აჭარის სამაშველო სამსახურის უფროსის, მამუკა თურმანიძის ინფორმაციით, ამ დროისთვის (10.00 საათი) აჭარა-გურიის ადმინისტრაციულ საზღვარზე მოძრაობა აღდგენილია. ქობულეთში, ფიჭვნარის ტერიტორიაზე ძლიერმა ქარმა ხეები წააქცია, რის გამოც ამ დილით აჭარა გურიის მონაკვეთზე ავტომანქანით მოძრაობა შეუძლებელი იყო.
მოძრაობა ასევე აღდგენილია ქობულეთში აღმაშენებლის ქუჩაზე და ხელვაჩაურში.
მამუკა თურმანიძის განმარტებით, 5-ბალიანი შტორმი ბათუმში უკვე დაფიქსირდა. ზღვის სანაპიროზე არსებულ კოლექტორებთან, სადაც ქალაქში დაგროვილი წყალი გაედინება, მობილიზებულია სპეცტექნიკა, რომელიც წყლის მომატების შემთხვევაში კოლექტორების გაწმენდას უზრუნველყოფს.
