ნეტგაზეთი • RU

ბათუმის საბაგიროს ვიზიტორების რაოდენობა შემცირდა

 

ბათუმის საბაგიროს ვიზიტორების რაოდენობა,  გასული  წლის ტურისტულ სეზონთან შედარებით, 40 პროცენტით შემცირდა. 

 

 

ამის თაობაზე „ბათუმელებთან“ „ჰესტიკ ბათუმის“ დირექტორმა გიორგი ქავჟარაძემ განაცხადა. მისი თქმით, ვიზიტორების შემცირება არა გაზრდილმა ფასმა, არამედ წვიმიანმა ამინდმა განაპირობა:

 

„ფასი გასულ წელსაც 5 ლარი იყო და წელსაც. უბრალოდ, 18:00 საათის შემდეგ ღირს რვა ლარი. ვფიქრობ ფასის გამო არ მომხდარა ეს, ცუდი ამინდია და ეს აისახება ვიზიტორებზე“- ამბობს გიორგი ქავჟარაძე.

 

საბაგირო გზა ბათუმს ფერიის მთასთან აკავშირებს, სადაც განთვსებულია რესტორანი და მაღაზიები. გიორგი ქავთარაძის თქმით- „რესტორანში ყოველ ღამე არის ცოცხალი მუსიკა, გვაქვს საუკეთესო ღვინოებისა და სუვენირების მაღაზია.“

 

საბაგიროს ყოველ დილით გეგმიური რევიზია უტარდება. მხოლოდ ამის შემდეგ ხდება ვიზიტორების მიღება. 

 

 

ბათუმის საბაგირო

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე