Author Archives: ბათუმელები

6 აგვისტოს ბათუმში საჯარო ხელოვნების პროექტი „ბათუმის ეზოს ამბები“ გაიხსნა. პროექტს, ორგანიზაცია „Micro-ფონი“ უკვე მე-4 წელია ახორციელებს და წელს იგი ჟორდანიას ქუჩაზე მდებარე ეზოს მცხოვრებლების ისტორიებს გაგაცნობთ.

აჭარის მთავრობის მასმედიასა და საზოგადოებასთან ურთიერთობის დეპარტამენტის ხელმძღვანელი ნათია სირაბიძე აჭარის განათლების მინისტრის მოადგილედ ინიშნება. ამის შესახებ აჭარის მთავრობის თავმჯდომარემ, არჩილ ხაბაძემ აჭარის საზოგადოებრივ მაუწყებელთან განაცხადა.  

ბათუმში, მემედ აბაშიძის ქუჩაზე მდებარე ხუთსართულიანი სახლის სადარბაზოში, მესამე სართულზე ელექტროსადენებს ცეცხლი გაუჩნდა. მოსახლეობის თქმით, სადენები ახალშეცვლილი იყო. ადგილზე იმყოფება სახანძრო სამსახურის მანქანა. 

ბათუმის ბულვარში ღამის საათებში დასაშვებზე მეტი ხმაურია – ღია კაფეებიდან, ბუნგალოებიდან გამომავალ მუსიკას უფრო ხმაურის ეფექტი აქვს, ვიდრე მუსიკის. ბულვარის მიმდებარედ მცხოვრები ოჯახები წერენ საჩივრებს მუსიკის შემაწუხებელ ხმაზე. სწორედ ამ პრობლემის გადაჭრის თხოვნით მიმართა ტურიზმის დეპარტამენტს სასტუმრო „ჰილტონის“ ადმინისტრაციამ.  დეპარტამენტმა ქალაქის მერიას მიმართა, სადაც სასტუმროს ადმინისტრაციის წარმომადგენლებს მოუსმინეს, მაგრამ არაფერი შეცვლილა.

„ბათუმის ეზოს ამბები“ სახელოვნებო პროექტია, რომელიც ბათუმში უკვე მეოთხე წელია ხორციელდება. პროექტის მიზანი თანამედროვე ხელოვნების პოპულარიზაციაა. ხელოვანები ერთი კონკრეტული ეზოს ამბებს ამ ამბების მთხრობელი ადამიანების თანამონაწილეობით აცოცხლებენ. „ეზოს ამბები“ 6 აგვისტოს გაიხსნება და სამ დღეს გაგრძელდება. 

შს სამინისტროს ცნობით, საპატრულო პოლიციის დეპარტამენტის აჭარის მთავარი სამმართველოს და შემოსავლების სამსახურის საბაჟო დეპარტამენტის თანამშრომლებმა, ერთობლივად ჩატარებული ოპერატიულ-საგამოძიებო ღონისძიებების შედეგად, განსაკუთრებით დიდი ოდენობით ფსიქოტროპული ნივთიერების უკანონო შეძენა-შენახვის და განსაკუთრებით დიდი ოდენობით ფსიქოტროპული ნივთიერების საქართველოში უკანონოდ შემოტანის ბრალდებით, 1963 წელს დაბადებული მუხრან ა. სარფის საბაჟო გამშვებ პუნქტზე დააკავეს.

აჭარის  ფინანსთა და ეკონომიკის სამინისტროს ინფორმაციით, რესპუბლიკური ბიუჯეტი იანვარ-ივლისის მონაცემებით,  129,7 %-ით შესრულდა. სამინისტროს მიერ მოწოდებული ციფრები ასე გამოიყურება.

6-7 აგვისტოს, ქობულეთის პარკში,  Kobuleti Summer Fest ჩატარდება. 6 აგვისტოს მსმენელის წინაშე გამოვლენ: Family Mode (Beka & Nicole), The old muse, Strawberry Fields, ASEA SOOL და Mexicano Muchacho. 

4-8-9 აგვისტოს, 20 საათზე, ბათუმის ილია ჭავჭავაძის სახელობის სახელმწიფო პროფესიული დრამატული თეატრის “ახალ სცენაზე”  (მისამართი მელაშვილის №32) რეჟისორი ზაზა სიხარულიძე ლილიანა კავანის ცნობილი ფილმის – “ღამის პორტიეს“ სცენურ ვერსიას წარუდგენს მაყურებელს. ტექსტი ქართულად ირაკლი სამსონაძემ თარგმნა. 

3-8 აგვისტოს ჩაქვში, სასტუმრო „ოაზისში“ ქალთა საინფორმაციო ცენტრი საზაფხულო ბანაკს ”კოოპერატივები და სათემო ცენტრები გაძლიერებული თემისთვის” მართავს. მასში მონაწილეობას პროექტის სათემო მუშაკები, კოოპერატივების თავმჯდომარეები და თვითდახმარების ჯგუფების წევრები მიიღებენ. საზაფხულო ბანაკის მონაწილეებს ტრენინგებს, სამუშაო შეხვედრებსა და ლექციებს ჩაუტარებენ მოწვეული ექსპერტები, არასამთავრობო და საერთაშორისო ორგანიზაციების, ასევე კულტურის სფეროს წარმომადგენლები. 

დღეს, 3 აგვისტოს, „ფეისბუქზე“ გავრცელდა ფოტო,  სადაც აღბეჭდილია ადამიანების ცოცხალი ჯაჭვი ზღვაში. გავრცელებული ინფორმაციით, ურეკში ცოცხალი ჯაჭვი ადამიანებმა იმ მაშველების გადასარჩენად გააკეთეს, რომლებიც ზღვაში 13 წლის მოზარდის გადასარჩებად შევიდნენ, თუმცა უკან გამოსვლა გაუჭირდათ. 

ორგანიზაცია „Micro -ფონი“ წარმოგიდგენთ „ბათუმის ეზოს ამბებს“. პატარა ქალაქის პატარა ეზოების ამბებს, რომელიც ბათუმის ისტორიას, კულტურას და ხასიათს ქმნის, დროში და სივრცეში იკარგება.  საჯარო ხელოვნების პროექტი  „ბათუმის ეზოს ამბები“ კი საშუალებაა ეს ისტორიები თანამედროვე ხელოვნების ენაზე გამოხატოს და სხვადასხვა ფორმით საზოგადოებამდე მიიტანოს.