Author Archives: ბათუმელები

26 სექტემბერს, რეკლამის საერთაშორისო ფესტივალ AdBlackSea-ს სემინარული პროგრამის ფარგლებში, ლეონიდ ფეიგინი, სააგენტო Direct Design Visual Branding-ის თანამფლობელი და კრეატიული დირექტორი წარადგენს თემას “Everliving skeleton of history”.  ის ახსნის storytelling-ის პრინციპებსა და პერსპექტივების მნიშვნელობას ბრენდის კომუნიკაციაში.

ხვალ, 22 სექტემბერს, ხულოსა და შუახევის მუნიციპალიტეტებში დონაციის აქცია –  „გაიღეთ სისხლი, აჩუქეთ ბავშვებს სიცოცხლე“ ჩატარდება.   დონაციის აქციაში მუნიციპალიტეტების გამგეობების, გამგეობებს დაქვემდებარებული სამსახურების, საკრებულოების თანამშრომლები და მოქალაქეები ჩაერთვებიან.

21 სექტემბერიდან, გაზეთ „ბათუმელების“ ახალ ნომერში წაიკითხეთ სტატია ბოლო ორი კვირის მანძილზე ბათუმში მომხდარ გახმაურებულ მკვლელობებზე:   

აჭარის უმაღლესი საბჭოს წევრი  სულხან ღლონტი ფრაქცია „თავისუფალმა დემოკრატებმა” უმაღლესი საბჭოს ვიცეპიკერის ვაკანტურ თანამდებობაზე  კანდიდატად დაარეგისტრირეს. გასულ კვირას დაგეგმილ პლენარულ სხდომაზე „თავისუფალი დემოკრატები“ ამ საკითხის სხდომის დღის წესრიგში შეტანას და შესაბამისად, მისი კენჭისყრაზე დაყენების მოთხოვნასაც აპირებდნენ  სხდომა რომ არ ჩაშლილიყო – ამის შესახებ ინფრომაცია „ბათუმელებთან“ ფრაქციის  მდივანმა, თემურ კახაძემ დაადასტურა. თუმცა ამ სხდომის ჩაშლას „თავისუფალმა დემოკრატებმა“ თავადაც შეუწყვეს ხელი, რადგან ისინი მოუხედავად იმისა, რომ ისინი უმაღლეს საბჭოში იმყოფებოდნენ და სხდომათა დარბაზშიც შევიდნენ , რეგისტრაცია არ გაუვლიათ. 

დღეს, საღამოს 19:00  საათზე,  ბათუმის სახელმწიფო მუსიკალურ ცენტრში ბათუმის საავტორო კინოფესტივალის დახურვის ცერემონია გაიმართება. 

აჭარის ტურიზმის დეპარტამენტს 2015 წლის ტურისტული სეზონი საბოლოოდ ჯერ არ შეუჯამებია. წინასწარი მონაცემებით, რეგიონში გასულ წელთან შედარებით ტურისტების რაოდენობა სამი პროცენტითაა გაზრდილი. ტურისტების რაოდენობის ზრდის ყველაზე მაღალი მაჩვენებელი აჭარაში 2013 წელს დაფიქსირდა, იმ წელს ტურისტების რაოდენობის ზრდის ნიშნულმა ათ პროცენტს მიაღწია. აგვისტოს მონაცემების მიხედვით, აჭარაში იანვრიდან დღემდე 300 ათასი ტურისტია შემოსული.

მოსამართლე ხვიჩა კიკილაშვილმა აღკვეთი ღონისძიების სახით პატიმრობა შეუფარდა 22 წლის მამაკაცს, რომელსაც სახელმწიფო ქურდობასა და სხვისი ნივთის დაზიანებაში სდებს ბრალს. დაცვის მხარე პატიმრობის სანაცვლოდ გირაოს შეფარდებას მოითხოვდა.

ხელვაჩაურში, სოფელ მახოში ხიზილალას წარმოების დაწყებაზე ინფორმაცია წლის დასაწყისში გავრცელდა. მაშინ ითქვა, რომ კომპანია  „იუნიფიშმა“ ზუთხსაშენი მეურნეობა გახსნა. თავად კომპანიის წარმომადგენელი ამბობდა, რომ სექტემბრისთვის ზუთხსაშენში ეყოლებოდათ 75 ტონა თევზი, რომლისგანაც 2,5 ტონა შავი ხიზილალას წარმოებას გეგმავდნენ.  „ბათუმელების“ ინფორმაციით, მახოში არსებულ აუზებში ამჟამად მხოლოდ 39 ზუთხი ჰყავთ.

აჭარის გარემოს დაცვის სამმართველომ ახალი ჯიპის შესყიდვის მიზნით  ელექტრონული ტენდერი გამოაცხადა.   შესყიდვის მაქსიმალური ღირებულება 38 000 ლარია.

ცნობილი მსახიობთან, ნასტასია კინსკისთან შეხვედრა დღეს, ბათუმში, სასტუმრო „დივანის“ საკონფერენციო დარბაზში დღის სამ საათზე უნდა დაწყებულიყო, თუმცა მსახიობმა დააგვიანა. შეხვედრაზე დასწრების მსურველების გარდა მსახიობს ჟუნალისტებიც ელოდნენ. ფესტივალის ორგანიზატორმა ზვიად ელიზიანმა  განმარტა, რომ ნასტასია კინსკი ფესტივალის საპატიო სტუმარია: „როცა საუბარია იმაზე, რომ ფესტივალს ყავდეს სტუმარად ვარსკვლავი, მას ვარსკვლავური დახვედრა სჭირდება, რისთვისაც ქალაქი მზად არ არის. “

რამ გაანაწყენა მსახიობი, ფესტივალის მენეჯერს არ დაუკონკრეტებია.

დღეს ბათუმის მუნიციპალიტეტის საკრებულოს აპარატის თანამშრომლები აჭარის გარემოს დაცვისა და ბუნებრივი რესურსების სამმართველოსა და არასამთავრობო ორგანიზაცია „საქართველოს მწვანეთა მოძრაობა დედამიწის მეგობრების“ მიერ დაგეგმილ მასშტაბურ აქციაში – „დავასუფთავოთ საქართველო“ – მონაწილეობდნენ. 

ბათუმის ქიმიურ-ფარმაცევტული ქარხნის მილიონობით ლარის ღირებულების ქონებას, რომელიც ქარხნის გაკოტრების რეჟიმში, სახელმწიფომ მინიმალურ ფასად კერძო კომპანიას მიყიდა, ამჯერად აუქციონზე კერძო ბანკი ყიდის. აუქციონზე იმ სახელმწიფო ქონებასაც გაიტანენ, რომლის ნასყიდობის ფასი კერძო ინვესტორს დღემდე არ გადაუხდია. დღემდე შეუსრულებელია ხელშეკრულებით სახელმწიფოს სასარგებლოდ ნაკისრი სხვა ვალდებულებებიც. გარდა ამისა, სახელმწიფო ქონების იპოთეკით დატვირთვით კერძო კომპანიებს დიდი ოდენობით თანხა აქვთ აღებული.  

აჭარის მთავრობის თავმჯდომარემ არჩილ ხაბაძემ ქ. ბათუმის მერიას მისცა თანხმობა, დაახლოებით 2 მილიონი ლარის ფარგლებში სახელმწიფო შესყიდვები გამარტივებული ელექტრონული ტენდერის საშუალებით განახორციელოს. 

სატრანსპორტო ინფრასტრუქტურის მართვის სააგენტოს ინფორმაციით, ამ მომენტისსთვის ბათუმში, პარკირების წესების დარღვევის გამო 500-მდე ადამიანია დაჯარიმებული.