ბათუმელები
აჭარის ტელე-რადიო დეპარტამენტში მიმდინარე კონკურსი დასრულდა. კონკურსის შედეგები უკვე გამოცხადდა, რომლის მიხედვითაც ამ ტელევიზიის თანამშრომლების ნაწილმა სამსახური შეინარჩუნა, ნაწილმა – ვერა. ჟურნალისტი ნინო ჟიჟილაშვილი – საკონკურსო კომისიის წევრი, კონკურსთან დაკავშირებით დასმულ კითხვებს პასუხობს.
<!** Image 1 align="left" alt="ნინო ჟიჟილაშვილი" sub="ნინო ჟიჟილაშვილი" width="350" height="768" >
„ბათუმის ეზოს ამბები“ 11 აგვისტოს ილეინ ბაკჰოლცის და დავიდ ძოწეს ერთობლივი პერფორმანსითა და ინსტალაციით გაიხსნა. ილეინი ამერიკელი არტისტია, რომელიც ვიდეო და სინათლის ინსტალაციებს ქმნის. დავიდი, ქართველი ხმის რეჟისორი, რვა წელია ჩეხეთში ცხოვრობს, ბოლო ოთხი წელი კი საქართველოში არ ყოფილა. მისი, ისე როგორც ილეინის საქართველოში ჩამოსვლის მიზეზი პროექტია, რომელიც ბათუმში უკვე მეორე წელია ხორციელდება.
ბათუმში რუსთაველის ქუჩაზე, წმინდა ბარბარეს სახელობის ეკლესიის მიმდებარე ტერიტორიაზე ოპელის მარკის ავტომანქანა ქუჩაში მიმავალ ხანდაზმულ ქალს დაეჯახა, რომელიც ადგილზე გარდაიცვალა. შინაგან საქმეთა სამინისტროს პრესსამსახურის ინფორმაციით მძღოლი დაკავებულია და მიმდინარეობს გამოძიება სისხლის სამართლის კოდექსის 265 -ე მუხლის მეხუთე ნაწილით.
დეპუტატ მედეა ვასაძის ყოფილმა თანაშემწემ საფო კობალაძემ, დღეს საგანგებო ბრიფინგზე ისაუბრა იმის შესახებ, რომ 2013 წლის 24 ივნისს უმაღლესი საბჭოს ადმინისტრაციულ შენობაში, მედეა ვასაძემ ნამდვილად სცემა მოქალაქე დიანა დიასამიძე. ის ამბობს, რომ ცემის ფაქტის თვითმხილველია. საფო კობალაძე მზად არის მოინანიოს და პროკურატურას აღიარებით ჩვენება მისცეს, ანუ ზუსტად მოყვეს, როგორ სცემა დეპუტატმა თავის კაბინეტში დიანა დიასამიძე 24 ივნისს.
<!** Image 1 align="left" alt="საფო კობალაძის თქმით, პროკურორმა მას დაკითხვის ოქმი იმ მიზნით დაუტოვა, უმაღლესი საბჭოს სხვა თანამშრომლებს რომ ეხელმძღვანელათ" sub="საფო კობალაძის თქმით, პროკურორმა მას დაკითხვის ოქმი იმ მიზნით დაუტოვა, უმაღლესი საბჭოს სხვა თანამშრომლებს რომ ეხელმძღვანელათ" width="300" height="512" >
ბათუმში საჯარო ხელოვნების პროექტი „ბათუმის ეზოს ამბები“ იწყება. არასამთავრობო ორგანიზაცია „micro-ფონი“ უკვე მეორედ აწყობს ქალაქის ქუჩებში მასშტაბურ გამოფენას, რომელშიც სხვადასხვა ქვეყნიდან მოწვეულ მხატვრებსა და ქართველ შემოქმედებთან ერთად, ბათუმის ეზოს მაცხოვრებლებიც მონაწილეობენ.
<!** Image 1 align="left" width="350" height="675" >
საქართველოში ამერიკის საელჩოს ინფორმაციით, ბათუმის ნავსადგურში გაჩერებულ აშშ-ის საზღვაო ძალების ხომალდ „ბალკლიზე“ ხვალ სხვადასხვა შეხვედრა და ტრენინგი გაიმართება.
ხვალ, 18:00 საათისთვის, „ბალკლის“ კაპიტნის სახელით ხომალდზე დაგეგმილია საქართველოს ხელისუფლების უმაღლესი თანამდებობის პირების ოფიციალური მიღებაც. ხომალდზე დიდი ალბათობით ელიან ქვეყნის პრეზიდენტს, მიხეილ სააკაშვილს. მასპინძელი მხარე აცხადებს, რომ ხომალდზე სტუმრობას დადასტურებულად გეგმავს პრემიერ-მინისტრი ბიძინა ივანიშვილი ოჯახთან ერთად.
ქვეყნის უმაღლესი თანამდებობის ორივე პირის მიღება ხომალდზე ერთსა და იმავე დროს არის დაგეგმილი.
ოფიციალური მიღების დასრულების შემდეგ, საქართველოში ამერიკის ელჩი და საქართველოს ხელისუფლების უმაღლესი პირები მედიისთვის განცხადებებს გააკეთებენ.
ბათუმისთვის გაზის მიწოდება უკვე დაიწყო, სრულად კი ხვალ საღამომდე აღუდგება. ამის შესახებ ინფორმაცია „ბათუმელებს“ „სოკარ ჯორჯია გაზ აჭარის“ დირექტორმა თენგიზ ქოქოლაძემ მიაწოდა.
„გაზის მიწოდება უკვე დაწყებულია. ახლა მიდის ჩატვირთვა და ხვალ საღამომდე ჩაირთვება ყველგან. ამჟამად ბენზეს დასახლებაში ირთვება გაზი, მერე ბარცხანა, შემდეგ გაუშვებენ ქალაქშიც. ოღონდ ღამის განმავლობაში კორპუსები არ ჩაირთვება, დილით ადრე რვა საათის შემდეგ დაიწყება,“ – განუცხადა „ბათუმელებს“ „სოკარ ჯორჯია გაზ აჭარის“ დირექტორმა თენგიზ ქოქოლაძემ.
მაღალი წნევის გაზსადენი გურიაში ორი დღის წინ დაზიანდა. ამის გამო მთელს აჭარას გაზის მიწოდება შეწყვეტილი ჰქონდა.
შიდა აუდიტის სამსახური ქედის მუნიციპალიტეტში 2011 წლის მარტში შეიქმნა, სამსახურის უფროსად ჯამბულ თურმანიძე, მთავარ სპეციალისტად კი ერეკლე აბაშიძე ოთხი თვის შემდეგ დაინიშნენ. მიუხედავად იმისა, რომ აუდიტის სამსახური მუნიციპალიტეტში თითქმის ორი წელია ფუნქციონირებს, სამსახური მონაცემებს არ ასაჯაროებს.
აჭარის მაღალმთიანეთში თვითმმართველობების ადგილობრივი ბიუჯეტი ძირითადად ცენტრალური ბიუჯეტიდან მიღებული ტრანსფერით ივსება. ცენტრალური დაფინანსების გარდა ქედის, შუახევისა და ხულოს მუნიციპალიტეტები დამატებით თანხას აჭარის ავტონომიური რესპუბლიკის ბიუჯეტიდანაც იღებენ. აჭარის ბიუჯეტიდან გამოყოფილი თანხა მაღალმთიან მუნიციპალიტეტებში ძირითადად ინფრასტრუქტურულ ღონისძიებებს ხმარდება. მაღალმთიანი მუნიციპალიტეტების ადგილობრივი შემოსავალი კი ნახევარ მილიონ ლარსაც არ აღწევს.
საბავშვო ბაღების მშენებლობისთვის ადგილობრივი ბიუჯეტიდან 269 580 ლარი გამოიყო, 75 აღსაზრდელზე გათვლილი საბავშვო ბაღები დოლოგნისა და ცხმორისის თემებში, სოფელ ახოსა და დოლოგანში, ყოფილ ადმინისტრაციულ შენობებში გაიხსნება.
თბილისის, ქუთაისის, ზუგდიდისა და ანაკლიის შემდეგ საჯარო ადგილებში მოწევის აკრძალვისთვის ხელმოწერებს ბათუმში აგროვებენ, ბათუმის შემდეგ აქცია ქობულეთში გაგრძელდება.
ხელვაჩაურში, შარაბიძეების თემის საჯარო სკოლასთან არსებული პარკი, სადაც მუნიციპალიტეტის გამგეობა ყოველწლიურად 9 მაისს, ფაშიზმზე გამარჯვების დღეს აღნიშნავს, მოუვლელია. პარკში გაზრდილი ბალახის გამო კი, მოსახლეობა საშიში მწერების გაჩენასაც ვარაუდობს.
თემის რწმუნებული როსტომ თავდგირიძე „ბათუმელებთან“ სატელეფონო საუბარში ამტკიცებს, რომ პარკი მოვლილი და ბალახისგან გასუფთავებულია: „ბალახი გათიბულია. თქვენ იქ როდის იყავით?“ .
„ბათუმელებმა“ შარაბიძეების თემის პარკში ფოტო დღეს დილით 9:30 საათზე გადაიღო. მას შემდეგ რაც ამის შესახებ სოფლის რწმუნებულმა გაიგო დააზუსტა: „ნახევარი ამ დილით გათიბეს და ნახევარს გათიბავენ“.
შარაბიძეების თემის პარკში მეორე მსოფლიო ომში დაღუპულთა ობელისკი, ჯარისკაცის ძეგლი და სათამაშო ატრაქციონია განთავსებული.
მასწავლებელთა სასერტიფიკაციო გამოცდების შედეგების მიხედვით, გამოცდაზე გასულ პედაგოგთა უმრავლესობამ ბარიერი ვერ გადალახა. განათლების სფეროში მომუშავე სპეციალისტები მიზეზებზე საუბრისას ამბობენ, რომ ეს შედეგები მასწავლებელთა მოუმზადებლობის, ტესტების სირთულისა და განათლების სისტემის არათანმიმდევრულობის ერთობლივი შედეგია.
რით იყო განპირობებული ის შედეგი, რომელიც 2013 წლის მასწავლებელთა სასერტიფიკაციო გამოცდებზე აჩვენეს პედაგოგებმა? განათლების სფეროში დასაქმებულები რამდენიმე მიზეზს ასახელებენ.
საზღვაო სასწავლო ცენტრი „ანრი“ აკრედიტებული უმაღლესი საზღვაო სასწავლებელია, რომელიც ამ დარგის განვითარებისთვის მნიშვნელოვან როლს ასრულებს რეგიონში. ცენტრს გააჩნია თანამედროვე სასწავლო ბაზა, რეალობასთან შესაბამისი სიმულატორები, საკუთარი საწვრთნელი გემის მოდელი, იახტა, სამაშველო კატარღები. მეზღვაურთა სწავლებასთან ერთად ცენტრში არსებობს მეზღვაურთა მომზადება/გადამზადებისა და სერტიფიცირების პროგრამა, რომელიც აღიარებულია „სსიპ საზღვაო ტრანსპორტის სააგენტოს“ მიერ. ცენტრი აქტიურადაა ჩართული ყველა …
Continue reading “„საზღვაო სასწავლო ცენტრ ანრის“ ინგლისური ენის ტრენინგ-კურსები”
კონკურსი – “მე მიყვარს ცეკვა” აჭარაში მეორედ ჩატარდა, კონკურსის ჩატარების იდეა ბათუმელ ქორეოგრაფებს – ირაკლი სურმანიძესა და მაიკო დუმბაძეს ეკუთვნით. ფინალში ერთმანეთს სამი წყვილი ეჯიბრებოდა. „ბათუმელები” გამარჯვებული წყვილებიდან პირველ ადგილზე გასულ ლოლიტა ცინცაძესა და მეორე ადგილზე გასულ ანა კვაჭაძეს ესაუბრა. ლოლიტა ამ კონკურსის გამარჯვებული უკვე მეორედ გახდა.
<!** Image 7 align="left" width="600" height="512" >
წელს, 2 აგვისტოს, რამდენიმე წლიანი შესვენების შემდეგ, ბათუმს განახლებული „ნიკალა“ დაუბრუნდა. გემოვნებით განახლებული ინტერიერი, ვრცელი და მყუდრო გარემო, მრავალფეროვანი და გემრიელი სამზარეულო, სასიამოვნო მუსიკა, გაღიმებული მომსახურე პერსონალი და ფერადი ოთახი ბავშვებისთვის… ეს არასრული ჩამონათვალია იმ სერვისის, რითაც „ნიკალაში“ მისული ადგილობრივები თუ ტურისტები ისარგებლებენ.
წუხელ ძლიერმა წვიმამ გურიაში, მდინარე ნატანებზე არსებული 500 მმ მაღალი წნევის გაზსადენი დააზიანა. შედეგად აჭარისა და გურიის რეგიონი გაზის გარეშეა დარჩენილი.
„სოფელ გურიანთაში, მდინარე ნატანებზე გამავალი გაზსადენი დაზიანდა. როგორც მითხრეს სამტრედიის შემდეგ მთლიანად გურია და აჭარა გაზის გარეშე დარჩა. ახლა მივდივართ ადგილზე და გვეცოდინება საღამოსთვის ზუსტად რა მდგომარეობაა. ერთი-ორი დღე დაჭირდება ალბათ აღდგენას,“ – განუცხადა ბათუმელებს „სოკარ ჯორჯია გაზ აჭარის“ დირექტორმა თენგიზ ქოქოლაძემ.
მისივე ინფორმაციით, იმის გამო, რომ მდინარე ადიდებულია, აღდგენითი სამუშაოების დაწყება, ჯერჯერობით, შეუძლებელია.
შს სამინისტროს ცნობით, პოლიციამ უკვე დააკავა წუხელ, 4 აგვისტოს მოკლული 22 წლის კოკა კეკელიას მკვლელობაში ბრალდებული.
„შსს-ს საპატრულო პოლიციის დეპარტამენტის აჭარის მთავარი სამმართველოსა და აჭარის მთავარი სამმართველოს თანამშრომლებმა ერთობლივი ოპერატიული და საგამოძიებო ღონისძიებების შედეგად, მომხდარიდან რამდენიმე წუთში მკვლელობაში ბრალდებული 1970 წელს დაბადებული ირაკლი ს. დააკავეს“, – ამ განცხადებას შს სამინისტრო ავრცელებს.
ბრალდებულმა კოკა კეკელიას სასიკვდილო ჭრილობა დანით მიაყენა. პოლიციის ვერსიით, მათ შორის ურთიერთშელაპარაკება ბათუმში, ფარნავაზ მეფის ქუჩაზე, პიაცაზე მოხდა.
შს სამინისტროს ცნობით, პოლიციამ ბრალდებული ცხელ კვალზე დააკავა. გამოძიება განზრახ მკვლელობის მუხლით დაიწყო.
ტურისტებისთვის და განსაკუთრებით ღვინის ტურებით გატაცებული ვიზიტორების მოზიდვის მიზნით აჭარაში ღვინის კომპანია „მეღვინეობა ხარებამ“ შექმნა ახალი პროდუქტი -„ბილეთები“, რაც სტუმრებისთვის ღვინის დეგუსტაციას უფრო კომფორტულსა და ხელმისაწვდომს ხდის.
ბათუმში, ზურაბ გორგილაძის ქუჩაზე არსებული ე.წ ვარდების სკვერში ფილების ამოყრა დაიწყეს. კითხვაზე, თუ რით იყო განპირობებული ტურისტულ სეზონზე სკვერში სამუშაოების დაწყება, საკრებულოს თავმჯდომარე ირაკლი ჩავლეიშვილი ამბობს: „ძველი ფილები უკვე ამორტიზირებული იყო და უფრო ხარისხიანი და უფრო ლამაზი ფილები დაიგება. მეორად ფილებს კი ქალაქის გარეუბნებში ვიყენებთ ან ვაძლევთ ეკლესიებს“.
როგორც საკრებულოს თავმჯდომარე ირაკლი ჩავლეიშვილი ამბობს, სკვერის განახლება ქალაქის კეთილმოწყობის სამსახურმა დაგეგმა, თვითმმარველობის ბიუჯეტიდან კი თანხა 124 498 ლარი საკრებულოს თანხმობით გამოიყო. ტექნიკური სამუშაოების შესრულებაზე ხელშეკრულება მერიამ 25 ივლისს შპს „მონოლითი 2005“-თან გააფორმა. კომპანიამ სამუშაოები 60 დღის განმავლობაში უნდა დაასრულოს.
<!** Image 1 align="middle" alt="ვარდების სკვერი" width="600" height="2448" >
დღეს, პირველ აგვისტოს ბათუმში 19 წლის ახალგაზრდა მამაკაცი ზღვაში დაიხრჩო – ინფორმაციას ამის შესახებ ბათუმის სასწრაფო სამედიცინო დახმარების სადგურში ადასტურებენ, სადაც შეტყობინება გამოძახების შესახებ 17 საათსა და 42 წუთზე შევიდა.
სასწრაფო სამედიცინო სამსახურის ცნობით გარდაცვლილი გვარად აბაშიძეა და იგი ამ დროისათვის რესპუბლიკური საავადმყოფოს პროზექტურაშია გადაყვანილი.
დღეს, პირველ აგვისტოს „დემოკრატიული ჩართულობის ცენტრში“ არასამთავრობო ორგანიზაცია „მუნიციპალიტეტთა განვითარებისა და მონიტორინგის ცენტრის” პრეზენტაცია გაიმართა.
<!** Image 1 align="" width="360" height="360" >
ბათუმის საკრებულოს „ნაციონალური მოძრაობის“ ფრაქციის თავმჯდომარე გიორგი კირთაძე, საკრებულოს თავმჯდომარის ირაკლი ჩავლეიშვილის დღევანდელ განცხადებას გამოეხმაურა, რომელიც ქალაქში მშენებლობების გაზრდაზე საუბრობდა და მას „უზნეობა“ უწოდა. გიორგი კირთაძის განცხადებით, ყველა მშენებლობა, რომელიც დღეს ბათუმში მიმდინარეობს, წინა ხელისუფლების დროსაა დაწყებული.
„საკრებულოს თავმჯდომარე გამოვიდა და გვიყვებოდა, თუ როგორ გაზარდეს ამ ხნის განმავლობაში ქალაქში სასტუმროების მშენებლობა. დღესდღეობით მხოლოდ ორი ახალი სასტუმრო შენდება და ორივე სასტუმროს მშენებლობაზე ჩვენი ხელისუფლების დროს დაიწყო მოლაპარაკებები. მაჩვენონ ერთი პროექტი მაინც, რომელშიც თვითონ იყო ჩართული და გადაწყვიტა რომელიმე ინვესტიციის საკითხი. მიწის ნაკვეთებსაც კი ვერ ჰყიდის და რომელ მშენებელობების გაზრდაზეა საუბარი. მე ამას უზნეობას ვუწოდებ და ჩვენი თანამოქალაქეებისთვის თვალებში ნაცრის შეყრას“-განაცხადა გიორგი კირთაძემ.
გიორგი კირთაძე საკრებულოს „კონსერვატიული პარტიის“ წევრის, მამული ჟღენტის განცხადებასაც გამოეხმაურა, რომელმაც განცხადება ბათუმის საზღვრების გაფართოებაზე გააკეთა. „უნდა ჩაეხედა იმ საკმაოდ სქელტანიან დოკუმენტში, რომლის მიხედვითაც მოხდა ბათუმის გაფართოება. ბათუმი მოსახლეობის გამოკითხვის შედეგად გაფართოვდა“- აცხადებს კირთაძე.
ბათუმში, „პრესკაფეში“ 2 აგვისტოს, 18:00 საათიდან 20:00 საათამდე „მეღვინეობა ხარება“ გიწვევთ თავისი პროდუქტების პრეზენტაციაზე.
პრეზენტაციაზე სადეგუსტაციოდ გამოტანილი იქნება 12 დასახელების ღვინო (კრახუნა – მშრალი, თეთრი ღვინო; მწვანე- მშრალი, თეთრი ღვინო ; ცოლიკაური – მშრალი, თეთრი ღვინო; რქაწითელი – მშრალი, თეთრი ღვინო ; ციცქა- მშრალი, თეთრი ღვინო ; საფერავი პრემიუმი – წითელი, მშრალი ღვინო; საფერავი ხილის ტონებით- წითელი, მშრალი ღვინო; საფერავი- წითელი, მშრალი ღვინო; ქინძმარაული – წითელი, ნახევრადტკბილი ღვინო; როზე – მშრალი, ვარდისფერი ღვინო; კრახუნა ქვევრის – მშრალი, თეთრი ღვინო; ციცქა ქვევრის – მშრალი, თეთრი ღვინო)
პრეზენტაციის პარალელურად პროფესიონალ და მოყვარულ ფოტოგრაფებს საშუალება ექნებათ, გადაიღონ ფოტო სახელწოდებით „ღვინო და ზაფხული“ .
ყველა ავტორის ერთი საუკეთესო ფოტო განთავსდება „პრესკაფეს“ ფეისბუქის გვერდზე. ფოტოები, რომლებიც ყველაზე მეტ მოწონებას – ლაიქს დააგროვებს, დაიბეჭდება და ორი კვირის მანძილზე გასაყიდად გამოიფინება „პრესკაფეში“. გაყიდული ფოტოებიდან შემოსული თანხა გადაეცემა ავტორებს.
პრეზენტაციაზე დასწრება თავისუფალია. ყველა სტუმარს ექნება საშუალება, ერთი ჭიქა ღვინო დააგემოვნოს. გთხოვთ გვეწვიოთ.
ტურისტებისთვის და განსაკუთრებით ღვინის ტურებით გატაცებული ვიზიტორების მოზიდვის მიზნით აჭარაში ღვინის კომპანია „მეღვინეობა ხარებამ“ შექმნა ახალი პროდუქტი -„ბილეთები“, რაც სტუმრებისთვის ღვინის დეგუსტაციას უფრო კომფორტულსა და ხელმისაწვდომს ხდის.
რამდენად საშიშია გველის ის სახეობები, რომელიც აჭარაშია გავრცელებული და როგორ უნდა მოიქცეს ადამიანი, თუ გველმა დაგესლა? ამ საკითხზე „ბათუმელებთან“ ქვეწარმავლებთან ბრძოლის სეზონური სამსახურის უფროსი, თბილისის ზოოპარკის ეგზოტარიუმის დირექტორი, გურამ წიკლაური საუბრობს.
ბათუმში ფარნავაზ მეფის ქუჩაზე მიმდინარე მშენებლობაზე გაზმა გაჟონა. მშენებლების განცხადებით, ამ დროისათვის საფრთხე არ არსებობს.
<!** Image 1 align="" width="360" height="360" >
დღეს, ნინო ბურჯანაძის პარტიის „დემოკრატიული მოძრაობა ერთიანი საქართველოს“ ბათუმის ორგანიზაციის ხელმძღვანელმა თემურ ჭანტურიშვილმა, ეკომიგრანტებისა და იპოთეკარების პრობლემებთან დაკავშირებით ბრიფინგი გამართა. მისი განცხადებით, ხელისუფლება ვალდებულია ეკომიგრანტებს საცხოვრებელი სახლები შეუსყიდოს და ამისთვის საჭირო თანხები ბიუჯეტში მოიძიოს. ჭანტურიშვილის განცხადებით, ხელისუფლებამ გრძელვადიანი სესხები უნდა გასცეს იპოთეკარების პრობლემის მოსაგვარებლადაც.
„მთავრობამ უნდა მოძებნოს ფინანსები, სხვა გამოსავალი ამ პრობლემის მოსაგვარებლად არ არსებობს. ფინანსებს კი მთავრობა არჩევნების წინ არ უნდა ეძებდეს. ვფიქრობთ ბიუჯეტში უნდა შევიდეს ცვლილება და ეს თანხები უნდა გამოძებნოს პრემიებისა და მივლინებებისთვის განკუთვნილი ხარჯებიდან“- აცხადებს თემურ ჭანტურიშვილი.
ბრიფინგს რამდენიმე ეკომიგრანტი და იპოთეკარიც ესწრებოდა. ეკომიგრანტ მერაბ შავაძის განცხადებით, პრობლემების მოგვარება ხელისუფლებამ უნდა ითავოს: „ჩვენ თანახმა ვართ გრძელვადიან სესხზეც. თუ სახელმწიფო მოგვცემს სესხ თვითონ შევისყიდით სახლებს, თუ არა და მაშინ სახელმწიფომ უნდა შეისყიდოს. ზამთარიც მოდის და გვინდა ეს პრობლემა მანამდე მოგვარდეს, თანაც ძალიან გადავიღალეთ“.
მისი განცხადებით, ეკომიგრანტები ყოფილი ბავშვთა სახლის შენობაში გაუსაძლის პირობებში ცხოვრობენ.
ბათუმში, გრიბოედოვის ქუჩიდან გოგებაშვილის ქუჩამდე და ამ ქუჩების სამხრეთით ჭავჭავაძის ქუჩამდე ტერიტორიაზე მშენებლობისთვის ბათუმის საკრებულომ მოსაკრებელი დააწესა. ზონირების წესების მიხედვით ამ ტერიტორის უმეტესი ნაწილი საზოგადოებრივ- საქმიანი, მისი მცირე ნაწილი კი საცხოვრებელი ზონაა. რეგულაცია, რომელიც ბათუმის საკრებულომ დღეს მიიღო, ამ ზონაში დადგენილ ნორმებს გარეთ მშენებლობისათვის ორი ტარიფის გადასახადს ითვალისწინებს.
გადასახადი მშენებლობის სხვა შენობებთან მიმართებაში სიმჭიდროვესთან, ასევე მის სიმაღლესთან გარკვეულ კავშირშია, ამიტომაც დღეს მას პირობითად „ჰაერის გადასახადიც“ უწოდეს.
„სამართლიანი არჩევნებისა და დემოკრატიის საერთაშორისო საზოგადოებამ“ და „საქართველოს ახალგაზრდა იურისტთა ასოციაციამ“ ბათუმის საქალაქო სასამართლოში სარჩელი შეიტანეს. ორგანიზაციები მოითხოვენ აჭარის უმაღლესმა საბჭომ შეაჩეროს რესპუბლიკური ბიუჯეტის შესახებ კანონში შეტანილი ცვლილება, რომლის თანახმადაც 13 მილიონ 554 ათას 400 ლარი ინფრასტრუქტურულ და სოციალურ პროექტებს მოხმარდება. ორგანიზაციებმა ამის შესახებ ინფორმაცია ვებგვერდზე გაავრცელეს.
ქობულეთში, სანაპიროზე, ახალი ბიზნესი გამოჩნდა. დათვის ბელთან ფოტოს გადაღების მსურველებს მოქალაქე ახალ სერვისს სთავაზობს. ბელს პირი ალიკაპით აქვს აკრული, ყელზე ჯაჭვი აქვს გამობმული და პოზირებისას წინააღმდეგობას არ წევს. მოქმედი კანონმდებლობით ამ ბიზნესის წარმოება დასჯადია.
25 წლის ოთო ფედიჩკინი გაყიდვების მენეჯერია, მაგრამ მისი საქმიანობა მხოლოდ ერთ კონკრეტულ კომპანიას არ უკავშირდება. საკუთარი იდეების, საქმიანობისა და ქართულ შოუბიზნესში პოპულარული მეგობრების წყალობით ოთო ფედიჩკინის ნახვა სოფო ნიჟარაძის პოპულარულ კლიპსა და სხვა კლიპებშიც შეიძლება, თუმცა ეს ყველაფერი არ არის.
<!** Image 1 align="left" alt="ოთო ფედიჩკინი" sub="ოთო ფედიჩკინი" width="400" height="506" >
ბათუმის საკრებულომ ღია კენჭისყრით საფეხბურთო კლუბ „დინამო ბათუმის“ დირექტორად 27 წლის ოთარ ფედიჩკინი დაამტკიცა. ის დღეს ბათუმის საკრებულოს სხდომაზე წმინდა გიორგის ხატით მივიდა. საკრებულომ ოთარ ფედიჩკინსა და მის კონკურენტს ვახტანგ ქორიძეს ერთდროულად უყარა კენჭი.
კენჭისყრამდე დეპუტატებმა დავას იმის თაობაზე თუ ორი კანდიდატის შემთხვევაში რა სახის კენჭისყრა უნდა ჩატარებულიყო 15 წუთზე მეტი მოანდომა.
ამ წუთებში ბათუმში, ბათუმის საკრებულოს სხდომაზე განსაკუთრებული ხალხმრავლობაა. საზოგადოებისა და არასამთავრობო სექტორის ყურადღების საგანი „დინამო ბათუმის“ ახალი დირექტორის არჩევის საკითხია.
რადიო „აჭარის“ ჟურნალისტი ტარიელ ცეცხლაძე აჭარის უმაღლესი საბჭოს თავმჯდომარეს, ავთანდილ ბერიძეს ისევ უჩივის. ჟურნალისტმა ბათუმის საქალაქო სასამართლოს გადაწყვეტილება საქმეზე „ტარიელ ცეცხლაძე ავთანდილ ბერიძის წინააღმდეგ“ ქუთაისის სააპელაციო სასამართლოში გაასაჩივრა.
„ბათუმის საქალაქო სასამართლომ არ დააკმაყოფილა ჩემი მოთხოვნები პატივის, ღირსებისა და პროფესიული რეპუტაციის შელახვის საქმეზე. სასამართლომ ჩათვალა, რომ ავთანდილ ბერიძის მიერ ჩემი მისამართით წარმოთქმული სიტყვები: „მატყუარა“ და „ტყუილია“ არ შეიცავს ჩემს მიმართ პროფესიული რეპუტაციის შელახვას და არ დააკმაყოფილა სარჩელი. მე ვთვლი, რომ ავთანდილ ბერიძემ ჩემი პროფესიული რეპუტაცია შელახა ამ სიტყვებით, ხოლო ჩემი პროფესიონალიზმი დააყენა კითხვის ნიშნის ქვეშ. ვიმედოვნებ, რომ ქუთაისის სააპელაციო სასამართლო მიიღებს ობიექტურ გადაწყვეტილებას,“ – განაცხადა ტარიელ ცეცხლაძემ „ბათუმელებთან“ საუბარში.
ტარიელ ცეცხლაძე სააპელაციო საჩივარში ავთანდილ ბერიძისგან ითხოვს, რომ უმაღლესი საბჭოს თავმჯდომარემ საჯაროდ, პრესკონფერენციაზე განაცხადოს, რომ ტარიელ ცეცხლაძე არ არის მატყუარა. ჟურნალისტმა აჭარის უმაღლესი საბჭოს ხელმძღვანელს მიმდინარე წლის მარტში უჩივლა.
„ბათუმელები“ კომენტარისათვის აჭარის უმაღლესი საბჭოს საზოგადოებასთან ურთიერთობის სამსახურს დაუკავშირდა.
„არ ვიცი არაფერი, სამუშაო დღე დამთავრდა და თქვენგან გავიგე ეს ამბავი. ხვალ გავარკვევთ ყველაფერს,“ – უთხრა „ბათუმელებს“ აჭარის უმაღლესი საბჭოს პრესსამსახურის ხელმძღვანელმა მარინე კუპრეიშვილმა.
ქობულეთში, სიმინდის ყანებს მდელოს ფარვანა ანადგურებს. მწერი ყანებს ორი კვირაა შეესია. მოსახლეობა ამბობს, რომ დახმარებისთვის ადგილობრივ გამგეობას მიმართეს, თუმცა უშედეგოდ. გამგეობაში კი აცხადებენ, რომ შეწამვლისთვის საჭირო თანხა თვითმმართველობას არ გააჩნია და მომავალი კვირიდან სურსათის ეროვნული სააგენტოდან ელიან დახმარებას.
