ბათუმელები
ბათუმის საკრებულომ 29 სექტემბერს დააკმაყოფილა სახელმწიფო ქონების ეროვნული სააგენტოს მოთხოვნა და მას საკუთრებაში გადასცა ქალაქის ქონება. ქონება ძვირადღირებულია – გადაცემულია 12 ერთეული სახანძრო, სამაშველო და პიკაპის ტიპის ავტომანქანა, რომელთა შესყიდვის ჯამური ღირებულება 1 616 395 ლარია.
ბათუმის საკრებულომ 29 სექტემბრის სხდომაზე კიდევ ერთი საკითხი ამოიღო დღის წესრიგიდან – საქმე ეხება საკრებულოსთან არსებული საზოგადოებრივი საბჭოსა და ბათუმის ტერიტორიული უბნების საზოგადობრივი დარბაზების გაუქმებას. დღეისთვის ამ რგოლებში 300-ზე მეტი პირია გაწევრიანებული. საკრებულოს თავმჯდომარის შეფასებით, ისინი „კატის და ლომის“ სიტუაციაში იმყოფებიან – თუ გააუქმებენ საზოგადოებრივ საბჭოს, „ატყდება ერთი ამბავი“, თუ არ გააუქმებენ – „კანონს დაარღვევენ“.
აგროსერვისცენტრის საზოგადოებასთან სამსახურის ინფორმაციით, ცენტრის მიერ განხორციელებულ პროექტებს 16 მუნიციპალიტეტის საინფორმაციო-საკონსულტაციო სამსახურების წარმომადგენლები გაეცნენ. საერთაშორისო ორგანიზაცია „Merci Corps”-ის მიერ ორგანიზებული აგროტურის ფარგლებში კახეთის, შიდა და ქვემო ქართლის, სამცხე-ჯავახეთისა და იმერეთის წარმომადგენლებმა აგროსერვისცენტრში მიმდინარე და განხორციელებული პროექტების შესახებ პრეზენტაცია მოისმინეს. სტუმრებმა, რომელთა შორის საქართველოს სოფლის მეურნეობის სამინისტროს სასოფლო-სამეურნეო კოოპერატივების განვითარების სააგენტოსა და მერსი ქორფსის წარმომადგენლებიც იყვნენ, აგროსერვისცენტრის ვაზისა და ხეხილის სანერგე მეურნეობა, მარწყვისა და ბულგარულის სათბურები, მშენებარე ღვინის სახლი და ბალახის ინტენსიური წარმოების დანადგარი მოინახულეს. აგროტურის მიზანი აჭარაში, სოფლის მეურნეობისა და ექსტენციის მომსახურების კუთხით აგროსერვისცენტრის გამოცდილების სხვა რეგიონებისთვის გაზიარებაა.
ბათუმის საკრებულოს თავმჯდომარის მეორე მოადგილის დანიშვნის საკითხი გადაიდო – ამის შესახებ 29 სექტემბერს ბათუმის საკრებულოს სხდომაზე იმსჯელეს. იმ შემთხვევაში, თუ კიდევ ერთი მოადგილე დაინიშნება, საკრებულოს მისთვის ყოველთვიურად მოუწევს 2 500 ლარის გადახდა ხელფასის სახით და სხვა სერვისებით უზრუნველყოფა.
ბათუმის ბულვარში ყოველ საღამოს ეთნომუსიკოსთა ჯგუფი ანდებიდან Wuaynandero უკრავს. ეს ჯგუფი მთელი ზაფხულის განმავლობაში ბათუმში იმყოფებოდა.
დღე, რომელსაც განსაკუთრებულად ელოდები… მაშინ ეს დღე ჩვენ მოგვანდე!
სასტუმრო “ჯორჯია პალასი და სპა” გთავაზობთ საქორწინო პაკეტს, რომელიც გულისხმობს ერთდროულად განთავსებას, სპამომსახურებას და ქართულ ტრადიციულ სუფრას მინიმუმ 50 კაცზე, სულ რაღაც 99 ლარად…
აჭარის მუნიციპალიტეტებში გარკვეულ ოჯახებს კარდაკარ აფრთხილებენ, რომ მათ მალე ხელშეკრულების გასაფორმებლად დაიბარებენ. ხელშეკრულება ახალი ელექტროგადამცემი ხაზის მშენებლობის გამო განსახლებისა ან/და უძრავი ქონების დათმობის სანაცვლოდ კომპენსაციის მიღებას უკავშირდება. მას, ვინც სახელმწიფოს მიერ შეთავაზებული კომპენსაციის სანაცვლოდ საკუთრების დათმობაზე უარს იტყვის, ქონებას იძულებით ჩამოართმევენ. შესაბამის სახელმწიფო უწყებასა და კერძო კომპანიებში მშენებლობასთან დაკავშირებით „ბათუმელებს“ ზოგიერთი დეტალის დაზუსტებაზე უარი უთხრეს.
სამ დღეში, ანუ 2015 წლის 2 ოქტომბერს დასრულდება კონკრსში მონაწილეობის შესაძლებლობა, რომელიც აჭარის განათლების, კულტურისა და სპორტის სამინისტროს აქვს გამოცხადებული აჭარაში რეგისტრირებული სტუდენტებისთვის.
2 სექტემბრიდან 17 სექტემბრამდე, 15 დღის განმავლობაში, ბათუმში ოთხი ადამიანი მოკლეს და რამდენიმეს მოკვლა სცადეს. ბოლო წლების განმავლობაში ბათუმში მსგავსი სტატისტიკა არ დაფიქსირებულა. როგორც „ბათუმელებმა“ გაარკვია, ყველა დანაშაულს ერთი საყურადღებო რამ აქვს საერთო – მკვლელობაში ბრალდებული ყველა პირი წარსულში ნასამართლევია. ვინ და როგორ უნდა იზრუნოს დანაშაულის პრევენციაზე, რა უნდა გააკეთოს სახელმწიფომ ყოფილი პატიმრების რეაბილიტაციისთვის?
[View the story ” ” on Storify]
დღეს, 28 სექტემბერს, ბათუმში გორგილაძისა და ბარათაშვილის ქუჩების კვეთაში მოტოციკლეტი და ავტომობილი ერთმანეთს შეეჯახა.
ცოფთან ბრძოლის საერთაშორისო დღესთან დაკავშირებით, საზოგადოებრივი ჯანდაცვის ცენტრმა ბათუმის მე-16 საჯარო სკოლის მოსწავლეებთან შეხვედრა გამართა.
ბათუმში უკვე მესამე დღეა ქვიშის ფრენბურთში ქალთა საერთაშორისო ტურნირი მიმდინარეობს.
ბათუმის რეკლამის საერთაშორისო ფესტივალი AdBlackSea, რომელიც წელს პირველად ჩატარდა, 27 სექტემბერს დასრულდა. ფესტივალში 99 სააგენტო მონაწილეობდა 14 ქვეყნიდან. 386 ნამუშევრიდან ჟიურიმ საუკეთესოები სამ კატეგორიაში გამოავლინა: საუკეთესო ვიდეო კონტენტი და სხვა ბრენდული კონტენტი; საუკეთესო დიზაინი, პრინტი და პოსტერი; საუკეთესო იდეა.
რეკლამის საერთაშორისო ფესტივალი, რომელიც ბათუმში ოთხი დღის განმავლობაში მიმდინარეობდა, გუშინ, 27 სექტემბერს, სასტუმრო „შერატონში“ დასრულდა. ფესტივალზე მოწვეულნი იყვნენ სარეკლამო ინდუსტრიის მსოფლიოში ცნობილი სახეები. „ბათუმელები“ გთავაზობთ ბლიც-ინტერვიუს ჟიურის თავმჯდომარესთან, ჟოაო დანიელ ტიხომიროფთან, რომელიც ბრაზილიაში კომპანია Mixer -ის დამფუძნებელი და აღმასრულებელი დირექტორია. ჟოაო დანიელ ტიხომიროფი არის სხვადასხვა რეკლამის ფესტივალის გამარჯვებული, მათ შორის კანის რეკლამის საერთაშორისო ფესტივალის. ლათინო-ამერიკელი რეჟისორებიდან ის შერჩეული იყო 32 საუკეთესო რეჟისორთა შორის. ბრაზილიის ყველაზე პრესტიჟულ სარეკლამო ფესტივალებზე სხვადასხვა დროს მინიჭებული აქვს ოქროს, ვერცხლისა და ბრინჯაოს პრიზები. ჯილდოები აღებული აქვს, როგორც დრამატულ, ასევე დოკუმენტური სერიალების სცენარისთვის. არის ბრაზილიის კინოფესტივალის პრიზის მფლობელიც.
მსხვილფეხა თუ წვრილფეხა საქონლიდან ადამიანზე გადამდები უამრავი დაავადებაა აღრიცხული. ასეთი დაავადება ადამიანს დასნებოვნებული პირუტყვის რძისა და ხორცის მიღებით გადაეცემა. მსგავსი შემთხვევების თავიდან ასაცილებლად აუცილებელია ცხოველთა დროული ვაქცინაცია და კონტროლი.
კარგად მახსოვს ჩემთვის ახალი რეალობა, სტუდენტობა, რომელიც სკოლის რელობიდან ძალიან შორს აღმოჩნდა. კარგად მახსოვს სხავადასხვა სტუდენტური საპროტესტო აქციები, ვიყავი თუ არა ამ მოვლენების მონაწილე, მაგრამ ყველაზე მეტად ყურადღებას გავამახვილებ პროტესტზე, რომელიც ერთ-ერთი სასწავლო წლის დასაწყისს ვიხილე, ეს იყო სტუდენტების პროტესტი, რომლებიც სწავლის პირველივე დღეს აპროტესტებდნე უნივერსიტეტის დონეზე თუ განათლების სისტემაში არსებულ პრობლემებს და ითხოვდნენ ამ ყოველივეზე დროულ რეაგირებას. ერთი შეხედვით ეს ჩემთვის ამოუხსნელი მოვლენა იყო, რადგან მეც იმ სისტემის ნაწილი ვიყავი რომელსაც სასკოლო სისტემა ქმნიდა და სადაც არ არსებობდა გამოხატვის და სიტყვის თავისუფლება.. გარკვეული დროის განმავლობაში მქონდა წარმოდგენა რომ სტუდენტები რომლებიც ადმინისტრაციის წინ იდგნენ ტრანსფარანტებით და ჰქონდათ კონკრეტული მოთხოვნები, აუცილებლად დაისჯებოდნენ..
ფულის შენახვის ერთ-ერთი პოპულარული გზა საბანკო ანაბრის გახსნაა, თუმცა ბანკებში საპროცენტო განაკვეთი ძალიან დაბალია. თუ გსურთ შემოსავალი სწრაფად და საიმედოდ გაზარდოთ, გთავაზობთ, ფული დააბანდოთ ბევრად უფრო მომგებიანად მაღალი საპროცენტო განაკვეთით კომპანია “მანიმენში “.
სტუდენტებს ახალი სასწავლო წლის დაწყება უნივერსიტეტის რექტორის მოვალეობის შემსრულებელმა მერაბ ხალვაშმა და მოწვეულმა სტუმრებმა მიულოცეს.
ბათუმში სასტუმრო „ინტურისტ პალასმა“ 50-ზე მეტი თანამშრომელი დაითხოვა. გადაწყვეტილება სასტუმროში რეორგანიზაციის პროცესის დაწყებით ახსნეს. ასევე განმარტეს, რომ მხოლოდ გამოსაცდელი ვადით აყვანილი თანამშრომლები დაითხოვეს და უფლებების დარღვევას ადგილი არ ჰქონია, თავად დათხოვნილები კი არ საუბრობენ. როგორ უნდა დაიცვას პირმა საკუთარი უფლებები დამსაქმებელთან ურთიერთობისას? – ამ თემაზე „ბათუმელებს“ აჭარის პროფკავშირების გაერთიანების თავმჯდომარე ილია ვერძაძე ესაუბრა.
აჭარაში ოთხი ლიცენზირებული სასაკლაოა, – ხელვაჩაურში, ქობულეში, ხულოსა და შუახევში. მათგან, დღეის მდგომარეობით, სამი ფუნქციონირებს. ხულოს მუნიციპალიტეტის სოფელ ღორჯომში არსებული სასაკლაო მუშაობას რამდენიმე დღეში განაახლებს, პირუტყვის დაკვლასთან ერთად ეს სასაკლაო დამკვეთს შეფუთულ ნედლ ხორცსაც მიაწვდის.
მოსამართლე თამარ ბეჟანიშვილი ქურდობაში ბრალდებულის სისხლის სამართლის საქმეს განიხილავს. ბრალდებული პატიმრობიდან გირაოს საფუძველზეა გათავისუფლებული და ის უკვე მეორედ არ გამოცხადდა სასამართლო პროცესზე. როგორც მისმა ადვოკატმა, ბიძინა ბერიძემ მოსამართლეს უთხრა, სწორედ იმ დღეს, როცა სასამართლო პროცესი იყო ჩანიშნული, მისი დაცვის ქვეშ მყოფი ცუდად გახდა, გამოიძახეს სასწრაფო სამედიცინო დახმარების ბრიგადა და ექიმებმა გადაიყვანეს რეფერალურ საავადმყოფოში. ამის დამადასტურებელი დოკუმენტი ადვოკატმა მოსამართლეს წარუდგინა კიდეც.
იანვრიდან აგვისტოს ჩათვლით ბათუმის საქალაქო სასამართლოში სულ 847 საქმე შევიდა განსახილველად. ამ პერიოდში კი დასრულდა 848 საქმის განხილვა. მათ შორის საპროცესო შეთანხმებით დასრულდა 511 საქმე, არსებითი განხილვით – 328 საქმე. გამოტანილია გამამართლებელი განაჩენი 4 საქმეზე, ნაწილობრივ გამამართლებელი განაჩენი – 5 საქმეზე. შეწყდა 7 საქმის ძიება, დაბრუნდა წინასწარ გამოძიებაში – 2 საქმე; გადაცემულია ქვემდებარეობით – 2 საქმე;
ბათუმის ხელოვნების უნივერსიტეტში მიმდინარეობს დისკუსია თემაზე – „ქართული მედიის პრობლემები და გამოწვევები“. დისკუსიის მომხსნებელი, ჟურნალისტი ზვიად ქორიძე იმ პრობლემებსა და გამოწვევებზე საუბრობს, რომელთა წინაშეც დგას დღეს ქართული მედია. დისკუსიაზე დასწრება თავისუფალია.
ბათუმში, ე.წ. „ჭაობის დასახლებაში“, ქუჩების გზის სავალი ნაწილის, ტროტუარებისა და სანიაღვრე სისტემების რეაბილიტაციისთვის ქალაქის მერიას 20 მილიონი ლარი აქვს გათვალისწინებული. სამუშაოების დაწყება კი, რომელიც სამი წლის განმავლობაში უნდა დასრულდეს, მერიის მიერ გამოცხადებული ტენდერის შედეგებზე იქნება დამოკიდებული.
მხოლოდ გიგი უგულავას შეეხება საკონსტიტუციო სასამართლოს გასული კვირის გადაწყვეტილება, თუ სხვა პატიმრებსაც? არასამთავრობო ორგანიზაციების იურისტები ამბობენ, რომ საკონსტიტუციო სასამართლოს გადაწყვეტილება – 9 თვეზე მეტ ხანს წინასწარ პატიმრობაში პირის დატოვების უკანონოდ ცნობაზე, ამჟამად პატიმრობაში მყოფ ადამიანთა დიდ წრეს ეხება. ეს იმას ნიშნავს, რომ უგულავას მსგავსად საპატიმრო სხვა ბრალდებულებმაც უნდა დატოვონ. არასამთავრობო სექტორის განმარტებით, საკონსტიტუციო სასამართლომ 2003 წელს მიღებული გადაწყვეტილება შეცვალა, რითაც ადამიანებს თავისუფლების მეტი გარანტია მისცა.
პეტრას ციხე [თედო ჯორბენაძის ფოტოები] ციხისძირში, პეტრას ციხეზე სარეაბილიტაციო სამუშაოები მიმდინარეობს. პროექტის ღირებულება 318 433 ლარია. პირველ ეტაპზე ციხის რეაბილიტაცია განხორციელდება, ხოლო შემდეგ ეტაპზე გაკეთდება მისასვლელი გზები, ბილიკები, საექსპოზიციო ნაგებობები, ბანერებისა და თვალსაჩინო მასალების განთავსების ადგილები.
„ჩვენ ძალით ვერ მივიყვანდით ადამიანებს კონცერტზე“
საზაფხულო პროექტი „ჰიტ ბათუმი“ დასრულდა. რა შედეგი მიიღო ქალაქმა სამმილიონიანი პროექტით? „ჰიტ ბათუმის“ შეფასება „ბათუმელებმა“ პიარისა და მარკეტინგული კომუნიკაციების კომპანია „ჯეპრას“ უფროს პარტნიორს კახა მაღრაძეს სთხოვა.
ადამიანის უფლებები, საკუთარი უფლებებისა და მოვალეობების გაცნობიერება, პასუხისმგებლობა გარემოსა და კულტურული მემკვიდრეობის მიმართ, კონფლიქტების არაძალადობრივი გზით გადაჭრა, განსხვავებულობის მიღება და შემწყნარებლობა – ეს ის ღირებულებებია, რაზეც უნდა აიგოს ახალი სასკოლო საგანი „მე და საზოგადოება“. ახალი საგნის სწავლება 2015 წელს არ იგეგმება, რადგან, როგორც სამინისტროში თქვეს, სახელმძღვანელო ჯერ შედგენილი არ არის, მხოლოდ სამუშაო გეგმა არსებობს. ვინ შექმნა აჟიოტაჟი არარსებული სახელმძღვანელოს გამო და რატომ აშინებთ სასულიერო პირებს ტერმინი – „გენდერული იდენტობა“?
ბათუმში მესამე დღეა რეკლამის საერთაშორისო ფესტივალი მიმდინარეობს. სასტუმრო „რადისონ ბლუში“ მსოფლიოში ცნობილი რეკლამის და მარტეკინგის სპეციალისტები ამ სფეროში მომუშავე პირებისთვის მასტერ-კლასებს და სემინარებს მართავენ. ფესტივალში სამასზე მეტი ადამიანი მონაწილეობს.
შოტოკან კარატე-დოს საქართველოს ეროვნული და აჭარის ფედერაციების პრეზიდენტი და მსოფლიოს შოტოკან კარატე-დოს-ს ფედერაციის (W.S.K.F.) პრეზიდიუმის დირექტორატის წევრი ნოდარ ხაჯიშვილი მსოფლიოს ჩემპიონატიდან ვერცხლის მედლით დაბრუნდა. ის მსოფლიოს არაერთგზის პრიზიორი და ჩემპიონია. ნოდარ ხაჯიშვილმა „ბათუმელებს“ მე-12 ჩემპიონატისა და საქართველოში შოტოკან კარატე დო-ში არსებულ პრობლემებზე მოუთხრო.
29 სექტემბერს ბათუმის მუსიკალური ცენტრის ART CAFE წარმოგიდგენთ სალონურ საღამოს „ყავა ქვიშაზე“ კომპოზიტორ ნანა მესხთან. საღამოს სტუმარი ცნობილი ქართველი რეჟისორი თემურ ჩხეიძე იქნება.
საერთაშორისო სამედიცინო კონფერენციაზე განიხილება საყრდენ-მამოძრავებელი სისტემის დაავადებებისას წარმოშობილი მწვავე ტკივილის ქრონიკულ ფორმაში გადასვლის თავიდან აცილების გზები ბიორეგულაციური თერაპიის მეშვეობით; მედიკამენტური თერაპია-ორსული და ბავშვი; ბიოლოგიური თერაპიის შესაძლებლობები პედიატრიულ პრაქტიკაში; მწვავე ბრონქიტის მკურნალობის მეთოდები ბავშვთა ასაკში კომპლექსური ბიოლოგიური პრეპარატების მეშვეობით; მეტაბოლური დარღვევების მკურნალობა შინაგანი დაავადებების კლინიკაში-ბიორეგულაციური მიდგომა და შაქრიანი დიაბეტი, მკურნალობის გამოცდილება ფირმა „ჰეელ“-ის კომპლექსური პრეპარატებით.
სასტუმრო „რადისონში“ პროექტის „მწვანე ქალაქები“ პრეზენტაცია გაიმართა. პროექტის თანახმად ქალაქ ბათუმსა და აჭარის რეგიონში ინტეგრირებული მდგრადი სატრანსპორტო სისტემების განვითარება ( ISTBAR) იწყება. პროექტის ინიციატორთა ინფორმაციით, „მწვანე ქალაქების“ პროექტი ხელს შეუწყობს მდგრადი სატრანსპორტო პოლიტიკის ჩამოყალიბებას ეროვნულ დონეზე და მწვანე ურბანული განვითარების პოლიტიკისა და მექანიზმების ფორმირებას.
შს სამინისტროს ინფორმაციით, საქართველოს ტერიტორიულ წყლებში თურქეთის რესპუბლიკის სანაპირო დაცვის კატარღა „TCSG-95“ შემოვიდა. საქართველოს შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტისა და თურქეთის სანაპირო დაცვის წარმომადგენლების ერთობლივი საზღვაო წვრთნები ჩატარდა.
25 სექტემბერს, ბათუმის საზაფხულო თეატრში, “საქართველოს ყრუთა კავშირის” შემოქმედებითი ჯგუფის კონცერტი გაიმართა.
