Batumelebi | ქობულეთში ღორის თავის მიჭედების საქმეზე მხარეები ვერ მორიგდნენ ქობულეთში ღორის თავის მიჭედების საქმეზე მხარეები ვერ მორიგდნენ – Batumelebi
RU | GE  

ქობულეთში ღორის თავის მიჭედების საქმეზე მხარეები ვერ მორიგდნენ

 

დღეს, 4 აგვისტოს, ბათუმის საქალაქო სასამართლოში განახლდა არსებითი განხილვა საქმეზე, რომელიც ქობულეთში 2014 წელს მინარეთისთვის განკუთვნილ შენობაზე ღორის თავის მიჭედებას უკავშირდება. წინა სასამართლო პროცესზე მოსამართლემ მხარეებს მორიგებისთვის დრო მისცა. დღეს გახდა ცნობილი, რომ მორიგება არ შედგა.

 

ღორის თავი მუსლიმთა პანსიონის კარზე
ღორის თავი მუსლიმთა პანსიონის კარზე

„ქართველ მუსლიმთა ერთობა“ , მუსლიმი მოსწავლეებისთვის განკუთვნილი პანსიონატის თანამშრომლები და მშობლები დისკრიმინაციული ქმედების აღმოფხვრასა და მორალური ზიანის ანაზღაურებას ითხოვენ. მოპასუხე მხარე შინაგან  საქმეთა სამინისტრო და ქობულეთში მცხოვრები სამი ფიზიკური პირია. ქართველი მუსლიმები შს სამინისტროს დისკრიმინაციის შემწყნარებლობაში  ადანაშაულებენ.

 

დღეს მოსარჩელის კითხვებს მოპასუხე მხარე – შს სამინისტრო პასუხობდა. სამინისტროს წარმომადგენელმა რამდენიმე კითხვის პასუხად განაცხადა, რომ ,,არ იცის’’, ,,არ არის კომპეტენტური’’, ,,ვერ გიპასუხებთ’’. მოსარჩელეს აინტერესებდა, რა საგამოძიებო მოქმედებას ატარებდა შს სამინისტრო პანსიონის შენობისთვის განკუთვნილ სახლზე ღორის თავის მიჭედების ფაქტზე.

 

მოსარჩელე მხარე სახელმწიფოსგან სასწავლებლის გახსნას, საკუთრების, განათლების უფლების დაცვის მიზნით საკუთარი ვალდებულებების შესრულებას, ასევე მორალურ კომპენსაციას – სიმბოლურად 1 ლარის ანაზღაურებას ითხოვენ.

 

ნეტგაზეთის მასალების სხვა გამოცემებში გადაბეჭდვის წესი
ბათუმელები