Batumelebi | 10 ვაკანსია – 41 მსურველი – ქედის გამგეობაში გასაუბრება მიმდინარეობს 10 ვაკანსია – 41 მსურველი – ქედის გამგეობაში გასაუბრება მიმდინარეობს – Batumelebi
RU | GE  

10 ვაკანსია – 41 მსურველი – ქედის გამგეობაში გასაუბრება მიმდინარეობს

 

დღეს, 3 ოქტომბერს, ქედის გამგეობაში კონკურსის მესამე ეტაპი გასაუბრება მიმდინარეობს. 10 ვაკანტური პოზიციის დასაკავებლად 41 კონკურსანტი იბრძოლებს. კონკურსანტების ცოდნას კომისის ოთხ წევრი აფასებს.

 

საკონკურსო კომისიის თავმჯდომარე მუნიციპალიტეტის გამგებელი დავით დუმბაძეა. კომისიის შემადგენლობაშია ქედის მუნიციპალიტეტის საკრებულოს თავმჯდომარის მოადგილე გურამ ანანიძე, საკრებულოს წევრი ჯამბულ სურმანიძე და აჭარის მთავრობიდან მოწვეული წევრი ავთანდილ ბოლქვაძე. გასაუბრებას ესწრება ასევე მთავრობიდან მოწვეული წევრი რესან შარაშიძე, თუმცა ის კონკურსანტების ცოდნას არ შეაფასებს.

 

დავით დუმბაძე აცხადებს, რომ გასაუბრება ობიექტურად ჩატარდება და განმარტავს, რომ ვაკანტურ თანამდებობებზე კონკურსის წესით შერჩეულ წევრებს ერთი კვირაში დანიშნავენ. 

 

გასაუბრებას ქედაში არასამთავრობო ორგანიზაცია „სამართლიანი არჩევნების” წარმომადგენელი ვლადიმერ თებიძე აკვირდება.

ნეტგაზეთის მასალების სხვა გამოცემებში გადაბეჭდვის წესი
ეკა ბარამიძე