Batumelebi | განვითარების შეფერხების მქონე ბავშვთა უფასო პროგრამა განვითარების შეფერხების მქონე ბავშვთა უფასო პროგრამა – Batumelebi
RU | GE  

განვითარების შეფერხების მქონე ბავშვთა უფასო პროგრამა

 

ბათუმის მერიის ჯანმრთელობისა  და სოციალური დაცვის სამსახურის  2015 წლის  პროგრამით, გათვალისწინებულია განვითარების შეფერხების მქონე ბავშვებისთვის მომსახურების კურსის ჩატარება, ყოველთვიურად მთელი წლის მანძილზე.

 

 

პროგრამის მიხედვით, რომელიც ბათუმის მერიის ოფიციალურ გვერდზეა განთავსებული, მომსაურება გაეწევა 7 წლამდე ასაკის  ბათუმში 2015 წლის 1იანვრის მდგომარეობით რეგისტირებულ ბავშვებს შემდეგი პათოლოგიით: დაუნის სინდრომი, ცერებრული დამბლა, აუტიზმი და სხვა. მერიის ინფორმაციით, პირველ რიგში მომსახურება გაეწევა იმ ბავშვებს, რომლებიც ვერ სარგებლობენ საქართველოს ჯანდაცვის სამინისტროს ბავშვთა ადრეული განვითარების ქვეპროგრამით.

 

მერიის ჯანდაცვისა და სოციალური სამსახურის კიდევ ერთი პროგრამის თანახმად, ბათუმში მცხოვრები მწვავე ლეიკემიით დაავადებულ ბავშვებისთვის მატერიალური დახმარების გაწევაა გათვალისწინებული. 

მერიის ინფორმაციით,  იაშვილის სახელობის ბავშვთა საავადმყოფოს ონკო-ჰემატოლოგიურ დეპარტამენტში დაცვით თერაპიაზე მყოფი ბათუმში მცხოვრები 18 წლამდე ასაკის მწვავე ლეიკემიით დაავადებული ბავშვებისთვის, რომლებიც ყოველთვიურად საჭიროებენ კონსულტაციებს და სხვა სახის გამოკვლევებს   თბილისში, ყოველთვიური კომპენსაცია 200 ლარის ოდენობით გადაერიცხებათ. 


ნეტგაზეთის მასალების სხვა გამოცემებში გადაბეჭდვის წესი
" ბათუმელები"