Batumelebi | ეკომიგრანტებმა შიმშილობა დაიწყეს ეკომიგრანტებმა შიმშილობა დაიწყეს – Batumelebi
RU | GE  

ეკომიგრანტებმა შიმშილობა დაიწყეს

 

 

ეკომიგრანტებმა აჭარის მთავრობის სახლის წინ შიმშილობა დაიწყეს.

 

„თუ ახლაც არ მოგვაქცევთ ყურადღებას პირს ამოვიკერავთ, წასასვლელი მაინც არსად გვაქვს, რა მნიშვნელობა აქვს სად მოვკვდებით,“  – აცხადებენ ეკომიგრანტები.

 

 

 

მათივე თქმით პროტესტის  უკიდურეს ფორმას მთავრობის უყურადღებობის გამო მიმართეს. წალკიდან აჭარაში დაბრუნებული ეკომიგრანტები უკვე 52-ე დღეა მთავრობისგან დახმარებას ითხოვენ, თუმცა ამ დრომდე უშედეგოდ.

 

ამ წუთებში აჭარის მთავრობის სახლის წინ  მობილიზებულია პოლიცია. ეკომიგრანტებთან მოლაპარაკებას შსს აჭარის სამხარეო სამმართველოს უფროსი ვალერი თელია, ხოლო აჭარის მთავრობიდან  ირაკლი ჭეიშვილი აწარმოებენ და  მთავრობის სახლის მიმდებარე ტერიტორიის გათავისუფლებას სთხოვენ. ვალერი თელია ეკომიგრანტებს დაჰპირდა, იმ შემთხვევაში თუ კი შიმშილობას შეწყვეტენ, 10 ივლისს მივლინებიდან დაბრუნებული არჩილ ხაბაძე და მთავრობის სხვა წევრები შეხვდებიან.

მოიუხედავად დაპირებებისა  ეკომიგრანტები დაშლას არ აპირებენ.

ნეტგაზეთის მასალების სხვა გამოცემებში გადაბეჭდვის წესი
ქეთი ლაბაძე