Batumelebi | როგორ დახარჯავს ხელვაჩაურის მუნიციპალიტეტი დაზოგილ თანხას როგორ დახარჯავს ხელვაჩაურის მუნიციპალიტეტი დაზოგილ თანხას – Batumelebi
RU | GE  

როგორ დახარჯავს ხელვაჩაურის მუნიციპალიტეტი დაზოგილ თანხას

 

ხელვაჩაურის მუნიციპალიტეტის ბიუჯეტი 142 812 ლარით გაიზარდა ტენდერების შედეგად მიღებული ეკონომიის ხარჯზე. 

 

30 სექტემბერს გამართულ საკრებულოს სხდომაზე საკრებულოს წევრებმა 12 საკითხს უყარეს კენჭი.  

 

მუნიციპალიტეტში მოქმედი სოციალური პროგრამის მრავალშვილიანი დედების ყოველ მე-3 და მომდევნო შვილის შეძენისას ერთჯერად მატერიალურ დახმარების პროგრამას დაემატა 15200 ლარი, რაც გამოწვეულია შობადობის ზრდის მაჩვენებლის გაუმჯობესებით.

 

ცვლილების თანახმად დაგეგმილია ასევე სოფელ კაპრეშუმში სოციალურ სახლზე ელექტროენერგიის ტექნიკური პირობების ჩართვისათვის – 12000 ლარი, ხოლო წყლის ტექნიკური პირობებისათვის – 7000 ლარის გამოყოფა.

 

49 889 ლარი გამოიყო სოფელ წინსვლაში ცენტრში, გარეგანათების მოსაწყობად.

 

დღესვე სხდომაზე მუნიციპალიტეტის ტერიტორიაზე გარე ვაჭრობის რეგულირების წესისა და ნებართვის ფორმა დადგინდა.


ხელვაჩაურის საკრებულოს სხდომა
ხელვაჩაურის საკრებულოს სხდომა

ნეტგაზეთის მასალების სხვა გამოცემებში გადაბეჭდვის წესი
"ბათუმელები"