Batumelebi | ქობულეთში მუსლიმანური სასწავლებლის მშენებლობას აპროტესტებენ ქობულეთში მუსლიმანური სასწავლებლის მშენებლობას აპროტესტებენ – Batumelebi
RU | GE  

ქობულეთში მუსლიმანური სასწავლებლის მშენებლობას აპროტესტებენ

 

დღეს  ქობულეთში აქცია გაიმართა. აქციის მონაწილეებმა ლერმონტოვის ქუჩა #13-ში მუსლიმანური სასწავლებლის, მედრესეს მშენებლობა გააპროტესტეს. 

 

„სახლში, რომლის წინაც აქცია გავმართეთ უნდა გახსნან მედრესე, რისი წინააღმდეგიც ვართ ჩვენ. ლერმონტოვის ქუჩაზე ყველანი ვართ ქრისტიანები, როგორ შეიძლება აქ იყოს სამლოცველო, რომელიც იქნება მუსლიმანური. ჩვენ არ ვებრძვით რელიგიას, გაშიფრე ეს კარგად. არცერთი აქციის მონაწილე რელიგიის წინააღმდეგი არ ვართ. სათუთად მოვეპყრობით ყველას, ვენაცვალე მე მათ რელიგიურ შეხედულებებს, მაგრამ ჩვენ ქრისტიანული სარწმუნოების ხალხი ვართ, არ არის ჩვენს შორის მუსლიმანური მლოცველი და  აქედან გამომდინარე ვეწინააღმდეგებით ჩვენს შორის სამლოცველოს მშენებლობას. წავიდნენ გენაცვალე პატარა ტრიალ მინდორში ააშენონ სახლი,  ან იქ ააშენონს სადაც მეტი მიმდევარი ჰყავს მუსლიმანურ სარწმუნოებას,“ – ამბობს „ბათუმელებთან საუბარში“ აქციის მონაწილე ჟუჟუნა კალაძე.

 

ამ დროისათვის აქცია დაშლილია. ქობულეთში იმყოფება სახალხო დამცველის წარმომადგენელი, რომელიც გუშინ მომხდარ ფაქტთან დაკავშირებით მოკვლევას ატარებს. 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"