Batumelebi | ამაღამ ბათუმში შტორმს ელოდებიან, სტიქიის ზონაში მცხოვრები ოჯახების ევაკუაცია მიმდინარეობს ამაღამ ბათუმში შტორმს ელოდებიან, სტიქიის ზონაში მცხოვრები ოჯახების ევაკუაცია მიმდინარეობს – Batumelebi
RU | GE  

ამაღამ ბათუმში შტორმს ელოდებიან, სტიქიის ზონაში მცხოვრები ოჯახების ევაკუაცია მიმდინარეობს

 

პრემიერ მინისტრის დავალებით შექმნილი საგანგებო შტაბის სხდომა აჭარის მთავრობაში დასრულდა. როგორც გარემოს დაცვის მინისტრის მოადგილემ  ზურაბ კოპაძემ ჟურნალისტებს განუცხადა, დღეს 23:00 საათზე ბათუმში წვიმას, ქარს და შტორმს ელოდებიან. 

 

წვის დროს აჭარაში სახლები და ქუჩები დაიტბორა

სტიქიის ზონაში მცხოვრები რვა ოჯახი კი სპეციალური კომისიის გადაწყვეტილებით დროებით სხვა მისამართზე გადაიყვანეს.დროებით საცხოვრებელი სტიქიის ზონაში მცხოვრებ ოჯახებს მთავრობამ გამოუნახა. 

შესაძლოა დღის ბოლოს კიდევ 15 ოჯახის ევაკუაცია მოხდეს,  ხელვაჩაურსა და ქობულეთში მცხოვრები იმ ოჯახების, რომელბმაც განცხადებით მიმართა მთავრობას და შესაძლოა მათი შინ   დარჩენა რისკებთან იყოს დაკავშირებული. 

  

მთავრობის თავმჯდომარის, არჩილ ხაბაძის განცხადებით,  სტიქიის ზონაში მდგომარეობა სტაბილურია და ექვემდებარება კონტროლს. სპეციალური ტექნიკა საღამოსთვის სტიქიის კერებში გადანაწილდება.

 

იმუშავებს ცხელი ხაზი ტელეფონის ნომერზე: 27 20 01

ასევე შექმნილია სარისკო ტერიტორიებზე მომუშავე ოპერატიული რეაგირების ჯგუფები.

აჭარის მთავრობის ინფორმაციით,  გეოლოგები მუშაობენ ქობულეთსა და ხელვაჩაურში და მუნიციპალიტეტებს გადაეგზავნებათ რეკომენდაციები.

 

რისკის ზონაში ამ წუთებში 15 ოჯახი რჩება, დამატებითი დეტალები, კიდევ რამდენ ოჯახს მოუწევს სახლების დატოვება დღის ბოლოს გახდება ცნობილი.

 

 გადაუღებელი წვიმის გამო ბათუმში რამდენიმე ოჯახის საცხოვრებელი სახლი დაიტბორა.

ნეტგაზეთის მასალების სხვა გამოცემებში გადაბეჭდვის წესი
ნათია როყვა