Batumelebi

„ამწუთას ტექნიკა გაგვყავს. სამწუხაროდ ერთი ამწის გამოყვანა ვერ მოვახერხეთ. მიმდინარეობს სამუშაოები, სატუმბი საშუალებებით ვტუმბავთ წყალს,“- განუცხადეს „ბათუმელებს“ „აჭარ ენერჯი 2007“- ის პრესსამსახურში.

ასევე, მდინარე ჭოროხზე მშენებარე „ხელვაჩაური I“ -თან  მისასვლელი შიდა გზა ჩამოინგრა და მდინარემ წაიღო. „აჭარ ენერჯი 2007“ აცხადებენ, რომ ზარალი მხოლოდ კომპანიას მიადგა და მოსახლეობას საფრთხე არ ემუქრება.

ბენზეში ადიდებულმა მდინარემ სახლს საძირკველი გამოაცალა. ფოტო “ბათუმელებს” მოქალაქე როინ გორგაძემ მოაწოდა.

 „იქნებ ვინმე დაგვეხმაროს, სახლში მუხლამდე წყალია. ახლა წითელი ჯვირიდან იყვნენ ბიჭები და ნივთების გამოტანაში დამეხმარნენ, მაგრამ გარეთაც წყალია და სად უნდა შევინახოთ ეს ნივთები, ვეღარ მოვიფიქრე, დივანი დასველდა, მაცივარი დასველდა, იქნებ ვინმე მოვიდეს“, –  უთხრა „ბათუმელებს“ აკაკი არძენაძემ.

„ეს არის სამხედრო ბინები, ყველა ოთახში წყალია. წყალში ვდგავარ ახლა, ვედროთი ვერ გამოვიტანთ ამ წყალს, იქნებ დაგვეხმარონ.  აღარც ლები და აღარც დივანი მაქვს მშრალი“, –  უთხრა ლეილა ფასანიძემ „ ბათუმელებს.“ 

“ორივე ოჯახი უკვე უსაფრთხო ადგილას არის გადაყვანილი, გამგეობამ ბინა ვუქირავეთ, თითქმის იდენტური მდგომარეობა გვაქვს ჩაქვშიც, იქედანაც მოვახდინეთ მოქალაქეების ევაკუაცია. პრობლემა ეხება ისეთ ოჯახებს, რომლებიც თვითნებურად არიან ჩასახლებულები მდინარის პირას, მათ უკვე საშიშროება წლებია ემუქრებათ”, – აცხადებს გოგიტა დარჩია, მწვანე კონცხის ტერიტორიულ-ადმინისტრაციული ერთეულის წარმომადგენელი. 

კითხვაზე, ემუქრება თუ არა საფრთხე სხვა ოჯახებს, იგი ამბობს, რომ  წინა  წვიმის დროს ის ოჯახები, რომელთა საცხოვრებელი სახლის მდებარეობა საფრთხის შემცველად მიიჩნიეს, გეოლოგებმა შეისწავლეს და დასკვნის საფუძველზე მათ საფრთხე არ ემუქრება.

მდნარის ადიდება ძლიერმა წვიმამ გამოიწვია. 

შეგახსენებთ, რომ აჭარაში ამინდის გაუარესებასთან დაკავშირებით საქართველოს პრემიერ-მინისტრის დავალებით შეიქმნა საგანგებო შტაბი, რომელსაც ხელმძღვანელობს სახელმწიფო უსაფრთხოებისა და კრიზისების მართვის საბჭოს მდივანი მინდია ჯანელიძე. შტაბი იმუშავებს 24-საათიან რეჟიმში. საჭიროების შემთხვევაში დროული რეაგირებისათვის მობილიზებულია, როგორც ადგილობრივი, ასევე საქართველოს შესაბამისი სამსახურები, მათ შორის: შინაგან საქმეთა სამინისტრო, გარემოს დაცვის სამინისტრო, ინფრასტრუქტურისა და რეგიონული განვითარების სამინისტრო, აჭარის მთავრობა, ბათუმის მერიის და სხვა მუნიციპალიტეტების შესაბამისი სამსახურები.

საჭიროების შემთხვევაში მოქალაქეებმა უნდა დარეკონ ტელეფონის ნომერზე 112.

24 სექტემბერს, დღის პირველი საათისათვის სამაშველო სამსახურს 50-ზე მეტი გამოძახება ჰქონდა. მამუკა თურმანიძის თქმით, გამოძახებების ერთ ნაწილზე სამაშველო სამსახურს რეაგირება ჰქონდა, თუმცა იყო ისეთი შემთხვევებიც, როცა მოსახლეობის დახმარება ვერ შეძლეს: „აზრი არა აქვს, სანამ არ ჩადგება წვიმა. წყალი რომ ამოვტუმბოთ, ეს წყალი ხომ უნდა გავიდეს სადმე, ადგილი არ არის წყლის გასასვლელი, ისეთი მდგომარეობაა“.

სამაშველო სამსახურს მოქალაქეები ბათუმში ძირითადად  ჭაობში, ბონი-გოროდოკში, ფარეხისა და ავტოსადგურის მიმდებარე ტერიტორიაზე იძახებენ.  

მამუკა თურმანიძის თქმით, სამაშველო სამსახურს დახმარებისათვის მიმართეს ხელვაჩაურიდანაც. „რთული მდგომარეობაა ოცნების ქალაქის (ეკომიგრანტების დასახლება) ტერიტორიაზე, რომელიც გზიდან დაბალზეა, იქ ზაფხულშიც დგება წყალი. გამოძახება იყო და წასულია ჯგუფი, მაგრამ ვიცით წინასწარ, რომ იქ ვერაფერს ვერ ვიზამთ.“

ძლიერმა ქარმა სახლს სახურავი გადახადა ქობულეთში, მდინარე კინტრიშის ნაპირას. ადგილზე სამაშველო ჯგუფი იმყოფება.  

მამუკა თურმანიძის თქმით, ამ ეტაპზე აჭარაში 150-მდე მაშველია მობილიზებული, თუმცა სამაშველო სამსახური რეზერვის დამატებას ელოდება, რის შემდეგაც აჭარაში 200-ზე მეტი მაშველი იმუშავებს უამინდობის პირობებში.   

პროგრამის მიზანია მაღალმთიანი აჭარის მუნიციპალიტეტების საჯარო სკოლებში ინგლისური ენის, ქიმიის, ფიზიკის, მათემატიკისა და  ბიოლოგიის  მასწავლებლების ვაკანსიების შევსება.  

პედაგოგები შეირჩევიან კონკურსის წესით  და დასაქმდებიან  ქედის, შუახევისა და ხულოს მუნიციპალიტეტების საჯარო სკოლებში. ამ ეტაპზე აჭარის განათლების სამინისტროში მიმდინარეობს საბუთების მიღება.

ქვეპროგრამაში მონაწილეობის მსურველებმა უნდა გაიარონ ორეტაპიანი კონკურსი, რომელიც შედგება წერითი და ზეპირი გამოცდისაგან. კონკურსში გამარჯვებულები დასაქმდებიან მინიმუმ ერთი სასწავლო წლის ვადით. გარდა სახელფასო ანაზღაურებისა, გამარჯვებული კონკურსანტები დამატებით ანაზღაურებას მიიღებენ აჭარის ავტონომიური რესპუბლიკის განათლების, კულტურისა და სპორტის სამინისტროსგან 400 (ოთხასი) ლარის ოდენობით.

დასაქმებულები იმუშავებენ შემდეგი პირობებით: ხელფასი 600-დან 700 ლარის ოდენობით; საცხოვრებელი პირობებით უზრუნველყოფა; ჯანმრთელობის დაზღვევა; პროფესიული გადამზადების კურსები; უფასო სახელმძღვანელოები; კორპორატიული მობილური კავშირი; სამინისტროს ღონისძიებებში ჩართვა.

კონკურსში მონაწილეობისათვის აუცილებელია: განცხადება კონკურსში მონაწილეობის თაობაზე; დიპლომის ასლი (ბაკალავრი/მაგისტრი); პირადობის დამადასტურებელი დოკუმენტის ასლი; განაცხადის ფორმის შევსებული ვარიანტის წარმოდგენა.

მასწავლებლობის მსურველთა საბუთების მიღება წარმოებს აჭარის ავტონომიური რესპუბლიკის განათლების, კულტურისა და სპორტის სამინისტროში შემდეგ მისამართზე: ქ.  ბათუმი, ლ.გუდიაშვილის ქ. №4. და ასევე ადგილობრივ რესურსცენტრებში. დამატებითი ინფორმაციისათვის შეგიძლიათ დარეკოთ შემდეგ ტელეფონის ნომრებზე: ტელ: 422 24 53 78 , 577  29 99 98

კონკურსს აჭარის განათლების, კულტურისა და სპორტის სამინისტრო ქვეპროგრამის – „კონკურსებისა და ოლიმპიადების“ფარგლებში ატარებს.

კონკურსის პირველი (შესარჩევი) ტური ჩატარდება 2014 წლის 27 სექტემბერს პირველი კატეგორიის მოსწავლეთათვის (VII – IX კლასი) და 2014 წლის 28 სექტემბერს (X – XII კლასი) მეორე კატეგორიის მოსწავლეებისათვის. ორივე კატეგორიისათვის მარათონი დაიწყება დღის 12 საათზე და დასრულდება 15 საათზე.

პროექტის ფარგლებში, დაგეგმილია ერთიანი საინვესტიციო პორტალის შექმნა, რომლის მიზანია სოციალურ-ეკონომიკური მონაცემების აგრეგაცია. ეს იქნება აჭარის ობსერვატორიის ვებგვერდი, რომელიც აგროვებს და წარმოადგენს მონაცემებს, რომელიც მნიშვნელოვანია, როგორც რეგიონის მართვის თვალსაზრისით, ისევე ცენტრალური თვითმართველობის დონეზე.

გარდა აღნიშნულისა, პოლონეთის რესპუბლიკის საგარეო საქმეთა სამინისტროს მიერ ორგანიზებული “Polish Aid 2014”-ის კონკურსში გამარჯვების შედეგად მოპოვებული გრანტის საფუძველზე, აჭარისა და მალოპოლსკას რეგიონებს შორის არსებული თანამშრომლობის ფარგლებში, აჭარის რეგიონში მეწარმეობისა და შრომის ბაზრის მხარდაჭერის პროექტი 2014-2015 წლებში განხორციელდება.

პროექტი ითვალისწინებს აჭარის დასაქმების ბაზრისა და ეკონომიკური პროგნოზირების ობსერვატორიის შექმნას. ასევე დასაქმების ბაზრისა და მეწარმეობის ხელშეწყობის სისტემის გენერალური გეგმის მომზადებას. პროექტის განხორციელებაში ჩართულია აჭარის ავტონომიური რესპუბლიკის ფინანსთა და ეკონომიკის სამინისტრო, მალოპოლსკას რეგიონის მარშალის ოფისი, აჭარის ავტონომიური რესპუბლიკის  ჯანმრთელობისა და სოციალური დაცვის სამინისტრო და ბათუმის დასაქმების სააგენტო.

პროქტის ფარგლებში მოხდება აჭარაში ეკონომიკური ცვლილებების პროგნოზირებისათვის საჭირო ინსტრუმენტებისა და მოდელის შემუშავება; მომზადდება გზამკვლევი აჭარაში მეწარმეობისა და დასაქმების ბაზრის სისტემის ხელშეწყობის მექანიზმებისა და პროცესების გაუმჯობესების უზრუნველსაყოფად. შემუშავდება წინადადებები თუ როგორ უნდა მოხდეს ინფორმაციის ტრანსფერი სამინისტროებიდან და საჯარო ინსტიტუციებიდან ობსერვატორიაში.

მოძრაობა ასევე აღდგენილია ქობულეთში აღმაშენებლის ქუჩაზე და ხელვაჩაურში. 

მამუკა თურმანიძის განმარტებით, 5-ბალიანი შტორმი ბათუმში უკვე დაფიქსირდა. ზღვის სანაპიროზე არსებულ კოლექტორებთან, სადაც ქალაქში დაგროვილი წყალი გაედინება, მობილიზებულია სპეცტექნიკა, რომელიც წყლის მომატების შემთხვევაში კოლექტორების გაწმენდას უზრუნველყოფს. 

მოსალოდნელი სტიქიის გამო აჭარაში საგანგებო შტაბი შეიქმნა. 

ინფორმაცია ამის შესახებ ჟურნალისტებს აჭარის მთავრობაში, საგანგებო შტაბის წევრებმა განუცხადეს.

ამინდის გაუარესებასთან დაკავშირებით საქართველოს პრემიერ მინისტრის დავალებით შეიქმნა საგანგებო შტაბი, რომელსაც ხელმძღვანელობს სახელმწიფო უსაფრთხოებისა და კრიზისების მართვის საბჭოს მდივანი მინდია ჯანელიძე. შტაბი იმუშავებს 24-საათიან რეჟიმში. საჭიროების შემთხვევაში დროული რეაგირებისათვის მობილიზებულია, როგორც ადგილობრივი, ასევე საქართველოს შესაბამისი სამსახურები, მათ შორის: შინაგან საქმეთა სამინისტრო, გარემოს დაცვის სამინისტრო, ინფრასტრუქტურისა და რეგიონული განვითარების სამინისტრო, აჭარის მთავრობა,  ბათუმის მერიის და სხვა მუნიციპალიტეტების შესაბამისი სამსახურები.

საჭიროების შემთხვევაში მოქალაქეებმა უნდა დარეკონ ტელეფონის ნომერზე 112.

მოქალაქეებს მოუწოდებენ არ გავიდნენ სანაპიროზე და მსუბუქი ავტომანქანებით მოერიდნონ  წყლით დაფარულ ადგილებში გადაადგილებას;

აჭარის სახანძრო სამსახურის უფროსმა, ხუსეინ სირაბიძემ “ბათუმელებთან” საუბრისას განმარტა, რომ მთელი ღამის განმავლობაში სახანძრო და სამაშველო სამსახურები სრული შემადგენლობით იმუშავებენ.

გარდა ამისა შინაგან საქმეთა სამინისტროს ათი ერთეული მძიმე ტექნიკა და ეკიპაჟი თბილისიდან უკვე ბათუმში ჩამოვიდნენ.

ბათუმი ხუთ ნაწილდაა დაყოფილი და სამაშველოსა და სახანძროს სამსახურები ყველა უბანში გადანაწილდნენ.

შტაბის წევრების შეხვედრა უკვე დასრულებულია, საჭიროების შემთხვევაში სამაშველო ბრიგადები აჭარის სხვადასხვა მუნციპალიტეტებში გადანაწილდებიან.

ინფორმაციას ოპერატიული შტაბის შექმნის შესახებ შინაგან საქმეთა სამინისტრო ავრცელებს. უწყების ცნობით, მინისტრის მოადგილის ხელმძღვანელობით შეიქმნა ოპერატიული შტაბი, რომელშიც შედიან შს სამინისტროს სხავადასხვა ქვედანაყოფის და სტიქიის შედეგების ლიკვიდაციაში ჩართული შესაბამისი უწყებების წარმომადგენლები.

“ჩვენ უნდა დავასაქმოთ სსმ პირები, უნდა შევხვდეთ მათ, მოვისმინოთ მათი პრობლემები. მე როცა მოვინდომე მათი დასაქმება, ინფრასტრუქტურის პრობლემას გადავაწყდი, სამინისტროში მათი შესაბამისი სანიტარული კვანძები არ გვაქვს”, – განმარტა ნუგზარ სურმანიძემ მთავრობის სხდომაზე.

აჭარის განათლების მინისტრმა თქვა, რომ ბათუმის ერთ-ერთ საჯარო სკოლაში ინფრასტრუქტურას ახლა სწორედ სსმ მოსწავლეებისთვის აკეთებენ. 

ვინ უხელმძღვანელებს ამ დეპარტამენტს ჯერჯერობით უცნობია, თუმცა ცნობილია, რომ მთავრობის ამ დეპარტანემტში ოთხი ადამიანი დასაქმდება და როგორც მთავრობის თავმჯდომარემ, არჩილ ხაბაძემ განმარტა, დეპარტამენტის უფროსი პროფესიით ეკონომისტი იქნება. 

მთავრობის  თავმჯდომარის განმარტებით, ამ დეპარტამენტის მთავარი ფუნქცია ეკონომიკური პოლიტიკის მიმართულობით მუშაობა იქნება.

ამის პარალელურად მთავრობაში ეკონომიკური განვითარების საბჭო  შეიქმნა. საბჭოს წევრები მინისტრები არიან, თავმჯდოარეობას კი არჩილ ხაბაძე გაუწევს. კომისიაშია მოიწვევენ სპეციალისტებს (5-6 ადამიანს), რომლებიც ასევე სხვადასხვა ინიციატივაზე იმუშავებენ.

 მთავრობის წევრებს არა, მაგრამ მოწვეულ სპეციალისტებს შტატგარეშე ხელშეკრულებას გაუფორმებენ და სარგოსაც მისცემენ.

სტადიონისა და საავადმყოფოს პროექტებისთვის ბიუჯეტიდან 750 ათასი ლარი წელს დაიხარჯება. აქედან სამასი ათასი ლარი  საავადმყოფოს პროექტის შესაძენას, დანარჩენი კი სტადიონის პროექტის მომზადებას მოხმარდება.

არჩილ ხაბაძის ინფორმაციით, ახალი საავადმყოფო ბათუმში იქ აშენდება, სადაც  ახლა რესპუბლიკური საავადმყოფო ფუნქციონირებს. რაც შეეხება სტადიონს, არჩილ ხაბაძის განმარტებით, ის ლეონიძის ქუჩაზე, ელექტრო ქარხნის მიმდებარე ტერიტორიაზე, დაახლოებით 8-9 ჰექტარ მიწის ნაკვეთზე გაშენდება.

სტადიონისა და საავადმყოფოს მშენებლობისთვის თანხა 2015 წლის ბიუჯეტიდან გამოიყოფა.

“ბიუჯეტიდან სულ 120 ათასი ლარით ჩვენ შევიძენთ ოთხ ავტომანქანას. უმაღლესმა საბჭოსმ ეს იდეა მოიწონა. მანქანებით აპარატის თანამშრომლები ისარგებელებენ, ტენდერი უკვე გამოცხადებულია”, – განაცხადა არჩილ ხაბაძემ. 

რაც შეეხება იმ ფაქტს, რომ აჭარის მთავრობის მანქანით ბათუმის სკარებულოს თავმჯდომარე ირაკლი ჭეიშვილი გადაადგილდება, ხაბაძემ ჟურნალისტებს განუმარტა, რომ საკრებულოს თავმჯდომარის მანქანა ავარიულ მდგომარეობაშია და მანამ, ვიდრე მას სადაზღვეო კომპანია შეაკეთებს, ჭეიშვილი მთავრობის მანქანით ისარგებლებს, საკრებულოს ავტომანქანის შეკეთების შემდეგ კი მთავრობას მისი კუთვნილი მანქანა დაუბრუნდება.

სტიქიის ზონაში მცხოვრები რვა ოჯახი კი სპეციალური კომისიის გადაწყვეტილებით დროებით სხვა მისამართზე გადაიყვანეს.დროებით საცხოვრებელი სტიქიის ზონაში მცხოვრებ ოჯახებს მთავრობამ გამოუნახა. 

შესაძლოა დღის ბოლოს კიდევ 15 ოჯახის ევაკუაცია მოხდეს,  ხელვაჩაურსა და ქობულეთში მცხოვრები იმ ოჯახების, რომელბმაც განცხადებით მიმართა მთავრობას და შესაძლოა მათი შინ   დარჩენა რისკებთან იყოს დაკავშირებული. 

მთავრობის თავმჯდომარის, არჩილ ხაბაძის განცხადებით,  სტიქიის ზონაში მდგომარეობა სტაბილურია და ექვემდებარება კონტროლს. სპეციალური ტექნიკა საღამოსთვის სტიქიის კერებში გადანაწილდება.

იმუშავებს ცხელი ხაზი ტელეფონის ნომერზე: 27 20 01

ასევე შექმნილია სარისკო ტერიტორიებზე მომუშავე ოპერატიული რეაგირების ჯგუფები.

აჭარის მთავრობის ინფორმაციით,  გეოლოგები მუშაობენ ქობულეთსა და ხელვაჩაურში და მუნიციპალიტეტებს გადაეგზავნებათ რეკომენდაციები.

რისკის ზონაში ამ წუთებში 15 ოჯახი რჩება, დამატებითი დეტალები, კიდევ რამდენ ოჯახს მოუწევს სახლების დატოვება დღის ბოლოს გახდება ცნობილი.

 გადაუღებელი წვიმის გამო ბათუმში რამდენიმე ოჯახის საცხოვრებელი სახლი დაიტბორა.

საერთაშორისო ჟიურიმ პრიზები სამ  სექციაში გასცა და კინოფესტივალის საკონკურსო პროგრამაში ნაჩვენები საუკეთესო მხატვრული, დოკუმენტური და მოკლემეტრაჟიანი ფილმები გამოავლინა. 

BIAFF საერთაშორისო კონკურსის სექციის ხუთკაციანმა ჟიურიმ (რომან ბალაიანი, ალისა სიმონი, პაველ ივანოვი, მიხაილ სტამბოლციანი და ზაზა ურუშაძე) შემდეგი პრიზები გასცა:

     გრანპრი – „ფრენკი“, ლენი აბრაჰამსონი, გაერთიანებული სამეფო/ირლანდია, 2014

     ჟიურის სპეციალური პრიზი- „პატარძლები“, თინათინ ყაჯრიშვილი, საქართველო/საფრანგეთი, 2014

     საუკეთესო რეჟისურა  – ივან ი. ტვერდოვსკი, „გამოსასწორებელი კლასი“, რუსეთი/გერმანია, 2014

    საუკეთესო მსახიობი მამაკაცი – ირფან ხანი – „ლანჩბოქსი“, ინდოეთი/საფრანგეთი/გერმანია/აშშ, 2013

    საუკეთესო მსახიობი ქალი – სილვი მარინკოვიჩი – „განკურნება“, შვეიცარია/ხორვატია, ბოსნია-ჰერცოგოვინა,2014

BIAFF 2014-ის დოკუმენტური ფილმების საერთაშორისო კონკურსისსექციის ხუთკაციანმა ჟიურიმ (ანდრიუს სტონისი, პაველ ლოზინსკი, ულვი მეტი, მიროლ იუბვუსკოვიჩი და ანა ძიაპშიპა) შემდეგი პრიზები გასცა:

  საუკეთესო დოკუმენტური ფილმი – „მაიდანი“, სერგეი ლოზნიცა, უკრაინა/ნიდერლანდი, 2014

 სპეციალური პრიზი – „აგვისტოს მოლოდინში“, თეოდორა მიჰაი, ბელგია/რუმინეთი, 2014

BIAFF 2014-ის მოკლემეტრაჟიანი ფილმების საკონკურსო სექციის ხუთკაციანმა ჟიურიმ  (მიხეილ კობახიძე, მირა სტალევა, ეკატერინა ჩერქეს-ზადე, ლატავრა დულარიძე, ენდრიუ ვიალი) შემდეგი პრიზები გასცა:

 საუკეთესო მოკლემეტრაჟიანი ფილმი – „ზეთის ლამფა”, ჰუ ვეი, საფრანგეთი/ჩინეთი, 2013

 BIAFF-ის პრიზი კინოხელოვნების განვითარებაში შეტანილი წვლილისათვის გადაეცათ:

  რომან ბალაიანსი (უკრაინა)

 ირაკლი კვირიკაძე (საქართველო)

 ავთო მახარაძე (საქართველო)

დაჯილდოების ცერემონიის ბათუმის კინოფესტივალი გიორგი ოვაშვილის ახალი ფილმით, „სიმინდის კუნძული”, დაიხურა. 

ბატონო ბაგრატ,  წვიმამ ყველაზე მეტად ქალაქის რომელი ქუჩები დააზიანა?

ძლიერი წვიმის დროს მოსული უხვი ნალექის შედეგად დაიტბორა ჭაობისა და ბონი-გოროდოკის დასახლება, ლერმონტოვის ქუჩა, ბაგრატიონის ქუჩა, გენერალ ასლან აბაშიძის ქუჩა. ნაწილობრივ დაიტბორა ქალაქის ცენტრალური ქუჩის ნაწილი, გორგილაძისა და გრიბოედოვის ქუჩის კვეთა. ძირითადად ეს უბნები დაზიანდა.

რა ქმნის ქალაქში დატბორვის პრობლემას უხვი ნალექის დროს? წლებია გვესმის, რომ მილიონობით ლარი იხარჯება ქალაქის სანიაღვრე არხების მოსაწესრიგებლად, თუმცა პრობლემა დღემდე გადაუჭრელია…

წყლის ძირითადი ნაკადი მოდიოდა ჭაობის უბნიდან. ჭაობის დასახლება არის დატბორვის ერთი-ერთი წყარო, საიდანაც მერე უკვე იტბორება ქალაქი. ჭაობის დასახლებაში არ გვაქვს გამართული საკანალიზაციო სისტემა.

ამჟამად შემუშავებული გვაქვს ამ დასახლების საკანალიზაციო სისტემის რეაბილიტაციის პროექტი. ვიწყებთ უკვე მშენებლობას. პროექტი დამტკიცებულია, შესაბამისად გამოვლენილია გამარჯვებული ფირმა, ეს არის გერმანული სამშენებლო კომპანია და გამოყოფილია თანხა. გერმანიის განვითარების ბანკის თანადაფინანსებით ხდება მისი განხორციელება, 17 მილიონი ევროა გამოყოფილი იმისათვის, რომ მოწესრიგდეს  ჭაობის დასახლებაში საკანალიზაციო სისტემა მთლიანად. წელს უკვე დავიწყებთ საკანალიზაციო სისტემის მშენებლობას, რომელიც ძალიან დიდ პრობლემას გადაუჭრის ბათუმს. საუკუნის პროექტი შეიძლება ეწოდოს ამ პროექტის განხორციელებას ჟილინის არხთან ერთად. 

ასეთი ნალექი ბოლო ათწლეულების მანძილზე არ ყოფილა. წყლის მასა ვერ დაიტია სანიაღვრე სისტემამ, მაგრამ ეს პრობლემაც გადაიჭრება. პროექტი გვაქვს, ბათუმში ორ ადგილას მოეწყობა სატუმბი სადგურები. ამ სადგურებიდან, რომლებიც სანიაღვრე სისტემასთან იქნება მიერთებული, მოხდება გადატუმბვა ზღვაში, დაახლოებით  900 მეტრი სიგრძის მილები ჩავა ზღვაში. რაც არ უნდა ძლიერი წვიმა მოვიდეს, სანიაღვრე არხები შეძლებენ წყლის მასის გატარებას და პრობლემა არ შეიქმნება. 

როდის, რომელი წლიდან გადაიჭრება ეს პრობლემა?

პროექტის განხორციელება წელს  დაიწყება და 2015 წლის ბოლომდე დასრულდება.

რა სამუშაოების განხორციელებას გეგმავთ იმისათვის, რომ შემდეგში მსგავსი სიტუაცია არ შეიქმნას? სანამ სისტემა არ მოწესრიგდება, მანამდე მსგავსი სიტუაცია იქნება ქალაქში?

ასეთი უხვი ნალექისაგან არავინ არის დაზღვეული. ევროპაშიც მთელი ქალაქები იტბორება. ერთადერთი გამოსავალი არის ამ ორი პროექტის განხორციელება. ეს ორი პროექტი, რომლებზეც ვისაუბრე, არის გარანტი, რომ ბათუმი აღარ დაიტბორება. სხვა რა უნდა გავაკეთოთ. 

რა სამუშაოები ჩატარდა დატბორილი ქუჩებიდან წყლის ამოსატუმბად?

მობილიზებული იყო მერიის მთელი სამსახურები, კეთილმოწყობის, წყალკანალის და სხვა სამსახურები. ვწმენდდით. ნიაღვარივით მოდიოდა წყალი და სანიაღვრე სისტემები შეავსო. ზღვასთან, სადაც სანიაღვრე სისტემა ჩაედინებოდა, შტორმი დაფიქსირდა. იმისათვის, რომ მაქსიმალური გამტარიანობა უზრუნველყოს სისტემამ, მიმდინარეობს სამუშაოები. იწმინდება სანიაღვრე და საკანალიზაციო სისტემა. შესაბამისი ტექნიკა არის ზღვის პირას მობილიზებული, სანიაღვრე არხები ყოველ წუთას იწმინდება, რომ ჭაობიდან წამოსული წყალი ზღვაში ჩავიდეს შეუფერხებლად.

გვაქვს წყლის საქაჩები, ე.წ. პომპები იმისათვის, რომ სარდაფებიდან წყალი ამოვქაჩოთ, მაგრამ ვერ ვქაჩავთ, რადგან ქუჩებში წყალი დგას. ქუჩები თუ არ გაიწმინდა, სარდაფიდან წყლის ამოქაჩვას აზრი  არ აქვს. ველოდებით, როგორც კი წყლის დონე დაიწევს, მობილიზებული არიან შესაბამისი სამსახურები და ამოვტუმბავთ წყალს სარდაფებიდან, დავეხმარებით მოსახლეობას.

თუ არის ცნობილი რა ოდენობის  ზარალი მიაყენა სტიქიამ ბათუმს? 

იმდენად მასშტაბური სტიქია იყო, ზარალის დათვლა ჯერ არის ძალიან ადრე. ჯერ უნდა დავამთავროთ სამუშაოები, ქუჩები უნდა გაიწმინდოს წყლისგან და მერე დავიწყებთ ზარალის დათვლას, აღრიცხვას, მონიტორინგს. შეიქმნება კომისია, რომელიც დაითვლის სტიქიის შედეგად მიყენებულ ზარალს, ამის შემდეგ მოგვეცემა საშუალება გავცეთ კომპენსაციები.

“ბათუმსა და მის მიმდებარე ტერიტორიაზე მცხოვრებ მოსახლეობას წყლის მიწოდება დაახლოებით ერთ საათში აღუდგება. დაზიანებული იყო მაღალი ძაბვის ტრანსფორმატორში შემავალი გადამცემი ხაზი, რომელიც შეკეთდა და შესაძლებელია მეჯინისწყლის რეზერვუარის წყლით მომარაგება, რის შემდეგაც მოსახლეობას წყალი მიეწოდება.  წყალთან დაკავშირებით პრობლემებია ხელვაჩაურის მუნიციპალიტეტშიც, რომელიც ხვალიდან – ამინდის გაუმჯობესებისთანავე დასტაბილურდება.

რაც შეეხება ინფრაქსტრუქტურასა დ გზებს – ხვალიდან დაიწყება მეწყერის შედეგად მიყენებული ზიანის შესწავლა და დათვლა.  მნიშვნელოვანია, რომ ამ დროისათვის დამეწყრილი შიდა სასოფლო გზები – გაწმენდილია,” – განაცხადა აჭარის მთავრობის თავმჯდომარემ არჩილ ხაბაძემ საგანგებო ბრიფინგზე. 

მთავრობის თავმჯდომარის განცხადებით სწრაფი რეაგირების ჯგუფები მუშაობას უწყვეტ რეჟიმში აგრძელებენ . საგანგებო რეჟიმში მუშაობენ მუნიციპალიტეტების შესაბამისი სამსახურები, აჭარის საგზაო დეპარტამენტი, შსს-ს სამაშველო დეპარტამენტი, სამაშველო სააგენტო, საპატრულო სამსახურები, პოლიციის დანაყოფები, სახანძრო-სამაშველო სამსახურები.

მთავრობაში შექმნილიაა საგანგებო შტაბი, რომელიც სტიქიის სალიკვიდაციო სამუშაოებს ამონიტორინგებს. ასევე მოქმედებს ცხელი ხაზი.

აჭარის უმაღლესი საბჭოს დეპუტატი მედეა ვასაძე მიიჩნევდა, რომ ჟურნალისტმა ჯაბა ანანიძემ და პროდიუსერმა ირმა ზოიძემ დაარღვიეს ჟურნალისტური ეთიკის ქარტიის პირველი, მესამე, მეოთხე და მეთერთმეტე პრინციპი საგამოძიებო ფილმში – „უმაღლესი კომფორტით.“ 

საბჭოს გადაწყვეტილებით, ავტორმა და პროდიუსერმა რამდენიმე ეპიზოდში დაარღიეს ქარტიის პირველი პრინციპი, ხოლო მესამე, მეოთხე და მეთერთმეტე პრინციპები არ დაურღვევიათ.

ჟურნალისტი ჯაბა ანანიძე “ბათუმელებთან” ჟურნალისტური ეთიკის ქარტიის გადაწყვეტილებას აფასებს.

“ჟურნალისტური ეთიკის და სტანდარტების დასაცავად მნიშვნელოვნად მიმაჩნია ეთიკური ქარტიის არსებობა. თუკი საზოგადოების რომელიმე წევრი, ასევე ხელისუფლების წარმომადგენელი მიმართავს ამ ქარტიას თუნდაც ჩემ წინააღმდეგ, აბსოლუტურად ჯანსაღი და მისაღებია.

ფაქტი ისაა, რომ პოლიტიკოსებმა უნდა ისწავლონ ჟურნალისტებთან ურთიერთობა. იმ სატელეფონო საუბრის შემდეგ, რაც ჩემთან ჰქონდა მედეა ვასაძეს, როცა ის თავს დამესხა, ზუსტად ამის შემდეგ იყო ამ საქმის განხილვა ჩემთვის აბსურდული. დეპუტატმა დღესაც ცილი დაგვწამა და დღესაც არაერთხელ იცრუა ქარტიის საბჭოს სხდომაზე. „აბსურდი“ იმიტომ, რომ „მედეა ვასაძეები“ ამის შემდეგ იგივე გზას არჩევენ ჟურნალისტებთან და საზოგადოებასთან ურთიერთობის დროს.

ჟურნალისტები კი მეტად ფრთხილად ვიქნებით, რომ არ დავუშვათ ისეთი შეცდომა, როგორიცაა, მაგალითად, რომელი მარკის მანქანა ემსახურება მედეა ვასაძეს – მიცუბიში თუ სედანი,” – ამბობს ჯაბა ანანიძე. 

განმცხადებელი, აჭარის უმაღლესი საბჭოს დეპუტატი მედეა ვასაძე მიიჩნევდა, რომ ჟურნალისტმა ჯაბა ანანიძემ და პროდიუსერმა ირმა ზოიძემ დაარღვიეს ჟურნალისტური ეთიკის ქარტიის პირველ, მესამე, მეოთხე და მეთერთმეტე პრინციპი საგამოძიებო ფილმში – „უმაღლესი კომფორტით.“ 

საბჭოს გადაწყვეტილებით, ავტორმა და პროდიუსერმა რამდენიმე ეპიზოდში დაარღიეს ქარტიის პირველი პრინციპი, ხოლო მესამე, მეოთხე და მეთერთმეტე პრინციპები არ დაურღვევიათ.