კონკურსს აჭარის განათლების, კულტურისა და სპორტის სამინისტრო ქვეპროგრამის – „კონკურსებისა და ოლიმპიადების“ფარგლებში ატარებს.
კონკურსის პირველი (შესარჩევი) ტური ჩატარდება 2014 წლის 27 სექტემბერს პირველი კატეგორიის მოსწავლეთათვის (VII – IX კლასი) და 2014 წლის 28 სექტემბერს (X – XII კლასი) მეორე კატეგორიის მოსწავლეებისათვის. ორივე კატეგორიისათვის მარათონი დაიწყება დღის 12 საათზე და დასრულდება 15 საათზე.
ლიტერატურული მარათონის პირველი (შესარჩევი) ტური ჩატარდება ელექტრონული ფორმით სამინისტროს ვებგვერდის საშუალებით. კომპიუტერის გამოყენება მონაწილეს შეეძლება ნებისმიერი ადგილიდან (სახლი, სკოლა). პირველი ტურის ორგანიზებაზე პასუხისმგებელია სკოლა და შესაბამისი რესურსცენტრი.
მარათონის მიზანი ინტელექტუალური შეჯიბრის საშუალებით მოსწავლეებში მხატვრული ლიტერატურის კითხვის პოპულარიზაციის ხელშეწყობაა. აჭარის განათლების სამინისტროს ინფორმაციით, მარათონში მონაწილეობისათვის ზოგადსაგანმანთლებლო დაწესებულებების 2354 მოსწავლე დარეგისტრირდა.
