Batumelebi | ბულგარული წიწაკის პერსპექტივა აჭარაში ბულგარული წიწაკის პერსპექტივა აჭარაში – Batumelebi
RU | GE  

ბულგარული წიწაკის პერსპექტივა აჭარაში

 

აჭარის აგროსერვისცენტრის საზოგადოებასთან სამსახურის ინფორმაციით, ცენტრში ბულგარულის სადემონსტრაციო სათბური ამოქმედდა, სადაც ექვსი სხვადახვა ჯიშის ტკბილი წიწაკაა გაშენებული. ჰოლანდიური ჯიშის წითელი და ყვითელი ბულგარული წიწაკა ფერმერებისთვის ბულგარულის ახალი ჯიშების შესათავაზებლად და საჩვენებლადაა განთავსებული. აგროსერვისცენტრის ინფორმაციით, ბულგარულის სადემონსტრაციო სათბურში განთავსებული ჯიშების სამანდერი, კლაუდიო, კაპი, ცენტური, სნოუვაითი, კურსა და სუნდერი ერთი ნერგი საშუალოდ 3-4 კგ-მდე ნაყოფს იძლევა. ეს ჯიშები უხვმსხმოიარობით გამოირჩევა და თითოეული მათგანი ნაყოფს წლის განმავლობაში უწყვეტად იძლევა. 

 

 

აგროსერვისცენტრში ჩატარებულმა ბაზრის კვლევამ აჩვენა, რომ ბულგარული რეგიონში ყველაზე მოთხოვნად პროდუქტად მიიჩნევა, თუმცა რეგიონში მცირე რაოდენობით იწარმოება და ძირითადად იმპორტირებულია. აგროსერვისცენტრის მიზანი ფერმერებისთვის ბულგარული წიწაკის სარგებლის ჩვენება და მისი ფერმერულ მეურნეობებში წარმოების დანერგვის ხელშეწყობაა.  

 

„დღეისთვის რეგიონში იწარმოება ბულგარულის მხოლოდ 1-2 ჯიში და ისიც მცირე რაოდენობით. ბაზარს ჩვენთან წარმოებული ბულგარულით ვერ ვაკმაყოფილებთ და ძირითადად შემოდის იმპორტირებული ტკბილი წიწაკა. ბულგარულის წარმოებას რეგიონში დიდი პერპექტივა აქვს და ჩვენ მიერ ფერმერებისთვის შეთავაზებული ჯიშები ბაზარზე მოთხოვნადია. ჩვენი მიზანია ფერმერებსა და მეწარმეებს გავაცნოთ ეს ჯიშები, რათა ეტაპობრივად მოხდეს მისი დანერგვა რეგიონში,“ – ამბობს აგროსერვისცენტრის დირექტორის მოადგილე ლევან ბოლქვაძე.  


 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"