ბათუმელები
უკრაინის პრეზიდენტის, ვოლოდიმირ ზელენსკის განცხადებით, უკრაინელი ჯარისკაცების ხელფასი გაიზრდება და თვეში 100 000 გრივნა იქნება, რაც დაახლოებით 3 352 დოლარია.
„არა იმიტომ, რომ მადლობა მოვისმინოთ, არამედ მათ იცოდნენ, რომ ქვეყანა მათი ძალიან მადლიერია,“ – აღნიშნა ზელენსკიმ.
ზელენსკის თქმით, უკრაინელი ჯარისკაცები იბრძვიან არა ფულისთვის, არამედ ხვალინდელი დღისთვის, მაგრამ სახელმწიფომ მათ გადაუხდის შესაბამისად.
ამის შესახებ ზელენსკიმ დღეს, 27 თებერვალს, განაცხადა ვიდეომიმართვაში.
ავტორი: ლუკა კურტანიძე, ბიოლოგი, ექთანი
მინდა გამოვეხმაურო ომს უკრაინაში და როგორც სამედიცინო სფეროს წარმომადგენელმა, მივმართო საქართველოს ხელისუფლებას.
საქართველოს მთავრობას, ჯანდაცვის სამინისტროს, წითელი ჯვრის საზოგადოებას მოგმართავთ თხოვნით, მიიღოთ ჩვენი, მედპერსონალის ინიციატივა და დაგვეხმაროთ ჩვენი სურვილის განხორციელებაში.
ჩვენი სურვილია [მე ამ სურვილებში მარტო არ ვარ] ჩვენი მოძმე ერის – უკრაინის დასახმარებლად შევქმნათ მედპერსონალის მოხალისეთა ჯგუფი. ეს ჯგუფი საქართველოს მოქალაქეების სახელით დასახმარებლად წავა უკრაინაში. ჩვენ ვეცდებით პირველად დახმარება მაინც აღმოუჩინოთ უკრაინის მოქალაქეებს – დაშავებულებსა თუ დაჭრილებს.
მინდა დაგარწმუნოთ, რომ მედპერსონალი, გარკვეული ნაწილი მზად ვართ ამ ინიციატივის განსახორციელებლად. ამისთვის გვჭირდება სახელმწიფო დახმარება.
უკრაინელები ყოველთვის იყო ჩვენი მოძმე ერი. ისინი გამუდმებით ჩვენ გვერდით იდგნენ, როცა ჩვენ გვიჭირდა. ამიტომ ვის როგორც, რა პროფესიითაც შეგვეძლება მათი დახმარება, უკან არ უნდა დავიხიოთ.
___
მე-4 დღეა რუსეთი უკრაინის წინააღმდეგ სრულმასშტაბიან ომს აწარმოებს. რუსული ჯარები უკრაინაში შეიჭრნენ სამი მხრიდან — ჩრდილოეთიდან (ბელარუსი), აღმოსავლეთიდან (დონეცკი-ლუგანსკი) და სამხრეთიდან (ყირიმი).
უკრაინული მხარის უახლესი ცნობის თანახმად, ომის პირველი სამი დღის განმავლობაში გაანადგურეს მოწინააღმდეგის 27 თვითმფრინავი, 26 ვერტმფრენი, 146 ტანკი და 706 საბრძოლო მანქანა.
ევროკავშირი გეგმავს საჰაერო სივრცე შეუზღუდოს თვითმფრინავებს, რომლებიც ეკუთვნის რუსეთს, რეგისტრირებულია რუსეთში ან კონტროლდება რუსეთიდან.
ისინი ვერ შეძლებენ ევროკავშირის ტერიტორიაზე დაშვებას, აფრენას ან გადაფრენას.
მათ შორის, შეზღუდვა ეხება ოლიგარქების კერძო თვითმფრინავებსაც.
ამის შესახებ ევროკომისიის თავმჯდომარე ურსულა ფონ დერ ლაიენი წერს ტვიტერზე.
First, we are shutting down the EU airspace for Russian-owned, Russian registered or Russian-controlled aircraft.
They won’t be able to land in, take off or overfly the territory of the EU.
Including the private jets of oligarchs. pic.twitter.com/o551M9zekQ
— Ursula von der Leyen (@vonderleyen) February 27, 2022
_________________
რუსეთი 24 თებერვალს, გამთენიისას შეიჭრა უკრაინაში და სრულმასშტაბიანი ომი დაიწყო. მეოთხე დღეა უკრაინელები ქვეყნის დასაცავად იბრძვიან.
უკრაინის საგარეო საქმეთა მინისტრმა, დმიტრო კულებმა დღეს, 27 თებერვალს, საერთაშორისო მედიის ჟურნალისტების კითხვებს უპასუხა და ქვეყანაში დღეს არსებულ ვითარებაზე ისაუბრა. დმიტრო კულებას ჰკითხეს, რა არის უკრაინის გეგმები მას შემდეგ, რაც ცნობილი გახდა, რომ რუსეთის პრეზიდენტმა, ვლადიმერ პუტინმა თავის „სტრატეგიული თავდაცვით ძალებს უბრძანა გადასულიყვნენ განსაკუთრებულ რეჟიმზე“?
კულებას თქმით, ამ შემთხვევაში მას აქვს „ძალიან მარტივი გზავნილი: ეს იქნება კატასტროფა მსოფლიოსთვის, მაგრამ ეს არ გაგვტეხს“:
„შენიშნავდით, რომ პრეზიდენტმა პუტინმა ეს ბრძანება გასცა ორი დელეგაციის შეხვედრის მზაობაზე განცხადებიდან ძალიან მალევე.
ჩვენ ვხედავთ ამ განცხადებას, ამ ბრძანებას, როგორც მცდელობას აწიონ ფსონები და გაზარდონ წნეხი, უკრაინულ დელეგაციაზე. მაგრამ ჩვენ არ მოვექცევით ამ წნეხში. როგორც ადრე ვთქვი, ჩვენ მივალთ იქ, რომ მოვისმინოთ, რა აქვს რუსეთს სათქმელი და ვეტყვით, ჩვენ რას ვფიქრობთ ამ ყველაფერზე.
ჩვენ მზად ვართ ვიმსჯელოთ იმაზე, როგორ შევაჩეროთ ომი და მოვახდინოთ ჩვენი ტერიტორიების დეოკუპაცია. ომის სრული შეწყვეტა.
თუ პუტინის ბრძანება – მზადყოფნაში მოიყვანოს თავისი ბირთვული იარაღი – იქნება ამ ბირთვული იარაღის უკრაინის წინააღმდეგ გამოყენების პირდაპირი მუქარა, მაშინ მე მაქვს ძალიან მარტივი გზავნილი – ეს იქნება კატასტროფა მსოფლიოსთვის, მაგრამ ეს ვერ გაგვტეხს“.
უკრაინა-ბელორუსის საზღვარზე რუსეთ-უკრაინას შორის მოლაპარაკება იმართება. კითხვაზე, რა იქნება შეთანხმების პირობები, რასაც უკრაინა დასთანხმდება, კულებამ განაცხადა:
„პირველ რიგში, არ მიუდგეთ მოლაპარაკებებს იმ მიდგომით, თუ რაზე დასათანხმებლადაა უკრაინა მზად. შეგახსენებთ, რომ სულ რაღაც რამდენიმე დღის წინ, როდესაც ომი დაიწყო, რუსეთს არ აინტერესებდა არანაირი საუბარი. მას შემდეგ, რაც მათ განიცადეს დანაკარგები და მიხვდნენ, რომ გეგმები ჩაეშალათ, რუსეთმა დაიწყო საუბარი ულტიმატუმის ენით – ამბობდნენ, რომ მზად იყვნენ უკრაინასთან სასაუბროდ წინასწარი პირობებით, რაც საუბრის დაწყებამდე უნდა შესრულებულიყო.
მას შემდეგ, რაც რუსეთის დანაკარგები გაიზარდა, რაც რუსულმა არმიამ ერთმანეთის მიყოლებით განიცადა მარცხი მარცხზე, მოთხოვნები, წინასწარი პირობები, ულტიმატუმები რუსეთის მხრიდან გვერდზე გადაიდო. ახლა მათ გადმოგვცეს გზავნილი, რომ მხოლოდ საუბარი სურთ.
ვფიქრობ, ფაქტი, რომ რუსეთი მზადაა საუბარზე წინასწარი პირობებისა და ულტიმატუმების გარეშე, უკრაინისადმი ნებისმიერი მოთხოვნების გარეშე, უკრაინისთვის უკვე გამარჯვებაა.
მეორე, ჩვენ როგორც ვთქვი, რა თქმა უნდა, ვაფასებთ ყველანაირ მხარდაჭერას, რაც ახლახან მივიღეთ საფრანგეთიდან თუ სხვა პარტნიორებისგან, მაგრამ ეს ჩვენ ვართ, ვინც იბრძვის, ეს ჩვენი ხალხია, ვინც კვდება, ეს ჩვენი სახლებია, რომლებსაც ანგრევენ.
დღეს ჩვენ ისე ახლოს ვიყავით ბელარუსის შეიარაღებული ძალების ომში ჩართვასთან, როგორც არასდროს. სწორედ ეს არის მიზეზი, რატომაც პრეზიდენტმა ლუკაშენკომ და პრეზიდენტმა ზელენსკიმ ისაუბრეს დღეს. ჩვენ უნდა დავიცვათ ჩვენი ჩრდილოეთი ფლანგი, მინიმუმამდე დავიყვანოთ იქიდან მომავალი საფრთხე, ამიტომ ჩვენ დავთანხმდით დელეგაციის გაგზავნაზე უკრაინა-ბელარუსის საზღვარზე შერჩეულ შეხვედრის ადგილზე.
ჩვენ არ წავალთ გომენში, ბელარუსის ქალაქში, რომელიც გამოყენებულია, როგორც რუსეთის სამხედრო ბაზა. ჩვენ შევხვდებით საზღვარზე. ჩვენ მივდივართ იქ, რათა მოვისმინოთ, რისი თქმა სურს რუსეთს. მივდივართ იქ ყოველგვარი წინასწარი ლაპარაკის, ამ საუბრის შესაძლო შედეგებზე ყოველგვარი წინასწარი შეთანხმების გარეშე. მივდივართ მოსასმენად და მისთვის, რომ ვუთხრათ, ჩვენ რას ვფიქრობთ ამ ომსა და რუსეთის მოქმედებებზე.
პრეზიდენტმა ლუკაშენკომ დაარწმუნა პრეზიდენტი ზელენსკი, რომ ბელარუსის არც ერთი შეიარაღებული ძალა არ იქნება გამოყენებული უკრაინის წინააღმდეგ. ეს არის მიღწევა და ვიმედოვნებთ, რომ ალექსანდრე ლუკაშენკო სიტყვას შეასრულებს.
ამ მოლაპარაკების დასრულებამდე ჩვენ გავაგრძელებთ ჩვენი ქვეყნის თავდაუზოგავად დაცვას, გავაგრძელებთ რუსულის ძალების დამარცხებას, თუ ისინი ეცდებიან გააგრძელონ თავდასხმითი ოპერაციები, გავაგრძელებთ მათ დამარცხებას ტერიტორიებზე, რომლებიც მათი კონტროლის ქვეშაა, ჩვენ არ შევჩერდებით მანამ, სანამ არ დავიცავთ ჩვენ ქვეყანას მთლიანად.
არაფერია ცუდი საუბარში და თუ ამ საუბრის შედეგი იქნება მშვიდობა და ომის დასრულება, ეს მისასალმებელია. მაგრამ ჩვენ არ, და კიდევ ერთხელ ვიმეორებ, მინდა ძალიან გასაგებად ვთქვა, ჩვენ არ ჩავბარდებით, ჩვენ არ გამოვაცხადებთ კაპიტულაციას, ჩვენ არ დავთმობთ ჩვენი ტერიტორიის არც ერთ გოჯს“.
Telegram-ის შემქმნელი პაველ დუროვი ამბობს, რომ შესაძლოა დაიწყოს „ტელეგრამზე“ რუსული და უკრაინული არხების შეზღუდვა. ამის შესახებ დუროვი „ტელეგრამის“ საკუთარ არხზე წერს.
„ტელეგრამის არხები სულ უფრო ხშირად ხდება უკრაინის მოვლენებთან დაკავშირებული გადაუმოწმებელი ინფორმაციის წყარო. ჩვენ არ გვაქვს ფიზიკური შესაძლებლობა, შევამოწმოთ ყველა არხი მიერ გავრცელებული ინფორმაციის სიზუსტე.
მოვუწოდებ მომხმარებლებს რუსეთიდან და უკრაინიდან, ეჭვი შეიტანონ ნებისმიერ მონაცემზე, რომელიც ამ დროისთვის ვრცელდება Telegram-ში.
ჩვენ არ გვინდა, რომ ტელეგრამი გამოიყენებოდეს კონფლიქტების გამწვავებისა და ეთნიკური სიძულვილის გამწვავების იარაღად.
სიტუაციის ესკალაციის შემთხვევაში განვიხილავთ კონფლიქტის ხანგრძლივობის განმავლობაში ჩართულ ქვეყნებში Telegram-ის არხების ფუნქციონირების ნაწილობრივ ან მთლიანად შეზღუდვას“ – დაწერა დუროვმა.
ამ განცხადების გამოქვეყნებიდან მალევე მან „ტელეგრამზე“ კიდევ ერთი განცხადება გამოაქვეყნა, სადაც წერს, რომ რუსული და უკრაინული არხების შეზღუდვა გადაიფიქრა, რადგან „ტელეგრამის“ ბევრმა მომხმარებელმა მიმართა თხოვნით, ეს არ გაეკეთებინა.
„ჩვენ გადავწყვიტეთ აღარ განვიხილოთ ასეთი ზომები. მაგრამ კიდევ ერთხელ გთხოვთ, გადაამოწმოთ და არ დაიჯეროთ ინფორმაცია, რომელიც ქვეყნდება ტელეგრამზე ამ რთულ დროს“ – წერს დუროვი.
დუროვი Vkontakte–სა და Telegram-ის შემქმნელია. 2014 წელს მან დატოვა რუსეთი და დუბაიში გადავიდა საცხოვრებლად. 2021 წელს დუროვმა საფრანგეთის მოქალაქეობა მიიღო. „ფორბსის“ 2021 წლის მონაცემებით, მისი ქონება 17,2 მილიარდი დოლარია.
დღეს, 27 თებერვალს, ბათუმში 2 აქცია გაიმართა უკრაინისა და უკრაინელების მხარდასაჭერად.
პირველი აქცია ბათუმის შოთა რუსთაველის უნივერსიტეტთან გაიმართა 15 საათზე და მასში სტუდენტები მონაწილეობდნენ.
„სტუდენტები მხარს ვუჭერთ უკრაინის სუვერენიტეტს და ერთიანობას, გამოვხატავთ მათ მხარდაჭერას, როგორც თავისუფლებისთვის მებრძოლი ხალხის მიმართ.
თუკი უკრაინაში ომია, ჩვენს ქვეყანაში არ არის მშვიდობა, რადგან ეს ომი მხოლოდ უკრაინას არ ეხება, ეს არის ბოროტების იმპერიის ბრძოლა ცივილური სამყაროს წინააღმდეგ.
სტუდენტების აბსოლუტური უმრავლესობა სოციალურ ქსელებში, კომენტარებში, სხვადასხვა ჯგუფში თუ აქციებზე გამოხატავს უკრაინისადმი სოლიდარობას. ახალგაზრდების ძალა იზრდება და ჩანს, რომ აქ ქვეყანაში რუსეთს და რუსულ ნარატივს არ აქვს მომავალი.
მჯერა, რომ ამ ომში თავისუფლებისთვის მებრძოლი დაუღალავი, უკრაინელი ხალხი გაიმარჯვებს და დამარცხდება ბოროტების იმპერია“, – ამბობს არჩილ ბერიძე, ბსუ-ს ეკონომიკის მაგისტრატი და აქციის ერთ-ერთი მონაწილე.
სტუდენტები 16 საათზე ევროპის მოედანზე გამართულ სოლიდარობის აქციას შეუერთდნენ, სადაც შეკრებილნი იყვნენ ბათუმში მცხოვრები უკრაინელი და ბელარუსის მოქალაქეები, სხვადასხვა პარტიისა და არასამთავრობო ორგანიზაციის წარმომადგენლები.
აქციას ევროპის მოედანზე შეუერთდნენ ბათუმელი ბაიკერებიც, რომელთაც პერფორმანსი მოაწყვეს აქციაზე და უკრაინის ფერების კვამლი გაუშვეს ჰაერში.
აქციაზე სიტყვით გამოვიდა ლია მგელაძე, ბაიკერი, რომელმაც აქციის მონაწილეებს სიტყვით მიმართა ბაიკერების სახელით:
„ჩვენ დღეს სოლიდარობას ვუცხადებთ უკრაინას, ეს ბრძოლა არ არის მხოლოდ უკრაინის, ეს არის ჩვენი ბრძოლაც და თუ დღეს საქართველოში არ შემოსულა რუსული ტანკები, მხოლოდ იმიტომ, რომ ჩვენი მთავრობა უპრობლემოდ უთმობს მიწებს ყოველდღიურად და ეს გამარჯვება, რომელიც იქნება უკრაინაში, იქნება ჩვენი გამარჯვებაც.
ეს ბრძოლა უნდა მოიგოს უკრაინამ და მთელმა მსოფლიომ, რუსეთი უნდა დასრულდეს“.
ბათუმში უკრაინის სოლიდარობის აქციები მეოთხე დღეა იმართება.
უკრაინის პრეზიდენტი, ვოლოდიმირ ზელენსკი „ტელეგრამის“ არხზე ბელარუსის პრეზიდენტთან, ალექსანდრე ლუკაშენკოსთან საუბრის შედეგზე წერს. ზელენსკის თქმით, უკრაინული და რუსული მხარე უკრაინა-ბელარუსის საზღვარზე შეხვდებიან ერთმანეთს.
„ჩვენ შევთანხმდით, რომ უკრაინის დელეგაცია რუსებს წინაპირობების გარეშე შეხვდება უკრაინა-ბელორუსიის საზღვარზე, მდინარე პრიპიატთან.
ალექსანდრე ლუკაშენკომ საკუთარ თავზე აიღო პასუხისმგებლობა, რომ უკრაინის დელეგაციის ჩასვლის, მოლაპარაკებების და დაბრუნების დროს, ბელარუსის ტერიტორიაზე განლაგებული ყველა თვითმფრინავი, ვერტმფრენი და რაკეტა მიწაზე დარჩება“ – განაცხადა ზელენსკიმ.
უკრაინის პრემიერ-მინისტრმა, მიხაილო ფედოროვმა, Twitter-ის ოფიციალურ გვერდზე გამოაქვეყნა უკრაინის პრეზიდენტის, ვოლოდიმირ ზელენსკის მიმართვის წერილი VISA და MasterCard-ის კომპანიებისადმი. ზელენსკი ამ კომპანიების პრეზიდენტებს და ხელმძღვანელებს სთხოვს, დაბლოკონ რუსეთში გაცემული მათი საბანკო ბარათები.
“ძვირფასო კოლეგებო და იმედი მაქვს უკრაინისა და თავისუფალი მსოფლიოს მეგობრებო!
რუსეთმა დაიწყო ცბიერი და სამარცხვინო სამხედრო შეტევა ჩემს ქვეყანაზე. უბრალოდ, წარმოიდგინეთ 2022 წელს, ფრთოსანი რაკეტებით თავდასხმა საცხოვრებელ დასახლებაზე, საბავშვო ბაღებსა და ჰოსპიტლებზე ევროპის გულში!
შეიარაღებული ძალები და მოქალაქეები ბოლომდე იცავენ ჩვენს ქვეყანას – უკრაინას. მთელი მსოფლიო უწევს წინააღმდეგობას აგრესორს მიზანმიმართული სანქციების გამოყენებით, რათა მტერმა განიცადოს მასშტაბური დანაკარგები. მაგრამ ჩვენ გვჭირდება თქვენი დახმარება: 2022 წელს, ტექნოლოგიების გამოყენება ალბათ საუკეთესოდ უპასუხებს ტანკებს, გრადებსა და რაკეტებს”, – ვკითხულობთ წერილში, რომელსაც ვოლოდიმირ ზელენსკი აწერს ხელს.
„ვითიბი ბანკ ჯორჯიას“ განცხადებით, „ვითიბის“ ყველა ფიზიკური პირი მეანაბრე და მსესხებელი გახდება „ბაზისბანკის“ მომხმარებელი და საბანკო მომსახურებას მიიღებს როგორც „ბაზისბანკის“, ასევე „ვითიბი ბანკის“ ფილიალებში“.
„სს „ვითიბი ბანკ ჯორჯიას“ უმთავრესი მიზანია, მაქსიმალურად დაიცვას საკუთარი დეპოზიტარების და მომხმარებლების ინტერესები და სტაბილურობა. სწორედ ამიტომ, ბანკმა მიიღო გადაწყვეტილება, გაასხვისოს არსებული სასესხო და სადეპოზიტო პორტფელი ბაზისბანკზე“ – აღნიშნულია ბანკის მიერ გავრცელებულ განცხადებაში.
„ბაზისბანკი თავისი 28 წლიანი ისტორიითა და 2 მილიარდამდე ლარის აქტივებით უმსხვილესი ქართული ბანკების ხუთეულშია, ემსახურება როგორც საცალო მომხმარებელს, ასევე მცირე, საშუალო და მსხვილ ბიზნესებს… გამომდინარე იქიდან, რომ ბაზისბანკის სტრატეგიულ მიმართულებას საცალო ბიზნესის ზრდა და მომსახურების ქსელის გაფართოება წარმოადგენს, მივიღეთ გადაწყვეტილება, გადმოვიბაროთ ვი თი ბი ბანკის საცალო ბიზნესი, რომელიც მოიცავს, საცალო ფილიალებს, დეპოზიტებს, მიმდინარე და საბარათე ანგარიშებსა და საცალო საკრედიტო პორტფელის მომსახურებას“ – ამბობს „ბაზისბანკის“ გენერალური დირექტორი დავით ცაავა.
ბაზისბანკი ჩინური ჰუალინგ ჯგუფის წევრია.
დღეს, 27 თებერვალს, განცხადება გაავრცელა საქართველოს ეროვნულმა ბანკმაც.
„უკრაინაში რუსეთის მიერ განხორციელებული აგრესიული საომარი მოქმედებების გამო, აშშ-მ, დიდმა ბრიტანეთმა, ევროკავშირმა და სხვა ქვეყნებმა რუსულ ფინანსურ სისტემას ფინანსური სანქციები დაუწესა. სანქციებით გათვალისწინებული მოთხოვნების შესრულების ვალდებულების შესახებ მითითება ეროვნულმა ბანკმა საქართველოს საფინანსო სექტორის წარმომადგენლებსაც მისცა.
ეროვნული ბანკის ერთ-ერთი მთავარი ამოცანაა ფინანსური სექტორის სტაბილურობის უზრუნველყოფა. ამ მანდატის ფარგლებში, საფინანსო სექტორის მეანაბრეთა ინტერესების დაცვა ჩვენი მთავარი პრიორიტეტია. დღეიდან, სს ვითიბი ბანკ ჯორჯიას ფიზიკურ პირ მსესხებლებს და დეპოზიტარებს მოემსახურება სს ბაზისბანკი. მუშაობა პორტირებაზე დაწყებულია და ორშაბათიდან ეტაპობრივად ვითიბი ბანკ ჯორჯიას ფიზიკურ პირ მეანაბრეებსა და მსესხებლებს ვითიბი ბანკის ფილიალებში ბაზისბანკი მოემსახურება. ყველა დეპოზიტარის ინტერესი დაცული იქნება, ხოლო მოთხოვნები სრულად დაკმაყოფილებული.
კიდევ ერთხელ ვაცხადებთ, რომ ეროვნული ბანკი ყოველთვის მოქმედებს საერთაშორისო რეზოლუციებით განსაზღვრულ სტანდარტებთან სრულ შესაბამისობაში და ამ პირობებში ასრულებს თავის ერთ-ერთ უპირველეს ამოცანას, იყოს ქართული საფინანსო სექტორის თითოეული მეანაბრის თანხების დაცვის გარანტი“ – აღნიშნულია ეროვნული ბანკის განცხადებაში.
რუსულ ბანკებს შორის, რომელთაც აშშ-მა სანქციები დაუწესა, რუსეთის სახელმწიფო ბანკის, VTB-ს შვილობილი კომპანია „VTB ბანკი საქართველოც“ არის. რუსეთისათვის ახალი სანქციების დაწესების შესახებ აშშ-ის პრეზიდენტმა 24 თებერვალს განაცხადა, რასაც წინ უძღოდა მოსკოვის სამხედრო თავდასხმა უკრაინაზე.
ეროვნული ბანკი არ და ვერ შეუწყობს ხელს სანქციების გვერდის ავლას – სები
უკრაინელი ხალხის მხარდასაჭერად Art Up – Street Gallery-ის ორგანიზებით ბათუმში, ორ კედელზე უკრაინის დროშები დახატეს.
ორივე დროშა აბაშიძის ქუჩაზეა – ერთი კინოთეატრ „აპოლოსთან“ ახლოს, მეორე კი ბათუმის თოჯინების თეატრის წინ, აფიშებისთვის განკუთვნილი კედლის გასწვრივ.
„ეს დროშები და ინსტალაცია ეძღვნება უკრაინაში მიმდინარე მოვლენებს. სოლიდარობის ნიშნად შევქმენით. ამასთან, ბოლო დღეებში რა მდგომარეობაშიც აღმოჩნდა საქართველო, გვინდოდა ხმა მიგვეწვდინა უკრაინელებისთვის, რომ ღარიბაშვილი ჩვენი ხმა არ არის,” – ამბობს პროექტის ავტორი ლევან გელიაშვილი.
მემედ აბაშიძის ქუჩაზე, აფიშებისთვის განკუთვნილი კედლის გასწვრივ, ასევე განთავსდა არტისტ BIIMO-ს ინსტალაცია.
კვირას, 27 თებერვალს თურქეთმა რუსეთის უკრაინაში შეჭრას ომი უწოდა.
„როიტერსის“ ცნობით, ეს NATO-ს წევრ ქვეყანას შესაძლებლობას აძლევს გააქტიუროს საერთაშორისო შეთანხმება, რომელიც შეზღუდავს რუსული ფლოტის გადაადგილებას შავ ზღვაზე.
1936 წლის მონტროს კონვენციით, თურქეთს აქვს კონტროლი დარდანელისა და ბოსფორის სრუტეებზე, რომლებიც ხმელთაშუა და შავ ზღვებს აკავშირებს და შეუძლია სამხედრო გემების გადაადგილება შეზღუდოს ომიანობის ან საფრთხის არსებობის შემთხვევაში.
დასავლური ვალდებულებებისა და მოსკოვთან ახლო კავშირების დაბალანსების მცდელობით, ანკარა ამბობდა რომ რუსეთის შეტევა მიუღებელი იყო თუმცა დღევანდელ დღემდე თურქეთს არ გამოუყენებია სიტყვა „ომი“.
„უკრაინის ომის მეოთხე დღეს, ჩვენ ვიმეორებთ პრეზიდენტ ერდოღანის მოწოდებას სასწრაფოდ შეწყდეს რუსული თავდასხმა და დაიწყოს ცეცხლის შეწყვეტაზე მოლაპარაკებები“, – დაწერა თურქეთის პრეზიდენტის პრესსპიკერმა იბრაჰიმ კალინმა ტვიტერზე.
On the fourth day of the Ukraine war, we repeat President Erdoğan’s call for an immediate halt of Russian attacks and the start of ceasefire negotiations.
We will continue our efforts to help the people of Ukraine and end bloodshed in this unjust and unlawful war.
— Ibrahim Kalin (@ikalin1) February 27, 2022
Fahrettin Altun, Turkey’s communications director, said “we are witnessing yet another war in our region”, and repeated Erdogan’s offer to mediate
ფაჰთერინ ალტუნმა, თურქეთის კომუნიკაციების დირექტორმა თქვა: ჩვენ ვართ კიდევ ერთი ომის მომსწრე ჩვენს რეგიონში”. მან, ასევე, გაიმეორა ერდოღანის შეთავაზება მოლაპარაკებაზე.
We are witnessing yet another war in our region. President Erdogan has offered to mediate between Russia and Ukraine as we have strong relations with both countries. He also called for a unified stance on the part of the allies.
— Fahrettin Altun (@fahrettinaltun) February 27, 2022
25 თებერვალს თურქეთის პრეზიდენტმა რეჯეფ თაიფ ერდოღანმა განაცხადა, რომ ნატო მხოლოდ განცხადებებით არ უნდა შემოიფარგლოს რუსეთ-უკრაინის კრიზისულ სიტუაციაში და უნდა გადადგას კონკრეტული ნაბიჯები.
„სხვადასხვა რუსული არხების მიერ გავრცელდა დეზინფორმაცია, თითქოს ეროვნული ბანკი არ უწესებს შეზღუდვებს სანქცირებულ საფინანსო ინსტიტუტებს. ეს არის ტყუილი და იმ ომისა და აგრესიის ნაწილი, რომელიც დღეს უკრაინაში მიმდინარეობს“- აღნიშნულია საქართველოს ეროვნული ბანკის განცხადებაში, რომელიც სებმა დღეს, 27 თებერვალს გაავრცელა.
„ხაზგასმით ვაცხადებთ, რომ ეროვნული ბანკი მოქმედებს საერთაშორისო რეზოლუციებით განსაზღვრული სტანდარტების შესაბამისად და არ და ვერ შეუწყობს ხელს ამ სანქციების გვერდის ავლას. ჩვენი, როგორც ნებისმიერი საბანკო ზედამხედველის მიზანი არის ბანკის მეანაბრეების ინტერესების დაცვა და ჩვენი ქმედებები ამას და მხოლოდ ამ მიზანს ემსახურება.
დღეს, როდესაც მთელი საქართველო უკრაინელი ხალხის გვერდით დგას და მხარს უჭერს დემოკრატიული ღირებულებებისათვის მათ სამართლიან ბრძოლას, მნიშვნელოვანია ხელი შევუშალოთ დეზინფორმაციისა და ცრუ ინფორმაციების გავრცელებას“ – აღნიშნულია სების განცხადებაში.
ორი დღით ადრე, 25 თებერვალს, ეროვნულმა ბანკმა დამატებით განმარტა, რომ ის „მოქმედებს სს “ვითიბი ბანკი ჯორჯიაზე”, როგორც ვითიბი ბანკის ჯგუფში შემავალ საფინანსო ინსტიტუტზე აშშ, ევროკავშირის, გაერთიანებული სამეფოს და სხვა სახელმწიფოებს მიერ დაწესებული ფინანსური სანქციების გათვალისწინებით. შესაბამისად ბანკს შეეზღუდა დოლარში, ევროში, ფუნტსა და სხვა უცხოურ ვალუტებში გადარიცხვები.
„ამავდროულად, ჩვენი ამოცანაა, სანქციების პირობების შესრულების გათვალისწინებით, დაიცვას ბანკის მეანაბრეების, საქართველოს მოქალაქეების, ინტერესები და იზრუნოს ქვეყნის საფინანსო სისტემის სტაბილურობაზე.
სწორედ ამიტომ, ეროვნული ბანკი ინტენსიურ უწყვეტ რეჟიმში აკვირდება მოვლენებს და მზად არის, საჭიროების შემთხვევაში, საერთაშორისო სტანდარტებისა და კანონმდებლობით გათვალისწინებული ინსტრუმენტების გამოყენებით დაიცვას ბანკის მეანაბრეების ინტერესები“ – აცხადებს სებ-ი.
რუსულ ბანკებს შორის, რომელთაც აშშ-მა სანქციები დაუწესა, რუსეთის სახელმწიფო ბანკის, VTB-ს შვილობილი კომპანია „VTB ბანკი საქართველოც“ არის. რუსეთისათვის ახალი სანქციების დაწესების შესახებ აშშ-ის პრეზიდენტმა 24 თებერვალს განაცხადა, რასაც წინ უძღოდა მოსკოვის სამხედრო თავდასხმა უკრაინაზე.
25 თებერვალს, საქართველოს ეროვნულმა ბანკმა გაავრცელა განცხადება „ვითიბი ბანკთან“ დაკავშირებით მას შემდეგ, რაც აშშ-მა სანქციები აამოქმედა. ეროვნული ბანკის ცნობით, „პოტენციური რისკების განეიტრალების მიზნით, საქართველოს ეროვნულ ბანკს სს „ვითიბი ბანკი ჯორჯიასთან“ ერთად ადრევე ჰქონდა შემუშავებული სანქციების დაწესების შემთხვევაში სამოქმედო გეგმა“:
—
პრემიერ-მინისტრმა ირაკლი ღარიბაშვილმა 25 თებერვალს განაცხადა, რომ უკრაინაში „ჩასვლა ჩასვლისთვის არაფრის მომცემი არ არის“ და ამას არ გეგმავს. მისი თქმით, საქართველო არც რუსეთისთვის დასავლეთის მიერ დაწესებულ სანქციებს შეუერთდება.
ამის ფონზე რუსულმა პროპაგანდისტულმა მედიამ ისე წარმოაჩენინა ამბავი, თითქოს მოსახლეობა ამ გადაწყვეტილებას პოზიტიურად აფასებს, ზოგან იმასაც ამბობენ, რომ ასეთი „ტვინის გაწმენდა“, რუსეთის წერტილოვანი სამხედრო ოპერაციების დამსახურებაა.
საქართველოს პრემიერ-მინისტრის, ირაკლი ღარიბაშვილის განცხადებას არასამთავრობო ორგანიზაციებიც გამოეხმაურა: „მოვუწოდებთ ხელისუფლებას დადგეს ანტირუსული დასავლური ალიანსის გვერდით და საქართველოს უსაფრთხოების გეგმა დასახოს ქვეყნის დასავლელ სტრატეგიულ პარტნიორებთან ერთად“.
დადექით ანტირუსული დასავლური ალიანსის გვერდით – არასამთავრობოების მიმართვა მთავრობას
ამავე თემაზე:
ევროკომისიის პრეზიდენტის, ურსულა ფონ დერ ლაიენის განცხადებით, დასავლეთი რუსეთის წინააღმდეგ ახალ შეზღუდვებს აწესებს, მათ შორისაა რუსული ბანკების „გარკვეული რაოდენობის SWIFT-ის ფინანსური სისტემიდან გამოთიშვა“:
გერმანია რუსულ ავიაკომპანიებს საჰაერო სივრცეს უკეტავს. ამის შესახებ გერმანული „დოიჩე ველე“ აქვეყნებს ინფორმაციას.
გერმანია მე-13 ევროპული ქვეყანაა, რომელმაც ბოლო 2 დღის განმავლობაში რუსულ ავიაკომპანიებისთვის დაკეტა საჰაერო სივრცე.
დღეს, 27 თებერვალს, ასევე, გერმანულმა ავიაკომპანია „ლუფთჰანზამ“ განაცხადა, რომ აჩერებს ავიარეისებს რუსეთის მიმართულებით.
_______________
ფოტო: „დოიჩე ველე“
ამავე თემაზე:
რუსული ავიაკომპანიებისთვის ცას 12 ქვეყანა კეტავს – ბოლო მონაცემები
ავსტრიის, დანიისა და ბელგიის მთავრობები აცხადებენ, რომ კეტავენ საჰაერო სივრცეს რუსული ავიაკომპანიებისთვის. ამის შესახებ „ბიბისი“ წერს.
დღეს, 27 თებერვალს, ასევე ცნობილი გახდა, რომ რუსული თვითმფრინავებისთვის საჰაერო სივრცეს კეტავს ფინეთი და ირლანდია.
ბოლო მონაცემებით, რუსეთის უკრაინაში შეჭრის შემდეგ ჯამში 12 ქვეყანა უკეტავს რუსულ ავიაკომპანიებს ცას. ეს ქვეყნებია: პოლონეთი, ჩეხეთი, ბულგარეთი, დიდი ბრიტანეთი, ლიეტუვა, ლატვია, ესტონეთი, ფინეთი, ირლანდია, ავსტრია, დანია და ბელგია.
_________________
რუსეთი 24 თებერვალს, გამთენიისას შეიჭრა უკრაინაში და სრულმასშტაბიანი ომი დაიწყო. მეოთხე დღეა უკრაინელები ქვეყნის დასაცავად იბრძვიან.
შეიქმნა ვებგვერდი, რომელზეც ქვეყნდება ინფორმაცია უკრაინაში დატყვევებული და მოკლული რუსი ჯარისკაცების შესახებ. საიტის აღწერაში მითითებულია, რომ გვერდი შექმნილია უკრაინის შინაგან საქმეთა სამინისტროს მიერ.
ищи своих – ასე ეწოდება ვებგვერდს, რომელზეც ქვეყნდება ფოტო და ვიდეომასალა, ასევე, რუსი დაღუპული ჯარისკაცების დოკუმენტები, რაც შემთხვევის ადგილას იქნა ნაპოვნი.
„თუ თქვენი ნათესავები ან მეგობრები არიან უკრაინაში და მონაწილეობენ ჩვენი ხალხის წინააღმდეგ ომში – აქ შეგიძლიათ მიიღოთ ინფორმაცია მათი ბედის შესახებ. სამწუხაროდ, ძნელია ბევრი დაღუპულის იდენტიფიცირება. ჩვენ შეგნებულად ვაქვეყნებთ ამ ფოტოებსა და ვიდეოებს, მათ ამოსაცნობად“.
გუშინ, 26 თებერვალს, უკრაინამ სპეციალური ცხელი ხაზი აამუშავა, სადაც რუსი ჯარისკაცების ოჯახებს შეუძლიათ გაარკვიონ მათი ოჯახის წევრის მდგომარეობა, მაგალითად, არიან თუ არა ისინი ტყვედ ჩავარდნილი.
BBC ადგილობრივ Kyiv Independent-ზე დაყრდნობით აცხადებს, რომ ცხელ ხაზზე „ზარები არ წყდება“.
აჭარის რეგიონული ჰიდრომეტეოროლოგიური ობსერვატორიის ინფორმაციით, 27 თებერვლის 21 საათიდან 28 თებერვლის 21 საათამდე აჭარაში მოსალოდნელია ცვალებადი მოღრუბლულობა; უმეტესად უნალექოდ; იქროლებს ცვალებადი მიმართულების ქარი 10-15 მ/წმ-ში;
ჰაერის ტემპერატურა:
ზღვის პროგნოზი:
სამხრეთ დასავლეთის ქარი 6-11მ/წმ-ში; უმეტესად უნალექოდ; ხილვადობა კარგი; ტალღის სიმაღლე 5-10 დმ (2-3 ბალი). ზღვის წყლის ტემპერატურა +11 გრადუსია.
სინოპტიკოსების პროგნოზით აჭარის სანაპირო ზოლსა და მთიან რაიონებში, მომდევნო ორ დღეს, 1 და 2 მარტს მოსალოდნელია უმეტესად უნალექო ამინდი.
ქედის მუნიციპალიტეტისთვის ძალიან მნიშვნელოვანია ისეთ პროექტებზე ხელმისაწვდომობა, რაც სამოქალაქო საზოგადოების განვითარებას შეუწყობს ხელს. ელემენტარული სერვისების განვითარების გარეშე მუნიციპალიტეტებში შეუძლებელია დამოუკიდებელი და ანგარიშვალდებული სოციუმის ფორმირება.
ასეთ სერვისებად შეიძლება ჩაითვალოს საგრანტო პროგრამები სხვადასხვა მიმართულების დასაფინანსებლად, შშმ პირთა უფლებრივი მდგომარეობის გაუმჯობესება, ქალთა ძალადობის, განსაკუთრებით კი ინტელექტუალური შეზღუდვების შემთხვევაში ძალადობის შესახებ ცოდნა, ამგვარი პრაქტიკის თავიდან აცილების მიზნით, ახალგაზრდების განმავითარებელი ღონისძიებების გატარება და სხვა.
24 თებერვალს ქედის მუნიციპალიტეტის მერიაში თავისუფალ ჟურნალისტთა სახლის“, აჭარის ჰაბის ორგანიზებით გაიმართა შეხვედრა, სადაც ახალდაარსებული სამოქალაქო საზოგადობრივი ორგანიზაციების წარმომადგენლები და ქედის მერიის ხელმძღვანელი პირები მსჯელობდნენ იმის შესახებ, თუ რა გზებითაა შესაძლებელი მუნიციპალიტეტში სერვისებზე ხელმისაწვდომობის გაზრდა და ვის რა ინიციატივა აქვს, იდეები რომ რეალობად იქცეს. შეხვედრა გაიმართა „სამოქალაქო საზოგადოების ინიციატივის“ პროექტის ფარგლებში.
შეხვედრაზე მონაწილე ორგანიზაციებმა თავიანთ საქმიანობაზე ისაუბრეს, ყურადღება დაეთმო ასევე ქედის მუნიციპალიტეტის მერიის საგრანტო პროგრამას ადგილობრივი პროექტებისთვის.
ქედის მერიის საფინანსო სამსახურის უფროსმა ჯემალ ტაკიძემ შეხვედრის მონაწილეებს თანადაფინანსების პროგრამა გააცნო. პროგრამის ბიუჯეტი 100 000 ლარია და ქედის მერიაში პროექტის წარდგენისა და დაფინანსების მოთხოვნის შესაძლებლობა ყველას აქვს.
ჯემალ ტაკიძის ინფორმაციით, ქედის მერია ითანამშრომლებს ყველასთან, ვისაც საზოგადოებისთვის სასარგებლო იდეის განხორციელების სურვილი აქვს. უბრალოდ არის ერთი დათქმა – აუცილებელია პროექტი განხორციელდეს ქედაში და გრანტის თანამონაწილეობა არ უნდა აღემატებოდეს 50 პროცენტს.
დაფინანსებას გამოკვეთილი პრიორიტეტი არ აქვს და საზოგადოების განმავითარებელ ყველა მიმართულებას თანაბარი შესაძლებლობა ეძლევა.
შეხვედრას ესწრებოდა ადგილობრივი განვითარების ჯგუფის ხელმძღვანელი, ვლადიმერ თებიძე, რომლის ორგანიზაციაც შეზღუდული შესაძლებლობის მქონე
პირების საკითხებზე მუშაობს და მათი პროექტებიც შშმ პირებისთვისაა განკუთვნილი.
ვლადიმერ თებიძის თქმით, პანდემიის გამო გარკვეული ფინანსური რესურსი ვერ აითვისეს და ახლა ქედის მერიის წარმომადგენლებთან თანამშრომლობას გეგმავენ სასურველი შედეგის მისაღწევად. ქედის მუნიციპლიტეტის მერმა, როლანდ თებიძემ, ამ ინიციატივის საპასუხოდ განაცხადა, რომ ეკონომიისა თუ სხვა რესურსის ხარჯზე შეიტანენ წვლილს შშმ პირთათვის განკუთვნილი პროექტების განხორციელებაში.
შეხვედრაზე ისაუბრა საქართველოს დაუნის სინდრომის ასოციაციის აჭარის ფილიალის ხელმძღვანელმა დარინა დუმბაძემ – ორგანიზაციის მიზნებსა და ამოცანებზე:
„ჩვენი საქმიანობა მოიცავს შეზღუდული შესაძლებლობის მქონე პირთა ადვოკატირებას, ოჯახების გაძლიერებასა და მათ მხარდაჭერას. პრაქტიკა აჩვენებს, რომ განსაკუთრებით მოწყვლადები ინტელექტუალური შეზღუდვის მქონე პირები არიან. ჩვენ ახლა ვმუშაობთ პროექტზე, რომელიც 18 წელს გადაცილებული ინტელექტუალური შეზღუდვის მქონე ქალთა რეპროდუქციული უნარების განვითარებას ეხება. ვმუშაობთ ამ ჯგუფისთვის საჭირო ბროშურებისა და სახელმძღვანელოების შექმნაზე“ – ამბობს დაუნის სინდრომის ასოციაციის აჭარის ფილიალის ხელმძღვანელი.
დარინა დუმბაძემ ხაზი გაუსვა იმ რეალობას, რომ ინტელექტუალური შეზღუდვის მქონე პირები ხშირად ხდებიან ძალადობის მსხვერპლები თან ისე, რომ არ იციან
მათზე თუ იძალადეს. ეს ჯგუფი ხშირად ვერ იცავს თავს მოძალადისგან და ქვეყანაში მათზე მორგებული სერვისებიც ნაკლებადაა ხელმისაწვდომი.
მარიკა ფუტკარაძე ახალგაზრდების განვითარების ქსელის წარმომადგენელია, მისი ორგანიზაცია ქალთა უფლებებზე მუშაობს 2021 წლიდან და პროექტებში ჩართული მიყვნენ გოგოები ქედიდან. მარიკა ამბობს, რომ დაფინანსების ამგვარი შესაძლებლობა, რაც ახლა ქედაშია ხელმისაწვდომი მისი ორგანიზაციისთვის, ძალიან მნიშვნელოვანი იქნებოდა.
შშმ ქალთა ალიანსის დამფუძნებლის, დეა ერემაშვილის თქმით, ქედაში სულ 1000 შშმ პირია. აქედან 245 ბავშვი. „ამ ადამიანებს გარეთ გამოსვლა სურთ, მზად არიან აქტიურობისთვის და კარგი იქნება, რომ საზოგადოებრივ ცენტრებში ერთად ვიზრუნოთ მათ განვითარებაზე. მათ არ აქვთ ინფორმაცია უფასო განათლებისა თუ კოლეჯების შესახებ. ჩვენ მუნიციპალიტეტს აუცილებლად დავეხმარებით ხელმისაწვდომი სერვისების შესახებ ინფორმაციის გავრცელებაში,“ – ამბობს დეა ერემაშვილი.
აგრარული საქმიანობის გამოცდილება აქვს ვიტალი კილასონიას. ის ორგანიზაცია „ეკოვიტას” წარმოადგენს. მას აქვს იდეა – შექმნას ჯიშების ბანკი ქედაში, რაც გულისხმობს იმას, რომ გაკეთდეს კონკრეტული ჯიშის მოდელირება და გავრცელდეს მოსახლეობაში.„მცენარეების თესლი ძვირი ღირს, სათესლე ბანკის სისტემის შექმნა კარგი გამოსავალი იქნება.
ადგილობრივ ნაწარმს მეტი ფასი დაედება და ხარისხიც გაჯანსაღდება“ – ამბობს ვიტალი კილასონია.
„თავისუფალ ჟურნალისტთა სახლი“ მუნიციპალური თვითმმართველობის წარმომადგენლებთან შეხვედრებს აჭარის ყველა მუნიციპალიტეტში გეგმავს.
შეხვედრების მიზანია მუნიციპალიტეტებში, ადგილობრივი თვითმმართველობის წარმომადგენლების ინფორმირება პროექტის მიზნებისა და საქმიანობის შესახებ, აჭარაში მოქმედი სამოქალაქო საზოგადოების ორგანიზაციების საქმიანობის შესახებ პრეზენტაციის მოწყობა და პროექტის შესაძლებლობების გაცნობა.
ახალდაარსებული სამოქალაქო საზოგადოების ორგანიზაციების წარმომადგენლებსა და ქედის მერიის ხელმძღვანელ პირებს შორის
შეხვედრა „სამოქალაქო საზოგადოების ინიციატივის“ პროექტის ფარგლებში დაიგეგმა. პროექტი ევროკავშირისა და კონდრად ადენაუერის ფონდის დაფინანსებით ხორციელდება. პროექტის მიზანია გააძლიეროს სამოქალაქო საზოგადოება როგორც დამოუკიდებელი, მდგრადი, გამჭირვალე და ანგარიშვალდებული აქტორი მთელი საქართველოს მასშტაბით.
ბელარუსის პრეზიდენტი, ალექსანდრე ლუკაშენკო აცხადებს, რომ უკრაინაში შეიძლება სიტუაცია კიდევ უფრო გართულდეს.
„კონფლიქტი უკრაინაში ეს მხოლოდ დასაწყისია. დამიჯერეთ, ვიცი, რასაც ვამბობ. ზელენსკი ვერ დაიმალება, ვერც ამერიკულ და ვერც ერთ სხვა ბუნკერში“ – განაცხადა ლუკაშენკომ.
მან აღნიშნა, რომ დაფიქსირდა უკრაინიდან ბელარუსში იარაღის შეტანის შემთხვევები და უკრაინაში ამზადებდნენ ჯგუფებს ბელარუსში „პროვოკაციის მოსაწყობად“.
ლუკაშენკომ აღიარა, რომ ბელარუსიდან უკრაინის მიმართულებით იყო „2-3 სარაკეტო დარტყმა“, ოღონდ მხოლოდ „კონფლიქტის დასაწყისში“.
იგი ირწმუნება, რომ უკრაინის ტერიტორიაზე არც ერთი ბელარუსი ჯარისკაცი არ იმყოფება და ამის შესახებ, მისივე თქმით, გუშინ უთხრა საფრანგეთის პრეზიდენტს, მაკრონს.
ლუკაშენკო ასევე გამოეხმაურა ზელენსკის დღევანდელ მიმართვას ბელარუსი ხალხისადმი და განაცხადა, რომ ზელენსკიმ უკრაინელ და არა ბელარუს ხალხს უნდა მიმართოს.
დღეს, 27 თებერვალს, ბელარუსში რეფერენდუმი იმართება საკონსტიტუციო ცვლილებებისთვის, რითაც პარლამენტს პრეზიდენტის იმპიჩმენტის უფლება ერთმევა. ლუკაშენკო 27 წელზე მეტია ბელარუსის პრეზიდენტია.
______________________
ლუკაშენკო. ფოტო: tass.ru
ამავე თემაზე:
„უნდა ამერჩია ბათუმი ან ციხე“ – ცნობილი ბელარუსი უფლებადამცველის ცხოვრება ბათუმში
ცნობილი ფრანგი მწერალი, ფრედერიკ ბეგბედერი რუს მწერლებსა და მკითხველებს მიმართავს, დაარღვიონ დუმილი. მწერალი ასე ეხმიანება რუსეთის თავდასხმას უკრაინაზე. მან ვიდეო მიმართვა გაავრცელა.
„სამი დღის წინ ზელენსკი კლოუნი მეგონა, მაგრამ როგორც აღმოჩნდა, მას აქვს მსოფლიოში ყველაზე დიდი კვერცხები. და ვლადიმერ პუტინი კი არამარტო ძუკნაა, ის უფრო შეშინებულია, სასაცილოა და მას აქვს ძალიან, ძალიან პატარა პენისი.
მე მრცხვენია ჩემი მთავრობის, ჩემი მხდლების ქვეყნის, რომელიც არ მოდის სასწრაფოდ, თქვენს დასახმარებლად. მე მართლა მრცხვენია და ვფიქრობ, დასავლეთის მთავრობები უნდა დაგეხმარონ, რამდენადაც შესაძლებელია, სწრაფად. ვისურვებდი, ახლავე შეგვეძლოს წამოსვლა.
მე მინდა ვუთხრა ყველა ჩემს უკრაინელ მეგობარს, რომ მიყვარხართ, თქვენ ხართ მამაცი ხალხი და თქვენ იმსახურებთ იყოთ სრულიად თავისუფლები, იმიტომ რომ თქვენ ხართ ევროპელები, ევროპის ნაწილი, ნატოს ნაწილი – მე რომ შემეძლოს ამ გადაწყვეტილების მიღება, თქვენ იქნებოდით ჩვენი ნაწილი, თქვენი ჩვენი ძმები ხართ.
მივმართავ ჩემს რუს მკითხველებსა და რუს მეგობრებს: გთხოვთ, იმოქმედეთ, თქვით რას ფიქრობთ, რას გრძნობთ, უარყავით ეს სულელი დიქტატორი, შეაჩერეთ ეს! თქვენ არ შეგიძლიათ დუმილი, თქვენ არ გაქვთ დუმილის უფლება! რუსო მკითხველებო, თუ მოგწონთ ჩემი ნამუშევარი, გთხოვთ პატივი ეცით თავისუფლებას, შეაჩერეთ ეს სულელური უაზრო ომი!“ ამბობს ბეგდებერი.
_____________
რუსეთი 24 თებერვალს, გამთენიისას შეიჭრა უკრაინაში სრულმასშტაბიანი ომი დაიწყო. მეოთხე დღეა უკრაინელები ქვეყნის დასაცავად იბრძვიან.
უკრაინული საინფორმაციო – ანალიტიკური არხი «УКРАЇНА 24» უკვე SilkTV-შია.
დღეიდან შეგიძლიათ თვალი ადევნოთ უკრაინელი ჟურნალისტების მიერ გაშუქებულ მიმდინარე მოვლენებს, ნახოთ საათში ერთხელ საინფორმაციო გამოშვებები განახლებული ამბებით, მოუსმინოთ არხის ანალიტიკოსებს 24 საათიან რეჟიმში.
არხი УКРАЇНА 24 უფასოდ ხელმისაწვდომია SilkTV-ის ყველა პაკეტის მომხმარებლისთვის. ასევე უფასოდ დაემატა აპლიკაციაში SilkGo პაკეტს “Premium Georgia”.
მოძებნეთ არხი УКРАЇНА 24 თქვენს პაკეტში ნომრით 300 და გაეცანით მნიშვნელოვან ამბებს უკრაინიდან!
უკრაინის პრეზიდენტმა ვოლოდიმირ ზელენსკიმ დღეს, 27 თებერვალს, ვიდეო გაავრცელა, რომელშიც იგი რუსულ ენაზე მიმართავს ბელარუს ხალხს.
დღეს 27 თებერვალს ბელარუსში რეფერენდუმი იმართება საკონსტიტუციო ცვლილებებისთვის, რითაც პარლამენტს პრეზიდენტის იმპიჩმენტის უფლება ერთმევა. ლუკაშენკო 27 წელზე მეტია, პრეზიდენტია.
ზელენსკიმ ვიდეომიმართვაში განაცხადა, რომ ეს რეფერენდუმი ახლა ბელარუსი ხალხის მთავარი არჩევანია.
„წინა ღამე უკრაინაში სასტიკი იყო. ოკუპანტები იბრძვიან ყველას წინააღმდეგ.
უკრაინის ქალაქები ცხოვრობენ ისეთ პირობებში, როგორიც იყო ჩვენს და თქვენს ქვეყანაში მეორე მსოფლიო ომის დროს. მაგრამ ამ ომში თქვენ ჩვენს მხარეს არ ხართ, სამწუხაროდ.
თქვენი ტერიტორიიდან რუსეთის სამხედრო ძალები უკრაინისკენ რაკეტებს უშვებენ, თქვენი ტერიტორიიდან კლავენ ჩვენს შვილებს, ანგრევენ ჩვენს სახლებს, ცდილობენ ააფეთქონ ყველაფერი, რაც აშენდა ათწლეულების განმავლობაში არა მხოლოდ ჩვენს, არამედ ჩვენი მამების მიერ.
ახლა თქვენ წყვეტთ ვინ ხართ, როგორ ჩახედავთ თვალებში თქვენს შვილებს, ერთმანეთს, თქვენს მეზობლებს. და ჩვენ, უკრაინელები, ვართ თქვენი მეზობლები“ – განაცხადა ზელენსკიმ.
მან აღნიშნა, რომ წუხანდელი ღამე კიევში სასტიკი იყო და რუსი ოკუპანტები ცდილობენ ყველაფრის განადგურებას.
„კიევს თავს დაესხნენ დილის 4 საათზე. ვიღაცას ასეთი იუმორის გრძნობა აქვს. ისე, როგორც 1941 წელს. თქვენ გეძინათ ძმებო, ბელარუსებო. ჩვენ გავიღვიძეთ. მაგრამ თქვენ ახლაც გძინავთ. ჩვენ კი აღარ ვწვებით დასაძინებლად, იმიტომ რომ ვიბრძვით ჩვენი ქვეყნისთვის, ჩვენი თავისუფლებისთვის“.
უკრაინის პრეზიდენტმა ასევე განმარტა, თუ რატომ არ ეთანხმება კიევი მოლაპარაკების გამართვას მინსკში.
„თქვენი ტერიტორიიდან რომ არ ყოფილიყო აგრესიული ქმედება, ჩვენ შეგვეძლო მინსკში გველაპარაკა, თქვენს ქალაქში. როცა ნეიტრალური იყავით, ჩვენ ვლაპარაკობდით მინსკში, ჩვენ ბევრჯერ შევხვედრივართ.
ამიტომ არ ვლაპარაკობთ მინსკში.
ჩვენ არ გვინდა მშვიდობა, ჩვენ გვინდა ომის დამთავრება. ვარშავა, ბრატისლავა, ბუდაპეშტი, სტამბოლი, ბაქო – ეს ყველაფერი ჩვენ შევთავაზეთ, რუსულ მხარეს. ნებისმიერი სხვა ქალაქიც გვაწყობს იმ ქვეყნებში, საიდანაც უკრაინისკენ რაკეტები არ მოფრინავენ“ – განაცხადა ზელენსკიმ.
_____________
რუსეთი 24 თებერვალს, გამთენიისას შეიჭრა უკრაინაში და სრულმასშტაბიანი ომი დაიწყო. მეოთხე დღეა უკრაინელები ქვეყნის დასაცავად იბრძვიან.
სილქნეტის განცხადებით, დღეიდან უკრაინაში დარეკვა მისი აბონენტებისთვის უფასოა.
უკრაინაში უფასოდ დარკვა, შეიძლება როგორც სილქნეტი მობილური, ასევე ფიქსირებული ქსელიდან. დარეკვისას მომხარებელმა უნდა აკრიფოს:
27 თებერვლის დილის მონაცემებით, ბოლო 24 საათში საქართველოში კორონავირუსის 4 835 ახალი შემთხვევა დადასტურდა. ამავე პერიოდში ვირუსით გარდაიცვალა 41 პაციენტი.
დღეს ქვეყანაში გამოვლენილი ინფიცირების 4 835 ახალი შემთხვევიდან:
თბილისში გამოვლენილია 2 146 შემთხვევა, აჭარა – 245, იმერეთი – 845, ქვემო ქართლი -190, შიდა ქართლი – 227, გურია – 243, სამეგრელო – ზემო სვანეთი – 327, კახეთი – 442, მცხეთა-მთიანეთი – 82, სამცხე-ჯავახეთი – 61, რაჭა-ლეჩხუმი და ქვემო სვანეთი – 27.
stopcov.ge-ზე გამოქვეყნებული მონაცემებით, 27 თებერვლის მდგომარეობით საქართველოში კოვიდსტატისტიკა ასეთია:
საქართველოს პრეზიდენტი, სალომე ზურაბიშვილი Twitter-ის ოფიციალურ გვერდზე პოსტს აქვეყნებს, სადაც ამბობს, რომ უკრაინის პრეზიდენტს, ვოლოდიმირ ზელენსკის ესაუბრა.
“ვესაუბრე პრეზიდენტ ზელენსკის და კიდევ ერთხელ დავუდასტურე საქართველოს სრული სოლიდარობა უკრაინისადმი.
უკრაინისთვის და სრულიად ევროპისათვის ამ ტრაგიკულ დროს, პრეზიდენტი ზელენსკი სამაგალითო ლიდერია.
მთელი საქართველო უკრაინის გვერდითაა”.
Talked with President @ZelenskyyUa and reiterated Georgia’s full solidarity with the people of Ukraine.
In these tragic times for Ukraine and for all of Europe, President Zelenskyy is an exemplary leader.
All of Georgia 🇬🇪 #StandsWithUkraine 🇺🇦
— Salome Zourabichvili (@Zourabichvili_S) February 26, 2022
გუშინ, 25 თებერვალს, ვოლოდიმირ ზელენსკიმ თავის გამოსვლებში მადლობა გადაუხადა საქართველოს მოქალაქეებს მხარდაჭერისთვის. მან თქვა, “გასაოცარი ქართველი ხალხი, რომელიც ხვდება რომ მეგობრებს მხარი უნდა დაუჭირო. მადლობა ყველას ვინც თბილისსა და სხვა ქალაქებში უკრაინის მხარდასაჭერად და ომის წინააღმდეგ გამოვიდა. არის ხოლმე დრო, როცა ხალხი არ არის მთავრობა, მაგრამ მასზე უკეთესია“.
___
მე-3 დღეა, რუსეთმა უკრაინის წინააღმდეგ სრულმასშტაბიანი ომი დაიწყო. რუსული ჯარები უკრაინაში შეიჭრნენ სამი მხრიდან – ჩრდილოეთიდან (ბელარუსი), აღმოსავლეთიდან (დონეცკი-ლუგანსკი) და სამხრეთიდან (ყირიმი).
პარალელურად, არტილერია და ავიაცია ბომბავს უკრაინის ქალაქებს, მათ შორის, დედაქალაქ კიევს. რუსეთის პრეზიდენტი ვლადიმირ პუტინი აცხადებს, რომ მათი მიზანი „უკრაინის დემილიტარიზაცია და დენაციფიკაცია.
26 თებერვალს სხვადასხვა მედიამ გაავრცელა ინფორმაცია, რომ რუსეთში Twitter-ზე ახალი მომხმარებლების რეგისტრაცია დაბლოკილია.
Twitter-მა შაბათს განაცხადა, რომ მას შეზღუდული რესურსები აქვს რუსეთის შიგნით და მუშაობს ამ საკითხის მოგვარებაზე.
„ჩვენ ვიცით, რომ Twitter შეზღუდულია ზოგიერთი ადამიანისთვის რუსეთში და ვმუშაობთ ჩვენი სერვისის უსაფრთხოებასა და ხელმისაწვდომობაზე“, – დაწერა კომპანიამ მხარდაჭერის ანგარიშზე.
We’re aware that Twitter is being restricted for some people in Russia and are working to keep our service safe and accessible.
— Twitter Support (@TwitterSupport) February 26, 2022
CNN-ის ინფორმაციით, Twitter-ს მაშინვე არ გაუკეთებია კომენტარი იმის თაობაზე, უკავშირდება თუ არა ეს პრობლემა რუსეთის მთავრობას ან აპირებს თუ არა რაიმე ქმედებას რუსეთთან მიმართებით.
უკრაინის ომბუდსმენის, ლიუდმილა დენისოვა დღევანდელი განცხადების მიხედვით, რომელიც მან ტელეგრამით გაავრცელა, დაახლოებით 25 ათასმა უკრაინელმა ლტოლვილმა შეაფარა თავი მოლდოვას, 29 ათასი კი პოლონეთში გადავიდა.
გაეროს ცნობით ჯამში 100 ათასამდე უკრაინელმა დატოვა ქვეყანა.
ომბუდსმენის ცნობით, უკრაინელ ლტოლვილებს იღებს სლოვაკეთი, რუმინეთი და უნგრეთი. უკრაინის სახელმწიფო სასაზღვრო სამსახური იუწყება, რომ უკრაინის დასავლეთის სასაზღვრო გამშვებ პუნქტებთან ათობით ათასი უკრაინელია.
უკრაინის ომბუდსმენმა მოლდოვას, პოლონეთის, უნგრეთის, სლოვაკეთისა და რუმინეთის კოლეგა ომბუდსმენებს მოუწოდა უკრაინელი ლტოლვილების დახმარებისკენ. მან მადლობა გადაუხადა ამ ქვეყნის მმართველებს უკრაინისა და უკრაინელი ხალხის მხარდაჭერისთვის.
დღეს, 26 თებერვალს, მესამე დღეა რაც რუსეთი თავს დაესხა უკრაინას და დაბომბა არაერთი ქალაქი, მათ შორის კიევი, ხარკოვი, მარიუპოლი, ოდესა და სხვა ქალაქები. არის მსხვერპლი. დაღუპულები არიან როგორც სამხედრო, ასევე სამოქალაქო პირები. რუსეთის საჰაერო, ქვეითი და შეიარაღებული ძალები უტევენ, როგორც სტრატეგიულ ობიექტებს, ასევე მშვიდობიან მოსახლეობას.
საფრანგეთის პრეზიდენტი, ემანუელ მაკრონი აცხადებს, რომ მზად არიან, ზეწოლისა და დესტაბილიზაციის შემთხვევაში, მხარი დაუჭირონ საქართველოს. ამის შესახებ მაკრონი ტვიტერზე წერს.
„საქართველო და მოლდოვა ჩვენი კავშირის მეზობელი ქვეყნებია, ისინი ჩვენი პარტნიორები და მეგობრები არიან. დღეს დილით ამ ქვეყნის პრეზიდენტებს მე დავუდასტურე ჩვენი მზადყოფნა მხარდაჭერის შესახებ ზეწოლისა და დესტაბილიზაციის ნებისმიერი მცდელობის შემთხვევაში.
ჩვენ მხარს დავუჭერთ მათ კრიზისის დროს“ – წერს მაკრონი.
La Géorgie et la Moldavie sont des pays voisins de notre Union, elles sont nos partenaires et amies. À leurs présidentes, j’ai réaffirmé ce matin notre détermination à les soutenir contre toute tentative de tensions et de déstabilisation. Solidaires dans la crise, nous le serons.
— Emmanuel Macron (@EmmanuelMacron) February 26, 2022
დღეს, 26 თებერვალს, ცნობილი გახდა, რომ მაკრონმა ზურაბიშვილი უახლოეს დღეებში პარიზში სამუშაო ვიზიტით მიიწვია. საქართველოს პრეზიდენტის ადმინისტრაციის ცნობით, შეხვედრა მომავალი კვირის დასაწყისში შედგება.
ბათუმში, ევროპის მოედანაზე, უკრაინის სოლიდარობის აქცია იმართება. აქციაზე შეკრებილ მოქალაქეებთან ერთად არიან ბათუმში მცხოვრები უკრაინელები და ბელარუსები, ასევე სხვადასხვა პარტიისა და არასამთავრობო ორგანიზაციის წარმომადგენლები.
უკრაინის მხარდამჭერი აქციები ბათუმში მესამე დღეა იმართება. დღეს, 26 თებერვალს, აქციაზე გააჟღერეს ინფორმაცია, რომ ბიზნესის წარმომადგენლები უკრაინის მოქალაქეებს სხვადასხვა ტიპის დახმარებას სთავაზობენ, აფთიაქებმა კი მათ მედიკამენტების 100-ლარიანი ვაუჩერი გადასცეს.
„ჩვენ ამ მედიკამენტებს გავუგზავნით უკრაინელ ჯარისკაცებს“ – აღნიშნეს აქციის მონაწილე უკრაინელებმა.
უკრაინის მოქალაქეების ინფორმაციით უახლოეს მომავალში სოციალური ქსელით გავრცელდება ინფორმაცია იმის შესახებ თუ რა მისამართზე შეიძლება მიაწოდონ ნივთები, რომლის გაგზავნაც უნდათ უკრაინაში, მოქალაქეების დასახმარებლად, ასევე შეიქმნება ანგარიში ფინანსური დახმარების მსურველთათვის.
დღესვე აქციაზე შეკრებილებმა დააფიქსირეს თავიანთი პოზიცია საქართველოს პრემიერის განცხადებასთან დაკავშირებით და თქვეს, რომ ისინი პრემიერის განცხადებას არ ეთანხმებიან.
გუშინ, 25 თებერვალს ირაკლი ღარიბაშვილმა თქვა, რომ საქართველო არ შეუერთდება სანქციებს რუსეთის წინააღმდეგ.
მესამე დღეა რუსეთი უკრაინის წინააღმდეგ სრულმასშტაბიან ომს აწარმოებს. რუსული ჯარები უკრაინაში შეიჭრა სამი მხრიდან – აღმოსავლეთიდან (ბელარუსი), ჩრდილოეთიდან (დონეცკი-ლუგანსკი) და სამხრეთიდან (ყირიმი). პარალელურად, არტილერია და ავიაცია ბომბავს უკრაინის ქალაქებს, მათ შორის დედაქალაქ კიევს.
რუსეთის პრეზიდენტი ვლადიმერ პუტინი აცხადებს, რომ მათი მიზანი „უკრაინის დემილიტარიზაცია და დენაციფიკაციაა“.
უკრაინის პრეზიდენტი ვოლოდიმირ ზელენსკი აცხადებს, რომ ის არსად წასვლას არ აპირებს.
გერმანული მედიის ცნობით, 25 თებერვალს, ბერლინში, გერმანიის ყოფილი კანცლერი ანგელა მერკელი გაძარცვეს.
მედიის ცნობით, მერკელს, რომელიც სუპერმარკეტში იმყოფებოდა, საფულე მოჰპარეს, რომელშიც მისი პირადობის და მართვის მოწმობები, თანხა და ბარათები იყო.
„დოიჩე ველეს“ ცნობით, პოლიცია ადასტურებს „67 წლის ქალის“ გაძარცვას, თუმცა მის ვინაობას არ ასახელებს. გამოცემა Bild-ის ცნობით, საფულე იყო ჩანთაში, რომელიც სუპერმარკეტის კალათაზე იყო ჩამოკიდებული.
მერკელის ოფისი აღნიშნულზე კომენტარს არ აკეთებს.
„დოიჩე ველე“ წერს, რომ მერკელი ცნობილია იმით, რომ მაშინაც კი, როცა კანცლერი იყო, ყოველთვის თავად დადიოდა საყიდლებზე.
მერკელი 16 წლის წლის განმავლობაში იყო გერმანიის კანცლერის პოსტზე.
„მოვუწოდებთ ხელისუფლებას დადგეს ანტირუსული დასავლური ალიანსის გვერდით და საქართველოს უსაფრთხოების გეგმა დასახოს ქვეყნის დასავლელ სტრატეგიულ პარტნიორებთან ერთად“ – არასამთავრობო ორგანიზაციები საქართველოს პრემიერ-მინისტრის, ირაკლი ღარიბაშვილის განცხადებას ეხმაურებიან.
გუშინ, 25 თებერვალს პრემიერმა განაცხადა, რომ რუსეთს სანქციებს საქართველო არ დაუწესებს და ის ვერც კიევში ჩასვლის აზრს ვერ ხედავს.
არასამთავრობო ორგანიზაციები განცხადებას ავრცელებენ, სადაც აცხადებენ, რომ საქართველოს პრემიერ-მინისტრის განცხადებას ემიჯნებიან.
განცხადებაში ნათქვამია:
„რუსეთის მიერ საერთაშორისო სამართლის უხეში დარღვევის, უკრაინაზე თავდასხმისა და მშვიდობიანი მოსახლეობის წინააღმდეგ სასიკვდილო იარაღის გამოყენების ფონზე, გავრცელდა საქართველოს პრემიერ-მინისტრის განცხადება, რომ არ აპირებს შეუერთდეს რუსეთის წინააღმდეგ დაწესებულ ფინანსურ და ეკონომიკურ სანქციებს.
ასევე, მმართველმა პარტიამ ჩაშალა პარლამენტის რიგგარეშე სხდომა უკრაინის საკითხზე. ხელმომწერი ორგანიზაციები ცალსახად ვემიჯნებით და ვგმობთ პრემიერის აღნიშნულ განცხადებას, რადგან იგი არ გამოხატავს ქართველი ერის სულისკვეთებას, არ ემსახურება მის ინტერესებს და არ მართლდება ე.წ. არგაღიზიანების პოლიტიკით.
აღსანიშნავია, რომ პრემიერის განცხადება გავრცელდა 25 თებერვალს, როცა საქართველო ტკივილით იხსენებს, 101 წლის წინ, 1921 წელს საბჭოთა რუსეთის შემოჭრასა და პირველი რესპუბლიკის დაცემას, რასაც შედეგად დამოუკიდებლობის დაკარგვისა და ტერორის 70 წელი, ადამიანის უფლებების ფეხქვეშ გათელვა, სასტიკი რეპრესიები, საქართველოს ინტელექტუალური ელიტის განადგურება მოჰყვა.
საქართველოს მეგობრისა და სტრატეგიული მოკავშირის, უკრაინისთვის ამ რთულ დროს დასავლური ერთობისგან გამიჯვნა არის ქვეყნის უსაფრთხოებისთვის პირდაპირი დარტყმა და ისტორიულად შეფასდება როგორც უღირსი საქციელი. ამასთან, აღქმული იქნება ქვეყნის სტრატეგიული პარტნიორისა და მეგობრის ღალატად, რომელიც ახლა უთანასწორო ბრძოლაშია მტრის წინააღმდეგ.
პრემიერის განცხადება არ გამოხატავს საქართველოს საზოგადოების აზრს, რომელმაც 24 თებერვალს გამართული უკრაინელი ხალხის მხარდამჭერი მრავალრიცხოვანი აქციისას ნათლად გამოხატა ისტორიის რომელ მხარეს სურს ყოფნა.
შესაბამისად, მოვუწოდებთ საქართველოს ხელისუფლებას:
განცხადებას ხელს აწერენ შემდეგი ორგანიზაციები: სამართლიანი არჩევნებისა და დემოკრატიის საერთაშორისო საზოგადოება (ISFED); საერთაშორისო გამჭვირვალობა საქართველო (TI); მედიის განვითარების ფონდი (MDF); საქართველოს სტრატეგიისა და საერთაშორისო ურთიერთობების კვლევის ფონდი; ღია საზოგადოების ფონდი (OSGF); საქართველოს ატლანტიკური საბჭო; საქართველოს სასამართლოს გუშაგი (Georgian Court Watch); პრევენცია პროგრესისთვის; პარტნიორობა ადამიანის უფლებებისთვის (PHR); საქართველოს დემოკრატიული ინიციატივა (GDI); ადამიანის უფლებათა ცენტრი; ეკონომიკური პოლიტიკის კვლევითი ცენტრი (EPRC); დემოკრატიის კვლევის ინსტიტუტი; დემოკრატიისა და უსაფრთხო განვითარების ინსტიტუტი (IDSD); სოციალური სამართლიანობის ცენტრი.
___________________________________
ფოტოზე: სოლიდარობა უკრაინას – აქცია თბილისში. 25 თებერვალი, 2022 წ. ფოტო: ნეტგაზეთი/ნინო ბიძინაშვილი
უკრაინაში მიმდინარე მოვლენებთან დაკავშირებით დაზარალებული მოსახლეობის დასახმარებლად საქართველოს მთავრობის სარეზერვო ფონდიდან 1 მილიონი ლარი გამოიყოფა – ინფორმაციას საქართველის მთავრობა ავრცელებს, შესაბამისი განკარგულება უკვე მზადაა და მას ხელს პრემიერ-მინისტრი მოაწერს.
ლატვიამ და ესტონეთმა დღეს, 26 თებერვალს განაცხადეს, რომ საჰაერო სივრცეს კეტავენ რუსული ავიაკომპანიებისთვის.
„ბიბისის“ ცნობით, ბოლო მონაცემებით, რუსეთის უკრაინაში შეჭრის შემდეგ სულ ექვსმა ქვეყანამ დაუკეტა რუსულ ავიაკომპანიებს ცა. ეს ქვეყნებია: პოლონეთი, ჩეხეთი, ბულგარეთი, დიდი ბრიტანეთი, ლატვია და ესტონეთი.
მე-3 დღეა რუსეთის ფედერაციამ უკრაინაში სრულმასშტაბიანი ომი დაიწყო.
26 თებერვლის მონაცემებით, უკრაინის თავდაცვის ძალების თანახმად, კიევიდან 29 კილომეტრში, ვასილკოვში, სადაც „ოკუპანტები დესანტის გადმოსხმას ცდილობენ“, მძიმე ბრძოლებია.
ხელჩართული ბრძოლებია კიევის ქუჩებშიც, სადაც მთელი ღამე აფეთქებების ხმა ისმოდა.
რუსეთი 24 თებერვალს, გამთენიისას შეიჭრა უკრაინაში სრულმასშტაბიანი ომი დაიწყო. შეჭრას წინ უძღოდა რუსეთის პრეზიდენტის მიერ უკრაინის სეპარატისტული დონბასის და ლუგანსკის დამოუკიდებლობის აღიარება.
რუსეთის პრეზიდენტი ვლადიმირ პუტინი აცხადებს, რომ მათი მიზანი „უკრაინის დემილიტარიზაცია და დენაციფიკაციაა“.
ბათუმში დღეს, 26 თებერვალს, 18:00 საათზე, ევროპის მოედანზე უკრაინის მხარდასაჭერი აქცია გაიმართება. აქცია ფეისბუქზე ანონსდება. ამ აქციას 19:საათიდან მოძრაობა „სირცხვილია“ შეუერთდება, უფრო ადრე 16:00 საათზე აქციის გამართვას სტუდენტები გეგმავენ.
ბოლო რამდენიმე დღის განმავლობაში უკრაინის სოლიდარობის აქცია ბათუმში ევროპის მოედანზე, ასევე უკრაინის საკონსულოსთან, ყოველ საღამოს იმართება.
გუშინ, 25 თებერვალს, თბილისში, მთავრობის ადმინისტრაციასთან შეკრებილმა მოქალაქეებმა ირაკლი ღარიბაშვილის განცხადებებიც გააპროტესტეს, რომელმაც გუშინ თქვა, რომ საქართველო არ შეუერთდება სანქციებს რუსეთის წინააღმდეგ. აქციის მონაწილეები აცხადებდნენ, რომ ირაკლი ღარიბაშვილი საქართველოს მოსახლეობის უმრავლესობის აზრს არ გამოხატავს.
უკრაინის პრეზიდენტმა ვოლოდიმირ ზელენსკიმ მხარდაჭერისთვის აქციის მონაწილეებს მადლობა გადაუხადა.
„გასაოცარი ქართველი ხალხი, რომელიც ხვდება, რომ მეგობრებს მხარი უნდა დაუჭირო. მადლობა ყველას, ვინც თბილისსა და სხვა ქალაქებში უკრაინის მხარდასაჭერად და ომის წინააღმდეგ გამოვიდა. არის ხოლმე დრო, როცა ხალხი არ არის მთავრობა, მაგრამ მასზე უკეთესია“ ,- დაწერა ვოლოდიმირ ზელენსკი ტვიტერზე.
რუსეთი უკრაინის წინააღმდეგ სრულმასშტაბიან ომს აწარმოებს. რუსული ჯარები უკრაინაში შეიჭრა სამი მხრიდან – აღმოსავლეთიდან (ბელარუსი), ჩრდილოეთიდან (დონეცკი-ლუგანსკი) და სამხრეთიდან (ყირიმი). პარალელურად, არტილერია და ავიაცია ბომბავს უკრაინის ქალაქებს, მათ შორის დედაქალაქ კიევს.
რუსეთის პრეზიდენტი ვლადიმერ პუტინი აცხადებს, რომ მათი მიზანი „უკრაინის დემილიტარიზაცია და დენაციფიკაციაა“.
უკრაინის პრეზიდენტი ვოლოდიმირ ზელენსკი აცხადებს, რომ ის არსად წასვლას არ აპირებს.
უკრაინის საგარეო საქმეთა მინისტრის, დმიტრო კულებას განცხადებით საფრანგეთი მზადაა უკრაინას იარაღით დაეხმაროს და მხარს უჭერს რუსეთის SWIFT-იდან გათიშვას.
„ვესაუბრე ჩემს ფრანგ კოლეგას. საფრანგეთი მხარს უჭერს რუსეთის SWIFT-იდან გათიშვას. საფრანგეთი ასევე მზადაა უკრაინას თავდაცვისთვის მიაწოდოს იარაღი და ტექნიკა“ – წერს კულება ტვიტერზე.
Розмова з французьким колегою та другом Жаном-Івом Ле Дріаном. Франція підтримує відключення РФ від SWIFT. Наполягаю на негайному введені 3-го пакету санкцій ЄС, щоб зупинити вторгнення РФ. Франція також готова постачати зброю та обладнання, щоб допомогти Україні захистити себе.
— Dmytro Kuleba (@DmytroKuleba) February 26, 2022
SWIFT-ის გარეშე, რუსეთიდან და რუსეთში თანხების გადარიცხვა სხვადასხვა ტრანზაქციისთვის, ვეღარ მოხდება.
დასავლეთს ჯერ არ მიუღია ფინანსური გაერთიანებიდან რუსეთის გამორიცხვის შესახებ გადაწყვეტილება.
ასევე დღეს, კულებამ განაცხადა, რომ კვიპროსი არ დაბლოკავს რუსეთის SWIFT-ის სისტემიდან გათიშვის გადაწყვეტილებას.
რა ხდება უკრაინაში და როგორ ჩანს საქართველო, როგორც თავადაც ოკუპირებული ქვეყანა დღეს, მსოფლიოს თვალში? – ეს კითხვა განსაკუთრებით აქტუალურია საქართველოს პრემიერ-მინისტრის, ირაკლი ღარიბაშვილის განცხადების შემდეგ. გუშინ, 25 თებერვალს, პრემიერმა თქვა, რომ უკრაინაში ჩასვლის აზრს ვერ ხედავს და საქართველო არც რუსეთის წინააღმდეგ დაწესებულ სანქციებს შეუერთდება. მთავრობის გადაწყვეტილებები მან ეროვნული ინტერესებით ახსნა.
უკრაინაში განვითარებული მოვლენები და საქართველო – ამ თემაზე „ბათუმელების“ კითხვებს შერიგებისა და სამოქალაქო თანასწორობის საკითხებში ყოფილი სახელმწიფო მინისტრი, პაატა ზაქარეიშვილი პასუხობს.
საქართველო არანაირად არ წარმოჩნდა, არ არსებობს საქართველო საერთოდ, მსოფლიოს თვალში სულ სხვა პრობლემებია და იქ საქართველო არ ჩანს არსად. ვინც მუშაობს საქართველოზე და წარმოდგენა აქვს, ხედავს, რომ საქართველო არის უსამარცხვინოეს ვითარებაში, როცა ყველანაირად ცდილობს რუსეთის გული მოიგოს და არ გააღიზიანოს ის.
პარლამენტის დახურვა არის გამაოგნებელი. ეს ხალხი ჩაბარდება რუსეთს, როგორც არაფერი და პარლამენტსაც დახურავს სამუდამოდ. არ შეიძლებოდა პარლამენტში ყოფილიყო სხდომა და კამათი? – ეს არის შიში, ასეთი მუხლების კანკალი ვერ წარმომედგინა. ეს ძალიან ცუდად ჩანს იმ ხალხის თვალში, ვისაც საქართველო აინტერესებს და საერთოდ, იმ ადამიანის თვალში, ვისაც აინტერესებს საქართველო.
რა თქმა უნდა, რა პრობლემა იქნებოდა? – რა განცხადება იყო დღეს ღარიბაშვილის, როცა თქვა, არ ვუწესებ სანქციებს რუსეთსო. ხომ შეიძლება ეთქვა, გვაქვს პარტნიორებთან კონსულტაციები, ვფიქრობთ როგორ განვახორციელოთ, რამდენად ეფექტური ან სწორი იქნება… უამრავი დიპლომატიური სისულელის თქმა შეიძლებოდა. რა აზრი აქვს უშიშროების საბჭოს სხდომის მოწვევას და შოუს მოწყობასო… როდის აქეთაა უშიშროების საბჭო შოუ.
ისეთი განცხადებები გააკეთა ღარიბაშვილმა, რომ რუსეთს და პუტინს უთხრა – „დამინახე, მიყურე, ნახე, ყველაფერს რა კარგად ვაკეთებ, არაფერი შეცდომა არ მომდის, ძალიან სწორ გადაწყვეტილებებს ვიღებ“. ეს არის გამაოგნებელი.
ტრაგედია რა არის იცით? ხომ არიან ფრთხილები, ცდილობენ არ გააღიზიანონ… როგორ „დაუფასდებათ“?! თუ რუსეთი არ მოითხოვს, რომ ჩვენ უარი ვთქვათ ნატოსა და ევროკავშირზე, მაშინ ჩემს სიტყვებს უკან წავიღებ და ბოდიშს მოვიხდი, ვიტყვი, რომ ყოჩაღ, გაამართლა. თუ რუსეთმა მოითხოვა უარი თქვით ნატოზეო, მაშინ როგორ იმართლებენ თავს, რას იტყვიან, რატომ იყვნენ ფრთხილები და რატომ იყვნენ არგაღიზიანების პოლიტიკაში?
რუსეთს ახლა უკრაინასთან აქვს საქმე და ჩვენთვის არ სცალია, როგორც კი მოაგვარებს უკრაინასთან, შემდეგ როგორ გამოძვრებიან?! თუმცა ვის ადარდებს გამოძრომა – არ გამოძრომა, რუსეთს დაასწრებენ, არ მივდივართ ნატოშიო.
გარდა ამისა, არ მესმის, როგორ აპირებენ, რომ კონსტიტუციიდან ამოიღონ მუხლი ნატოში გაწევრიანების სურვილზე. დარწმუნებული ვარ სხედან და ფიქრობენ, ეს რა უბედურება მოგვივიდა, 2017 წელს კონსტიტუციაში რომ ჩავწერეთ – მივდივართ ნატოშიო.
„ოცნებას“ პარლამენტში არა აქვს უმრავლესობა და ოპოზიციაში ეჭვი მეპარება, რომ იყოს ვინმე, ვინც მხარს დაუჭერს კონსტიტუციურ ცვლილებებს. მე მიხარია, რომ კონსტიტუციაში წერია ეს, თუმცა არ მიმაჩნდა თავიდან აუცილებელ მოვლენად, შესაძლებელია ამან შედეგი გამოიღოს, ანუ გამოააშკარაოს, „ოცნების“ ბუნება, რომ ისინი მზად არ არიან ნატოში გაწევრიანებაზე.
თუ ჩვენ თვითონ უარს ვიტყვით, მეტი რაღა უნდა ნატოს, დიდი სიამოვნებით გააუქმებს ბუქარესტის რეზოლუციას, სადაც წერია, ადრე თუ გვიან აუცილებლად მივიღებთ უკრაინას და საქართველოს ნატოშიო. უკრაინა დღეს თუ ხვალ იტყვის უარს და შემდეგ ჩვენ ვიტყვით.
მინისტრი ისე გავხდი და წამოვედი, ვერ გავიგე რა არის სახელმწიფო ინტერესები. ყველას ვეკითხებოდი, ვიკითხე ერთხელ, ბათუმში მეჩეთის არ გახსნა ეს სახელმწიფოს ინტერესებში შედის თუ არ შედის. მეუბნებოდნენ, რომ არ შედიოდა სახელმწიფო ინტერესებში, ეწინააღმდეგებოდა. იტყვიან, რომ ნატოში არ მივდივართ და ეს ეროვნულ ინტერესებს შეესაბამებაო.
და რა არის ეს ეროვნული ინტერესები, ის, რომ ცოცხლები ვიყოთ და მონები? – მაშინ ჩამოაყალიბონ, გააგრძელონ ფრაზა, რა არის ეს ეროვნული ინტერესები.
ეროვნული ინტერესები არის სახელმწიფოს დაკვეთა, ხალხის დაკვეთა. როცა შენ ხარ მემარცხენე პოლიტიკური პარტია და არჩევნებში იმარჯვებ, უნდა გაატარო მემარცხენე პოლიტიკა, ამომრჩევლის დაკვეთა არის ეს. სად, რომელ ეროვნულ ინტერესებს შეესაბამება ის, რასაც ამბობდა ღარიბაშვილი, სად წერია ეროვნული ინტერესები ამ ფორმით. თავში მოუვიდა რაღაც და ამბობს. სანქციების არ გატარება კიდევ შეიძლება ახსნა, მეორე მხრივ, რა არის ეროვნული ინტერესი, აუცილებლად დასაზუსტებელია.
დიახ, სწორედ ეს არის. ანუ ამ საზოგადოების ინტერესებია როცა ამბობ, რომ ეს ხალხის დაკვეთაა?! რომელი ხალხის დაკვეთაა, არ ჩანს, ის ხალხი გამოვიდა ქუჩაში…
ამ ხელისუფლებას შეაშინებს მხოლოდ ერთი რამ – თუ გამოვა 100 000 კაცი და სახლში არ წავა, ანუ საზოგადოების განწყობა იქნება მნიშვნელოვანი. გაზაფხული მოდის და გარეთ დგომა რთული არ არის, 50 000 კაციც კი საკმარისია ერთი კვირა გარეთ იდგეს ქუჩაში, რომ მიხვდნენ, რომ მათ მიერ აღებული კურსი ეწინააღმდეგება ხალხის ინტერესებს.
ეს ახლა არ მოხდება სამწუხაროდ, ამიტომ მე მეშინია, რომ საზოგადოება დაიღალა, არჩევანი არ აქვს. კი ბატონო, „ოცნება“ არ მოსწონს, მაგრამ სად არის არჩევანი, როცა თვითონ „ოცნებაც“ ეფექტურად ყიდის „ნაციონალური მოძრაობის“ დაბრუნების ვარიანტებს.
„ნაციონალური მოძრაობა“, რომელიც საზოგადოების დიდ ნაწილს არ უნდა ან „ოცნება“, რომელიც ასევე არ უნდა – ამიტომ, ვინც არის დღეს ხელისუფლებაში, ის რჩება. საზოგადოება ვერ ხედავს სხვა არჩევანს. დღეს რომ ყოფილიყო „ნაციონალური მოძრაობა“ ხელისუფლებაში, არსად წავიდოდა იმიტომ, რომ საზოგადოება მისი შეცვლის აუცილებლობას ვერ დაინახავდა. ვინც შერჩა ხელში საზოგადოებას იმას აძლევს ხმას, ამიტომ მე ვერ ვხედავ ცვლილებებს.
ხელისუფლებას რომ უნდოდეს ქვეყნის გადარჩენა, არის გამოსავალი. უნდა გვქონდეს საუბარი მუდმივად ვაშინგტონთან, ბრიუსელთან, ანკარასთან, ჩვენი მოკავშირეა თურქეთი დღეს. თურქეთმა გააკეთა გენიალური, ფანტასტიკური განცხადება უკრაინასთან მიმართებაში. თურქეთმა თქვა, ნატო ცუდად მოიქცა, ვერ შეასრულა თავისი პირობებიო. ჩვენ ვართ მისი მეზობელი, დღეს ჩვენი მთავრობა რომ იყოს მოწოდების სიმაღლეზე, ზალკალიანი ახლა უნდა იყოს ანკარაში და იქ უნდა ლაპარაკობდეს, თუ როგორ შეიძლება ვიპოვოთ გამოსავალი, იმიტომ, რომ პუტინმა დაიცვა აზერბაიჯანი და აზერბაიჯანმა თავის საწადელს მიაღწია, ყარაბაღის საკითხი მოაგვარა.
ამ წუთში გვჭირდება თურქეთი ყველაზე უფრო მეტად. ფაქტია, რომ ისაა ჩვენი მეკავშირე დღეს რეალური, მის ინტერესებშიცაა შავი ზღვის უსაფრთხოება და კავკასიის უსაფრთხოება. თურქეთს სჭირდება გასვლა ცენტრალურ აზიაში და დერეფანი არის საქართველო, მას არ სჭირდება პრობლემები საქართველოსთან, სჭირდება კარგი ურთიერთობები.
რუსეთი ამას ხელს შეუშლის, მხოლოდ ჩვენ ვართ გამტარებლები.
რა თქმა უნდა. ჩვენ ერთადერთი ქვეყანა ვართ უკრაინასთან ერთად, რომელმაც მიიღო დარტყმა რუსეთისაგან. ჩვენი რეზოლუცია ყველაზე მკაცრი უნდა ყოფილიყო. ჩვენ გაგვიჩნდა უნიკალური შანსი, 2008 წლის შემდეგ შეგვეტყობინებინა მსოფლიოსთვის, რომ ვარსებობთ. უკრაინა და საქართველო ერთად უნდა ყოფილიყო, მაგრამ არა, ჩვენ ჩავხსენით საქართველო, თითქოს არაფერი საერთო არა გვაქვს იმასთან, რაც ხდება უკრაინაში.
სამარცხვინო რამ ხდება, ძალიან მწყდება გული, რომ ჩვენი 30-წლიანი დამოუკიდებლობა ასე პრიმიტიულად დავახურდავეთ.
2012 წლიდან უნდა დაგვეწყო მუშაობა ამაზე, მაგრამ როცა დავიწყეთ მუშაობა კოალიცია „ქართულმა ოცნებამ“, სადაც იყვნენ „რესპუბლიკელები“ და „თავისუფალი დემოკრატები“, ივანიშვილი მიხვდა, ამათთან მუშაობა არ გამოვაო და ჩაგვხსნა.
ივანიშვილმა გამოიყვანა ისეთი ჯიში პოლიტიკოსებისა, როგორიც არის კობახიძე და მდინარაძე.
ყველა ფრაზა არის ერთიმეორეზე სამარცხვინო. მოსახლეობა ზიანდება, როცა ხელისუფლება თავისი მოწოდების სიმაღლეზე არაა. 2008 წელს მოსახლეობა დაზიანდა და ეს მართლა ასეა, ეს „ნაციონალური მოძრაობის“ სინდისზეა ნამდვილად, მაგრამ დიდი დრო გავიდა, მიუხედავად ამისა, რომ ყველაზე დიდი კრიტიკოსი ვიყავი, ბოლო სამი წელია, აგვისტო რომ მოდის, ხმას არ ვიღებ, იმიტომ, რომ როგორც კი 2008 წლის 8 აგვისტოზე ხმას ამოიღებ, შენ ამით აჟღერებ „ოცნების“ პოზიციას „ნაციონალური მოძრაობის“ წინააღმდეგ.
იმის ნაცვლად, რომ გადავაფასოთ რაც მოხდა და დავიწყოთ შერიგების პროცესი ოსეთთან და აფხაზეთთან, ერთმანეთს ვურტყამთ თავში 8 აგვისტოს – „ნაციონალური მოძრაობა“ – „ოცნებას“ და „ოცნება“ – „ნაციონალურ მოძრაობას“.
ახლა გამოხდა სააკაშვილი ციხიდან და სად არის ის ხალხი, მე რომ მაბრალებდა, 2008 წელსო პროვოკაციას წამოვეგეო. პაატა ზაქარეიშვილია ის ხალხი, ვინც ნამდვილად ამბობს, რომ პროვოკაციას წამოეგე, მაგრამ ახლა ამის დრო არ არის. „ნაციონალურ მოძრაობას“ როგორც კი შანსი ჩაუვარდება, მაშინვე გვახსენებს 2008 წელს, თუმცა თვითონ არ უნდათ, რომ შევახსენოთ სისხლიანი ცხრა წელი, რასაც მე ვეთანხმები, ეს არაა ეს სწორი, მაგრამ თითქოს ანგელოზები იყვნენ მაშინ – ასეც არაა სწორი. დღეს 2008 წელზე ლაპარაკი „ოცნებას“ აძლიერებს, ამიტომ ამ თამაშში არ ვაპირებ მონაწილეობა მივიღო, თუმცა ეს არ ნიშნავს, რომ „ნაციონალური მოძრაობა“ მართალია. მათ ჰქონდათ ბევრი ცოდვები, მაგრამ გავიდა დიდი დრო.
როცა ხელისუფლებაში მოდიხარ, „ქართული ოცნება“ ხარ, კოალიცია თუ არაკოალიცია, კეთილი ინებე და შენს თავზე უნდა აიღო პრობლემების მოგვარება, რომელიც დაგხვდა. ამერიკიდან ხომ არ ჩამოსულხარ, აქ მონაწილეობ არჩევნებში, კი არ უნდა აბრალო მუდმივად წინამორბედს. სამწუხაროდ ამ კონფლიქტებს „ოცნება“ იყენებს „ნაციონალურ მოძრაობასთან“ ანგარიშსწორებისთვის. ერთის მხარეს დაიჭერ – გამოდის მეორეს იცავ ან პირიქით. ერთიც და მეორეც მიუღებელია.
აფხაზები ხვდებიან, რომ საქართველო ვერ გასცდა რუსეთის ორბიტას, მიიჩნევენ, რომ ძალიან კარგად მოიქცნენ, რომ რუსეთში დარჩნენ, იმიტომ, რომ საქართველოც იქ ბრუნდება. წარმოიდგინეთ, დღეს რომ ისინი ყოფილიყვნენ შერიგებული საქართველოსთან, ჩვენს საერთო პროექტში ყოფილიყვნენ ჩართული და აღმოჩენილიყო ასეთი ქართული პროექტი „ქართული ოცნების “ ხელში, რომელიც ისევ წაათრევდა საქართველოს რუსეთისკენ. დღეს კმაყოფილები არიან, რომ არ მიიღეს არანაირ ქართულ პროექტში მონაწილეობა.
მე არ მესმის იმ ხალხის, ვინც ელოდება მეტს. რას ელოდებიან, რა უნდათ რომ იყოს მეტი, ამის მეტი არის ომი.
საერთოდ სანქციებს აქვს ორმაგი დატვირთვა, თუ ის არ მუშაობს ობიექტის წინააღმდეგ, ვისაც სანქციას დააკისრებ, მაშინ მუშაობს სუბიექტის წინააღმდეგ, ვინც სანქციას აკისრებს. სანქციებს აქვს ორმხრივი გამოყენება. აი, მაგალითად, ბრიტანეთმა აუკრძალა „აეროფლოტს“ ფრენა ლონდონში, სამი ფრენა იყო კვირაში, ჩინეთში ვეღარ გაფრინდება ბრიტანეთის თვითმფრინავები, უნდა შემოუაროს რუსეთს. როგორც წესი, ვინც სანქციებს აწესებს, მას ძვირად უჯდება ამ სანქციის დაწესება, ის მიდის ამაზე, მზადაა ძვირად დაუჯდეს სანქცია მას, ოღონდ ობიექტსაც ძვირად უნდა დაუჯდეს. თუ ობიექტს ეს არ ანაღვლებს, მაშინ ზარალს იღებს მხოლოდ სუბიექტი.
მე არა ვარ არავითარ შემთხვევაში მომხრე, რომ სანქციები არ იყოს, აუცილებლად უნდა იყოს. მაგრამ უფრო სიმბოლური დატვირთვა აქვს, ვიდრე რეალური. არცერთ შემთხვევებში სანქციებს არ მოუტანია შედეგი რუსეთისათვის, პირიქით გამყარდა და გაძლიერდა. რომ არ გაძლიერებულიყო, ეს არ მოხდებოდა, კიდევ უფრო მეტად გათავხედდა რუსეთი და უფრო უტიფარი და ცინიკური გახდა, იმიტომ რომ ისხლეტს ამ სანქციებს.
ევროპამ ჩვენი ფეისბუქის მომხმარებლებზე მეტად იცის როგორ დააკისრონ სანქცია და ფიქრობენ ამაზე დღე და ღამე, იმისთვის, რომ ეფექტური სანქციები დააწესონ. რატომ არ თიშავენ SWIFT – დან? – იმიტომ რომ SWIFT-ით იხდის ფულს არა მარტო რუსი, არამედ რუსსაც უხდიან, რუსი კი კარტოფილს არ ყიდის, ყიდის ნავთობს და გაზს. წარმოიდგინეთ მთელი ევროპა, რომელიც SWIFT-ით იხდის ფულს, რა ძვირი დაუჯდება მას გაზისა და ნავთობის ყიდვა. მათ ჩვენზე კარგად იციან, ისინი წარმატებული ხალხია, ჩვენ ჭაობში ვცხოვრობთ და როგორ შეიძლება ჭაობიდან წარმატებულს უკარნახო, როგორ მოიქცეს, ეს არ მესმის დღემდე.
რუსეთი ალბათ შეეცდება ჩაანაცვლოს უკრაინის ხელისუფლება და მოიყვანოს თავისი ხალხი. ასევე, შეინარჩუნოს უკრაინის ტერიტორია პირობითად, თუ უკრაინამ გაუწია წინააღმდეგობა, ამაში არ იგულისხმება მხოლოდ ზელენსკი, იგულისხმება ხალხი.
შეიძლება ზელენსკი დანებდეს, ალბათ სხვა გამოსავალი არ ექნება, მან უდიდესი წინააღმდეგობა გაუწია. ზელენსკი მართლა ვაჟკაცურად იქცევა, მაგრამ უკრაინელი ხალხი შეიძლება არ დათანხმდეს ზელენსკის დანებებას და უკრაინაში დაიწყოს ბრძოლები, თუ რუსეთმა არ მიიღო უკრაინა მთლიანად პრორუსულ სახელმწიფოდ, ის შეიძლება წავიდეს კიდევ უარესზე.
როდესაც რუსეთმა აღიარა დონეცკისა და ლუგანსკის დამოუკიდებლობა, მსოფლიომ ამოისუნთქა, რომ თითქოს ამის იქით აღარ წავიდოდა, მაშინ ისევ მუშაობდა ქართული ვარიანტი, რომ დაბომბა ქალაქები, მაგრამ, მხოლოდ აფხაზეთი და სამხრეთ ოსეთი წაიყვანა. ამ ფონზე ეს იყო ცრუ მოძრაობა პუტინის მხრიდან, ამ დროს დონეცკი და ლუგანსკი მას საერთოდ არ ადარდებდა, მას სჭირდებოდა კიევი. ხომ კარგად ჩანს, რომ 2008 წელს თბილისის აღება არ უნდოდა, რომ სდომებოდა ამის გაკეთება, აიღებდა. თუ უკრაინელი ხალხი არ დანებდა, გრძელვადიან პერსპექტივაში პუტინი წავა უკრაინის დაშლაზე, შეიძლება ორ ან სამ ნაწილად დაშალოს და ამით მოსპოს უკრაინის სახელმწიფოებრიობის დღევანდელი გაგება.
ჩვენმა ბედოვლათმა „ოცნებამ“ უნდა გამოავლინოს, რაში სჭირდებოდა ამდენი დამცირება. მეც ვიყავი მომხრე არგაღიზიანების, მაგრამ ჩემი მიზანი იყო არგაღიზიანება და მოქმედება, როგორც თურქეთი მოქმედებს, არ აღიზიანებს და მოქმედებს, თავისი ინტერესებიდან გამომდინარე, როგორც აზერბაიჯანი მოქმედებს, გააღიზიანა და იმოქმედა, ყარაბაღში მიაღწია შემდეგ წარმატებას. ჩვენ არ ვაღიზიანებდით და არაფერს არ ვაკეთებდით. სააკაშვილი აღიზიანებდა და არაფერს არ აკეთებდა. მე ვამბობდი, არ გავაღიზიანოთ და გავაკეთოთ.
უკრაინელი ექიმი, მეან-გინეკოლოგი, რეპროდუქტოლოგი სერგეი ბაკშეევი, რუსეთის მოქალაქეებს მიმართავს. ის წერს, რომ რუსებს შეუძლიათ ომის შეჩერება, რომელიც რუსეთის ხელისუფლებამ 24 თებერვალს დაიწყო უკრაინის წინააღმდეგ.
სერგეი ბაკშეევი:
„რუსულად ვწერ, რომ გაიგოთ ჩემმა საყვარელმა მეგობრებმა და მკითხველებმა რუსეთიდან, ბელორუსიდან, ყაზახეთიდან, მოლდოვადან, საქართველოდან, უზბეკეთიდან.
უკვე 48 საათია ჩვენი სამშობიარო სახლი გადავიტანეთ სარდაფ-თავშესაფარში, რათა უზრუნველყოთ სამშობიარო-სამეანო და გინეკოლოგიურ დახმარება!
თქვენ ვერ დამინახვათ მე ფოტოებზე, რადგან მე ობიექტივის უკანა მხარეს ვდგავარ და ვამზადებ რეპორტაჟს ჩვენი სამედიცინო პერსონალის საქმიანობის შესახებ მესამე მსოფლიო ომიდან.
ომი, რომელიც რუსეთმა ჩემ სამშობლოში დაიწყო.
ჩემი ოჯახი ჩვენი სამშობიაროდან 3.5 კილომეტრშია – სახლში, რომლის ბიბლიოთეკა და სარდაფი თავშესაფრად იმისთვის გადაიქცა, რომ როგორმე გადავურჩეთ რუსული ჭურვების ნამსხვრევებს, აფეთქების ტალღას.
ჩემი ოჯახი სამშობიაროში ვერ წამოვიყვანე, რადგან ეს ადგილი საჭიროა ორსულებისა და ასევე მათი პარტნიორებისთვის, რომლებიც ჩვენს ექიმებთან ერთად ხვდებიან ომის ბავშვებს.
რუსული ჯარები დღეს კლავენ ჩემს ხალხს, თავს ესხმიან ჩემს ქალაქებს და სურთ ჩემი ქვეყნის განადგურება. მთელმა მსოფლიომ იცის ამის შესახებ, მაგრამ ბევრი ჩემი რუსულენოვანი მეგობარი თვალებს ხუჭავს. ისინი უბრალოდ იმაზე წუხან, რომ მათი ქვეყნის ჭურვებმა მე და კიდევ რამდენიმე უკრაინელ „მეგობარს“ გადაგვიფრინეს!
მინდა თითოეულმა თქვენგანმა იცოდეთ, რომ თქვენ შეგიძლიათ შეაჩეროთ ეს ომი არა მხოლოდ „ლაიქებით“ ან კომენტარების წერით.
გამოდით რუსეთის ქალაქების ქუჩებში საპროტესტო აქციებზე, დაიწყეთ ანტისაომარი მოძრაობა.
ჩემი მეგობრები დღეს იარაღით ხელში იცავენ ჩვენს სამშობლოს. თქვენ ამის გაკეთება შეგიძლიათ საპროტესტო აქციებით!
შეხედეთ ამ ფოტოებს და ამ სამედიცინო მუშაკებს ჩახედეთ თვალებში – მათ რუსეთთან ომის არ ეშინიათ.
ჩვენ ვიცავთ ჩვენს სამშობლოს, ჩვენს ხალხს, ჩვენს ოჯახებს!
და ასეთ პირობებშიც ჩნდებიან ამ ქვეყნად უკრაინელები, რომლებსაც რუსების წყალობით მთელი ცხოვრება ომის ბავშვები ერქმევათ!
დიდება უკრაინას!
