Batumelebi | აჭარის მთავრობაში სტიქიის დროს შექმნილი შტაბის სხდომა მიმდინარეობს აჭარის მთავრობაში სტიქიის დროს შექმნილი შტაბის სხდომა მიმდინარეობს – Batumelebi
RU | GE  

აჭარის მთავრობაში სტიქიის დროს შექმნილი შტაბის სხდომა მიმდინარეობს

 

პრემიერ-მინისტრის დავალებით შექმნილი საგანგებო შტაბს დღეს მინდია ჯანელიძე უხელმძღვანელებს. მინდია ჯანელიძე სახელმწიფო უსაფრთხოებისა და კრიზისების მართვის საბჭოს მდივანია. ის ამ წუთებში ოპერატიულ თათბირს მათავს აჭარის მთავრობაში.

 

 

თათბირი აჭარის მთავრობაში

შეხვედრას აჭარის მთავრობის თავმჯდომარე არჩილ ხაბაძეს ესწრება. ის სტიქიის ზონაში არსებული მდგომარეობის და მიმდინარე სალიკვიდაციო სამუშაობის შესახებ დეტალურ ინფორმაციას იღებს.

 

აჭარაში, სტიქიის ზონაში იმყოფებიან შინაგან საქმეთა, რეგიონული განვითარებისა და ინფრასტრუქტურის, გარემოს დაცვის სამინისტროების, ასევე, ადგილობრივი ხელისუფლების წარმომადგენლები.

 

აჭარის მთავრობის ინფორმაციით, მთელი ღამის განმავლობაში საგანგებო სამსახურები უწყვეტ რეჟიმში აგრძელებდნენ მუშაობას. აქტიურად მიმდინარეობს სტიქიის შედეგების სალიკვიდაციო სამუშაოები. სახელმწიფო უსაფრთხოებისა და კრიზისების მართვის საბჭო სტიქიის ზონაში განვითარებული მოვლენებისა და მოსახლეობის მდგომარეობის შესახებ ინფორმაციას დღევანდელი თათბირის დამთავრებისთანავე გაავრცელებს.

 

21 სექტემბერს, აჭარის რეგიონში, ძლიერი წვიმისა და ქარიშხლის შედეგად, მწყობრიდან გამოვიდა ელექტროგადამცემი ხაზები, რამდენიმე მონაკვეთზე დაზიანდა ბუნებრივი აირის მილები, მოგლეჯილია ხეები. ძლიერმა ქარმა დააზიანა საცხოვრებელი სახლების სახურავები. წვიმის შედეგად ხელვაჩაურსა და ქობულეთში მეწყრული მოვლენები დაფიქსირდა. ბათუმსა და ქობულეთში დაიტბორა ცენტრალური ქუჩები და გარეუბნები. 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"