Batumelebi | არჩილ ხაბაძე: ბათუმს წყლის მიწოდება ერთ საათში აღუდგება არჩილ ხაბაძე: ბათუმს წყლის მიწოდება ერთ საათში აღუდგება – Batumelebi
RU | GE  

არჩილ ხაბაძე: ბათუმს წყლის მიწოდება ერთ საათში აღუდგება

 

ბათუმში სტიქიის შედეგად მიყენებულ ზარალს ითვლიან. ამ დროისათვის ისევ ელექტროენერგიის გარეშეა დარჩენილი 5 270 აბონენტი.  ქუჩებში წყლის დონემ იკლო, თუმცა სრულად გაწმენდა ამ დრომდე ვერ ხერხდება. შეწყვეტილია წყალმომარაგება. 

 

“ბათუმსა და მის მიმდებარე ტერიტორიაზე მცხოვრებ მოსახლეობას წყლის მიწოდება დაახლოებით ერთ საათში აღუდგება. დაზიანებული იყო მაღალი ძაბვის ტრანსფორმატორში შემავალი გადამცემი ხაზი, რომელიც შეკეთდა და შესაძლებელია მეჯინისწყლის რეზერვუარის წყლით მომარაგება, რის შემდეგაც მოსახლეობას წყალი მიეწოდება.  წყალთან დაკავშირებით პრობლემებია ხელვაჩაურის მუნიციპალიტეტშიც, რომელიც ხვალიდან – ამინდის გაუმჯობესებისთანავე დასტაბილურდება.

რაც შეეხება ინფრაქსტრუქტურასა დ გზებს – ხვალიდან დაიწყება მეწყერის შედეგად მიყენებული ზიანის შესწავლა და დათვლა.  მნიშვნელოვანია, რომ ამ დროისათვის დამეწყრილი შიდა სასოფლო გზები – გაწმენდილია,” – განაცხადა აჭარის მთავრობის თავმჯდომარემ არჩილ ხაბაძემ საგანგებო ბრიფინგზე. 

 

მთავრობის თავმჯდომარის განცხადებით სწრაფი რეაგირების ჯგუფები მუშაობას უწყვეტ რეჟიმში აგრძელებენ . საგანგებო რეჟიმში მუშაობენ მუნიციპალიტეტების შესაბამისი სამსახურები, აჭარის საგზაო დეპარტამენტი, შსს-ს სამაშველო დეპარტამენტი, სამაშველო სააგენტო, საპატრულო სამსახურები, პოლიციის დანაყოფები, სახანძრო-სამაშველო სამსახურები.

 

მთავრობაში შექმნილიაა საგანგებო შტაბი, რომელიც სტიქიის სალიკვიდაციო სამუშაოებს ამონიტორინგებს. ასევე მოქმედებს ცხელი ხაზი.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"