ბათუმელები
დღეს ბათუმის ხელოვნების ცენტრში კლასიკური მუსიკისადმი მიძღვნილი საღამო გაიმართება.
ქართველი მსმენელის წინაშე ბელორუსიის ოპერისა და ბალეტის დიდი თეატრს სოლისტები წარსდგებიან. პროგრამაშია უვერტიურები და არიები მოცარტის, ვებერის, ჯაკომო პუჩინის, ბიზეს, ვერდის და ლეონკავალოს ოპერებიდან.
კონცერტში ასევე მონაწილეობას მიიღებს ბათუმის საელმწიფო მუსიკალური ცენტრის სიმფონიური ორკესტრი.
კონცერტი საღამოს 6 საათზე დაიწყება.
<!** Image 1 align="middle" width="400" height="4678" >
ხულოს მუფტის, ასლან აბაშიძის თქმით, ხალხი გზაშია სოფელ დანისპარაულის პერიფერებში ჩერდებიან. „ვჩერდებით იმიტომ, რომ როგორმე სახელმწიფომ გამოიჩინს კეთილი ნება და ეს საკითხი მშვიდობიანად გადაწყდეს. ხალხი არის აღელვებული და შეურაცხყოფილი, სპეცრაზმა ჩაკეტა საზოგადოება, მოჭრეს მინარეთი, ვინც წინაღმდეგობა გაუჭია სასტიკად სცემეს სოფელ ჭელში.
მეც მრევლთან ერთად ვართ, შეიძლება გავჩერდეთ იქედან გამომდინარე, რომ არ მოხდეს დესტაბილიზაცია სახელმწიფოში და არ დაიწყოს არეულობა რელიგიის ნიადაგზე. ჩვენ რადგანაც გვინდა სტაბილურობის შენარჩუნება, იქედან გამომდინარე, დავიცდით დანისპარაულში, ხელისუფლებამ ეს საკითხი დადებითად რომ გადაჭრას“.
სოფელ ჭელში დღეს დილით მინარეთი დაანგრიეს, ხოლო მრევლის წარმომადგენლები სცემეს და დააკავეს. მუფტის – ასლან აბაშიძის ინფორმაციით, მრევლი ამ ფაქტის გამო არის აღშფოთებული.
17 აგვისტოს საქართველოში ნადირობის სეზონი გაიხსნა. რომელ სახეობებზეა ნადირობა დაშვებული და როგორ აპირებს ბრძოლას ბრაკონიერობასთან ახლადშექმნილი გარემოსდაცვითი ზედამხედველობის დეპარტამენტი? ამ საკითხებზე „ბათუმელებს“ საქართველოს გარემოსა და ბუნებრივი რესურსების დაცვის სამინისტროს გარემოსდაცვითი ზედამხედველობის დეპარტამენტის ბიომრავალფეროვნების კონტროლის სამსახურის უფროსი მაია ჩხობაძე ესაუბრა.
განახლება ხულოში მუნიციპალურ ცენტრთან ყველაზე ახლოს მდებარე სოფელია. 70-კომლიან სოფელში, ძირითადად ბოლქვაძეები ცხოვრობენ, ახლა მოსახლეობის უმეტესობა სამუშაოდ თურქეთშია წასული, ზოგი კი – იალაღზე მემთეურობას ეწევა.
ხულოში, შუახევსა და ქედაში საზეიმო ვითარებაში გახსნილ ახალგაზრდულ ცენტრებს სოფლებში მცხოვრები ახალგაზრდების საზოგადოებრივი გააქტიურება და ჩართულობა უნდა უზრუნველეყო, თუმცა დღემდე ახალგაზრდები მთავარ პრობლემად ფართობის სიმცირეს, ცენტრის თანამშრომლები კი ფართობთან ერთად არასაკმარის დაფინანსებას ასახელებენ.
დღეს, 23 აგვისტოს „ნაციონალური მოძრაობის“ ოფისში საგანგებო ბრიფინგი აჭარის უმაღლესი საბჭოს წევრმა „ნაციონალური მოძრაობიდან”, რობერტ ჩხეიძემ გამართა. „ნაციონალური მოძრაობა” ბრიფინგით აჭარის მუნიციპალიტეტებში გამგებლების შეცვლას გამოეხმაურა.
ქობულეთს ახალი გამგებელი ჰყავს – ამ ინფორმაციას ქობულეთის საკრებულოს თავმჯდომარე ელგუჯა ბაგრატიონი ადასტურებს. მისი თქმით საკრებულომ გამგებლად გიორგი რომანაძე აირჩია. ქობულეთის საკრებულო 27 წევრისგან შედგება. დღევანდელ სხდომაზე 25 წევრი ესწრებოდა. საკრემულომ ახალი თავმჯდომარე გიორგი რომანაძე 25 ხმით არც ერთის წინააღმდეგ აირჩია. ახლად არჩეული გამგებელი გიორგი რომანაძე ბიზნესსკოლაში ლექციებს კითხულობს და აქვს საბანკო სექტორში …
დღეს გამგებლები შეიცვალნენ შუახევსა და ხულოშიც. შუახევში გამგებლად ტარიელ ებრალიძე, ხულოში კი ბესიკ ბაუჩაძე დაინიშნა.
ხელვაჩაურის მუნიციპალიტეტის გამგებლად ნადიმ ვარშანიძე დაინიშნა. მას დღეს გამართულ სხდომაზე საკრებულოს უმრავლესობასთან ერთად მხარი ოპოზიციამაც დაუჭირა. სხდომას საკრებულოს ოცი წევრი ესწრებოდა, ოცივე მათგანმა ნადიმ ვარშანიძის გამგებლად არჩევას მხარი დაუჭირა.
<!** Image 1 align="left" alt="ჯონი ცივაძე" sub="ჯონი ცივაძე" width="300" height="483" >მეხუთე თვეა, რაც აჭარის ოლიმპიური კომიტეტის ხელმძღვანელობა შეიცვალა და მის ხელმძღვანელად წარსულში წარმატებული სპორტსმენი, ველომრბოლელი ჯონი ცივაძე აირჩიეს. ახალი პრეზიდენტი ახალი გეგმებითა და მიზნებით მოვიდა და კომიტეტის მუშაობაში ძირეული ცვლილებების განხორციელებას აპირებს. რას ჰპირდება იგი სპორტსმენებს და რა იქნება მისი პრიორიტეტი? – ამის შესახებ აჭარის ოლიმპიური კომიტეტის პრეზიდენტმა „ბათუმელებთან“ ისაუბრა.
თბილისიდან დაბრუნდა აჭარის ტაეკვონდისტთა ნაკრები, რომელმაც მონაწილეობა მიიღო შესარჩევ ტურნირზე. როგორც ადრე ვიუწყებოდით, საქართველოს ახალგაზრდულ ნაკრებს სექტემბერში ევროპის ჩემპიონატზე მონაწილეობა ელის. თბილისურმა ტურნირმა ის კანდიდატები გამოავლინა, რომლებიც უახლოეს დღეებში ქობულეთში საწვრთნელ შეკრებაზე შეიკრიბებიან, სწორედ იქ გადაწყვეტს ნაკრების ხელმძღვანელობა, თუ ვინ გაემგზავრება ევროპირველობაზე, რომელსაც პორტუგალია უმასპინძლებს. ბათუმელთაგან ახალგაზრდული ნაკრების კანდიდატებად გურამ კუტუბიძე, კახა მახარაძე და მარი ბოლქვაძე მოიაზრებიან. შესარჩევ ტურნირზე იასპარეზეს დიდებმაც, რომლებიც ახალგაზრდებთან ერთად ქობულეთში მოემზადებიან, ვინაიდან მათ ოქტომბერში A კლასის ტურნირი ელით უკრაინაში. ეროვნული ნაკრების ხელმძღვანელობამ დიდებიდან შეკრებაზე აკაკი ცენტერაძეს, თეონა ვაშაყმაძეს, სოფია ცეცხლაძესა და გოგია კაკაბაძეს უხმო.
ბათუმის “დინამოს” ახალი ფეხბურთელები ჰყავს. გუნდს ექვსი ახალწვეული შეუერთდა. ესენი არიან: გიგა კვერენჩხილაძე („გურია“ ლანჩხუთი), ირაკლი ჩირიკაშვილი („ქსამაქსი“ შვეიცარია), ბადრი ტეტუნაშვილი („ვიტ ჯორჯია“, თბილისი), გიორგი ალავიძე („გაგრა“), სანდრო ჭიღვარია („მეტალურგი 2“, რუსთავი) და დიმიტრი ადეიშვილი („მეტალურგი 2“, რუსთავი).
<!** Image 1 align="middle" width="300" height="750" >
ხვალ, 22 აგვისტოს, ბათუმში „Batumi Summer Set“ იწყება. „Miracle Park”-ის მიმდებარე ტერიტორიაზე საფესტივალო ქალაქის მშენებლობა, რომელიც ანბანის კოშკსა და ეშმაკის ბორბალს შორის მდებარეობს, პრაქტიკულად დასრულებულია.
„Batumi Summer Set“ – ის მთავარი მოვლენა დანიური ელექტრონული მუსიკის დუეტი „Laid Back“-ია, რომელიც ფესტივალს გახსნის. „Laid Back“ რომელიც 1979 წელს ჩამოყალიბდა, 22 აგვისტოს ძველ და ახალ ჰიტებს შესთავაზებს მსმენელს. მათ შორის Sunshine Reggae და Happy Dreamer.
უცხოელ დიჯეებს აკომპანიმენტს 12 ქართველი დიჯეი გაუწევს.
„ფესტივალის მიზანია ქართველი არტისტების პრომოუშენი. იქიდან გამომდინარე, რომ ეს არტისტები უკრავენ ძალიან დიდი სახელების გვერდით და შესაბამისად მათ კარიერაში ძალიან კარგად იწერება ამ არტისტებთან ერთად მონაწილეობის მიღება მსგავს ფესტივალებში. ასევე ეს ფესტივალის ბათუმის პრომოუშენსაც ემსახურება. მსგავსი ტიპის ფესტივალები აჭარი რეგიონში ტურიზმის განვითარებისთვის ძალიან მნიშვნელოვანია,“ – ამბობს ფესტივალის არტ მენეჯერი ტატო ხარჩილავა.
„Batumi Summer Set“-ს 22 აგვისტოს საღამოს რვა საათზე SOLAR ECLIPSE გახსნის, ასევე გამოვლენ, BACHO&COBERT, SYNKRO, PHON-O. ღამის 12 საათზე სცენა მთავარ ჰედლაინერს LAID BACK -ს დაეთმობა.
„Batumi Summer Set“ ბათუმში უკვე მეორედ იმართება.
ფიზიკის სწავლების და სამეცნიერო კვლევის კონცეპცია სწავლების სამივე საფეხურზე შოთა რუსთაველის სახელმწიფო უნივერსიტეტში.
დღეს ბათუმის მერიაში ბათუმის წყალმომარაგებისა და ჩამდინარე წყლების მუნიციპალური ინფრასტრუქტურის რეაბილიტაციის მესამე ფაზით გათვალისწინებული სამუშაოების პროექტი წარმოადგინეს. „ქალაქ ბათუმში ერთ-ერთი წარმატებული პროექტია წყლის და კანალიზაციის სისტემების რეაბილიტაცია, ახლა მიმდინარეობს მესამე ფაზის დაპროექტება. დაპროექტებას ახდენს კომპანია ეჯისი. ამ პროექტის განორციელებით ქალაქში ფაქტობრივად დარჩენილ 40 % ში მოხდება წყლის კანალიზაციის და სანიაღვრე სისტემის რეაბილიტაცია. ეს …
Continue reading “51 მილიონი ევრო ბათუმის 24 საათიანი წყალმომარაგებისათვის”
2013 წლის იანვრიდან დღემდე ბათუმში, არასათანადო ადგილას გაჩერებული მანქანების დაჯარიმებისათვის გადახდილი თანხა ნახევარ მილიონ ლარს აღემატება. მიუხედავად იმისა, რომ ბოლო შვიდი თვის მანძილზე 28 601 მძღოლი დააჯარიმეს, ტროტუარებზე, ველობილიკებსა და ავტობუსის გაჩერებებზე პარკირებულ მანქანებს ხშირად შეხვდებით.
არის თუ არა პროკურორის სახელი და გვარი პირადი ინფორმაცია? – მოქალაქე ხათუნა ბერიძე დარწმუნებულია, რომ – არა. მისი აზრით, დაუშვებელია საჯარო მოხელის ვინაობა იყოს პირადი, ანუ საიდუმლო ინფორმაცია. ხათუნა ბერიძე პროფესიით იურისტი არ არის, ის თარჯიმანია. მაგრამ სხვაგვარად ფიქრობენ იურისტები სასამართლოებიდან – ისინი პროკურორების ვინაობასაც კი პირად ინფორმაციად მიიჩნევენ.
ბათუმის ბულვარის შესასვლელთან, რუსთაველისა და დემეტრე თავდადებულის ქუჩების კვეთაში, ხის სკამზე ჩამომსხდარი ტაქსის მძღოლები კლიენტებს ელოდებიან. მათ შორისაა „ლეიბორისტული პარტიის“ აჭარის ორგანიზაციის ხელმძღვანელიც. აჭარის მთავარი ლეიბორისტი, ბათუმის საკრებულოს ყოფილი წევრი, დავით რობაქიძე ყოველგვარი შემოსავლის გარეშე, უსამსახუროდ დარჩა.
ბათუმში, ურეხის დასახლებაში, მე-13 სკოლის წინ მდებარე წყაროს წყალი კოლიბაქტერიებითაა დაბინძურებული. ეს ლაბორატორიული შემოწმების შედეგად დადგინდა. თუმცა ურეხში, წყაროს მახლობლად მცხოვრებთ ამის არ სჯერათ.
კომპანიებმა, რომლებიც ქედაში 15 000-ზე მეტი ლარის ღირებულების სამშენებლო და სარემონტო სამუშაოს შეასრულებენ, ობიექტის ჩაბარებისას საექსპერტო დასკვნა უნდა წარმოადგინონ, წინააღმდეგ შემთხვევაში ობიექტს მშენებლობის დამკვეთი არ ჩაიბარებს.
107 წლის სებილე შარაძე ქედაში, სოფელ ინაშარიძეებში ცხოვრობს. იგი არც ჯანმრთელობას უჩივის და არც პრეპარატებს იღებს.
2600 მეტრიანი საბაგირო გზა „არგო“, რომლის მშენებლობა 29 აპრილს უნდა დამთავრებულიყო, დღეს გაიხსნა. სამშენებლო კომპანია „ჰესტოკ ბათუმი“ ეკონომიკის სამინისტროს წინაშე აღებულ ვალდებულების დაგვიანებით შესრულებას რთული რელიეფური გარემოთი ხსნის.
<!** Image 4 align="left" alt="საბაგირო ბათუმში" sub="საბაგირო ბათუმში" width="350" height="576" >
დღეს, აჭარის პროფკავშირების გაერთიანების ოფისში, საქართველოს ტრანსპორტის პროფკავშირმა და აჭარის გაერთიანებულმა პროფკავშირებმა საგანგებო პრესკონფერენცია გამართეს. ტრანსპორტისა და გზების მუშაკთა პროფკავშირები შპს „ბათუმის ავტოტრანსპორტს პროკურატურაში უჩივის და მოთხოვნის შეუსრულებლობის შემთხვევაში ქვეყნის მასშტაბით გაფიცვით იმუქრება.
მძღოლები ხელფასების მომატებას ითხოვენ. ამბობენ, რომ ამ მოთხოვნის გამო „ბათუმის ავტოტრანსპორტის“ ადმინისტრაციამ პროფკავშირის აქტივის დევნა დაიწყო და წევრებს პროფკავშირებიდან გასვლას აიძულებდა.
<!** Image 1 align="left" width="300" height="519" >
პროფკავშირების წარმომადგენლები ბათუმის ტრანსპორტის დირექტორს, გია ლორიას პროფკავშირების წევრი მძღოლების დისკრიმინაციაში ადანაშაულებენ. მათი თქმით, „ზეწოლის ქვეშ მყოფი მძღოლები იძულებით წერდნენ განცხადებებს პროფკავშირებიდან გასვლაზე. მათ აქვთ დამადასტურებელი ჩანაწერი, სადაც „ბათუმის ავტოტრანსპორტის“ დირექტორმა პროფკავშირის წარმომადგენლებს ბანდიტები უწოდა.
საქართველოს ტრანსპორტისა და გზების მუშაკთა პროფესიული კავშირის თანაშემწისა ნიკა სიხარულიძის თქმით, რომელიც ასმავე დროს მძღოლადაც მუშაობს, „ახალი შრომის კოდექსიდან გამომდინარე, ზეგანაკვეთური სამუშაოები უნდა ანაზღაურდებოდეს, კვირაში 40 საათის ზემოთ ანუ თვეში 160 საათის შემდეგ. თუმცა, ბათუმის ავტოტრანსპორტი ზეგანაკვეთურ შრომას არ ანაზღაურებს და მსგავსი ანაზღაურება საერთოდაც არ აქვს გათვალისწინებული.
ნიკა სიხარულიძის თქმით, „არსებობს სხვა სახის პრობლემაც – მერიის მხრიდან დაპირებული ხელფასი, საათში 4,50 ლარი შემცირებულია 4,00 ლარამდე, 50 თეთრი ადმინისტრაციის წევრების ხელფასებს დაემატა“.
კიდევ ერთ პრობლემად მძღოლებმა სპეცტანსაცმელი დაასახელეს – მათი თქმით, ადმინისტრაცია არ აძლევს სამუშაო სპეცტანსაცმელს, თუმცა მოითხოვს, რომ ყველა მძღოლმა ის შეიძინოს.
მძღოლებისთვის, ადმინისტრაციის უკმაყოფილება გაუგებარია, რადგანაც სახელმწიფო საწარმოში არსებული პრობლემა არანაირად არ ეხება დირექტორსა და ადმინისტრაციას.
ბათუმში, ყოფილი ბლაგოვგრადისა და გამსახურდიას ქუჩების კვეთაში 35 წლის მამაკაცი დაჭრეს. ის დღის 2 საათზე სასწრაფო დახმარების მანქანამ ბათუმის რესპუბლიკურ საავადმყოფოში გადაიყვანა. საავადმყოფოს ექიმის გია კიკაბიძის ინფორმაციით ჭრილობა ბასრი იარაღით თავისა და გულმკერდის არეში იყო მიყენებული: იყო შემავალი ჭრილობა, რომელიც დამუშავდა და პაციენტი სახლში გაიგზავნა. “
ადგილზე გამოძახებული იყო პოლიცია.
დღეს, ბათუმის იუსტიციის სახლში ქართველი მსახიობის რამაზ ჩხიკვაძის დაბადებიდან 85 წლის იუბილესადმი მიძღვნილი გამოფენა გაიხსნა. გამოფენას იუსტიციის მინისტრის პირველი მოადგილე დავით ჯანდიერი და ეროვნული არქივის გენერალური დირექტორი თეონა იაშვილი ესწრებოდნენ.
<!** Image 1 align="left" alt="დავით ჯანდიერი და თეონა იაშვილი გამოფენაზე" sub="დავით ჯანდიერი და თეონა იაშვილი გამოფენაზე" width="300" height="574" >
დავით ჯანდიერის თქმით, „ეს პროექტი ეროვნულ არქივში დაცული საგანძურის რეგიონის მოსახლეობისთვის გაცნობას ისახავს მიზნად“.
გამოფენაზე წარმოდგენილია რამაზ ჩხიკვაძის 40-მდე ფოტო. წარმოდგენილია, როგორც ბიოგრაფიული ხასიათის ფოტოები, ასევე კინოროლებისა და რეპეტიციების ამსახველი ფოტოები. გამოფენაზე დაცული ფოტოების ნაწილი დაცულია „საქინფორმის“ კოლექციაში.
ქართული თეატრისა და კინოს მსახიობი რამაზ ჩხიკვაძემ რუსთაველის თეატრის სცენაზე მრავალი საინტერესო როლი განასახიერა: ლირი („მეფე ლირი“), კირილე მიმინოშვილი („სამანიშვილის დედინაცვალი“), ქოსა მრჩეველი („ჭინჭრაქა“). რამაზ ჩხიკვაძე ასევე 70-ზე მეტ მხატვრულ ფილმშია გადაღებული. მათ შორის „ჭრიჭინა“, „თეთრი ბაირაღები“, „ნატვრის ხე“.
ბათუმის იუსტიციის სახლში გამოფენა 23 აგვისტომდე გაგრძელდება. დასწრება თავისუფალია.
<!** Image 1 align="left" alt="ზურა თავბერიძე" sub="ზურა თავბერიძე" width="300" height="656" >
ბათუმში, ლუკა ასათიანისა და კიროვაკანის ქუჩების კვეთაში სასტუმრო „მირორი“, დაახლოებით ორი წლის წინ ეგრეთწოდებულ „ბორდელად“ იქცა. ამ დაწესებულებაში საღამოს 8 საათიდან ყველაფერი ის იწყება, რაც, ზოგადად, ამ ტიპის დაწესებულებებს ახასიათებს. დილის ხუთ საათამდე ისმის ხმამაღალი მუსიკა… დისკო-მომსახურებით აკლებულია ყველაფერი. ნუ ეგრეთ წოდებული ღამის კლუბი, სასტუმრო და რესტორანი მხოლოდ და მხოლოდ პროსტიტუციას ემსახურება.
უჯინ რეი, იგივე ევგენი ჰაიდე თბილისში საკმაოდ ცნობილი გერმანული წარმოშობის ქართველი Dj-ია. იგი ბათუმში ყოველ ზაფხულს ჩამოდის. ამბობს, რომ ბათუმი ძალიან მოსწონს და ცუდად არასოდეს ახსენდება. Dj-ი ბათუმში საცოლესთან ერთად ისვენებს.
ქობულეთის სოფელ საჩინოს მოსახლეობა შემოვლით გზის მშენებლობასთან დაკავშირებით პროტესტს გამოთქვამს. ისინი მოითხოვენ ადეკვატური ღირებულებით იმ ზარალის ანაზღაურებას, რომელსაც მათ ავტომაგისტრალის მშენებლობა მოუტანთ.
სოფლის მკვიდრი ჯამბულ გოგიტიძე მშენებლობის ორგანიზატორების მხრიდან მოსახლეობისთვის არასრულყოფილი ინფორმაციის მიწოდებაზე საუბრობს და იმასაც ამბობს, რომ თუნდაც მიწის გასხვისებაზე შეთანხმება შედგეს, გზის მშენებლობის შემდეგ იქ ცხოვრება შეუძლებელი იქნება:
„მოვიდნენ ჩემთან. 2000 მეტრო მიწა მიაქვთ. თქვეს, გზა რვა მეტროში გადის სახლს არ ეხებაო. მაგრამ რვა მეტროში რომ გზა გაივლის იქ გაჩერდება სახლი? მოვიდნენ და აგვიხსნან სახლი რამდენი მეტრის დაშორებით უნდა იდგეს გზიდან, რა ღირებულებას ანაზღაურებენ, ნარგავი რა ღირს, მიწის ნაკვეთი რა ღირს? მოიტანეს ხელშეკრულებები და შემოგვთავაზეს მხოლოდ მიწის თანხა – 55 ათასი ლარი. დაგვემუქრნენ თუ შეთანხმება არ შედგა გაგასახლებთო“.
საქართველოს საავტომობილო გზების დეპარტამენტის განსახლებისა და გარემოს დაცვის სამმართველოს უფროსი ზაურ აფშინაშვილის თქმით, ავტოტრასის მშენებლობა საერთაშორისო პროექტია და საერთაშორისოდ აღიარებული მეთოდებით მიმდინარეობს. გარდა ამისა, ის კერძო ინტერესი კი არა, სახელმწიფო მნიშვნელობის საქმეა:
„ახალი ავტომაგისტრალის პროექტი აზიის განვითარების ბანკისგან“ ფინანსდება. თვითონ ბანკის მოთხოვნა და პოლიტიკაა საერთაშორისო სტანდარტების დაცვით მშენებლობა. ეს ითვალისწინებს მიწის შესყიდვებისა და განსახლების გეგმასაც. პროექტის მოსამზადებელი ეტაპზე შევისწავლეთ და აღვწერეთ მოსახლეობის კუთვნილი მიწები, ნარგავები, ნათესები. დიფერენცირებული გვაქვს სასოფლო-სამეურნეო მიწის ღირებულება, რომელიც ათი ლარიდან იწყება. კომპენსაციის დროს ისიცაა გათვალისწინებული, მიწის მესაკუთრე სოციალურად დაუცველია თუ არა.
ამ მონაცემების მიხედვით, სერთიფიცირებულმა აუდიტორულმა კომპანიამ შეაფასა მოსახლეობისთვის ასანაზღაურებელი ქონების საბაზრო ღირებულება. გზის მშენებლობა სახელმწიფო მნიშვნელობისაა და ემსახურება არა ერთი და ორი ადამიანის ინტერესს, არამედ სახელმწიფოს და მის მოსახლეობას. თუ მოხდა ისე, რომ მოსახლეობასთან შეთანხმება არ შედგა, ჩვენ გამოვიყენებთ სახელმწიფო კანონით მინიჭებულ უფლებას“.
18-კილომეტრიანი შემოვლითი გზის მშენებლობა ორ მონაკვეთზე მიმდინარეობს. პირველი მონაკვეთი შეკვეთილში იწყება და ქობულეთის შუა ტერიტორიაზე მთავრდება. მეორე მონაკვეთი იწყება ქობულეთის შუანაწილიდან და გვირაბიდან გასასვლელ გზას უერთდება.
ზაურ აფშინაშვილისვე თქმით, აღნიშნულ ტერიტორიაზე მოქცეულია დაახლოებით 355-მდე მიწის მესაკუთრე. აქედან მხოლოდ რამდენიმე ოჯახი მოითხოვს თანხის გაორმაგებას, მოსახლეობის უმრავლესობასთან ხელშეკრულებებს უკვე აფორმებენ.
დღეს აჭარის ტურიზმისა და კურორტების დეპარტამენტში 2013 წლის სეზონის სიახლეს ონლაინ-მარკეტინგული ღონისძიებები წარმოადგინეს. სოციალურ მედიაში, სხვადასხვა ენაზე შექმნილია სპეციალური გვერდები ბათუმის შესახებ. დეპარტამენტმა 10 ქვეყანა შეირჩა (საქართველოს, რუსეთი, უკრაინა, აზერბაიჯანი, სომხეთი, ბელორუსია, ყაზახეთი, ისრაელი, პოლონეთი) საიტები შექმნილია ინგლისურ, თურქულ და რუსულ ენებზე. ინფორმაცია ბათუმის ღირსშესანიშნაობების, მიმდინარე ღონისძიებებისა და ტურისტული ობიექტების შესახებ ყოველდღიურად ახლდება Facebook-იქ გვერდზე. ( www.facebook.com/visitbatumi.travel)
<!** Image 1 align="left" width="300" height="538" >
დეპარტამენტის ერთ-ერთი ახალი პროექტია „გაიზიარე ბათუმის სიყვარული“. პროექტი ითვალისწინებს უკვე ტურისტად მყოფი ადამიანების შთაბეჭდილებებისა და მოსაზრების გაზიარებას იმ ტურისტებისთვის, რომლებიც სამომავლოდ გეგმავენ საქართველოში ჩამოსვლას. პროექტში ჩართულია ბათუმის უნივერსიტეტის სტუდენტთა ჯგუფი, რომლებიც ფოტოკამერებით, ცარცითა და დაფებით შეიარაღებულები ქალაქის ტურისტულად აქტიურ ადგილებში ხვდებიან უცხოელ ტურისტებს. (www.gobatumi.com)
აჭარის ტურიზმისა და კურორტების დეპარტამენტის, ტურისტული პროექტებისა და სერვისის განყოფილების უფროსის, მამუკა ბერძენიშვილის თქმით, პროექტი – „გაიზიარე ბათუმის სიყვარული“ ხელს შეუწყობს იმ ტურისტებს, რომლებიც მომავალში აპირებენ ჩამოსვლას.
ასევე მოქმედებს პროექტი – „Batumi In Your Pocket” – მცირე ფორმატში მოქცეულია მაქსიმალური ინფორმაცია ბათუმის შესახებ. ბროშურა გამოიცა სამ ენაზე: ინგლისურ, რუსულ და პოლონურ ენებზე. ბროშურები ტურიზმის საინფორმაციო ცენტრებსა და სასტუმროებში ვრცელდება.
<!** Image 1 align="left" width="400" height="399" >
დღეს, ბათუმში გაეროს ქალთა ორგანიზაციის ინიციატივით, გაეროს ერთობლივი პროგრამის ფარგლებში – „გენდერული თანასწორების ხელშეწყობისთვის საქართველოში“ – ცნობილი ქართველი სპორტსმენები უფროსკლასელ ბიჭებს შეხვდნენ. შეხვედრაში მონაწილეობდნენ მორაგბეები – ნოდარ ანდღულაძე, გიორგი ჭყოიძე, ლექსო გუგავა და კიკბოქსიორი – გიგი ჭიკაძე.
გაეროს ქალთა ორგანიზაციის მენეჯერის, ირინა ჯაფარიძის თქმით, „ვაჟებთან ამ თემაზე საუბარი მნიშვნელოვანია, რადგანაც მათი ჩართულობის გარეშე ოჯახში ძალადობისა და ქალთა მიმართ ძალადობის დაძლევა შეუძლებელია. პროგრამა ასევე მიზნად ისახავს ოჯახის ძალადობის მსხვერპლთათვის არსებული ცხელი ხაზის (2 309 903) მომსახურების პოპულარიზაციას, რომელშიც ასევე აქტიურად მონაწილეობენ სპორტსმენები.
საქართველოში ოჯახში ძალადობის 3 თავშესაფარი არსებობს: თბილისსა და გორში, ხოლო ქუთაისში აგვისტოს თვეში გაიხსნება. თავშესაფარები გაეროს ქალთა ორგანიზაციის ფინანსური და ტექნიკური მხარდაჭერით შეიქმნა, თუმცა, ამჟამად სახელმწიფო ბიუჯეტიდან ფინანსდებიან.
ირინა ჯაფარიძის თქმით, ამ პროექტისათვის „რაგბისა და მოჭიდავეების გუნდის წევრები იმიტომ შეარჩიეს, რომ რაგბი არის ერთ-ერთი მამაკაცური და პოპულარული სპორტი საქართველოში, რომელსაც გააჩნია თავისი ეთიკის კოდექსი. ძალადობა არასდროს გამოდის მოედნის გარეთ.“
საქართველოს ნაკრების ყოფილი წევრი ნოდარ ანდღულაძე 3 წელია ჩართულია ამ პროექტში. ის ამბობს: „ჩვენ ყოველთვის ვსაუბრობთ იმაზე, თუ რა არის სწორი და რა არა? რომელი სტერეოტიპი უწყობს ხელს ქალთა მიმართ ძალადობას და თუ რა შეგვიძლია შევცვალოთ. ხშირად ვსაუბრობთ ჩვენს თავზე, თუ როგორ გავიზარდეთ, როგორ შეიცვალა ჩვენი ფასეულობები და იმ შეცდომებზეც, რასაც არასდროს დავუშვებთ ჩვენი ქცევით“.
ნოდარ ანდღულაძე ამბობს, რომ პროექტში ჩართვის ინიციატივა სხვა სპორტსმენებს – წყალბურთელებსა და კალათბურთელებსაც აქვთ.
გლობალური პროექტი „გავერთიანდეთ ქალთა მიმართ ძალადობის წინააღმდეგ“ 2008 წელს დაიწყო და 2015 წლამდე გაგრძელდება. პროექტში რაგბისტები 2010 წლიდან არიან ჩართულები.
შეხვედრა დემოკრატიული ჩართულობის ცენტრში გაიმართა და ქალი ჟურნალისტებისთვის დახურული იყო. შეხვედრის მონაწილეებმა მედიასთან კომენტარები შეხვედრის დასრულების შემდეგ გააკეთეს.
გაეროს გენერალური მდივნის ბან კი მუნის გლობალური კამპანიის ეგიდით – „გავერთიანდეთ ქალთა მიმართ ძალადობის წინააღმდეგ“, გამართული ინიციატივა – „სპორტსმენები ერთიანდებიან ქალთა მიმართ ძალადობის წინააღმდეგ“, მიზნად ისახავს ქალთა მიმართ და ოჯახში ძალადობის წინააღმდეგ ვაჟების ცნობიერების ამაღლებას და მგრძნობელობის გაზრდას.
„აჭარის მამულიშვილთა საგვარეულო კავშირის“ ხელმძღვანელი ნიაზ ბოლქვაძე ამბობს, რომ მისი კავშირი და „ქართული ოცნება სამართლიანობისათვის აჭარაში“ 17 აგვისტოსთვის ქობულეთში აპირებენ დადგან საინფორმაციო დაფა, „რომელიც მიეძღვნება აჭარის ოსმალთა იმპერიის 300 წლოვანი ბატონობისგან გათავისუფლების 135 წლის თავს“. ნიაზ ბოლქვაძე ნიაზ ბოლქვაძის თქმით, საინფორმაციო დაფა დაიდგმება ჩოლოქის ხიდთან. ის იმედოვნებს, რომ მომავალში საინფორმაციო დაფის …
Continue reading “ოსმალთა ბატონობისგან გათავისუფლების აღმნიშვნელი მემორიალური დაფა ქობულეთში”
ჩემი სახელია კარინ ლინგლი, ვარ 53 წლის და ვმუშაობ მასწავლებლად ავსტრიაში, ვენის ერთ-ერთ დიდ გიმნაზიაში. ვენის უნივერსიტეტში ვსწავლობდი მათემატიკასა და ისტორიას, ხოლო მის დამთავრების შემდეგ, 1985 წლიდან, დავიწყე პროფესიული საქმიანობა. მე იმაზეც ვზრუნავ, რომ მოსწავლეებმა შეიძინონ კომუნიკაციის, სოციალური, რიტორიკის, პრეზენტაციების ჩატარების, პროექტების მართვისა და შემეცნებითი სამუშაოს უნარები. 14-18 წლის ასაკის ბავშვებისთვის მე „მწვრთნელის“ როლსაც ვასრულებ, ვინაიდან ვცდილობ მათი პრობლემები სწავლასთან დაკავშირებით თუ, ზოგადად, კლასშივე მოვაგვარო.
<!** Image 1 align="left" alt="კარენ ლინგი თბილისში" sub="კარენ ლინგი თბილისში" width="350" height="540" >
<!** Image 1 align="left" alt="ოთარ ფედიჩკინი" sub="ოთარ ფედიჩკინი" width="300" height="1005" >ბათუმის „დინამოს“ ახალი დირექტორი ჰყავს. გასულ კვირას, ბათუმის საკრებულოში გამართული არჩევნები შემდეგ, ზღვისპირული კლუბის ახალ ხელმძღვანელად მოძრაობა „გადავარჩინოთ ბათუმის დინამო“–ს თავკაცი ოთარ ფედიჩკინი დაინიშნა. რა გეგმები აქვს ახალ დირექტორს და რას ჰპირდება გულშემატკივრებს?! ამას უკვე ინტერვიუდან შეიტყობთ.
საქართველოს ტაეკვონდისტთა ახალგაზრდული და კადეტთა ნაკრები საწვრთნელ შეკრებას ქობულეთში გადის. ორივე ასაკობრივ გუნდს უახლოეს მომავალში ევროპის ჩემპიონატზე უწევს ასპარეზობა. კადეტები აგვისტოში, იუნიორები კი სექტემბერში იბრძოლებენ. ამათ გარდა, ეროვნულ ნაკრებს A კლასის საერთაშორისო ტურნირი უწევს ოქტომბერში. ცვლილებებია სამწვრთნელო შტაბშიც. როგორც ჩვენთვის ცნობილი გახდა, საქართველოს ახალგაზრდული ნაკრების მთავარი მწვრთნელის თანამდებობაზე აჭარის ნაკრების მწვრთნელის, აკაკი ცენტერაძის კანდიდატურა განიხილება. „ბათუმელები“ სპორტსმენებს ქობულეთში სტუმრობდა და ინტერვიუ საქართველოს ყველა ასაკობრივი ნაკრების კურატორთან, დავით ბაბუაძესთან ჩაწერა.
<!** Image 1 align="middle" alt="მარცხნიდან: ნოდარ გოლეთიანი, დავით ბაბუაძე, რომეო გურეშიძე, აკაკი ცენტერაძე" sub="მარცხნიდან: ნოდარ გოლეთიანი, დავით ბაბუაძე, რომეო გურეშიძე, აკაკი ცენტერაძე" width="600" height="581" >
გარემოს დაცვის სამინისტრომ მტირალას ეროვნულ პარკში ახლახან შვლები გაუშვა. შვლები ბათუმის ზოოკუთხეში სხვადასხვა დროს მიიყვანეს, სადაც უვლიდნენ და კვებავდნენ. როგორ უნდა დავაბრუნოთ გარეული ცხოველები ბუნებაში ისე, რომ გარემოსთან ადაპტაცია შეძლონ, რომელი ცხოველების დაბრუნებაა ბუნებაში პრობლემატური და რა საფრთხის წინაშე შეიძლება აღმოჩნდნენ ისინი და თავად ადამიანები? „ბათუმელები“ ამ საკითხით დაინტერესდა.
<!** Image 1 align="left" width="300" height="509" >
დღეს, ბათუმში საქართველოს სპორტისა და ახალგაზრდობის დეპარტამენტმა წარმოადგინა ის 12 პროექტი, რომლებიც პარალელურ რეჟიმში მიმდინარეობს. პროექტი ითვალისწინებს არასრულწლოვან მსჯავრდებულთა, ეთნიკური უმცირესობებისა და უსინათლოთა დახმარებას.
<!** Image 1 align="left" width="300" height="410" >
სასჯელაღსრულების სისტემაში მყოფი არასრულწლოვანები პროექტის ფარგლებში სწავლობენ ხელსაქმეს, ხვდებიან ცნობილ ადამიანებს, მართავენ სპორტული ღონისძიებებს.
უსინათლო პირთათვის კი ბრაილის შრიფტით ლოცვები დაიბეჭდა. ამავე ჯგუფის მონაწილეობთ იღებენ სხვადასხვა სპექტაკლებსა და პანტომიმურ დადგმებს.
იგივე პროექტის ფარგლებში ქვემო ქართლსა და სამცხე-ჯავახეთში მცხოვრები ეთნიკური უმცირესობებისთვის ქართულ ენაზე სწრაფ ბეჭდვაში კონკურსი ჩატარდა.
სპორტისა და ახალგაზრდობის დეპარტამენტის ინფორმაციით, პროექტის ერთ-ერთი კომპონენტი ითვალისწინებს სტუდენტური თვითმართველობის მხარდაჭერას. პროექტის ავტორების თქმით, „პროგრამის მიზანია მივიღოთ თანამედროვე, დემოკრატიულ პრინციპებზე აგებული სტუდენტუნური თვითმართველობა, რომელიც არ იქნება პოლიტიზირებული და თითოეულ სტუდენტს ეცოდინება თავის უფლებები. სასწავლო სემესტრის დაწყებიდან თითოეულ უნივერსიტეტში სტუდენტური უფლებების დეკლარაციის პრეზენტაცია ჩატარდება. დეკლარაციის შექმნაში მონაწილეობას საქართველოს სახელმწიფო და კერძო უნივერსიტეტების თვითმართველობის გუნდის წევრები და სტუდენტური ორგანიზაციების წარმომადგენლები იღებდნენ“.
პროექტის ერთ-ერთი მნიშვნელოვანი კომპონენტი – „პრაქტიკების სააგენტო“ კი სექტემბრიდან ამოქმედდება. ეს პროგრამა სტუდენტებს მისცემს შესაძლებლობას 2-თვიან პრაქტიკა გაიარონ სახელმწიფო და კერძო სტრუქტურებში. სარეგისტრაციო ბაზაში 6 000 ადგილია.
სპორტისა და ახალგაზრდობის დეპარტამენტის წარმომადგენლებმა ბათუმში, დემოკრატიული ჩართულობის ცენტრში გამართულ შეხვედრის დროს კიდევ ერთ აქტივობაზე გაამახვილეს ყურადღება, რომელიც გერმანულ ფონდ „ბერგქობთან“ ერთად დაიგეგმა – ქართველი, სომეხი და აზერბაჯანელი ახალგაზრდების მონაწილეობით ჩატარდა კონფერენცია. ამ კონფერენციაზე ჩამოაყალიბეს სტუდენტებისგან დაკომპლექტებული კვალიფიცირებული ჯგუფი, რომლებმაც ოკუპირებულ ტერიტორიებზე მცხოვრებ ახალგაზრდებთან დიალოგი უნდა დაიწყონ. პირველი ასეთი შეხვედრა, სავარაუდოდ, წელს ჩატარდება.
ასევე, პროექტის ფარგლებში გაგზავნილია მოთხოვნა ევროპის ახალგაზრდული ბარათის ლიცენზიაზე. ამ ბარათის მფლობელი სტუდენტებს საქართველოდან ექნებათ ფასდაკლება ნებისმიერ სერვისზე, ევროპის ნებისმიერ ქალაქში.
