Author Archives: ბათუმელები

ხულოს სამუფთოს წარმომადგენლები დღეს მუნიციპალიტეტის გამგებელ ბესიკ ბაუჩაძეს შეხვდნენ. ისინი ქობულეთში მომხდარ ფაქტს აპროტეტებენ. 

აჭარის უმაღლესი საბჭოს ფრაქცია „ქართული ოცნების“  წევრმა და ადამიანის უფლებათა დაცვის საკითხთა კომისიის თავმჯდომარემ მედეა ვასაძემ დღეს აჭარის მთავრობის თავმჯდომარე არჩილ ხაბაძე კორუფციაში დაადანაშაულა. მედეა ვასაძის განცხადებას უცვლელად გთავაზობთ:

წიგნების მაღაზია „წიგნები ბათუმში“ სტივენ კინგის მოყვარულთათვის კონკურსს მართავს. 21 სექტემბერს სტივენ კინგის დაბადების დღეა. სწორედ მწერლის დაბადების დღეს ეძღვნება  კონკურსი. 

დღეს  ქობულეთში აქცია გაიმართა. აქციის მონაწილეებმა ლერმონტოვის ქუჩა #13-ში მუსლიმანური სასწავლებლის, მედრესეს მშენებლობა გააპროტესტეს. 

 მარიამი და ეკატერინე ფიქრობენ, რომ ძალადობის მსხვერპლნი არიან და თავიანთი უფლებების დაცვას სასამართლოში ცდილობენ. საქართველოს მთავრობის წინააღმდეგ თბილისის საქალაქო სასამართლოში სარჩელი უკვე შეიტანეს, ისინი მთავრობას სამართლებრივი რეგულაციების მიღებას სთხოვენ. როგორია ძალადობის მსხვერპლი ადამიანების სტატისტიკა ქვეყანაში, რა ვალდებულება აქვს სახელმწიფოს და როგორ იცავს მოძალადისგან მსხვერპლს. არასამთავრობო ორგანიზაციების რეკომენდაციები, სახელმწიფოს პასუხი და ძალადობის მსხვერპლი ქალების ისტორიები, „ბათუმელები“ ბოლო წლების სტატისტიკაზე დაყრდნობით გიამბობთ, რომელ რეგიონში არის ოჯახური ძალადობის ყველაზე მეტი ფაქტი.

დღეს ბათუმში ანტირუსული აქცია გაიმართა. აქციის ორგანიზატორი ერთიანი ნაციონალური მოძრაობის ახალგაზრდული ფრთა იყო. პოლიტიკური პარტიის ახალგაზრდული ფრთის წარმომადგენლებმა აქციაზე ქაღალდზე ამობეჭდილი რუსეთის დროშა და რუსეთის პრეზიდენტის, ვლადიმერ პუტინის ფოტო დაწვეს. 

„ახალგაზრდები შევიკრიბეთ და ვაკეთებთ ანტი რუსულ აქციას. გვინდა ვთქვათ რომ არ დავუშვებთ რუსული იმპერიალური პოლიტიკის გატარებას საქართველოში და მის პოპულარიზაციას. რუსეთი არის ოკუპანტი,“- ამბობს აქციის მონაწილე, ნაციონალური მოძრაობის ახალგაზრდული ფრთის წარმომადგენელი თორნიკე ხალვაში.

აქციის დასასრულს აქციის მონაწილეებმა ქუჩაში მდგარ ავტომანქანებს ფლაერები მიამაგრეს წარწერით „Путин хуйло“.

<!** Image 1 align="" width="540" height="1153" >

აჭარის ტურიზმისა და კურორტების დეპარტამენტი 2014 წელს, იანვრიდან აგვისტომდე აჭარაში შემოსული ტურისტების სტატისტიკას აქვეყნებს.  დეპარტამენტის მონაცემებით, 2014 წლის იანვარ-აგვისტოს პერიოდში გასული წლის ანალოგიურ პერიოდთან შედარებით ტურისტთა 10,41%-იანი ზრდა დაფიქსირდა.  სტატისტიკა სასტუმროების მიერ მოწოდებული დატვირთულობის მონაცემების მიხედვითაა მომზადებული. 

„თავისუფალი თეატრი“ ბათუმში გასტროლს მართავს. 10-13 სექტემბერს ბათუმის დრამატულ თეატრში ოთხი სპექტაკლი იქნება წარმოდგენილი. 

გუშინ 10 სექტემბერს უილიამ შექსპირის „რიჩარდ III“ წარმოადგინეს, დღეს 11 სექტემბერს კი მაყურებელს ენტონი ბერჯესის „მექანიკური ფორთოხალი“ს ნახვა შეეძლება.

12 სექტემბერს თავისუფალი თეატრის“ დასი ითამაშებს ავთო ვარსიმაშვილის პიესის მიხედვით დადგმულ სპექტაკლს „მიყვარხარ! მიყვარხარ! მიყვარხარ!“.

13 სექტემბერს წარმოდგენილი იქნება ავთო ვარსიმაშვილის რეჟისურით დადგმული ბერტოლდ ბრეხტის „კავკასიური ცარცის წრე“.

ბილეთის ფასი 10, 8, 6 და 5 ლარია.

<!** Image 1 align="" width="560" height="852" >

საქართველოს პრემიერ-მინისტრი, ირაკლი ღარიბაშვილი 10 სექტემბერს ქობულეთში მომხდარ ფაქტთან დაკავშირებით განცხადებას აკეთებს. პრემიერის განცხადებას უცვლელად გთავაზობთ:

„პრინციპულად ვგმობ იმ პროვოკაციას, რომელიც გუშინ ქობულეთში მოხდა – ეს არის რელიგიური შეუწყნარებლობისა და რელიგიური ნიშნით დაპირისპირების მცდელობა, რომელსაც სახელმწიფო არ დაუშვებს და ყოველთვის წინ აღუდგება.

ორგანიზაცია „ქართველ მუსლიმანთა ურთიერთობის“ თავმჯდომარის თქმით, ორგანიზაციამ ქობულეთში მომხდარ ინციდენტზე პოლიციაში განცხადება შეიტანა. ორგანიზაცია დამნაშავის გამოვლენას და მუსლიმანი მრევლისათვის ბოდიშის მოხდას მოითხოვს.

ქობულეთში ლერმონტოვის №13-ში მდებარე სამსართულიანი შენობის კარზე მიმაგრებული ღორის თავი ახლა ჩამოხსნილია. კარზე მხოლოდ ორი ლურსმანი და კიბეზე სისხლის ნაკვალევი დარჩა. სახლში, სადაც ადგილობრივების თქმით, მუსლიმანური სასწავლებელი უნდა გაიხსნას, არავინაა.  

“ძალიან შეწუხებული და შეურაცხყოფილები ვართ, მუსლიმანი ხალხი აღელვებულია” – უთხრა “ბათუმელებს”  საქართველოს მუსლიმთა სამმართველოს მუფთმა ჯემალ პაქსაძემ დღეს, ქობულეთში მომხდარი ფაქტის შესახებ. 

ქობულეთში  მოსახლეობამ დღეს სახლს, სადაც მათი მტკიცებით მედრესე უნდა აშენდეს, ღორის თავი მიამაგრა. ინფორმაცია ამის შესახებ აჭარის ტელევიზიამ გაავრცელა. 

აჭარის უმაღლესი საბჭოს ფრაქცია „ქართული ოცნების“ წევრი, საფინანსო-საბიუჯეტო და ეკონომიკურ საკითხთა კომისიის თავმჯდომარე ალექსანდრე ჩიტიშვილი ავტონომიური რესპუბლიკის მთავრობის მეთაურის – არჩილ ხაბაძის წერილს ეხმაურება და აცხადებს, რომ თუნდაც ეს ფაქტი უკვე არის უნდობლობის გამოცხადების კიდევ ერთი საფუძველი. 

„საერთაშორისო გამჭვირვალობა – საქართველო“ მოუწოდებს აჭარის ავტონომიური რესპუბლიკის მთავრობას  საზოგადოებასთან ანგარიშვალდებულების მიზნით, განმარტოს საკადრო ცვლილებების საფუძველი თითოეული გათავისუფლებული პირის მიმართ. 

შსს-ს აჭარის მთავარი სამმართველოს ქობულეთის რაიონული სამმართველოს მუხაესტატეს პოლიციის განყოფილების თანამშრომლებმა, 1946 წელს დაბადებული იოსებ ქ. ცეცხლსასროლი იარაღის უკანონო შეძენა-შენახვის ბრალდებით ქობულეთის რაიონში დააკავეს.

გენერალურ ინსპექციის დასკვნის საფუძველზე ბათუმში პატრულის ორი თანამშრომელი პასუხისგებაში მიეცა.   

ბათუმის ახლადგახსნილი თანამედროვე ხელოვნების სივრცე პირველ კონფერენციას მასპინძლობს. 

კონფერენცია სახელწოდებით „ხლებნიკოვის შემდეგ“  ბრიტანული ორგანიზაცია „დაშ არტთან“ თანამშრომლობით ხორციელდება. პროექტის კურატორია ჩარლზ მერივეზერი სინგაპურის თანამედროვე ხელოვნების ინსტიტუტის დირექტორი.

  პროექტში მონაწილეობას საერთაშორისოდ აღიარებული ხელოვანები იღებენ საქართველოდან, უკრაინიდან,  რუსეთიდან, აზერბაიჯანიდან და ყირგიზეთიდან.

კონფერენცია ორ დღეს გაგრძელდება. შედეგების საჯარო პრეზენტაცია 11 სექტემბერს 19 საათზეა დაგეგმილი. 

„ვერ გავაკეთებ კომენტარს იმ კაცზე, რომელთანაც თანაზომადობა პრაქტიკულად არ არსებობს. ირაკლი ჭეიშვილი  არის რვაკლასგანათლებული. რომელიც შემთხვევით მოხვდა ლევან ვარშალომიძის მთავრობის აპარატში. 2009 წელს უმსგავსი საქციელის გამო ის ლევან ვარშალომიძემ გამოაგდო სამსახურიდან, 2010 წელს ტირილით მოვიდა ჩემთან, მოძრაობაში მიმიღეო და 2012 წლის ოქტომბრამდე პარტიაში დასაქმებული იყო პლაკატების გაკვრით. მეტი ფუნქცია ირაკლი ჭეიშვილს პარტიაში არ ჰქონდა“ – უთხრა საქართველოს ვიცესპიკერმა მურმან დუმბაძემ „ბათუმელებს“, ბათუმის საკრებულოს თავმჯდომარის, ირაკლი ჭეიშვილის განცხადების შესახებ. ბათუმის საკრებულოს თავმჯდომარემ ირაკლი ჭეიშვილმა დღეს მურმან დუმბაძე აჭარის მთავრობის წინააღმდეგ უმაღლესი საბჭოს მიერ ჩამოწყებული ინპიჩმენტის პროცედურის ავტორად მოიხსენია და ის და მისი გუნდის სხვა წევრები მთავრობაზე გავლენის მოხდენის მცდელობაში დაადანაშაულა. „ბათუმელები“ მურმან დუმბაძეს ტელეფონით დაუკავშირდა.

არჩილ ხაბაძის განცხადების ტექსტს “ბათუმელები” უცვლელად გთავაზობთ:

“უმაღლესი საბჭოს და მისი წევრების მიერ 2012 წლიდან დღემდე მთავრობის აპარატში შემოსულ ყველა განცხადებას დროულად და სათანადოდ გაეცა პასუხი. ალექსანდრე ჩიტიშვილი ალბათ გულისხმობს მის მიერ აჭარის მთავრობის აპარატის საინვესტიციო დეპარტამენტის უფროსის ჯემალ ბერიძისთვის პირადად მიწერილ წერილს, რომელიც ოფიციალურად არ არის რეგისტრირებული მთავრობის აპარატის კანცელარიაში. მოქმედი კანონმდებლობის შესაბამისად საჯარო ინფორმაციის მოთხოვნაზე განცხადება იწერება დაწესებულების ხელმძღვანელის ან საჯარო ინფორმაციის გაცემაზე პასუხისმგებელი პირის სახელზე, რის შესახებაც განემარტა ალექსანდრე ჩიტიშვილს, მიუხედავად ამისა, შესაბამისი განცხადება კანონმდებლობის მოთხოვნათა დაცვით წარმოდგენილი არ ყოფილა. საჯარო ინფორმაციის გამოთხოვის წესი კანონმდებლებმა განსაკუთრებით კარგად უნდა იცოდნენ, მაგრამ ფაქტი საპირისპიროზე მეტყველებს.

დღეს, აჭარის ავტონომიური რესპუბლიკის ჯანმრთელობისა და სოციალური დაცვის სამინისტროში ჩატარდა სკოლის ექიმების შესარჩევი კონკურსის მეორე ეტაპი, გასაუბრება.

ბათუმის საკრებულოს თავმჯდომარე ირაკლი ჭეიშვილი უმაღლესი საბჭოს გადაწყვეტილებას სოციალურ ქსელში ეხმაურება;

განცხადების ტექსტს “ბათუმელები” უცვლელად გთავაზობთ:

აჭარის უმაღლესი საბჭოს ფრაქცია „ქართული ოცნების“ წევრმა, საფინანსო-საბიუჯეტო და ეკონომიკურ საკითხთა კომისიის თავმჯდომარემ ალექსანდრე ჩიტიშვილმა დღეს მორიგი ბრიფინგი გამართა და მთავრობისათვის უნდობლობის გამოცხადების ერთ-ერთ არგუმენტად რეგიონში (ინვესტიციების) ბიზნესის განვითარების შეფერხება და დაკარგული სამუშაო ადგილები დაასახელა;

დღეს, 9 სექტემბერს, ბათუმში აჭარის განათლების, კულტურისა და სპორტის სამინისტროს წინ ერთკაციანი აქცია გაიმართა. ბათუმის ილია ჭავჭავაძის დრამატული თეატრის მსახიობმა მეგი კობალაძემ მსახიობებისათვის სახელფასო დანამატის მოხსნა გააპროტესტა. საკითხი ბათუმის ილია ჭავჭავაძის სახელობის სახელმწიფო დრამატული თეატრის დასს და თანამშრომლებს თანაბრად ეხებათ, თუმცა პროტესტი მხოლოდ მეგი კობალაძემ გამოხატა.   

შინაგან საქმეთა სამინისტროს ინფორმაციით, შსს-ს აკადემიის სამაგისტრო პროგრამა უფასოა.

„არ ვიცი, არ ვიცი, არ ვიცი“ – ასე პასუხობს შორენა კითხვებს. ის იმდენად „გაახარა, გააკვირვა და დააბნია“ ბათუმის მერის გადაწყვეტილებამ, რომ კითხვებზე პასუხის გაცემა უჭირს. შორენა მამულაძე ბათუმის მერის მრჩევლად დაინიშნა. დღეიდან  ის გიორგი ერმაკოვს შეზღუდული შესაძლებლობების მქონე პირებთან ურთიერთობის საკითხების მოგვარებაში დაეხმარება.