აჭარის ფინანსთა და ეკონომიკის სამინისტრო ასლან აბაშიძის ქონებასთან დაკავშირებით, თამაზ ბაკურიძის მიერ გაკეთებულ განცხადებას გამოეხმაურა.
Author Archives: ბათუმელები
ბათუმში სანდასუფთავების გადასახადი მცირდება
ბათუმში დასუფთავების გადასახადი 50 თეთრით მცირდება. ამიერიდან მოსახლეობა 1,80 ლარის ნაცვლად 1, 30 გადაიხდის. ამის შესახებ დღეს ბათუმის საკრებულოში გამართულ ბრიფინგზე გახდა ცნობილი.
შს სამინისტრო ხელვაჩაურის გამგებლის დაკავებაზე
შს სამინისტრომ გამაქვეყნა ინფორმაცია ხელვაჩაურის გამგებლისა და მისი პირველი მოადგილის დაკავების შესახებ. შს სამინისტროს ვებ-გვერდზე გამოქვეყნებულია შემდეგ ინფორმაცია:
„შსს-ს ანტიკორუფციული სააგენტოს თანამშრომლებმა ხელვაჩაურის მუნიციპალიტეტის გამგებელი ლევან ლორთქიფანიძე და მისი მოადგილე ნოდარ შარაბიძე დააკავეს. მათ სამსახურებრივი უფლებამოსილების ბოროტად გამოყენება და სამსახურებრივი სიყალბის ჩადენა ედებათ ბრალად. გამოძიებამ დაადგინა, რომ ლევან ლორთქიფანიძემ და ნოდარ შარაბიძემ ერთ-ერთ მეწარმეს მიანიჭეს უპირატესობა, რამაც სახელმწიფოს კანონიერი ინტერესის არსებითი დარღვევა და სახელმწიფო ბიუჯეტის მიმართ დიდი ოდენობით ფინანსური ზიანი გამოიწვია.
კერძოდ, ერთ-ერთი კომპანიისგან, რომელიც ხელვაჩაურის რაიონის სოფელ თხილნარსა და ჭალნარში აწარმოებდა კულტურის ცენტრისა და ბაგა-ბაღის სამშენებლო სარემონტო სამუშაოებს, დაუსრულებელი სამუშაოები ძველი რიცხვით ჩაიბარეს. მიღება-ჩაბარების დოკუმენტებში კი დააფიქსირეს როგორც დასრულებული სამუშაო და კომპანიას მთლიანი თანხა ჩაურიცხეს.
ხელვაჩაურის გამგებელმა და მისმა მოადგილემ საქართველოს სისხლის სამართლის კოდექსის 332-ე მუხლის პირველი ნაწილითა და 341-ე მუხლით გათვალისწინებული დანაშაული ჩაიდინეს. გამოძიებას შსს-ს ანტიკორუფციული სააგენტო აწარმოებს“.
ბათუმის ახალი არქიტექტორი
<!** Image 1 align="" alt="გია რამიშვილი" sub="გია რამიშვილი" width="300" height="300" >
თითქმის ორწლიანი პაუზის შემდეგ, ბათუმს ახალი მთავარი არქიტექტორი ჰყავს. „რესპუბლიკელი“ გია რამიშვილი ბათუმის მერმა ჯემალ ანანიძემ, ქალაქის მთავარ არქიტექტორად მიმდინარე წლის 4 მარტს დანიშნა. როგორც საკრებულოს თავმჯდომარე და „რესპუბლიკელი“ ირაკლი ჩავლეიშვილი აცხადებს, გია რამიშვილის კანდიდატურა ქალაქის მერს თვითონ შესთავაზა:
„კი, ჩემი დაჟინებული თხოვნა იყო ყოველთვის, რომ გია რამიშვილი დაენიშნათ არქიტექტორად. ამიტომ, ბათუმელებს ვულოცავ, შეიცვალა ქალაქის მთავარი არქიტექტორი, ის აღარ არის მიხეილ სააკაშვილი და არის ცნობილი არქიტექტორი გია რამიშვილი“.
ახალი არქიტექტორის განცხადებით, პირველ რიგში წესრიგშია მოსაყვანი მშენებლობის რეგულირების წესები. მისი განცხადებით, ამას დასჭირდება დრო, ფართო განხილვები და საზოგადოების ჩართულობა. „რეზულტატი კი უნდა იყოს ისეთი, რომ მეტ-ნაკლებად დააკმაყოფილოს საზოგადოების ყველა დაინტერესებული მხარე“, – აცხადებს გია რამიშვილი, რომელიც ბათუმის მერიაში არქიტექორებს და საზოგადოების წარმომადგენლებს შეხვდა.
„დღევანდელი შეხვედრის მიზანია, არქიტექტორებს და, ზოგადად, საზოგადოებას გავაცნოთ ჩვენი ხედვები, თუ როგორ შეიძლება ბათუმის ურბანული განვითარება, რა ფორმით. ამასთან, მრგვალი მაგიდის ფორმატში მოვისმინოთ არტიქტერორების მოსაზრებები. ვფიქრობ, მათი მოსაზრებები აქტიურად იქნება განხილული“.
აჭარის მთავრობის წერილი თვითნებურად ჩასახლებულებს
<!** Image 1 align="middle" width="600" height="944" >
აჭარის ფინანასთა და ეკონომიკისა სამინისტრომ წერილები გაუგზავნა იმ მოსახლეობას, რომლებიც არჩევნების შემდეგ აჭარის მაღალმთიანი სოფლებიდან ხელვაჩაურსა და ქობულეთში ჩასახლდნენ. წერილის შინაარს უცვლელად გთავაზობთ:
თვითნასწავლი ხელოვანის პერსონალური გამოფენა
<!** Image 2 align="left" width="300" height="576" >
დღეს ხარიტონ ახვლედიანის ხელოვნებათმცოდნეობის მუზეუმში თვითნასწავლი ხელოვანის ვარდო დიასამიძის ხელნაკეთი ნამუშევრების პერსონალური გამოფენა გაიმართა.
გამოფენის ავტორმა სტუმრებს 40-მდე ნამუშევარი წარუდგინა, რომელიც მისი თქმით, ყოველგვარი დამხმარე ინსტრუმენტების გარეშე, საქსოვი ძაფითა და ჩხირებითაა შესრულებული.
როგორც ხელოვანი იხსენებს, მისი ნამუშევრები საზოგადოებამ პირველად პროექტ „ნიჭიერის“ კასტინგზე ნახა. მართალია, ის პროექტში არ მიიღეს, მაგრამ ავტორის თქმით, კასტინგზე მისვლა მისთვის მაინც წარმატებული გამოდგა, რადგან საზოგადოება მისი ნამუშევრებით დაინტერესდა.
მისივე თქმით, ცოტა ხნის წინ, ნამუშევრების პრეზენტაცია ბათუმის „პრესკაფეში“ გამართა, თუმცა იქ ნამუშევრების მცირე ნაწილი იყო წარდგენილი, სწორედ ამ დღეს ბათუმის მხარეთმცოდნეობის თანამშრომლის ინგა დიასამიძისგან მიიღო შეთავაზება, რომ პერსონალური გამოფენა გაემართათ.
როგორც მუზეუმის მეცნიერ-მუშაკი ინგა დიასამიძე აცხადებს, მას შემდეგ რაც ვარდო დიასამიძის ნამუშევრებს გაეცნო, გაუჩნდა იდეა, რომ „მუზეუმში, რომელიც ძალიან დიდ ისტორიას ინახავს, ყოფილიყო ქალბატონი ვარდოს ნამუშევრების გამოფენა“.
მთავრობამ უკანონოდ ჩასახლებულებს ვადები დაუწესა
<!** Image 1 align="middle" alt="უკანონო დასახლება" sub="უკანონო დასახლება" width="600" height="576" >
2012 წლის არჩევნების შემდეგ მაღალმთიანი აჭარიდან მოსახლეობამ უკანონოდ დაიწყო ხელვაჩაურის ტერიტორიაზე მცირე ზომის ქოხების ჩადგმა და იქვე დასახლდა. „ბორჯღალოს“ მიერ ჩატარებული ალტერნატიული აღწერის მიხედვით, 1864 ოჯახია თვითნებურად შესახლებული. აჭარის ჯანდაცვის მინისტრის მოადგილის, რამაზ ჯინჭარაძის თქმით, მათ დაახლოებით 678 ოჯახი შეისწავლეს: „შემდეგ შევჩერდით, რადგან ამ პროცესმა გამოიწვია უფრო მეტი ნაკადის შემოდინება. ჩვენი ინფორმაციით 12 ობიექტში არიან უკანონოდ შესახლებულები. 31 მარტისთვის ყველამ უნდა დატოვოს ტერიტორია, სხვა შემთხვევაში გამოყენებული იქნება კანონით გათვალისწინებული ღონისძიებები“.
სასოფლო-სამეურნეო ბარათებს ბათუმს შემოერთებული კომლებიც მიიღებენ
ვაუჩერების დარიგებასთან დაკავშირებით ბათუმის საკრებულოს დეპუტატის ნოდარ დუმბაძის განცხადებას, აჭარის სოფლის მეურნეობის მინისტრის მოადგილე ავთანდილ მესხიძე გამოეხმაურა.
როგორც მან „ბათუმელებს“ განუცხადა, ამ ეტაპზე სასოფლო სამეურნეო ბარათი მოსახლეობის იმ ნაწილს გადაეცა, ვინც 2500 კვადრატულ მეტრზე მეტ სახნავ-სათეს მიწას ფლობს.
მისივე თქმით, მომავალი კვირიდან სამინისტრო აპირებს სასოფლო-სამეურნეო მიწების მფლობელ მოსახლეობას ინვენტარისა და სასუქების შესაძენად გადასცეს სასოფლო-სამეურნეო ბარათი, რომელიც 100 ლარით იქნება განსაზღვრული.
მინისტრის მოადგილის თქმით, ვაუჩერს მიიღებს მოსახლეობის ის ნაწილიც, ვინც ფლობს მრავალწლიან სახნავ-სათეს მიწებს. ამ კატეგორიის მფლობელებს, 2500 კვადრატულ მიწაზე 5100 ლარი გადაეცემა.
ვინ სარგებლობს ასლან აბაშიძის ქონებით?
აჭარის ყოფილი მეთაურის, ასლან აბაშიძის ყოფილი პრესმდივანი თამაზ ბაკურიძე, რომელიც ამჟამად პატიმართა უფლებების დამცველია, ახალი ხელისუფლებისგან მოითხოვს, რომ დადგინდეს ასლან აბაშიძის ქონების ადგილსამყოფელი, რომელიც თამაზ ბაკურიძის განცხადებით, ე.წ აჭარის რევოლუციის შემდეგ,სააკაშვილის ხელისუფლების მაღალჩინოსნებმა გადაინაწილეს.
„საუბარია რვა ერთეულ ბრონირებულ ჰამერზე და მერსედესის მარკის ავტომობილებზე, ძვირადღირებულ ბიბლიოთეკაზე, იარაღების კოლექციასა და ხელოვნების ნიმუშებზე, რომელიც 2004 წლის მაისში, მიხეილმა სააკაშვილმა მაშინდელი სტადიონის ტერიტორიაზე გამოფინა და განაცხადა რომ ეს ქონება გაიყიდებოდა, შემოსავალი კი ხალხს მოხმარდებოდა“.
თამაზ ბაკურიძე ამბობს, რომ ძვირადღირებული ავტომანქანების შეძენაში თავადაც მონაწილეობდა, „შესაბამისად, ჩემთვის ცნობილია ამ ავტომობილების ღირებულებაც. თითოეული ჰამერების ფასი 200 ათას დოლარზე მეტია, მერსედესების კი 300 ათას დოლარზე მეტი“.
თამაზ ბაკურიძის განცხადებით, ასლან აბაშიძის ხელისუფლების შეცვლის შემდეგ, ამ ქონებას ამჟამინდელი თბილისის მერი გიგი უგულავა, ყოფილი შს მინისტრი ვანო მერაბიშვილი და აჭარის ყოფილი მთავრობის თავმჯდომარე ლევან ვარშალომიძე განაგებდნენ.
„დღემდე ცნობილია მხოლოდ ის ფაქტი, რომ ავტომანქანებით ყოფილი მაღალჩინოსნები და მათი ცოლები სარგებლობდნენ, სხვა ქონების ადგილსამყოფელი კი დაუდგენელია. ამიტომ, ვითხოვთ რომ შეიქმნას სპეციალური კომისია, რომელიც ამ ქონების ადგილსამყოფელის დადგენაზე იმუშავებს. კომისიაში კი საზოგადოების წარმომადგენლებიც უნდა შევიდნენ, რადგან არსებობს იმის საფრთხე, რომ ქონების შესახებ ინფორმაცია ისევ მიუწვდომელი დარჩეს საზოგადოებისთვის და ამით ახალი ხელისუფლების მაღალჩინოსნებმა ისარგებლონ“
<!** Image 1 align="" width="300" height="300" >
დარჩება თუ არა ბათუმს შემოერთებული სოფლები ვაუჩერის გარეშე
<!** Image 1 align="left" alt="ნოდარ დუმბაძე" sub="ნოდარ დუმბაძე" width="300" height="576" >
„ერთიანი ნაციონალური მოძრაობა“ ქალაქ ბათუმის ახლადშემოერთებულ ტერიტორიებზე მცხოვრები მოსახლეობისთვის სასოფლო-სამეურნეო ვაუჩერების დარიგებას მოითხოვს.
როგორც დღეს გამართულ ბრიფინგზე ბათუმის „ნაციონალური მოძრაობის“ საორგანიზაციო მდივანმა და ბათუმის საკრებულოს დეპუტატმა ნოდარ დუმბაძემ განაცხადა, აღნიშნულ ტერიტორიებს კვლავ აქვს სასოფლო-სამეურნეო მიწის სტატუსი. შესაბამისად, გაუმართლებელია მათ ვაუჩერები რომ ვერ მიიღონ.
მისი თქმით, შემოერთებულ ტერიტორიაზე მცხოვრები 11 ათასი ოჯახი იხდის სასოფლო-სამეურნეო მიწის გადასახადს, ამიტომ ეს კიდევ ერთი მიზეზია, რის გამოც მათ ვაუჩერები უნდა მიიღონ.
ამასთან, როგორც დუმბაძემ აღნიშნა, ნაციონალური მოძრაობის ხელისუფლებაში ყოფნის დროს, ახლადშემოერთებულ ტერიტორიაზე მცხოვრებ მოქალაქეებს არაერთხელ გადასცეს სხვადასხვა სამეურნეო დანიშნულების ვაუჩერი. შესაბამისად, მთავრობამ აუცილებლად უნდა განმარტოს თუ რატომ არ მისცეს მათ ვაუჩერები.
ამ საკითხთან დაკავშირებით „ბათუმელები“ მოგვიანებით აჭარის სოფლის მეურნეობის სამინისტროს პოზიციას გამოაქვეყნებს.
ბათუმის საკრებულოს გადაწყვეტილებით ხელვაჩაურის სოფლები, რომლებიც ბათუმს ესაზღვრებოდა, ნაციონალური მოძრაობის ინიციატივით, 2011 წელს ბათუმს შემოუერთდა.
ღია კარის დღე და კონცერტი მე-12 კლასელებისთვის
დღეს 2 სათზე ხელოვნებისა და მუსიკის ცენტრში ბათუმის რუსთველის უნივერსიტეტი ატარებს ღია კარის დღეს მე-12 კლასელებისთვის. ეს ამ აქციის დასკვნითი ეტაპია, მანამდე უნივერსიტეტის წარმომადგენლები შეხვედრებს სკოლებში მართავდნენ. „ჩვენ შევხვდით აჭარის, გურიისა და სამეგრელოს ყველა მე-12 კლასელს. გავაცანით უნივერსიტეტის საგანმანათლებლო და სოციალური, ასევე გაცვლითი პროგრამები და ყველა ის შესაძლებლობა, რასაც უნივერსიტეტი სთავაზობს სტუდენტებს“, – ამბობს ნინო დოლიძე, ბათუმის რუსთაველის უნივერსიტეტის საზოგადოებასთან ურთიერთობის სამსახურის ხელმძღვანელი.
ნინო დოლიძის ინფორმაციით, დღეს ხელოვნებისა და მუსიკის ცენტრში მე-12 კლასელებისთვის ლუკა ზაქარიაძე, თამუნა მიქელაძე, სოფო პაპუაშვილი და სხვები, ანუ ბათუმის უნივერსიტეტის ყოფილი და ამჟამინდელი სტუდენტები იმღერებენ.
ექიმი „ალდაგისა“ და ჯანმრთელობით მანიპულირების შესახებ
ძალიან ბევრი კლინიკა, სადაც მკურნალობდა აჭარის მოსახლეობა, ბოლო დროს დაზღვევით მოსარგებლე პაციენტების გარეშე დარჩა. მიზეზი არ გახლავთ მათი მომსახურების დონის შესუსტება ან სხვა მსგავსი რამ. სადაზღვევო კომპანია „ალდაგმა“ გადაწყვიტა მთლიანად უარი ეთქვა სხვა სამედიცინო დაწესებულებების მომსახურებაზე. ის თავის კერძო კლინიკებში იღებს პაციენტებს.
<!** Image 1 align="left" alt="კახა შარაშიძე" sub="კახა შარაშიძე" width="300" height="751" >
ცხენოსნობა აჭარაში
ირაკლი დარცმელიძე
8 თებერვალს თბილისში, მერიის თასის გათამაშებაზე ცხენოსნობაში ბათუმელმა გიორგი ძინძიბაძემ 15 მონაწილეს შორის მერვე ადგილი დაიკავა. მართალია, ადგილი საპრიზო არ არის, მაგრამ მნიშვნელოვანი ისაა, რომ ორმა ბათუმელმა ახალგაზრდამ, გიორგი ძინძიბაძემ და ირაკლი ნაცვალაძემ, ბათუმში ცხენოსნობის კლუბი დააარსეს, რითაც სპორტის ამ სახეობის განვითარებას საფუძველი ჩაუყარეს. მათი იდეა ქალაქის საკრებულომაც მოიწონა და 2013 წელს მათთვის 150 ათასი ლარი გამოყო. დანარჩენის შესახებ თავად ირაკლი და გიორგი მოგვითხრობენ, რომლებიც დღეს „ბათუმელების“ სტუმრები არიან.
<!** Image 1 align="middle" alt="გიორგი ძინძიბაძე" sub="გიორგი ძინძიბაძე" width="600" height="480" >
მინისტრის მოადგილეები ექიმების ხელფასების შესასწავლად სოფლებში
დღეს დილიდან აჭარის ჯანდაცვის მინისტრის მოადგილეები აჭარის მაღალმთიან მუნიციპალიტეტებში გაემგზავრნენ. მათი მიზანი, სოფლებში იმ ექიმებისა და ექთნების რაოდენობის დადგენაა, რომლებსაც დაბალი ხელფასები აქვთ. საპარლამეტო არჩევნების შემდეგ კვირას სოფლებში დასაქმებულმა ექიმებმა საპროტესტო აქცია გამართეს და განაცხადეს, რომ აღარ აპირებენ მიზერული ხელფასის პირობებში მუშაობის გაგრძელებას.
აჭარის ჯანდაცვის სამინისტრომ დაიწყო სახელმწიფო პროგრამა, რომელიც მაღალმთიან აჭარაში სამედიცინო პერსონალის მატერიალურ წახალისებას ითვალისწინებს. ამ მიზნით სამინისტროს ბიუჯეტიდან 120 ათასი ლარი გამოიყო.
პროგრამის ფარგლებში 27 ექიმი, ვისაც დაბალი ანაზღაურება აქვს (ძირითადად ვიწრო სპეციალობის ექიმები), ხელფასზე დანამატის სახით 300 ლარს მიიღებენ. „დაბალ ხელფასში იგულისხმება 200-250 ლარი. მაგრამ, როგორც ჩანს, ასეთ დაბალ ხელფასზე თითქმის არავინ მუშაობს, რადგან, ჯერჯერობით, სამინისტროში არც ერთი განცხადება არ შემოსულა“, – ამბობს „ბათუმეელბთან“ სამინისტროს სოციალური დაცვის დეპარტამენტის უფროსი ლელა სურმანიძე.
სოფლებში დასაქმებული ექიმების გადინების ფაქტი დაფიქსირდა ბათუმში ახლახან გახსნილ რეფერალურ საავადმყოფოში.
იგივე პროგრამის მიხედვით, ხელფასზე 120 ლარია დანამატს მიიღებენ ექთნებიც. ლელა სურმანიძე ამბობს, რომ საჭიროების შემთხვევაში პროგრამას თანხა დაემატება.
ეპისკოპოსის ქალიშვილის ცხოვრება დიდ ბრიტანეთში
ანა შიოლაშვილი ბათუმისა და ლაზეთის მიტროპოლიტის, მეუფე დიმიტრის შვილია. იგი 9 წლის განმავლობაში წმ. ანდრია პირველწოდებულის სახელობის სასულიერო გიმნაზიაში სწავლობდა. ერთ დღესაც, როცა ანა გამოცდისთვის ემზადებოდა, მამამ დაურეკა და უთხრა, რომ სექტემბრიდან ლონდონში გააგრძელებდა სწავლას.
<!** Image 1 align="middle" alt="ანა შიოლაშვილი " sub="ანა შიოლაშვილი " width="400" height="960" >
ბათუმის სამშობიარო სახლი ანგისაში აღარ გადავა
ბათუმის სამშობიარო სახლი, რომელიც ანგისაში არსებულ დედათა და ბავშვთა ცენტრს უნდა შეერთებოდა, კერძო სამედიცინო ცენტრად ჩამოყალიბდა. დღეს გამართულ აჭარის მთავრობის სხდომაზე, აჭარის მთავრობის თავმჯდომარემ არჩილ ხაბაძემ განაცხადა, რომ ბათუმის სამშობიარო სახლი ახალ იურიდიულ პირად ჩამოყალიბდა და ის რუსთაველის ქუჩაზე არსებულ შენობაში, სადაც ის წლების განმავლობაში მდებარეობდა, ფუნქციონირებას გააგრძელებს.
<!** Image 1 align="" alt="ბათუმის სამშობიარო სახლი " sub="ბათუმის სამშობიარო სახლი " width="300" height="300" >
რემონტი მკურნალობის პარალელურად
ბათუმის ონკოლოგიურ საავადმყოფოში უკვე სამი თვეა სარემონტო სამუშაოების პარალელურად პაციენტთა მიღება მიმდინარეობს. ხმაური აქ იმ პალატებამდეც აღწევს, სადაც ონკოლოგიური პაციენტები მკურნალობენ. რამდენად მართებულია ონკოლოგიური პაციენტების მომსახურება სარემონტო სამუშაოების პარალელურად? – ამ საკითხს „ბათუმელები” გასულ კვირას არკვევდა.
<!** Image 1 align="left" alt="ბათუმის ონკოლოგიური საავადმყოფო ხარაჩოებში" sub="ბათუმის ონკოლოგიური საავადმყოფო ხარაჩოებში" width="300" height="576" >
# 39-ით ხელვაჩაურიდან ბათუმამდე
ვიცი, სათაურზე გეცინებათ, მაგრამ მინდა გითხრათ, რომ სულაც არ არის სასაცილო. თქვენ იმგზავრეთ ყოველდღე #39-ით ხელვაჩაურიდან ბათუმამდე და ვნახავ, როგორ გაგეცინებათ.
იმ შემთხვევაში, თუ სამსახურში ათი საათისთვის ხარ მისასვლელი, მინიმუმ ცხრა საათსა და ათ წუთზე მოსაცდელთან უნდა იდგე, ყოველი შემთხვევისთვის, თავი რომ დაიზღვიო, რადგან შეიძლება სამარშრუტო ტაქსმა დაიგვიანოს. ან მალევე ჩამოიაროს, მაგრამ მასში შეღწევა იყოს რთული ამოცანა, ან კართან მდგომი შეგეცოდოს და აღარ უთხრა კიდევ ცოტა მიიწიეო, ან კიდევ საკუთარი თავი ამ ჭყლეტაში მოსახვედრად.
მეორე სამარშრუტო ტაქსზე დალოდებაც არ არის ხშირად გამოსავალი, ის ან იგივე, ან ოდნავ მსუბუქ მდგომარეობაში ჩამოივლის, ანუ შედარებით მსუბუქ ჭყლეტაში შეიძლება მოხვდე, რაც იმას ნიშნავს, რომ მძღოლის კარზე ოდნავ ჩამოწეული ფანჯრიდან სუფთა ჰაერის პერიოდულად ჩასუნთქვას შეძლებ.
რეკომენდაცია მათთვის, ვინც #39 სამარშრუტო ტაქსით არც თუ ისე ხშირად მგზავრობს: თუ ჭყლეტისას კართან ახლოს დგახართ და ახლად ამოსული მგზავრი ჩაწევას გთხოვთ, პოზიცია არ დათმოთ. თუ ჩაიწევით, ის აუცილებლად დაიკავებს თქვენს ადგილს და თქვენ მგზავრობა უკვე ცალ ფეხზე დამდგარს მოგიწევთ.
არის შემთხვევა, როცა სამარშრუტო ტაქსი მალე ჩამოივლის და იქ ადგილი შენთვისაც იქნება, მაგრამ სამწუხაროდ ის ის შემთხვევაა, როცა სამსახურში აუცილებლად დაიგვიანებ, რადგან ამ დროს მანქანა არ მიდის, მიღოღავს და ყოველ გზაგასაყარზე ორი წუთით ჩერდება იმ იმედით, რომ რომელიმე მხრიდან მგზავრი გამოჩნდება.
არ გირჩევთ მძღოლისათვის იმის თქმას, რომ გეჩქარებათ, ის აუცილებლად გიპასუხებთ: „ჩამოდი და ტაქსით წადი, მე აქ ვმუშაობ, კი არ ვთამაშობ“ – ამ დროს გახსოვდეთ, რომ ის ყოველთვის მართალია და თქვენ ვერაფერს გახდებით, უბრალოდ აზრი არ აქვს კამათს, მინიმუმ ბოლოს თქვენ გაჩუმდებით, მაქსიმუმ შეიძლება გაცილებით უფრო შეურაცხყოფილი დარჩეთ.
თუ სახლიდან წამოსვლისას არსებობს შანსი, ხანდახან მაინც გაგიმართლოთ და სამარშრუტო ტაქსში დასაჯდომი ადგილი შეგხვდეთ, უკან დაბრუნებისას ეს გამორიცხულია, რადგან #39 სადგომიდან სამარშრუტო ტაქსი მანამდე არ დაიძვრება, ვიდრე ადგილზევე არ გადაივსება მგზავრებით. თუ გაჩერებაზევე დაიკავებთ ადგილს, შეძლებთ შედარებით უკეთესად იმგზავროთ, მაგრამ არ დაუჯეროთ მძღოლს, რომ მანქანა ადგილიდან თქვენი ჩასხდომიდან ათ წუთში დაიძვრება. მოთმინებით დაელოდეთ მის ბოლომდე შევსებას.
თუმცა თქვენ რას გერჩით, ახლა, როცა ჩემი ყოველდღიური მგზავრობის, ანუ „ტანჯვის“ შესახებ ვწერ, ყველაზე მეტად ის მინდა, ამის შესახებ ხელვაჩაურის ახალმა გამგებელმა ლევან ლორთქიფანიძემ წაიკითხოს. თუ ის რაიმე ტიპის რეგულაციას მოიფიქრებს, პრობლემის გადაჭრის, ან შეამსუბუქებს მაინც, ჩემთვის ყველაზე მაგარი გამგებელი იქნება მთელ მსოფლიოში და მომავალ ყველა არჩევნებზე, ნებისმიერ თანამდებობაზე კენჭისყრისას მე მისი მხარდამჭერი ვიქნები.
<!** Image 1 align="left" alt="ცაგო კახაბერიძე" sub="ცაგო კახაბერიძე" width="300" height="436" >
გაძვირდება თუ არა სიგარეტი და თამბაქოს „შავი ბაზრის“ საფრთხე
ხელისუფლების შეცვლის შემდეგ თამბაქოს მოხმარების წინააღმდეგ ჯანდაცვის სამინისტრომ აქტიური კამპანია დაიწყო. მისი სტრატეგიის ერთ-ერთი პუნქტის მიხედვით, თამბაქოს მოხმარება მასზე აქციზის ფასის მატებამ უნდა შეამციროს. იმ შემთხვევაში, თუ ხელისუფლება გაწერილ სტრატეგიას ბოლომდე მიიყვანს და მის ყველა პუნქტს შეასრულებს, მომხმარებელი თამბაქოზე ფასის ზრდას უნდა ელოდოს.
<!** Image 1 align="left" width="300" height="586" >
ცივი და ცხელი მატარებელი
<!** Image 2 align="left" alt="თბილისი-ბათუმის მატარებელი" sub="თბილისი-ბათუმის მატარებელი" width="400" height="576" >
ღამის მატარებლის მგზავრებს ზამთარსა თუ ზაფხულში მოუწესრიგებელი საპირფარეშოების გარდა კიდევ ერთი პრობლემა აქვთ – გაუმართავი კონდიცირების სისტემა. ვაგონებში ზამთარში ზედმეტად ცხელა, ხოლო ზაფხულში – პირიქით, რაც საბოლოო ჯამში მგზავრების ჯანმრთელობაზე ცუდად მოქმედებს.
სტუდენტური თვითმმართველობის არჩევნები ბათუმის უნივერსიტეტში
ბათუმის რუსთაველის სახელმწიფო უნივერსიტეტში თვითმმართველობის არჩევნები 2013 წლის 27 მარტს ჩატარდება. საარჩევნო კომისია, რომლის თავმჯდომარედ სულხან დუმბაძე დაამტკიცეს, დაკომპლექტებულია ხუთი სტუდენტისაგან, რომლებიც ფაკულტეტების მიხედვით შეირჩნენ. განათლებისა და მეცნიერების ფაკულტეტს ნინო გალოგრე და ლანა ბურკაძე წარმოადგენენ, სოციალურ მეცნიერებათა ფაკულტეტს – თამილა გაბაიძე, ტურიზმის ფაკულტეტს – ნინო ხელაძე, ტექნოლოგიურს კი – სულხან დუმბაძე.
<!** Image 1 align="left" width="300" height="427" >
მეწყერს გადარჩენილების ამბავი
<!** Image 1 align="left" width="600" height="576" >
კედლები დაობებულია და ნესტის სუნით გაჯერებული. საწოლების თავზე პოლიეთილენის პარკებია დამაგრებული, რომ წვიმის წყალმა საწოლებში არ ჩააღწიოს. „ქარი რომ ამოვარდება, გული გვისკდება, კედლები თავზე არ ჩამოგვანგრიოს. მიწისძვრის დროს კედლები დაიბზარა, გვეშინია ბავშვებს არაფერი შეემთხვას“, – გვეუბნება დინარა დავითაძე, რომელიც ყოფილი პანსიონატის შენობაში მეუღლესთან, ოთხ ვაჟთან და მცირეწლოვან შვილიშვილებთან ერთად ცხოვრობს. მუდმივი სიცივისა და ნესტის გამო ოჯახის ყველა წევრი ავადაა. „როგორც სოციალურად დაუცველს, სამედიცინო პოლისი მაქვს, მაგრამ იმდენჯერ მივდივართ კვირაში, რომ ექიმებს ჩვენი დანახვა აღარ უნდათ. ყველას მოვბეზრდით. ოთახებში კი სულ წვიმს და ბრონქული ანთება ჩემს მეუღლეს, რომელიც უნარშეზღუდულია, ასთმაში გადაეზარდა“, – გვიყვება დავითაძეების რძალი.
ხუთი ახალი ფრაქცია – კაბინეტები, მანქანები და ხარჯები
ბათუმის საკრებულოში ხუთი ფრაქცია იმუშავებს, რაც ბათუმის საკრებულოს ბიუროს 13 წევრამდე გაზრდის. გაიზრდება ფრაქციების შენახვის ხარჯებიც. ნიშნავს თუ არა ეს სამომავლოდ აპარატში სპეციალისტების რაოდენობის გაზრდასაც და რა ხარჯებს უკავშირდება ფრაქციების მუშაობა საკრებულოში? კითხვებზე `ბათუმელებს~ საკრებულოს აპარატის უფროსი ლიანა დიასამიძემ უპასუხა.
<!** Image 1 align="left" alt="ლიანა დიასამიძე" sub="ლიანა დიასამიძე" width="300" height="576" >
დავით სერგეენკოს ვიზიტი აჭარაში
<!** Image 1 align="left" alt="დავით სერგეენკო" sub="დავით სერგეენკო" width="300" height="467" >აჭარის ჯანდაცვის სამინისტროს პრესსამსახურის ინფორმაციით, დღეს 17:00 საათზე სამინისტროს საქართველოს შრომის, ჯანმრთელობისა და სოციალური დაცვის მინისტრი დავით სერგეენკო ეწვევა.
პრეს-რელიზის თანახმად, „მინისტრი ვიზიტის ფარგლებში შეხვედრას გამართავს რეგიონში მოქმედი სამედიცინო დაწესებულებების ხელმძღვანელებთან და მათ ინფორმაციას საყოველთაო ჯანდაცვის პროგრამის შესახებ მიაწვდის.
სამინისტროში გამართულ შეხვედრას სამედიცინო დაწესებულებების ხელმძღვანელებთან ერთად აჭარის ა.რ. მთავრობის თავმჯდომარე არჩილ ხაბაძე, აჭარის უმაღლესი საბჭოს ჯანმრთელობის დაცვისა და სოციალურ საკითხთა კომისიის თავმჯდომარე ჯემალ ფუტკარაძე, სოციალური მომსახურების სააგენტოს აჭარის ფილიალის უფროსი თემურ ქარცივაძე და რეგიონის ჯანდაცვის უწყების ხელმძღვანელები დაესწრებიან.
შეხვედრის დასრულების შემდეგ აღნიშნული პირები ბათუმის სამედიცინო დაწესებულებებს ეწვევიან და ადგილზე გაეცნობიან საყოველთაო ჯანდაცვის პროგრამის მიდინარეობას.
საყოველთაო ჯანდაცვის პროგრამა, წელს 28 თებერვალს ამოქმედდა. ახალი სადაზღვევო პაკეტი ქვეყნის მასშტაბით იმ 2 მილიონზე მეტი ადამიანის დაზღვევას ითვალისწინებს, რომლებიც დღემდე არანაირი სადაზღვევო მომსახურებით არ სარგებლობდნენ. საყოველთაო ჯანდაცვის პროგრამა ოჯახის ექიმთან შეუზღუდავ ვიზიტს, გადაუდებელ ამბულატორიულ და სტაციონარულ მომსახურებას ითვალისწინებს.
საყოველთაო ჯანდაცვის პროგრამას სახელმწიფო ახორციელებს და მასში არ არის ჩართული რომელიმე სადაზღვევო კომპანია, მოქალაქეს ეძლევა საშუალება თავად აირჩიოს სამედიცინო დაწესებულება, სადაც სურს მომსახურების მიღება.
კამათი ბათუმის მერის კანდიდატურის გარშემო
<!** Image 1 align="middle" alt="ბათუმის მერი ჯემალ ანანიძე და ბათუმის საკრებულოს თავმჯდომარე ირაკლი ჩავლეიშვილი" sub="ბათუმის მერი ჯემალ ანანიძე და ბათუმის საკრებულოს თავმჯდომარე ირაკლი ჩავლეიშვილი" width="600" height="435" >
არასამთავრობო ორგანიზაციების ნაწილის განცხადებით, ბათუმის ახალი მერი კონკურსის წესით უნდა შეირჩეს. ამისთვის კი სპეციალური კომისია უნდა შეიქმნას, რომელიც დაადგენს იმ კრიტერიუმებს, რასაც მომავალი მერი უნდა აკმაყოფილებდეს. ბათუმის საკრებულოს თავმჯდომარის, ირაკლი ჩავლეიშვილის განცხადებით, კომისიის შექმნა დროში გაწელილი პროცესია, რამაც შესაძლებელია მერიის მუშაობაში სრული კოლაფსი გამოიწვიოს.
ბიზნესმენ გელა ობოლაშვილის ღია წერილი პრემიერ-მინისტრს
<!** Image 1 align="left" alt="გელა ობოლაშვილის ბრიფინგი დემოკრატიული ჩართულობის ცენტრში" sub="გელა ობოლაშვილის ბრიფინგი დემოკრატიული ჩართულობის ცენტრში" width="400" height="510" >
ბიზნესმენმა გელა ობოლაშვილმა, დღეს დემოკრატიული ჩართულობის ცენტრში ბრიფინგი გამართა. ბიზნესმენის თქმით, ის 2009 წლამდე იყო ლუხუმ კაპანაძის ბიზნეს-პარტნიორი (კაპანაძეს სასამართლომ გასულ კვირას დაუსწრებლად შეუფარდა პატიმრობა), მაგრამ არ სურს ასოცირდებოდეს ვანო მერაბიშვილთან. „ჩემი მასთან კავშირი ის არის, რომ ჩვენ ერთი სკოლა დავამთავრეთ“, – დასძინა ბიზნესმენმა. გელა ობოლაშვილმა ასევე ისაუბრა იმაზეც, რომ არჩევნების შემდეგ დაბრუნებული ბიზნესის მისთვის წართმევას ახლა სხვა ჯგუფები ცდილობენ. გელა ობოლაშვილმა ბრიფინგზე კონკრეტული გვარების დასახელებისგან თავი შეიკავა. ბათუმელები უცვლელად გთავაზობთ ტექსტ, რომლითაც ბიზნესმენმა ბიძინა ივანიშვილს მიმართა:
ქალაქის და სოფლის სკოლა
მე სოფელ კირნათის საჯარო სკოლაში ვსწავლობ და მინდა გესაუბროთ იმ განსხვავებების შესახებ, რაც, ჩემი აზრით, არსებობს ქალაქისა და სოფლის სკოლებს შორის. ვფიქრობ, რომ განსხვავება არსებობს და ეს საკმაოდ შესამჩნევია.
<!** Image 1 align="middle" alt="თამთა კახაბერიძე" sub="თამთა კახაბერიძე" width="400" height="640" >
აჭარის ფინანსთა და ეკონომიკის მინისტრის გადადგომას სამინისტროში არ ადასტურებენ
<!** Image 1 align="left" alt="გიორგი თავართქილაძე" sub="გიორგი თავართქილაძე" width="300" height="277" >
სამაგიეროდ, აჭარის ფინანსთა და ეკონომიკის მინისტრის, გიორგი თავართქილაძის გადადგომას ადასტურებენ აჭარის მთავრობაში. როგორც გაირკვა, არჩილ ხაბაძემ დღეს დააკმაყოფილა ყოფილი მინისტრის განცხადება გადადგომასთან დაკავშირებით.
ფინანსთა სამინისტროს პრეს-სამსახურში ამ ინფორმაციას არ ადასტურებენ. პრეს-სამსახურის ხელმძღვანელის, იური ფენის განმარტებით, მინისტრის გადადგომის შესახებ ინფორმაცია სიმართლეს არ შეესაბამება და გიორგი თავართქილაძე სამსახურეობრივი მივლინებით თბილისში იმყოფება.
რამდენიმე თვიანი საქმიანობის შემდეგ გიორგი თავართქილაძემ საზოგადოებას თავი სკანდალური განცხადებით დაამახსოვრა, როცა მან თქვა, რომ წელს აჭარაში 40 მილიარდი დოლარის ინვესტიცია განხორციელდება.
გიორგი თავართქილაძის მიერ სამსახურიდან წასვლის შესახებ განცხადების დაწერის თაობაზე ინფორმაცია ორი კვირის წინ გავრცელდა. თუმცა, მაშინ ყოფილი მინისტრი ამ ინფორმაციას კატეგორიულად უარყოფდა.
ამ ეტაპზე გიორგი თავართქილაძესთან დაკავშირება ვერ ხერხდება.
დღემდე მედიაში არაერთხელ დაიწერა გიორგი თავართქილაძისა და არჩილ ხაბაძის ახლო ურთიერთობაზეც – არჩილ ხაბაძე ყოფილი მინისტრის მეჯვარე იყო.
„ბათუმელების“ ინფორმაციით, ფინანსთა და ეკონომიკის მინისტრად ყოფილი მინისტრის პირველი მოადგილის, დავით ბალაძის კანდიდატურა განიხილება, რომელიც უკვე შეუდგა მოვალების შესრულებას.
ბათუმის საკრებულოს თავმჯდომარის პასუხი, ქალაქის მერს
ბათუმის საკრებულოს თავმჯდომარემ ირაკლი ჩავლეიშვილმა, პრეზიდენტის მიერ საზაფხულო თეატრის გახსნასთან დაკავშირებით ოფიციალური ბრძანება გამოსცა, სადაც ნათქვამია:
„პირველ რიგში უნდა აღინიშნოს, რომ ბათუმის ბულვარის ტერიტორიაზე მდებარე საზაფხულო თეატრი შენდება, ქ. ბათუმის ბიუჯეტის სახსრებით და შესაბამისად მის გახსნაზე გადაწყვეტილება უნდა მიიღოს ქ. ბათუმის საკრებულოს თავმჯდომარემ. მოცემულ ეტაპზე საზაფხულო თეატრის გახსნა ვერ მოხდება, რადგანაც მშენებლობა ჯერ არ არის დასრულებული. შესაბამისად, ობიექტი არ არის ექპლუატაციაში მიღებული და მისი გახსნა გაუმართლებელია ტექნიკური უსაფრთხოების თვალსაზრისითაც.ზემოათნიშნულიდან გამომდინარე ადგილობივი თვითმმართველობის შესახებ, საქართველოს ორგანული კანონის შესაბამისად ვბრძანებ:
შეჩერებულ იქნეს ქ. ბათუმში ბულვარის ტერიტორიაზე მშენებარე საზაფხულო თეატრის გახსნასთან დაკავშირებული ღონისძიებები;
დაევალოს ქ. ბათუმის მერიას (ჯ. ანანიძე) ბრძანების შესრულებისთვის საჭირო ღონისძიებების დროულად განხორციელება მოქმედი კანონდებლობის შესაბამისად;
დაევალოს საკრებულოს აპარატის მასმედიასთან ურთიერთობის და პროტოკოლის განყოფილებას წინამდებარე ბრძანების შინაარსის მასობრივი ინფორმაციის საშუალებისათვის დროული გაცნობა.
ბათუმის ყოფილი მერის პრეტენზიები აჭარის მთავრობას
<!** Image 1 align="left" alt="რობერტ ჩხაიძე" sub="რობერტ ჩხაიძე" width="300" height="418" >
ბათუმის ყოფილმა მერმა, ამჟამად აჭარის უმაღლესი საბჭოს „ფრაქცია ნაციონალური მოძრაობის“ თავმჯდომარემ, რობერტ ჩხაიძე, აჭარის მთავრობა იმაში დაადანაშაულა, რომ გუშინ, 3 მარტს გამართულ შეხვედრაზე, სადაც მთავრობის თავმჯდომარემ 4 თვის ანგარიშის წარადგინა, „ნაციონალური მოძრაობა“ არ მიიწვია.
ქალაქის ყოფილი მერის განცხადებით, აჭარის მთავრობას არ სურდა, რომ შეხვედრაზე მწვავე კითხვები დაესვათ, სწორედ ამიტომ შეხვედრაზე „ნაციონალური მოძრაობა“ მიზანმიმართულად არ მიიწვიეს.
როგორც რობერტ ჩხაიძემ აღნიშნა, ახალი ხელისუფლების ერთ-ერთი მთავარი დაპირება გამჭვირვალობა და საზოგადოებასთან მუდმივი კომუნიკაცია იყო, თუმცა, მისი თქმით, ეს დაპირება, ისევე როგორც სხვა დაპირებები არ სრულდება.
როგორც „ბათუმელებს“ აჭარის მთავრობის პრესსამსახურის ხელმძღვანელმა ნათია სირაბიძემ განუცხადა, გუშინდელ შეხვედრაზე რობერტ ჩხაიძის მიწვევა ტექნიკურად ვერ მოხერხდა, რადგან შეხვედრის მონაწილეებს ტელეფონის საშუალებით უკავშირდებოდნენ, რობერტ ჩხაიძის ტელეფონი კი გამორთული იყო.
შეგახსენებთ, გუშინ აჭარის მთავრობის თავმჯდომარემ არჩილ ხაბაძემ საზოგადოებას ოთხი თვის საქმიანობის ანგარიში ბათუმის ხელოვნებისა და მუსიკის ცენტრში წარუდგინა.
შეხვედრას აჭარის ავტონომიური რესპუბლიკის მინისტრთა კაბინეტისა და უმაღლესი საბჭოს წევრები, ბიზნესმენები, პროფესორ-მასწავლებლები, სტუდენტები, მეცნიერები, ჯანდაცვის სფეროსა და საბანკო-საფინანსო ინსტიტუტების წარმომადგენლები და ფერმერები ესწრებოდნენ.
შეხვედრაზე აჭარის მთავრობის გაწეული საქმიანობა, პრიორიტეტები, აჭარის ავტონომიური რესპუბლიკის 2013 წლის ბიუჯეტით განსაზღვრული პროგრამები და რეგიონში განსახორციელებელი აქტივობების ძირითადი მიმართულებები განიხილეს.
ჩემი საყვარელი წიგნების ათეული
სანამ წერას დავიწყებდი, კიდევ ერთხელ გადავათვალიერე ჩემი პირადი ბიბლიოთეკა და გონებაში წიგნების გადახარისხება დავიწყე, თუმცა საკმაოდ გამიჭირდა. მითუმეტეს, ჯერ არ წამიკითხავს წიგნი, რომელიც არ მომწონებია. ვფიქრობ, ყველა წიგნს აქვს თავისი ხიბლი, უბრალოდ, გააჩნია რა დროს, რა ვითარებაში, როგორი განწყობით კითხულობ მას. რა თქმა უნდა, როგორც ყველას, მეც მაქვს გამორჩეულად საყვარელი წიგნები, მაგრამ ახლა მხოლოდ ათი უნდა წარმოვადგინო და თან ათეულში თავისი ადგილიც მივანიჭო – ძალიან რთულია :)
<!** Image 1 align="middle" alt="თათია ბოლქვაძე" sub="თათია ბოლქვაძე" width="400" height="640" >
ქალის ფასი
<!** Image 1 align="middle" width="600" height="450" >
როგორია ქალის ფასი ჩვენს საზოგადოებაში? როგორც კი ერთი ჯგუფისთვის მიღებული ხდები, მაშინვე ზურგს გაქცევს მეორე ჯგუფი. და თუ რეპროდუქციის ფუნქცია არ შეგისრულებია, მაშინ ხომ საერთოდ იკარგები როგორც პიროვნება, ადამიანი. თუ ერთი ჯგუფი აღარ გიღებს, მეორე ბოლომდე “გხარჯავს“, მესამე კი მხოლოდ გაიმედებს…
აქციები გაგრძელდება მთავრობის დაპირების მიუხედავად
იპოთეკარების დავალიანების შესახებ გადაწყვეტილებას, რა სახით დაეხმარება მათ მთავრობა, აჭარის ხელისუფლება ერთი თვეში მიიღებს. ეს ინფორმაცია აჭარის მთავრობის თავმჯდომარესთან შეხვედრის დასრულების შემდეგ იპოთეკართა საინიციატივო ჯგუფის ხელმძღვანელმა ლილი მორჩაძემ გააკეთა.
იპოთეკარების აქცია აჭარის მთავრობასთან
თამარ ჯაყელი
<!** Image 1 align="left" width="500" height="576" >
„ბატონო ბიძინა, თქვენი იმედი გვაქვს“, შეგვიჩერეთ გამოსახლებები“, დაბალროცენტიანი გრძელვადიანი კრედიტები“ – ამ ლოზუნგებით დღეს იპოთეკური სესხებისგან დაზარალებულებმა აჭარის მთავრობის სახლთან აქცია გამართეს.
აქციის მონაწილეებთან შესახვედრად აჭარის მთავრობის თავმჯდომარის წარმომადგენელი მივიდა, რომელიც მოქალაქეებს არჩილ ხაბაძესთან შეხვედრას დაჰპირდა. შეხვედრა დღეს 18:00 საათზე გაიმართება.
აქციის მონაწილეთა განცხადებით, აქციაზე მყოფ მოქალაქეთა უმრავლესობამ, იპოთეკური სესხების გამო სახლები უკვე დაკარგა, მეორე ნაწილს კი უახლოეს პერიოდში იგივე ემუქრება.
როგორც „ბათუმელებთან“ საინიციატივო ჯგუფის ხელმძღვანელმა ლილი მორჩაძემ განაცხადა, ისინი უკვე შეხვდნენ უმაღლესი საბჭოს თავმჯდომარეს ავთანდილ ბერიძეს, ასევე პარლამენტის ვიცე-სპიკერს მურმან დუმბაძეს, თუმცა პასუხს დღემდე ელოდებიან.
მისივე თქმით, მათ ეჭვი აქვთ, აჭარის მთავრობა დროის გაყვანას ცდილობს და ცენტრალურ ხელისუფლებასა და პრემიერ-მინისტრ ბიძინა ივანიშვილს სრულ ინფორმაციას არ აწვდის.
ამ ჯგუფის ძირითადი მოთხოვნა გრძელვადიანი დაბალპროცენტიანი კრედიტებია, რათა ბანკების ვალის გადახდა და საკუთარი სახლების დაბრუნება შეძლონ.
ხაბაძე ნიდერლანდების სამეფოს ელჩს შეხვდა
აჭარის არ მთავრობის თავმჯდომარე არჩილ ხაბაძე საქართველოში ნიდერლანდების სამეფოს ელჩს პიტერ იან ლანგერბერგს შეხვდა.
თოლიები ბათუმის ნავსადგურთან
ფოტორეპორტაჟი