Batumelebi | მუზეუმების საერთაშორისო დღე მაჭახლის მუზეუმში მუზეუმების საერთაშორისო დღე მაჭახლის მუზეუმში – Batumelebi
RU | GE  

მუზეუმების საერთაშორისო დღე მაჭახლის მუზეუმში

 

 ,,ერთი დღე მუზეუმში” – ამ სახელწოდების ღონისძიება გაიმართა მუზეუმების საერთაშორისო დღესთან დაკავშირებით მაჭახლის ისტორულ – ეთნოგრაფიულ  მუზეუმში. მუზეუმში მოსახლეობის მიერ შემთხვევით აღმოჩენილი არქეოლოგიური მასალებია დაცული. იგი ყოფილი მეჩეთის შენობაში არის განთავსებული. 


 

 

მაჭახლის ხეობის შესასვლელში  მაჭახელას თოფის ძეგლი დგას, რომლის ისტორიას ხეობა საუკუნის განმავლობაში ინახავს. კაჟიანი თოფი ხეობის სიამაყე, ისტორია და წარსულია. მუზეუმის საერთაშორისო დღესთან დაკავშირებით, იმ ადამიანებს ვისაც დიდი წვლილი მიუძღვის მაჭახლის მუზეუმის შენარჩუნებაში მადლობის სიგელები გადაეცათ.

 

ხელვაჩაურის მუნიციპალიტეტის გამგეობის ინფორმაციით, ღონისძიებაში ფოლკლორული ჯგუფებიც მონაწილეობდა, რომელსაც ადგილობრივებთან ერთად ხელვაჩაურის მუნიციპალიტეტის წარმომადგენლები ესწრებოდნენ.  მუზეუმის თანამშრომლებმა მიწვეულ სტუმრებს ხეობის ისტორიის  შესახებ ესაუბრა. ისტორიულ-ეთნოგრაფიული მუზეუმი მაჭახლის თემში სოფელ ზედა ჩხუტუნეთში მდებარეობს.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"