუმის საზღავაო ჰოსპიტალის “ ექიმები უწევენ. ქედის, ხულოსა და შუახევის მუნიციპალიტეტებში გამოკვლევები უკვე ჩაუტარდა 673 ბენეფიციარს. პირველადი დიაგნოზის დაზუსტების მიზნითჩატარდა კონსულტაციები: ონკოლარინგილოგის – 178 ონკოუროლოგის – 152 ონკოგინეკოლოგის – 157 SPA განსაზღვრა – 121 ციტოლოგია – 42 წლის ბოლომდე მომსახურება გაეწევა კიდევ 927 ბენეფიციარს.

სატენდერო დოკუმენტაციით ირკვევა, რომ ცეკვის ფესტივალზე – `ზეიმი მთაში~, სუფრის მენიუ ასეთია: სინორი – 10 ულუფა; ქათამი, შემწვარი ტაბაკა – 4 ცალი, ნაღბიბორა კვერცხით, ღრმა თეფში – 8 ცალი; ბორანი ღრმა თეფშით – 10; კიტრი, პომიდორი, ხაშლამა, ყველი იმერული, პური, მჭადი, მჟავეს ასორტი (კიტრი, ჯონჯოლი, წიწაკა, ნიორი) ხაჭაპური, ოჯახური, მწვადი ტაფის, ღვინო უალკოჰოლო სასმელები, თაფლის არაყი, მწვანილები… ღონისძიებისთვის გათვალისწინებულია 1000 ლარი.

“მუნიციპალიტეტის ღვაწლმოსილ ადამიანებთან შეხვედრისთვის~ 500 ლარიან მენიუზეა ტენდერი გამოცხადებული. მენიუ აქ განსხვავებულია: ხაჭაპური აჩმა, სინორი, მოხარშული კარტოფილი, ქათამი, კაიმაღი, არაყი, ღვინო…

4000 ლარიან მენიუზეა ტენდერი  გამოცხადებული ხულოში “შემოდგომის ზეიმის” ჩატარებისთვის. პედაგოგების დღისთვის შერჩეული მენიუზე კი ტენდერი 700 ლარზეა გამოცხადებული.

2014 წლის ზამთრის სათხილამურო სეზონის გახსნასთან დაკავშირებით მოწვეული სტუმრებისათვის სუფრის გაშლისთვის 1000 ლარზეა ტენდერი გამოცხადებული.

ხულოს მუნიციპალიტეტის სატენდერო კომისიიის აპარატის წევრის გელა კოჩალიძის ინფორმაციით, საერთო ჯამში 9,199 ლარიანი ტენდერი მუნციპალიტეტმა წლის მეორე კვარტლისთვის გამოაცხადა.  

ფესტივალი დღეს ბათუმის დრამატულ თეატრში, 19:00 საათზე, რეჟისორ გიორგი ქათამაძის სპექტაკლით – “Self Shot” გაიხსნება. დრამატურგი და მსახიობი – ნიკო კილაძე.

ფესტივალის ფარგლებში წარმოდგენილი იქნება ექვსი მონოსპექტაკლი. ყველა სპექტაკლზე დასწრება თავისუფალია.

1 აგვისტო 19:00 – “დედა” რეჟისორი – პაატა ციკოლია; მსახიობი – სალომე მაისაშვილი; დრამატურგი – დათო გაბუნია.

 2 აგვისტო 19:00 – “ვაკანსია”; რეჟისორი – ნინი ჩაკვეტაძე; მსახიობი – ზაზა ვაშაყმაძე; დრამატურგი – ლია მოლარიშვილი

3 აგვისტო 19:00 – “გემრიელად მიირთვით”; რეჟისორი – მიხეილი ჩარკვიანი; მსახიობი – თეონა ლეჟავა; დრამატურგი – ერეკლე დეისაძე

 4 აგვისტო 19:00 – “შაურმა”; რეჟისორი – გოგა მაისურაძე; მსახიობი – ნათია კევლიშვილი დრამატურგი – ალექსანდრე ჩიღვინაძე

 4 აგვისტო 20:00“ – დამწყვდეულები”; რეჟისორი – თეონა მესტუმრე; მსახიობი – გიორგი ყორღანაშვილი; დრამატურგი – მათე მაყაშვილი

ფესტივალის მიზანია ახალგაზრდა დრამატურგების, მსახიობებისა და რეჟისორების პროფესიული განვითარების ხელშეწყობა და მოტივაციის ამაღლება და მონო სპექტაკლების მიმართ საზოგადოების ინტერესის ზრდის ხელშეწყობა.

ფესტივალის ფარგლებში, საწყის ეტაპზე, საქართველოს ექვსი ქალაქიდან შეირჩა თითო დრამატურგი, რომელის გამოუქვეყნებელ, ახალ მონო-პიესას დადგამს მის მიერ შერჩეული რეჟისორი და წარმოადგენს ბათუმის დრამატულ თეატრში.

გამოფენაზე წარმოდგენილი იქნება ქართველი, ჩეხი, სლოვაკი, პოლონელი, უნგრელი, უკრაინელი და ამერიკელი კარიკატურისტების ნამუშევრები.

გამოფენა არასამთავრობო ორგანიზაცია „ეუფორონის“ ინიციატივაა, 2014-2015 წლებისათვის კარიკატურების შერჩევა მოხდა პროექტის მონაწილე კარიკატურისტების აქტუალური პორტოფოლიოებიდან.

გამოფენაზე წარმოდგენილი იქნება:

 დერილ ქეილის, ამერიკელი ცნობილი სარედაქციო კარიკატურისტის ნამუშევრები, რომლის კარიკატურები 850-მდე მედიასაშუალებაშია დაბეჭდილი;  ქართველი კარიკატურისტის, გიორგი გამეზარდაშვილის, პოლონელი ანდრეი მილეცკოს, ჩეხი პაველ რეისენაუერის, უკრაინელი სარედაქციო კარიკატურისტის, ოლეგ სმალის, სლოვაკი მარტინ შუტოვეჩის და უნგრელი კარიკატურისკის, ჩაბა ვარგას ნამუშევრები.

პროექტი პოლიტიკური კარიკატურების საერთასორისო გამოფენის გაგრძელებაა. მისი ისტორია 2010 წლიდან იწყება, ამ ხნის მანძილზე გამოფენა გაიმართა ოთხი ქვეყნის [პოლონეთი, უნგრეთი, ჩეხეთი, სლოვაკეთი] 19 ქალაქში.

შინაგან საქმეთა სამინისტროს მიერ გავრცელებული ინფორმაციის მიხედვით,  ი.ზ-მ გადაამეტა სამსახურებრივ უფლებამოსილებას და თავის დაქვემდებარებაში მყოფ თანამშრომლებს უკანონოდ დაავალა კონკრეტული მოქალაქეებისათვის, თითქოსდა ტყითსარგებლობის წესების დარღვევისათვის, დაჯარიმების ყალბი აქტების გამოწერა.

გამოძიება სამსახურებრივი უფლებამოსილების გადამეტების ფაქტზე მიმდინარეობს (საქართველოს სსკ-ის 333-ე მუხლის 1-ლი ნაწილით, რაც 3 წლამდე თავისუფლების აღკვეთას ითვალისწინებს). გამოძიებას აწარმოებს შსს-ს ანტიკორუფციული სააგენტო.

“საქართველოს ბანკის” თანამშრომლები სასამართლოს წინაშე თითქმის ერთნაირ ამბავს ყვებიან: მოლარე-ოპერატორი ნინო დოლიძე გავიდა სალაროდან და კარები დარჩა ღია (ერთმა მოწმემ, ბანკის თანამშრომელმა თქვა, რომ იმ დღეს კარის საკეტი გაფუჭდა, ამიტომ არ იკეტებოდა). ამ დროს ბანკში შევიდა ახალგაზრდა ბიჭი, მაგიდაზე დალაგებულ ფულის შეკვრებს ხელი დაავლო, გულზე მიიხუტა და გაიქცა. იქვე მჯდომმა ბანკის კიდევ ერთმა თანამშრომელმა, მოლარე ხათუნა დავითაძემ დაიწყო ყვირილი. ფულის გამტაცებელი ბანკის ჰოლში ბანკის თანამშრომლებმა დააკავეს. დაკავების დროს შეკრული ფულის კუპიურები დაიშალა და იატაკზე დაცვივდა.

იატაკზე დაყრილი ფული ბანკის თანამშრომლებთან ერთად შეაგროვეს ბანკის კლიენტებმა და სალაროში შეიტანეს. მოლარე ოპერატორმა სოფიო კვირკველიძემ თქვა, რომ მან მძარცველს გადაუკეტა კარები, დაკეტილ კარებს დაეჯახა ბრალდებული და სცადა გაქცევა. მისივე თქმით, მას არ დაუნახავს ბრალდებულმა სალაროდან როგორ გამოიტანა ფული. თქვა, რომ გატაცებული იყო 50 ათასი ლარი. თანხის დათვლის შემდეგ დანაკლისი არ ყოფილა.

ნინო დოლიძემ, რომლის სამუშაო მაგიდიდანაც თანხა გაიტაცეს თქვა, რომ რამდენიმე წუთით საპირფარეშოში გავიდა. სწორედ ამ დროს შემოესმა მისი თანამშრომლის ყვირილის ხმა, მობრუნდა სალაროში და განგაშის ღილაკს დააჭირა ხელი. მისივე ინფორმაციით, გატაცებული იყო 50 ათასი ლარი, დათვლის შემდეგ დანაკლისი იყო მხოლოდ 100 ლარი.

ძარცვაში ბრალდებული ბანკის ჰოლში პირველად რუსლან დავითაძემ შეაჩერა, რომელიც „ზედაპირულად“ ბანკის უსაფრთხოებაზეც ზრუნავს. რუსლანმა თქვა, რომ დაკავებული წინააღმდეგობის გაწევას არ ცდილობდა და არც გაქცევა უცდია.
მოწმის სახით დაკითხეს “საქართველოს ბანკის” მომხმარებელი გიორგი ბლაგიძე. მან თქვა, რომ მომხდარის შესახებ ბანკის თანამშრომლებისგან შეიტყო, ინციდენტის დღეს კი, ბანკში 50 ათასი ლარი სწორედ იმ მოლარესთნ შეიტანა, რომლისგანაც თანხა გაიტაცეს.

“საქართველოს ბანკის”  დაყაჩაღებაში ბრალდებული 2014 წლის 14 მარტს დააკავეს. მის უფლებებს ადვოკატი ნუგზარ მგელაძე იცავს, სახელმწიფო ბრალმდებელი პროკურორი რამაზ შაინიძეა. ბრალის დამტკიცების შემთხვევაში 23 წლის ბრალდებულს 6-დან 10-წლამდე პატიმრობა ელის.

აჭარის მთავრობასა და ბათუმის მერიაში გაცემული პრემიები კვლავ მოექცა არასამთავრობო ორგანიზაციებისა და მედიის ყურადღების ქვეშ. მთავრობაში აცხადებენ, რომ პრემიების გაცემის წესთან დაკავშირებით ფიქრი უკვე დაიწყეს. აჭარის მთავრობის იურიდიული დეპარტამენტის უფროსი, დათო გაბაიძე “ბათუმელებთან” ამბობს, რომ მთავრობის ახალი გადაწყვეტილება პრემიების გაცემის წესთან დაკავშირებით, ძალაში პირველ აგვისტოს შევა. “ეს იქნება საქართველოს მთავრობის წესის ანალოგიური”, – აცხადებს ის. დადგენილების მიხედვით, პრემია გაიცემა კვარტალში ერთხელ, თანამდებობრივი სარგოს ოდენობით. პრემიის ზედა ზღვარი შეზღუდული იქნება.

შესაბამისად, აჭარის მთავრობაში პრემიას მიიღებენ წელიწადში შვიდჯერ: `სულ ოთხი კვარტალია და კვარტალში გაიცემა ერთხელ. ასევე საუბარია იმაზე, რომ პრემია გაიცემა წელიწადში სამჯერ, სადღესასწაულო დღეებში.

კონკრეტულად რომელ დღესასწაულებზე? – ამაზე მთავრობის იურისტი ამბობს, რომ ჯერ არ ჩამოყალიბებულან: “შევეცდებით თანაბრად გადანაწილდეს დღესასწაულები. მაგალითად, ოთხ თვეში ერთი დღესასწაული რომ გამოვიდეს, ალბათ ისე, ზუსტად ვერ გეტყვით. ან იმის მიხედვით, რომელი დღესასწაულის მონაკვეთში იქნება უფრო მეტი სამუშაო”. 

თუკი თანამდებობის პირის ხელფასი თვეში არის 1500 ლარი, ახალი რეგულაციების მიხედვით, მაშინ ის წლის განმავლობაში პრემიის სახით 10 500 ლარს მიიღებს. დღემდე კი მოხელე, რომლის ხელფასიც 1500 ლარი იყო, პრემიის სახით წელიწადში 12 ათას ლარს იღებდა (ყოველკვარტალურად ხელფასის ოდენობის პრემია, სხვა თვეებში –  ხელფასის ოდენობის ნახევარი); იმავე პრინციპით, საჯარო მოხელე, რომლის ხელფასიც 600 ლარია, წელიწადში პრემიის სახით 4200 ლარს მიიღებს, ძველი წესით კი, 4600 ლარს მიიღებდა.

დათო გაბაიძე ამბობს, რომ მთავრობის დადგენილებით პრემიის გაცემის წესის დარეგულირება სწორად არ მიაჩნია: “რა არის პრემია და დანამატი, ამის შესახებ საჯარო სამსახურის კანონში უნდა ეწეროს. არ მიმაჩნია სწორად, რომ სხვადასხვა სტრუქტურამ თავისი შეხედულებების მიხედვით განსაზღვროს პრემია”.

გარდა პრემიებისა და ხელფასებისა, კანონში არსებობს სახელფასო დანამატის მუხლიც. კითხვაზე, თუკი შეიზღუდება პრემიის გაცემის წესი, ხომ არ მოხდება თანხის `შევსება~ ე.წ. სახელფასო დანამატის მუხლიდან? _ იურისტი ამბობს, რომ მათ სახელფასო დანამატის მუხლი დღემდე არ გამოუყენებიათ: `დღის წესრიგში არ დამდგარა ეს საკითხი. თუმცა, შეიძლება დაიწყოს საუბარი ხელფასების გაზრდაზე და ალბათ აქამდეც მივა საქმე~.

დათო გაბაიძის აზრით, `თანამდებობრივი სარგოს კომპენსირება პრემიით ხდებოდა, რადგან ხელფასი დაბალია. მაგალითად, ფინანსთა სამინისტროს იურისტი, რომელიც თვეში 600 ლარს იღებს და მისი პასუხისმგებლობა არის მაღალი, პრემიას უნდა იღებდეს. რადგან ეს ხელფასი არის ძალიან დაბალი. ამის კომპენსირება ხდებოდა პრემიით”.

პრემიების გაცემის რეგულაციებზე ფიქრობენ ბათუმის მერიაშიც. ფინანსური სამსახურის უფროსი არჩილ ვანაძე ამბობს, რომ მალე შეიქმნება ჯგუფი, რომელიც მერთან ერთად გარკვეულ შეთანხმებამდე მივა: “სანამ პრემიების გაცემის ახალი სტანდარტი შემუშავდება, მერია იმოქმედებს დროებითი წესით, სადაც პრემიის გაცემის რაოდენობა და პერიოდულობა შეიზღუდება”.

 არჩილ ვანაძე ამბობს, რომ  საქართველოს მთავრობის დადგენილების მიხედვით, წლის ბოლომდე საჯარო სამსახურის ბიუროებმა უნდა შეიმუშაონ საჯარო სამსახურების ეფექტიანობის შეფასების სისტემა, რომელიც გარკვეულად განსაზღვრავს პრემიების წესსაც: `დღეს პრემიების გაცემის სისტემა მთლიანად სუბიექტურ ფაქტორზეა აგებული, ახალი სისტემა კი, ობიექტურ გარემოებებს შემოიტანს~. 

რაც შეეხება უმაღლეს საბჭოს, საფინანსო-საბიუჯეტო კომისიის თავმჯდომარე ალექსანდრე ჩიტიშვილი აცხადებს, რომ ისინი ახალი საკანონმდებლო რეგულაციების დაწესებამდე არსებული ნორმებით იმოქმედებენ:  “აქამდე იყო, ასე ვთქვათ, აპარატის თანამშრომელს ხელფასი აქვს ასი ლარი, პირველ თვეში იღებდა ხელფასზე 50 პროცენტ დანამატს, მეორე თვეში იმავეს და მესამე თვეში ასი პროცენტით, ანუ ხელფასის ოდენობის პერმიას. ჯამში, კვარტალში იღებდა ხუთ ხელფასს”.

უმაღლეს საბჭოში ამ წესის გადახედვას არ აპირებენ: «ვფიქრობთ, რომ ერთიანი სისტემა უნდა ჩამოყალიბდეს. არ შეიძლება უმაღლეს საბჭოს ჰქონდეს სხვა და მთავრობას სხვანაირი სისტემა. თუმცა, ჩვენც ვფიქრობთ, რაღაც უნდა შეიცვალოს, მაგრამ რა, კონკრეტულად ვერ გეტყვით. გარდა ამისა, ჩვენ გვიკრძალავს კანონი, რომ გავაუარესოთ თანამშრომლების მდგომარეობა. იმ ადამიანის მდგომარეობას, რომელიც მიღებულია კონკურსით და მან იცოდა, რამდენი იქნებოდა მისი თანამდებობრივი სარგო, დანიშვნის შემდეგ ვერ გავაუარესებთ. თუ ერთიანი კანონი არ იქნა, გადაწყვეტილება გაგვიჭირდება, ცალკე რეგულაციებს ვერ მივიღებთ”.

რაც შეეხება დეპუტატების ხელფასს, ალექსანდრე ჩიტიშვილის განცხადებით, იგივე დარჩება – დეპუტატები ორი სახის ანაზღაურებას მიიღებენ: “ხელფასი და სადეპუტატო უფლებამოსილების განხორციელებისთვის განკუთვნილი თანხა, რომელსაც დეპუტატები კომპენსაციის მუხლით იღებენ”.  

რაც შეეხება აჭარის მუნიციპალიტეტებს, როგორც გამგებლები აცხადებენ, პრემიების საკითხს მთავრობის მიერ დადგენილი წესის მიხედვით გადახედავენ. 

„ბათუმს აქამდე არ გააჩნდა სატრანსპორტო განვითარების გრძელვადიანი გეგმა, ამიტომ ამ გეგმის შემუშავებაზე გამოცხადდა ტენდერი, 20 ათასი ლარის ფარგლებში და შეირჩა „სონდერ გრუპი“ –  აცხადებს ბათუმის მერიის ეკონომიკური სამსახურის უფროსის მოადგილე ტიტე აროშიძე.

მისივე ინფორმაციით,  სტრატეგიული გეგმა გულისხმობს როგორც ახალი ხაზების შემუშავებას ავტობუსების დამატებისთვის, მიკროავტობუსებისთვის კი სხვა ხაზების გამოძებნას, ასევე ექსპრეს ხაზების დამატებას და ა.შ. ჯერ-ჯერობით საუბარია მხოლოდ ორ ექსპრეს ხაზზე, რომელიც მხოლოდ ა პუნქტიდან ბ პუნქტამდე იმოძრავებს და შესაბამისად, მისი ღირებულება უფრო ძვირი იქნება. შეიძლება შიდა მგზავრობის ტარიფიც გაძვირდეს, თუმცა უმნიშვნელოდ“. 

ახალი გეგმის მიხედვით, „ბათუმის ავტოტრანსპორტი“ მომგებიანი ორგანიზაცია უნდა გახდეს და არ უნდა დასჭირდეს ბიუჯეტიდან სუბსიდირება.

სტრატეგიული გეგმის საბოლოო ვერსია ტენდერში გამარჯვებულმა კომპანიამ ოქტომრის ბოლომდე უნდა წარმოადგინოს, შემდეგ კი ბათუმის საკრებულოს წარუდგინოს დასამტკიცებლად.    

ჯგუფის წევრები: ვოკალი – Mario Biondi, დრამი – Claudio Tucci, პიანინო – Claudio Filippini, საქსაფონი და ფლეიტა – Daniele Scannapieco, ბასი და კონტრაბასი – Tommaso Scannapieco, საყვირი – Giancarlo Campagnoli, კლავიში – Ciro Caravano, გიტარა – Michele Bianchi.

სწრაფი მარტივი ტესტირება უკვე ჩაუტარდა 1663 ბენეფიციარს, თვისობრივი კონფირმაციისთვის კი 188 ნიმუში გადაიგზავნა გერმანიაში.

წლის ბოლომდე მომსახურებით კიდევ 1337 ბენეფიციარი ისარგებლებს.

პროგრამას აჭარის საზოგადოებრივი ჯანდაცვის ცენტრი ახორციელებს.

დღეს, 27 ივლისს, ბათუმის დრამატული თეატრი შექსპირის „მაკბეტს“ წარმოგიდგენთ.

რეჟისორი: ანდრო ენუქიძე.

მონაწილეობენ:
მანუჩარ შერვაშიძე – (დანკანი, სიუარდი)
მამუკა მანჯგალაძე – (მელკოლმი)
ნიკა ძიძიგური – (დონალბეინი)
ზაალ გოგუაძე – (მაკბეტი)
დიმიტრი მელია – (მაკდაფი)
ზაზა ზოიძე – (ბენკო)
დავით ჯაყელი – (ლენოქსი)
ჯემალ ველიაძე – (როსი)
გიორგი ფირცხალაშვილი – (ანგუსი)
გოგიტა მეგრელიძე – (მენთესი)
ლაშა კონცელიძე – (ფლეანსი, მაკდაფის ვაჟი)
ლევან თედორაძე – (სეიტონი)
დავით წერეთელი – (ექიმი, სერჟანტი)
თათია თათარაშვილი – (ლედი მაკბეტი)
მეგი კობალაძე – (ლედი მაკდაფი)
ენვერ ჩაიძე – (მაესტრო)
ნოდარ იაკობაძე – (I მკვლელი)
ბერდია ინწკირველი – (II მკვლელი)
ტიტე კომახიძე –( I ალქაჯი)
ქეთი ეგუტიძე – (II ალქაჯი)
თეო შამილაძე – (III ალქაჯი)

დასაყისი 19 საათზე. ბილეთის ფასი: 15 ლარი. 

ბათუმის დელფინარიუმში 16 დელფინი ცხოვრობს. ისინი მეგობრობენ, თუმცა იციან, რომ ოჯახის უფროსი „კაკოა“, იგივე „კაკო ყაჩაღი“. სახელი მწვრთნელებმა ხასიათის გამო შეარქვეს. ამბობენ, რომ ის ყველაზე გაბედულია. ცოტა ხნის წინ „კაკოს“ დელფინ „ციცისთან“ ქალიშვილი შეეძინა: „ოლიმპია“ დელფინარიუმის ყველაზე პატარა ბინადარია, თუმცა შოუს დროსაც არ შორდება დედას და ძალიან მოსწონს, როცა ტაშს უკრავენ.

„ოლიმპია რაც დაიბადა, მოსვენებული არ მინახავს, სამი ზრდასრული ადამიანის ენერგია აქვს. საერთოდ 16-ვე დელფინი ინდივიდუალურია, ხასიათითაც განსხვავდებიან და ვიზუალითაც. 70-ზე მეტ დელფინთან მქონია ურთიერთობა, ორი ერთნაირი არ მახსოვს, ადამიანებივით არიან. ბათუმის დელფინარიუმში სამი დელფინი და ორი სელაპი დაიბადა, ეს იმას ნიშნავს, რომ აქ არის საუკეთესო პირობები. მნიშვნელოვანია საარსებო გარემო და ფსიქიკური მდგომარეობა, ისინი თავს კარგად უნდა გრძნობდნენ, რომ სექსუალური ცხოვრების სურვილი ჰქონდეთ. აქ დაბადებული დელფინები უფრო თავისუფლად არიან, ენდობიან ადამიანებს, მათთვის ეს პირობებია ბუნებრივი.

დელფინები ძალიან სოლიდარულები არიან, კონფლიქტის დროს ერთიანდებიან… ერთმანეთზე ზრუნავენ, „ციცის“ ეხმარებიან შვილის გაზრდაში. დღეს, მაგალითად, შოუს დროს, როცა დედა ნომერს ასრულებდა, „ზორომ“ შეითავსა ძიძობა, თუმცა იშვიათად, რომ მამრ დელფინს ანდოს მდედრმა შვილი“, – ამბობს თენგიზ წეროძე, დელფინარიუმის მენეჯერი.

დელფინარიუმში ექვსი სელაპი ცხოვრობს, ისინი უკვე გაწვრთნილები არიან, შოუსთვის მხოლოდ შესაბამისი გარემო სჭირდებათ: „დელფინების შოუ ისედაც დატვირთულია, სელაპების ჩართვა შოუში საჭირო არ არის. სელაპების შოუ დამოუკიდებლად შეიძლება ჩატარდეს, შესანიშნავი მსახიობები არიან, უკვე დაგეგმილია მათთვის აუზის გაკეთება“, – ამბობს თენგიზ წეროძე, თუმცა როდის გაკეთდება აუზი, ვერ აკონკრეტებს.

ანა ჩუნკოვამ დელფინარიუმში მწვრთნელად მუშაობა ოთხი წლის წინ დაიწყო, კონკურსის დრო ამოწურული იყო, თუმცა მისმა მონდომებამ დელფინარიუმის მენეჯერს აზრი შეაცვლევინა: „თვალებში ეხატა, რომ სიგიჟემდე უნდოდა აქ მოსვლა. სულ რამდენიმე შეკითხვა დავუსვი და ავიყვანე. მოლოდინი გაამართლა, გოგონებისთვის მძიმე სამუშაოა, გადაბმულად მუშაობენ, ზამთარ-ზაფხულ წყალში არიან, შოუს განმავლობაში სველი კოსტიუმი აცვიათ… აქ შეიძლება ისეთი პრობლემა დახვდეს, რომ 24-საათიან რეჟიმში მოუწიოს მუშაობა. მაგრამ მნიშვნელოვანია გოგონების მწვრთნელად ყოფნა, ანას გარდა გვყავს კიდევ ერთი გოგო, არამარტო შოუს სჭირდება გოგონები, დელფინებსაც _ გოგოები უკეთ გამოხატავენ სიყვარულს,  დელფინებს კი ეს სჭირდებათ, მათ უნდა დაინახონ, რომ უყვართ“, – ამბობს თენგიზ წეროძე.

ანამ მწვრთნელობა დელფინების შოუს ნახვის შემდეგ გადაწყვიტა. „18 წლის ვიყავი, როცა აქ მოვედი, არ ველოდი, რომ ამიყვანდნენ, თუმცა არ შემეძლო არ მეცადა, სხვა თუ არაფერი, დელფინების ნახვას შევძლებდი კიდევ ერთხელ“, _ ამბობს ანა.

იმისთვის, რომ მწვრთნელად ემუშავა, ანამ მიატოვა მუსიკა, ცეკვა და კალათბურთი. ამბობს, რომ ეს ამად ღირდა: „ცხრა წელი ვსწავლობდი მუსიკას, ფლეიტაზე ვუკრავ, არჩევანის გაკეთება მომიწია, მაგრამ ეს სამსახური ავირჩიე, აქ ბედნიერად ვგრძნობ თავს, უზომოდ მიყვარს ეს საქმე, სიხარულით მოვდივარ. როცა შვებულება მაქვს, ერთი სული მაქვს დავბრუნდე და ვნახო დელფინები, ძალიან მენატრებიან“.

დელფინარიუმში სამუშაო დღე დილის ათ საათზე იწყება. მწვრთნელები დელფინებს ამოწმებენ, შემდეგ საუზმეს უმზადებენ, ყველაფერზე პასუხისმგებელი სწორედ ისინი არიან: „ყველა თევზი უნდა გადავარჩიოთ სათითაოდ, რადგან დელფინებს აქვთ ძალიან დაბალი იმუნიტეტი, პატარა ჭრილობაც რომ ჰქონდეს თევზს, ის არ ვარგა მათთვის, სუფთა უნდა იყოს ყველაფერი. შემდეგ სელაპებზე ვზრუნავთ“.

ანა „ბელუჩისა“ და ბათუმში დაბადებულ „ნინისთან“ ერთად მუშაობს: „ბელუჩი მშვიდი, დინჯი გოგოა, ნინი სულ ცელქობს, უკვე ოთხი წლისაა, მაგრამ მაინც დედას დაყვება კუდში. ნინის ხასიათზე ვართ დამოკიდებული, ძირითადად ყველა ნომერზე მიჯერებს, უბრალოდ, ზოგჯერ ნომრის ხარისხს აფუჭებს. მე რომ ვბრაზდები, მერე კომპრომისზე თავადაც მოდის. თავისუფალ დროს ერთად ერთობიან, რა ნომრებსაც ვასწავლით, იმას თავისთვის იმეორებენ, ერთი და იგივე მოქმედება ბეზრდებათ, სულ სიახლეები სჭირდებათ“, – ამბობს ანა.

„თუ არის რამე გაუგებრობა დელფინსა და მწვრთნელს შორის, ეს ყოველთვის მწვრთნელის ბრალია, რადგან სათანადოდ ვერ უხსნის რა უნდა. ამ დროს დელფინებს საოცარი გამომეტყველება აქვთ – მაინც რა გინდა?! – ბრაზობენ, როცა რაღაცას ვერ იგებენ, იბუტებიან და ცოტა ხნით მარტოვდებიან, მერე თავად ბრუნდებიან მწვრთნელთან და დამშვიდებული სწავლობენ“, – ამბობს თენგიზ წეროძე, რომელიც ყველაზე გამოცდილი მწვრთნელია. ბათუმის ძველ დელფინარიუმში ის ბოლო დღემდე მუშაობდა, მერე კი დელფინებს გაყვა მალტაში. უკან 2007 წელს დაბრუნდა, ახლა დელფინარიუმში მენეჯერად მუშაობს, მწვრთნელებს ეფექტურ მუშაობას ასწავლის, თავისუფალი დრო თითქმის არ აქვს, ვერც დასვენებას იყენებს, რადგან ის დელფინარიუმში ყოველთვის საჭიროა: „ბიოლოგი ვარ, მწვრთნელად შემთხვევით აღმოვჩნდი, 25 წლის ასაკში მაშინ რთული იყო მუშაობა, ჩაკეტილ სივრცეში ვცხოვრობდით, ახლა ლიტერატურაზე ხელი მიუწვდებათ, ინტერნეტში ყველაფრის ნახვა შეიძლებდა, ჩვენ კი თავად უნდა გვეზრუნა სიახლეების შემოტანაზე. მაყურებელიც სხვანაირია, ტაში რომ დაეკრათ, დიდი ძალისხმევა იყო საჭირო, ბოლოს უკრავდნენ მხოლოდ ტაშს, ახლა ბევრად ემოციური მაყურებელია, ტაშის დაკვრით ყოველ წუთს გამოხატავენ აღფრთოვანებას“, – ამბობს თენგიზ წეროძე.

დელფინარიუმში ყველა გვეუბნება, რომ დელფინები ადამიანებს სიყვარულს ასწავლიან. „იმდენ სიყვარულს გამოსცემენ, გადამდებია ყველასთვის. ბევრი რამის სწავლა შეიძლება მათგან, თუნდაც ერთმანეთზე ზრუნვა, სულ ყურადღებით არიან ერთმანეთის მიმართ, პატარების მოვლაში იღებენ მონაწილეობას. „ნინიამ~ როცა შენიშნა, რომ მამრი დაინტერესდა დედამისით, იეჭვიანა, ახლა გვერდიდან არ შორდება“, – ამბობს ანა.

თენგიზ წეროძის აზრით, მათთან არიან დელფინები, რომლებსაც გამორჩეულად უყვართ ადამიანები: „ჩვენს დელფინებს რომ მივცეთ თავისუფლება, დარწმუნებული ვარ, ოთხი-ხუთი დელფინი არ წავა, არ მოშორდება სანაპირო ზოლს, რადგან ადამიანები უყვართ, აქ თავს ბედნიერად გრძნობენ. სრულიად თავისუფლები არც ადამიანები ვართ, მილიონი დელფინი იღუპება ზღვებში, აქ კი უსაფრთხოდ არიან, არაფერი ემუქრება, მშვიდად ცხოვრობენ, ერთობიან და სიახლეებს სწავლობენ. სხვათა შორის, ძალიან უყვართ ახალი `ტრიუკების~ სწავლა. ის ემოციები, რაც ერთი შოუს განმავლობაში 700 ადამიანს უჩნდება, ყველაფერს წონის, ცრემლებამდე მიდიან დადებითი მუხტისგან, იმდენი პოზიტივი მიაქვთ აქედან“.

შუამთობა ძირითადად მესაქონლეობასთან დაკავშირებული დღესასწაულია, რომელიც მთაში ყოფნის შუა პეროდს ემთხვევა, სწორედ აქედან მოდის დღესასწაულის სახელწოდებაც – შუამთობა.

შუამთობაზე ყოველ წელს, ტრადიციულად, ეწყობა კულტურული და სპორტული ღონისძიებები და დოღი. შუამთობის ტრადიციაა ქორწილებიც, კურორტ ბეშუმში, სადაც შუამთობას ყველაზე მეტი ადამიანი ესწრება, დღესასწაულზე არაერთ ახალდაქორწინებულ წყვილს ნახავთ.

შუამთობა ბეშუმში ტრადიციულად აგვისტოს პირველ შაბათ-კვირას ტარდება.

შუამთობას ყოველ წელს სტუმრობენ ქვეყნის პრემიერ-მინისტრი, პრეზიდენტი და ავტონომიური რესპუბლიკის აღმასრულებელი და საკანანმდებლო ხელისუფლების პირველი პირები.