Batumelebi

დღეს, 29 ნოემბერს, გასულ დღესთან შედარებით, ვალუტის გადამცვლელ ჯიხურებში, ლარი დოლართან მიმართებაში თითქმის 8 თეთრით, ხოლო ევროსთან მიმართებით 10 თეთრით გაუფასურდა.

• 1 აშშ დოლარის ყიდვა დღეს ბათუმში 2,83 ლარად არის შესაძლებელი, გუშინ კი 1 აშშ დოლარი 2,75 ლარი ღირდა.
• რაც შეეხება ევროს, დღეს, 29 ნოემბერს, 1 ევროს ყიდვა 2,98 ლარად არის შესაძლებელი, გუშინ კი 2,88 ლარი ღირდა.

ეროვნული ვალუტის გაცვლითი ოფიციალური კურსით, რომელიც უკვე ხვალ, 30 ნოემბერს იმოქმედებს, ლარი დოლართან მიმართებით 3.76 თეთრით გაუფასურდება და ერთი დოლარის ოფიციალური კურსი გახდება 2.7794 ლარი.

ლარი ევროსთან მიმართებით 4.41 თეთრით გაუფასურდება და ერთი ევროს ოფიციალური კურსი გახდება 2.9348 ლარი.

თუმცა ოფიციალური კურსის ცვლილება თავისთავად განსხვავებულად აისახება ხვალ ვალუტის ფასზე სავალუტო ჯიხურებში.

ბათუმის სახელმწიფო უნივერსიტეტის 25-მდე პროფესორი და მოწვეული ლექტორი გაიფიცა. მათი თქმით, აცხადებენ პროტესტს და მიაჩნიათ, რომ „ახლა ქვეყნის ინტერესების დაცვის დროა!“

ლექტორები ახლა უნივერსიტეტის ეზოში არიან შეკრებილები.

„გუშინ ქართველი ხალხის უმრავლესობის ნებისა და კონსტიტუციის 78-ე მუხლის საწინააღმდეგოდ, გამოცხადდა საქართველოს ევროპული ინტეგრაციის შეჩერება, რაც არის საქართველოს ყველა პერსპექტივის და საერთოდ სახელმწიფოებრიობის გაუქმების მცდელობა.

განცხადებას ხელს აწერენ:

1. მალხაზ ნაკაშიძე;
2. ლაშა ბაჟუნაიშვილი;
3. ლეილა ახვლედიანი;
4. ირაკლი ბარამიძე;
5. კახა სურგულაძე;
6. ნელი ახვლედიანი;
7. ნათია ხარატი;
8. ცირა კაპანაძე;
9. ლია დავითაძე;
10. ინგა შამილიშვილი;
11. ნათია მიქელთაძე;
12. ლელა თურმანიძე;
13. გიორგი ჩახვაძე;
14. დალი ბერიძე;
15. მადონა მიქელაძე;
16. თეონა ვაშალომიძე;
17. ნათია ხაბეიშვილი;
18. მარიამ გიორგაძე;
19. მილენა მამულაძე;
20. ესმა იმერლიშვილი;
21. მირანდა შერვაშიძე;
22. მარინა გიორგაძე;
23. კესო ბორჩხაძე;
24. ირაკლი მიქელაძე;

სია განახლებადია.

___

„ქართულმა ოცნებამ“ განაცხადა, რომ წყვეტს ევროკავშირთან მოლაპარაკებებს საქართველოს გაწევრიანების თაობაზე, რასაც გუშინ, 28 ნოემბერს, მასობრივი საპროტესტო აქციები მოჰყვა.

თბილისში საპროტესტო აქციის მონაწილეებს სპეცრაზმი სასტიკად გაუსწორდა. დააკავეს 43 მოქალაქე, სცემეს და დააზიანეს 20-ზე მეტი ჟურნალისტი.

მოქალაქეები საჯარო მოხელეებს გაფიცვისკენ მოუწოდებენ.

ქვეყნის ანტიკონსტიტუციურ მთავრობას პროტესტი გამოუცხადა საქართველოს საგარეო საქმეთა სამინისტროს 110-ზე მეტმა თანამშრომელმა და ელჩმა.

გაფიცულია უმაღლესი სასწავლებლების ნაწილი.

თავდაცვის სამინისტროს მოქმედი თანამშრომლები ერთობლივ განცხადებას ავრცელებენ.

თავდაცვის სამინისტროს თანამშრომლები აცხადებენ, რომ რჩებიან საქართველოს კონსტიტუციის 78-ე მუხლით გაწერილი ვალდებულებების ერთგულნი, რომელიც გულისხმობს საქართველოს ევროინტეგრაციას.

„ჩვენი, როგორც საქართველოს თავდაცვის სამინისტროს თანამშრომლების, უმთავრესი მოვალეობა არის სახელმწიფოს უსაფრთხოების განმტკიცება, თავდაცვისუნარიანობის ამაღლებაზე ზრუნვა და საქართველოს კონსტიტუციის ერთგულება.

საქართველოს თავდაცვის სამინისტრო მრავალი წელი წარმატებით ემსახურება ქვეყნის ეროვნული ინტერესების აღსრულებას, ერთი მხრივ – თავდაცვის ძალების აღმშენებლობით, ხოლო მეორე მხრივ – საქართველოს ევროპული და ევროატლანტიკური ინტეგრაციის ხელშეწყობით.

სწორედ ევროპული და ევროატლანტიკური ინტეგრაცია არის ქვეყნის უსაფრთხოების შემდგომი განმტკიცებისა და სუვერენიტეტის გამყარების უალტერნატივო გზა, ასევე საგარეო და უსაფრთხოების პოლიტიკის უმთავრესი პრიორიტეტი, რაც განმტკიცებულია როგორც საქართველოს კონსტიტუციით, ისე ეროვნული და უწყებრივი დონის ყველა კონცეპტუალური დოკუმენტით.

ვაცნობიერებთ რა საქართველოს ევროპულ და ევროატლანტიკურ სტრუქტურებთან თანამშრომლობის მნიშვნელობას და დასავლელი პარტნიორების წვლილს საქართველოს თავდაცვისა და შეკავების შესაძლებლობების განვითარების პროცესში, ერთგული ვრჩებით საქართველოს კონსტიტუციის 78-ე მუხლით გაწერილი ვალდებულებისა.

ვემსახურებით საქართველოს!“ – წერია თავდაცვის სამინისტროს თანამშრომელთა განცხადებაში, რომელიც დღეს, 29 ნოებერს გავრცელდა.

განცხადებას ხელს აწერენ:

1. დიმიტრი ნადირაძე – თავდაცვის პოლიტიკისა და განვითარების დეპარტამენტი
2. გუცა გველესიანი – საერთაშორისო ურთიერთობებისა და ევროატლანტიკური ინტეგრაციის დეპარტამენტი
3. ნათია ქადაგიშვილი – სოციალურ საკითხთა და ფსიქოლოგიური მხარდაჭერის დეპარტამენტი
4. ლანა მამფორია – საერთაშორისო ურთიერთობებისა და ევროატლანტიკური ინტეგრაციის დეპარტამენტი
5. მაია აბულაძე – სსიპ კიბერუსაფრთხოების ბიურო
6. თამუნა შამანაძე – საერთაშორისო ურთიერთობებისა და ევროატლანტიკური ინტეგრაციის დეპარტამენტი
7. მიშა რამაზაშვილი – საერთაშორისო ურთიერთობებისა და ევროატლანტიკური ინტეგრაციის დეპარტამენტი
8. გიორგი ბეშიძე – საერთაშორისო ურთიერთობებისა და ევროატლანტიკური ინტეგრაციის დეპარტამენტი
9. გეგა ჭეიშვილი – სსიპ კიბერუსაფრთხოების ბიურო
10. გვანცა ფოფხაძე – თავდაცვის პოლიტიკისა და განვითარების დეპარტამენტი
11. ნინო გორგოძე – საერთაშორისო ურთიერთობებისა და ევროატლანტიკური ინტეგრაციის დეპარტამენტი
12. ნინო უგრეხელიძე – საერთაშორისო ურთიერთობებისა და ევროატლანტიკური ინტეგრაციის დეპარტამენტი
13. ნინო მეზვრიშვილი – საერთაშორისო ურთიერთობებისა და ევროატლანტიკური ინტეგრაციის დეპარტამენტი
14. ნესტან კვეკვესქირი – საერთაშორისო ურთიერთობებისა და ევროატლანტიკური ინტეგრაციის დეპარტამენტი
15. ანა ახალაია – საერთაშორისო ურთიერთობებისა და ევროატლანტიკური ინტეგრაციის დეპარტამენტი
16. თეკლა მელაძე – საერთაშორისო ურთიერთობებისა და ევროატლანტიკური ინტეგრაციის დეპარტამენტი
17. მაია მუშკუდიანი – თავდაცვის ინსტიტუციური აღმშენებლობის სკოლა
18. გიორგი წოწორია – საერთაშორისო ურთიერთობებისა და ევროატლანტიკური ინტეგრაციის დეპარტამენტი
19. ლევან ბარბაქაძე – სსიპ კიბერუსაფრთხოების ბიურო
20. რუსუდან კინწურაშვილი – ადამიანური რესურსების დეპარტამენტი
21. ნათია დეკანოიძე – საერთაშორისო ურთიერთობებისა და ევროატლანტიკური ინტეგრაციის დეპარტამენტი
22. სალომე გორგილაძე – საერთაშორისო ურთიერთობებისა და ევროატლანტიკური ინტეგრაციის დეპარტამენტი
23. მარიამ მეგრელიშვილი – სტრატეგიული კომუნიკაციებისა და საზოგადოებასთან 

ურთიერთობის დეპარტამენტი

24. ირინე ტერელაძე – საერთაშორისო ურთიერთობებისა და ევროატლანტიკური ინტეგრაციის დეპარტამენტი 
25. მაკა კევლიშვილი – სტრატეგიული კომუნიკაციებისა და საზოგადოებასთან 

ურთიერთობის დეპარტამენტი

26. თეკლა კალანდაძე – თავდაცვის მდგრადობის უზრუნველყოფის დეპარტამენტი
27. ნინო შანშაშვილი – ადამიანური რესურსების დეპარტამენტი
28. ნანა სადუნიშვილი – საერთაშორისო ურთიერთობებისა და ევროატლანტიკური ინტეგრაციის დეპარტამენტი

29 ანა კაპანაძე – სსიპ კიბერუსაფრთხოების ბიურო

30.თინათინ მზარელუა – თავდაცვის ატაშეებისა და წარმომადგენლების დეპარტამენტი

31. ელენე ჩიტიშვილი – სოციალურ საკითხთა და ფსიქოლოგიური მხარდაჭერის დეპარტამენტი
32. ეკატერინე ნადირაძე – საერთაშორისო ურთიერთობებისა და ევროატლანტიკური ინტეგრაციის დეპარტამენტი
33. ნინო ვერულაშვილი – თავდაცვის ინსტიტუციური აღმშენებლობის სკოლა
34. სოფიო ჯაფარიძე – კიბერუსაფრთხოების ბიურო
35. მიხეილ თოფურია  – თავდაცვის ინსტიტუციური აღმშენებლობის სკოლა
36. ნინო ქომოშვილი – სოციალურ საკითხთა და ფსიქოლოგიური მხარდაჭერის დეპარტამენტი
37. თამარ ისაკაძე – რეფორმების კოორდინაციისა და რისკების მართვის დეპარტამენტი
38. თამთა გედენიძე – საერთაშორისო ურთიერთობებისა და ევროატლანტიკური ინტეგრაციის დეპარტამენტი
39. გიორგი წივილაშვილი – თავდაცვის ინსტიტუციური აღმშენებლობის სკოლა
40. თემურ ბუსხრიკიძე – თავდაცვის ინსტიტუციური აღმშენებლობის სკოლა
41. ანა გორგოძე – სამინისტროს ადმინისტრაცია
42. მარიამ მალუძე – ადამიანური რესურსების დეპარტამენტი
43. გიორგი ურუშაძე – სტრატეგიული კომუნიკაციებისა და საზოგადოებასთან.
44. მარიამ ობოლაშვილი – სტრატეგიული კომუნიკაციებისა და საზოგადოებასთან ურთიერთობის დეპარტამენტი
45. ეთერ გვარჯალაძე – საქმისწარმოების სამსახური
46. ოლღა მიქაბერიძე – საქმისწარმოების სამსახური

___

დღეს, 29 ნოემბერს, პარტია „საქართველოსთვის“ ლიდერმა, გიორგი გახარიამ, ბრიფინგის დროს „ქართული ოცნების“ მხარდამჭერებს და საჯარო მოხელეებს მიმართა.

„მე ხაზგასმით მინდა აღვნიშნო დღეს, რომ დღეს ყველა უნდა ვიყოთ ერთად, რადგან ჩვენ ვსაუბრობთ ჩვენი ქვეყნის ეროვნულ ინტერესებზე. ჩვენ ვსაუბრობთ ისეთ თემებზე, რომელზეც საქართველოს მოქალაქეებმა უკვე დიდ კონსენსუსს მიაღწიეს – ეს არის ქვეყნის ცივილიზაციური არჩევანი.

აქ არ უნდა იყოს საუბარი მხოლოდ 4 პოლიტიკურ ძალაზე, უნდა იყოს საუბარი „ოცნებაზეც“, იმ ადამიანებზეც, რომლებმაც ხმა მისცეს „ოცნებას“, ან არიან „ოცნების“ წევრები, მათ ძალიან კარგად იციან, რომ ჭეშმარიტი კეთილდღეობა, მშვიდობა და განვითარება შესაძლებელია მხოლოდ ევროპულ სივრცეში. ეს პოლიტიკური თაღლითები, „ოცნების“ ბოსები, მოაჯდნენ დღეს სახელმწიფოს, პოლიტიკური უვარგისი ელიტა ატყუებს არამხოლოდ საქართველოს მოქალაქეებს, ატყუებს საერთაშორისო საზოგადოებას, ატყუებს თავის მხარდამჭერებს.

ამ ხალხსაც მოვუწოდებ, მათაც გააკეთონ სწორი არჩევანი და დადგნენ იქ, სადაც საქართველოს ინტერესებია, ქართველი ხალხის ინტერესებია, სადაც საქართველოს მოქალაქეებსა და ახალგაზრდებს დღევანდელი ხელისუფლება სცემს, ძალადობს მათზე, ჩვენ ყველანი უნდა ვიყოთ იქ და აუცილებლად ვიქნებით იქ.

მინდა მივმართო ყველა საჯარო მოხელეს და ვთხოვო მათ, მესმის, რომ ჩვენ არ გვაქვს იმის უფლება, თითოეული მათგანისგან მოვითხოვოთ გმირობა, მაგრამ ყველა ჩვენგანს უნდა გვქონდეს ღირსება და ყველაზე მინიმუმ, რის გაკეთებაც შეგვიძლია, შეგვიძლია ავიმაღლოთ ხმა. ჭეშმარიტი და სამართლიანი შეფასებები მივცეთ იმას, რაც დღეს ქართულ სახელმწიფოში ხდება. საჯარო მოხელეებმა ყველაზე კარგად იციან, რას ნიშნავს ქვეყნის ევროპული მომავლის მკვლელობა ჩვენი ქვეყნის მომავლისთვის.

გუშინდელი დღე დარჩება საქართველოს უახლეს ისტორიაში, როგორც შავი ლაქა. 26 ოქტომბერსვე არჩევნების მოპარვის შემდეგ „ქართული ოცნება“ შევიდა ანტიკონსტიტუციური მოქმედებების სპირალში, ეს იყო პარლამენტის სხდომის პირველი, უკანონო დღე, უკანონოდ დამტკიცებული მთავრობა, უკანონოდ არჩეული პარლამენტის თავმჯდომარე.

ყველაფერმა ამან მიიღო საქართველოს მოქალაქეების პროტესტი, ასევე საერთაშორისო საზოგადოების შესაბამისი შეფასებები. ამ გაყალბებული არჩევნების შედეგად ლეგიტიმაციის ჰაერში ჩამოკიდებამ საბოლოო ჯამში „ქართული ოცნება“ მიიყვანა ყველაზე მძიმე ნაბიჯამდე – გაცხადებული სახელმწიფოს ინტერესების კოლექტიური ღალატი, რომელიც განხორციელდა პირდაპირ ეთერში, ივანიშვილის დავალებით, უკანონოდ არჩეული პრემიერის მიერ, რომელმაც ფაქტობრივად გამოაცხადა, რომ „ოცნების“ გადაწყვეტილებით ისინი აჩერებენ ქვეყნის ევროპულ ინტეგრაციას.

დღეს ჩვენ უნდა გავერთიანდეთ, ერთად ყველამ უნდა ვიშრომოთ, ვიზრუნოთ, ვიბრძოლოთ იმისთვის, რომ ქვეყანა დავაბრუნოთ ნორმალური, ევროპული განვითარების გზაზე,“ – აღნიშნა გიორგი გახარიამ.

___

გუშინ, 28 ნოემბერს, „ქართულმა ოცნებამ“ განაცხადა, რომ წყვეტს ევროკავშირთან მოლაპარაკებებს საქართველოს გაწევრიანების თაობაზე, რასაც გუშინ, 28 ნოემბერს, მასობრივი საპროტესტო აქციები მოჰყვა.

დღეს, 29 ნოემბერს, გამთენიისას, თბილისში საპროტესტო აქციის მონაწილეებს სპეცრაზმი სასტიკად გაუსწორდა. დააკავეს 43 მოქალაქე, სცემეს და დააზიანეს 20-ზე მეტი ჟურნალისტი.

მოქალაქეები საჯარო მოხელეებს გაფიცვისკენ მოუწოდებენ. ქვეყნის ანტიკონსტიტუციურ მთავრობას პროტესტი გამოუცხადა საქართველოს საგარეო საქმეთა სამინისტროს 110-ზე მეტმა თანამშრომელმა და ელჩმა, ასევე თავდაცვის სამინისტროს 50-მდე თანამშრომელმა.

გაფიცულია უმაღლესი სასწავლებლების ნაწილი.

ბათუმის რუსთაველის სახელმწიფო უნივერსიტეტის სტუდენტი მათე ცენტერაძე ამავე უნივერსიტეტის ლექტორებს მიმართვას და მოუწოდებს, დადგნენ ისტორიის სწორ მხარეს.

„ბსუ-ს ლექტორებო, თქვენ გახსოვთ 7 ნოემბერი, თქვენ გახსოვთ სპეცრაზმის მიერ ნაცემი სტუდენტები უნივერსიტეტის ეზოში, თქვენ გახსოვთ სისტემის მსხვერპლი ორსული გოგონა, რომელსაც გამეტებით სცემეს.

დღეს ამის უფლება არავის არ უნდა მივცეთ. ამიტომ, მოუწოდეთ სტუდენტებს, გამოვიდნენ გარეთ, გამოვიდნენ და თქვენთან ერთად იბრძოლონ. ჩაგვიტარეთ ღირსეული ლექცია ქუჩაში და ერთად ვიბრძოლოთ ჩვენი სამშობლოსთვის.

თორემ გპირდებით, ყველას მოგაკითხავთ აუდიტორიაში და თქვენი სტუდენტების თვალწინ გეტყვით, რომ ვერასოდეს ვერაფერს ისწავლიან თქვენგან, თუ დღეს ჩუმად იქნებით.

თვალებში ვერ ჩაგვხედავთ, რადგან მშიშარა ადამიანი თვალს ვერ გაგვისწორებს, როცა სტუდენტები უშიშრად ვიბრძვით ჩვენი მომავლისთვის.

აქვე, მადლობა ყველა ღირსეულ ლექტორს და მჯერა, რომ ასეთი კიდევ ბევრია.

გამოდით!“ – წერს მათე ცენტერაძე, სტუდენტი.

საქართველოში მიმდინარე მასობრივ საპროტესტო გამოსვლებს სტუდენტები და მასწავლებელთა ნაწილიც უერთდება.

საპროტესტო აქციები დაგეგმილია თბილისსა და ბათუმში.

საქართველოს მოქალაქეები ანტიკონსტიტუციური ხელისუფლების გადადგომას და ახალ არჩევნებს მოითხოვენ.

___

თბილისში საპროტესტო აქციის მონაწილეებს სპეცრაზმი სასტიკად გაუსწორდა. დააკავეს 43 მოქალაქე, სცემეს და დააზიანეს 20-ზე მეტი ჟურნალისტი.

მოქალაქეები საჯარო მოხელეებს გაფიცვისკენ მოუწოდებენ. ქვეყნის ანტიკონსტიტუციურ მთავრობას პროტესტი გამოუცხადა საქართველოს საგარეო საქმეთა სამინისტროს 110-ზე მეტმა თანამშრომელმა და ელჩმა.

გაფიცულია უმაღლესი სასწავლებლების ნაწილი.

დღეს, 29 ნოემბერს, ბათუმში, ევროპის მოედანზე, საპროტესტო აქცია იგეგმება. აქციას მასწავლებლებიც შეუერთდებიან.

ქვეყანაში მასობრივი საპროტესტო გამოსვლები მოჰყვა „ქართული ოცნების“ პრემიერ-მინისტრის, ირაკლი კობახიძის განცხადებას, როცა მან თქვა, რომ 2028 წლამდე ევროკავშირში გაწევრიანებაზე მოლაპარაკებების გახსნას დღის წესრიგში არ დააყენებენ.

გუშინ საქართველოს 5 ქალაქში მასობრივი პროტესტი მოჰყვა ამ განცხადებას.

თბილისში ათასობით მოქალაქე გამოვიდა რუსთაველზე ანტიკონსტიტუციური ხელისუფლების გადადგომის მოთხოვნით.

სამოქალაქო აქცია სპეცრაზმმა დაარბია. სასტიკად გაუსწორდნენ დემონსტრანტებს, დააკავეს 43 ადამიანი, სცემეს და დააზიანეს 20-ზე მეტი ჟურნალისტი.

საპროტესტო აქციები დღესაც გაიმართება თბილისში. მოქალაქეები კონსტიტუციიდან გასული „ოცნების“ ხელისუფლების გადადგომას და ახალ არჩევნებს მოითხოვენ.

სახალხო დამცველის აპარატის ცნობით, კლინიკაში გადაყვანილ ორ პირთან გასაუბრება მათი მრავლობითი დაზიანებების გამო ვერ მოხერხდა.

„29 ნოემბერს, მთელი ღამის განმავლობაში, სახალხო დამცველის რწმუნებულები ხვდებოდნენ დაკავებულ მოქალაქეებს, მათი მდგომარეობის დადგენის მიზნით.

ღამის მანძილზე რწმუნებულებმა მოინახულეს 11 პირი, რომელთაგან 9 იყო დაკავებული. ამასთან, კლინიკაში გადაყვანილ ორ პირთან გასაუბრება ვერ მოხერხდა, მრავლობითი დაზიანებების გამო“, – წერია განცხადებაში.

სახალხო დამცველი წერს, რომ არასათანადო მოპყრობის 9 სავარაუდო შემთხვევა გამოავლინა „საიდანაც 3 ეხება ჟურნალისტებს“. თუმცა, მედიაომბუდსმენი აცხადებს, რომ პოლიციამ რუსთაველზე 20-ზე მეტ ჟურნალისტზე იძალადა.

„ვიზუალური დაზიანებები აღენიშნებოდა 6 პირს. მაგალითად, ერთ-ერთ ჟურნალისტს თავი ჰქონდა გატეხილი, მეორე ჟურნალისტს – მარცხენა თვალბუდის არე მთლიანად ჰქონდა ჩაწითლებული და სახე შეშუპებული, მესამეს კი – ცხვირის, ყვრიმალებისა და შუბლის არეში შეშუპებები და ნაკაწრები.

ამასთან, იზოლატორში რწმუნებულის ყოფნის დროს შემოყვანილ ერთ-ერთ დაკავებულებს დასჭირდა კლინიკაში დაუყოვნებლივი გადაყვანა ქირურგიული ჩარევის მიზნით“, – წერს სახალხო დამცველი.

სახალხო დამცველი წერს, რომ დაკავებული სავარაუდო არასათანადო მოპყრობის მსხვერპლი პირების შესახებ შეატყობინა სპეციალურ საგამოძიებო სამსახურს:

„სახალხო დამცველი მოუწოდებს სპეციალურ საგამოძიებო სამსახურს/პროკურატურას შემჭიდროებულ ვადებში ჩაატაროს ეფექტიანი გამოძიება და გამოავლინოს ყველა პასუხისმგებელი პირი, ვისმა მოქმედებამ, შესაძლო დავალებამ თუ მდუმარებით გამოხატულმა თანხმობამ შედეგად გამოიწვია მშვიდობიანი მომიტინგეებისა და ჟურნალისტების უფლებების უხეში ხელყოფა.

ამავე თემაზე:

არასამთავრობო ორგანიზაციების ინფორმაციით, ამ ეტაპზე სამართლებრივი დახმარების ცხელ ხაზზე შევიდა ინფორმაცია 28-29 ნოემბერს, თბილისში გამართული აქციის მონაწილე 16 პირზე, აქედან 4 საავადმყოფოშია და 12 ჯერ კიდევ არ ჰყავთ შეყვანილი იზოლატორებში.

ერთობლივ განცხადებას „საერთაშორისო გამჭვირვალობა საქართველო“, „იურისტთა ასოციაცია“ „სოციალური სამართლიანობის ცენტრი და სხვა ორგანიზაციები ავრცელებენ.

29 ნოემბერს, დილის 7 საათზე, რუსთაველის გამზირზე კვლავ რჩებიან საპროტესტო აქციის მონაწილეები და სპეცრაზმი. აქციაზე დაკავებულების რაოდენობა უცნობია, დაშავდნენ მოქალაქეები, მათ შორის ჟურნალისტები. პოლიციამ აქციის დასაშლელად გამოიყენა წყლის ჭავლი, ცრემლსადენი გაზი და წიწაკის სპრეი.

28 ნოემბერს, „ოცნებამ“ განაცხადა, რომ ევროკავშირში გაწევრიანების პროცესს აჩერებს 2028 წლამდე. განცხადების შემდეგ, სპონტანურად, საქართველოს 5 ქალაქში: თბილისში, ბათუმში, ქუთაისში, ზუგდიდსა და გორში საპროტესტო აქციები დაიწყო.

ახალგაზრდა იურისტთა ასოციაციის განცხადებით, თბილისში, 29 ნოემბერს, ღამით, რუსთაველის გამზირზე მიმდინარე პროტესტის დარბევა კვლავ უკანონო და არაპროპორციული ძალის გამოყენებით მიმდინარეობდა.

საიას ცნობით, არსებობს მტკიცებულებები, რომლებიც მიუთითებს აქტიური სპეციალური საშუალებების გამოყენების სტანდარტების დარღვევის შესახებ, მათ შორის, წიწაკის სპრეის დამიზნებით სახეში შესხმისა, და, ორი სპეციალური საშუალების, წყლის ჭავლისა და ქიმიური გამღიზიანებლების შერევის შესახებ.

„საზოგადოებას შევახსენებთ, რომ 2024 წლის 21 ოქტომბერს შსს-მ განცხადებით დაადასტურა, რომ რუსული კანონის საწინააღმდეგო აქციებზე წყლის ჭავლში ცრემლსადენ გაზს ურევდა. აღნიშნული პრაქტიკის მხარდასაჭერად სამინისტრომ არასწორად, მანიპულაციურად, დააციტირა „ამნესტი ინთერნეიშენალის“ სახელმძღვანელო. სინამდვილეში, „ამნესთი ინთერნეიშენალის“ მიხედვით, წყლის ჭავლში ცრემლსადენი გაზის ან საღებავის შერევა აკრძალული უნდა იყოს. აღნიშნული პრაქტიკა, ძლიერ პრობლემურია რამდენიმე მიზეზის გამო.

ამავე თემაზე

წყლის ჭავლში ცრემლსადენი გაზის შერევა ჯანმრთელობისთვის რისკს წარმოშობს – საიას განცხადება

_____________

ფოტოზე: 29 ნოემბერი, სპეცრაზმი რუსთაველზე. ფოტო: ნეტგაზეთი

„მედიამბუდსმენის“ ინფორმაციით, დღეს, 29 ნოემბერს, აქციის გაშუქებისას დაშავებული ჟურნალისტებისა და ოპერატორების შესახებ ინფორმაცია სპეციალურ საგამოძიებო სამსახურს ინფორმაცია მიაწოდეს.

აქციაზე დაშავდნენ „ფორმულას“, „ტელეკომპანია პირველის“ და „პუბლიკას“ ჟურნალისტები და ოპერატორები.

„პუბლიკას“ ინფორმაციით, საპროტესტო აქციაზე პროფესიული მოვალეობის შესრულების დროს დააკავეს გამოცემის ჟურნალისტი, ალექსანდრე ქეშელაშვილი. მოგვიანებით ის  ხელწერილის საფუძველზე გაათავისუფლეს. ჟურნალისტი ამბობს, რომ სცემეს, გატეხილი აქვს ცხვირი და გადაჰყავთ საავადმყოფოში. პოლიციამ მას წაართვა კამერები.

„მედიაომბუდსმენი“ მოუწოდებს შინაგან საქმეთა სამინისტროს, შეწყვიტოს მედიაზე და აქციის მონაწილეებზე თავდასხმა.

ჟურნალისტებისა და ოპერატორებისთვის ხელმისაწვდომია „მედიაომბუდსმენის“ საკონსულტაციო ცხელი ხაზი: 577 070 592

შინაგან საქმეთა სამინისტროს დანაყოფებმა რუსთაველის გამზირზე მიმდინარე აქციის დარბევა 29 ნოემბერს, ღამით დაიწყეს. შსს-მ გამოიყენა წყლის ჭავლი, წიწაკის სპრეი და ცრემლსადენი გაზი. მოქალაქეების ნაწილი ამბობდა იმასაც, რომ წყლის ჭავლში სავარაუდოდ სხვა ნივთიერებაც არის გარეული.

ამ დრომდე [4:00 სთ] დაძაბულობაა ჭიჭინაძის ქუჩაზე. დააკავეს არაერთი მოქალაქე.

საქართველოს ახალგაზრდა იურისტთა ასოციაცია აცხადებს, რომ რუსთაველის გამზირზე მიტინგის დარბევა უკანონოდ და არაპროპორციული ძალით მიმდინარეობს.

28 ნოემბერს, „ოცნებამ“ განაცხადა, რომ ევროკავშირში გაწევრიანების პროცესს აჩერებს 2028 წლამდე. განცხადების შემდეგ, სპონტანურად, საქართველოს 5 ქალაქში: თბილისში, ბათუმში, ქუთაისში, ზუგდიდსა და გორში საპროტესტო აქციები დაიწყო. თბილისში აქცია ამ დრომდე გრძელდება.

28-29 ნოემბერს თბილისში მიმდინარე აქციაზე მედიის არაერთი წარმომადგენელი დაშავდა.

ტელეკომპანია „პირველის“ ინფორმაციით აქციაზე „პირველის“ ოპერატორს, გიორგი შეწირულს სპეცრაზმი ფიზიკურად გაუსწორდა. გიორგი შეწირული „შაბათის ეთერის“ ოპერატორია.

ტელეკომპანია „პირველის“ ინფორმაციით აქციაზე, პროფესიული მოვალეობის შესრულებისას დაშავდა ჟურნალისტი ანა მდივანი. მედიის განცხადებით, მას დამიზნებით შეასხეს დაუდგენელი ქიმიური ნივთიერება თვალებსა და სახის არეში, რის გამოც, დაეწყო სპაზმური შეტევა.

აქციაზე დაშავდა აჭარის ტელევიზიის ჟურნალისტი ნინო ლორჩოშვილი. როგორც აჭარის ტელევიზია წერს, მას წიწაკის სპრეი შეასხეს, რის შემდეგაც ექიმის დახმარება დასჭირდა.

„ფორმულას“ ცნობით, აქციაზე დაშავდა გერმანელი ჟურნალისტი, რომელმაც თვალზე მიიღო დაზიანება.

აქციაზე დაშავდა OC Media-ს ჟურნალისტი მარიამ ნიკურაძე, მას წყლის ჭავლი მოხვდა, დაუზიანდა კამერაც.

პარლამენტთან მიმდინარე აქციის გაშუქებისას, დაშავდა JAMnews-ის რეპორტიორი იულია კალაბანი. იულიას სპეცრაზმელმა ხელი ჰკრა და ფეხში ჩაარტყა.

ინფორმაციას კიდევ რამდენიმე დაშავებულ ჟურნალისტსა და ოპერატორზე „ბათუმელები“ აზუსტებს.

შინაგან საქმეთა სამინისტროს დანაყოფებმა რუსთაველის გამზირზე მიმდინარე აქციის დარბევა 29 ნოემბერს, ღამით დაიწყო. შსს-მ გამოიყენა წყლის ჭავლი, წიწაკის სპრეი და ცრემლსადენი გაზი. მოქალაქეების ნაწილი ამბობდა იმასაც, რომ წყლის ჭავლში სავარაუდოდ სხვა ნივთიერებაც არის გარეული.

ამ დრომდე [3:00 სთ] დაძაბულობაა ჭიჭინაძის ქუჩაზე. დააკავეს არაერთი მოქალაქე.

საქართველოს ახალგაზრდა იურისტთა ასოციაცია აცხადებს, რომ რუსთაველის გამზირზე მიტინგის დარბევა უკანონოდ და არაპროპორციული ძალით მიმდინარეობს.

ორგანიზაციის განცხადებით, მზარდია საპოლიციო ძალების წარმომადგენლების მიერ ჟურნალისტების, მათ შორის, საერთაშორისო მედიის, მიმართ სპეციალური საშუალებების გამოყენების ფაქტები, მათ, ასევე, აყენებენ სიტყვიერ და ფიზიკურ შეურაცხყოფას.

„ჟურნალისტების მიზანმიმართული დაზიანების ფაქტების მასშტაბი მიუთითებს არა მარტო მათ საქმიანობაში ხელის შეშლის მიზანზე, არამედ, საპოლიციო ძალების ინტერესზე, არ გაშუქდეს აქციის ძალადობრივი დარბევა.

სამართალდამცავები ვალდებულნი არიან, აქციის მიმდინარეობისას მედიის წარმომადგენლებს ხელი არ შეუშალონ მუშაობის პროცესში, არამედ, პირიქით, ხელი შეუწყონ მიმდინარე მოვლენების გაშუქებაში.
კიდევ ერთხელ მოვუწოდებთ სამართალდამცავებს: იმოქმედონ საქართველოს კონსტიტუციის, საერთაშორისო და ადგილობრივი კანონმდებლობის შესაბამისად; ჟურნალისტებს მისცენ პროფესიული საქმიანობის განხორციელების შესაძლებლობა; არ შეასრულონ უკანონო დავალებები“ – აცხადებს საია.

ახალგაზრდა იურისტთა ასოციაცია აცხადებს, რომ თბილისში 29 ნოემბერს, ღამით, რუსთაველის გამზირზე მიმდინარე პროტესტის დარბევა კვლავ უკანონო და არაპროპორციული ძალის გამოყენებით მიმდინარეობს.

საიას ცნობით, არსებობს მტკიცებულებები, რომლებიც მიუთითებს აქტიური სპეციალური საშუალებების გამოყენების სტანდარტების დარღვევის შესახებ, მათ შორის, წიწაკის სპრეის დამიზნებით სახეში შესხმისა, და, ორი სპეციალური საშუალების, წყლის ჭავლისა და ქიმიური გამღიზიანებლების შერევის შესახებ.

„საზოგადოებას შევახსენებთ, რომ 2024 წლის 21 ოქტომბერს შსს-მ განცხადებით დაადასტურა, რომ რუსული კანონის საწინააღმდეგო აქციებზე წყლის ჭავლში ცრემლსადენ გაზს ურევდა.

აღნიშნული პრაქტიკის მხარდასაჭერად სამინისტრომ არასწორად, მანიპულაციურად, დააციტირა „ამნესტი ინთერნეიშენალის“ სახელმძღვანელო. სინამდვილეში, „ამნესთი ინთერნეიშენალის“ მიხედვით, წყლის ჭავლში ცრემლსადენი გაზის ან საღებავის შერევა აკრძალული უნდა იყოს. აღნიშნული პრაქტიკა, ძლიერ პრობლემურია რამდენიმე მიზეზის გამო.

კერძოდ:

უცნობია თუ რა არის წყალში ქიმიური გამაღიზიანებლის დასაშვები კონცენტრაციის დონე, რაც ადამიანის ჯანმრთელობისთვის მნიშვნელოვან რისკს წარმოშობს.

როდესაც ტანსაცმელი ქიმიური გამაღიზიანებლით იჟღინთება, ადამიანს აღარ შეუძლია მისი ზემოქმედებისაგან გაქცევა.

ამასთან, როდესაც ადამიანის ტანსაცმელი იჟღინთება, შეუძლებელია გაკონტროლდეს ქიმიური გამაღიზიანებლის ადამიანზე ზემოქმედების ხარისხი და ხანგრძლივობა. იმის გათვალისწინებით, რომ ჯანმრთელობის რისკები იზრდება ქიმიური საშუალებების კონცენტრაციის და ზემოქმედების ხანგრძლივობის ზრდასთან ერთად, წყლისა და ქიმიური საშუალებების შერევა არღვევს სამართალდამცავთა ვალდებულებას, მოახდინონ ზიანის მინიმუმამდე შემცირება.

წყლის ჭავლში ქიმიკატების შერევა არარეკომენდებული პრაქტიკაა გაეროს ადამიანის უფლებების უმაღლესი კომისრის ოფისის სახელმძღვანელოს მიხედვითაც, რადგან აღნიშნული შეიცავს დაზიანების, მათ შორის, ხანგრძლივი ფიზიკური ტკივილის გამოწვევის ბევრად მაღალ რისკს.

ამასთან, დემონსტრანტების გამოცდილებით, წყლის ჭავლი არის ცივი, რაც გარეთ არსებული დაბალი ტემპერატურის გათვალისწინებით, დამატებით ქმნის არაადამიანური მოპყრობის საფუძველს.

კვლავ მოვუწოდებთ შინაგან საქმეთა სამინისტროს თანამშრომლებს, არ დაემორჩილონ უკანონო ბრძანებებს და შეწყვიტონ მშვიდობიანი დემონსტრანტების დანაშაულის ტოლფასი გზით დაშლა.

მოვუწოდებთ, შსს-ს ასევე, რომ სამედიცინო მიზნებიდან გამომდინარეც, გაასაჯაროოს თუ რა საშუალებებს იყენებს, რათა დაზარალებულ ადამიანებთან დაკავშირებით სამედიცინო პერსონალს ჰქონდეს ჯეროვნად რეაგირების შესაძლებლობა“ – წერს საია.

გიორგი კვირიკაშვილი, საქართველოს ყოფილი პრემიერ-მინისტრი [2015-18 წლებში] ფეისბუქზე ეხმიანება „ოცნების“ გადაწყვეტილებას, შეაჩეროს საქართველოს ევროკავშირში გაწევრიანების პროცესი.

„ევროინტეგრაციის პროცესის ცალმხრივად, თუნდაც დროებითი შეჩერების გამოცხადება არის საკუთარივე ამომრჩევლის მიმართ გაცემული ევროპისკენ ღირსეული სვლის დაპირების საპირისპიროდ განხორციელებული აბსოლუტურად გაუგებარი ქმედება და შესაბამისად წარმოადგენს საქართველოს ამომრჩეველთა უმრავლესობის ნების უგულებელყოფას. ამ ნაბიჯით ქართული ოცნება დრამატულად აზიანებს საკუთარ ლეგიტიმაციას, რაც ისედაც მყიფე გარემოში სრულიად გაუგებარია.

ევროინტეგრაცია ორმხრივი პროცესია და მისი განახლება და გაწევრიანების მოლაპარაკებისთვის ვადების განსაზღვრა კანდიდატი ქვეყნის ცალმხრივი პრეროგატივა არ არის. პროცესის შეჩერება საქართველოს მხრიდან იძლევა უკიდურესად ნეგატიურ სიგნალს ქვეყნის სტრატეგიის თვისობრივი ცვლილების თაობაზე. გაუგებარია, რა პოლიტიკური და პრაგმატული არგუმენტები დგას ამ ქმედების უკან“ – წერს კვირიკაშვილი.

კვირიკაშვილმა საჯარო განცხადება გაავრცელა გასულ, 2023 წელსაც კანდიდატის სტატუსის საკითხთან დაკავშირებით.

არასამთავრობო ორგანიზაციები: ახალგაზრდა იურისტთა ასოციაცია, სამართლიანი არჩევნები, საერთაშორისო გამჭვირვალობა – საქართველო, სამოქალაქო საზოგადოების ფონდი და მომავლის აკადემია განცხადებას ავრცელებენ თბილისში და საქართველოს სხვა ქალაქებში მიმდინარე საპროტესტო აქციებთან დაკავშირებით და სამართალდამცავებს მოუწოდებენ, არ გამოიყენონ ძალადობრივი მეთოდები მშვიდობიანი დემონსტრანტების წინააღმდეგ.

„მოვუწოდებთ სამართალდამცავებს, არ დაემორჩილონ უკანონო ბრძანებებს და არ გამოიყენონ ძალადობრივი მეთოდები მშვიდობიანი დემონსტრანტების წინააღმდეგ.

2024 წლის 28 ნოემბერს „ქართულმა ოცნებამ“ გააკეთა განაცხადი ევროკავშირში მოლაპარაკებების შეჩერებასთან დაკავშირებით, რასაც მოჰყვა მოქალაქეების ლეგიტიმური პროტესტი საქართველოს კონსტიტუციით გარანტირებული საგარეო კურსის ცვლილების ოფიციალური დეკლარირების გამო და აქციები საქართველოს სხვადასხვა ქალაქში (თბილისი, ქუთაისი, ზუგდიდი, გორი, ბათუმი).
მიუხედავად იმისა, რომ ამ დრომდე მოქალაქეთა აქციები ატარებენ მშვიდობიან სახეს, სამართალდამცავებმა მაინც გამოიყენეს ძალა და სპეციალური საშუალებები.

ქუთაისში დაფიქსირდა სამართალდამცავების მიერ მოქალაქეების მიმართ არაპროპორციული ძალის გამოყენების შემთხვევები. ვრცელდება ვიდეოები, რომლებშიც ჩანს თუ როგორ ათრევენ და ხდიან ტანსაცმელს პოლიციელები ძირს დაგდებულ აქტივისტს.

მედიაში გავრცელებული ინფორმაციის მიხედვით, სავარაუდოდ ისეთი სპეციალური საშუალებები გამოიყენეს, როგორიცაა ცრემლსადენი გაზი და წიწაკის სპრეი [00:07; 00:12] თბილისში, პარლამენტის შენობის მიმდებარედ, ჭიჭინაძეზე მყოფ მშვიდობიანი აქციის მონაწილეების მიმართა.

ასევე, თბილისში ამავე ტერიტორიაზე გამოიყენეს ფიზიკური ძალა [23:05; 23:14; 00:12]. მედიაში გავრცელებული ინფორმაციით სავარაუდოდ დაკავებულია რამდენიმე ადამიანი.მოქალაქეთა პროტესტი ლეგიტიმურია!“ – ნათქვამია განცხადებაში.

დღეს, 28 ნოემბერს, თბილისში, პარლამენტთან ხალხმრავალი აქცია მიმდინარეობს, რომელიც სპონტანურად დაიწყო და ამ დრომდე გრძელდება. აქციაზე მობილიზებულია პოლიცია, რობოკოპები და წყლის ჭავლის მანქანა.

თბილისსა და საქართველოს სხვა ქალაქებში დღეს სპონტანური საპროტესტო აქციები დაიწყო მას შემდეგ, რაც ირაკლი კობახიძემ განაცხადა, რომ 2028 წლამდე მთავრობა ევროკავშირთან მოლაპარაკებებს წყვეტს.

დღეს, 29 ნოემბერს, საქართველოს საგარეო საქმეთა სამინისტროს მოქმედმა თანამშრომლებმა ერთობლივი განცხადება გააკეთეს, ევროკავშირთან ინტეგრაციის შეჩერებაზე კობახიძის განცხადების გამო. განცხადებას ხელს აწერს 44 თანამშრომელი.

განცხადებაში წერია:

„ჩვენი, როგორც დიპლომატების უმთავრეს მოვალეობას წარმოადგენს საქართველოს ეროვნული ინტერესების დაცვა და კონსტიტუციის ერთგულება. წლების განმავლობაში, ქართული დიპლომატია მიმართავდა სრულ ძალისხმევას საქართველოს ევროპულ და ევროატლანტიკურ სტრუქტურებში გასაწევრიანებლად, რაც ქართველი ხალხის ნება და ისტორიული არჩევანია.

დღევანდელი განცხადება, 2028 წლამდე საქართველოს მხრიდან ევროკავშირში გაწევრიანების მოლაპარაკებების დღის წესრიგიდან ამოღების შესახებ, არ შეესაბამება ქვეყნის სტრატეგიულ ინტერესებს.

ევროკავშირის გაფართოების ტალღა, რომელიც საქართველოსთვის უპრეცედენტო ისტორიულ შესაძლებლობას წარმოადგენს – დაუბრუნდეს ევროპულ ოჯახს, საერთაშორისო პოლიტიკური მოვლენებით არის განპირობებული. ქვეყნის მიერ ამ შესაძლებლობაზე ცალმხრივად უარის თქმა, გამოიწვევს ნეგატიურ სტრატეგიულ შედეგებს. ამასთან, შესაძლებელია, რომ მსგავსი ხელსაყრელი გარემოება ევროპულ და ევროატლანტიკურ სტრუქტურებში გაწევრიანების თვალსაზრისით აღარ შეიქმნას.  გარდა ამისა, გაწევრიანების შესახებ მოლაპარაკების პროცესის გაჩერება გამოიწვევს ქვეყნის იზოლაციას. დასავლელი პარტნიორების მხარდაჭერის გარეშე, საქართველო პირისპირ რჩება იმ საფრთხეების წინაშე, რომლებიც განსაკუთრებით გაძლიერებულია საერთაშორისო და უსაფრთხოების გარემოში მიმდინარე პროცესების ფონზე.

მიგვაჩნია, რომ 2028 წლამდე ევროკავშირში გაწევრიანების მოლაპარაკებების გახსნის ამოღება პოლიტიკური დღის წესრიგიდან წინააღმდეგობაში მოდის საქართველოს კონსტიტუციის 78-ე მუხლის მოთხოვნებთან.

ჩვენ,  ერთგული ვრჩებით საქართველოს ევროპული და ევროატლანტიკური ინტეგრაციის კურსისადმი“-აცხადებენ თანამშრომლები.

1. ანნა ბაღბაბია – ევროატლანტიკური ინტეგრაციის დეპარტამენტი
2. ანა ძოწენიძე – საერთაშორისო ორგანიზაციების დეპარტამენტი
3. ანა ქოიავა – დიპლომატიური პროტოკოლის დეპარტამენტი
4. ანა შაიშმელაშვილი – ევროკავშირის დახმარების კოორდინაციისა და სექტორული ინტეგრაციის დეპარტამენტი
5. ანა ჩიტალაძე – ევროატლანტიკური ინტეგრაციის დეპარტამენტი
6. არჩილ მენთეშაშვილი – საქართველოს საელჩო ეგვიპტის არაბთა რესპუბლიკაში
7. ასმი გრძელიძე – საკონსულო დეპარტამენტი
8. ალექსანდრე გოგოლაძე – სომხეთის რესპუბლიკაში საქართველოს საელჩო
9. ბაია კაპანაძე – ევროკავშირის დახმარების კოორდინაციისა და სექტორული ინტეგრაციის დეპარტამენტი
10. ბონდო მესხი – ევროკავშირის დახმარების კოორდინაციისა და სექტორული ინტეგრაციის დეპარტამენტი
11. გიორგი წიქარიშვილი – ევროატლანტიკური ინტეგრაციის დეპარტამენტი
12. გიორგი მურღვაშვილი – ახლო აღმოსავლეთის და აფრიკის ქვეყნების დეპარტამენტი
13. გიორგი თავართქილაძე – საერთაშორისო სამართლებრივი დეპარტამენტი
14. დავით ბაზერაშვილი – ევროკავშირის დახმარების კოორდინაციისა და სექტორული ინტეგრაციის დეპარტამენტი
15. ერეკლე იანტბელიძე – ევროკავშირის დახმარების კოორდინაციისა და სექტორული ინტეგრაციის დეპარტამენტი
16. ეკა ფხოველიშვილი – ევროკავშირის დახმარების კოორდინაციისა და სექტორული ინტეგრაციის დეპარტამენტი
17. ვაჟა გვარამია – საქართველოს საელჩო მოლდოვას რესპუბლიკაში
18. ვერა ხაჯალია – ევროატლანტიკური ინტეგრაციის დეპარტამენტი
19. თამარ ჩაჩიბაია – საერთაშორისო ორგანიზაციების დეპარტამენტი
20. თამარ ბალავაძე – უსაფრთხოების თანამედროვე გამოწვევებისა და შეიარაღებაზე კონტროლის დეპარტამენტი
21. თამთა უგლავა – პოლიტიკური დეპარტამენტი
22. თეონა ჯანაშია – უსაფრთხოების თანამედროვე გამოწვევებისა და შეიარაღებაზე კონტროლის დეპარტამენტი
23. თორნიკე ფარულავა -ევროატლანტიკური ინტეგრაციის დეპარტამენტი
24. თინათინ თაბუკაშვილი – დიპლომატიური პროტოკოლის დეპარტამენტი
25. თინათინ ლოლომაძე – ევროკავშირის დახმარების კოორდინაციისა და სექტორული ინტეგრაციის დეპარტამენტი
26. ირაკლი სიმონიშვილი – ევროინტეგრაციის დეპარტამენტი
27. ირმა კილასონია – ამერიკის დეპარტამენტი
28. ლანა ჯალაღონია – ევროკავშირის დახმარების კოორდინაციისა და სექტორული ინტეგრაციის დეპარტამენტი
29. ლუკა გაწერელია – პოლიტიკური დეპარტამენტი
30. მარიამ არბოლაშვილი – დიპლომატიური პროტოკოლის დეპარტამენტი
31. მარიამ ჯანელიძე – ევროატლანტიკური ინტეგრაციის დეპარტამენტი
32. მამიკა ანთაძე – საერთაშორისო ორგანიზაციების დეპარტამენტი
33. ნესტან ბეჟანიშვილი – – საერთაშორისო ორგანიზაციების დეპარტამენტი
34. ნინო საღინაძე – ევროატლანტიკური ინტეგრაციის დეპარტამენტი
35. ნინო ჩხიკვაძე ევროკავშირის დახმარების კოორდინაციისა და სექტორული ინტეგრაციის დეპარტამენტი
36. ნინო ყამარაული – ევროკავშირის დახმარების კოორდინაციისა და სექტორული ინტეგრაციის დეპარტამენტი
37. ოლღა სპირანდი – ევროატლანტიკური ინტეგრაციის დეპარტამენტი
38. საბა ფუტკარაძე – საკონსულო დეპარტამენტი
39. სალომე აქუბარდია – ევროინტეგრაციის დეპარტამენტი
40. ქეთევან სხილაძე – ლევან მიქელაძის სახელობის დიპლომატიური სასწავლო კვლევითი ინსტიტუტი
41. ქეთევან ფრუიძე – საერთაშორისო სამართლებრივი დეპარტამენტი
42. ქრისტინე ჟღენტი – ევროკავშირის დახმარების კოორდინაციისა და სექტორული ინტეგრაციის დეპარტამენტი
43. ხატია ხორავა – ევროინტეგრაციის დეპარტამენტი
44. ხუტა სალია – საქართველოს საელჩო ლატვიის რესპუბლიკაში

საქართველოს პრეზიდენტი სალომე ზურაბიშვილი სამოქალაქო საზოგადოებას, ასევე ოპოზიციურ პარტიებს გაერთიანებისკენ მოუწოდებს.  პრეზიდენტმა მიმართა ასევე ელჩებს, საჯარო მოხელეებსა და ჯარს.

„მე მინდა მივმართო ქართულ ჯარს, იმ ჯარს, რომელსაც დღეს ყველაზე მეტად გული სტკივა, რომელსაც დღეს არანაირი მოქმედება არ შეუძლია და არც ევალება, მაგრამ ის არის ყველაზე ერთგული ამ ქვეყნის, რომელსაც ყველაზე უფრო გული სტკივა, რომ ეს ქვეყანა უბრუნდება იმ რუსეთს, რომლიდანაც ჩვენ ძლივს გამოვედით, დავამტკიცეთ ჩვენი დამოუკიდებლობა“ – განაცხადა სალომე ზურაბიშვილმა.

ზურაბიშვილმა მიმართა პოლიციასაც და მას მოქალაქეების და არა მონებისა და მოღალატეების დაცვისკენ მოუწოდა.

„მინდა მივმართო პოლიციას, ნამდვილ პოლიციას, რომელიც ემსახურება სახელმწიფოს. თქვენ სახელმწიფოს გარეშე არაფერი ხართ და თქვენი მოვალეობა ამ სახელმწიფოში, არის ის რომ მოქალაქეები დაიცვათ და არა მონები , არა რუსები და არა უცხოელები, ამიტომ თქვენც აიღეთ თქვენს ხელში რაც არის თქვენი გადასაწყვეტი.“

პრეზიდენტმა მიმართა და გადაწყვეტილების მიღება სთხოვა როგორც ელჩებს, ასევე საჯარო მოხელეებს:

„მინდა მივმართო საჯარო მოხელეებს. დროა, რომ თქვენი გადაწუვეტილება მიიღოთ. დროა რომ იფიქროთ იმაზე თუ რა მომავლს უტოვებთ თქვენს შვილებს, რას იფიქრებენ ხვალ და ზეგ, როცა აქ იცხოვრებენ. მე მესმის, რომ ძალიან რთულია ამ ქვეყანაში, როცა პირობები არის, ვითომც ეკონომიკურად მზარდ ქვეყანაში, სადაც ვიცით თუ რა პირობებში ცხოვრობენ ადამიანები, მაგრამ ღირსება უფრო მნიშვნელოვანია, მნიშვნელოვნია ქვეყანა სამშობლო .

მინდა მივმართო ელჩებს, დღეს რაღას აკეთებთ, ვის ემსახურებით, რას ემსახურებით, სადა ხართ, ხომ წარმოგიდგენიათ რა აბსურდში ვცდოვრობთ, თქვენ არ არ გიჭირთ ცხოვრება, თქვენ გაქვთ დანაზოგებიც, ყველაფერი გაქვთ და იფიქრეთ, რუსეთს გინდათ ემსახუროთ? ხვალ აქ რუსეთი იქნება თუ ჩვენ ყველამ არ ამოვიღეთ ხმა.“

„დღეს დაესვა წერტილი იმ საკონსტიტუციო გადაწყვეტილებას, რომელიც დაწყებულია უკვე რამდენიმე კვირა თუ თვე, დღეს დაესვა წერტილი იმ მსვლელობას, რომელიც დაწყებული იყო რამდენიმე თვე თუ მეტი, ევროპიდან რუსეთისკენ.

ყველა ეჭვი, რომ შეიძლება არა, შეიძლება მაინც სხვა გზა არის, გაიფანტა. დღეს გამოუცხადა ამ არალეგიტიმურმა ხელისუფლებამ არა მშვიდობა, არამედ ომი საკუთარ ხალხს, საკუთარ წარსულს და საკუთარ მომავალს, ჩვენს მომავალს ჩვენი ქვეყნის მომავალს და ჩვენი საზოგადოების მომავალს, იმიტომ რომ ამ გზაზე არ არსებობს არც საქართველოს სახელმწიფოებრივობა, არც მისი დამოუკიდებლობა, არც მომავალი გარდა რუსეთისა.“ – განაცხადა პრეზიდენტმა.

სალომე ზურაბიშვილის თქმით დღეს მან მოსთხოვა ელჩებს მიიღონ ზომები და გააკეთონ ის, რაც ამ დრომდე უნდა გაეკეთებინათ:

„მე დღეს დავიბარე დიპლომატიური კორპუსი და მათაც ვუთხარი, რომ ცოტა დააგვიანეს შეფასებები, ბევრს ელოდებოდნენ, რომ შეიძლება რაღაცა კიდევ არის დასამტკიცებელი. არაფერი არ არის დასამტკიცებელი და ეს კიდევ ერთხელ ვუთხარი მათ, ყველაფერი დამტკიცებულია და ყველაფერი ნათელია და თუ ვინმე არ ხედავს, ის მაინც, რომ პუტინმა რამდენიმე წუთში გამოთქვა კმაყოფილება ამ ყველაფრის მიმართ და ხელისუფლებას დაუფასა თავისი მორჩილება, ეს მაინც არის მტკიცებულება იმის თუ რა ხდება.

მათ მივმართე და ვთხოვე, რომ ახლავე მიიღონ ყველა ის გადაწყვეტილება, რაც იყო ამდენ ხანს მისაღები და ჩვენ დაგვეხმარონ იმ ერთადერთ მოთხოვნაში, რაც არის ჩვენი, ხალხის და მთელი საზოგადოების მოთხოვნა, ახალი არჩევნების დანიშვნა და ჩატარება, ეს არის ჩვენი გამოსავალი და ის, რისთვისაც ვიბრძვით“ – განაცხადა ზურაბიშვილმა.

დღეს, 28 ნოემბერს, „ოცნებამ“ განაცხადა, რომ ევროკავშირში გაწევრიანების პროცესს აჩერებს 2028 წლამდე. განცხადების შემდეგ, სპონტანურად, საქართველოს 5 ქალაქში: თბილისში, ბათუმში, ქუთაისში, ზუგდიდსა და გორში საპროტესტო აქციები დაიწყო.

„დღეს კობახიძემ ფაქტობრივად განაცხადა, რომ ხელისუფლება აჩერებს კონსტიტუციის მოქმედებას, რაც სამართლის ენაზე ნიშნავს სახელმწიფო გადატრიალების მცდელობას,“ – წერს ფეისბუქში პოლიტოლოგი გია ხუხაშვილი.

დღეს, 28 ნოემბერს, „ქართული ოცნების“ პრემიერ-მინისტრმა ირაკლი კობახიძემ განაცხადა, რომ 2028 წლამდე ევროკავშირში გაწევრიანებაზე მოლაპარაკებების გახსნას დღის წესრიგში არ დააყენებენ.

„როდესაც ხელისუფალი გადის საკანონმდებლო სივრციდან, ხალხი, როგორც ძალაუფლების წყარო უფლებამოსილია აღადგინოს კონსტიტუციური წესრიგი – დააბრუნოს ხელისუფლება მინიჭებული მანდატის ფარგლებში და თუ ეს შეუძლებელია, ჩამოაშოროს ძალაუფლებას.

მე მინდა ვუთხრა ყველა სახელმწიფო-პოლიტიკური თანამდებობის პირს, ელჩებს, ძალოვნებს, თუ ყველა საჯარო მოხელეს – მათი ლოიალობა ხელისუფლის ამ დირექტივის მიმართ, ნიშნავს სახელმწიფოს წინააღმდეგ ჩადენილ ამ უმძიმეს დანაშაულში თანამონაწილეობას. დანაშაულში, საქართველოს მომავლის, მათი შვილების მომავლის წინაშე და ამ დანაშაულს ხანდაზმულობის ვადა არა აქვს,“ – წერს გია ხუხაშვილი.

ამავე თემაზე: 

„გაყალბებული არჩევნების შემდეგ მთელი რიგი ანტიკონსტიტუციური გადაწყვეტილებების მიღება „ოცნებამ“ დააგვირგვინა ქვეყნის დასავლური კურსის ოფიციალური ცვლილებით, რაც გაახმოვანა არალეგიტიმური პრემიერის, კობახიძის ენით“ –  წერს პარტია „საქართველოსთვის“ ლიდერი, ყოფილი პრემიერი გიორგი გახარია და ამ პროცესში მონაწილე პირების პასუხისმგებლობას უსვამს ხაზს:

„გასაგებია, რომ ქვეყნის ინტერესებისთვის მოღალატეობრივი ამ ნაბიჯის უკან დგას ბიძინა ივანიშვილი, მაგრამ ყველას უნდა ესმოდეს, რომ ეროვნული ინტერესების საწინააღმდეგო ამ უმძიმეს გადაწყვეტილებაზე პასუხისმგებლობას ვერცერთი ამ ღალატში მონაწილე პირი ვერ გაექცევა.“

დღეს, 28 ნოემბერს „ქართული ოცნების“ პრემიერ-მინისტრმა, ირაკლი კობახიძემ განაცხადა, რომ 2028 წლამდე ევროკავშირში გაწევრიანებაზე მოლაპარაკებების გახსნას დღის წესრიგში არ დააყენებენ. კობახიძის განცხადების შემდეგ მოქალაქეები “ქართული ოცნების” ოფისთან [ორთაჭალა, გორგასლის #20] იკრიბებიან. საპროტესტო აქცია ანონსდება თბილისში, ქუთაისსა და ბათუმში.

პარალელურად, დიპლომატიურ კორპუსთან საგანგებო შეხვედრა ჩანიშნა პრეზიდენტმა. მათთან შეხვედრის შემდეგ სალომე ზურაბიშვილი საჯარო განცხადებას გააკეთებს.

რუსეთის პრეზიდენტმა, ვლადიმერ პუტინმა განაცხადა, რომ გაკვირვებულიც კი იყო იმ სიმამაცით, რომლითაც საქართველოს ხელისუფლება იცავდა თავის პოზიციას ბოლო კანონპროექტებთან დაკავშირებით.

ამის შესახებ პუტინმა დღეს, 28 ნოემბერს, დაახლოებით 18:00 საათზე, ყაზახეთში, კოლექტიური უსაფრთხოების ხელშეკრულების ორგანიზაციის სამიტის შემდეგ გამართულ პრესკონფერენციაზე თქვა. ინფორმაცია ამის შესახებ კრემლის პროპაგანდისტ ვლადიმერ სალავიოვის ტელეგრამ არხზე გავრცელდა.

„საქართველოში მოვლენები რომ დაიწყო, მე, გულწრფელად რომ გითხრათ, გაკვირვებით ვუყურებდი და ვაკვირდებოდი ამ ყველაფერს. რუსეთს ურთიერთობა არ აქვს საქართველოს ხელმძღვანელობასთან. მაგრამ მე უბრალოდ გაოგნებული ვიყავი მათი გამბედაობით და ხასიათით, რომელიც მათ აჩვენეს თავიანთი თვალსაზრისის დასაცავად“, – ციტირებს პუტინს რუსული პროპაგანდისტული მედია “Аргументы и Факты”.

პუტინმა კიდევ ერთხელ აღნიშნა, კრემლის პროპაგანდის უცვლელი მესიჯი, თითქოს რუსეთი დასავლეთისგან განსხვავებით არ ერევა საქართველოს შიდა პოლიტიკურ საქმეებში.

როგორ უნდა მივმართოთ ან რა სტატუსით უნდა მოვიხსენიოთ წერილობით ან ზეპირ განცხადებებში ხელისუფლება, რომელსაც ქვეყნის მოსახლეობის დიდი ნაწილი, ასევე ოპოზიცია და საქართველოს პრეზიდენტი არ აღიარებს? როგორ იქცევა ხალხი, კერძო თუ სახელმწიფო ორგანიზაციები ანტიკონსტიტუციურ ხელისუფლებასთან ურთიერთობის დროს? – ამ თემაზე „ბათუმელები“ კონსტიტუციონალისტ ვახტანგ ხმალაძეს ესაუბრა.

• ბატონო ვახტანგ, როგორც ვიცით, 26 ოქტომბრის არჩევნების შედეგებს არ ცნობს ქართული საზოგადოების დიდი ნაწილი, ოპოზიცია და საქართველოს პრეზიდენტი. დღეს კი გავრცელდა ევროპარლამენტის რეზოლუცია, რომლითაც ის არ აღიარებს არჩევნების შედეგებს და საქართველოს ფაქტობრივ ხელისუფლებას. როგორ შეიძლება გაგრძელდეს ამის შემდეგ ხალხის ურთიერთობა თვითგამოცხადებულ ხელისუფლებასთან?

არის სამართლებრივი მდგომარეობა და არის ფაქტობრივი მდგომარეობა.

სამართლებრივი თვალსაზრისით, დღევანდელი პარლამენტი არის არაკონსტიტუციური, ვინაიდან უფლებამოსილების ცნობა პარლამენტის წევრების მოხდა კანონდარღვევით. ამიტომ ეს პარლამენტი, ასევე ამ პარლამენტის მიერ მიღებული ნებისმიერი გადაწყვეტილება არის არაკონსტიტუციური.

პარლამენტმა უკვე ნდობაც გამოუცხადა მთავრობას. შესაბამისად, ეს მთავრობაც იქნება არაკონსტიტუციური. ისევე როგორც გუშინ მიღებული გადაწყვეტილება, პრეზიდენტის არჩევნების დანიშვნის თაობაზე. ესეც არაკონსტიტუციურია.

ამდენად, ლეგიტიმურობის თვალსაზრისით, ჩვენი ხელისუფლება  – პარლამენტი, მთავრობა და ნებისმიერი სხვა სახელმწიფო ორგანო, რომელსაც ეს პარლამენტი შექმნის, იქნება არაკონსტიტუციური.

მაგრამ, ფაქტობრივი მდგომარეობა არის ის, რომ ჩვენ გვყავს ეს პარლამენტი და გვეყოლება ამ პარლამენტის მიერ დამტკიცებული მთავრობა, რომელიც მიიღებს მთელ რიგ გადაწყვეტილებებს, კანონებს, კანონებში ცვლილებებს შეიტანს – ყველაფერი ეს სამართლებრივი თვალსაზრისით არაკონსტიტუციური იქნება, მაგრამ ფაქტობრივი მდგომარეობა იქნება ის, რომ ჩვენ მოგვიწევს ამ გადაწყვეტილებების შესრულება, რადგან არალეგიტიმური ხელისუფლების ხელში არის ძალა.

• მოქალაქეებს, ორგანიზაციებს თუ აქვთ უფლება არ დაემორჩილონ ამ გადაწყვეტილებებს?

თუ არ შევასრულებთ, ეს არალეგიტიმური ხელისუფლება მოგვთხოვს პასუხს. ხელისუფლება დღეს გასულია კონსტიტუციური სივრციდან და მოქმედებს ძალის პრინციპით.

• აი, მაგალითად, როცა ანტიკონსტიტუციურია ხელისუფლება და შესაბამისად, არაკანონიერია მთავრობაც, როგორ მივმართავთ მინისტრებს, როგორ უნდა მოვიხსენიოთ ისინი, ვთქვათ, ოფიციალურ წერილებში, განცხადებებში, როცა მოვითხოვთ, მაგალითად, საჯარო ინფორმაციას, როგორი ფორმულირება შეგვიძლია გამოვიყენოთ ასეთ დროს?

თქვენ რომ დაწეროთ, არ ხართ კანონიერი მინისტრი, მაგრამ მაინც მოგმართავთ, როგორც მინისტრს და რაღაცას ვითხოვ თქვენგანო, როგორი იქნება ამ მინისტრის რეაქცია, მე მგონი გასაგებია. ამიტომ, მოგიწევთ მიმართოთ ისე, როგორც მინისტრს.

როგორც ქვეყნის შიგნით, ასევე ქვეყნის გარეთ, სხვა სახელმწიფოებისთვისაც, ეს ხელისუფლება იქნება არალეგიტიმური. თუმცა, თუ მოინდომებენ ამ ხელისუფლებასთან ურთიერთობას რაიმე მიზეზის გამო, მათაც მოუწევთ იმოქმედონ ფაქტობრივ ხელისუფლებასთან.

რადგან ხელისუფლებას ფაქტობრივად ის ფლობს – არალეგიტიმური პარლამენტი, არალეგიტიმური მთავრობა. ამ თვალსაზრისით ვართ ძალიან ცუდ მდგომარეობაში.

• ჩვენ, მოქალაქეები, ხომ ვიხდით გადასახადებს, ამ გადასახადებით კი ივსება ბიუჯეტი და შემდეგ ფინანსდება სხვადასხვა უწყება. ჩვენ ანუ ხალხი ვქირაობთ ხელისუფლებას და ვუხდით მათ ხელფასს. შეუძლია თუ არა საქართველოს მოქალაქეს უარი თქვას ანტიკონსტიტუციური ხელისუფლების დაფინანსებაზე და არ გადაიხადოს გადასახადები? რა სამართლებრივი ძალა აქვს საზოგადოებას ასეთ შემთხვევაში?

ეს არის ეგრეთ წოდებული სამოქალაქო დაუმორჩილებლობა, როცა ხალხი უარს ამბობს არალეგიტიმური ხელისუფლების მოთხოვნების შესრულებაზე.

რა მოჰყვება ამას? გამომდინარე იქიდან, რომ ხელისუფლებას აქვს ყველანაირი ინსტრუმენტი ჩვენზე ზემოქმედების, მათ შორის აქვს ძალის გამოყენების ინსტრუმენტი, ხელისუფლება შეეცდება ძალის გამოყენებით გვაიძულოს გავაკეთოთ ის, რაც ჩვენ მიგვაჩნია არასწორად, ხელისუფლების არაკანონიერების გამო.

არ გადაიხდით გადასახადს? გაასაჩივრებენ სასამართლოში, რომელიც ასევე არალეგიტიმურია. სასამართლო მიიღებს ისეთ გადაწყვეტილებას, როგორიც ხელისუფლებას უნდა. ვინაიდან საქართველოში დარღვეულია ხელისუფლების დანაწილების პრინციპი და ფაქტობრივად, ჩვენ არ გვყავს დამოუკიდებელი სასამართლო.

• როგორ უნდა დაიცვას მაშინ თავისი უფლება მოქალაქემ, რომ თავი დაიცვას არალეგიტიმური ხელისუფლების მითითებების შესრულებისგან?

ჩვენს კონსტიტუციაში პირდაპირ არ წერია, მაგრამ საერთაშორისო სამართლის ნორმაა, რომელიც არაერთი სახელმწიფოს კონსტიტუციაშია გაწერილი, რომ თუ ხელისუფლება გავიდა კონსტიტუციის მოქმედების ფარგლებიდან, მაშინ ხალხს უფლება აქვს, შეცვალოს ეს ხელისუფლება.

ანუ იმოქმედოს ფაქტობრივი ხელისუფლების შესაცვლელად.

• ამ მოქმედებაში რა იგულისხმება?

ყველაფერი.

აქ რაიმე კონკრეტული განსაზღვრება არ არის, ხალხმა თავისი მოქმედებით უნდა აიძულოს ხელისუფლება, რომ დაბრუნდეს კონსტიტუციის მოქმედების ფარგლებში.

ეს დაბრუნება შეიძლება დაიწყოს, ჩემი აზრით, სამართლიანი არჩევნების ჩატარებით.

თუმცა ისტორიამ იცის ბევრი სახელმწიფო, სადაც წლების განმავლობაში მოქმედებდა არალეგიტიმური ხელისუფლება.

ეს არის ის ქვეყნები, სადაც იყო დიქტატურა, სადაც იყო ავტორიტარული ხელისუფლება, სადაც არჩევნები იყო მხოლოდ ფორმალური, ამიტომ ვერ ვიტყვით ზუსტად, რამდენი ხანი შეიძლება გაგრძელდეს ამ ხელისუფლების ანტიკონსტიტუციური მდგომარეობა. ადრე მოხდება თუ გვიან, ეს ისევ ხალხზეა დამოკიდებული.

• მედიის გარდა, არსებობს სხვა ინსტიტუციებიც – სკოლა, უნივერსიტეტი, საჯარო თუ კერძო ორგანიზაციები, შეუძლიათ მათ არ იქონიონ ურთიერთობა ამ ხელისუფლებასთან, თუკი არ აღიარებენ. და თუ ვწყვეტთ ამ ურთიერთობას, ეს რას ცვლის?

ნაწილი ალბათ იმოქმედებს ისე, როგორც იმ შემთხვევაში იმოქმედებდა, ხელისუფლება ლეგიტიმური რომ ყოფილიყო, ნაწილი ალბათ შეეცდება არ იმოქმედოს ასე. სხვა არაფრის თქმა შემიძლია.

ზოგადად ასეა, გამოთქმა რომ არის, ყველა ქვეყანას ჰყავს ისეთი ხელისუფლება და ის ხელისუფლება, რომელიც ამ ქვეყანას უნდა.

ჩვენზეა დამოკიდებული, როგორი ხელისუფლება გვეყოლება.

ჩვენ არაერთგზის გვითქვამს და როცა კონსტიტუციას ვასწავლით, იქ ვამბობთ ხოლმე, რომ კონსტიტუციები იმისთვის იწერება, რომ დაცული იყოს ადამიანის უფლებები, ხელისუფლება იმისთვის იქმნება, რომ მან დაიცვას ადამიანის უფლებები. მაგრამ მოგეხსენებათ, კონსტიტუცია ეს არის ქაღალდზე დაწერილი დოკუმენტი, რომელიც თავისთავს ვერ დაიცავს და თუ გვინდა, რომ დაგვიცვას კონსტიტუციამ, ხალხმა ანუ ჩვენ უნდა დავიცვათ კონსტიტუცია ნებისმიერი ხელყოფისგან.

ამჟამად ჩვენ ვართ იმ ვითარებაში, როცა მოხდა კონსტიტუციის ხელყოფა.

• გამოდის, რომ ამ კონსტიტუციის დასაცავად ხალხს მხოლოდ დაუმორჩილებლობის და გაფიცვის ბერკეტი დარჩა?

ასე გამოდის. სხვა გზა მე არ ვიცი.

უნდა ვაიძულოთ ხელისუფლება დაბრუნდეს კონსტიტუციის მოქმედების ფარგლებში და ამის მიღწევის საშუალება არის ახალი, სამართლიანი არჩევნები.

საავტომობილო გზების დეპარტამენტის ინფორმაციით, რთული მეტეოროლოგიური პირობების (ინტენსიური თოვა და ქარბუქი) გამო, შიდასახელმწიფოებრივი მნიშვნელობის ბათუმი (ანგისა) -ახალციხის საავტომობილო გზის კმ 106-კმ 123 (კურორტი გოდერძი-უტყისუბანი) მონაკვეთზე, დროებით იზღუდება ყველა სახის ავტოტრანსპორტის მოძრაობა.

ასევე, მოქალაქეები სოციალურ ქსელებში წერენ, რომ რთული მდგომარეობაა წალკაშიც გზებზე.

„თბილისიდან წალკის მიმართულებით არავინ წამოხვიდეთ, ავარიებია გზებზე, ყოველ ერთ კილომეტრზე ჩაკეტილია გზა ნამქერის გამო“- წერს ერთ-ერთი მოქალაქე ფეისბუქში.

ამ დროისთვის საქართველოს რამდენიმე რეგიონში თოვს.

თოვს აჭარის მაღალმთიან მუნიციპალიტეტებშიც. სინოპტიკოსების ცნობით, აჭარაში შაბათ-კვირას გამოიდარებს.

არჩილ ბერიძე ბათუმის სახელმწიფო უნივერსიტეტის მაგისტრატურის სტუდენტი და მოძრაობა „გუშაგების“ წევრია. არჩილი მონაწილეობდა ბსუ-ს სტუდენტურ პროტესტში. მათ პროტესტი 14 ნოემბერს დაიწყეს და 9 ღამე გაათიეს უნივერსიტეტში, შემდეგ კი ზოგიერთი მათგანი თბილისში მიმდინარე საპროტესტო აქციებს შეუერთდა.

არჩილ ბერიძეს ვკითხეთ, რას ფიქრობს ქვეყანაში არსებულ მდგომარეობაზე, როგორ ხედავს პროცესების განვითარებას და მის, როგორც მოქალაქის როლს.

• არჩილ, როგორ ფიქრობთ, რა მდგომარეობაში ვართ ახლა? 

ჩემი აზრით, ახლა ქართველი საზოგადოება და საქართველოს სახელმწიფო არის ძალიან რთულ სიტუაციაში. ერთია პოლიტიკური კრიზისი, რაც გვაქვს ქვეყანაში და მეორეა, ამის პარალელურად რასაც აკეთებს “ქართული ოცნება”. ის გავიდა კონსტიტუციის ფარგლებიდან და მისი ყველა ქმედება უკვე არის არაკონსტიტუციური.

გვმართავს არალეგიტიმური ხელისუფლება, რომლის მთავარი სურვილიც ბიძინა ივანიშვილის ფინანსების დაცვა და საქართველოში ისეთი მდგომარეობის შექმნაა, რომ ან ქვეყნიდან წავიდეთ, ან საქართველო მიუერთდეს რუსეთს და გახდეს ბელარუსის ტიპის სახელმწიფო.

ოპოზიციაშიც არის კრიზისი და რთული სიტუაცია, იმიტომ, რომ ოთხი განსხვავებული პოლიტიკური პარტიის ლიდერები, სამწუხაროდ, ამ დრომდე ვერ დასხდნენ ერთად და ვერ შეთანხმდნენ. ეს პოლიტიკურ კრიზისზე უარყოფითად აისახება და ისედაც უიმედოდ განწყობილ საზოგადოებაში კიდევ უფრო აღვივებს უიმედობას, რადგან ჩვენ არჩევნებამდე გვქონდა მოლოდინი, რომ ხელისუფლება შეიცვლებოდა და არჩევნების შემდეგ, როცა შედეგი დადგა სახეზე, განცდა გვქონდა, რომ ოთხივე ოპოზიციური პოლიტიკური პარტია დასხდებოდა, ითანამშრომლებდნენ ერთმანეთთან და ისაუბრებდნენ სამომავლო გეგმებზე. სწორედ ეს იყო, რისთვისაც გვინდოდა ჩვენ კოალიციური მმართველობა, მაგრამ ამ წუთას, ვფიქრობ, ოპოზიციურ ლიდერებს უფრო მეტი მართებთ…

ოპოზიციის მიღმაც ძალიან ბევრი რამის გაკეთება შეიძლება.

მაგალითად, ჩვენ რაც გავაკეთეთ ბათუმში, ეს იყო გულწრფელი პროტესტი, რომელიც არც ერთი კონკრეტული პოლიტიკური პარტიისგან მართული არ ყოფილა, პირიქით, ჩვენმა პროტესტებმა უბიძგა პოლიტიკურ პარტიებს, რომ მოქმედება დაეწყოთ. ოთხივე ლიდერი გამოხმაურებოდა ჩვენს ამბავს, უფრო მკაფიოდ ჩამოეყალიბებინათ საკუთარი პოზიცია. ასე უნდა ვქნათ, როდესაც ზემოდან ქვემოთ არ ხდება რაღაც, ამ შემთხვევაში, ქვემოდან უნდა „მივაწვეთ“.

ნებისმიერი პროტესტი, სადაც შეგვიძლია დავაფიქსიროთ, იქნება ეს აუდიტორიებში, სამსახურში, ყველგან უნდა გამოვხატოთ მოსახლეობამ და ახალგაზრდებმა განსაკუთრებით, ჩვენი პოზიცია. 

უნდა გამოვხატოთ, რომ ჩვენ არ ვეგუებით ამას და მერე გინდა თუ არ გინდა, ყველა პოლიტიკურ პარტიას მოუწევს შეასრულოს ჩვენი დაკვეთა, სხვანაირად ჩვენს ხმებს ვერ მიიღებენ და ამიტომ არის სამოქალაქო საზოგადოების აქტიურობა მნიშვნელოვანი.

კიდევ ძალიან ბევრი რამის გაკეთება შეიძლება. მაგალითად, ჩვენ თვითონ ჩავუდგეთ სათავეში პროცესებს, მოდერაცია გავუწიოთ პოლიტიკური პარტიების შეხვედრებს, იდეები შევთავაზოთ და მერე გამოჩნდებ,ა ვინ იღებს ამ იდეებს და ვინ – არა. ეს არის მთავარი, რაც შეიძლება ჩვენ ამ წუთას ვქნათ.

კიდევ ის შეგვიძლია, რომ ოპოზიციის გარეშეც მივაწვდინოთ ჩვენი ხმა დასავლელ პარტნიორებს. ჩვენი სტუდენტური პროტესტი ბათუმში მნიშვნელოვანი პრეცედენტი იყო, იმიტომ, რომ ჟურნალისტები უცხოეთიდანაც დაგვიკავშირდნენ.

ახლა არ არის მოდუნების დრო. ახლა არის დრო პროტესტის ყველგან გამოხატვის. სადაც არ უნდა მივიდეთ, ჩვენი პოზიცია ყველგან მკაფიოდ უნდა დავაფიქსიროთ.

• რაზე მეტყველებს პარლამენტის არალეგიტიმური შეკრება, მანდატების ცნობა, პრეზიდენტობის კანდიდატად ყაველაშვილის დასახელება? 

ეს მეტყველებს იმაზე, რომ ბიძინა ივანიშვილს საერთოდ არ აინტერესებს არც კონსტიტუცია, არც ქართველი ხალხის შეხედულებები.

მეტიც, გუშინ გახდა ცნობილი, რომ განათლების სამინისტრომ ამოიღო ერთიანი ეროვნული გამოცდების საგამოცდო საკითხებიდან მნიშვნელოვანი თემები, რომლებიც ეხება საქართველოს იდენტობას, კულტურას და რუსეთს, დღეს კი გაუნათლებელი ადამიანი დასახელდა პრეზიდენტობის კანდიდატად.

ჩვენ ვნახეთ, რომ მიხეილ ყაველაშვილის განათლების გრაფა ცარიელია, ეს ნიშნავს, რომ მისთვის [ივანიშვილისთვის] პრიორიტეტი გაუნათლებელი ადამიანებია, რათა მარტივად დაემორჩილოს. მხოლოდ და მხოლოდ ბიძინა ივანიშვილს უჭირავს ჩვენი ქვეყანა ერთი ხელით და პარლამენტსაც საკუთარ ჭკუაზე ატრიალებს, რაც სახელმწიფოსთვის დამღუპველია.

• როგორ ფიქრობთ, ეს არის ფსკერი, თუ უარესებსაც უნდა ველოდოთ? როგორ ხედავ მოვლენების განვითარებას?

არა. ადრე მეგონა, რომ „ქართული ოცნება“ რაღაცას რომ გააკეთებდა, იმაზე უარესს ვეღარ იზამდა, მაგრამ ნელ-ნელა ვრწმუნდები, რომ კი, ამაზე უარესიც შეუძლია. ეს ფსკერი არ არის, უარესის გაკეთება შეუძლია, თუ დროზე არ გამოვფხიზლდებით ჩვენ, საზოგადოება, არასამთავრობო ორგანიზაციები, პოლიტიკური პარტიებიც.

უნდა დავსხდეთ და განვიხილოთ, რა შეიძლება გააკეთოს ქართულმა ოცნებამ და ჩვენ როგორ უნდა მოვახდინოთ ამის პრევენცია.

პირველ რიგში, უნდა დავარწმუნოთ ჩვენი დასავლელი პარტნიორები, რომ ქართულ ოცნებას მეტი შეუძლია, უარესის გაკეთება შეუძლია. შეუძლია რუსული დავალებები ისე განახორციელოს, რომ დავკარგოთ ჩვენი იდენტობა, რაც მგონია, რომ ბიძინა ივანიშვილის ერთ-ერთი დავალება იყო, როდესაც ხელისუფლებაში მოვიდა, თუმცა დროში გაწელილი პროცესია, რა თქმა უნდა.

ქართველები ზოგადად ემოციური და სპონტანური ხალხი ვართ და თუ ერთ მომენტში ვგრძნობთ საშიშროებას, მაშინვე შეგვიძლია დიდი წინააღმდეგობის გაწევა. სწორედ ამიტომ გაიწელა ეს ყველაფერი დროში, რომ ჩვენი მუხტი დაიკარგოს და ასე თუ ისე, ბიძინა აქამდე ახერხებდა და იმედი მაქვს, რომ ამის შემდეგ ამას ვეღარ მოახერხებს, იმიტომ, რომ უარესი იქნება იდენტობის დაკარგვა, უარესი იქნება განათლების სისტემის ისე განადგურება, რომ მისი აღდგენა აღარ შეიძლებოდეს, უარესი იქნება ევროკავშირთან ურთიერთობის გაწყვეტა სრულად. ალბათ, ბიძინა ივანიშვილს სურს, რომ ყველაფერი ისე გაანადგუროს, რომ საქართველოს სახელმწიფოებრიობა დაიკარგოს.

მე სიტუაციას არ ვუყურებ უიმედოდ და ისე, თითქოს არაფრის გამოსწორება არ შეიძლება. ახლა ის დროა, როცა შეიძლება გამოსწორება, თუ ახლა გავჩუმდებით, მერე უკვე ამის იმედი აღარ მექნება.

• თქვენ რას აპირებთ, როგორ ხედავთ ამ პროცესებში თავს? აპირებთ, რომ წინააღმდეგობრივ პროცესში დარჩეთ? 

როცა ბათუმის სახელმწიფო უნივერსიტეტში პროტესტი დავიწყეთ, მე თავიდანვე ვთქვი, რომ ეს არ იყო ერთდღიანი ან ერთთვიანი პროცესი. თუ ვამბობთ, რომ ქვეყანა იღუპება, მას სჭირდება შესაბამისი რეაქცია და ბრძოლა.

რა თქმა უნდა, მე ვაპირებ ბრძოლის გაგრძელებას სხვადასხვა ფორმით. მათ შორის, მინდა შევხვდე [ოპოზიციური] პარტიების ლიდერებსაც. მათზეცაა ბევრი რამ დამოკიდებული და მოვუწოდო, რომ ითანამშრომლონ ერთმანეთთან. აქ საუბარი არ არის გაერთიანებაზე, ერთ პარტიად ჩამოყალიბებაზე. ამის მომხრე არ ვარ. ხალხმა იმიტომ მისცა ხმა, რომ შექმნან კოალიციური მმართველობის ფორმა და თუ ახლა არ შეიქმნება ეს პრეცედენტი, ვერც შემდეგ ვერ მოახერხებენ.

ჩემი წილი იქნება მოწოდება, მათ შორის სამოქალაქო საზოგადოების, არასამთავრობო ორგანიზაციების. ყველა უნდა დავსხდეთ და ვისაუბროთ, თუ რა შეიძლება გავაკეთოთ.

ამ პროცესებზე კულისებიდან ყურება არ მგონია სწორი, არც ცალ-ცალკე სტრატეგიების განხორციელება. ეს არის საერთო საქმე და უნდა გავაკეთოთ ყველამ ერთად. პარალელურად, ხშირი კომუნიკაცია უნდა გვქონდეს დასავლელ პარტნიორებთან, რომ მათ დაინახონ ქვეყანაში შექმნილი კრიზისი. ისინი უყურებენ ყველაფერს – ხალხის რაოდენობას, ოპოზიციის პრინციპულობის. ოპოზიცია არ უნდა შევიდეს პარლამენტში და ლეგიტიმაცია მისცეს იმ პარლამენტს, რომელიც ბიძინა ივანიშვილმა ცესკოს საშუალებით იყიდა.

ერთმანეთთან კომუნიკაცია აქამდე უნდა გვქონოდა, მაგრამ ახლაც არ არის გვიანი.

• საპროტესტო აქციებზე იკლო ხალხის რაოდენობამ. დიდი ნაწილი საზოგადოების, პესიმისტურადაა განწყობილი. როგორ ფიქრობ, რამ გამოიწვია ეს? 

ამაზე ორი მოსაზრება მაქვს. პირველი: ვინც ღიად ოპოზიციონერი არ არის, მაგრამ ოპოზიციონერ პარტიებს უჭერს მხარს და მისი პოზიცია დააფიქსირა მხოლოდ საარჩევნო უბნებზე და ღიად არ გამოხატავს სხვადასხვა მიზეზით, საჯარო დაწესებულებაში მუშაობს, ან არ უნდა, რომ პრობლემები შეექმნას, აქციაზე დგომას ვერ რისკავს.

მეორე მხრივ, მიზეზია ოპოზიციური პოლიტიკური პარტიების მიმართ უნდობლობა, რაზეც ვისაუბრე. ბევრს ჰგონია, რომ ისევ 2020 წლის სცენარი განვითარდება და რამდენიმე თვის შემდეგ ოპოზიციას პარლამენტში ვიხილავთ, თუმცა ასე არ მგონია. მაშინ საერთოდ სხვა მოცემულობა იყო, ახლა – რადიკალურად სხვა. მაშინ დასავლელი პარტნიორებიც ვერ ხედავდნენ კარგად იმ სიტუაციას, რაც ქვეყანაში ხდებოდა. მე მგონია, რომ ომმა უკრაინაში ფარდა ჩამოხსნა ყველაფერს და დასავლელ პარტნიორებს დააჯერა, რომ “ქართული ოცნება” არა დასავლური, არამედ რუსული ხელისუფლებაა და ქართველი ხალხისთვის კარგის გაკეთება არ სურს.

მნიშვნელოვანია, აქციებით, კომუნიკაციით თუ სხვა ფორმებით ჯერ მოსახლეობას ვაჩვენოთ, რომ ახლა უიმედობის დრო არ არის და დასავლელ პარტნიორებს ვაჩვენოთ, რომ ხალხი აქციებზე არ გამოდის არა იმიტომ, რომ „ოცნებას“ ლეგიტიმაციას აძლევს, არამედ იმიტომ, რომ რთული სოციალურ-ეკონომიკური სიტუაციაა და შეიძლება ერთი დღე ადამიანისთვის 1-2 კვირის საკვების გამოცლა იყოს ხელიდან.

მე მესმის მათი ნაწილობრივ. ამიტომაც მოვუწოდებ ოპოზიციურ პარტიებს, რომ დასხდნენ ერთად. მესმის, რომ მათ მიმართ ნდობა შესუსტებულია, ოპოზიცია ნამდვილად იმსახურებს კრიტიკას, მაგრამ კრიტიკაზე მეტად მოწოდებას. საჯაროდ გველაპარაკონ, რაზე თანხმდებიან და თუ ვერ თანხმდებიან, ვინ აყირავებს სიტუაციას, რათა ვიცოდეთ ჩვენ როგორ უნდა მოვიქცეთ.

______________

ფოტოზე: არჩილ ბერიძე სტუდენტურ საპროტესტო აქციაზე. ფოტო „ბათუმელების“ არქივიდან.