Batumelebi | აჭარის ფინანსთა სამინისტრო ბიუჯეტის შესრულებაზე აჭარის ფინანსთა სამინისტრო ბიუჯეტის შესრულებაზე – Batumelebi
RU | GE  

აჭარის ფინანსთა სამინისტრო ბიუჯეტის შესრულებაზე

აჭარის  ფინანსთა და ეკონომიკის სამინისტროს ინფორმაციით, რესპუბლიკური ბიუჯეტი იანვარ-ივლისის მონაცემებით,  129,7 %-ით შესრულდა. სამინისტროს მიერ მოწოდებული ციფრები ასე გამოიყურება.

 

•იანვარ-ივლისის გეგმა  – 81 მლნ 342 ლარი

 

•იანვარ-ივლისის ფაქტი  – 105 მლნ 512,8 ლარი  129,7 %-ით, 24 მლნ 172,6 ლარით შესრულდა 

 

•აჭარის 2015 წლის იანვარ-ივლისის ნაერთი ბიუჯეტის გეგმა  26 %-იანი გადაჭარბებით შესრულდა. აჭარის ფინანსთა და ეკონომიკის სამინისტროს ინფორმაციით, იანვარ-ივლისის ნაერთი ბიუჯეტის გეგმა 114 მლნ 486 ათას 400 ლარი იყო, თუმცა შესრულებამ 143 მლნ 828 ათას 300 ლარი, ანუ 125,6 %-ი შეადგინა.

 

სტატისტიკური მონაცემების მიხედვით, აჭარის იანვარ-ივლისის ნაერთი ბიუჯეტის შემოსავლების მუხლი 123 %-ით, სხვა შემოსავლების მუხლი – 133,7 %-ით, არაფინანსური აქტივების (კლება) მუხლი კი 140,1 %-ით შესრულდა.

 

რაც შეეხება აჭარის რესპუბლიკური ბიუჯეტის შესრულებას, შვიდი თვის მონაცემებით შესრულებულია 129,7 %-ით.

 

აჭარის ფინანსთა და ეკონომიკის სამინისტროში აცხადებენ, რომ იანვარ-ივლისის მონაცემებით ბათუმის თვითმმართველი ორგანოს ბიუჯეტი შესრულებულია 113,8 %-ით, ქობულეთის მუნიციპალური ბიუჯეტი შესრულდა 142,3 %-ით, შუახევის მუნიციპალური ბიუჯეტი – 165,8 %-ით, ხულოს მუნიციპალური ბიუჯეტი – 188,6 %-ით, ხელვაჩაურის ბიუჯეტი – 99,3 %-ით, ხოლო ქედის მუნიციპალური ბიუჯეტი 47,3 %-ითაა შესრულებული.

 

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე