ჩოგბურთის კორტები და ფრენბურთის მოედანი უფუნქციოდ

ჩოგბურთის შემსწავლელთა ჯგუფი ქედის სასპორტო სკოლის ბაზაზე გასული წლის სექტემბერში შეიქმნა. სპორტის ამ სახეობას 16 ქედელი ახალგაზრდა ეუფლება, თუმცა წვრთნები აქ თებერვლის მერე აღარ ჩატარებულა, რადგან კორტის საფარი მწყობრიდან გამოვიდა. მწვრთნელიც და ახალგაზრდა სპორტსმენებიც საფარის აღდგენას რამდენიმე თვეა ელოდებიან.

 

ქედის მუნიციპალიტეტის ზედამხედველობის სამსახურმა მშენებელ ფირმას წერილობითი მოთხოვნა საფარის აღდგენასთან დაკავშირებით პირველ აპრილს გაუგზავნა. სამსახურის უფროსი გია გათენაძე ამბობს, რომ ფირმას საგარანტიო ვალდებულება ხუთი წლით აქვს აღებული.

 

ჩოგბურთის კორტებისა და ფრენბურთის მოედნის მშენებლობის დამკვეთი ქედის მუნიციპალიტეტის საკრებულოა. სამშენებლო სამუშაოებისთვის, რომლის ღირებულებაც 84 667 ლარია, ტენდერი საკრებულომ გამოაცხადა. ტენდერში გამარჯვებულ  შპს „გულები ო.დ“-თან მშენებლობის წარმოებაზე ხელშეკრულება 84 667 ლარზე გაფორმდა. კომპანიის დირექტორი ოთარ დიასამიძე აცხადებს, რომ კორტების საფარის დაზიანება სიცივეში ჩატარებულმა სამშენებლო პროცესებმა განაპირობა და დასძენს, რომ გამგეობას სიტყვიერად სატენდერო პირობების გაგრძელება სთხოვა, რაზეც უარი მიიღო. ობიექტი დროულად ჩააბარა, სიცივესა და ყინვაში შესრულებულმა სამუშაოებმა კი დროთა განმავლობაში საფარის დაზიანება გამოიწვია.

 

„ობიექტი სატენდერო პირობების მიხედვით ჩავაბარე, თუმცა გამგეობას დროის გახანგრძლივება ვთხოვე, რადგან ყინვა დაიწყო და გვინდოდა ხარვეზები აგვერიდებინა თავიდან, რაზეც უარი მივიღე. სიცივე ახალდასხმულ ფენას მოერია და ძირი მოიშალა. ექსპერტი მოვიყვანე, სპეციალისტმა მითხრა, საფარი ზაფხულში უნდა გაკეთებულიყოო, მე კი დოკუმენტაციას მივყევი და ამიტომ მოხდა ასე. პირველი შემთხვევაა, როცა ყინვამ ძალიან დამაზარალა“, – ამბობს ოთარ დიასამიძე.

 

ოთარ დიასამიძე ამბობს, რომ მან ობიექტი 2011 წლის ბოლოს ჩააბარა, მაგრამ როგორც კი დათბა, მოედნის ზედაპირი ამოცვივდა. გასულ ზაფხულს კომპანიამ მოედანი გადაღება, თუმცა ამან ხარვეზები ვერ გაასწორა.  „ახლა ისევ გადასაღებია, სანამ გადავღებავთ, მანამდე მოყინული საფარია ამოსატეხი. სამუშაოების დაწყებას მომავალი კვირიდან დავიწყებთ. რაც შეეხება ფრენბურთის მოედანს, პროექტის მიხედვით რაც მევალებოდა, გავაკეთე. მხოლოდ ბადეა გასაბმელი, ეს კი ჩემი კომპეტენცია არ არის, ჩვენ არ გვევალებოდა ინვენტარის შეძენა“, – აცხადებს ოთარ დიასამიძე.

 

მწვრთნელის მიშა ვაზაგაშვილის თქმით, ჩოგბურთის მოედნის საფარი რომ მწყობრიდან არ გამოვიდეს, საჭიროა კორტების გადახურვა:

 

„ჩოგბურთის ჯგუფი სექტემბერში გოგონებით დაკომპლექტდა. თავდაპირველად ჩოგბურთის შესწავლის მსურველი გაცილებით მეტი იყო. ამ ეტაპზე წვრთნები არ ტარდება, კორტები არ არის გამართული და სად უნდა ჩავატარო? საფარი მწყობრიდანაა გამოსული, თავის დროზე, როცა გაიხსნა ჩოგბურთის მოედანი, კარგ მდგომარეობაში იყო, დროთა განმავლობაში გამოვლინდა ხარვეზები.  აუცილებელია მოედნის გადახურვა, საფარი რომ არ დაზიანდეს. როგორც ვიცი, ზაფხულში უნდა გამართონ საფარი და სწავლებასაც სექტემბრიდან დავიწყებთ. ჩვენი მოსწავლეები II-III-IV კლასის მოსწავლეები არიან, სექტემბრისთვის დაგეგმილი გვაქვს ვაჟთა ჯგუფის გახსნაც“, – ამბობს მიხეილ ვაზაგაშვილი.

 

კორტებისგან განსხვავებით ქვიშის ფრენბურთის მოედნით დღემდე არავის უსარგებლია. აქ არც ბადეა გაბმული და არც ჯგუფი ჩამოყალიბებულა. ქედის საკრებულოს აპარატის უფროსი მამუკა დიასამიძე აცხადებს,  რომ თავის დროზე არ იყო გადაწყვეტილი რა ტიპის მოედანი უნდა მოწყობილიყო და რადგან თანხა არასაკმარისი იყო და სამუშაოები ეტაპობრივად უნდა განხორციელებულიყო, ვერც ინვენტარი გაითვალისწინეს, ხოლო შემდეგ ეტაპზე, როდესაც ქვიშის ფრენბურთის მოედანი მოეწყო, ინვენტარისთვის საჭირო თანხა ბიუჯეტში არ აღმოჩნდა.

 

„ფრენბურთის მოედნის ინვენტარის შეძენისთვის 4-5 ათასი ლარია საჭირო, ეს თანხა ბიუჯეტის კორექტირებისას გავითვალისწინეთ. კორექტირების ზეპირი მოსმენა მომავალ კვირას არის დაგეგმილი, თუმცა დაკმაყოფილდება თუ არა მოთხოვნა ინვენტარის შეძენასთან დაკავშირებით, საკრებულოს დეპუტატების გადასაწყვეტია“, – ამბობს მამუკა დიასამიძე.

 

კითხვას, რატომ დარჩა უფუნქციოდ ფრენბურთის მოედანი და რატომ ვერ აღჭურვეს დღემდე 2011 წელს ჩაბარებული ობიექტი ინვენტარით, ქედის სასპორტო სკოლის დირექტორი პასუხობს: „ეს არის გასართობი მოედანი, ინვენტარი ადგილზე გვაქვს“, იგი აქვე იმასაც დასძენს, რომ აღნიშნულ თემაზე საუბარი არ სურს.

 

ზედამხედველობის სამსახურის უფროსის გია გათენაძის თქმით, სამომავლოდ ობიექტს ექსპერტიზის დასკვნის გარეშე აღარ ჩაიბარებენ: „გამგებელმა მოითხოვა ექსპერტიზის დასკვნა ხელშეკრულებაში ჩაიდოს, ობიექტები აღარ ჩაბარდება ისე, თუ არ ექნება მას ექსპერტიზის დასკვნა. მართალია, 100%-იანი გარანტია ვერ იქნება, მაგრამ ეს მეტ-ნაკლებად შეამცირებს ხარვეზების შემდეგ გამოვლენას“, – ამბობს გია გათენაძე.

მაჟორიტარის ბიუროში

 

18 ივნისს, ოთხშაბათს, 10:50 საათზე, პარლამენტარ როსტომ ხალვაშის ბიურო დაკეტილია. ხელვაჩაურის გამგეობის მეორე სართულზე, სადაც მუნიციპალიტეტის მაჟორიტარის ბიუროა განთავსებული, თითქმის ყველა საჯარო მოხელე, რომელსაც ბიუროს თანამშრომლების ადგილზე არ ყოფნის მიზეზს ვეკითხები, მპასუხობს: „სადღაც აქ იყვნენ და ალბათ მალე მოვლენ“. 

„მალე მოვლენ“ თორმეტ საათამდე გაგრძელდა. ზუსტად 11:49 საათზე ბიუროს უფროსთან, საიდ შანთაძესთან, მობილურ ტელეფონზე დაკავშირებას ვცდილობ. ის ტელეფონს არ პასუხობს. ბიუროს ხელმძღვანელმა ტელეფონს შემდეგ მცდელობაზე უპასუხა. ვუხსნი, რომ ხელვაჩაურის მუნიციპალიტეტის ამომრჩეველი ვარ და მაჟორიტარის ბიუროს წევრებთან გასაუბრება მინდა. ამის შემდეგ კი ჩვენ შორის ასეთი საუბარი შედგა.

 

მე ახლა საზღვაო აკადემიაში ვარ და ჯერ ვერ დავბრუნდები. საქმეზე ვარ.

თანამშრომელი ხომ გყავთ, იქნებ მას გავესაუბრო…

საქმეზე გავუშვი თხილნარში.

ანუ დღეს ვერ შევძლებ ბიუროს თანამშრომლებს გავესაუბრო?

ასე ნახევარ საათში ან ორმოც წუთში მოვალ, დამელოდეთ.

40 წუთში ნამდვილად მოხვალთ? უკვე ერთ საათზე მეტია გელოდებით და…

გითხარი 40 წუთში მოვალ-მეთქი და მეტი რა გიქნა ახლა.

დაგელოდებით.

 

შეთანხმებულ დროს ცოტათი გადავაცილე და ბიუროს ოთახის კარი ამ საუბრიდან 55 წუთში, 13:08 საათზე მოვსინჯე. ისევ დაკეტილი დამხვდა. „ნახევარ საათზე ადრე დავბრუნდი და რომ არ დამხვდით, პერერივზე გავედი“, – ასეთი იყო ბიუროს უფროსის პასუხი, რომელსაც ისევ მობილური ტელეფონით დავუკავშირდი.

 

მიუხედავად იმისა, რომ ამ საუბრიდან ნახევარ საათში უკვე თვითონ დამირეკა, „სამსახურში ვარ და მოდი“, საიდ შანთაძესთან შეხვედრა ვეღარ შევძელი. ის სამსახურში არც მეორე დღეს, დილის საათებში არ იმყოფებოდა. ბიუროს სპეციალისტმა ხათუნა ხალვაშმა კი, რომელიც ადგილზე დამხვდა, განმიმარტა, რომ უფროსი დღეს სოფელ მახოში ბიუროში შესული განცხადების განსახილველად წავიდა: „არის როცა მოქალაქე მოდის, ამბავი მოაქვს, მაგრამ მას ვერ დაეყრდნობი, ადგილზე მოკვლევა აუცილებელია“.

 

ამ დრომდე როსტომ ხალვაშის ბიუროში ოფიციალურად 12 განცხადებაა დარეგისტრირებული. ბოლო სამ განცხადებაში მოსახლეობა მაჟორიტარს ბათუმის საკრებულოსთან შუამდგომლობას და მისი დახმარებით ბოლო დროს ქალაქის განტვირთვის მიზნით სოფლის სამარშრუტო ტაქსების შემოვლითი გზით გადაადგილებასთან დაკავშირებით გადაწყვეტილების გაუქმებას სთხოვს. ხათუნა ხალვაში ამბობს, რომ უფრო მეტი მოქალაქე სოციალური დახმარების დანიშვნის თხოვნით მიდის: „ძირითადად ისეთები მოდიან, რომლებსაც დახმარება ჰქონდათ და მოუხსნეს, ან ახლა უნდათ მიიღონ“.

 

ზურაბ პატარაია
ზურაბ პატარაია

 

ბათუმის მაჟორიტარის მურმან დუმბაძის ბიუროში შესვლამდე „ელექტრონული ბარიკადი“ უნდა გაიარო, რაც იმას ნიშნავს, რომ შენობის შესასვლელში, ვიდრე პოლიციელი საჭირო ბარათის გამოყენებით ელექტრონულ კარს გაგიღებს, ის აუცილებლად გკითხავს, თუ ვისთან მიდიხარ. ამის შემდეგ კი შეეცდება გაარკვიოს, არის თუ არა ოთახში ის, ვისაც ამომრჩევლის ამბის მაჟორიტარამდე მიტანა ევალება. ბათუმის მაჟორიტარის ბიურო მერიის პირველ სართულზეა  განთავსებული.

 

მურმან დუმბაძის ბიუროს ზურაბ პატარაია ხელმძღვანელობს. მას ამომრჩეველსა და მაჟორიტარს შორის მედიატორის ფუნქციის შესრულებაში სპეციალისტები – ნათია ბახტაძე და ქრისტინა რუხაძე ეხმარებიან. ქრისტინა ბათუმის მაჟორიტართან უმაღლეს საბჭოში კაკო ძნელაძესთან შეხვედრის და მასთან გასაუბრების მსურველებს მასპინძლობს.

 

მურმან დუმბაძის ბიურომ მუშაობა ნოემბრის დასაწყისში დაიწყო. ნათია ბახტაძის ინფორმაციით, დღემდე ბიუროში 3143 მოქალაქეს უმასპინძლეს. ბიუროში შემოსული განცხადებების სარეგისტრაციო ჟურნალში კი ოთხასზე მეტი განცხადებაა დარეგისტრირებული. ბიუროს ხელმძღვანელის ზურაბ პატარაიას (ამჟამად ბათუმის ვიცე-მერი ავტ.) თქმით, მოქალაქეების უმეტესობის მოთხოვნა სამართლიანობის აღდგენაა. სარეგისტრაციო ჟურნალში დარეგისტრირებული განცხადებების მიხედვით კი, მურმან დუმბაძეს უმეტესწილად დასაქმების თხოვნით მიმართავენ.

 

„დასაქმების თხოვნითაც მომართავენ და მოდიან ისინიც, ვინც უკვე მიმართა ყველა საჭირო ინსტანციას, მაგრამ აქაც შემოაქვთ განცხადება. მოდიან საკუთრების უფლების აღდგენის თხოვნითაც. ცხადია, პარლამენტარი რეზოლუციას ვერ დაადებს ამ წერილებს, ხალხს არასწორად აქვს გაგებული პარლამენტარის ფუნქცია, მაგრამ მას შეუძლია, უბრალოდ, უშუამდგომლოს. ზოგიერთ წერილს ჩვენ საჭირო ინსტანციაში ვამისამართებთ, ზოგიერთი მოქალაქე კი ზეპირი კონსულტაციებით კმაყოფილდება. არიან ისეთებიც, რომლებსაც მაინცადამაინც მაჟორიტართან უნდათ შეხვედრა. ვინიშნავთ მათთან საკონტაქტო ინფორმაციას და როცა მაჟორიტარი ჩამოდის, ვეხმიანებით“.

 

წინა მოწვევის პარლამენტის მაჟორიტარების ბიუროებს ადგილობრივი ბიუჯეტებიდან აფინანსებდნენ, ახლა კი ისინი ცენტრალური ბიუჯეტიდან ფინანსდებიან. ბიუროს ხელმძღვანელის ხელფასი, დარიცხვის გარეშე, 1100 ლარია, სპეციალისტის ხელფასი  – 900 ლარი, ამას ემატება საწვავისა და მანქანით მომსახურების ხარჯებიც.

„გლეხები ვართ და არა შტერები“


დღეს ბათუმში დემოკრატიული ჩართულობის ცენტრის დარბაზში მდინარე ჭოროხზე დაგეგმილი ჰიდროპროეტების გარემოზე ზემოქმედების რისკებზე იმსჯელეს. შეხვედრამ ხმაურით ჩაიარა.


იმ ადამიანების კითხვებზე, რომლებსაც მდინარეზე დაგეგმილი პროექტი უშუალოდ შეეხება, ჰესების მშენებელი კომპანიის, „აჭარენერჯი 2007“-ის წარმომადგენელს სოფიო ვარშალომიძეს, აჭარის გარემოს დაცვის სამმართველოს ხელმძღვანელს ვახტანგ წულაძესა და არასამთავრობო ორგანიზაცია „მწვანე ალტარნეტივას“ წარმომადგენელს, დავით ჭიპაშვილს უნდა ეპასუხათ. კითხვები საზოგადეობას, ძირითადად, კომპანიის წარმომადგენელთან ჰქონდა.

 

„თქვენ ჩემი ეზო გინდათ და სახლი არა, – ეს რას ნიშნავს? – როგორ უნდა ვიცხოვრო მე იმ სახლში?“; „ამ ყველაფრის შემდეგ მეწყერი არ გააქტიურდება და ჩვენაც ეკომიგრანტებად არ ვიქცევით? რა იქნება მერე?“;  „ამ ყველაფრის შემდეგ, კლიმატი რომ შეიცვლება, პომიდორი და მწვანილი მოვა სოფელში?“ –  ეს იმ კითხვების არასრული ჩამონათვალია, რომელიც პროექტის ზემოქმედების ქვეშ მოხვედრილი სოფლებიდან დამსწრე მოქალაქეებს ჰქონდათ.

 

შეხვედრას ხელვაჩაურის მაჟორიტარი თემურ კახიძეც ესწრებოდა. მისი თქმით, დატბორვის არეალის შესახებ ინფრმაციას ენერგეტიკის სამინისტროსგან ითხოვდა, თუმცა პასუხი ვერ მიიღო. სამინისტრომ მისი წერილი კომპანიაში გადაამისამართა და  ამ კომპანიისგან პასუხი დღემდე არ მიუღია.  სოფიო ვარშალიძემ მას უპასუხა, რომ არ იცის, რატომ ვერ მიიღო უმაღლესი საბჭოს დეპუტატმა პასუხი, რადგან კომპანიას პასუხები აქვს.

 

„… როცა დეპუტატი პასუხებს ვერ ვიღებ, საზოგადოებას რა პასუხი გავცე არ ვიცი“, – განცხადა თემურ კახიძემ შეხვედრაზე.

 

შეხვედრის დასაწყისში „აჭარ ენერჯი 2007“-ის წარმომადგენელმა, სოფიო ვარშალომიძემ მოწვეულ სტუმრებს პროექტის ტექნიკური დახასიათება წარუდგინა და მშენებლობის მასშტაბებსა და უსაფრთხოებაზე ესაუბრა. ამან დამსწრეთა უკმაყოფილება გამოიწვია. „ჩვენ ამ ილუსტრაციებით ვერაფერს ვიგებთ, გვირჩევნია კითხვებს უპასუხოთ“, – იყო მოთხოვნა დარბაზიდან.

 

შეხვედრის მოდერატორს, ზურა ცერცვაძეს ბევრჯერ მოუწია იმის ახსნა, რომ შეხვედრის ფორმატი ჯერ მოსმენასა და შემდეგ კითხვების დასმას ითვალისწინებდა. სიტუაციის გამწვავების შემდეგ კი მან განმარტა, რომ ვისაც შეხვედრის ფორმატი არ მოსწონდა, შეეძლო დასწრებაზე უარი ეთქვა.

 

შეხვედრის დასასრულს მოსახლეობამ კომპანიის წარმომადგენელს უთხრა, რომ უკვე დამტკიცებული პროექტის სიმაღლის მომატებასა და კიდევ ერთი კაშხლის დამატებას, რომლის გარემოზე ზემოქმედების დოკუმენტს კომპანია ამუშავებს, კატეგორიულად ეწინაღმდეგებიან. 

დეპუტატი საკრებულოს ოქმის გაყალბებაში ადანაშაულებს


ქედის საკრებულოს „ქრისტიან-დემოკრატიული“ მოძრაობის დეპუტატის, ელგუჯა ნაკაშიძის განცხადებით, ქედის მუნიციპალიტეტის საკრებულო სხდომის ოქმებს აყალბებს. ამის თაობაზე დეპუტატმა 24 ივნისს საკრებულოს ხდომის დაწყებამდე განაცხადა და თქვა, რომ 2012 წლის 3 ოქტომბრის რიგგარეშე სხდომის ოქმი გაყალბებულია.

 

„3 ოქტომბერს საკრებულო რიგგარეშე სხდომაზე ქედის მუნიციპალიტეტის გამგებლის თანამდებობაზე  ვაჟა ბოლქვაძის კანდიდატურას იხილავდა. აღნიშნულ სხდომაზე მე, როგორც ფრაქცია „ქედას“ თავმჯდომარემ, მოვითხოვე საკითხის დღის წესრიგიდან მოხსნა, რადგან მიმაჩნია, რომ საკონკურსო შერჩევის გარეშე გამგებლის დანიშვნა უკანონობაა. როცა საკითხის მოხსნაზე უარი მივიღე, ჩემი უფლებამოსილების ფარგლებში გამგებლის თანამდებობაზე წარვადგინე ალტერნატიული კანდიდატი, საკრებულოს წევრი ასლან შაქარაძე. ჩემი მოთხოვნა არ  დაკმაყოფილდა, რაზეც პროტესტის ნიშნად მე და ასლან შაქარაძემ სხდომა დავტოვეთ. ჩემი პოზიცია სხდომამ ოქმში არ შეიტანა, უფრო მეტიც, ჩაწერეს, რომ სხდომას არ ვესწრებოდი. ვერ ვიტყვი, რომ გაპარული შეცდომაა, საქმე გვაქვს დოკუმენტის არასწორად შედგენასთან. სხვა ოქმების გადამოწმებასაც ვაპირებ, საფუძვლიანი ეჭვი მაქვს, ის პრინციპული საკითხები, რაზეც მწვავე განცხადებები მაქვს გაკეთებული, შესაძლოა არ იყოს ასახული ოქმებში“, – აცხადებს ელგუჯა ნაკაშიძე.

 

„ელგუჯა ნაკაშიძეს არ ჰქონდა რეგისტრაცია გავლილი, რეგისტრაციაგაუვლელი დეპუტატის განცხადების ოქმში შეტანა კი სწორი არ იქნებოდა. ოქმს აქვს გასაჩივრების ვადა, ეს ვადა კი გასულია“, – ამბობს საკრებულოს თავმჯდომარე ბადრი დიასამიძე.

 

აღრიცხვის ჟურნალში 3 ოქტომბერს ელგუჯა ნაკაშიძის გარდა დეპუტატების – დავით ტაკიძის, ჯამბულ ბერიძის, ასლან შაქარაძისა და როსტომ ბერიძის ხელმოწერებიც არ არის. ოქმის მიხედვით კი სხდომას მხოლოდ როსტომ ბერიძე და ელგუჯა ნაკაშიძე არ ესწრებოდნენ.

 

3 ოქტომბერს საკრებულომ ქედის გამგებლად ვაჟა ბოლქვაძე დანიშნა.

 

ახალგაზრდა იურისტთა ასოციაციის ბათუმის ფილიალის იურისტი გიორგი ხიმშიაშვილი განმარტავს, რომ „საკრებულოს წევრს უფლება აქვს ნებიმისმიერ დროს გაეცნოს საკრებულოს სხდომის ოქმს და ოქმის გაცნობიდან სამი დღის ვადაში წარადგინოს შენიშვნები. თუ საკრებულოს თავმჯდომარე ჩათვლის, რომ შენიშვნები საფუძვლიანია, მაშინ მას შესაბამისი ბრძანებით შეაქვს ცვლილებები სხდომის ოქმში, ხოლო თუ შენიშვნებს არ იზიარებს, მაშინ გამოსცემს ინდივიდუალურ ადმინისტრაციულ-სამართლებრივ აქტს, რომელიც შეიძლება გასაჩივრდეს სასამართლოში გაცნობიდან ერთი თვის ვადაში“.

 

იურისტის განმარტებით იმ შემთხვევაში, თუ დადგინდება, რომ ოქმში შეტანილია ყალბი ინფორმაცია, მაშინ სახეზე გვექნება სამსახურებრივი სიყალბე, რომელიც საქართველოს სისხლის სამართლის კოდექსის 341-ე მუხლით არის დასჯად ქმედება, მაგრამ უნდა დადგინდეს არასწორი ინფორმაციის შეტანა ოფიციალურ დოკუმენტში რითი არის განპირობებული, ეს არის  ტექნიკური ხასიათის შეცდომა (ხარვეზი), თუ აღნიშნული ჩადენილია ანგარებით ან სხვა პირადი მოტივით.

 

გიორგი ხიმშიაშვილი: „თუ გამოძიების ეტაპზე დადგინდება, რომ ტექნიკურმა შეცდომამ (ან გაუფრთხილებლობამ) განაპირობა სხდომის ოქმში არასწორი ინფორმაციის შეტანა, მაშინ შეგვიძლია ვისაუბროთ მხოლოდ კონკრეტული თანამდებობის პირის დისციპლინურ პასუხისმგებლობაზე (შენიშვნა, გაფრთხილება და ა.შ), ხოლო თუ გამოირკვევა, რომ შეცდომა ემსახურებოდა სხვა მიზანს, მაშინ სახეზე გვაქვს სისხლის სამართლის დანაშაული, რაზეც უნდა დადგეს შესაბამისი თანამდებობის პირის პასუხისმგებლობის საკითხი“.  

სახელფასო პოლიტიკის დეტალები

„ბაგა-ბაღების გაერთიანება“, „კულტურის ცენტრი“, „სახელოვნებო სკოლა“, „სასპორტო სკოლა“, „წყალკანალი“ – ეს იმ აიპ-ების (არასამეწარმეო, არაკომერციული

იურიდიული პირი) ჩამონათვალია, რომლებიც ქედის, შუახევისა და ხულოს მუნიციპალიტეტებში ფუნქციონირებს. გარდა ამისა, ქედაში კიდევ ერთი აიპ-ი, ქედის ისტორიული მუზეუმი და ორი შპს – „წყალკანალი“ და საფეხბურთო კლუბი „ბეთლემი“ ფინანსდება ადგილობრივი ბიუჯეტიდან. ადგილობრივი ბიუჯეტი აფინანსებს საფეხბურთო კლუბს  შუახევშიც  და  „ხულოთაგოს ბაგირგზას“ ხულოს მუნიციპალიტეტში.

 

სტატუსის მიუხედავად განსხვავებული ხელფასები აქვთ არა მარტო აიპებში დასაქმებულ რიგით თანამშრომლებს, არამედ დირექტორებსა და ბუღალტრებსაც კი.

მაღალმთიანეთში ყველაზე დაბალი ხელფასი შუახევის საფეხბურთო კლუბ „შუახევის“ ფეხბურთელებს აქვთ. ფეხბურთელის ანაზღაურება 180 ლარია, დაქვითვის გარეშე. „ადგილობრივი ხელისუფლება დაგვპირდა ხელფასებს დაემატებაო და ჩვენც იმედიანად ვართ“, – გვითხრა საფეხბურთო კლუბის დირექტორმა ავთანდილ ნაკაშიძემ.

 

მწირ ანაზღაურებაზე საუბრობენ „ხულო-თაგოს ბაგირგზის“ თანამშრომლებიც. აქ დასაქმებული 11 თანამშრომლიდან ცხრას ხელფასი 200 ლარია. როგორც დირექტორი ამბობს, ადგილობრივ თვითმმართველობას არაერთხელ გაუგზავნა წერილობითი მოთხოვნა ხელფასების მომატებასთან დაკავშირებით, თუმცა ამაოდ.

 

„საშიშ ობიექტებში მოიაზრება ბაგირგზა, სადაც ჩემი თანამშრომლები 200 ლარზე მუშაობენ. არც პრემიაა გამოყოფილი, მხოლოდ გასულ წელს მივიღეთ მეცამეტე ხელფასი. შვებულებაში რომ გავუშვა თანამშრომელი, მის ნაცვლად სხვა ყოველგვარი ანაზღაურების გარეშე უნდა ვამუშაო“, – ამბობს ორგანიზაციის დირექტორი რევაზ ბოლქვაძე.

 

ანალოგიური პრობლემა აქვთ ხულოს „წყალკანალში“ დასაქმებულ თაამშრომლებს. რიგი თანამშრომლების ხელფასი აქაც 200 ლარია.

200 ლარი აქვთ ხელფასი ქედის კულტურის ცენტრის ანსამბლის წევრებსაც. ქედისგან განსხვავებით 20 ლარით ნაკლებ ხელფასს იღებენ შუახევის ანსამბლის წევრები და კლუბის გამგეები.

 

სამივე მუნიციპალიტეტის აიპ-ების ხელმძღვანელებთან შედარებით ყველაზე დაბალი ხელფასი ქედის ისტორიული მუზეუმის თანამშრომლებს აქვთ, მუზეუმის დირექტორის ხელფასი 400 ლარია. მუზეუმში 13 ადამიანი მუშაობს, მათი ხელფასი 230 ლარია. „ერთ რაიონში მოქმედი ყველა აიპ-ის თანამშრომლის ხელფასი თანაბარი უნდა იყოს, ჩემი თანამშრომლების ხელფასი 230 ლარია. სახელფასო ფონდის გაზრდასთან დაკავშირებით აჭარის მთავრობის თავმჯდომარესა და ქედის საკრებულოს  წერილობითი მოთხოვნა გავუგზავნე, წერილობითი პასუხი არ მიმიღია. საკრებულოში სიტყვიერად მეუბნებიან, რომ ამისთვის ფინანსთა მინისტრის თანხმობაა საჭირო, მინისტრი კი თანხმობას არ გვაძლევსო.

ვცდილობთ შევხვდეთ მინისტრს, ჩვენ ხელფასების გაზრდას ვითხოვთ, ისე რომ გაუთანაბრდეს სხვა ორგანიზაციების ხელფასებს“, – ამბობს მუზეუმის დირექტორი ვაჟა ფარტენაძე.

ქედის საკრებულოს თავმჯდომარის მოადგილის ჯემალ შარაძის თქმით, აღნიშნულ საკითხზე საკრებულო მუშაობს: „ვმუშაობთ, რომ საფინანსო ფონდი წლის ბოლომდე დავაბალანსოთ და ავსახოთ მომავალი წლის ბიუჯეტში. მუნიციპალიტეტის გამგეობაში წამყვანი სპეციალისტის ხელფასი  620 ლარია, აიპ-ების ხელმძღვანელებს კი გაცილებით დაბალი ხელფასები აქვთ. მიზანშეწონილად მიმაჩნია აიპ-ის ხელმძღვანელების ხელფასი გაუტოლდეს განყოფილების ხელმძღვანელების ხელფასს, აიპ-ში დასაქმებულებისა კი – გამგეობის  სპეციალისტების ანაზღაურებას“.

 

შუახევის საკრებულოს თავმჯდომარის განცხადებით, სახელფასო ფონდის ბიუჯეტი სამინისტროსთან შეთანხმებით დადგენილია და ამ ეტაპზე ხელფასების ზრდა შეუძლებელია: „რა საშუალებაც გვაქვს ბიუჯეტში, ამის მიხედვით ვანაწილებთ თანხას. გვექნება შესაძლებლობა – ხელფასები მოიმატებს, ამ ეტაპზე კი ხელფასების ზრდა შეუძლებელია. რაც შეეხება პრემიებს, არამარტო შუახევის აიპ-ებში, არც ერთ

მუნიციპალიტეტის აიპ-ებს არ აქვთ პრემია“, – აცხადებს იური ქათამაძე.

 

აიპ-ების სახელფასო ფონდში არ არის გათვალისწინებული პრემიები, რიგი თანამშრომლები მხოლოდ მე-13 ხელფასს იღებენ, ამ მხრივ გამონაკლისია მხოლოდ ხულოს თეატრი, რომლის სახელფასო ფონდში არც პრემიაა გათვალისწინებული და არც მე-13 ხელფასი. „თეატრის მსახიობი გაცილებით დაბალ ხელფასს იღებს, ვიდრე რომელიმე საჯარო სამსახურის დამლაგებელი. ჩემი ანაზღაურება 380 ლარია, მსახიობების ხელფასი კი – 350 ლარი. 

ბათუმის თეატრის მსახიობებს სამჯერ მეტი ხელფასი აქვთ, გურამ ოდიშარიასთან დავაყენეთ ეს საკითხი, თუმცა მანამდე არაერთხელ მივმართეთ წერილობით კულტურის სამინისტროს, უმაღლესი საბჭოს შესაბამის კომიტეტს, მაგრამ ამაოდ“, – ამბობს ხულოს თეატრის სამხატვრო ხელმძღვანელი როინ სურმანიძე.

 

სტატისტიკური მონაცემებით, მაღალმთიანეთის აიპ-ებსა და იმ შეზღუდული პასუხისმგებლობის საზოგადოებების ხელმძღვანელებს შორის, რომლებიც ადგილობრივი ბიუჯეტიდან ფინანსდებიან, ყველაზე მაღალი ხელფასი შპს ქედის საფეხბურთო კლუბ „ბეთლემის“ დირექტორს ბაქარ ბარამიძეს აქვს (900 ლარი), მინიმალური კი  – ქედის ისტორიული მუზეუმის დირექტორს ვაჟა ფარტენაძეს (400 ლარი).

 

ხელმძღვანელების შემდეგ მაღალანაზღაურებადი მოხელეები ბუღალტრები არიან, ამ მხრივ ხულოს კულტურის ცენტრის ბუღალტერი ლიდერობს, რომლის ხელფასიც 620 ლარია, მინიმალური ხელფასი კი „ხულო-თაგოს ბაგირგზის“ ბუღალტერს აქვს – 200 ლარი.

 

კითხვაზე, რატომ განსხვავდება ერთი და იმავე სტატუსის მქონე თანამშრომლების ხელფასი, ადგილობრივ თვითმმართველობებში პასუხი არ აქვთ. ხულოს მუნიციპალიტეტის საკრებულოს თავმჯდომარე აცხადებს, რომ აიპ-ებში ხელფასების ზრდა  2014 წლისთვის აქვთ დაგეგმილი. ნოდარ თავართქილაძე: „2014 წლის ბიუჯეტში გვინდა შესაძლებლობის ფარგლებში ხელფასის მატება“.

როგორ შევაყვაროთ ბავშვებს კითხვა

„ბიძია თომას ქოხი“, ოტია იოსელიანის მოთხრობები და გოდერძი ჩოხელის მო-თხრობები, სულ 12 მოთხრობა მაქვს წასაკითხი, თუმცა „ცასწავალა“ და „წერილი ნაძვებს“ წავიკითხე უკვე“, – 11 წლის ანანო დიასამიძე ზაფხულში წასაკითხი წიგნების ჩამონათვალს იხსენებს.

ანანო მეექვსე კლასშია. მასწავლებელმა მას, ისევე როგორც მის კლასელებს, სკოლის დამთავრების შემდეგ ზაფხულზე წასაკითხი წიგნების სია მისცა. ჩამონათვალში ძირითადად მოთხრობებია. ანანოს თქმით, ის დავალების შესრულებას პირნათლად აპირებს, თუმცა იქვე იმასაც ამბობს, რომ მოთხრობები არ უყვარს და „დიდი  წიგნების“ კითხვა ურჩევნია.

„ჩემი საყვარელი პერსონაჟი ტომ სოიერია, იმიტომ, რომ ცელქია, მეც ცელქი ვარ. პირველი წიგნი, რომელიც ჩემით ავარჩიე „80 ათასი კილომეტრი წყალქვეშ“ იყო,  სათაურმა დამაინტერესა. წყალი მიყვარს ძალიან, ვიფიქრე  ლამაზი იქნება-მეთქი და დავიწყე კითხვა, ძალიან კარგი წიგნია. მასწავლებელი რასაც მავალებს – ვკითხულობ, მაგრამ ჩემითაც ვარჩევ ხოლმე წიგნებს“, – ამბობს ანანო.

10 წლის თამარს სათავგადასავლო ჟანრის ლიტერატურა მოსწონს, მისი თანატოლებისაგან განსხვავებით ამბობს, რომ წიგნებს ძირითადად თვითონ ირჩევს.

„მე თვითონ ვირჩევ წიგნებს. ყველაზე მეტად  ჟიულ ვერნის წიგნები მიყვარს. ახლა „ადამიანი ამფიბიას“ ვკითხულობ, მერე უნდა წავიკითხო „80 დღე დედამიწის გარშემო“, კიდევ „რობინ ჰუდი“. ყოველდღიურად სამ საათზე მეტს ვკითხულობ. ხანდახან თუ კარგი წიგნია, ჩქარა ვკითხულობ ხოლმე და მერე გული მწყდება, რომ

მალე დამთავრდა“, – ამბობს თამარი.

წიგნებს თავად ირჩევს მეექვსეკლასელი ნია კალანდაძეც.

„ჩემი საყვარელი მწერალი ასტრიდ ლინდგრენია. ყველაზე მეტად მისი „ბიულერბიუელი ბავშვები“ მიყვარს. ზოგადად ბევრს არ ვკითხულობ, გადამკვდარი არ ვარ.  წიგნებს მე თვითონ ვირჩევ, სათაურის მიხედვით რომელიც დამაინტერესებს იმას ვკითხულობ. სკოლიდან ამ ზაფხულს წასაკითხი წიგნების სია არ მოუციათ, გვითხრეს თვითონ შეარჩიეთ რაც გსურთო.  ჯერ არ შემირჩევია, ალბათ ხვალ ან ზეგ წავალ მაღაზიაში და ვიყიდი,“ – ამბობს  ნია კალანდაძე.

როგორ შევურჩიოთ და მივაწოდოთ ბავშვს ლიტერატურა? მთარგმნელი ია ბერსენაძე ამბობს, რომ ბავშვმა თვითონ უნდა შეარჩიოს ლიტერატურა. „მე, მაგალითად, ასე ვაკეთებ.  მე და ჩემი შვილი ერთად მივდივართ წიგნის მაღაზიაში და ვეუბნები, რომ დღეს ნებისმიერი წიგნი, რომელსაც შენ მოისურვებ, შეგვიძლია ვიყიდოთ. ეს ერთგვარი რიტუალიც არის ბავშვისთვის, იმიტომ, რომ თვითონ არის გამგებელი თავისი შემდგომი ცხოვრების გარკვეული ნაწილის. თავს გრძნობს უფრო დიდად და კითხვა არ არის თავსმოხვეული.

შეიძლება ჩვენ გვინდა, რომ წაიკითხოს დიუმა და მე როცა ვიყავი მისი ასაკის, დიდი სიამოვნებით ვკითხულობდი, მაგრამ აღმოჩნდა, რომ შვილების თაობას სხვა ინტერესები აქვს. თაობები იცვლება, იცვლება გემოვნება. ჩემი მოსაზრებით მშობლის მთავარი ფუნქციაა, რომ შვილი გააშინაუროს კითხვასთან, გაუცხოება წიგნთან რომ მოიხსნას. ბავშვი თვითონ უნდა წავიდეს, თვითონ შეარჩიოს და არავითარ შემთხვევაში არ უნდა ვუთხრათ, რომ შვილო, ეს სისულელეა და მოდი სხვა  წაიკითხე“, – ამბობს ია ბერსენაძე.

რა როლი აქვს მშობელს ბავშვისთვის კითხვის  შეყვარებაში?  ნათია მაკარაძე ანანოს დედაა. ის ამბობს, რომ უჭირს შვილს სათანადო ლიტერატურა შეურჩიოს, თუმცა მისთვის კითხვის შეყვარების საინტერესო გზა მოძებნა.

„ვერ ვსაზღვრავ ესა თუ ის  წიგნი მის ასაკს შეესაბამება თუ არა. სულ ვყიდულობ წიგნებს, მე თვითონაც ვკითხულობ. როცა ანანო ხედავს ამას, თვითონაც  ინტერესდება და  მთხოვს მოვუყვე. მეკითხება, რატომ ტიროდი რომ კითხულობდი, რა იყო საინტერესოო. ერთგვარი ხერხია იმისთვის, რომ დავაინტერესო და კიდევ უფრო შევაყვარო კითხვა“, – ამბობს ნათია.

მთარგმნელი ია ბერსენაძეც ხაზს უსვამს, რომ მშობლის როლი ბავშვის კითხვით დაინტერესებაში დიდია. ია დანიელ პენაკის „რომანივით საკითხავის“ მთარგმნელია. „პენაკის „რომანივით საკითხავი“ არის კარგი სახელმძღვანელო მშობლისთვის. იქ არის კონკრეტული რჩევები იმისთვის, როგორ შეიძლება, რომ ბავშვმა იკითხოს და თან ოჯახში იყოს მშვიდობა, კითხვა  არ გახდეს ჩხუბის თემა. ხშირად ბავშვები ნერვიულობენ დედის ნერვიულობის გამო და კითხულობენ იმიტომ, რომ დედა არ ანერვიულონ. ეს დიქტატორული მეთოდები არ არის სწორი. პენაკი ასე ამბობს:  „კითხვა არის სიყვარულივით, როგორც არ შეიძლება ძალით შეგიყვარდეს ადამიანი, ისე არ შეიძლება ძალით იკითხო. ან გიყვარს, ან არ გიყვარს, ან კითხულობ, ან არ კითხულობ“, – ამბობს ია ბერსენაძე.

ნია კალანდაძე
ნია კალანდაძე

იმ რეალობაში, როცა ბავშვს უამრავი გასართობი აქვს,  როგორ შეიძლება კითხვა ვუქციოთ სასიამოვნო პროცესად და არ იყოს ეს ვალდებულება? ია ბერსენაძე საკუთარ გამოცდილებას გვიზიარებს: „ჩემი შვილი კომპიუტერთან ზის, ეს რეგლამენტირებულია მის ცხოვრებაში, ბურთსაც თამაშობს, მეცადინეობს, მაგრამ საღამოს, როდესაც მოდის სახლში დაღლილი, ჩაწვება ლოგინში, აიღებს წიგნს და იწყებს კითხვას. ეს მინიმუმ ერთი საათს გრძელდება. ხანდახან ხდება ისე, რომ არ უნდა კითხვა. ჩვენც ხომ ასე ვართ. ერთ-ორი დღე ველოდები, შემდეგ ვეუბნები, მოდი, გინდა ერთად წავიკითხოთ? არ არსებობს, რომ გითხრას – არა. იმიტომ, რომ მეც კი მიყვარს, როცა მიკითხავენ და დავიწყებთ კითხვას. აი, წავუკითხავ ერთი საღამო, ორი საღამო, მესამე საღამოს აუცილებლად რაღაცნაირად ვეხმარები წიგნთან დაახლოების პროცესში. ბოლო-ბოლო თუ არ წაიკითხავს, ერთი-ორი კვირა, არც ეგ არის ტრაგედია. მთავარია, რომ არ შევაძულოთ პროცესი, ძალა არ ვიხმაროთ.

როცა  უკითხავ, ამ დროს დედის  სითბოს გრძნობს,  სიახლოვეს.  ეს გარემო უქმნის მას კომფორტს.  ამ ბედნიერების განცდაში ჩაწერილია წიგნი, როგორც განუყოფელი ატრიბუტი. ამიტომ, როცა მას უნდება გაცნობიერებულად თუ გაუცნობიერებლად ეს სითბო და სიახლოვე, ის  თავისდაუნებურად კიდებს წიგნს ხელს და იწყებს კითხვას.

ორჰან ფამუქი ამბობს, ჩვენ ძალიან ბევრი წიგნი წაგვიკითხავს, უბრალოდ თვალებით. და არის წიგნი, რომელიც წაგვიკითხავს მთელი გულით და სულით. წაკითხული წიგნების რაოდენობას აბსოლუტურად არანაირი მნიშვნელობა არ აქვს. მთავარია თვალებით არ წაიკითხო, ჯობია ერთი წაიკითხო და იმ მომენტში ის შენთვის აქტუალური იყოს, შენს სულს, გულს შეეხოს, გაიგო, რაღაც დასკვნები გამოიტანო, ვიდრე ადგე და ძალით, თავსმოხვეულად, თვალებით წაიკითხო ათასობით გვერდი. გამომდინარე იქიდან, რომ კითხვა არის დემოკრატიული პროცესი, არ უნდა ვაქციოთ ეს ავტორიტარულ, მათრახის პროცესად“.

ვაკანსია საჯარო სამსახურში

კონკურსს აჭარაში ყველა საჯარო სამსახური აცხადებს. ამ სამსახურების უმრავლესობაში გადაწყვეტილი აქვთ, კონკურსის გამოცხადებამდე თანამშრომლებს ტესტირება ჩაუტარონ. იმ შემთხვევაში, თუ რომელიმე თანამშრომელი ვერ დააკმაყოფილებს საკვალიფიკაციო მოთხოვნებს, მაშინ ამ თანამდებობაზეც კონკურსი გამოცხადდება.

 

აჭარის ჯანდაცვის სამინისტრო ერთ-ერთია მათ შორის, სადაც ტესტირება უკვე ჩატარდა. ახლა აქ კონკურსის გამოცხადებისთვის ემზადებიან. ამ სამინისტროს იურიდიული დეპარტამენტის უფროსის  ნაზი მგელაძის ინფორმაციით, მათ უწყებაში კონკურსი 7 პოზიციაზე გამოცხადდება: „ვაკანსიაა ადმინისტრაციული დეპარტამენტის უფროსის თანამდებობაზე, ოთხი ვაკანსია გვაქვს დევნილთა და განსახლების დეპარტამენტში მთავარი სპეციალისტის პოზიციაზე, ერთი – შიდა აუდიტის დეპარტამენტში, ასევე ბუღალტრული აღრიცხვისა და ანგარიშგების დეპარტამენტში“.

 

ნაზი მგელაძე ამბობს, რომ მათთან შექმნილია საკონკურსო-საატესტაციო კომისია, რომელსაც მინისტრი ნუგზარ სურმანიძე ხელმძღვანელობს. კომისიაში ჰყავთ არასამთავრობო ორგანიზაციის წარმომადგენელიც. ასევე შედგენილია საკვალიფიკაციო მოთხოვნა, რისი ცოდნაც კონკურსანტებისთვის აუცილებელია. ნაზი მგელაძის თქმით, საკვალიფიკაციო მოთხოვნა, რომელიც შეიძლება უმნიშვნელოდ შეიცვალოს, მატსნე.გოვ.გე-ზე უკვე გამოქვეყნებულია.

 

ჯანდაცვის სამინისტროში დასრულდა ტესტირება (საჯარო მოხელეების-თვის ტესტირების გავლა კანონით სამ წელიწადში ერთხელ სავალდებულოა). ნაზი მგელაძის თქმით, ტესტირება მათთან 44-მა თანამშრომელმა გაიარა: „აქედან სამმა ვერ მიიღო შესაბამისი ქულები, ამიტომ ისინი მოვალეობის შემსრულებლად არიან დანიშნულები და მათ პოზიციებზეც გამოცხადდება კონკურსი, ერთი ადამიანი დაქვეითდა განყოფილების უფროსის პოზიციიდან მთავარ სპეციალისტად“.

 

კონკურსი ჯანდაცვის სამინისტროში აგვისტოს მეორე ან სექტემბრის პირველ ნახევარში გამოცხადდება. აჭარის განათლების მინისტრის, გია თავამაიშვილის  ინფორმაციით, მის დაქვემდებარებაში მყოფ უწყებაში კონკურსი, სავარაუდოდ, 5-6 თა-ნამდებობაზე გამოცხადდება. მინისტრის ინფორმაციით, კონკურსი შეეხება კულტურის დეპარტამენტს, ასევე მთავარ სპეციალისტს განათლების დეპარტამენტში, პრესსამსახურს, სადაც თეა ვადაჭკორია მუშაობს, ასევე კონკურსი შეეხება ალეკო მჟავანაძეს, რომელიც საქართველოს განათლების სამინისტროდან გადმოვიდა ახლაშექმ-ნილ აუდიტისა და ინსპექტირების დეპარტამენტში.

 

განათლების სამინისტროში საკონკურსო კომისიას მინისტრის მოადგილე  სულიკო თებიძე  ხელმძღვანელობს. მინისტრის კიდევ ერთი მოადგილის,  ლადო მგალობლიშვილის თქმით, კონკურსი ივლისის ბოლოსთვის გამოცხადდება.

 

ფინანსთა და ეკონომიკის სამინისტროს იურიდიული დეპარტამენტის უფროსის,  გელა ცინცაძის  ინფორმაციით, მათ სამინისტროში ვაკანსია 3-4 თანამდებობაზე აქვთ, თუმცა კონკურსამდე სამინისტროს თანამშრომლებისთვის ატესტაციას ატარებს, რის შემდეგაც არ არის გამორიცხული გაიზარდოს საკონკურსო პოზიციების

რაოდენობა. სამინისტრო ატესტაციაკონკურსის ჩატარებას, როგორც წერითი, ისე გასაუბრების ფორმით გეგმავს. ატესტაცია ჩატარდება აგვისტოს პირველ ნახევარში, რის შემდეგაც კონკურსი გამოცხადდება.

 

უმაღლესი საბჭოს იურიდიულ და საკადრო საკითხთა დეპარტამენტის ხელმძღვანელის,  ჯამბულ კურცხალიძის ინფორმაციით, კონკურსის ჩატარება საკანონმდებლო ორგანოშიც იგეგმება. მისი თქმით, კონკურსი შეეხება განყოფილების უფროსებს, მთავარსა და წამყვან სპეციალისტებს – სულ 16 ადამიანს. უმაღლესი საბჭო საკვალიფიკაციო მოთხოვნას დასამტკიცებლად რიგგარეშე პლენარულ სხდომაზე გაიტანს.

 

აჭარის მთავრობის აპარატის საჯარო სამსახურის ბიუროს უფროსის, როლანდ შარაშიძის ინფორმაციით, მთავრობის აპარატში კონკურსი 10 პოზიციაზე გამოცხადდება. მანამდე კი ატესტაცია ჩატარდება. კონკურსისა თუ ატესტაციის ჩატარების თარიღები არჩილ ხაბაძემ უნდა გამოაცხადოს.

 

როლანდ შარაშიძის  თქმით, მათ უწყებაში „საკვალიფიკაციო საკითხები ჯერ ჩამოყალიბებული არ არის, მაგრამ მონახაზი არსებობს – სამართლებრივი აქტების ცოდნა დეპარტამენტების მიხედვით, კონსტიტუციისა და საჯარო სამსახურის შესახებ კანონის ცოდნა, რომელიც ყველა კონკურსანტს მოეთხოვება. მთავრობის აპარატის ნორმატიული აქტები, დებულება, დეპარტამენტების მარეგულირებელი სამართლებრივი აქტები, ასევე უცხო ენა გარკვეულ დეპარტამენტებში, შეიძლება გარკვეულ პოზიციებზე გამოცდილების ვადაც ჩაიწეროს“.

 

როლანდ შარაშიძის თქმით, საზოგადოებაში კონკურსის შედეგების მიმართ ნდობა რომ გაჩნდეს, 5-7-წევრიან საკონკურსო კომისიაში ორი ადგილი არასამთავრობო ორგანიზაციების წარმომადგენლებს დაეთმობა.

 

კონკურსები ტარდება მუნიციპალიტეტებშიც. მაგალითად, ხულოს მუნიციპალიტეტში კონკურსი 15 პოზიციაზე გამოცხადდება. გამგებლის, გურამ ხოზრევანიძის  ინფორმაციით, ამ დღეებში მათთან დასრულდა თანამშრომლების ატესტაცია, რომელიც 109 ადამიანს შეეხო. მათგან დაკავებულ თანამდებობას ნაწილობრივ 22 პირი შეესაბამება. გურამ ხოზრევანიძე ამბობს, რომ აპირებს გამოთავისუფლებულ თანამდებობებზე 3-თვიანი გამოსაცდელი ვადით დანიშნოს პირები, ხოლო სამი თვის შემდეგ განმეორებითი კონკურსი გამოაცხადოს.

 

კონკურსის ჩატარების დიდი სურვილი, როგორც თავად ამბობს, „ამაყად და არხეინად“ შუახევის გამგებელსაც ჰქონდა. თუმცა  თამაზ დავითაძე ამბობს, რომ ჯერჯერობით კონკურსის ჩატარების სამზადისი აჭარის მთავრობის აპარატიდან შეაჩერებინეს. „რაც შეეხება კომისარიატს, რომელშიც ბოდიში მომიხდია, უქნარები, დეზერტირები, კიბეებზე რომ ვერ ადიან, ის ხალხია დასაქმებული… მე შევძლებ ყველა-ფერს, რომ კონკურსის გარეშე მაგენი მაინც გავათავისუფლო“.

 

კონკურსი გასულ პარასკევს ჩაატარა ქედის მუნიციპალიტეტმა. გამგებლის  ვაჟა ბოლქვაძის ინფორმაციით, 11 თანამდებობაზე 70 ადამიანმა შეიტანა განცხადება.

 

დიდი ალბათობით, მას შემდეგ, რაც საკვალიფიკაციო მოთხოვნებს დაამტკიცებს ბათუმის საკრებულო, კონკურსი ჩატარდება ბათუმის მერიაშიც. მერიის ადმინისტრაციის უფროსის ნუკრი დეკანაძის თქმით, ვაკანსია მერიაში 20-30 პოზიციის დასაკავებლად გამოცხადდება.

 

საჯარო სამსახურის შესახებ კანონით, პირველი ივლისიდან სამი თვის ვადაში საჯარო სამსახურები ვალდებულნი არიან თანამშრომლები კონკურსის წესით დანიშნონ.

 

ბათუმში რამადანის დაწყებასთან დაკავშირებით ვახშამი იმართება

 

„მარხვის დაწყებასთან დაკავშირებით ვმართავთ ვახშამს.  თურქეთიდან სტუმრები გვეყოლება,  თურქეთის  ერთ-ერთი რეგიონის დეპუტატი და ინეგოლის მერი. ასევე ვახშამზე იქნება ადგილობრივი ხელისუფლება და ცენტრალური ხელისუფლებადანაც შესაძლებელია მოვიდნენ,“ – განუცხადა „ბათუმელებს“„ქართველ მუსლიმთა კავშირის“ ხელმძღვანელმა ტარიელ ნაკაიძემ.

 

მისივე თქმით ვახშამზე მოწვეული იქნებიან საქართველოში მოქმედი რელიგიური ორგანიზაციების წარმომადგენლები და სასულიერო პირები.

 

„ჩვენ მოწვეული გვყავს და ვახშამს დაესწრება  სხვადასხვა რელიგიური ორგანიზაციების  წარმომადგენლები, რომლებსაც გადაეცემათ სამახსოვრო, სიმბოლური პლაკატი. მე მაცნობეს რომ ვახშამს ესწრება სომხური სამოციქულო ეკლესიის წარმომადგენლები თბილისიდან და ბათუმიდან, ესწრება ბაპტისტური ეკლესია, 50-იანებლები და სახარების ეკლესია.  რაც შეეხება მართლმადიდებელ ეკლესიას, მოსაწვევი მივიტანეთ და  მოვიწვიეთ. სავარაუდოდ უნდა დაგვესწრონ წარმომადგენლები,“ – განაცხადა ტარიელ ნაკაიძემ.

 

რამადანი ისლამური კალენდრის მეცხრე თვის სახელწოდებაა. ამ თვეში განთიადიდან მზის ჩასვლამდე ყველა მუსლიმი მარხულობს. ამ დროს, ისინი ყველანაირ საჭმელზე, სასმელსა და სქესობრივ კავშირზე უარს ამბობენ. მოხუცები ავადმყოფები, მოგზაურობაში მყოფი ადამიანები და ორსული ქალები ნებადართული არიან ამ დროს მარხვა დაარღვიონ, თუმცა წელიწადის სხვა დროს მათ ეს მარხვა უნდა შეასრულონ.

 

მარხვის თვეში მუსლიმებისთვის მნიშვნელოვანია ღვთისმსახურება, ქველმოქმედება, გაჭირვებულების დახმარება. სწორედ, ამ ქველმოქმედების ერთ-ერთი მაგალითია, მარხვის თვეში მორწმუნე ადამიანების ვახშამზე მიპატიჟება.

 

წელს რამადანი დაიწყო 9 ივლისს და  8 აგვისტოს რელიგიური დღესასწაულის ბაირამის აღნიშვნით დასრულდება.

 

 ტარიელ ნაკაიძის თქმით წელს ვახშამი 1000 კაცზე აქვთ გათვლილი, მაგრამ შესაძლოა რაოდენობა გაიზარდოს. ვახშამი საღამოს ცხრის ნახევარზე დაიწყება და ათ საათზე დასრულდება. მსგავსი ვახშამი გასულ წელსაც გაიმართა, მას 1200-მდე ადამიანი დაესწრო.

 

ცვლილებები ტაეკვონდოს ეროვნულ ფედერაციაში

სულხან ბაბუაძე
სულხან ბაბუაძე

სულხან ბაბუაძე: ცვლილებები ფედერაციაში აუცილებელიც იყო და დროულიც. თამამად შემიძლია გითხრათ, რომ არანაირი მიმართულებით არ ხდებოდა სპორტის ამ სახეობის განვითარება, ვინაიდან, ერთპიროვნული მმართველობა იყო და ფაქტობრივად, ერთი კლუბი და მისი ხელმძღვანელობა განაგებდა ფედერაციას. სამართლიანად გამოითქვა პროტესტი რეგიონალური ფედერაციების მხრიდან. თავადაც, როგორც ყოფილი სპორტსმენი, ვხედავდი, რომ აუცილებელი იყო ცვლილებები, პირველ რიგში ტაეკვონდოს განვითარებისთვის. უმრავლესობის გადაწყვეტილებით, ასევე რეგიონალური ფედერაციების მხარდაჭერით, ეს ცვლილებებიც განხორციელდა და როგორც ნდობით აღჭურვილ პირს, ფედერაციის თავკაცობა მე მომანდეს.

 

 

– რა შეიცვლება თქვენი მოსვლის შემდეგ?

 

 

– სანამ ცვლილებებზე ვიტყოდეთ, მინდა გითხრათ, რომ ბოლო ოთხი წლის განმავლობაში, ანუ ყოფილი ხელმძღვანელობის დროს, სპორტის ეს სახეობა გაცილებით დაბალ დონეზე დავიდა, ვიდრე ეს მათ მოსვლამდე იყო. ეს კი, როგორც უკვე აღვნიშნე, პირველ რიგში იმის ბრალია, რომ მხოლოდ საკუთარი კლუბის განვითარებაზე ფიქრობდნენ. სპორტსმენი, რომელიც არ იყო მათი კლუბის წევრი, ფაქტობრივად, საქართველოს ნაკრებში ვერ ხვდებოდა და ვერც საერთაშორისო ტურნირებზე გადიოდა, ამის არაერთი მაგალითი ვიცით. კიდევ ერთხელ გავიმეორებ, რომ რეგიონალური ფედერაციების და არა მარტო მათი უკმაყოფილება და პროტესტი სამართლიანი იყო. ჩემს გვერდით შემოვიკრიბე ადამიანები, რომლებსაც მართლა უყვართ ეს სპორტი, ერთი გუნდი ვართ და საქმესაც ერთად გავაკეთებთ.

 

 

– ხშირად ვესწრებოდი ტურნირებს და სპორტსმენთა მომზადების დონის გამო, მათ მწვრთნელებს აკრიტიკებდნენ, თუმცა, არავინ ფიქრობდა მათ გადამზადებასა და კვალიფიკაციის ამაღლებაზე…

 

 

– მესმის რისი კითხვაც გინდათ. მართალი ხართ, მასეც იყო. თუმცა, პირველი, რაც მიზნად დავისახე, ეს არის სწორედ მწვრთნელთა გადამზადება, კვალიფიკაციის ამაღლება და არა მარტო მათთვის, არამედ მსაჯებისთვისაც ვაპირებთ ანალოგიურის გაკეთებას. მე ვაპირებ საერთაშორისო დონეზე გავიყვანო ჩვენი სპორტსმენები და ეს ლიტონი სიტყვები არაა. უახლოეს დღეებში ვგეგმავთ საერთაშორისო დონის უცხოელი სპეციალისტის მოწვევას, რომელიც ქართველი მწვრთნელებისთვისაც და მსაჯებისთვისაც სემინარებს ჩაატარებს. მოვიწვევთ ყველა რეგიონის მწვრთნელს, ჩემი მოთხოვნა იყო, ასევე, რომ ყველა რეგიონს ორ-ორი კაცი წარმოედგინა მსაჯის კანდიდატურად, ასე რომ, დარწმუნებული იყავით, თუკი ადრე რომელიმე სპორტსმენი მსაჯთა არაობიექტურობის გამო იჩაგრებოდა, მსგავსი რამ აღარ განმეორდება. დაიმსახურებს სპორტსმენი? მოიგებს? _ მოხვდება ნაკრებში! აქვე გეტყვით, რომ ფედერაციის ვიცე-პრეზიდენტად დავნიშნე ავთო მიქაძე, რომელიც ასევე ტექნიკური დირექტორია. წელიწადში რამდენიმეჯერ, ის ეწვევა ყველა რეგიონს, სადაც თავად ჩაატარებს ანალოგიურ სემინარებს. ვფიქრობ, სწორი მიმართულება გვაქვს აღებული.

 

 

– იყო გარკვეული პრობლემები ინვენტართან დაკავშირებით. ელექტროპროტექტორები და ელექტროსისტემა რეგიონებისთვის დიდ ფუფუნებას წარმოადგენდა, ამის გამო მათ უჭირდათ სათანადოდ მომზადებულიყვნენ შეჯიბრებებისთვის…

 

 

– წლევანდელი ბიუჯეტი უკვე გაწერილია. მომავალი წლის იანვრიდან, ვიმედოვნებ, რომ ჩვენი ბიუჯეტი გაიზრდება, რაც მოგვცემს იმის საშუალებას, რომ რეგიონები ელექტროსისტემებითა და პროტექტორებით მოვამარაგოთ.

 

 

– საქართველოს ეროვნული ნაკრების მთავარ მწვრთნელად ორჯერ იყო უცხოელი სპეციალისტი მოწვეული, ერთხელ კორეადან, ერთიც ირანიდან, თუმცა, ვერც–ერთმა ვერ გაამართლა…

 

 

– სამწუხარო ის იყო, რომ ორივე მწვრთნელის მოწვევისას, არ გაითვალისწინეს და არც იკითხეს მათი წარსული, სად უმუშავიათ, რა შედეგები ჰქონდათ და ასე შემდეგ. უბრალოდ, ადგნენ და ჩამოიყვანეს, შედეგი? – ნოლი. უცხოელი სპეციალისტის ჩამოყვანას ჩვენც ვაპირებთ. ამ ეტაპზე ორ კანდიდატურას განვიხილავთ, ერთი აზერბაიჯანის ნაკრებში მუშაობს, მეორე ირანის ნაკრებში. საკმაო ინფორმაციას ვფლობთ მათ შესახებ და ვიცით რომ წარმატებული მწვრთნელები არიან. უახლოეს მომავალში გაირკვევა, ვისზე შევაჩერებთ არჩევანს. ერთ-ერთი მათგანი გვპირდება, რომ ორწლიანი სამოქმედო გეგმა აქვს, რის შემდეგაც გარანტიას გვაძლევს, რომ საქართველო სპორტის ამ სახეობაში ოლიმპიურ ლიცენზიას მოიპოვებს.

 

 

– რეალურ შედეგს როდისთვის ელოდებით?

 

 

– მინიმუმ ერთი წელი გვინდა, რომ მსოფლიოსა და ევროპის ჩემპიონატზე ღირსეულად წარვსდგეთ. აქვე გეტყვით, რომ სემინარების დასრულების შემდეგ, ვაპირებთ ათდღიანი საწვრთნელი შეკრების გავლას, რომელშიც კადეტთა და იუნიორთა ნაკრების კანდიდატები მიიღებენ მონაწილეობას. იქ შევარჩევთ ნაკრების ბირთვს. მაგრამ, ეს არ მოხდება ისე, როგორც ადრე იყო, ანუ ერთპიროვნულად არ მივიღებ გადაწყვეტილებას. შეიქმნება მწვრთნელთა საბჭო, სადაც ყველა რეგიონის წარმომადგენელი მწვრთნელი შევა და ერთობლივად გადავწყვეტთ ყველაფერს. ერთ რამესაც გაგანდობთ, მოლაპარაკებას ვაწარმოებთ აზერბაიჯანისა და ვლადიკავკაზის კადეტთა და იუნიორთა ნაკრების ხელმძღვანელობასთან, რათა ერთობლივი შეკრება გავიაროთ. აზერბაიჯანს საკმაოდ კარგი გუნდი ჰყავს, რაც შეეხება ვლადიკავკაზის ნაკრებს, სწორედ მათი სპორტსმენებითაა ძირითადად რუსეთის ნაკრები დაკომპლექტებული. ასეთი ერთობლივი შეკრებები ხშირი იქნება, რაც პირველ რიგში, ჩვენი სპორტსმენების დონის ამაღლებას და სპორტის ამ სახეობის განვითარებას შეუწყობს ხელს.

 

 

– უახლოესი ტურნირი როდის გაქვთ?

 

 

– აგვისტოსა და სექტემბერში ჩვენი კადეტები და იუნიორები მონაწილეობას მიიღებენ ევროპის ჩემპიონატზე. ჩემი სურვილია, თითოეულ ასაკობრივ კატეგორიაში ოთხ-ოთხი სპორტსმენი გავგზავნოთ, თუმცა, ყველაფერ საწვრთნელი შეკრების დროს გაირკვევა.

ეკომიგრანტები მეექვსე დღეა შიმშილობენ

ბათუმში,  მთავრობის სახლის წინ წალკიდან აჭარაში დაბრუნებული ეკომიგრანტები მეექვსე დღეა შიმშილობენ.

ეკომიგრანტები 58-ე დღეა  დახმარებას ითხოვენ, თუმცა უშედეგოდ. პროტესტის უკიდურეს ფორმას, შიმშილობას, ექვსი დღის წინ მიმართეს.

დაგვიანებული დახმარება

 

 

სულხან სალაძე, იურისტი:

 

„რადგან ჩემი მშობლები ცნობილი პიროვნებები არ არიან, დავრჩი დაუფინანსებელი. ღმერთმა ყველა კარგად ამყოფოს მაგრამ ჩემ შემდეგ გამოჩენილებმა ჩემნაირი დაავადებით კი გამასწრეს წასვლა საზღვარგარეთ. ძალიან გთხოვთ, გააზიაროთ და კიდევ ერთხელ სცადოთ თქვენი გამოსვლით ჩემი დახმარება და მეც მალე ვუშველო თავს, თორემ…“_ ეს წერილი მირზამ აპრილში „ფეისბუქის“ საშუალებით მომწერა. მაშინვე გამიჩნდა სურვილი, რომ მირზას შესახებ კიდევ ერთხელ დამეწერა, თუმცა ჩემი და მირზას მიმოწერის გასაჯაროებისგან თავი შევიკავე. თავი შევიკავე იმიტომ, რომ ეს პირადი მიმოწერა იყო და ჩემი მხრიდან ამ მიმოწერის საჯაროდ თქმა შეიძლება ბოლომდე კორექტული საქციელი არ ყოფილიყო. 

 

 

გუშინ საღამოს სახლში მისულმა ჩემი ბათუმელი მეგობრის ბლოგზე წავიკითხე, რომ  მირზას დახმარების მიზნით ბათუმში ჟურნალისტები გაერთიანდნენ და რომ მირზას ათ დღეში უნდა ჩაუტარდეს ძვლის ტვინის გადანერგვის ოპერაცია, თორემ…

 

 

გუშინვე მივუბრუნდი ჩემი და მირზას მიმოწერის ამბავს და სოციალურ ქსელში სულ ორად ორი წერილი ვიპოვე. პირველი წერილი, თებერვლის თვეში მოწერილი, იმედით სავსე ადამიანის დაწერილი იყო, რომელსაც სჯეროდა, რომ მიუხედავად მძიმე ჯანმრთელობის მდგომარეობისა, ის შეძლებდა უკეთესად გამხდარიყო. აპრილში მოწერილ წერილზე კი, რომლითაც ამ ამბის წერა დავიწყე, იმავეს ვეღარ ვიტყვი. აპრილის შემდეგ ჩვენ მიმოწერა აღარ გვქონია.

 

 

არ ვიცი, რას ფიქრობს ახლა მირზა, მაგრამ ვიცი, რისი სურვილიც ნამდვილად შეიძლება ჰქონდეს და ჩვენ  შეგვიძლია მირზას სურვილი რეალობად ვაქციოთ.

არადა, დრო ძალიან ცოტა დარჩა. გუშინ ათი დღე იყო მირზას გადასარჩენად. დღეს ცხრა დღეა. ხვალ კი შეიძლება საერთო აღარ იყოს.

 

 

 

ქობულეთის პოლიციის ხელმძღვანელებს გაუპატიურების მუქარისთვის უჩივიან

ფატი ხალვაშის ცნობით, პოლიციის მიერ დაკავებულ ახალგაზრდებს სასამართლომ მხოლოდ წვრილმანი ხულიგნობა დაუდასტურა და 100-ლარიანი ჯარიმით გაათავისუფლა. გათავისუფლების შემდეგ ახალგაზრდებმა ფატი ხალვაშს მიმართეს. მათ დეპუტატს შეატყობინეს, რომ ქობულეთის პოლიციაში დამამცირებლად ეპყრობოდნენ და გაუპატიურებით დაემუქრნენ.

ფატი ხალვაშმა ახალგაზრდებისგან მისთვის გაგზავნილი წერილის შინაარსი გაასაჯაროვა. დეპუტატის ინფორმაციით, ახალგაზრდები უჩივიან ქობულეთის პოლიციის მაღალი თანამდებობის პირებს: “ჩემთან ინფორმაცია მოვიდა, რომ ისინი (პოლიციელები) დროებით დაითხოვეს, იქამდე, სანამ საბოლოო დასკვნა დაიდება. მე ვალერი თელიას (აჭარის პოლიციის მთავარი სამმართველოს უფროსს) ვესაუბრე და ამ საუბრის შედეგად გავიგე, რომ უპირებენ სამსახურიდან გაშვებას. ჩვენი საუბარი შედგა ხუთშაბათს, შემდეგ არ გადამიმოწმებია”.

დეპუტატის ინფორმაციით, ახალგაზრდები მათ მიმართ განხორციელებულ დამამცირებელ მოპყრობაში ქობულეთის პოლიციის ხელმძღვანელ პირებს ადანაშაულებენ.

“ბათუმელებმა” ვერ მოახერხა დაკავშირებოდა ქობულეთის პოლიციის უფროსს, დავით დვალიშვილსა და ვერც მის მოადგილეს, ტარიელ ვასაძეს. ქობულეთის პოლიციის სამორიგეოში განაცხადეს, რომ ორივე თანამდებობის პირს გადასცემენ `ბათუმელებთან~ კომენტარის გაკეთების შესაძლებლობის თაობაზე.

შს სამინისტროს პრესცენტრში კი “ბათუმელებს” უთხრეს, რომ “ამ ეტაპზე ქობულეთის პოლიციიდან არავინ არ არის გათავისუფლებული”.

დეპუტატის საჯარო განცხადების შემდეგ საქმის მოკვლევა დაიწყო აჭარის პროკურატურამ. საქმეს მანამდე შს სამინისტროს გენერალური ინსპექცია სწავლობდა, მაგრამ ახალგაზრდების ოჯახები ამ ორგანოს უნდობლობას უცხადებენ. მათი თქმით, გენერალური ინსპექცია საქმეს ერთ თვეზე მეტია უშედეგოდ სწავლობს.

შუახევის მუნიციპალიტეტში უფასო სამედიცინო გამოკვლევები ჩატარდება

 

ხვალ, 6 ივლისს, ჩემი ოჯახის კლინიკის ინიციატვით და აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს მხარდაჭერით შუახევის მუნიციპალიტეტის რაიონულ საავადმყოფოში ჩატარდება უფასო სამედიცინო კონსულტაციები და გამოკვლევები.

 

უფასო სამედიცინო აქცია 11:00 საათზე დაიწყება. კონსულტაციებს და გამოკვლევებს  ბათუმის რეფერალური საავადმყოფოს წამყვანი სპეციალისტები ჩაატარებენ.

 

პედიატრის, ნეონატოლოგის, ბავშვთა ნევროლოგის, ონკოლოგის, ენდოკრინოლოგის, ქირურგის, უროლოგის, ტრავმატოლოგის, ბავშვთა ტრავმატოლოგის, ბავშვთა ორთოპედის, ანგიოქირურგის, კარდიოლოგის, კარდიოექოსკოპისტის და მეანგინეკოლოგის უფასო სამედიცინო მომსახურების მიღება ადგილობრივ მოსახლეობას მთელი დღის განმავლობაში შეეძლება. 

 

სამედიცინო აქციას აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს და ბათუმის რეფერალური საავდმყოფოს წარმომადგენლები დაესწრებიან.

 

ანალოგიური აქცია 27 ივლისს ქედის მუნიციპალიტეტში ჩატარდება. 

ეკომიგრანტების შიმშილობის მეორე დღე

„პოლიციისა და ჟურნალისტების მეტი არავინ არ ყოფილა, პროტესტს მანამდე არ შევწყვეტთ სანამ ჩვენს მოთხოვნებს არ დააკმაყოფილებენ. მეტი რა ვქნათ თავშესაფარი გვინდა, თავშესაფარს თუ არ მოგვცემენ აქ დავწყდებით,“ – აცხადებს ეკომიგრანტი ბეჟან ხოზრევანიძე.

ეკომიგრანტი ფრიდონ კახაძე ამბობს რომ შიმშილობას არ შეწყვეტენ სანამ მათ მოთხოვნებს არ დააკმაყოფილებენ:  „ათი ადამიანი ვშიმშილობთ, ხელისუფლების წარმომადგენლებს არაფერი არ უთქმიათ, არც შეხვედრას შეგვპირებიან“.

ორ ეკომიგრანტს სამედიცინო დახმარება დასჭირდა, მათგან ერთი ფატი მგელაძე ჯანმრთელობის გაუარესების გამო რესპუბლიკურში გადაიყვანეს.

„50 დღეზე მეტია აქ ვართ ბავშვებით და ერთი ჭიქა წყალი არავის მოუწოდებია, არ აინტერესებთ როგორ ვართ, ცუდად გავხდი ვერ ავიტანე ეს ხალხი რომ ტიროდა და შიოდა, ვერ ავიტანე და შოკში ჩავარდი, სავადმყოფოში ვიყავი, იქაც ფული გადასახდელი მაქვს, როგორ გადავიხადო ეხლა,“ – აცხადებს ფატი მმგელაძე.

ბლოგების პრეზენტაცია ხელვაჩაურში

 

 

2013 წლის 5 ივლისს, პარასკევს 15:00 საათზე ხელვაჩაურის ახალგაზრდობის ცენტრში ბლოგების პრეზენტაცია მოეწყობა.

 

დამწყები ბლოგერებისათვის ტრენინგი ახალგაზრდობის ცენტრში ერთი თვის განმავლობაში მიმდინარეობდა, რომლის ფარგლებშიც 9 ახალგაზრდა გადაემზადა. ტრენინგი თეორიულ ცოდნასთან ერთად ითვალისწინებდა პრაქტიკულ გაკვეთილებს.

 

ახალგაზრდები გაეცნენ სოციალურ მედიასა და მის თავისებურებებს, ბლოგინგს, როგორც სოციალური მედიის ერთ ერთ შემადგენელ ნაწილს. ბლოგის შექმნასა და წარმოებას.

 

ტრენინგს უძღვებოდა მოწვეული ბლოგერი დავით ტრაპაიძე.

 

დასწრება თავისუფალია.

 

ხელვაჩაურის ახალგაზრდული ცენტრი
ხელვაჩაურის ახალგაზრდული ცენტრი

ფესტივალი ქედაში

 

 

ამ დროისთვის ქედის კულტურის სცენაზე გორის საბავშვო ფოლკლორული ანსამბლი ,,კელაპტარი“ ბოლო რეპეტიციას გადის, ფესტივალი ერთ საათში დაიწყება და მასში მონაწილეობას 800-მდე ახალგაზრდა მიიღებს.

 

„ფესტივალს უდიდესი მნიშვნელობა აქვს იქედან გამომდინარე, რომ საერთაშორისო დონისაა, კონცერტი 2 საათს გაგრძელდება და 800-მდე ახალგაზრდა მიიღებს მონაწილეობას“ – აცხადებს ფესტივალის ერთ-ერთი ორგანიზატორი ოლეგ ალავიძე.

 

ფესტივალის ფარგლებში ქედაში, ფესტივალში მონაწილე ქვეყნების საელჩოების წარმომადგენლებსაც ელოდებიან. დაგეგმილია მონაწილე ანსამბლების დაჯილდოებაც.

 

ფესტივალი ,,კავკასია 2013“ გუშინ ბათუმში  გაიხსნა.

 

 

ეკომიგრანტებმა შიმშილობა დაიწყეს

მათივე თქმით პროტესტის  უკიდურეს ფორმას მთავრობის უყურადღებობის გამო მიმართეს. წალკიდან აჭარაში დაბრუნებული ეკომიგრანტები უკვე 52-ე დღეა მთავრობისგან დახმარებას ითხოვენ, თუმცა ამ დრომდე უშედეგოდ.

 

ამ წუთებში აჭარის მთავრობის სახლის წინ  მობილიზებულია პოლიცია. ეკომიგრანტებთან მოლაპარაკებას შსს აჭარის სამხარეო სამმართველოს უფროსი ვალერი თელია, ხოლო აჭარის მთავრობიდან  ირაკლი ჭეიშვილი აწარმოებენ და  მთავრობის სახლის მიმდებარე ტერიტორიის გათავისუფლებას სთხოვენ. ვალერი თელია ეკომიგრანტებს დაჰპირდა, იმ შემთხვევაში თუ კი შიმშილობას შეწყვეტენ, 10 ივლისს მივლინებიდან დაბრუნებული არჩილ ხაბაძე და მთავრობის სხვა წევრები შეხვდებიან.

მოიუხედავად დაპირებებისა  ეკომიგრანტები დაშლას არ აპირებენ.

ბათუმის მერის ახალი მოადგილეები

ზურაბ პატარაიას ცოტა ხნის წინ  ბათუმის მერის თანამდებობაზეც მოიზარებდნენ: „რაც შეეხება ზურაბ პატარაიას, არაერთხელ გაჟღერდა, რომ სხვადასხვა უფრო მაღალ თანამდებობაზეც მოიაზრებოდა. პოლიტიკური სიტუაციებიდან გამომდინარე, რადგან ასეთი მხარდაჭერა იყო მის მიმართ,  გადავწყვიტე ეს რესურსი აქტიურად გამოგვეყენებინა მერიის სისტემაში და ვფიქრობ, რომ ეს არის ერთ-ერთი სწორი ნაბიჯი იმისათვის, რომ  ჩვენ რაიმე პოლიტიკური ამბიციებით კი არა არამედ ქალაქის მშენებლობისთვის ვიკრიბებით აქ.“ – აღნიშნა ჯემალ ანანიძემ.

ჯემალ ანანიძის თქმით, ზურაბ პატარაიამ ტერიტორიული ორგანოებისა და მათი რწმუნებულების კურირება ჩაიბარა.

მერის მეორე მოადგილედ  ფინანსისტი რუსლან ქორიძე დაინიშნა. ბოლო წლებში ის საბანკო სფეროში მუშაობდა.  მას ეკონომიკური სამსახურის გარდა საბიუჯეტო საკითხები აიპებისა და შპს- ების კურირება დაევალა.

ბათუმის მერის მოადგილეების წარდგენა

ფასდაკლება


 verda – უმაღლესი ხარისხის საღებავები

 

www.verdaboya.com.tr

 

 

მაღალი ხარისხის თეთრეული – მხოლოდ ჩვენთან!

 

 

 

 

 

 

 

 

 

 

საუკეთესო ევროპული ცემენტი – უმაღლესი სტანდარტი, მომსახურება ადგილზე მიტანით!

 

ივანიშვილი: ჩვენი ქვეყანა უსაფრთხო უნდა იყოს ტურისტებისთვის

 

საქართველოს პრემიერ-მინისტრმა დღეს, 3 ივლისს გამართულ პრესკონფერენციაზე, აჭარის რეგიონის ტურისტულ პოტენციალზე ისაუბრა.

 

„ხელისუფლება აბსოლიტურად კარგად აცნობიერებს რომ ტურიზმი უნდა იყოს ეკონომიკის წამყვანი არ ვიტყოდი, მაგრამ ერთ-ერთი მნიშვნელოვანი შემადგენელი. მათ რიცხვში ბათუმი და  აჭარა არის ძალიან საინტერესო ტურიზმისთვის.  ამ მხრივ ჩვენ ყველაფერს გავაკეთებთ. უფრო კონკრეტულად რომ ჩვენ კონკრეტული გეგმა გვქონდეს გაწერილი გარდა ვთქვათ იმისა რომ ინფრასტრუქტურა განვავითაროთ. უსაფრთხოებას მაქსიმალურად უნდა მივაქციოთ ყურადღება, რომ უსაფრთხო იყოს ჩვენი ქვეყანა ტურისტებისთვის. საინვესტიციო გარემო განვავითაროთ, სასტუმროების მშენებლობა უშუალოდ აჭარაში. მხოლოდ იქ [აჭარაში] მოახერხა არჩილ ხაბაძემ  და ნაწილობრივ მაინც შეუმსუბქა მოსახლეობის იმ ნაწილს პრობლემები რომლებმაც იქ სასტუმროები ააშენეს, კრედიტები აიღეს და შემდგომ ცუდ დღეში ჩავარდნენ.  იპოთეკური კრედიტები მაქვს მხედველობაში. დაახლოებით ესე მთელ საქართველოში ვცდილობთ. აჭარა ძალიან საინტერესოა და ბათუმი განსაკუთრებით, რომ მომავალში ის მიმზიდველი იყოს ტურისტებისთვის,“ – განაცხადა ბიძინა ივანიშვილმა.

ბათუმს ახალი ვიცე მერები ეყოლება

 

დღეს, 12 საათზე ბათუმის მერი ჯემალ ანანიძე ვიცემერების დანიშვნასთან დაკავშირებით განცხადებას გააკეთებს.

 

გავრცელებული ინფორმაციით მერის პირველი მოადგილის უფროსის თანამდებობას საქართველოს პარლამენტში მურმან დუმბაძის  ბიუროს ხელმღვანელი ზურაბ პატარაია დაიკავებს. ამის შესახებ გაზეთი „ბათუმელები“ ამ კვრის ნომერში წერდა. მერის მეორე მოადგილის თანამდებობაზე კი რუსლან ქორიძე დაინიშნება. 

„ჩვენ გვიყვარს ცეკვა“ ბათუმში

„ჩვენ გვიყვარს ცეკვა”  ბათუმში უკვე მეორედ ტარდება, კონკურსის ჩატარების იდეა ბათუმელ ქორეოგრაფებს, ირაკლი სურმანიძესა და მაიკო დუმბაძეს ეკუთვნით.

კონკურსისთვის მზადება ორი თვის წინ დაიწყო, კასტინგის შედეგად 9 წყვილი შეირჩა. კონკურსის პირველ ეტაპზე კონკურსანტებმა ჟიურის მიერ შერჩეულ მუსიკაზე ცეკვა თავად დადგეს. კონკურსის ორგანიზატორები ამბობენ, რომ ხუთივე ეტაპი განსხვავებული იქნება, მოეწყობა ქართული ცეკვების ტური, სამეჯლისო ცეკვების ტური და გასული საუკუნის ოთხმოციანი წლების ჰიტებზე დადგმული თანამედროვე ცეკვების ტური.  „ერთი თვის წინ შევარჩიეთ მონაწილეები, ამ თვის განმავლობაში მონაწილეები ემზადებოდნენ. მსგავსი კონკურსები ცეკვას პოპულარიზაციას უწევს და მნიშვნელოვანია მათი ხელშეწყობა.“- ამბობს ირაკლი სურმანიძე.

ხუთ საკონკურსო დღეს  ჟიურისთან ერთად მაყურებელიც sms-ების საშუალებით აირჩევს თავის რჩეულს: „სხვადასხვა პროფესიის წარმომადგენლებისგან დავაკომპლექტეთ ჟიური, შევარჩიეთ ბათუმის ცნობადი სახეები, რამდენიმე მათგანს გამოცდილებაც აქვს უკვე შარშან იყვნენ ჩვენი კონკურისი ჟიურში. პირველ დღეს არავინ გავარდნილა, მომდევნო დღეებში ორ-ორი წყვილი დატოვებს პროექტს, ფინალში კი სამი წყვილი დარჩება.“ – ამბობს მაიკო დუმბაძე.

წლევანდელი კონკურსი იმით გამოირჩევა, რომ მასში  მხოლოდ ქართველი ცეკვის მოყვარულები არ ღებულობენ მონაწილეობას. დიფენს ნადი ნოექე ამერიკელია, ბათუმში სასწავლებლად ჩამოვიდა, საზღვაო აკადემიაში სწავლობს, კონკურსის შესახებაც იქვე გაიგო: „მომწონს კონკურს, მოცეკვავე არა ვარ, მოყვარული ვარ, კონკურსში წარმატების იმედი მაქვს.“ – ამბობს ის.

„ემოციური საღამოა, დიდი მადლობა ჩემს გულშემატკივრებს, ცოტას ვღელავ, პირველი გამოსვლა მგონი კარგი იყო, მომდევნო საკონკურსო დღეები უკეთესი იქნება. ჩემი გულშემატკივრების იმედი მაქვს, მადლობა ყველას ვინც ერთ სმს -ს  მაინც გამომიგზავნის.“- ამბობს ინგა ბერაძე,

კონკურსის გამარჯვებული წყვილი ხუთ ივლისს გამოვლინდება, გამარჯვებული წყვილი კ 1000 ლარით დაჯილდოვდება.

როგორ წაგვართვეს ზაფხული

რა გვაწუხებს მე-11, ახლა უკვე პოტენციურ მე-12-კლასელებს?! გვაწუხებს ის, რომ ოქტომბერში ვაბარებთ საატესტატო გამოცდებს ტექნიკურ საგნებში, ტექნიკური განათლება კი ტკივილიანი თემაა. საკმაოდ დაბალი მაჩვენებელი გვაქვს ამ კუთხით, ამიტომაც ბოლო წლებია სახელმწიფომ დააჩქარა სწავლის ხარისხის ამაღლება სკოლებსა და უნივერსიტეტებში, ამასთანავე, მუშაობდნენ მასწავლებელთა სერტიფიცირების საკითხზე, მაგრამ ეს საკმარისი არ აღმოჩნდა და ახლა მომავალ მე-12-კლასელებს მთელი ზაფხული მომზადება მოგვიწევს. ტექნიკურ საგნებში, ზოგიერთს მარტო, უმრავლესობას კი – რეპეტიტორის დახმარებით.

მართალია, მეთერთმეტეკლასელები კრიტიკულ სიტუაციაში აღმოვჩნდით, რადგანაც პასუხს გვთხოვენ იმაზე, რაც სრულყოფილად არ გვისწავლია ამ ათასგვარი რეფორმის გამო, მაგრამ ვიმედოვნებთ, რომ პირველ ნაკადს ძალიან არ გაგვირთულებენ საქმეს. შიშის ფაქტორი დიდია. ბევრ ჩემს თანატოლს მუშაობა აქვს გადაწყვეტილი, რათა საკუთარი თანხით შეძლოს რეპეტიტორთან მომზადება. დამეთანხმებით, ტექნიკური საგნების დამოუკიდებლად სწავლა ძალიან რთულია. ამიტომაც, ყველა მასწავლებელს მიაშურებს. მშობლების გვერიდება, მუშაობაც გადავწყვიტეთ, დამოუკიდებლობასაც ვეჩვევით. კარგი იქნება, სულ მთლად ხორცსაკეპ მანქანაში თუ არ გაგვატარებენ.

ჰო, როდის უნდა დაიმსხვრეს რეპეტიტორის ინსტიტუტი? მშობლებიც ნაკლებად ინერვიულებენ და ბავშვები კიდევ წუწუნს მოვრჩებით. ჩვენი მშობლების ჯიბეებიდან თანხა პირდაპირ ირიცხება რეპეტიტორთა ჯიბეებში. პრობლემა ის არის, რომ ტექნიკური საგნები, მრავალი რეფორმის გამო, სემესტრულად, ხან კი ერთწლიანი ინტერვალით ვისწავლეთ. აშკარაა, რომ საფუძვლიანი ცოდნა ამ საგნებში ნამდვილად არ გაგვაჩნია, ამიტომაც ეს ჩვენი აქილევსის ქუსლია.

მსხვერპლის როლი კარგად გვაქვს შეთვისებული მეთერთმეტეკლასელებს და განვიცდით, ვდარდობთ იმაზე, რომ ეს ზაფხული, ფაქტობრივად, წაგვერთმევა. გადაწყვეტილი ამბავია. თან მზეც ისეთი ცხელი და მკაცრი იქნება ამ დროს…

განათლება

 

 საზღვაო სასწავლო ცენტრი ანრი

 

 

 

 

შ.პ.ს „განათლება“ – კონკურენტუნარიანი განათლებით აღჭურვილი მოსწავლის აღზრდა რეპეტიტორის გარეშე!


 

  „განათლება“ დაარსდა 2001 წელს. სკოლაში გაძლიერებულად ისწავლება ინგლისური ენა და მათემატიკა. ასევე, მოსწავლეებსა და მათს მშობლებს ვთავაზობთ დამატებითი სააღმზრდელო და სასწავლო მომსახურების პაკეტს, რომელიც ითვალისწინებს  დღის მეორე ნახევარში  გაკვეთილების მომზადებას, ერთჯერად სრულფასოვან კვებას,  სხვადასხვა ინტელექტუალურ–შემეცნებით და სპორტულ აქტივობას.

 

განათლების მაღალ ხარისხს განაპირობებს თანამედროვე მატერიალურ–ტექნიკური ბაზა და მაღალკვალიფიციური ადამიანური რესურსი.

 

სკოლას ხელმძღვანელობს ქალბატონი ქეთევან გოშხეთელიანი.

 

სკოლა თანამშრომლობს საერთაშორისო ორგანიზაცია „აისეკთან“  და ახორციელებს პროექტს ENGLISH ACADEMY, რომელიც მოიცავს ინგლისური ენის ოთხკვირიან კურსს უცხოელი პედაგოგების მონაწილეობით.

 

ტრადიციულად,  წარმატებული მოსწავლეები    ნაწილობრივ ან მთლიანად თავისუფლდებიან სწავლის გადასახადისაგან.

 

გააკეთე ყველაზე საიმედო ინვესტიცია საკუთარ განათლებაში და ისწავლე ჩვენთან!                            

 

 

 

                             ჩვენი მისამართია: გ.ბრწყინვალეს #103

 

მობ:593 901600 

 

web: imedi.edu.ge

 

 

                                    



 ფრანგული სკოლა ბათუმში


 

ფრანგული სკოლა ერთადერთია აჭარაში, რომელიც  მოსწავლეებს ქართულ ატესტატთან ერთად, საფრანგეთის განათლების სამინისტროს განათლების დამადასტურებელ დიპლომსაც გადასცემს.

 

 

სკოლას მჭიდრო კავშირი აქვს/თანამშრომლობს როგორც საქართველოში საფრანგეთის საელჩოსთან, ასევე ალ.დიუმას ფრანგული კულტურის ცენტრთან.

 

ფრანგული სკოლა შექმნა ამ ენის საუკეთესო სპეციალისტმა – ლუიზა თუთარაშვილმა. სკოლის სხვა პედაგოგების მაღალკვალიფიციურობას ადასტურებს მისი თითქმის ყველა მოსწავლის წარმატება სხვადასხვა ოლიმპიადასა თუ ინტეგრირებულ პროექტებში. სკოლას ჰყავს ოქროს მედალოსნებიც.

ჩვენი სკოლა უზრუნველყოფს მოსწავლეებში შემოქმედებით თვითგანვითარებას და აძლევს პრაქტიკულ ცოდნას.

 

სკოლაში ფრანგულთან ერთად ისწავლება ინგლისური, რუსული და სხვა ევროპული ენები.

 

სკოლის მოსწავლეები არიან ფრანკოფონიური სკოლების თეატრალური ფესტივალის პრიზის – ,,ოქროს ბატკნის“ მფლობელები. ყოველ ზაფხულს სხვადასხვა რეგიონში  ეწყობა საზაფხულო სკოლები, სადაც მოსწავლეებს ფრანგი ანიმატორები ეხნარებიან  ენის დაუფლებაში.

 

ჩვენთან თანამშრომლობით საუკეთესო განათლება და გარანტირებულ მომავალი გელოდებათ.

ნუღარ გადადებთ, დაგვიკავშირდით დღესვე.

 

დაგვიკავშირდით:

 ბათუმი. გრიბოედოვის ქუჩა #67.

ტელ.:27-06-62;

მობ.: 593-66-81-44

 

 

 

სკოლა „ევრო 2000“ – უცხო ენების გაძლიერებული სწავლება და თანამედროვე განათლება

 

 

სკოლა “ევრო 2000” უცხოური ენების გაძლიერებულ სწავლებას გთავაზობთ.

 

 

„ევრო 2000″  მდებარეობს ბათუმის ცენტრში და აქვს საკუთარი ცხრასართულიანი კეთილმოწყობილი შენობა, ლაბორატორიით, საგნობრივი კაბინეტებით, სააქტო დარბაზითა და სპორტული მოედნით.  სკოლაში 76 მაღალი კვალიფიკაციის პედაგოგი ასწავლის და ცოდნას 500-ზე მეტი მოსწავლე ეუფლება.

 

ჩვენი მიზანია ბავშვებს მივცეთ თანამედროვე, მრავალმხრივი განათლება, რაც მათი წარმატების გარანტია გახდება.

 

სკოლას  ევროპის სხვადასხვა ქვეყნაში ჰყავს პარტნიორი ორგანიზაციები. კერძოდ, გერმანულ პროგრამას ხელმძღვანელობს ZFA-ს ორგანიზაცია. სასწავლო კურსის წარმატებით დამთავრების შემთხვევაში გაიცემა გერმანული ენის დიპლომი, რომელიც მოსწავლეს საშუალებას აძლევს გააგრძელოს სწავლა გერმანიის უნივერსიტეტებში გამოცდების გარეშე.

 

 

თანამედროვე სასწავლო გარემო და პედაგოგების მაღალი კვალიფიკაცია „ევრო 2000″-ის მოსწავლეების წარმატების გარანტიაა. ჩვენი სკოლის  მოსწავლეები იმარჯვებენ ოლიმპიადებსა და კონფერენციებში და წარმატებით მონაწილეობენ სხვადასხვა კონკურსსა თუ გაცვლით პროგრამაში.

 

 

მოსწავლეები, რომლებმაც „ევრო 2000″ დაამთავრეს, წარმატებით სწავლობენ ამერიკულ და გერმანულ უნივერსიტეტებში.  მათ ნაწილს DAAD-ის სასტიპენდიო პროგრამებით მოპოვებული  აქვს ევროპულ უნივერსიტეტებში 4 წლიანი სწავლების სრული დაფინანსება.

 

 

 

დაგვიკავშირდით:

ბათუმი, გორგილაძის ქუჩა  #91

ტელ: 27 42 47; 27 16 66

email: evro2000batumi@yahoo.com

დაგვიმეგობრდით ფეისბუქზე



 

სკოლა „ნიკე“ – სრულფასოვანი სწავლება დამატებითი მომზადების გარეშე

 

 

 

 

სკოლა ,,ნიკე’’ გთავაზობთ:

 

1. თანამედროვე, სუფთა, დაცული გარემო.  კლასებში მოსწავლეთა რაოდენობა –  8-15 მოსწავლე

 

2. ეროვნულ იდეალებზე დაფუძნებული თანამედროვე სასწავლო მოდელი

 

3. დაწყებითი კლასებიდან საგნობრივი დაყოფა, მათემატიკის გაძლიერებული სწავლება პირველი საფეხურიდან

 

4. უცხო ენის გაძლიერებული სწავლება დაწყებითი კლასებიდან ეტაპობრივად (ინგლისური, რუსული, გერმანული, ფრანგული)

 

5. ინტელექტის განვითარება  – მსოფლიო ლიტერატურეს შედევრების,ხელოვნების ისტორიის,ეთიკისჭადრაკის,მეტყველების კულტურის,რელიგიის ისტორიის შესწავლა

 

6. კომპიუტერის მოხმარება – ინფორმატიკა, უნარჩვევების განვითარება, მესამე საფეხურზე საბუნებისმეტყველო საგნების (ქიმია, ფიზიკა, ბიოლოგია) გაძლიერებული სწავლება

 

7. ლიტერატურული საღამოების, დებატების, კონკურსების, სპორტული თამაშების მოწყობა. ხატვის, ქართული ხალხური ცეკვის, მხატვრული კითხვის წრეები

 

8. მაგიდის ჩოგბურთი

 

9.  მეტყველების პედაგოგის და ფსიქოლოგის დახმარება

 

10. გაკვეთილების შემდეგ დამატებითი მეცადინეობა საგნების მიხედვით

 

11.მომსახურება ავტოტრანსპორტით, ერთჯერადი კვება (სურვილისამებრ)

 

 

 

ჩვენი მიზანია: სრულფასოვანი სწავლება დამატებითი მომზადების გარეშე!

 

 

 

სკოლა „ნიკე“ დაარსდა 2006 წელს. ლიცენზირებულია აჭარის ა.რ. განათლების სამინისტროს მიერ. 2012 წლის 18 იანვარის გადაწყვეტილებით სკოლამ გაიარა ავტორიზაცია. სკოლაში  მუშაობენ გამოცდილი, პროფესიონალი პედაგოგები და აღმზრდელები. სკოლის დირექტორია იზო ტაკიძე.   

 

სწავლების ხანგრძლივობა არის 10 თვე-15 სექტემბრიდან 15 ივნისამდე.

 

სწავლების განრიგი: 10საათიდან 17 საათამდე.

 

დაგვიკავშირდით:

მისამართი: ლორიას ქუჩა #8

ტელ: 27 09 85

მობ: 593 34 02 03

მზად ვარ, საფრანგეთიდან ბათუმში დავბრუნდე

ირაკლი ნინიძე: მიხარია, რომ ბათუმში კიდევ ვახსოვარ. თამამად შემიძლია გითხრათ, რომ ჩემი სპორტული კარიერის პირველი ნაბიჯები და საუკეთესო წლები სწორედ ბათუმს უკავშირდება. არ შემიძლია არ აღვნიშნო ზვიად უნგიაძის დამსახურება, რომლის დამსახურებითაც მოვხვდი დიდ სპორტში. ჯერ ბერძნულ-რომაულ ჭიდაობაზე დავდიოდი, შემდეგ კი, ზვიადის რჩევით, რაგბის თამაში დავიწყე. 1995 წელს ბათუმის გუნდს „დელფინები“ ერქვა და სწორედ იქ შედგა ჩემი ნათლობა, მაშინ პირველ ლიგაში გამოვდიოდით. 1998 წელს კი უმაღლეს ლიგაში თამაშის უფლება მოვიპოვეთ, მაშინ უკვე „დათვები“ გვერქვა. კარგი, შეკრული გუნდი ვიყავით და იმავე წელს საქართველოს ჩემპიონატის ვერცხლის მედლები მოვიპოვეთ. მომდევნო წელს კი საქართველოს ჩემპიონები გავხდით და თასის ფინალშიც გავედით. ყველაზე წარმატებული კი 2002 წელი იყო, როდესაც ჩემპიონებიც გავხდით, თასიც მოვიპოვეთ და ევროპის რეგიონთა თასის გათამაშებაზე მესამე ადგილი დავიკავეთ.

 

 

– სწორედ ამის შემდეგ იყო მიწვევა ეროვნულ ნაკრებში და საზღვარგარეთული კარიერის დასაწყისი…

 

 

– დიახ. 2003 წელს მიმიწვიეს ეროვნულ ნაკრებში, ჩილეში იქაურ გუნდსა და არგენტინის ნაკრებს ამხანაგურად გავეჯიბრეთ. იმავე წელს, ბათუმში ჩამოვიდა რუსეთის გუნდი, კრასნოარსკის „ენისეი“, რომელიც რუსეთის მრავალგზის ჩემპიონია. თამაშის შემდეგ, შემომთავაზეს „ენისეიში“ გადასვლა, რაზეც დავთანხმდი, ასე აღმოვჩნდი „დათვებიდან“ რუსეთის ერთ-ერთ უძლიერეს კლუბში, სადაც სამი წელი გავატარე. რუსეთის თასის ფინალში „ვვა“-ს ვხვდებოდით, სწორედ მაშინ ნახა ჩემი თამაში ერთმა ქართველმა აგენტმა და საფრანგეთში წასვლა შემომთავაზა, მაშინ უკვე რუსეთის ჩემპიონატის ვერცხლის მედალოსანი და თასის მფლობელი ვიყავი. სიმართლე გითხრათ, იმ პერიოდში არ ვაპირებდი საფრანგეთში გადასვლას, თუმცა, რუსეთმა საქართველოსთვის ვიზების გაცემა შეწყვიტა და მეც კარიერის გაგრძელება საფრანგეთში გადავწყვიტე. 2007 წელს მარსელის „მარსელში“ ჩავირიცხე. 2008 წელს უკვე „ნიმის“ ღირსებას ვიცავდი, 2009-2011 წელს „პერიგოში“ გადავედი, სადაც საქართველოს ნაკრების ერთ-ერთ წამყვანი მორაგბის, თედო ზიბზიბაძესთან ერთად ვთამაშობდი.

 

 

– როგორც ვიცი, „პერიგოში“ თქვენთან ერთად ახალი ზელანდიის ნაკრების წევრებიც თამაშობდნენ…

 

 

– დიახ, ხუთი მორაგბე ზელანდიელი იყო. ძალიან თბილი ხალხია. მიუხედავად იმისა, რომ მსოფლიო ჩემპიონის ტიტულს ატარებდნენ, ძალიან უბრალოდ და გულითადად ექცევიან ყველას. როგორც კი გუნდში გადავედი, თვითონ მოვიდნენ, დახმარება შემომთავაზეს, მარტივად რომ ვთქვათ, ავეჯი საკუთარი ხელით გადმოტვირთეს და სახლში დამიწყვეს. ჩვენი ოჯახის წევრი ხარო, ასე მითხრეს. ერთმანეთს მეტსახელებით მივმართავდით და მალე დავმეგობრდით კიდეც. „პერიგოდან“ „რომანსში“ გადავედი. საფრანგეთის ერთ-ერთი უძლიერესი ლიგის „ნაციონალ 1“-ის პლეი-ოფში ვითამაშეთ. თუმცა, მათთან კონტრაქტი უკვე ამომეწურა, ახალი კონტრაქტი, 1+1 სისტემით, ასევე ფრანგულ კლუბ „დიჟონთან“ გავაფორმე.

 

 

– „ნაციონალ 1“ მართლაც ერთ–ერთი უძლიერესი ლიგაა. არ გაგიჭირდა?

 

 

– არა, იმიტომ რომ მანამდე, საფრანგეთში თამაშისას, საკმაო გამოცდილება დამიგროვდა, გუნდსაც იოლად შევეწყვე. ისე, რომ იცოდეთ, ტოპ 14-იდან ბევრი მოთამაშე სწორედ „ნაციონალ 1“-ში გამოდის და ბევრი ქვეყნის ეროვნული ნაკრების წამყვანი მოთამაშეები სწორედ ამ ლიგაში ასპარეზობენ.

 

 

– როგორც ვიცი, ბათუმში დაბრუნების სურვილი გაქვს და გინდა, საკუთარი გამოცდილება შენს მშობლიურ კლუბს მოახმარო…

 

 

– ცხოვრებაში თუ კი რამ გამაჩნია, სპორტმა მომცა, რაგბმა, ამიტომაც, ვალდებულადაც ვთვლი თავს, რომ ბათუმში და საერთოდ, აჭარაში, რაგბის განვითარებაში ჩემი წვლილიც შევიტანო. ამჟამად ერთწლიანი კონტრაქტი მაკავშირებს „დიჟონთან“, თუმცა, მისი გასვლის შემდეგ, უკვე ჩემზეა დამოკიდებული, დავრჩები კიდევ ერთი წელი თუ შევწყვეტ კონტრაქტს.

 

 

– შენ რომელი გირჩევნია?

 

 

– დასაწყისი და დასასრული ყველაფერს აქვს. უკვე 36 წლის ვარ, დროა კარიერის დასრულებაზეც ვიფიქრო. ჩემს თავს კი სამომავლოდ მწვრთნელის ამპლუაში ვხედავ.

 

 

– გაქვს სამწვრთნელო გამოცდილება?

 

 

– აქ, საფრანგეთში, თითოეული მორაგბე ვალდებული ვართ, ბავშვები ვავარჯიშოთ, ასე რომ, ბავშვთა რაგბიში მწვრთნელობის გამოცდილება მაქვს. ჩემი სურვილი და მიზანია, რომ აჭარაში ბავშვთა რაგბის განვითარებას შევუწყოთ ხელი, რათა ადგილობრივი კადრები გავზარდოთ. კარგი იქნება, თუ ამას აჭარის რაგბის მესვეურები გაითვალისწინებენ და ჩემს სამსახურზე უარს არ იტყვიან.

 

 

P.S. ამჟამად ირაკლი ნინიძე საფრანგეთში მეუღლესთან და ორ შვილთან, 10 წლის ნინისთან და 5 წლის ანდრიასთან ერთად ცხოვრობს და როგორც აღნიშნა, მალე ოჯახში მესამე შვილს ელოდებიან.

პირამიდა „პირამიდაში“

ტურნირის ძირითადი ბადის დაწყებამდე ორი შესარჩევი ეტაპი ჩატარდა, რომელმაც უძლიერესები გამოავლინა და პირველობისთვის ბრძოლის შანსიც მოუტანა. აღსანიშნავია, რომ ტურნირში მონაწილეობდა საქართველოს მრავალგზის ჩემპიონი, თბილისელი პაატა ხმალაძე, რომელმაც ამჯერადაც პირველი ადგილი დაიკავა. მეორე ადგილზე დავით ჯორბენაძე გავიდა, მესამე ადგილი კი გიორგი ნინოშვილმა დაიკავა. რაც შეეხება ბათუმელ დავით ფიფიას, ის ნახევარფინალში 2:0 უგებდა ხმალაძეს, თუმცა საბოლოოდ 2:3 დამარცხდა და მეოთხე ადგილს დასჯერდა.

 

დავით ფიფია
დავით ფიფია

შეჯიბრი აჭარის ბილიარდის ფედერაციისა და ქალაქ ბათუმის მერიის ერთობლივი ორგანიზებით მოეწყო და როგორც ორგანიზატორებმა განაცხადეს, მას ტრადიციული ხასიათი მიეცემა. ტურნირი საბილიარდო კლუბ „პირამიდა“-ში ჩატარდა, ორგანიზატორები მადლობას უხდიან კლუბის მესაკუთრეს თემურ დიმიტრაძეს.

ფიფა თანახმაა მსოფლიო ჩემპიონატი ბათუმში ჩატარდეს, მაგრამ…

ჯაბა ჭანტურია: პირველ რიგში მინდა გითხრათ, რომ რამდენიმე დღის წინა ჩავატარეთ ბათუმის პირველობა საპლაჟო ფეხბურთში, რვა გუნდი მონაწილეობდა. საუკეთესოები შევარჩიეთ და ნაკრები ჩამოვაყალიბეთ, რომელიც იტალიაში გაემგზავრება საერთაშორისო, თან ერთ-ერთ პრესტიჟულ ტურნირზე მონაწილეობის მისაღებად.

 

 

–  რაც შეეხება ბათუმის ტურნირს, მის შესახებ რას გვეტყვით?

 

 

– როგორც უკვე აღვნიშნე, რვა გუნდმა მიიღო მონაწილეობა. ბათუმის უნივერსიტეტის გუნდი, „მაჭახელა1“, „მაჭახელა 2“, „ოლდ ბოისი“, „ტერმინალი“, „საჰარა“, „ძველი ბათუმი“ და ბათუმის „დინამოს“ ფანკლუბის გუნდი „შავი ზღვის მეკობრეები~. სწორედ „მეკობრეებმა“ გაიმარჯვეს ფინალში, რომლებმაც „ტერმინალს“ პენალტების სერიაში მოუგეს. კარგი ტურნირი იყო.

 

 

– ბათუმში საერთაშორისო ტურნირის მასპინძლობას აპირებთ…

 

 

– კი, ეს ტურნირი ივლისში გაიმართება. მონაწილეობის მისაღებად ჩამოდიან რუსეთის, უკრაინის, ყაზახეთის, ბელორუსიის, თურქეთისა და ირანის გუნდები. თუმცა შესაძლოა ირანის ნაცვლად მაროკოს გუნდი ჩამოვიდეს, და რაც ყველაზე საინტერესოა, ამ თამაშების პირდაპირ ეთერში ტრანსლირება მოხდება. ვნახოთ.

 

 

– ვინ აფინანსებს ამ ტურნირს?

 

 

– მეოთხე წელია ბათუმის მერია მხარში გვიდგას და იმედია, წელსაც ასე იქნება. ყველაფერი ეს საშუალებას გვაძლევს, პრაქტიკა მივიღოთ იმისთვის, რომ სამომავლოდ გაცილებით დიდი მასშტაბის ტურნირებს ვუმასპინძლოთ. ბიჭებიც მონდომებულები არიან. მათ ნიკოლოზ თოდაძე ავარჯიშებს. ბევრი ფეხბურთელი ჩვენთან რომ თამაშობდა, ბათუმის „დინამოში“, ქედის „ბეთლემსა“ და „მაჭახელაში“ თამაშობენ. ახლა კი იტალიურ ტურნირზეც გეტყვით. ჩვენ პირველად გვიწევს ისეთი რანგის ტურნირზე მონაწილეობა, სადაც საპლაჟო ფეხბურთის გრანდები ასპარეზობენ. სიმართლე გითხრათ, თავიდან გაგვიკვირდა, რომ მოწვევა ჩვენ მივიღეთ. თავის ქებაში ნუ ჩამომართმევთ და, ალბათ, დაინახეს და დააფასეს ჩვენი გარჯა სპორტის ამ სახეობის განვითარებისთვის რომ ვეწევით.

 

 

– ვინ მონაწილეობს ამ ტურნირში?

 

 

– რომის „ლაციო“, „ინტერი“, „რომა“, მოსკოვის „სპარტაკი“, „მონრეალი“ (კანადა), პორტუგალიის „ბრაგა“ და ბრაზილიის „რეციფა“. თავადაც ხედავთ, თუ ვისთან მოგვიწევს თამაში. ყველაფერს გავაკეთებთ იმისათვის, რომ ტურნირზე ღირსეულად წარვსდგეთ, თუმცა, აქვე იმასაც გეტყვით, რომ საპლაჟო ფეხბურთი არაპროგნოზირებადი სპორტია, თან ბურთიც მრგვალია და რა იცი, რა მოხდება…

 

 

– დაფინანსება?

 

 

– სპორტის დეპარტამენტი გვაფინანსებს ამ ტურნირზე, მაგრამ 3500 ლარი გვაკლდება, იმედია ვიშოვით. მხოლოდ მგზავრობის თანხა გვჭირდება, დანარჩენს ანუ სასტუმროს, კვებას, გადაადგილებას, ექსკურსიებსაც კი, ყველაფერს იტალიელები, ტურნირის ორგანიზატორები იღებენ საკუთარ თავზე. აქვე იმასაც გეტყვით, რომ ტურნირი რომში უნდა ჩატარებულიყო, თუმცა, გადაწყვეტილება შეცვალეს და თამაში სიცილიაში მოგვიწევს.

 

 

– ფიფასა და მსოფლიო ჩემპიონატს რაც შეეხება, რამდენად რეალურია, რომ ბათუმმა შესაძლოა საპლაჟო ფეხბურთის მსოფლიო ჩემპიონატს უმასპინძლოს?

 

 

– ფიფასგან მივიღეთ ოფიციალური წერილი, რომელშიც წერია, რომ ჩვენ გვაქვს უფლება, შევიტანოთ განაცხადი 2017 წლის მსოფლიო ჩემპიონატის მასპინძლობაზე და ასევე წერია, რომ ფიფა თანახმაა მუნდიალს ბათუმმა უმასპინძლოს. ანუ რა ხდება?! ყველაფრის გათვალისწინებით, ფიფამ საპლაჟო ფეხბურთში მსოფლიო ჩემპიონატის ერთ-ერთ სავარაუდო მასპინძლად დაგვასახელა.  ოთხი წელია მანამდე. ამ ეტაპზე მართლა არ ვართ მზად. თუ სახელმწიფოს მხრიდან იქნება სათანადო მხარდაჭერა, მაშინ რატომაც არა?!

 

 

– ერთ მოედანზე?

 

 

– მინიმუმ ორი მოედანი უნდა იყოს. თუ ჩვენმა ხელისუფლებამ კეთილი ნება გამოხატა და გაითვალისწინა ფიფას ელემენტარული მოთხოვნები, რაც მუნდიალის მასპინძლობისთვის არის აუცილებელი, არა მგონია, მსოფლიო ჩემპიონატის მასპინძლობა გაგვიჭირდეს. გეტყვით იმასაც, რომ მსოფლიო ჩემპიონატამდე სურვილი გვაქვს ვუმასპინძლოთ ევროპის სანაკრებო „ჩელენჯ კაპს“, ამის შესახებ უკვე მოლაპარაკებული ვართ ფეხბურთის საერთაშორისო ორგანიზაციასთან და თანახმა არიან, თუმცა, ჯერჯერობით, ამის ფინანსური მხარდაჭერა არ გვაქვს. იმედია, უკეთესობისკენ შეიცვლება ვითარება.

169 განაცხადი – კონკურსი აჭარის ტელევიზიაში

აჭარის ტელევიზიის იურისტის, მალხაზ ბოლქვაძის ინფორმაციით, 1 ივლისის სამუშაო დღის ბოლოს, „წამყვანი-რეპორტიორის პოზიციაზე 54 განცხადებაა შესული; რეპორტიორის პოზიციაზე – 52; თოქ-შოუს წამყვანობა 32 კონკურსანტს სურს; პროდიუსერობა – 31-ს. მინიმუმ 120 განცხადება თბილისიდან არის შემოსული“.

 

აჭარის ტელევიზიის ხელმძღვანელის, სოსო სტურუას თქმით, არც ერთი განცხადება არ ეკუთვნის აჭარის ტელევიზიის საინფორმაციო სამსახურის თანამშრომლებს. ისინი კონკურსში მონაწილეობას არ აპირებენ. თუმცა კონკურსში მონაწილეობისათვის განცხადება შეიტანეს რადიოს საინფორმაციო სამსახურის თანამშრომლებმა.

 

საზოგადოებრივ-პოლიტიკური თოქ-შოუს „მთავარი დღეს“ წამყვანი ნათია კირცხალია ამბობს, რომ კოლეგების მსგავსად, არ აპირებს განაცხადის შეტანას.

 

„მე მიმაჩნია, რომ ეს არის კონკურსი კონკურსისთვის.  ამ კონკურსის მიზანშეწონილობას ვერ ვხედავ, გარდა ერთი მოტივაციისა, თუ ვთქვათ, ვიღაც უნდა გაუშვან სამსახურიდან.  შეიძლება არ არის კონკრეტულად ჩემზე საუბარი მაგრამ ეს არაფერს არ ცვლის ამ შემთხვევაში. ჩემი  საზოგადოებრივ-პოლიტიკურ გადაცემა გაიტანეს ვაკანსიაზე, როცა მე პარალელურ რეჟიმში ვმუშაობ ამ გადაცემაზე, ვაკეთებ ჩვეულებრივ.  რომელსაც არ დაუმსახურებია არც შენიშვნა, არც პრეტენზია, არც მაყურებლისგან არც ხელმძღვანელობისგან. საყვედურის მსგავსი არაფერი ყოფილა რომ რაღაც ეჭვქვეშ დამდგარიყო, არც დოკუმენტი არსებობს, რომ საყვედური გამოეცხადებინათ, რის საფუძველზეც შეიძლებოდა რომ გატანილიყო?!“ – ამბობს ნათია კირცხალია.

 

აჭარის ტელე-რადიო დეპარტამენტში შესარჩევი კონკურსი 17 ივნისს გამოცხადდა. ტელევიზიის ხელმძღვანელის სოსო სტურუას განცხადებით, უკვე ცნობილია ვინ უხელმძღვანელებს საკონკურსო კომისიას. 

 

„კომისიის თავმჯდომარე დანიშნულია და სწორედ ის შეარჩევს საკონკურსო კომისიის წევრებს.  კავკასიის ჟურნალისტთა საერთაშორისო ცენტრის წარმომადგენელია კომისიის თავმჯდომარე, თუმცა მაქვს უფლება, რომ არ განვაცხადო ზუსტი ვინაობა,“ – უთხრა სოსო სტურუამ „ბათუმელებს“.

 

„ბათუმელების“ ინფორმაციით კი, საკონკურსო კომისიას თინათინ დვალიშვილი ხელმძღვანელობს.

 

აჭარის ტელევიზიის ხელმძღვანელის თქმით, მან საკონკურსო კომისიაში ჩართვა საქართველოს ჟურნალისტური ეთიკის ქარტიის აღმასრულებელ დირექტორს, თამარ რუხაძესაც სთხოვა, თუმცა ქარტიამ გასულ კვირას უარი განაცხადა კონკურსში ჩართვაზე იმ მოტივით, რომ  ქარტია თავად აკვირდება მედიასაშუალებებს, პერიოდულად კი ატარებს მედიის, მათ შორის ტელეარხების მონიტორინგს.

 

„ამასთან, იმის გამო, რომ ქარტია იღებს მოქალაქეთა განცხადებებს სხვადასხვა მედიასაშუალების პროდუქტთან დაკავშირებით, ორგანიზაციის მიერ ტელემედიაში ჟურნალისტების შერჩევა შესაძლოა იქცეს მათ მიმართ განცხადების მიღების შემაფერხებელ გარემოებად და ქმნიდეს ინტერესთა კონფლიქტის არსებობის ალბათობას,“ – ნათქვამია ქარტიის განცხადებაში.

 

კითხვაზე, რა აუცილებლობით იყო განპირობებული კონკურსის გამოცხადება, სოსოს სტურუა პასუხობს:  „სანამ დავინიშნებოდი დირექტორად, დანიშვნამდეც ღიად ვაცხადებდი ინტერვიუებში, რომ კონკურსები იყო მიზანშეწონილი. ამის განხორცილება დანიშვნის დღიდან დავიწყე. რაც შეეხება სტატუსის შეცვლას, სტატუსის შეცვლა კონკურსის ჩატარებას არ ითვალისწინებს. კონკურსის ჩატარება დამოკიდებულია მხოლოდ ტელევიზიის ხელმძღვანელზე“.

 

რა ელის იმ თანამშრომლებს, ვინც არ აპირებს კონკურსში მონაწილეობას? სოსო სტურუას თქმით, ის ჯერ კომისიის გადაწყვეტილებას ელის.

 

„ვინც არ მიიღებს კონკურსში მონაწილეობას, ბუნებრივია, კომისია ვერ გააკეთებს დასკვნას, რომ ისეთ პიროვნებებს გაუფორმდეს კონტრაქტი. მე ვალდებული ვარ კომისიის გადაწყვეტილებას დავემორჩილო, ანუ  როგორც კი გამოცხადდება კონკურსის შედეგები, იმ კონტრაქტების ვადა, რომელიც ახლა მოქმედებს, ამოიწურება. ამის შემდეგ კომისია გადმომცემს მე იმ პერსონების სიას, რომელსაც უნდა გავუფორმო კონტრაქტი. მე უნდა დავემორჩილო კომისიის გადაწყვეტილებას, მაგრამ შემიძლია, იმათ გარდა  ვისაც კომისია წარმომიდგენს დამატებით, თუ მექნა თანხა და საშუალება, სხვადასხვა  პოზიციაზე  გავუფორმო სხვასაც კონტრაქტი,“ – აცხადებს სოსო სტურუა.

 

P.S. „ბათუმელების“ ინფორმაციით, 1 ივლისის სამუშაო დღის ბოლოს კონკურსში მონაწილეობისთვის განცხადებები შეტანილი აქვთ ტარიელ ცეცხლაძეს, ნინო ცხვარაძეს, ნონა დიასამიძეს, ზურაბ ბაუჟაძეს, ცოტნე ანანიძეს, ნინო ჩიტაიშვილს, გიორგი წულაიას, ფირუზ ბოლქვაძეს, გიორგი სურმანიძეს, ნინო კვირიკაძეს, თენგიზ აფხაზავას, დიანა სალაყაიას.

 

„ბათუმელების“ ინფორმაციით, 1 ივლისს, დღის ბოლოს  კონკურსში მონაწილეობაზე განცხადებების შეტანა დაიწყეს აჭარის ტელევიზიის თანამშრომლებმაც.

მირზა ცეცხლაძის მდგომარეობა მძიმეა

 

 

12 წლის მირზა ცეცხლაძის ჯანმრთელობის მდგომარეობა დამძიმდა.

 

„მირზა უმძიმეს მდგომარეობაშია. აპარატზეა შეერთებული, პრაქტიკულად სასიცოცხლო მაჩვენებლები არ არის და   სპეციფიური მედიკამენტებით გვჭირავს მისი სიცოცხლე. ამ მდგომარეობაში შეიძლება რამდენიმე დღეს გაძლოს. გამორიცხულია საზღვარგარეთ გადაყვანა.  თავის ტვინი სისხლით არის სავსე, გაჟონვა მოხდა და ჩაექცა, საერთოდ სასიცოცხლო მაჩვენებლები არ არის,“ – განაცხადა  იაშვილის კლინიკის ონკოჰემატოლოგიის კოორდინატორმა თამთა დემურიშვილმა.

 

მირზა ცეცხლაძე ლეიკემიით არის დაავადებული. მას ძვლის ტვინის გადანერგვისათვის ძვირადღირებული ოპერაცია ესაჭიროება.  გასულ კვირას მირზას დასახმარებლად ჟურნალისტები გაერთიანდნენ და მკურნალობისთვის საჭირო ფულის შესაგროვებლად კამპანია წამოიწყეს. მოგვიანებით საქართველოს ჯანდაცვის სამინისტრომ მირზას დასახმარებლად საჭირო თანხა გამოჰყო, თუმცა ამ დრომდე ვერ მოხერხდა მირზას სამკურნალოდ წაყვანა საზღვაგარეთ.

 

მოსახლეობის საყოველთაო აღწერა იწყება

 
პირველი ივლისიდან აღწერა იწყება აჭარასა და გურიაში, 15 ივლისიდან იქნება კახეთში, ნოემბერ-დეკემბერი იქნება თბილისი და სამეგრელო და შემდეგი წლის თებერვალში ჩაერთვება ქართლი და იმერეთი. ამით დასრულდება პირველი ეტაპი.

 

როგორც სტატისტიკის ეროვნული სააგენტოს წარმომადგენლები აცხადებენ, აღმწერები მივლენ თითოეულ ოჯახში სპეციალური რუკებით რომელიც თანამგზავრიდანაა გადაღებული. „ეს იქნება  A სამი ფორმატის ფურცელი, რომელზეც გამოსახული იქნება რუკა. ამ რუკების შესაბამისად, პირველი ეტაპისთვის გაკეთდება 3 500 სააღწერო უბანი, რაც იმას ნიშნავს რომ პირველ ეპატზე ჩვენ ამდენივე აღმწერს გამოვიყენებთ“-ამბობს საქსტატის აღმასრულებელი დირექტორი ზაზა ჭელიძე 

 

ინტერვიუერის მთავარი ამოცანაა, როგორ ზაზა ჭელიძე ამბობს, არის რომ რუკაზე დატანებულ ყველა შენობაში მივიდეს და მისცეს ოჯახებს სპეციალური კოდი და მოხდეს ამ ოჯახში მცხოვრები პირების შესახებ ინფორმაციის შეგროვება. შეიძლება რუკაზე არ იყოს დატანებული რომელიმე ახლად აშენებული საცხოვრებელი კორპუსი, ამიტომ, აღმწერი პირები ვალდებულნი არიან, ასეთი შენობა რუკაზე დაიტანონ“.

 

განახლებული რუკები შევა მონაცემთა ბაზაში და ითვლება მოსახლეობის სავარაუდო რაოდენობა. „ამის შემდეგ ქვეყანა დაიყოფა 11 ათას სააღწერო უბნად, რის შემდეგაც 16 გვერდიანი სააღწერო კითხვარით მოხდება მაცხოვრებლების გამოკითხვა თითოეულ ოჯახში. არის კითხვარი ოჯახზეც და ინდივიდზეც“.

 

აქცენტი გაკეთდება არა პიროვნების რეგისტრაციის მიხედვით, არამედ მისი ფაქტობრივი საცხოვრებლის მიხედვით.

აღწერის ათვლის მომენტი, როგორც საქსტატის დირექტორი ამბობს, იქნება 2014 წლის 5 ნოემბრის ღამის 12 საათი. საველე სამუშაოები დაიწყება ხუთ ნოემბერს და დასრულდება 19 ნოემბერს. „თუ თქვენს ოჯახში არის მატება და ბავშვი დაიბადა ხუთი ნოემბრის შემდეგ, ის არ ჩაითვლება მოსახლეობის აღწერის ახალ მონაცემებში“.

 

სტატისტიკის ეროვნული სააგენტოს წარმომადგენლების განცხადებით, ამ ტიპის აღწერაში ცდომილება არის მინიმუმი და რეალობასთან უფრო ახლოს დგას. „ჩვენ ფაქტობრივად ზევიდან ვითვლით ქვეყანას და ვარკვევთ ვინ სად არის, სხვანაირად, ფაქტობრივად შეუძლებელია. გარდა ამისა, უცხოელები, რომლებიც მუდმივად ცხოვრობენ საქართველოში შედიან ამ მონაცემებში და არ არის აუცილებელი რომ ისინი იყვნენ ქვეყნის მოქალაქე. ჩვენთვის მნიშვნელოვანია სახეზე მყოფი მოსახლეობა დავითვალოთ“.

 

აღწერის შემდეგ მოხდება ახალი მონაცემების შედარება 2002 წლის მონაცემებთან თითოეული სოფლისა და ქალაქის მონაცემების მიხედვით.
მოსახლეობის საყოველთა აღწერის დროს, ყურადღება გამახვილდება მოსახლეობის იმ კატეგორიაზე, რომელიც მიიჩნევა ეკომიგრანტებად ან უსახლკაროებად.

 

„თუ პიროვნება ერთ წელზე მეტხანს ცხოვრობს ქვეყნის ფარგლებს გარეთ, ასეთი პირი არ ვერ მოხვდება აღწერაში. ამ მონაცემერბით ფაქტობრივად ჩვენ გვეცოდინება რამდენი ადამიანი ცხოვრობს ქვეყანაში ასაკობრივი ჯგუფის მიხედვით და განვაახლებთ ამომრჩეველთა სიასაც, კვლევის დროს ინფორმაციას ვიღებთ ყველა ტიპის დაწესებულებებიდან, მათ შორის მონასტრებიდანაც“.

 

საყოველთა აღწერის პირველადი შედეგები ცნობილი იქნება 2015 წლის გაზაფხულზე.

რამდენი მოსწავლე მიიღებს ატესტატს

 

ბათუმის იუსტიციის სახლში 20 ივნისიდან დღემდე 1400-მდე განაცხადიი შევიდა,  განათლების დამადასტურებელი ატესტატის მიღების თხოვნით.

 

 

ბათუმის იუსტიციის სახლის მენეჯერის თამარ სამსონიას თქმით, ეს საკმაოდ მაღალი აქტივობაა: „მიმდინარე წელს მთელს საქართველოში ატესტატების რაოდენობა 52 400-ია. გასულ 2012 წელს კი პირველადი ატესტატი 39 600 სკოლადამთავრებულზე გაიცა.

 

აბიტურიენტების იმ ნაწილის, რომლებმაც სკოლა მიმდინარე წლის 31 დეკემბერს დაასრულეს, ატესტატი გადაეცემათ სრულიად უფასოდ, 10 დღის ვადაში.” – ამბობს ბათუმის იუსტიციის სახლის მენეჯერი თამარ სამსონია.

 

 

 რიგების თავიდან აცილების მიზნით იუსტიცის სახლში მომზადდა რეკომენდაციების პაკეტი აბიტურიენტებისათვის. თამარ სამსაონიას თქმით რეკომენდაციები გათვალისწინებულია ატესტატების მიღების მსურველთათვის და მოიცავს იუსტიციის სახლში დაბალი ნაკადების პერიოდებს, რათა მოხერხდეს გაზრდილი ნაკადების გამო წარმოქმნილი რიგების თავიდან აცილება.

 

 

„დისკომფორტისა და რიგების თავიდან აცილების მიზნით, გადავწყვიტეთ ატესტატების აღების მსურველებს რეკომენდაცია მივცეთ, რომ ამ დოკუმენტის მისაღებად იუსტიციის სახლს მიმართონ ყოველ სამუშაო დღეს, 09:00-დან 12:00 საათამდე და 16:00-დან 18:00 საათამდე.” – ამბობს თამარ სამსონია. მისივე თქმით მომხმარებელთათვის მაღალი ხარისხის სერვისის მიწოდების მიზნით, იუსტიციის სახლი ატესტატების გაცემის პერიოდში ადამიანური რესურსების გაზრდილი შემადგენლობით მუშაობს.

ხელვაჩაურის ყოფილი გამგებელი დააკავეს

ხელვაჩაურის ყოფილ გამგებელს სავარაუდოდ  ხელვაჩაურის კულტურის ცენტრის რემონტთან დაკავშირებით გამცხადებულ ტენდერებთან დაკავშირებულ ფინანსურ გარიგებაში ედება ბრალი. თუმცა ამის შესახებ ინფორმაციას ფინანსური პოლიციის პრესსამსახურის ხელმძღვანელი არ ადასტურებს:

„დღეს იყო სასამართლო, თუმცა არ ვიცი ზუსტად რას ედავებიან, ხვალისთვის დაგიდგენთ ან პროკურატურას მიმართეთ“- განაცხადა მან „ბათუმელებთან“ სატელეფონო საუბარში.

გურამ საფარიძე ხელვაჩაურის გამგებლის მოვალეობის შემსრულებლად 2012 წლის საპარლამენტო არჩევნებამდე ცოტა ხნით ადრე, ყოფილი გამგებლის თემურ დუმბაძის „ნაციონალური მოძრაობის“ მაჟორიტარობის კანდიდატად დასახელების შემდეგ დაინიშნა. ხელვაჩაურის გამგებლის მოადგილედ კი ის 2010 წლიდან მუშაობდა.  

2004-2010 წლებში კი ის აჭარის ფინანსთა და ეკონომიკის სამინისტროში ეკონომიკური პოლიტიკის დეპარტამენტის რეგიონალური ეკონომიკის განყოფილების უფროსი იყო. ხელვაჩაურის გამგებლის თანამდებობიდან წასვლის შემდეგ კი ის მცირე დროში აჭარის საგზაო დეპარტამენტის უფროსის მოადგილედ დანიშნეს.    

ბათუმის დრამატული თეატრი წელიწადნახევრით დაიხურება

 

ბათუმის დრამატულ თეატრში მიმდინარე წლის ივლისის ბოლოდან სარემონტო სამუშაოები იწყება. დასი დროებით საზაფხულო  თეატრში გადავა და სპექტაკლებს იქ გამართავს.

 

„სახურავიდან დაწყებული   სავენტილაციო, გათბობის სისტემებით დამთავრებული აბსოლიტურად ყველაფერი შეიცვლება.  კაპიტალური რემონტი ტარდება. დაახლოებით წელიწადნახევარს გაგრძელდება სარემონტო სამუშაოები,“ – განუცხადა „ბათუმელებს“ ბათუმის დრამატული თეატრის მმართველმა თეიმურაზ კეჟერაძემ.

 

მისივე თქმით შეიცვლება თეატრის რამდენიმე  წლის წინ გარემონტებული ფასადიც.

 

„ორი წლის წინ ბათუმის თეატრის ფასადი გადაიღება და კაპიტელები მოაოქროვეს. ამავე დროს წინა ფასადზე ძალიან უსახური ბარელიეფი დაამონტაჟეს. ეს ყველაფერი უნდა მოცილდეს თეატრს. თეატრმა უნდა მიიღოს პირვანდელი სახე.  ახლა თეატრის  შენობა ჰგავს კულტურის სახლს. მე მახსოვს ჩემს ახალგაზრდობაში რაიონებში მეჩაიეების სახლი იყო, ასეთ სახლებს ჰგავს კლასიკური სტილის ძალიან კარგი შენობა ახლა,“- აცხადებს თეიმურაზ კეჟერაძე.  

 

ბათუმის დრამატული თეატრის რემონტისთვის 6 მილიონ ლარამდე დაიხარჯება, რომელსაც ფონდი „ქართუ“ გაიღებს.

 

 

იყიდება

აუქციონის პირობებით  მყიდველმა ქობულეთის პირსის შენობის რეაბილიტაცია მუნიციპალიტეტის შესაბამის სამსახუთან შეთანხმებული პროექტის შესაბამისად, ობიექტის შესყიდვიდან 2 წლის განმავლობაში უნდა შეძლოს. პირობებში ისიც არის ჩადებული, რომ სარგებლობაში არსებულ ვადაში, რაც 20 წლითაა განსაზღვრული, ახალმა მფლობელმა მას საზოგადოებრივი ობიექტის დანიშნულება უნდა შეუნარჩუნოს. პირსის შენობასთან ერთად იყიდება ობიექტის მიმდებარე ტერიტორიაც, 1064 კვ/მ არასასოფლო სამეურნეო მიწის ნაკვეთი.  ამ ყველაფრის საწყის ფასად კი ეკონომიკის სამინისტრომ ელეტქრონული აუქციონის ვებგვერდზე 15 000 ლარი მიუთითა.

კაფე „რვაფეხას“, სადაც სტუდენტური კაფე უნდა გაკეთებულიყო სამინისტრო საიჯარო წესით გაასხვისებს, ყოველწლიურ საიჯარო ქირად კი 65 000 ლარია განსაზღვრული. შენობასთან ერთად მყიდველს „რვაფეხას“ მიმდებარედ არსებული 2053 კვ/მ არასასოფლო-სამეურნეო დანიშნულების ნაკვეთის განკარგვის შესაძლებლობაც ექნება.

საიჯარო წესით იყიდება ჯავახიშვილის ქუჩაზე არსებული არასაცხოვრებელი 68, 5 ფართობიც,  ამ შემთხვევაში სარგებლობის ვადად მხოლოდ ორი წელია მითითებული. წლის განმავლობაში კი  სარგებლობის საფასურის სახით შემძენს 4 110 ლარის გადახდა მოუწევს.

ეკონომიკის სამინისტრომ აუქციონი მტკნარ წყალზეც გამოაცხადა, ვებგვერდზე გამოქვეყნებული ინფორმაციით მოსაპოვებელი წიაღისეულის გამოყენება სამეწარმეო დანიშნულებითაა შესაძლებელი, განსაზღვრულია მოპოვების მოცულობაც რაც დღეშო 50 მ3 –ია.  მოპოვების მოცულობის კონტროლს სამინისტრო ელექტრონული მრიცხველის გამოყენებით გეგმავს.

აჭარის ფინასთა და ეკონომიკის სამინისტროს სერთიფიცირებისა და ლიცენზირების დეპარტამენტმა კი დამატებით აუქციონი მდინარე აჭარისწყლიდან ქვიშა- ხრეშის ამოღებაზე გამოაცხადა.

აჭარის ეკონომიკის სამინისტროს აუქციონი აქვს გამოცხადებული ფიჭვნარის ტურისტული ზონის გასხვისებაზეც, სამინისტროს ვებგვერდზე გამოქვეყნებული ინფორმაციით ქობულეთის ფიჭვნარის თავისუფალ ტურისტულ ზონაში სახელმწოფო ინვესტორებს მიწის ნაკვეთებს უფასოდ სთავაზობს, ინვესტორის მიერ დაგეგმილი სამუშაოს დროულად შესრულებისა და ობიექტის ექსპლუატაციის შესვლის შემდეგ კი მფლობელი 15 წლით თავისუფლდება მოგებისა და ქონების გადასახადისგან.

ამ დროისათვის ელექტრონულ აუციონზე ქონება გატანილი არ აქვს ბათუმის მერიას.

ელეტრონული აუქციონის წესით ქონების შეძენის შესაძლებლობა ინვესტორებსა და დაინტერესულ მოქალაქეებს 2010 წლიდან აქვთ.

ელექტრონული აუქციონის სისტემა და ვებგვერდი www.auction.ge  საქართველოს ფინანსთა სამინისტროს მომსახურების სააგენტოს ინიციატივით, საფინანსო ანალიტიკურ სამსახურთან ერთად შეიქმნა.

სწავლის შემდეგ ბანაკში

 

ახალმა მთავრობამ გადაწყვიტა პატრიოტთა ბანაკს სახელი გადაარქვას და „მომავლის ბანაკი“ უწოდოს. ბანაკში სტუდენტების ნაცვლად მხოლოდ სკოლის მოსწავლეები დაისვენებენ.

 

საქართველოს სპორტისა და ახალგაზრდობის საქმეთა მინისტრის ლევან ყიფიანის თქმით ბანაკი ათდღიანი იქნება და მასში მონაწილეობა 14-15 წლის ასაკამდე წარჩინებულ მოსწავლეებს შეეძლებათ. მისივე თქმით განათლებისა და მეცნიერების სამინისტროს გაუგზავნიან მოთხოვნას, რათა სკოლებმა შეარჩიონ ის წარჩინებული მოსწავლეები  რომლებიც ბანაკებში დასვენებას შეძლებენ.  წელს ბანაკებში 2000-მდე ბავშვის დასვენებაა გათვალისწინებული. ასევე თუ წარჩინებულებს შორის   სოციალურად დაუცველი ან  დევნილი იქნება, პრიორიტეტი მათ მიენიჭებათ.

 

საზაფხულო ბანაკი „მხიარული მოგზაური“ სკოლის მოსწავლეებისათვის აქვს ბათუმის მოსწავლე ახალგაზრდობის სასახლეს.  სასწავლო, შემეცნებითი, გარემოსდაცვითი და გასართობი საველე ბანაკი 20 პერსონაზეა გათვლილი, აქედან 15 ბავშვი იქნება, ხოლო დანარჩენი პერსონალი.

 

„ბანაკი განხორციელდება საველე პირობებში. ერთი ნაკადის ბანაკში ყოფნის დრო არის 7 დღე. შერჩევას რაც შეეხება, ვარჩევთ წარჩინებულ მოსწავლეებს,   რომლებიც აქტიურად არიან ჩართულნი ქალაქის საზოგადოებრივ ცხოვრებაში.   რაც შეეხება ასაკს 12-დან 15 წლამდე ასაკის ბავშვებისთვისაა ჩვენიი ბანაკი,“ – ამბობს ბათუმის მოსწავლე ახალგაზრდობის სახლის დირექტორი თამარ მესხიძე.

 

მოსწავლე ახალგაზრდობის სასახლის კიდევ ერთი ბანაკი „ჩვენებურებია“.

 

„ეს არის სპეციალური პროგრამა იმიერ ტაოში მცხოვრები ქართველებისათვის და  ბათუმელი ახალგაზრდებისთვის. ჩვენი მიზანი არის ახალგაზრდების დაახლოება. ხუთი დღე დავრჩებით  ტაოში, შემდეგ ჩვენებურები ჩამოვლენ ბათუმში. გვინდა იქაური ბავშვები ვაცხოვროთ არა სასტუმროში, არამედ ოჯახებში.  ბანაკში დაახლოებით 15 მოსწავლე მიიღებს მონაწილეობას,“ – ამბობს მოსწავლე ახალგაზრდობის სასახლის ტურიზმისა და მხარეთმცოდნეობის კოორდინატორი გია ჭანკურიძე.

 

კიდევ ერთი ბანაკი სადაც მოსწავლეებს დასვენება შეუძლიათ საპატრიარქოსთან არსებული საზაფხულო ბანაკი „სამშობლოა“. თუმცა მასში რომ მოხვდე გარკვეულ კრიტერიუმებს უნდა აკმაყოფილებდე.

 

„ჩვენთან ვინც ისვეებს, ესენი ძირითადად არიან მრავალსულიანი სასულიერო პირების ბავშვები, საზღვარგარეთ მცხოვრები ქართველები. გამომდინარე იქიდან რომ საეკლესიო დაწესებულებაა, შეღავათს ვუწევთ იმ  სასულიერო პირებს,  ვინც მრავალშვილიანია და  არ აქვს საშუალება სადმე გაიყვანოს ბავშვი. რაც შეეხება საზღვარგარეთიდან დამსვენებლებს, უცხოეთის სამრევლოებიდან  გვიკავშირდებიან საზღვარგარეთ მცხოვრები ქართველები და უშვებენ ბავშვებს.  არის ასაკობრივი შეზღუდვა,  10 წლიდან 16 წლამდე ბავშვები დაისვენებენ,“ – ამბობს „ბათუმელებთან“ საუბარში საზაფხულო ბანაკ „სამშობლოს“ დირექტორის თანაშემწე გიორგი შაინიძე.

 

ბანაკი  ორ ნაკად არის  გათვალისწინებული. პირველი ნაკადი პირველი-14 ივლისის ჩათვლით  და მეორე ნაკადი 1-14 აგვისტოს ჩათვლით. თითოეულ ნაკადზე ჯამში 120 -130 ბავშვი დაისვენებს.

 

მიმდინარე წელს 35 ათას ლარს დახარჯავს ბათუმის მერია ახალგაზრდების სამთო ბანაკში დასასვენებლად. ბანაკი სამ ეტაპად ჩატარდება, პირველ ეტაპზე ახალგაზრდები 8 დღის განმავლობაში აჭარაში, ჩირუხში დაისვენებენ, მეორე ეტაპზე, რაჭაში, შოვში, ხოლო მესამე ეტაპი ყაზბეგში, გველეთშია დაგეგმილი.

 

„ჯამში 110 ადამიანი დაისვენებს წეს სამთო ბანაკში. მონაწილეთა ასაკი არის  17 დან 28 წლამდე. ამ ასაკის გოგო-ბიჭებს შეუძლიათ მიიღონ მონაწილეობა.  შერჩევის პრინციპებს რაც შეეხება, შერჩევა მოხდება პროფესიონალ მთამსვლელთა მიერ.  მონაწილეები  ჯანმრთელები და ფიზიკურად მომზადებულები უნდა იყვნენ რომ მთებზე გადასვლა შეძლონ,“ – ამბობს ბათუმის მერიის სპორტისა და ახალგაზრდულ საქმეთა განყოფილების სპეციალისტი ირაკლი გვარჯალაძე.

 

 რა სარგებლობა მოაქვს საზაფხულო ბანაკებს  ახალგაზრდებისთვის. სემინარ-ბანაკის კოორდინატორი საქართველოში სოფო ტალახაძე ამბობს რომ ბანაკი კარგი საშუალებაა არაფორმალური განათლების მისაღებად.

 

„ბანაკი, იქნება ეს ადგილობრივი თუ საერთაშორისო,  სასარგებლოა როგორც მონაწილეებისთვის, ისე ორგანიზატორებისთვის და ლიდერებისთვის. ბანაკში მიღებული განათლება,  მიეკუთვნება არაფორმალურ განათლებას და გარდა იმ ფორმალური გაბათლებისგან განსხვავებით, რომელსაც  ახალგაზრდები იღებენ უნივერსიტეტებში,. სკოლებში და  სხვა საგანმანათლებლო დაწესებულებაში, ეს გრძლედება ბანაკის ფარგლებს გარეთაც. ზოგადად 21-ე საუკუნის მიდგომა განათლებისადმი არის მიდგომა რომელიც გრძელდება მთელი ცხოვრეიბის მანძილზე.  ბანაკი  ხელს უწყობს  პიროვნების ჩამოყალიბებას. ამასთან  საერთაშორისო ბანაკის შემთხვევაში, თუკი ეს არის უცხოენოვანი, ხელს უწყობს ენის ცოდნის განმტკიცებას,“ – ამბობს სოფო ტალახაძე.

 

ნარკოტიკებთან ბრძოლის დღე ბათუმში

 

 

26 ივნისს მსოფლიო ნარკოტიკებთან ბრძოლის დღეს აღნიშნავს. ამ თარიღთან დაკავშირებით აჭარის მთავრობა და მის დაქვემდებარებაში მყოფი უწყებები მონაწილეობას მიიღებენ სხვადასხვა ღონისძიებებში, რომელიც მიზნად ისახავს ჯანსაღი ცოვრების წესის პოპულარიზაციას. 

 

მოხალისეები და სპორტსმენები 1500 მეტრიან დისტანციაზე მოწყობენ გარბენს  ბათუმის „არდაგანის“ ტბიდან აკვაპარკამდე, რის შემდეგაც მარათონის მონაწილეებს სამახსოვრო სიგელები გადაეცემათ.

 

მოკლე დისტანციაზე მართონული გარბენის შემდეგ ღონისძიებები გადაინაცვლებს  აკვაპარკში, აქ ბათუმის კარატეს ფედერაციის მოზარდები საჩვენებელ ვარჯიშს, ხოლო  პატარა მოცურავეები აუზში შეჯიბრს გამართავენ. ღონისძიებების ფარგლებში ბათუმის სპორტული ცეკვების ფედერაციის მოცეკვავეები აკვაპარკის ტერიტორიაზე საცეკვაო ნომრებს შეასრულებენ. მკლავჭიდელები კი მინი შეჯიბრს, ისინი მოხალისეებთან ერთად გამოცდიან ძალას.

 

ჯანსაღი ცხოვრების წესის პოპულარიზაციაში ჩართული არიან სოციალურ სახლებში დაბინავებული მოზარდები. აჭარის მთავრობის თავმჯდომარე არჩილ ხაბაძე კი მათ სიურპრიზის სახით უკრაინული ცირკის „კრაკატუკის“ შოუზე დასასწრებ ბილეთებს გადასცემს. ღონისძიებებში მონაწილე ბავშვებისთვის „აკვაპარკში“ უფასო იქნება გამაგრილებელი სასმელები, ბუტერბროდები და ნაყინი. ღონისძიების ბოლოს ყველა მონაწილე სამინისტროსა და დეპარტამენტს ანტინარკოტიკულ ღონისძიებებში მონაწილეობისათვის სამადლობელო სიგელები გადაეცემათ.

 

ღონისძიებებში მონაწილეობენ: აჭარის მთავრობა, აჭარის ჯანმრთელობისა და სოციალური დაცვის სამინისტრო, აჭარის განათლების კულტურისა და სპორტის სამინიტრო, აჭარის ფინანსთა და ეკონომიკის სამინიტრო, აჭარის სოფლის მეურნეობის სამინისტრო, სპორტისა და ახალგაზრდობის საქმეთა დეპარტმენტი, საზოგადოებრივი ჯანდაცვის ცენტრი, ტურიზმის დეპარტამენტი, დასქმების სააგენტო, გარემოსა და ბუნებრივი რესურსების სამმართველო, შინაგან საქმეთა სამინისტროს აჭარის მთავარი სამმართველო.

 

მომზადებულია პრესრელიზის მიხედვით

Exit mobile version