ლარი დოლართან და ევროსთან მიმართებით 8-10 თეთრით გაუფასურდა

დღეს, 29 ნოემბერს, გასულ დღესთან შედარებით, ვალუტის გადამცვლელ ჯიხურებში, ლარი დოლართან მიმართებაში თითქმის 8 თეთრით, ხოლო ევროსთან მიმართებით 10 თეთრით გაუფასურდა.

• 1 აშშ დოლარის ყიდვა დღეს ბათუმში 2,83 ლარად არის შესაძლებელი, გუშინ კი 1 აშშ დოლარი 2,75 ლარი ღირდა.
• რაც შეეხება ევროს, დღეს, 29 ნოემბერს, 1 ევროს ყიდვა 2,98 ლარად არის შესაძლებელი, გუშინ კი 2,88 ლარი ღირდა.

ეროვნული ვალუტის გაცვლითი ოფიციალური კურსით, რომელიც უკვე ხვალ, 30 ნოემბერს იმოქმედებს, ლარი დოლართან მიმართებით 3.76 თეთრით გაუფასურდება და ერთი დოლარის ოფიციალური კურსი გახდება 2.7794 ლარი.

ლარი ევროსთან მიმართებით 4.41 თეთრით გაუფასურდება და ერთი ევროს ოფიციალური კურსი გახდება 2.9348 ლარი.

თუმცა ოფიციალური კურსის ცვლილება თავისთავად განსხვავებულად აისახება ხვალ ვალუტის ფასზე სავალუტო ჯიხურებში.

ლარის გაცვლითი კურსი ვალუტის გადამცვლელ ჯიხურში ბათუმში / 29.11.2024 /18:00 სთ.