კავკასიის უნივერსიტეტმა მიიღო გადაწყვეტილება, ქვეყანაში განვითარებული მოვლენების ფონზე დროებით შეეჩერებინა სასწავლო პროცესი. ამის შესახებ ინფორმაციას უნივერსიტეტში ადასტურებენ.
„გაცნობებთ, რომ ქვეყანაში განვითარებული მოვლენების ფონზე სასწავლო პროცესი დროებით შეჩერებულია.
სასწავლო პროცესის განახლების შესახებ ინფორმაციას მოგვიანებით მოგაწვდით“, – წერია უნივერსიტეტის მიერ გავრცელებულ განცხადებაში.
___
გუშინ პარტია „ქართულმა ოცნებამ“ განაცხადა, რომ აჩერებს ევროკავშირთან მოლაპარაკებას 2028 წლამდე, რაც თბილისში ათასობით ადამიანმა გააპროტესტა. დემონსტრანტებს სასტიკად გაუსწორდა სპეცრაზმი და პოლიცია.
სხვადასხვა დაზიანება აქვს მიყენებული 20-ზე მეტი ჟურნალისტს. სხვა დაშავებულების შესახებ ზუსტი მონაცემი ჯერჯერობით არ არსებობს.
შს სამინისტროს ცნობით, დაკავებულია 43 ადამიანი.
