Batumelebi | ეკომიგრანტების შიმშილობის მეორე დღე ეკომიგრანტების შიმშილობის მეორე დღე – Batumelebi
RU | GE  

ეკომიგრანტების შიმშილობის მეორე დღე

 

მოშიმშილე ეკომიგრანტებმა წუხანდელი ღამე ღია ცის ქვეშ გაატარეს, მათი თქმით მთავრობის წევრები მათთან აღარ მისულან.  

„პოლიციისა და ჟურნალისტების მეტი არავინ არ ყოფილა, პროტესტს მანამდე არ შევწყვეტთ სანამ ჩვენს მოთხოვნებს არ დააკმაყოფილებენ. მეტი რა ვქნათ თავშესაფარი გვინდა, თავშესაფარს თუ არ მოგვცემენ აქ დავწყდებით,“ – აცხადებს ეკომიგრანტი ბეჟან ხოზრევანიძე.

ეკომიგრანტი ფრიდონ კახაძე ამბობს რომ შიმშილობას არ შეწყვეტენ სანამ მათ მოთხოვნებს არ დააკმაყოფილებენ:  „ათი ადამიანი ვშიმშილობთ, ხელისუფლების წარმომადგენლებს არაფერი არ უთქმიათ, არც შეხვედრას შეგვპირებიან“.

ორ ეკომიგრანტს სამედიცინო დახმარება დასჭირდა, მათგან ერთი ფატი მგელაძე ჯანმრთელობის გაუარესების გამო რესპუბლიკურში გადაიყვანეს.

„50 დღეზე მეტია აქ ვართ ბავშვებით და ერთი ჭიქა წყალი არავის მოუწოდებია, არ აინტერესებთ როგორ ვართ, ცუდად გავხდი ვერ ავიტანე ეს ხალხი რომ ტიროდა და შიოდა, ვერ ავიტანე და შოკში ჩავარდი, სავადმყოფოში ვიყავი, იქაც ფული გადასახდელი მაქვს, როგორ გადავიხადო ეხლა,“ – აცხადებს ფატი მმგელაძე.

ნეტგაზეთის მასალების სხვა გამოცემებში გადაბეჭდვის წესი
ქეთი ლაბაძე