Batumelebi | არჩილ ხაბაძის განცხადებით ბათუმის მეჩეთი გაფართოვდება არჩილ ხაბაძის განცხადებით ბათუმის მეჩეთი გაფართოვდება – Batumelebi
RU | GE  

არჩილ ხაბაძის განცხადებით ბათუმის მეჩეთი გაფართოვდება

 

დღეს ბათუმის მეჩეთში მუსლიმებმა ერთ-ერთი მნიშვნელოვანი დღესასწაული, რამაზან ბაირამი აღნიშნეს. დღესასწაულს წინ უსწრებდა ერთთვიანი მარხვა, რომელიც 28 ივნისს დაიწყო და დღეს დასრულდა.  

მუსლიმები ლოცვის დროს, მუსლიმებს დღესასწაული მიულოცა აჭარის მთავრობის თავმჯდომარემ არჩილ ხაბაძემ და მეჩეთის გაფართოების საკითხზე ისაუბრა.

არჩილ ხაბაძის განცხადებით, უკვე გადაწყვეტილია ბათუმში ქუთაისის ქუჩაზე არსებული მეჩეთის გაფართოება და პროცესი უახლოეს პერიოდში უნდა დაიწყოს.

„მონახაზი უკვე გაკეთებულია. კომისიაში ჩართული იქნება რელიგიის სახელმწიფო სააგენტო, სამუფთო, მრევლი, მთავრობა და ექსპერტები. საკითხი პრემიერის პირად კონტროლზეა აყვანილი. ახლო მომავალში მივიღებთ ქართული ფულით აშენებულ ქართულ მეჩეთს, რომელშიც ჩვენი ქართველი მუსლიმები აღასრულებენ ლოცვას. დღესაც დავინახეთ წვიმაში ქუჩაში როგორ ლოცულობდნენ ჩვენი მუსლიმები, ეს საკითხი უნდა გადაწყდეს და მრევლის მოთხოვნა დაკმაყოფილდეს.”

„ქართველ მუსულმანთა კავშირის“ ხელმძღვანელის, ტარიელ ნაკაიძის განცხადებით, მთავრობის დაპირება მხოლოდ პროცესის დროში გაწელვის მცდელობაა, რადგან არავინ იცის დაფართოებული მეჩეთი დააკმაყოფილებს თუ არა მორწმუნეთა მოთხოვნებს.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"