არასამთავრობო ორგანიზაცია „სოციალური სამართლიანობის ცენტრის“ ხელმძღვანელი, თამთა მიქელაძე მიიჩნევს, რომ აუცილებელია საჯარო სამსახურების გაფიცვა. წინააღმდგობის მოძრაობას კი საქართველოს პრეზიდენტი უნდა ჩაუდგეს სათავეში.
„წინააღმდეგობას სჭირდება ლიდერი და ის სალომე ზურაბიშვილი უნდა იყოს.
ოთხივე ოპოზიციური პარტია უნდა გაერთიანდეს და პრეზიდენტთან ერთად მიიღოს კონსენსუალური და კოორდინირებული გადაწყვეტილებები. ორბელიანების სასახლე უნდა გახდეს პოლიტიკურ-საზოგადოებრივი წინააღმდეგობის ადგილი და ის უნდა დავიკავოთ.
შესაძლოა, ვიფიქროთ პოლიტიკურ-საზოგადოებრივ პლატფორმაზე, რომელიც იდეებს და რჩევებს მისცემს ზედა 5 აქტორისგან შემდგარ საბჭოს.
მეინსტრიმული კულტურული ელიტა უნდა დადგეს აქციის წინა ხაზებში. და ვნახოთ თამარ ჭოხონელიძეს, მაკა მახარაძეს, ირმა სოხაძეს, დუდუ ზივზივაძეს, მეუფე ზენონს და მსგავს ავტორიტეტებს დაარტყამენ თუ არა.
სექტორების მიხედვით უნდა დავორგანიზდეთ და მოვემზადოთ საყოველთაო გაფიცვისთვის. წინააღმდეგობის ადგილები უნდა გავხსნათ ყველგან. სამ კაცსაც შეუძლია დიდი ივენთის შექმნა.
საჯარო სამსახური უნდა გაიფიცოს.
წინააღმდეგობა უნდა იყოს მშვიდობიანი მორალური უპირატესობისა და საყოველთაობისთვის. რეპრესიულ რეჟიმს აქ და ახლა წინააღმდეგობის აქტორების ერთბაშად წმენდის შესაძლებლობა არ უნდა მივცეთ“, – წერს თამთა მიქელაძე, სოციალური სამართლიანობის ცენტრის ხელმძღვანელი.
___
თბილისსა და საქართველოს სხვადასხვა ქალაქში, მასობრივი პროტესტია ანტიკონსტიტუციური ხელისუფლების გადადგომის და ახალი არჩევნების გამოცხადების მოთხოვნით.
„ქართული ოცნებამ“ გუშინ, 28 ნოემბერს განაცხადა, რომ ისინი წყვეტენ მოლაპარაკების პროცესს ევროკავშირთან, რამაც ქვეყანაში მასობრივი პროტესტი გამოიწვია.
წუხელ, მშვიდობიანი აქციის მონაწილეებს სასტიკად გაუსწორდა სპეცრაზმი, დაკავებული 43 მოქალაქე.
საპროტესტო აქციების გაშუქებისას დაშავდა 20-ზე მეტი ჟურნალისტი.
