ბათუმელები
შოთა რუსთაველის უნივერსიტეტში მაღალი აკადემიური მოსწრების მქონე სტუდენტებისათვის პილოტირებული ჯგუფები გაიხსნება. სტუდენტებს ამ ჯგუფში თავად შეეძლებათ ლექტორის არჩევა. უნივერსიტეტის რექტორი, ალეკო ბაკურიძე სტუდენტებს დაჰპირდა, რომ მოთხოვნის შემთხვევაში ლექტორებს მოიწვევენ, რადგან უნივერსიტეტში პროფესორ-მასწავლებლების საკმარისი რაოდენობა არ არის და სტუდენტებს ამ მხრივ დიდი არჩევანი არ ექნებათ.
არასამთავრობო ორგანიზაცია „საერთაშორისო გამჭვირვალობა საქართველომ“ ინტერნეტის თავისუფლების შესახებ დღეს, 1 მარტს, უახლესი ანგარიში წარადგინა.
ირაკლი დარცმელიძე
იყო დრო, როცა ბათუმის „დინამო“ გულშემატკივართა ნაკლებობას არ განიცდიდა, ტრიბუნები სავსე იყო და კლუბს ქომაგი არ აკლდა. მერე სტადიონზე ხალხმა იკლო, თითო–ოროლა კაცს თუ ნახავდით გუნდის საქომაგოდ მისულს, ბოლოს სტადიონიც დაანგრიეს, „დინამო“ კი აგრძელებდა არსებობისთვის ბრძოლას მხარდაჭერის გარეშე. თუმცა, გამოჩნდა ბათუმში ახალგაზრდების ჯგუფი, რომლებმაც ბათუმის „დინამოს“ ფანკლუბი დააარსეს და შეძლებისდაგვარად, ფეხბურთელებს და გუნდს გვერდში უდგანან.
<!** Image 1 align="middle" width="500" height="720" >
„ბათუმელებს“ ბათუმის „დინამოს“ ფანკლუბის „შავი ზღვის მეკობრეების“ დამფუძნებელი და ლიდერი გივი გაგუა სტუმრობდა.
ირაკლი დარცმელიძე
ბათუმის „დინამო“ თურქეთში გამართული საწვრთნელი შეკრებიდან დაბრუნდა. ათი დღის განმავლობაში ზღვისპირელებმა ორი ამხანაგური მატჩი ჩაატარეს, ერთი მოიგეს, ერთში კი – ფრეს დასჯერდნენ. თურქული პერიპეტიების შესახებ „ბათუმელებს“ გუნდის მთავარი მწვრთნელი გია გურული ესაუბრება.
<!** Image 1 align="middle" width="600" height="720" >
აჭარის უმაღლესი საბჭოს წევრმა „ერთიანი ნაციონალური მოძრაობიდან“ მიხეილ მჟავანაძემ დღეს გამართულ ბრიფინგზე განაცხადა რომ ექიმები, დაბალი ანაზღაურების გამო, მაღალმთიან რეგიონებს ტოვებენ და სახელმწიფოს, კონკრეტულად ჯანდაცვის სამინისტროს, პრობლემის მოგვარებისკენ მოუწოდა.
„ამჟამად ეს ბრობლემა ყველაზე ნათლად გამოჩნდა შუახევის რაიონში, რადგან სამედიცინო დაწესებულებები დატოვეს ანესთეზიოლოგ-რეანიმატოლოგმა და გინეკოლოგმა, რის გამოც ვერ ხერხდება მოსახლეობისთვის შესაბამისი სამედიცინო მომსახურების უზრუნველყოფა, როგორც გეგმიური, ასევე გადაუდებელი. მსგავსი რამ აქამდე არ ყოფილა და მოვუწოდებ ხელისუფლებას რომ უზრუნველყოს ამ პრობლემის მოგვარება“.
მიხეილ მჟავანაძის განცხადებით, წინა ხელისუფლების დროს მაღალმთიან რეგიონებში ექიმებისთვის სახელფასო დანამატების გაცემა ხდებოდა ბიუჯეტიდან, რითაც ნარჩუნდებოდა კვალიფიციური მედპერსონალი.
<!** Image 1 align="" alt="მიხეილ მჟავანაძე" sub="მიხეილ მჟავანაძე" width="300" height="300" >
აჭარის ავტონომიური რესპუბლიკის ფინანსთა და ეკონომიკის სამინისტრომ დღეს, აჭარის სივრცითი მოწყობის პრეზენტაცია გამართა.
დოკუმენტი, რომელიც ნიდრელანდების საგარეო საქმეთა სამინისტროს ფინანსური მხარდაჭერით შემუშავდა, სასტუმრო „რედისონ ბლუ“-ში საზოგადოებას აჭარის ფინანსთასს და ეკონომიკის მინისტრმა გიორგი თავართქილაძემ გააცნო.
დოკუმენტი სამი ნაწილისგან შედგება და მოიცავს, როგორც აჭარის ისტორიულ გეოგრაფიულ მიმოხილვასა და აჭარაში სხვადასხვა სფეროში არსებული მდგომარეობის განხილვას, ასევე, მომავალში აჭარის სივრცითი განვითარების კონცეფციას, ურბანული ინდიკატორებისა და სივრცის კატეგორიებს.
დოკუმენტის მეორე ნაწილში გადმოცემულია ამ კუთხით სამინისტროსა და ექსპერტების მიერ შემუშავებული დასკვნები და რეკომენდაციები.
სქემის მესამე ნაწილი კი მუშაობის პროცესში საზოგადოების ჩართულობას დაეთმო. კერძოდ, საუბარია იმ პრობლემებსა თუ პრიორიტეტებზე, რომელიც მოსახლეობის გამოკითხვის შედეგად გამოიკვეთა.
აჭარის ავტონომიური რესპუბლიკის ფინანსთა და ეკონომიკის მინისტრის გიორგი თავართქილაძის განცხადებით, აჭარის სივრცითი მოწყობის სქემა, რეგიონში ინვესტიციების ზრდას შეუწყობს ხელს: „ასეთი ტიპის დოკუმენტის შექმნა, ძალიან მნიშვნელოვანია. ის ხელს შეუწყობს რეგიონში ინვესტიციების ზრდას. ასეთი დოკუმენტი განსაზღვრავს რეგიონის გენერალურ დაგეგმარებას, სწორედ ამიტომ, ჩვენს სხვა რეგიონებსაც უნდა მოვუწოდოთ, რომ შექმნან მსგავსი ტიპის დოკუმენტები“.
აჭარის ფინანსთა და ეკონომიკის სივრცითი მოწყობის განყოფილების ხელმძღვანელის ზვიად ბურჭულაძის შეფასებით, აჭარა საკმაოდ სწრაფად ვითარდება. ეს დოკუმენტი სხვადასხვა სექტორისა და სამინისტროს აძლევს საშუალებას, ჰქონდეთ მოქმედების ერთიანი სტრატეგია.
ღონისძიებას ესწრებოდა საქართველოში ნიდერლანდების სამეფოს ელჩი, პიტერ ლანგერბერგი, რომელმაც საზოგადოებას სივრცითი დაგეგმარების შესახებ ჰოლანდიური გამოცდილება გააცნო. მისი თქმით, ამ სფეროში საქართველოს და ჰოლანდიას ათწლიანი სამუშაო გამოცდილება აქვთ და მნიშვნელოვანია, რომ ამ საკითხით აჭარის ფინანსთა და ეკონომიკის სამინისტრო დაინტერესდა. ელჩის თქმით, აჭარა ისევე როგორც ჰოლანდია სანაპირო ზოლზეა გაშენებული და მნიშვნელოვანია გარემოს გაზომვის ორგანიზება.
ოთხშაბათს, დღის 12 საათისთვის, ბათუმის მუსიკისა და ხელოვნების ცენტრის ცენტრალური შესასვლელი დაკეტილია. გამჭვირვალე კარის იქით არავინ ჩანს. არც შადრევანი მოჩუხჩუხებს ფოიეში. კითხვაზე, რატომაა ასეთი სიჩუმე ცენტრში? – ბენზეში შენობასთან ახლოს მცხოვრებლები ხშირ შემთხვევაში პასუხობენ, რომ ამაში გასაკვირი არაფერია, რადგან „ქეთო და კოტეს შემდეგ აქ ისეთი ამბავი აღარ ყოფილა“.
<!** Image 1 align="middle" alt="ბათუმის მუსიკისა და ხელოვნების ცენტრი" sub="ბათუმის მუსიკისა და ხელოვნების ცენტრი" width="500" height="334" >
ბათუმში, ერას ქუჩის 82 ნომერში, სადაზღვევო კომპანია „ალდაბი ბი სი აის“ „ჩემი ოჯახის კლინიკასთან“ გასული კვირიდან ხალხმრავლობაა. „ალდაგმა”, რომელიც სახელმწიფო პროგრამებში ჩართულ პაციენტებს აზღვევს, ბათუმში მდებარე პოლიკლინიკებს ხელშეკრულება შეუწყვიტა და განაცხადა, რომ პაციენტებს, რომელთა რაოდენობა ბათუმში ათობით ათასია, თავად მოემსახურება. გამოცხადებული მონოპოლია – ასევე აფასებენ პაციენტები, პოლიკლინიკების ხელმძღვანელები და აჭარის ჯანდაცვის მინისტრის მოადგილე კომპანიის გადაწყვეტილებას.
“შენ აფრენ?!” ამ სახელწოდებით გაიმართა ბათუმის პრესკაფეში ირაკლის ჩარკვიანის საღამო. შეხვედრას ორგანიზება ბათუმელმა ახალგაზრდებმა, მარიამ მუთიძემ და სალომე მჟავანაძემ გაუწიეს. “რეაქტიული კლუბის” შეკრება – ასე დაასათაურა შეხვედრის ორგანიზატორებმა საღამო. შეხვედრაზე შესრულდა ირაკლი ჩარკვიანის სიმღერები, ასევე წაიკითხეს მისი ლექსები.
<!** Image 1 align="left" width="300" height="232" >
დღეს, „დემოკრატიული ჩართულობის ცენტრში“ „სამოქალაქო მრჩეველთა საბჭოს ორგანიზებით“ გაიმართება შეხვედრა თემაზე: ადგილობრივი მოსაკრებელი – სანდასუფთავების ტარიფები და მისი ადმინისტრირების წესი.
ორგანიზაციის ინფორმაციით, შეხვედრაზე მიწვეული არიან ქალაქ ბათუმის მერიისა და საკრებულოს წარმომადგენლები, რომლებიც შხვედრის მონაწილეების კითხვებს უპასუხებენ.
ბათუმის მერიამ, იურიდიული პირებისთვის, დაწესებულებებისთვის და ორგანიზაციებისთვის სანდასუფთავების მოსაკრებელზე კონკრეტული ტარიფები დააწესა.
სანდასუფთავების მოსაკრებელი, მაგალითად, რესტორნებისთვის, კაფეებისთვის, ბარებისთვის, 1 დასაჯდომი ადგილზე 3 ლარია, სასტუმროებისთვის 1 საწოლი 2.5 ლარი იქნება, საავადმყოფოებისათვის – 1 საწოლი 1,19 ლარი, ხოლო ოფისები, სააგენტოები და სხვა ორგანიზაზიები 1 კვ.მეტრზე 0,25 ლარს გადაიხდიან.
ბათუმის მერიამ იურიდიულ პირებს მოსაკრებლის გადამხდელად დარეგისტრირების ბოლო ვადა 28 მარტამდე დაუწესა. ის იურიდიული პირები, რომლებიც ამ დრომდე არ გაივლიან რეგისტრაციას დაჯარიმდებიან 500 ლარით. განმეორებით შემთხვევაში ჯარიმის ოდენობა 5 000 ლარი იქნბა.
დემოკრატიული ჩართულობის ცენტრში იურიდიული პიერებისათვის მოსაკრებლის გადასახადის დაწესებაზე იმსჯელებენ.
დასწრება თავისუფალია.
<!** Image 1 align="left" width="300" height="158" >
1 მარტს, 12 :00 საათზე „დემოკრატიული ჩართულობის ცენტრში არასამთავრობო ორგანიზაცია „საერთაშორისო გამჭვირვალობა – საქართველო“ უახლესი ანგარიშების პრეზენტაციას გამთავს.
ახალი ანგარიში სახელწოდებით „ინტერნეტის თავისუფლება – ვინ აკონტროლებს საქართველოს ტელეკომუნიკაციების სექტორს?”, 2012 წლის პერიოდს მოიცავს.
ანგარიშში წარმოდგენილი იქნება სატელეკომუნიკაციო კომპანიების ფიქტიური და რეალური მფლობელები, ასეთი კომპანიების აბონენტთა შესახებ პირადი ინფორმაციის დაუცველობის შესახებ ინფორმაცია და ასევე ინტერნეტის მოხმარების გაზრდის დინამიკას ბოლო წლებში.
ამასთან, ორგანიზაცია პრეზენტაციაზე წარმოადგენს წიგნს “ვის ეკუთვნოდა საქართველო 2003-2012 წლებში”, რომელიც „საერთაშორისო გამჭვირვალობა – საქართველოსა” და ჟურნალისტ პოლ რიმპლის ერთობლივი ნაშრომია.
ორგანიზაციის ინფორმაციით, წიგნში იმ ბიზნესმენებისა და კომპანიების შესახება მოთხრობილი, რომლებიც მნიშვნელოვან წილებს ფლობდნენ ან ამ დრომდე ფლობენ ისეთ სექტორებში, როგორიცაა: ტელემაუწყებლობა, კომუნიკაციები, სარეკლამო ბაზარი, ფარმაცევტული ბაზარი, სასარგებლო წიაღისეული, ნავთობის იმპორტი და დისტრიბუცია. წიგნში ასევე საუბარია ამ კომპანიების კავშირებზე ყოფილი ხელისუფლების წარმომადგენლებთან ან მათთან დაახლოებულ პირებთან.
<!** Image 1 align="right" alt="საკონსტიტუციო სასამართლო" sub="საკონსტიტუციო სასამართლო" width="400" height="514" >
საქართველოს საკონსტიტუციო სასამართლომ დღეს იმ კერძო პირის საჩივრის განხილვა დაიწყო, რომელმაც 2012 წლის საპარლამენტო არჩევნებისთვის, ცესკოში დამოუკიდებელ მაჟორიტარობის კანდიდატად გაიარა რეგისტრაცია. მაშინ მოქალაქემ არჩევნებში მონაწილეობა იმიტომ ვერ შეძლო, რომ შესაბამისი ფინანსური რესურსი არ გააჩნდა.
კონსტიტუციური საჩივრის მიხედვით, მოქალაქე ბესიკ ადამია 2012 წლის საპარლამენტო არჩევნებში ქუთაისის ოლქში იყრიდა კენჭს, თუმცა საარჩევნო კოდექსის 116-ე მუხლის მე-7 პუნქტის პირველი ნაწილით გათვალისწინებული თანხა – 5000 ლარი ვერ გადაიხადა. ამის გამო მან არჩევნებში მონაწილეობა ვერ შეძლო.
კონსტიტუციური საჩივრის ავტორების მტკიცებით, კანონის ეს მუხლი არღვევს კონსტიტუციის მე-14 და 29-ე მუხლის პირველ პუნქტს, რომელიც თანასწორობას გულისხმობს. 29-ე მუხლის პირველი პუნქტი კი ნებისმიერ მოქალაქეს აძლევს საშუალებას, მათ შორის არჩევის წესით დაიკავოს საჯარო თანამდებობა. მოსარჩელე მხარე ამტკიცებს, რომ კანონში არსებული ჩანაწერი საარჩევნო სუბიექტის მიერ თანხის გადახდის შესახებ, უნდა შეეხებოდეს როგორც საინიციატივო ჯგუფის, ისე პოლიტიკური პარტიების მიერ წარდგენილ კანდიდატებს, წინააღმდეგ შემთხვევაში კანონი მოქალაქეებს არათანაბარ პირობებში აყენებს.
„მოქმედი საარჩევნო კოდექსით, ამ კატეგორიის ადამიანთათვის, გათვალისწინებულია 5000-ლარიანი დეპოზიტის შეტანა ცესკოს ანგარიშზე. თუ კანდიდატი არჩევნებში ხმების 10%-ს მიიღებს, მას აღნიშნული თანხა უკან უბრუნდება. ამას საარჩევნო თავდებობას უწოდებენ. ჩვენ ვასაჩივრებთ არა იმას, რომ ეს ინსტიტუტი არსებობს, არამედ იმას, რომ ის გამოყენებულია მხოლოდ საინიციატივო ჯგუფის მიერ წარდგენილ კანდიდატებზე“, – აცხადებს ადამიანის უფლებათა დაცვის ცენტრის ადვოკატი მიხეილ შარაშიძე.
მისივე თქმით, მოსარჩელე მხარეს იმედი აქვს, რომ საკონსტიტუციო სასამართლო გააუქმებს კანონის აღნიშნულ ნორმას, რომელიც სპეციალურად 2012 წლის საპარლამენტო არჩევნებისთვის მიიღეს.
კანონის ეს ნორმა 2011 წლის 27 დეკემბერს მიიღეს.
<!** Image 1 align="left" alt="გელა დეკანაძე" sub="გელა დეკანაძე" width="300" height="576" >
ბათუმის მერიას უფლებები ჩამოერთმევა, – ამის შესახებ ბათუმის ვიცე-მერმა გელა დეკანაძემ განაცხადა.
როგორც ვიცე-მერმა დღევანდელ საგანგებო ბრიფინგზე აღნიშნა, რამდენიმე დღის წინ საკრებულოს თავმჯდომარემ ირაკლი ჩავლეიშვილმა საკრებულოს განცხადებით მიმართა, იმსჯელონ საკრებულოსათვის იმ უფლებების დაბრუნების შესახებ, რომელიც 2006 წელს იმჟამინდელმა თავმჯდომარემ გიორგი კირთაძემ შესაბამისი საკანონმდებლო ცვლილებების საფუძველზე მერიას გადასცა.
დეკანაძის შეფასებით, თუ ქალაქის საკრებულო ამ ინიციატივას მხარს დაუჭერს, მაშინ ქალაქს უუფლებო მერი ეყოლება და მას მხოლოდ სარეზერვო ფონდის განკარგვის უფლება ექნება.
„თუ ინიციატივას საკრებულოს წევრები მხარს დაუჭერენ, მაშინ ქალაქის მერს მხოლოდ სარეზერვო ფონდის განკარგვის შესაძლებლობა ექნება. ეს, ფაქტობრივად, მერიის უფუნქციოდ დატოვებას ნიშნავს. ვფიქრობ, ეს არასწორია და უზრუნველყოფილი უნდა იყოს უფლება-მოვალეობების გონივრულად დანაწილება“, – აცხადებს გელა დეკანაძე.
მისი თქმით, დღემდე ქალაქის მერს ჰქონდა შესყიდვებზე ნებართვის გაცემის უფლება, ზედამხედველობის, შენობა-ნაგებობების ექსპლუატაციაში შეყვანის, ასევე გარე რეკლამების განთავსების უფლება და ა.შ. სწორედ ამიტომ დღევანდელი ბრიფინგის მიზანია, აღნიშნულ ცვლილებებთან დაკავშირებით მოსახლეობას მიაწოდონ ინფორმაცია. საჭიროების შემთხვევაში მოქალაქეებმა არა მერიას, არამედ საკრებულოს რომ მიმართონ.
<!** Image 1 align="" alt="ჯუმბერ თავართქილაძე" sub="ჯუმბერ თავართქილაძე" width="300" height="600" >
გამგებლები და მერები პირდაპირი წესით უნდა აირჩეს, ამ ინიციატივით „საქართველოს ერთიანობის კავშირის“ კოორდინატორი ჯუმბერ თავართქილაძე გამოდის. როგორც ჯუმბერ თავართქილაძემ დემოკრატიული ჩართულობის ცენტრში გამართულ ბრიფინგზე განაცხადა, გაუმართლებელია, რომ მოქალაქეებს ქალაქის მერის არჩევა პირდაპირი წესით არ შეუძლიათ.
მისივე თქმით, მერის არჩევასთან ერთად ასევე მნიშვნელოვანია შეიცვალოს მაჟორიტარების არჩევის წესიც.
„მნიშვნელოვანია შეიცვალოს მაჟორიტარების არჩევნების წესი და ის 50+1 გახდეს. ეს ნიშნავს, რომ კანდიდატს გამარჯვებისათვის არჩევნებზე მოსული ამომრჩევლების 50% მეტმა უნდა დაუჭიროს მხარი“, – აღნიშნავს ჯუმბერ თავართქილაძე.
თავართქილაძე ასევე მოითხოვს მაჟორიტარი კანდიდატის წარდგენა შეეძლოთ როგორც პოლიტიკურ პარტიებს, ასევე არასამთავრობო ორგანიზაციებსა და საინიციატივო ჯგუფს, იმ შემთხვევაში თუ კანდიდატი მასზე დაკისრებულ მოვალეობებს არ შეასრულებს, პოლიტიკურ პარტიებსა და საინიციატივო ჯგუფს მისი უკან გამოწვევის უფლება უნდა ჰქონდეთ.
დღეს ჯუმბერ თავართქილაძემ საარჩევნო ბარიერის დაწევის აუცილებლობაზეც ისაუბრა და აღნიშნა, რომ ბარიერის დაწევა პარტიებს პარლამენტში შესვლის საშუალებას მისცემს, რაც დემოკრატიული პროცესების განვითარებას ხელს შეუწყობს.
როგორც ერთიანობის კავშირის კოორდინატორი განმარტავს, ამ შემთხვევაში, თუ კოალიციაში შემავალი რომელიმე პარტია, მის ინიციატივას პარლამენტში არ შეიტანს, მაშინ ისინი კანონპროექტის ინიცირებისთვის ხელმოწერების შეგროვებას დაიწყებენ.
„მეუბნებიან, შენ ძაღლების არ გეშინიაო. მეშინია. თქვენ მონაყოლით გეშინიათ და მე დაჭმული ვარ ასჯერ. თქვენ ბებიამ მოგიყვათ რა მწარეა ძაღლის ნაკბენი, მე ვიცი, რა მწარეა“.
<!** Image 1 align="middle" alt="რუსლან გოგმაჩაძე" sub="რუსლან გოგმაჩაძე" width="600" height="551" >
ეს კითხვა საიას ყოფილ თავმჯდომარეს პარმენ ჯალაღონიას გასულ კვირას მას შემდეგ დავუსვი, რაც „არაი თუმოროუსთან“ (ტექნიკის მაღაზიების ქსელი) დავის შესახებ მოვუყევი. „უჩივლე“ – იყო პარმენის პასუხი, „ისინი ხშირად არღვევენ მომხმარებლის უფლებებს, სასამართლომდე კი დავა იშვიათად მიდის, საჭიროა შეიქმნას პრეცედენტი“. პრეცედენტის არარსებობაზე კი იურისტები საუბრობენ.
<!** Image 1 align="middle" alt="ცაგო კახაბერიძე" sub="ცაგო კახაბერიძე" width="350 " height="436" >
ბათუმის შოთა რუსთაველის უნივერსიტეტში სტუდენტურმა მოძრაობა „ალტერნატივამ“ საბჭოთა ოკუპაციის დღისადმი მიძღვნილი ღონისძიება გამართა.
ბათუმის საკრებულოს თავმჯდომარის მოადგილემ „ნაციონალური მოძრაობიდან“ ჯუმბერ კახიძემ დღეს გამართულ ბრიფინგზე შეჩერებულ ინფრასტრუქტურულ პროექტებზე გააკეთა აქცენტი. ეს პროექტები ეხება ნაპირგამაგრებით სამუშაოებს, ჭოროხის ხიდის მშენებლობას და სტადიონს:
<!** Image 1 align="" width="250" height="250" >
ბათუმის საკრებულოში არსებული ფრაქცია „მაჟორიტარი“ საგანგებო განცხადებას ავრცელებს. ფრაქცია ბათუმის მერის პოსტზე ერთი კანდიდატის წარდგენას ეხმაურება და აცხადებს, რომ მათთვის ამგვარი მიდგომა მიუღებელია:
ლელა დუმბაძე
<!** Image 1 align="" width="300" height="300" >
დღეს აჭარის უმაღლესი საბჭოს მაჟორიტარმა დეპუტატმა „ნაციონალური მოძრაობიდან“ ირაკლი ბარამიძემ, დაგვიანებულ ვაუჩერებთან დაკავშირებით ბრიფინგი ჩაატარა. მისი განცხადებით, აჭარაში ვაუჩერების გაცემა გვიანდება, რაზეც მოსახლეობა პროტესტს გამოთქვამს.
„მთელ საქართველოში დაწყებულია მინერალური სასუქების გაცემა, გარდა ჩვენი რეგიონისა. აქ ჯერ სიებიც კი არ არის შედგენილი თუ ვის უნდა გადაეცეს ვაუჩერები. მოსახლეობა კი პრეტენციებს გამოთქვამს. მთავარი პრობლემა რაც არის, რომ ამ საკითხში თვითონ მინისტრის ბიზნეს ინტერესი იკვეთება. მას აქვს მინერალური სასუქები დიდი რაოდენობით შემოტანილი და ცდილობს რომ ჯერ მის მიერ შემოტანილი სასუქების რეალიზაცია მოხდეს“-განაცხადა ირაკლი ბარამიძემ.
აჭარის სოფლის მეურნეობის მინისტრის მოადგილის ავთანდილ მესხიძის განცხადებით კი, მინერალური სასუქების გაცემა დაგვიანებული არ არის: „ჯერ არც უნდა დაწყებულიყო გაცემა. ვაუჩერების გაცემის კონკრეტული რიცხვი მითითებული არ არის და ჯერ არც ბარათები მიგვიღია, მაგრამ არ გვიანდება გაცემა. ვაუჩერების გაცემა დაიწყო საქართველოს სოფლის მეურნეობის სამინისტრომ იმ რაიონებიდან, სადაც აუცილებლობა იყო და აგროვადები იწურებოდა. ეს შეეხება სახნავ-სათეს ფართობებს რომელიც არის აღმოსავლეთ საქართველოში“.
რაც შეეხება მინისტრის ბიზნეს ინტერესებს, ავთანდილ მესხიძე აცხადებს: „მაგას შეიძლება პირადი ინტერესები აქვს და იმიტომ ახსენა მინისტრის ბიზნესი. ეს ვაუჩერები მოქმედებს ყველა მაღაზიაში და მინერალური სასუქებიც ყველგან იყიდება“.
ძალიან ძნელია მრავალწლიანი, იძულებითი განშორების შემდეგ საკუთარ ხალხს, თანამოქალაქეებს აუღელვებლად და ემოციის გარეშე ესაუბრო. სირთულეს ისიც წარმოადგენს, რომ სათქმელი ბევრია, არ იცი საიდან დაიწყო, სულმოუთმენლობით ხელფეხშეკრულს ყველაფრის ერთბაშად გაზიარება და განხორციელება გწადია. საწერი კალმის მომარჯვებისთანავე, აზრები იფანტებიან და მთავარი, რაც რჩება მეხსიერებას – ეს ბოლო წლების ავბედითობის საერთო განცდაა.
<!** Image 1 align="left" alt="კახა მიქელაძე" sub="კახა მიქელაძე" width="400" height="512" >
არ მეგონა, იმ დღეს „დიალოგში“ თუ გვესტუმრებოდა მურმან დუმბაძე. მას აქეთ, რაც პარლამენტის ვიცე-სპიკერი გახდა და „ნაცნობები“ დააწინაურა, – არ მცალიაო – გვეუბნებოდა. იმ დღეს მოვიდა და „ნაცნობებზე“ გვესაუბრა. ვფიქრობ, სწორედ „ნაცნობებზე“ სასაუბროდ მოვიდა და იმის საჩვენებლად, რომ აჭარაში პოლიტიკური ამინდი მხოლოდ თვითონ უნდა შექმნას და მისმა „ნაცნობებმა“, ანუ, ვისაც მურმან დუმბაძესთან „ერთი ფუთი მარილი აქვს ნაჭამი“.
<!** Image 1 align="left" alt="ჯაბა ანანიძე" sub="ჯაბა ანანიძე" width="400" height="540" >
თამთა დანელია
ჯავახიშვილის სახელობის თბილისის სახელმწიფო უნივერსიტეტი IVკურსის სტუდენტი
სიტყვა „დემოკრატია“ მომდინარეობს ბერძნულიდან. „დემოს“ ნიშნავს „ხალხს“, ხოლო „კრატოს“ „მმართველობას“. დემოკრატიის შესახებ ბევრი დაწერილა და ალბათ მომავალშიც დაიწერება. იგი როგორც ძველი ბერძენი სწავლულების, ისე თანამედროვე პოლიტიკური თეორიტიკოსების განხილვის და კვლევის საგანია. და მაინც, ამ ხანგრძლივი პერიოდის განმავლობაში დემოკრატიის თემა არა თუ არ ამოწურულა, არამედ შეიძლება ითქვას, რომ ის დღეს ისეთი აქტუალურია, როგორც არც არასოდეს ყოფილა.
ხაზგასასმელია ის გარემოებაც, რომ დემოკრატიის გაგება ყოველთვის ერთნაირი, სწორხაზოვანი არ ყოფილა. ისტორიის სვლასთან ერთად დემოკრატიისადმი დამოკიდებულებაც შეიცვალა. ძველი ბერძნებისათვის იგი მმართველობის მანკიერ ფორმასთან ასოცირდებოდა და ერთგვარად გაიგივებული იყო „ბრბოს მმართველობასთან“.
არისტოტელე მაგალითად აღნიშნავდა, რომ საუკეთესოა მმართველობის ისეთი ფორმა, რომელიც მიზნად ისახავს მთელი საზოგადოების კეთილდღეობას. ასეთად მას მიაჩნდა პოლიარქია, ხოლო დემოკრატია მისი აზრით ითვალისწინებს არა მთელი საზოგადოების, არამედ მხოლოდ ღარიბების ინტერესებს. ამდენად, ის მმართველობის არასწორ ფორმას წარმოადგენს. დემოკრატიას მმართველობის არასწორ ფორმად დღესაც განიხილავენ მისი კრიტიკოსები. უინსტონ ჩერჩილმა ერთხელ ხუმრობით თქვა, რომ დემოკრატია არის მმართველობის ყველაზე უარესი ფორმა თუ არ ჩავთვლით მმართველობის ყველა სხვა ცნობილ ფორმებს. უნდა აღინიშნოს, რომ მმართველობის სამი ძირითადი ფორმიდან: ავტორიტარიზმი, ტოტალიტარიზმი და დემოკრატია ისტორიულად ყველაზე მეტად ავტორიტარული მმართველობა იყო გავრცელებული. XX საუკუნის 90-იანი წლებისთვის მსოფლიოში სახელმწიფოთა აბსოლიტურ უმრავლესობაში ავტორიტარული რეჟიმი იყო გავრცელებული. ლათინური ამერიკის და აღმოსავლეთ ევროპის ქვეყნებში 1980-იან წლებში ავტორიტარიზმი იყო მმართველობის ჩვეულებრივი ფორმა, დემოკრატია კი ჯერ კიდევ „გამონაკლის მოვლენას“ წარმოადგენდა.
თუ XX საუკუნე შეიძლება ერთგვარად დახასიათდეს როგორც ავტორიტარიზმის ხანა, იგივეს ვერ ვიტყვით XXI საუკუნეზე. დღეს სახელმწიფოს განვითარების ერთ-ერთ მთავარ საზომს წარმოადგენს ის, თუ რამდენად დემოკრატიულია ის, რამდენად დაცულია მასში ადამიანის როგორც მოქალაქის ძირითადი უფლებები. ავტორიტარული სახელმწიფოს იმიჯი დღეს არ არის სასარგებლო საერთაშორისო ასპარეზზე. ასეთი სახელმწიფო განიხილება როგორც არასანდო პარტნიორი. ისეთი საერთაშორისო ორგანიზაციები, როგორიცაა ნატო და ევროკავშირი პირდაპირ მოითხოვენ დემოკრატიული ფასეულობების დაცვას სახელმწიფოებისაგან. აუცილებელია, რომ სახელმწიფოები აკმაყოფილებდნენ მთელ რიგ კრიტერიუმებს, რათა გახდნენ მათი სრულფასოვანი წევრები.
ევროკავშირის რეგულაციების შესრულება სავალდებულოა არა მარტო წევრი სახელმწიფოებისათვის, არამედ იმ ქვეყნებისთვისაც, რომლებიც ისწრაფვიან ევროკავშირში გაწევრიანებისაკენ.
„ცივი ომის“ პერიოდში არსებული დაპირისპირება საბჭოთა კავშირსა და აშშ-ს შორის არსებითად შეიძლება შევაფასოთ როგორც დაპირისპირება ტოტალიტარიზმსა და დემოკრატიას შორის. იგი აშშ-ს ერთპიროვუნლი გამარჯვებით დასრულდა. სწორედ ამან უბიძგა ფრენსის ფუკუიამას თავის „ისტორიის დასასრულში“ იმის თქმისკენ, რომ დემოკრატიას ალტერნატივა არ გააჩნია, რომ მხოლოდ ამერიკული სტილის ლიბერალური დემოკრატია გვთავაზობს სიცოცხლისუნარიან ეკონომიკურ და პოლიტიკურ სისტემებს.
XX საუკუნის ავტორიტარული და ტოტალიტარული რეჟიმების ნგრევით ერთგვარად გამართლდა ფუკუიამას წინასწარმეტყველება. ავტორიტარული რეჟიმების ნგრევა ჩვენი ისტორიის თანმდევ მოვლენად იქცა. ამის ერთ-ერთი მიზეზი შეიძლება იყოს ისიც, რომ XXI საუკუნეში ასეთი რეჟიმებისადმი დამოკიდებულება შეიცვალა. საერთაშორისო საზოგადოება არ არის შემწყნარებელი მათ მიმართ. იგი აღიქმება, როგორც საერთაშორისო სისტემისთვის, მსოფლიოსთვის არა სასურველი და საჭიროა მისი რეფორმირება და ეს არ წარმოადგენს, მხოლოდ კონკრეტული სახელმწიფოს მოსახლეობის საზრუნავს, საერთაშორისო თანამეგობრობა ვალდებულებას იღებს ჩაერიოს ამ სახელმწიფოს შიდა საქმეებში რათა აღკვეთოს ის უსამართლობა, რომელასც სახელმწიფო იჩენს თავისი მოქალაქეების მიმართ.
მაგრამ აქ დგება მეორე საკითხი რამდენად მართებულია სახელმწიფოს შიდა საქმეებში ჩარევა? ვინ იძლევა იმის გარანტიას, რომ ჩამრევი სახელმწიფო არ გადაამეტებს თავის ფუნქციებს და დაკმაყოფილდება, მხოლოდ დაძაბული მდგომარეობის განმუხტვით? ეს კითხვა დღემდე პასუხგაუცემელია. ლიბერალური დემოკრატია როგორც დასავლური ფენომენი დაფუძნებულია სწორედ დასავლურ კულტურაზე და ღირებულებებზე, სწორედ ეს არის ერთ -ერთი უმთავრესი მიზეზი იმისა რომ იგი ვერ იმკვიდრებს ფეხს ისლამურ სამყაროში. ისლამურ სახელმწიფოებში უფრო მეტია რელიგიის გავლენა დასავლურ სამყაროსთან შედარებით. რომ ავიღოთ იგივე ადამიანის უფლებები, ვნახავთ, რომ ისლამურ სამყაროში ქალთა უფლებები არ არის იმ დონეზე განვითარებული, როგორც დასავლეთის დემოკრატიულ სამყაროში. დემოკრატიის დამკვიდრებისთვის ჯერ საჭიროა სათანადო ნიადაგის მომზადება. ის სახელმწიფოები, რომლებსაც არ აქვთ დემოკრატიის გამოცდილება, აწყდებიან რიგ პრობლემებს მისი დამყარების პროცესში. ეს გამოწვეულია იმით, რომ მათ არ აქვთ სათანადო პოლიტიკური კულტურა, არ არსებობს სამოქალაქო საზოგადოება, რომელიც აქტიურ მონაწილეობას იღებს პოლიტიკურ პროცესებში. საჭიროა ამ საზოგადოების პოლიტიკური ცნობიერების გარდაქმნა. ყოველივე ამას კი საკმაოდ დიდი დრო სჯირდება.
იმ სახელმწიფოებმა, რომლებიც დემოკრატიული აღმშენებლობის გზაზე დგანან, საჭიროა რეფორმები განახორციელონ ნაბიჯ-ნაბიჯ და არა ერთბაშად. ზოგ შემთხვევაში დემოკრატიაზე გადასვლის დროს სახელმწიფოები არ ითვალისწინებენ იმ ფაქტს, რომ დემოკრატიას შესაბამისი საფუძვლის მომზადება სჭირდება და ისეთ პოლიტიკურ კურსებს ახორციელებენ, როგორსაც განვითარებული დემოკრატიული სახელმწიფოები. მაგრამ ვინაიდან მას არ აქვს მყარი საფუძველი არ არის ეფექტური. შედეგად კი ვიღებთ მოჩვენებით, ფასადურ დემოკრატიას.
ამდენად დიდი მნიშვნელობა აქვს ყალბი და ჭეშმარიტი დემოკრატიის ერთმანეთისგან გამიჯვნას. ხშირად ავტორიტარული რეჟიმები დემოკრატიის სახელით ინიღბებიან ეს მათ სჭირდებათ საერთაშორისო იმიჯისათვის ასევე იმისთვის, რომ მოსახლეობასაც შეუქმნან დემკრატიის ილუზია. ნაპოლეონ III საფრანგეთში არ გააუქმა არჩევნები, ის არსებობდა ფორმალურად, რადგან გარკვეული მექანიზმების მეშვეობით მისი ფუნქციონირება არაფრის მომცემი იყო. როცა დემოკრატიის მნიშვნელოვანი ელემენტები იზღუდება, რჩება მხოლოდ დემოკრატიის ცნება. თვით ფაშისტებიც კი ემხრობოდნენ დემოკრატიას. ოღონდ მათი რწმენით ნამდვილი დემოკრატია აბსოლიტურ დიქტატურას ნიშნავდა.
არსებობს შეხედულება, რომ დემოკრატია განსხვავებულია იმის მიხედვით თუ რომელ სახელმიწფოში არის ის დამყარებული, მიიჩნევენ, რომ დემოკრატია უნდა მიესადაგოს იმ კულტურას და ტრადიციებს, რაც სახელმწიფოშია დამკვიდრებული, მაგრამ ასეთი მიდგომა მცდარია. დემოკრატიას თავისი ფასეულობები აქვს, ამიტომ დემოკრატია კი არ უნდა მიესადაგოს სახელმწიფოს, არამედ სახელმწიფომ უნდა მიიღოს ის.
დემოკრატია ეფექტურია იმდენად, რამდენადც უზრუნველყოფილია სულიერი და მატერიალური პირობებით. მისი დამყარებისათვის მნიშვნელოვანია, რომ საზოგადოების მხრიდან გაცნობიერებული იყოს როგორც დემოკრატიის აუცილებლობა, ასევე მისი განხორციელების შესაძლებლობაც.
დღეს ბათუმში, დემეტრე თავდადებულის #26-ში სავაჭრო ჯიხური გაიქურდა. როგორც შემთხვევის ადგილზე მოსულმა საპატრულო პოლიციამ „ბათუმელებს” უთხრა, გატანილია ალკოჰოლური სასმელები და სიგარეტები.
საკრებულოში ორი ახალი ფრაქცია, „ბათუმის მომავლისათვის“ და ფრაქცია „ერთობა“ დარეგისტრირდა.
<!** Image 1 align="" width="360" height="360" >
საერთაშორისო ორგანიზაცია, „სამარიტელთა ქისა“ საქართველოში რამდენიმე წელია საქველმოქმედო საქმიანობას, რელიგიური ორგანიზაციებისა და ადგილობრივი საქველმოქმედო ორგანიზაციების მეშვეობით ახორციელებს. ყოველ წელს, ამერიკელი და ევროპელი ბავშვები საშობაო საჩუქრებს სწორედ ამ ორგანიზაციის მეშვეობით უგზავნიან მსოფლიოს სხვადასხვა განვითარებად ქვეყნებში მცხოვრებ ბავშვებს. საჩუქრები 14 წლამდე ასაკის ბავშვებისთვისაა განკუთვნილი. დღეს ეს საჩუქრები ბათუმის პროტესტანტული ეკლესიის მეშვეობით, რესპუბლიკური საავადმყოფოს ნეირორეაბილიტაციის 50-მა პატარა პაციენტმაც მიიღო.
„ქველმოქმედებითა და ყურადღებით ეს პატარები არ არიან განებივრებული, თითქმის არავინ მოდის მათ სანახავად, წელს პირველად მიიღეს ეს საჩუქრები“- ამბობს პატარა ლუკას დედა, გვრიტუნა ჯაფარიძე. მას ბავშვი სარეაბილიტაციო კურსზე ქობულეთიდან დაჰყავს.
„წელიწადში სამი კურსი უტარდება, რომელიც სახელმწიფო ბიუჯეტიდან ფინანსდება, თუმცა ეს საკმარისი არ არის. ამიტომ კერძოდ დამყავს. ერთი კურსი 400 ლარამდე ჯდება, რომ შევუწყვიტო წინა კურსიც ეფექტს კარგავს, ამიტომ ვცდილობთ კერძოდ ვატარო სავარჯიშოდ“.
ლია ფუტკარაძე სოციალურ სახლში ცხოვრობს, სარეაბილიტაციო კურსებზე ტყუპი გოგონები მეხუთე წელია დაჰყავს: „აქ მკურნალობით კმაყოფილი ვარ, თუმცა ეს კურსები არ არის საკმარისი, ძნელია ორ ბავშვთან სახსრების გამონახვა, მაგრამ ვცდილობ, რომ დამატებითი კურსი მაინც ჩავუტარო, მკურნალობა 18 წლამდე სჭირდებათ“.
მშობლების აზრით, მკურნალობა უფრო ეფექტური იქნება, თუკი დაფინანსებაში სახელმწიფოს გარდა საქველმოქმედო ორგანიზაციებიც ჩაერთვებიან.
ნეირორეაბილიტაციის ცენტრში ამ ეტაპზე ასზე მეტი ბავშვი მკურნალობს.
ბათუმის მერიამ ქალაქში მოქმედ ყველა ორგანიზაციას სპეციალური შეტყობინება გაუგზავნა. შეტყობინება ბათუმის საკრებულოს 2007 წლის 30 იანვრის #1-5 დადგენილების შესაბამისად არის შემუშავებული.
შეტყობინების თანახმად, ქალაქში მოქმედი ორგანიზაციები ვალდებულნი არიან დასუფთავების მოსაკრებლის გადამხდელად დარეგისტრირდნენ საქმიანობის დაწყებისთანავე. დარეგისტრირების ვადა მიმდინარე წლის 28 თებერვალს იწურება.
გარდა ამისა, ორგანიზაციებმა, დავალიანების თანხების დაზუსტების მიზნით, მოსაკრებლის გადახდის დამადასტურებელი ქვითრები ბათუმის მერიის ეკონომიკის სამსახურში უნდა წარადგიგნონ.
ორგანიზაციის მიერ წარმოქმნილი ნარჩენების გატანაზე ხელშეკრულების გაუფორმებლობა დაჯარიმდება 500 ლარის, ხოლო განმეორებით შემთხვევაში – 5 000 ლარის ოდენობით.
მომზადებულია პრესრელიზზე დაყრდნობით
დღეს, ბათუმის საკრებულოს თავმჯდომარე და მერის მოადგილე აზიის განვითარების ბაკნის წარმომადგენლებს შეხვდნენ. სამუშაო შეხვედრაზე მხარეებმა ისაუბრეს ბათუმში მიმდინარე ინფრასტრუქტურულ პროექტებსა და სამომავლოდ განსახორციელებელ გეგმებზე, რომლებიც შესაძლოა აზიის განვითარების ბანკის მხრიდან დაფინანსდეს.
ბანკის წარმომადგენლების ვიზიტის მიზანია ურბანული სექტორის განვითარების შეფასება და თანამშრომლობის სტრატეგიის დოკუმენტის შემუშავება.
მსგავს შეხვედრებს აზიის განვითარების ბანკი საქართველოს სხვადასხვა ქალაქებშიც გამართავს.
მომზადებულია პრესრელიზზე დაყრდნობით
აჭარის კონსტიტუცია აჭარის ავტონომიური რესპუბლიკის უმაღლესმა საბჭომ 2008 წლის 20 თებერვალს მიიღო. მოგვიანებით, ამავე წლის 15 ივლისს კი საქართველოს პარლამენტმა დაამტკიცა.
ბათუმის საკრებულოს ფრაქცია „ნაციონალური მოძრაობის“ თავმჯდომარე ნოდარ დუმბაძე ბათუმის საკრებულოს თავმჯდომარეს ირაკლი ჩავლეიშვილს არასწორი ინფორმაციის გავრცელებაში ადანაშაულებს. ნოდარ დუმბაძის განცხადებით, საკრებულოს თავმჯდომარემ გუშინ „ტელეარხ 25“-თან ინტერვიუში განაცხადა, რომ ე.წ. ჟილინის არხის მშენებლობისათვის დამატებით 4 მილიონის მოძიება იყო საჭირო, რაც სიმართლეს არ შეესაბამება.
„ბატონო კახა, თურქეთში ქურდობისთვის ხელს აჭრიან ადამიანებს,“- უთხრა ბათუმის მერიის ეკონომიკური პოლიტიკის სამსახურის უფროსის მოადგილემ ტიტე აროშიძემ რუსთავის საკრებულოს თავმჯდომარეს კახა გურგენიძეს, მას შემდეგ, რაც ამ უკანასკნელმა „ბათუმის ეკონომიკური განვითარების სტარატეგია“ წარმოადგინა.
ლელა დუმბაძე
აჭარის მთავრობის თავმჯდომარის, არჩილ ხაბაძის მრჩეველს, მაკა ივანიშვილს აჭარის რადიოს ეთერში საავტორიო გადაცემა „საუბრები მაკა ივანიშვილთან“ მიჰყავს. ზვიად სირაბიძე კი, რომელიც საკონსტიტუციო სასამართლოს საზოგადოებასთან ურთიერთობის სამსახურს ხელმძღვანელობდა, აჭარის ტელევიზიაში პროდიუსერად სამი დღის წინ დაინიშნა. მას ტელევიზიაში საავტორო გადაცემაც აქვს.
აჭარის ტელე-რადიო დეპარტამენტის დირექტორის, სოსო სტურუას განცხადებით, მაკა ივანიშვილი რადიოში სტაჟიორადაა აყვანილი და ჯერჯერობით ანაზღაურებას არ იღებს: „ეს არის საცდელი გადაცემა, ანაზღაურების გარეშე მუშაობს, სტაჟიორია და ცოტა ხანში განვიხილავთ რა ვქნათ. მოველაპარაკებით, რომ უსასყიდლოდ დარჩეს. გადავხედავთ კანონს, არის თუ არა შესაძლებელი ანაზღაურების მიცემა, თუ არა – დავტოვებთ უსასყიდლოდ. რაც შეეხება ზვიად სირაბიძეს, როგორც ვიცი, საკონსტიტუციო სასამართლოდან უნდა წამოვიდეს. არ ვიცი განცხადება აქვს თუ არა დაწერილი“.
კითხვაზე, როგორ აფასებს იმ ფაქტს, რომ საჯარო მოხელეები პარალელურად მედიაშიც მუშაობენ, მაკა ივანიშვილი პასუხობს: „მთავრობის აპარატში 1000 ლარი მაქვს ხელფასი, მაგრამ ამ გადაცემას ანაზღაურების გარეშე ვაკეთებ. კანონსაც გადავხედე – საჯარო მოხელეს შეუძლია კულტურის დარგში იმუშაოს და ჰონორარიც ჰქონდეს“.
ზვიად სირაბიძე „ბათუმელებთან“ ამბობს, რომ ამ დროისთვის საკონსტიტუციო სასამართლოში მხოლოდ კონსულტანტის მოვალეობას ასრულებს, თუმცა ამაში ანაზღაურებას იღებს: „რამდენიმე თვეა პრეს-სპიკერი აღარ ვარ, კონსულტანტი ვარ მხოლოდ. ანაზღაურება მაქვს. კანონის მიხედვით, გამომდინარე იქედან, რომ ტელევიზიაში შემოქმედებითი სამუშაო მაქვს, ანაზღაურების უფლებაც მაქვს. ტელევიზიაში ჯერ არ ამიღია ხელფასი, მაგრამ 700 ლარი მექნება, სასამართლოში 900 ლარი მაქვს“.
„საერთაშორისო გამჭვირვალობა საქართველოს“ მედია ანალიტიკოსი მამუკა ანდღულაძე: „პიროვნება, რომელიც მუშაობს ადმინისტრაციულ ორგანოში და პარალელურად აქვს საავტორო გადაცემა, კითხვები ჩნდება მის ობიექტურობასთან დაკავშირებით. წინა და დღევანდელი რეალობა გვიჩვენებს, რომ ქართული მედია არის ძალიან პოლარიზებული, მფლობელები ასოცირდებიან მათ მედიასაშუალებებთან და სენსიტიური მდგომარეობის პირობებში ვერ აკმაყოფილებენ იმ სტანდარტებს, რომელსაც ითვალისწინებს ეთიკის ქარტია ან მაუწყებელთა ქცევის კოდექსი.
რაც შეეხება ანაზღაურებას, დამატებითი კითხვები აქაც ჩნდება, რადგან ტელევიზიის სტატუსის საკითხი გადასაწყვეტია, ეს საკითხიც არის შესასწავლი“.
<!** Image 1 align="" width="360" height="360" >
პარასკევს, 2013 წლის 22 თებერვალს, 18:00 საათზე ჰაინრიჰ ბიოლის ფონდის სამხრეთ კავკასიის რეგიონალური ბიურო გიწვევთ საჯარო დისკუსიაზე ბათუმში:
„ცენტრიდან თუ ცენტრისკენ: რეგიონალიზმი და თვითმმართველობა”
ძირითადი მომხსენებლები:
• გენო გელაძე, დემოკრატიის ინსტიტუტის თავმჯდომარე
• მედეა ვასაძე, აჭარის ავტონომიური რესპუბლიკის უზენაესი საბჭოს წევრი
• დავით ლოსაბერიძე, ევროპის საბჭოს ადგილობრივი თვითმმართველობის ქარტიის ექსპერტთა ჯგუფის წევრი
• ნინა ხატისკაცი, საარჩევნო საკითხების სპეციალისტი
მოდერატორი: რუსუდან (ნატა) იმედაიშვილი, რადიო „თავისუფლება“
დებატები ჩატარდება დემოკრატიული ჩართულობის ცენტრში.
დასწრება თავისუფალია. (მის.: ქ. ბათუმი, ფარნავაზ მეფის ქ. 62-64)
ქალაქის მერის დანიშვნასთან დაკავშირებით საზოგადოებაში გაჩნდა ბევრი კითხვის ნიშანი, როგორც კანდიდატების შერჩევის კრიტერიუმებთან, ასევე ამ პროცესების გამჭვირვალობასთან დაკავშირებით.
21 თებერვალს 16:00 საათზე პრესკაფეს სადისკუსიო კლუბში არასამთავრობო ორგანიზაცია „პროგრესი” გამართავს დისკუსიას თემაზე: უნდა მოაწყონ თუ არა მერობის კანდიდატებმა თავიანთი სამოქმედო გეგმის საჯარო მოსმენები; უნდა იყოს თუ არა ბათუმის საზოგადოებისათვის ღია და გამჭვირვალე ქალაქის მერის კანდიდატურების შერჩევის პროცესი; უნდა მოხდეს თუ არა მერობის კანდიდატის შერჩევა კონკურსის გზით თუ უნდა მოხდეს მისი დანიშვნა.
დისკუსიაში მონაწილეობას მიიღებენ ბათუმის საკრებულოს თავმჯდომარე ირაკლი ჩავლეიშვილი და ახალგაზრდა იურისტთა ასოციაციის ბათუმის ფილიალის ხელმძღვანელი გიორგი ქარცივაძე.
დასწრება თავისუფალია.
მისამართი: მელაშვილის და საბაჟოს შესახვევი 2-1 („ჭაჭის კოშკის” წინ)
ირაკლი დაცმელიძე
<!** Image 1 align="left" alt="ჯაბა ჭანტურია და კრისტიან კარამბეუ" sub="ჯაბა ჭანტურია და კრისტიან კარამბეუ" width="400" height="713" >რაც სათაურში წაიკითხეთ, ჩემი ფანტაზიის ნაყოფი არ გახლავთ. დიახ, სულ მალე ქართული გუნდი შესაძლოა ჩემპიონთა ლიგაზე ვიხილოთ. არ მინდა მკითხველი შეცდომაში შევიყვანო, ამიტომ თავიდანვე განვმარტავ, რომ საუბარია არა დიდ ფეხბურთზე მწვანე მინდვრითა და 11 ფეხბურთელით (ეს ძალიან შორეული პერსპექტივაა), არამედ მცირე ზომის მოედანზე, სადაც მოთამაშეები ბურთს სილაში აგორებენ ანუ საპლაჟო ფეხბურთზე, რომელსაც ქვიშის ფეხბურთადაც მოიხსენიებენ.
საქართველოს ქვიშის ფეხბურთის ასოციაციის ვიცე-პრეზიდენტი და აჭარის საპლაჟო ფეხბურთის ფედერაციის პრეზიდენტმა ჯაბა ჭანტურიამ „ბათუმელებს“ სპორტის ამ სახეობის განვითარებისა და პერსპექტივების შესახებ მოუთხრო.
ირაკლი დარცმელიძე
ჭიდაობა 2020 წლის ოლიმპიური თამაშების პროგრამაში აღარ იქნება. აღნიშნული გადაწყვეტილება შვეიცარიის ქალაქ ლოზანაში გამართული საერთაშორისო ოლიმპიური კომიტეტის აღმასრულებელი საბჭოს სხდომაზე მიიღეს. შეხვედრამდე ცნობილი გახდა, რომ „რისკიანი სპორტის“ სამეულში ჭიდაობა, თანამედროვე ხუთჭიდი და ტაეკვონდო შედიოდა, 15-კაციანმა საბჭომ კი ოლიმპიური თამაშების მიღმა ჭიდაობის დატოვება არჩია. თუ რატომ, ეს ჯერჯერობით გაურკვეველია. თუმცა, სპორტის ამ სახეობის წარმომადგენლებისთვის სანუგეშოდ ის რჩება, რომ საბოლოო გადაწყვეტილებას სექტემბერში, არგენტინის დედაქალაქ ბუენოს–აირესში გამართულ საგანგებო შეხვედრაზე მიიღებენ. არ არის გამორიცხული, რამე შეიცვალოს, დღესდღეობით კი ასეა, ჭიდაობა ოლიმპიურ სახეობად აღარ ითვლება. გამოთავისუფლებული ადგილისათვის კი სოფტბოლი, ბეისბოლი, უშუ, კარატე, სერფინგი, გორგოლაჭებიანი სპორტი, სპორტული მეკლდეურობა და სქვოში იბრძოლებენ.
<!** Image 1 align="left" alt="ელგუჯა ბერიშვილი" sub="ელგუჯა ბერიშვილი" width="300" height="924" >ოლიმპიური თამაშების პროგრამაში ბოლო ცვლილება 2010 წელს შევიდა, როდესაც 2016 წლის რიო დე–ჟანეიროს თამაშების პროგრამაში გოლფი და შვიდკაცა რაგბი შეიტანეს.
რა რეაქცია მოჰყვა საერთაშორისო ოლიმპიური კომიტეტის ამ უცნაურ გადაწყვეტილებას საქართველოში, ამის შესახებ „ბათუმელებს“ საქართველოს ეროვნული ოლიმპიური კომიტეტის პირველი ვიცე-პრეზიდენტი ელგუჯა ბერიშვილი ესაუბრება.
