Batumelebi | მკლავჭიდელებმა ჩემპიონატი 17 მედლით დაასრულეს მკლავჭიდელებმა ჩემპიონატი 17 მედლით დაასრულეს – Batumelebi
RU | GE  

მკლავჭიდელებმა ჩემპიონატი 17 მედლით დაასრულეს

ირაკლი დარცმელიძე

 

თბილისში დასრულდა საქართველოს ჩემპიონატი მკლავჭიდში. აჭარის ნაკრებმა (მთავარი მწვრთნელი თემურ ლიპარტაშვილი) საერთო ჯამში სხვადასხვა სინჯის 17 მედალი მოიპოვა.


21 წლამდე ვაჟთა შორის 60 კგ. წონით კატეგორიაში ლევან პოღოსიანმა პირველი ადგილი დაიკავა (მარჯვენა), მარცხენა ხელით ასპარეზობისას კი – მესამე იყო. გოგიტა ხიმშიაშვილმა (70 კგ.) როგორც მარჯვენა, ასევე მარცხენა ხელით გაიმარჯვა. დანარჩენი მედლები კი – აჭარის ქალთა ნაკრების ანგარიშზეა.

65 კგ. (მარჯვენა): 1 ნინო მახარაძე, 2 ქრისტინა კუპრაძე, 3 სტელა ჯიჯავაძე;

65 კგ. (მარცხენა): 1 მარინა ფუტკარაძე, 2) მანონ კუპრაძე;

+65 კგ. (მარჯვენა): 1 დარინა ცეცხლაძე, 2 ნინო აბაშიძე, 3 ნონა ბასილაძე;

+65 კგ. (მარცხენა) 1 ლია გვიანიძე, 2 ლამზირა ლეონიძე, 3 ლარისა ლეონიძე.

აჭარის მკლავჭიდის ფედერაციის პრეზიდენტის გოჩა შავაძის განცხადებით, უკვე კომპლექტდება საქართველოს ეროვნული ნაკრები, რომელშიც ბათუმელი სპორტსმენების კანდიდატურებიც განიხილებიან, უმეტესწილად გოგონების. ისინი მონაწილეობას მიიღებენ მაისში ბალტიისპირეთში, კერძოდ კი – ლიტვაში გასამართ ევროპის ჩემპიონატზე. ამჟამად აჭარის ნაკრები წვრთნას ჩვეულ რეჟიმში ბათუმში გადის თემურ ლიპარტაშვილის ხელმძღვანელობით, – დასძინა გოჩა შავაძემ.

ნეტგაზეთის მასალების სხვა გამოცემებში გადაბეჭდვის წესი
ირაკლი დარცმელიძე