Batumelebi | ქობულეთი სმენადაქვეითებულთა საერთაშორისო ფესტივალს უმასპინძლებს ქობულეთი სმენადაქვეითებულთა საერთაშორისო ფესტივალს უმასპინძლებს – Batumelebi
RU | GE  

ქობულეთი სმენადაქვეითებულთა საერთაშორისო ფესტივალს უმასპინძლებს

 

ქობულეთი 1-დან 7 აგვისტომდე ყრუთა და სმენადაქვეითებულთა საერთაშორისო ფესტივალ „ცხელი ზაფხული 2014-ს“ უმასპინძლებს.  ფესტივალში 23 ქვეყანა მიიღებს მონაწილეობას.

 

 

 პროექტის ფარგლებში დაგეგმილია შემოქმედებითი საღამოები, კონცერტები, სპორტული აქტივობები, სილამაზის კონკურსები, ხოლო ფესტივალის დასკვნით საღამოს, ცენტრალური პარკის ამფითეატრში გალა კონცერტი გაიმართება.

 

ფესტივალის მიზანია  ქვეყნებს შორის ურთიერთობის გაღრმავება, საზოგადოებრივი ცნობიერების ამაღლება, ყრუთა კულტურის გაცნობა, ჟესტური ენის პროპაგანდა და მისი შესაძლებლობების წარმოჩენა.

 

ფესტივალი, აზერბაიჯანისა და სომხეთის ყრუთა კავშირების ორგანიზებით, ქობულეთის მუნიციპალიტეტისა და საქართველოს კულტურისა და ძეგლთა დაცვის სამინისტროს მხარდაჭერით გაიმართება.

 

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"