ბათუმელები
დელეგაციას დღეს ბათუმის მერის მოვალეობის შემსრულებელი, რუსლან ქორიძე უმასპინძლებს.
დელეგაციის შემადგენლობაში შედიან დნეპროპეტროვსკის რეგიონული საბჭოს თავმჯდომარე ევგენი უდოდი, თავმჯდომარის მოადგილე ვლადიმირ პერეგუდოვი და თავმჯდომარის მრჩეველი ვალერია ბონდრენკო.
ბათუმის პორტში ამერიკის შეერთებული შტატების სამხედრო საზღვაო ფლოტის დეპარტამენტის სამხედრო გემი „Taylor FFG-50“ იმყოფება. გემი ბათუმის პორტში დილის 7 საათზე შემოვიდა.
გემს ცერემონიით დახვდა ქალაქისა და აჭარის მმართველობა.
ბათუმის მერიამ 9 მაისის დღესასწაულთან დაკავშირებით რესტორნის მომსახურების შესყიდვაზე ტენდერი გამოაცხადა.
სატენდერო დოკუმენტაციის მიხედვით გამარჯვებულმა კომპანიამ 9 მაისისადმი მიძღვნილი საზეიმო ბანკეტის „მაღალ დონეზე ორგანიზება მუსიკალური გაფორმებით“ უნდა უზრუნველყოს, საბანკეტო სუფრა კი 80 ადამიანზე უნდა იყოს გათვალისწინებული.
ბათუმის ბულვარის ინფრასტრუქტურის მოვლა-შენახვისა და განვითარების ხელშეწყობის მიზნით, მიმდინარე წელს მთელი რიგი სამუშაოების ჩატარებაა დაგეგმილი. მათი უმეტესობა უკვე მიმდინარეობს. ამ სამუშაოებისთვის აჭარის 2014 წლის ბიუჯეტში 6 მილიონამდე ლარია გამოყოფილი.
ბათუმის ბულვარში, თეთრი კოლონადების ირგვლივ ქვაფენილი აყრილია და სამშენებლო სამუშაოები მიმდინარეობს. ელექტრონულ ტენდერში გამარჯვებული კომპანია „მონოლითი 2005“-ის სამუშაოთა მწარმოებელი რეზო მჟავანაძე „ბათუმელებთან“ საუბარში აცხადებს, რომ კოლონადების ირგვლივ ახალი ქვაფენილი უნდა დაიგოს. ახალი ქვაფენილების დასაგებად ბიუჯეტიდან 342 332 ლარი დაიხარჯება.
ბათუმის მერის მოადგილე დავით ლეკვეიშვილი „ბათუმელებთან“ აცხადებს, რომ შტორმის შედეგად ქალაქს მატერიალური ზარალი არ მიუღია.
ბათუმის საკრებულოს წევრმა „ნაციონალური მოძრაობიდან“, გიორგი კირთაძემ, ბათუმში ერთ-ერთი ქუჩისთვის ჟიული შარტავას სახელის მინიჭების პარალელურად, გრიბოედოვის ქუჩისთვის სახელის გადარქმევა მოითხოვა. მისი განცხადებით, ალექსანდრე გრიბოედოვის ქუჩისთვის სახელის გადარქმევა დღეს სიმბოლური იქნებოდა. საკრებულოს თავმჯდომარემ ირაკლი ჩავლეიშვილმა კი გიორგი კირთაძის ინიციატივას „ღრმა პროვინციალიზმი“ უწოდა.
ბათუმის საკრებულოს თავმჯდომარე ირაკლი ჩავლეიშვილი „ნაციონალური მოძრაობის“ წევრის გიორგი კირთაძის გუშინდელ ბრალდებას დღეს, 18 მარტს ოფიციალურად პასუხობს.
ირაკლი ჩავლეიშვილი ნაციონალურ მოძრაობას 2008 წლის საპარლამენტო არჩევნებს ახსენებს და დოკუმენტად გაზეთ ”ბათუმელებში” ჟურნალისტ ნათია ზოიძის სტატია – ”ნაციონალური მოძრაობის”გამარჯვების ფორმულა” მოყავს.
დღეს საკრებულოს წევრმა „ნაციონალური მოძრაობიდან”, გიორგი კირთაძემ ბრიფინგი გამართა. იგი ბათუმის საკრებულოს თავმჯდომარეს, ირაკლი ჩავლეიშვილს წინასაარჩევნოდ ამომრჩევლის მოსყიდვაში ადანაშაულებს.
ბათუმის ახალ ბულვარში ქვაფენილები ბალახისგანაა დაფარული. ბულვარის ადმინისტრაციაში აცხადებენ, რომ ქვაფენილის ბალახებისგან გაწმენდა შეუძლებელია, რადგან ბულვარი ამ ფორმით არის დაპროექტებული.
მწვანე კონცხის დასახლებაში, მეზღვაურის #10-ში მდებარე საცხოვრებელი სახლისა და ხიდის მიმდებარედ, მდინარე ჩაქვისწყალზე სარეგულაციო კედლის მშენებლობა და არსებული ჯებირის რეაბილიტაცია მიმდინარეობს.
ბათუმში, აღმაშენებლის ქუჩის სარეკონსტრუქციო სამუშაოები გრძელდება. პროექტის ფარგლებში, სრულად გამოიცვლება სანიაღვრე ქსელი, მოწესრიგდება ქუჩის სავალი ნაწილი, მოეწყობა ბაზალტის ბორდიურები, დაიგება დეკორატიული ფილები და ასფალტ-ბეტონის საფარი, მოწესრიგდება განათების სისტემა.
ბათუმში მოსახლეობას ელექტროენერგიისა და სანდასუფთავების გადასახადის ერთიანი ქვითარი ბინაზე აღარ მისდის. მიზეზი “ენერგო-პრო ჯორჯიასა” და ბათუმის მერიას შორის შესაბამისი კონტრაქტის დასრულებაა. ბოლო ორ წელიწადში ერთიანი ქვითრების დასაბეჭდად “ენერგო-პრო ჯორჯიასთან” ბათუმის მერიას 574 615 ლარზე ჰქონდა ხელშეკრულებები გაფორმებული.
ევროპის მოედანზე უკვე მესამე კვირაა უფუნქციოდ დგას ხის ჯიხურები, სადაც ახალი წლის დღეებში საშობაო ბაზრობა იმართებოდა.
დღეს, ბათუმის მერიაში ქალაქის წყლისა და წყალარინების სისტემის რეაბილიტაციის მესამე ფაზის სამუშაოების შესრულებაზე გამოცხადებული ტენდერის პაკეტები გაიხსნა, რომლითაც ტენდერში მონაწილე კომპანიების ტექნიკური მხარე უნდა შეფასდეს.
აღნიშნული ტენდერი ჩაქვში წყალმომარაგების ქსელის, წყლის რეზერვუარების, სეპტიკური საცავებისა და ნარჩენი წყლების გამწმენდი ნაგებობის მშენებლობას ითვალისწინებს. ტენდერი ასევე მოიცავს წყალმომარაგების ქსელის მშენებლობას მწვანე კონცხისა და მახინჯაურის დასახლებებში.
საზოგადოებრივი მაუწყებლის აჭარის ტელევიზიაში 4 ვაკანტურ თანამდებობაზე გამოცხადებული კონკურსი დასრულდა. საკონკურსო კომისია მთელი დღის მანძილზე განიხილავდა კანდიდატებს საბოლოოდ კი სამი ახალი თანამშრომელი შეარჩია.
ბათუმის ქუჩების საახალწლო მორთულობისათვის ადგილობრივი ბიუჯეტიდან 190 ათასი ლარი დაიხარჯება. მოირთვება ქალაქის ქუჩები, ევროპის მოედანზე კი საახალწლო ნაძვის ხე დაიდგმება. რა ღონისძიებებია დაგეგმილი ბათუმში საახალწლოდ და როგორ მიულოცავს ადგილობრივი ხელისუფლება თანამოქალაქეებს ახალ წელს? ამის შესახებ „ბათუმელები“ ბათუმის ვიცე-მერს, ნათია სურგულაძეს ესაუბრა.
ბათუმში, კლდიაშვილისა და ვაჟა-ფშაველას ქუჩის კუთხეში მდებარე მეცხრამეტე საუკუნეში აგებულ სახლს ანგრევენ. ასევე უნდა დაინგრეს კლდიაშვილის N8 ში მდებარე სახლიც. ამ ადგილას ექვსართულიანი საცხოვრებელი სახლის ასაშენებლად ნებართვა 2011 წელს გაიცა.
დღეს ბათუმში ძალადობასთან ბრძოლის საერთაშორისო დღესთან დაკავშირებით აქცია გაიმართა. აქციაში რომლის ორგანიზატორი ასკა – აჭარის სამოქალაქო კლუბების ალიანსი იყო, ბათუმის სხვადასხვა სკოლის მოსწავლეები მონაწილეობდნენ.
„ძალადობის წინააღმდეგ მებრძოლი მარიამ კოჩალიძე თავად ძალადობის მსხვერპლი გახდა,“ „ჩვენ ვგმობთ ძალადობას“, „არ გვინდა ვიყოთ ძალადობის მსხვერპლნი“ – ამ შინაარსის პლაკატებით აქციის მონაწილეებმა აბაშიძის ქუჩაზე მსვლელობა გამართეს და მარიამ კოჩალიძის მკვლელობა დაგმეს, რომელიც გასულ წელს მსგავსი აქციის ერთ-ერთი მონაწილე იყო.
„დღეს არის ძალადობასთან ბრძოლის საერთაშორისო დღეს, ამ აქციით ვგმობთ მარიამ კოჩალიძის მკვლელობას,“ – ამბობს აქციის ერთ-ერთი მონაწილე მირანდა ტაკიძე.
„მსგავს ამ აქციას ჩვენ ყოველი წლის 2 ოქტომბერს ვმართავთ. წინა წელს აქციის ერთ-ერთი აქტიური მონაწილე იყო მარიამ კოჩალიძე, რომელიც მოგეხსენებათ რომ გარდაიცვალა. დღევანდელი ჩვენი მთავარი მიზანი არის ის რომ კიდევ ერთხელ დავანახოთ საზოგადოებას რომ მარიამისმსგავსი აქტიური მოქალაქეები გვჭირდება. ძალადობამ არ უნდა შეიწიროს ადამიანი, მითუფრო ისეთი ადამიანი რომელსაც თვითონ ებრძვის ძალადობას,“ – განაცხადა აქციის ერთ-ერთმა ორგანიზატორიმა, ბათუმის განათლების განვითარებისა და დასაქმების ცენტრის წარმომადგენელმა გიორგი ქებულაძემ.
რამდენიმე თვის წინ გადაკეტილი ფიროსმანის ქუჩა გაიხსნა. 27 აგვისტოს ქუჩის ორივე მიმართულებით ავტომობილების მოძრაობა განახლდა.
დღეს ბათუმის საკრებულოში სარაგბო მოედნის აშენების საკითხიც განიხილებოდა, რომელსაც სხდომაზე უმცირესობის მხრიდან განსაკუთრებული ვნებათაღელვა მოყვა, რის შედეგადაც ბიუჯეტის დამტკიცება ექვსი საათით შეფერხდა. ოპოზიციამ მისი ბიუჯეტიდან დაფინანსებისა და სამშენებლო სამუშაოების გამარტივებული შესყიდვა გააპროტესტა და სხდომა დატოვა. ქვორუმის გარეშე დარჩენილმა საკრებულოს თავმჯდომარემ კი სხდომა ჯერ ექვს საათამდე, შემდეგ კი კიდევ ერთი საათით გადადო.
2013 წლის იანვრიდან დღემდე ბათუმში, არასათანადო ადგილას გაჩერებული მანქანების დაჯარიმებისათვის გადახდილი თანხა ნახევარ მილიონ ლარს აღემატება. მიუხედავად იმისა, რომ ბოლო შვიდი თვის მანძილზე 28 601 მძღოლი დააჯარიმეს, ტროტუარებზე, ველობილიკებსა და ავტობუსის გაჩერებებზე პარკირებულ მანქანებს ხშირად შეხვდებით.
ბათუმში, ზურაბ გორგილაძის ქუჩაზე არსებული ე.წ ვარდების სკვერში ფილების ამოყრა დაიწყეს. კითხვაზე, თუ რით იყო განპირობებული ტურისტულ სეზონზე სკვერში სამუშაოების დაწყება, საკრებულოს თავმჯდომარე ირაკლი ჩავლეიშვილი ამბობს: „ძველი ფილები უკვე ამორტიზირებული იყო და უფრო ხარისხიანი და უფრო ლამაზი ფილები დაიგება. მეორად ფილებს კი ქალაქის გარეუბნებში ვიყენებთ ან ვაძლევთ ეკლესიებს“.
როგორც საკრებულოს თავმჯდომარე ირაკლი ჩავლეიშვილი ამბობს, სკვერის განახლება ქალაქის კეთილმოწყობის სამსახურმა დაგეგმა, თვითმმარველობის ბიუჯეტიდან კი თანხა 124 498 ლარი საკრებულოს თანხმობით გამოიყო. ტექნიკური სამუშაოების შესრულებაზე ხელშეკრულება მერიამ 25 ივლისს შპს „მონოლითი 2005“-თან გააფორმა. კომპანიამ სამუშაოები 60 დღის განმავლობაში უნდა დაასრულოს.
<!** Image 1 align="middle" alt="ვარდების სკვერი" width="600" height="2448" >
<!** Image 1 align="" width="360" height="360" >
ბათუმის საკრებულოს „ნაციონალური მოძრაობის“ ფრაქციის თავმჯდომარე გიორგი კირთაძე, საკრებულოს თავმჯდომარის ირაკლი ჩავლეიშვილის დღევანდელ განცხადებას გამოეხმაურა, რომელიც ქალაქში მშენებლობების გაზრდაზე საუბრობდა და მას „უზნეობა“ უწოდა. გიორგი კირთაძის განცხადებით, ყველა მშენებლობა, რომელიც დღეს ბათუმში მიმდინარეობს, წინა ხელისუფლების დროსაა დაწყებული.
„საკრებულოს თავმჯდომარე გამოვიდა და გვიყვებოდა, თუ როგორ გაზარდეს ამ ხნის განმავლობაში ქალაქში სასტუმროების მშენებლობა. დღესდღეობით მხოლოდ ორი ახალი სასტუმრო შენდება და ორივე სასტუმროს მშენებლობაზე ჩვენი ხელისუფლების დროს დაიწყო მოლაპარაკებები. მაჩვენონ ერთი პროექტი მაინც, რომელშიც თვითონ იყო ჩართული და გადაწყვიტა რომელიმე ინვესტიციის საკითხი. მიწის ნაკვეთებსაც კი ვერ ჰყიდის და რომელ მშენებელობების გაზრდაზეა საუბარი. მე ამას უზნეობას ვუწოდებ და ჩვენი თანამოქალაქეებისთვის თვალებში ნაცრის შეყრას“-განაცხადა გიორგი კირთაძემ.
გიორგი კირთაძე საკრებულოს „კონსერვატიული პარტიის“ წევრის, მამული ჟღენტის განცხადებასაც გამოეხმაურა, რომელმაც განცხადება ბათუმის საზღვრების გაფართოებაზე გააკეთა. „უნდა ჩაეხედა იმ საკმაოდ სქელტანიან დოკუმენტში, რომლის მიხედვითაც მოხდა ბათუმის გაფართოება. ბათუმი მოსახლეობის გამოკითხვის შედეგად გაფართოვდა“- აცხადებს კირთაძე.
როგორი უნდა იყოს „ბათუმობა“? – დღეს, 17 ივლისს ამ საკითხზე ბათუმის მერიაში იმსჯელეს. მერიის განათლებისა და კულტურის სამსახურს „ბათუმობის“ დღესასწაულთან დაკავშირებული პროექტი და ხარჯთაღრიცხვა უნდა წარმოედგინა, თუმცა, როგორც შეხვედრის დასაწყისში აღმოჩნდა, კულტურის სამსახურს პროექტის საბოლოო ვარიანტი მზად არ ჰქონდა, რის გამოც, სამსახურის ხელმძღვანელმა ნათია სურგულაძემ, ქალაქის მერის ჯემალ ანანიძის კრიტიკა დაიმსახურა.
ბათუმის 6 მაისის პარკში მდებარე ნურიის ტბამ დაჭაობება დაიწყო. ქვირითობისას ტბაში უჟანგბადობის გამო თევზები დაიღუპნენ. სპეციალისტების განცხადებით, უმოქმედობის შემთხვევაში შესაძლოა ბათუმის ერთ-ერთი დასასვენებელი ადგილი ჭაობად იქცეს. იმისთვის, რომ ტბა გადარჩეს, მასზე თევზაობა გარკვეული პერიოდით აიკრძალება.
ბათუმში, მთავრობის სახლის წინ წალკიდან აჭარაში დაბრუნებული ეკომიგრანტები მეექვსე დღეა შიმშილობენ.
ეკომიგრანტები 58-ე დღეა დახმარებას ითხოვენ, თუმცა უშედეგოდ. პროტესტის უკიდურეს ფორმას, შიმშილობას, ექვსი დღის წინ მიმართეს.
მოშიმშილე ეკომიგრანტებმა წუხანდელი ღამე ღია ცის ქვეშ გაატარეს, მათი თქმით მთავრობის წევრები მათთან აღარ მისულან.
ეკომიგრანტებმა აჭარის მთავრობის სახლის წინ შიმშილობა დაიწყეს.
„თუ ახლაც არ მოგვაქცევთ ყურადღებას პირს ამოვიკერავთ, წასასვლელი მაინც არსად გვაქვს, რა მნიშვნელობა აქვს სად მოვკვდებით,“ – აცხადებენ ეკომიგრანტები.
დღეს, 12 საათზე ბათუმის მერი ჯემალ ანანიძე ვიცემერების დანიშვნასთან დაკავშირებით განცხადებას გააკეთებს.
გავრცელებული ინფორმაციით მერის პირველი მოადგილის უფროსის თანამდებობას საქართველოს პარლამენტში მურმან დუმბაძის ბიუროს ხელმღვანელი ზურაბ პატარაია დაიკავებს. ამის შესახებ გაზეთი „ბათუმელები“ ამ კვრის ნომერში წერდა. მერის მეორე მოადგილის თანამდებობაზე კი რუსლან ქორიძე დაინიშნება.
კომპანია “ჰესტოკ-ბათუმის” განცხადებით საბაგირო გზასთან დაკავშირებით გაწეული სამუშაოების შესახებ ანგარიშს აჭარის ფინანსთა და ეკონომიკის სამინისტრო 29 ივლისს ჩაიბარებს. ამ დღეს იგეგმება საბაგიროს ექსპლუატაციაში გაშვებაც. საბაგირო გზა ბათუმს ფერიის მთაზე მდებარე გასართობ კომპლექსთან დააკავშირებს.
ბათუმის მერი ჯემალ ანანიძე ოფიციალური ვიზიტით ლატვიის ქალაქ დაუგავპილსში იმყოფება. დღეს ბათუმთან დამეგობრებულ ქალაქში საერთაშორისო ტურისტული კონფერენცია გაიმართება, სადაც ჯემალ ანანიძე ბათუმის ტურისტული პოტენციალის შესახებ ისაუბრებს და კონფერენციის მონაწილე ქალაქებს ბათუმის გამოცდილებას გაუზიარებს.
ბათუმში, ამხანაგობის განვითარების ხელშემწყობი პროგრამის ფარგლებში, მრავალსართულიანი კორპუსების ლიფტების რეაბილიტაცია ერთდროულად 14 მისამართზე მიმდინარეობს.
ხიმშვიაშვილის, აღმაშენებლის, ჭავჭავაძის, ახმეტელის, ინასარიძისა და ბესიკის ქუჩებზე მიმდინარე სამუშაოებს ტენდერში გამარჯვებული კომპანიები „ტექ.სერვისი“ და „ელე“ ასრულებენ.
14 ლიფტის რეაბილიტაციისთვის დაახლოებით 84 ათასი ლარი დაიხარჯება. სამუშაოები რამდენიმე კვირაში დასრულდება.
მომზადებულია ბათუმის მერიის მიერ მოწოდებულ პრესრელიზზე დაყრდნობით.
11 აპრილს, ბათუმის შოთა რუსთაველის უნივერისტეტში სტუდენტების ერთმა ჯგუფმა სტუდენტური თვითმმართველობის საარჩევნო კომისიის კარები აჭედა. მათ ასე გამოუცხადეს უნდობლობა კომისიას და უნივერსიტეტში 9 აპრილს მომხდარი ფაქტი გააპროტესტეს.
დღეს, 29 მარტს ბათუმის საკრებულოს სხდომაზე, ბარაკებში მცხოვრები მოსახლეობისა და ეკომიგრანტების საცხოვრებლით უზრუნველყოფის საკითხმა, ცხარე კამათი გამოიწვია. ბენზეში, ბარაკებში მცხოვრები მოსახლეობა და საკრებულოს უმრავლესობის წევრები ერთმანეთს დაუპირისპირდნენ. ისინი ქალაქის ხელისუფლებისგან ბინებით უზრუნველყოფას მოითხოვდნენ. ერთმანეთს საკრებულოს ყოფილი თავმჯდომარე გიორგი კირთაძე და ყოფილი უმრავლესობის წევრი გენო თებიძეც დაუპირისპირდნენ, რომელმაც სხდომაზე სოციალურად დაუცველი პირების, ბინებით უზრუნველყოფის საკითხი დააყენა.
<!** Image 1 align="middle" width="300" height="300" >
ქალების მონაწილეობის გაზრდა პოლიტიკაში – ამ თემაზე დღეს, 27 მარტს, არასამთავრობო ორგანიზაცია „ნიდერლანდების ინსტიტუტი მრავალპარტიული დემოკრატიისათვის“ ორგანიზებით დისკუსია გაიმართა.
