Batumelebi | აგროდაზღვევის პროექტი ფერმერებისთვის აგროდაზღვევის პროექტი ფერმერებისთვის – Batumelebi
RU | GE  

აგროდაზღვევის პროექტი ფერმერებისთვის

 

აგროდაზღვევის სახელმწიფო პროექტის ფარგლებში სადაზღვევო კომპანია „ჯიპიაი ჰოლდინგი“ ფერმერებს ციტრუსის დაზღვევის პროდუქტს სთავაზობს. აჭარის რეგიონში ფერმერებთან პირველ საინფორმაციო შეხვედრას „ჯიპიაი ჰოლდინგი“ სოფლის მეურნეობის პროექტების მართვის სააგენტოსთან ერთად  12 სექტემბერს, დღის ორ  საათზე ხელვაჩაურის მუნიციპალიტეტში სოფელ ახალშენში, კულტურის სახლის ეზოში გამართავს.

 

 

შეხვედრას აჭარის სოფლის მეურნეობისა და ადგილობრივი მთავრობის წარმომადგენლები დაესწრებიან.  შეხვედრას სოფლის მეურნეობის პროექტების მართვის სააგენტოს უფროსის მოვალეობის შემსრულებელი მარიანა მორგოშია წარმართავს.

 

შეხვედრაზე მოსულ მეციტრუსეებს გადაეცემათ საინფორმაციო ფურცლები აგროდაზღვევასთან დაკავშირებით, შესაძლებელი იქნება განაცხადების მიღება.  აგრეთვე შეხვედრაზე მოსულ ყველა პირს, რომელსაც  ჰყავს 7 წლამდე ასაკის ბავშვი,  საჩუქრად გადაეცემა საბავშვო წიგნები.

 

შეხვედრის პარალელურად გაიმართება ფოტო გამოფენა ციტრუსის თემაზე, მონაწილეებს ასევე შესაძლებლობა ექნებათ მოუსმინონ ცოცხალ მუსიკას.

 

1 ტონა მანდარინის დაზღვევა ფერმერს მხოლოდ 2,5 ლარიდან 5 ლარამდე დაუჯდება

 

აგროდაზღვევის პროექტის ფარგლებში აგროდაზღვევის სტიმულირების მიზნით, სახელმწიფო დააფინანსებს სადაზღვევო პრემიის დიდ ნაწილს (70%-დან 90%-მდე). მაგალითისთვის, 1 ტონა მანდარინის დაზღვევა ფერმერს მხოლოდ 2,5 ლარიდან 5 ლარამდე დაუჯდება, პრემიის დანარჩენ ნაწილს სახელმწიფო ანაზღაურებს. „ჯიპიაი“-ს წარმომადგენლები ადგილზე დაიწყებენ განაცხადების მიღებას. პოლისის გაფორმებას კი ერთი სამუშაო დღე დასჭირდება.

 

ცისტრუსის დაზვევა შემდეგი რისკებს მოიცავს: საშემოდგომო ყინვა, სეტყვა, ჭარბი ნალექი, ქარიშხალი. თუკი მოსავალი რომელიმე ამ სტიქიური მოვლენის შედეგად განადგურდა, ზარალს „ჯიპიაი ჰოლდინგი“ გადაიხდის.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"