Batumelebi | ბათუმში პოლიტიკურ კარიკატურებს გამოფენენ ბათუმში პოლიტიკურ კარიკატურებს გამოფენენ – Batumelebi
RU | GE  

ბათუმში პოლიტიკურ კარიკატურებს გამოფენენ

 

31 ივლისს, 17:00 საათზე, ბათუმში, ახალი ბულვარის ტერიტორიაზე, ამფითეატრთან ახლოს  პოლიტიკური კარიკატურების საერთაშორისო გამოფენა გაიმართება. 

 

გამოფენაზე წარმოდგენილი იქნება ქართველი, ჩეხი, სლოვაკი, პოლონელი, უნგრელი, უკრაინელი და ამერიკელი კარიკატურისტების ნამუშევრები.

 

გამოფენა არასამთავრობო ორგანიზაცია „ეუფორონის“ ინიციატივაა, 2014-2015 წლებისათვის კარიკატურების შერჩევა მოხდა პროექტის მონაწილე კარიკატურისტების აქტუალური პორტოფოლიოებიდან.

 

გამოფენაზე წარმოდგენილი იქნება:

 დერილ ქეილის, ამერიკელი ცნობილი სარედაქციო კარიკატურისტის ნამუშევრები, რომლის კარიკატურები 850-მდე მედიასაშუალებაშია დაბეჭდილი;  ქართველი კარიკატურისტის, გიორგი გამეზარდაშვილის, პოლონელი ანდრეი მილეცკოს, ჩეხი პაველ რეისენაუერის, უკრაინელი სარედაქციო კარიკატურისტის, ოლეგ სმალის, სლოვაკი მარტინ შუტოვეჩის და უნგრელი კარიკატურისკის, ჩაბა ვარგას ნამუშევრები.

 

პროექტი პოლიტიკური კარიკატურების საერთასორისო გამოფენის გაგრძელებაა. მისი ისტორია 2010 წლიდან იწყება, ამ ხნის მანძილზე გამოფენა გაიმართა ოთხი ქვეყნის [პოლონეთი, უნგრეთი, ჩეხეთი, სლოვაკეთი] 19 ქალაქში.

 

დერილ ქეილის კარიკატურა. წყარო: www.cagle.com/
დერილ ქეილის კარიკატურა. წყარო: www.cagle.com/

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"