Batumelebi | ჯარისკაცს ორდღიანი პატიმრობა შეუფარდეს ჯარისკაცს ორდღიანი პატიმრობა შეუფარდეს – Batumelebi
RU | GE  

ჯარისკაცს ორდღიანი პატიმრობა შეუფარდეს

 

ბათუმის საქალაქო სასამართლომ თავდაცვის სამინისტროს ჯარისკაცს ორდღიანი პატიმრობა შეუფარდა. ჯარისკაცს სამხედრო ნაწილის ტერიტორიის უნებართვოდ დატოვებას ედავებოდნენ.

 

ბათუმის საქალაქო სასამართლოს მოსამართლეს, ხათუნა ბოლქვაძეს ბრალდების მხარემ განუმარტა, რომ ჯარისკაცი, ბათუმში, ე.წ. ხოფის ბაზრობის ტერიტორიაზე დააკავეს.

 

მოსამართლემ ჰკითხა დაკავებულს, რატომ დატოვა უნებართვოდ სამხედრო ნაწილის ტერიტორია. ჯარისკაცმა განმარტა, რომ ,,ჯარიმა ჰქონდა გადასახდელი’’ და ასე იმიტომ მოიქცა.

 

მოსამართლემ ასევე ჰკითხა ბრალდებულს, რატომ არ სთხოვა ხელმძღავნელს გათავისუფლება, რაზეც ჯარისკაცმა უპასუხა, რომ სთხოვა, მაგრამ მას უთხრეს, რომ ,,იმ დღეს ნაწილის ტერიტორიიდან გასვლა გამორიცული იყო’’ და ამიტომ გადაწყვიტა  ნაწილის ტერიტორიის თვითნებურად დატოვება.

ნეტგაზეთის მასალების სხვა გამოცემებში გადაბეჭდვის წესი
ბათუმელები