ნეტგაზეთი • RU

ბათუმის სატრანსპორტო სააგენტომ ახალი საჯარიმო აპარატები და უნიფორმები შეიძინა

 

 

  ბათუმის ა(ა)იპ სატრანსპორტო ინფრასტრუქტურის მართვის სააგენტომ 10 ახალი საჯარიმო აპარატი და თანამშრომლებისთვის უნიფორმები შეიძინა. 

 

ბათუმის სატრანსპორტო ინფრასტრუქტურის მართვის სააგენტოს ავტომობილები

 

ბათუმის სატრანსპორტო ინფრასტრუქტურის მართვის სააგენტოს ახალი ლოგო

 

ცვლილებების პრეზენტაცია სააგენტომ დღეს 3 საათზე ლუკა ასათიანის ქუჩაზე მდებარე მერიის ადმინისტრაციული შენობის ეზოში გამართა. ცვლილებების ფარგლებში ასევე შეიცვალა სააგენტოს ლოგოც.

 

ბათუმის ა(ა)იპ სატრანსპორტო ინფრასტრუქტურის მართვის სააგენტოს უფროსის გიორგი ჩხეიძის თქმით, მინი თერმული აპარატები სააგენტომ 25 000 ლარად ხოლო, სააგენტოს თანამშრომლებისთვის ოთხივე სეზონის უნიფორმები 5000 ლარად შეიძინა. პარკირების შესამოწმებელი სპეციალური აპარატებით, რომლებიც უზრუნველყოფილია ფოტოკამერებით, შესაძლებელი იქნება ოქმების ონლაინ რეგისტრაცია.

 

სააგენტოში სულ 18 კონტროლიორი, ორ-ორ ჯგუფად მუშაობს.

 

როგორც ინფრასტრუქტურის სააგენტოში ამბობენ, ცვლილებები პარკირების ადმინისტრირების გაუმჯობესების, მუშაობის ეფექტურობის ამაღლების, თანამედროვე საშუალებების დანერგვისა და სამომხმარებლო სერვისების გაუმჯობესების მიზნით განხორციელედა.




ნეტგაზეთის მასალების სხვა გამოცემებში გადაბეჭდვის წესი
''ბათუმელები''