Batumelebi

გასულ კვირას „ქამრების შემოჭერის“ არგუმეტით ბათუმის მერიამ შესყიდვების გეგმიდან რამდენიმე თავი ამოიღო, რამდენიმე თავში გათვალისწინებული თანხა კი შეამცირა და შესაბამისი ცვლილება ბიუჯეტშიც შეიტანა: მერია აღარ შეიძენს სამზარეულოს ჭურჭელს, მტვერსასრუტს და წყლის მაღალი წნევის ტუმბოს, რის შედეგადაც 4700 ლარი დაიზოგება. ასევე, ბათუმის მერია აღარ დაბეჭდავს საინფორმაციო ბუკლეტებს, უარს იტყვის თანამშრომელთათვის სატრენინგო მომსახურების შესყიდვასა და საინფორმაციო სააგენტოებიდან ინფორმაციის მიღებაზე. ამ ნაწილში კი ჯამში 17 800 ლარი დაიზოგება.

მერიის საფინანსო-ეკონომიკური პოლიტიკის სამსახურის ხელმძღვანელის მოადგილის, არჩილ ვანაძის ინფორმაციით, მცირდება წარმომადგენლობითი ხარჯებიც, საწვავის, სატელეფონო და მივლინებების ნაწილში. საერთო ჯამში კი, მერია ქამრების შემოჭერის პოლიტიკის ფარგლებში  123  300 ლარს დაზოგავს.

პრემიერ ირაკლი ღარიბაშვილის მითითებას ქამრების შემოჭირაზე ბათუმის საკრებულოშიც დაემორჩილენ. საკრებულოს აპარატის უფროსის, პაატა მგელაძის მიერ სხდომაზე წარმოდგენილი ინფორმაციით, ბათუმის საკრებულო ადმინისტრაციული ხარჯებიდან 135 000 ლარს დაზოგავს. თანხა მოაკლდება საოფისე, რბილი ავაჯის შესაძენად, ტრანსპორტის ექსპლუატაცია-მოვლის, ასევე საქონლით მომსახურებისა და სხვა ხარჯებს. ბათუმის საკრებულოს წევრებს კი ტელეფონით საუბრის ლიმიტი 90 ლარიდან – 50 ლარამდე შეუმცირდათ. პაატა მგელაძის განმარტებით, ამ თანხის დაზოგვით საკრებულოს ეფექურად მუშაობას ხელი არ შეეშლება.

ქამრების შემოჭერის პოლიტიკაზე აჭარის მთავრობაშიც იზრუნეს.

სოფლის მეურნეობის სამინისტროს ბიუჯეტის დაგეგმარებისა და ანალიზის სამსახურის უფროსის ლია ბერიძის თქმით, ცვლილება პროგრამულ ნაწილს არ შეეხება და თანხას ძირითადად ადმინისტრაციული ხარჯებიდან დაზოგავენ: “ჩვენი ბიუჯეტის 70 პროცენტი პროგრამებზეა მიმართული. თავის დროზეც შეზღუდული გვქონდა რესურსი ადმინისტრაციულ ხარჯებში, თუმცა ახლა კიდევ ერთხელ გადავხედეთ და შევეცდებით, რომ მივლინებები, საქონლით მომსახურება იქნება ეს თუ სხვა, მაინც კორექტირება შევიტანოთ.”

ამავე უწყების მთავარი ფინანსისტის ნონა გალოგრეს ინფორმაციით, ჯანდაცვის სამინისტრო 21 000 ლარის დაზოგვას გეგმავს, მათ შორის 7500 ლარი წარმომადგენლობითი ხარჯია:

„ეს პირველი კვარტლის მიხედვით, წლის განმავლობაში შეიძლება უფრო მეტიც შევამციროთ, თანხ ტენდერების შედეგადაც დაიზოგება“, – განმარტავს ნონა გალოგრე.

ფინანსთა და ეკონომიკის სამინიტრომ „ქამრების შემოჭერის“ პოლიტიკის განსაზღვრის მიზნით, მასზე დაქვემდებარებულ უწყებებს წერილობით მიმართა.

„მათ უნდა წარმოადგინონ კონკრეტული გეგმა, თუ როგორ ხედავენ ქამრების შემოჭერის პოლიტიკას და ჩვენ მათგან ველოდებით პასუხებს“, – ამბობს სამინისტროს პრესსამსახურის ხელმძღვანელი თამუნა დიასამიძე.

ადმინისტრაციული ხარჯების შემცირებას გეგმავენ აჭარის განათლების, სპორტისა და მეცნიერების სამინისტროში: „ჩვენ უკვე მოვამზადეთ პროექტი, ამ დროისათვის უკვე შევამცირეთ ბიუჯეტი სამი პროცენტით – ეს არის დაახლოებით 48 800 ლარი, ცვლილება შეეხო სამივლინებო, წარმომამდგენლობით ხარჯებს და ასევე საწვავს. ეს გადაწყვეტილება მივიღეთ მთავრობის გადაწყვეტილების შემდეგ ქამრების შემოჭერასთან დაკავშირებით, თუმცა ჩვენ გასულ წელსაც დავზოგეთ თანხა“.

პრემიერმა ირაკლი ღარიბაშვილმა „ქამრების შემოჭერაზე“ განკარგულება (# 422) 2015 წლის 6 მარტს გამოსცა, რის შემდეგაც გახმაურდა მისი ადმინისტრაციული ხარჯებისა და ავეჯის შეძენის შესახებ ინფორმაცია. ფინანსთა მინისტრმა ნოდარ ხადურმა ლარის კურსის ვარდნისა და აღიარებული კრიზისის ფონზე პრემიერის გადაწყვეტილება გაამართლა. ამ ფონზე რამდენად შეასრულებენ პრემიერის დავალებას მასზე დაქვემდებარებული უწყებები, ამას „ბათუმელები“ ეტაპობრივად დააკვირდება.

“ჩვენი პარტიის დამფუძნებელმა წევრებმა გააკეთეს არჩევანი და ეს მათი არჩევანია, არ ვიცი რის ხარჯზე, რა მიზნით ან რა მოტივით ერთმა დატოვა პარტია,  მერე ჩვენ გავრიცხეთ პარტიიდან… ეს ნორმალური პროცესია, ჩვენ ურჩ და მოღალატე წევრებს არ გავიჩერებთ პარტიაში და თუ ვინმეს შევატყობთ მოღალატეობრივ საქციელს, რა თქმა უნდა,  სხვებსაც ადეკვატურ პასუხს გავცემთ… ის,  რაც ხდება აჭარაში, ეს პოლიტიკური თამაშებია და სიტუაცია კონტროლის ქვეშაა, ოპოზიციას არაფრის თავი არ აქვს, ვერავინ ვერ გადააყენებს მთავრობას.”

ღარიბაშვილმა განაცხადა, რომ რეგიონში ის ვადამდელ არჩევნებს არ ელოდება. 

“ყველა იმ ადამიანს, ვინც უღალატა ქართველი ხალხს, მოსახლეობა გასცემს პასუხს მომდევნო არჩევნების დროს… ჩემთვის არ არის საინტერესო მურმან დუმბაძე, არც ჯემალ ფუტკარაძე, ისინი მოღალატეები არიან, ჩემთვის არც მედეა ვასაძე არ არის საინტერესო და არც მათზე საუბარი”.   

ბათუმის საქალაქო სასამართლო/მანანა ქველიაშვილის ფოტო

ევროპული სასამართლო მიიჩნევს, რომ მხარეთა თანასწორობა თითოეული მხარისთვის გულისხმობს საკუთარი პოზიციის, მათ შორის მტკიცებულებების წარდგენის გონივრულ შესაძლებლობას ისეთ პირობებში, რომელიც მას არ ჩააყენებს არახელსაყრელ მდგომარეობაში მოწინააღმდეგესთან. მხარეთა შეჯიბრებითობა გულისხმობს დაცვისა და ბრალდების მხარეთა თანაბარ პირობებს მოიპოვონ, შეისწავლონ, წარადგინონ და გამოიკვლიონ საკუთარი და მოწინააღმდეგე მხარის მტკიცებულებები, საგამოძიებო მოქმედებების ჩატარებისას ისარგებლონ თანაბარი უფლება-მოვალეობებით… მხარეთა თანასწორობასა და შეჯიბრებითობაზე აგებული სისხლის პროცესის მიზანი სამართლიანი სასამართლოს უზრუნველყოფაა.

მიუხედავად ამისა, ადვოკატები ამბობენ, რომ პროკურორებთან არათანაბარ პირობებში იმყოფებიან, ამიტომაც ადვოკატები საკანონმდებლო ინიციატივაზე მუშაობენ.
“სისხლის სამართლის პროცესში მხარეთა შეჯიბრებითობისა და თანასწორობის უზრუნველყოფისთვის”, – ასე ჰქვია 72-გვერდიან კვლევას, რომელსაც მალე საკანონმდებლო ინიციატივად აქცევენ, მანამდე კი ავტორები მოსაზრებებს ფოკუსჯგუფებს აცნობენ. აპირებენ შეხვდნენ მოსამართლეებს და მათთან განიხილონ კანონის ნორმები, რომლითაც, მათი შეფასებით, ბრალდებისა და დაცვის მხარის თანაბარი უფლებები ირღვევა. ადვოკატები ამბობენ, რომ პროკურატურა ამ ბოლოს განსაკუთრებით ჩაიკეტა. ამის მიუხედავად იმედი აქვთ, რომ მათი კოლეგები დისკუსიაზე უარს არ იტყვიან. “ჩვენი მიზანი სულაც არ არის პროკურორები დაჩაგრულები ან მაჩანჩალები იყვნენ. ჩვენ გვსურს თანაბარი უფლებებით ვსარგებლობდეთ”, – ამბობს კანონპროექტის ერთ-ერთი ავტორი, ადვოკატი ემზარ პაქსაძე.

ადვოკატი და ყოფილი პროკურორი ედიშერ მახარაძე მიიჩნევს, რომ თანასწორუფლებიანობა პირობითია მთელი რიგი გარემოებების გამო: “მთელი რიგი საკანონმდებლო დანაწესი პირდაპირ ავლენს არათანასწორობას. მხოლოდ ბრალდების მხარეა უფლებამოსილი ახორციელოს სისხლის სამართლებრივი დევნა, დაცვას ეს უფლება არა აქვს, ე.ი. საკითხი დავას მოკლებულია. საკანონმდებლო დონეზე არათანაბარ მდგომარეობაშია დაცვისა და ბრალდების მხარე არა მხოლოდ ცალკეული საგამოძიებო მოქმედებების ჩატარების შესაძლებლობაში და დამოუკიდებლობაში. ბრალდება მტკიცებულების მოპოვების ვადას განსაზღვრავს თვითონ, დამოუკიდებელი გადაწყვეტილებით, ხოლო დაცვას, წინასასამართლო სხდომის თარიღის ჩანიშვნით, სასამართლოს მიერ განესაზღვრება ეს ვადა. ბრალდების მხარე სასამართლოს თავის პოზიციას უსაბუთებს სახელმწიფო ინტერესით, დაცვა კი – ბრალდებულის, ეს ახდენს ზეგავლენას საკითხის გადაწყვეტაზე და აისახება ცალკეული შუამდგომლობების დაკმაყოფილებაზე. მნიშვნელოვანია კვალიფიკაციის შეცვლაზე დავაც. სასამართლო იშვიათად თუ იზიარებს დაცვის პოზიციას და ცვლის პირველად კვალიფიკაციას გამამტყუნებელი განაჩენის დადგენისას, რაც ნიშნავს ბრალდების მხარის მოსამართლეთა პროფესიულ დონესთან გათანაბრებას”.

ედიშერ მახარაძის აზრით, “მოსამართლე უფრო კვალიფიციური იურისტია, ვიდრე ბრალდების ან დაცვის წარმომადგენლები, მათ მეტი სამართლებრივი წინდახედულობა და გამოცდილება აქვთ, ე.ი. დანაშაულებრივი ქმედების ზუსტი შეფასების უნარი გააჩნიათ და ამ უნარს მოსამართლეები უნდა იყენებდნენ მუდამ“.

გასული წლის სექტემბერში კანონში შესული ცვლილების შემდეგ ადვოკატებს ჩხრეკისა და ამოღების უფლება მიენიჭათ. მიუხედავად იმისა, რომ ამ უფლების მიღებას ყველა ადვოკატი ითხოვდა, აღმოჩნდა, რომ პრაქტიკაში თითქმის არავინ იყენებს. თუ მაგალითად, ერთ-ერთ საქმეში ქურდობა აფთიაქთან ახლოს მოხდა, სათვალთვალო კამერიდან ვიდეოჩანაწერის ამოღების უფლება ადვოკატსაც აქვს, მაგრამ ამისთვის მან სასამართლოს უნდა მიმართოს. მოსამართლე კი ნეიტრალურ გამომძიებელს ავალებს ადვოკატის შუამდგომლობის შესრულებას. თავის მხრივ, გამომძიებელი ვალდებულია მტკიცებულება პირველად საქმის პროკურორს მიუტანოს.
„ჩემ მიერ გამოთხოვილ მტკიცებულებებს პირველად საქმის პროკურორი ამოწმებს და მერე მე. ხომ შეიძლება ჩემი დაცვის ქვეშ მყოფისთვის საზიანო მტკიცებულება ამოიღონ ჩემი შუამდგომლობით? და გამომძიებელმა „ძალით“ რომ გამიფუჭოს მტკიცებულება, რა მოხდება ასეთ დროს? ჩვენ ადვოკატები ვართ და სიმართლის დადგენის ვალდებულება არ გვაქვს“, -ამბობს ემზარ პაქსაძე. დაცვის მხარე ამ არგუმენტით მტკიცებულებების მოპოვებას ერიდება.

ადვოკატი დავით კვაჭანტირაძე ამბობს, რომ მტკიცებულებების მოპოვების პროცესში დაცვის მხარე უთანასწორო პირობებშია ბრალდების მხარესთან. ის, რომ დაცვის მოპოვებული მტკიცებულება პირველად ბრალდების მხარეს გადაეცემა, დაცვის უფლებას ეწინააღმდეგება: „ადვოკატი არ არის ვალდებული კლიენტის საზიანო მტკიცებულებები წარუდგინოს გამოძიებას. თანაც ჩხრეკისა და ამოღების ხარჯებს დაცვის მხარე ანაზღაურებს. რაც შეეხება კომპიუტერში დაცულ ინფორმაციას, მისი მოპოვების უფლებას კანონი დაცვის მხარეს საერთოდ უზღუდავს“.

თუმცა, ადვოკატმა ირაკლი გრძელიძემ კოლეგებისგან განსხავებით, ამ კანონით მინიჭებული უფლების გამოყენება სცადა -მან შუამდგომლობით საქართველოს ფინანსთა სამინისტროს საგამოძიებო სამსახურს მიმართა და მათი საშვთა ბიუროდან ამონაწერის მიღება ითხოვა. ეს დოკუმენტი მისი დაცვის ქვეშ მყოფის საქმეზე დასართავად სჭირდებოდა (ადვოკატი ეჭვობდა, რომ პირი, რომელიც მისი დაცვის ქვეშ მყოფს ადებდა ხელს, როგორც დამნაშავეს, საგამოძიებო უწყებებთან მანამდე ჰქონდა ურთიერთობა, ვიდრე დანაშაული მოხდებოდა): „ვეჭვობდი, რომ ე.წ. დაზარალებულმა დანაშაულის პროვოცირება მოახდინა, ამიტომაც მაინტერესებდა ეს დაზარალებული რამდენჯერ იყო ნამყოფი საგამოძიები უწყების შენობაში“.

ადვოკატს საშვთა ბიუროდან მონაცემების მიღებაზე უარი უთხრა თბილისის საქალაქო სასამართლომ. უარის თქმის მიზეზი ადვოკატისთვის უცნობია. მას ასევე უარი უთხრა სასამართლომ სატელეფონო საუბრების ამოღების შუამდგომლობაზეც- მოსამართლის თანაშემწემ ადვოკატს ტელეფონით განუმარტა, რომ ეს პროკურორის პრეროგატივა იყო.
ადვოკატების მიერ მომზადებულ რეკომენდაციებში, რომელსაც მალე კანონპროექტის სახით პარლამენტს წარუდგენენ, საუბარი კიდევ ერთ დეტალზეა – თუ ადვოკატმა მისი დაცვის ქვეში მყოფის საქმეზე ექსპერტიზა ჩაატარა, კანონი ავალდებულებს ექსპერტიზის დასკვნა დაუყონებლივ ბრალდებას გადასცეს.

კანონპროექტების ავტორები კანონში კიდევ ერთი დეტალის დამატებას ითხოვენ. იმ შემთხვევაში თუ, მაგალითად, პირს ბრალი ედება ყაჩაღობაში, მაგრამ სასამართლომ მიიჩნია, რომ ბრალდებულს იარაღი არ ჰქონია და მან ყაჩაღობა კი არა ქურდობა ჩაიდინა, შესაძლოა სასჯელის ზომა შეუმცირდეს და ბრალდების მუხლი შეიცვალოს. ემზარ პაქსაძე ამბობს, რომ მოსამართლეს მუხლის შეცვლა მხოლოდ ბრალდებულის სასიკეთოდ შეუძლია: `რეკომენდაციის მომზადების დროს ვისარგებლეთ ევროპული კონვენციით, მაგალითად, თუ ადამიანს ბრალად ედებოდა ყაჩაღობა, მაგრამ მოსამართლემ ჩათვალა, რომ იქურდა, მიზანშეწოლილია აპელაციამ დაცვის მხარეს მისცეს საშუალება დამატებით წარადგინოს მტკიცებულებები და მხოლოდ ამ ნაწილში საქმე არსებითად განიხილოს სასამართლომ, რადგან პირველი ინსტანციის სასამართლოში ეს ვერ მოხერხდა“.

უზენაესი სასამართლოს მონაცემებით, გასულ წელს 251 პირს შეუმსუბუქდა სასჯელი სააპელაციო სასამართლოში, საკასაციო სასამართლოში 11 ადამიანს შეეცვალა კვალიფიკაცია და სასჯელი. პირველი ინსტანციის სასამართლოებმა კი, სულ 17391 ადამიანის სისხლის სამართლის საქმე განიხილეს.

 “ჩხიკვთა ქორწილის” რეჟისორი, ნიკოლოზ ტუღუში ამბობს, რომ ეს მისი მეოთხე სპექტაკლია, რომელიც მოსწავლეებთან ერთად მოამზადა. ის გეგმავს მოზარდებთან   მუშაობის გაგრძელებას. 

300 კვ.მ. ტერიტორიის კეთილმოსაწყობად ტენდერი დღეს გამოცხადდა. თანამედროვე ბაზრის მოსაწყობად ადგილობრივი ბიუჯეტიდან 60 000 ლარი გამოიყო. პირველ ეტაპზე ბაზარში 100 დახლი დამონტაჟდება.

ახალ ბაზარში ფერმერები სავაჭრო ადგილებით უფასოდ ისარგებლებენ. ხელვაჩაურის მუნიციპალიტეტში ბაზრის გახსნა მაისის თვეში არის დაგეგმილი.

მერიის ცნობით, აღნიშნული პროექტის ფარგლებში, ჩაქვის წყლის სამარაგო რეზერვუარების მშენებლობა იწყება, რაც ჩაქვის მოსახლეობისთვის წყლის თვითდენით მიწოდებას უზრუნველყოფს. სამუშაოებს ჩაქვში დღეს ბათუმის მერი გიორგი ერმაკოვიც ესწრებოდა. 

პროექტში ასევე გათვალისწინებულია მწვანე კონცხისა და მახინჯაურის მოსახლეობის წყალმომარაგების სისტემების რეაბილიტაცია.

პროექტი ევროკავშირის საგრანტო ფონდის დაფინანსებით ხორციელდება და მისი ღირებულება 6 მილიონ 100 ათას ევროს შეადგენს. სარეაბილიტაციო სამუშაოები 2017 წლის II კვარტლისთვის დასრულდება.

აჭყვისთავის სკოლის ოთხმა მოსწავლემ 18 მარტს განაცხადა, რომ შიმშილობას იწყებდნენ, თუმცა აქცია იმ დღესვე შეწყვიტეს,  დღეს კი მოსწავლეები ისევ სკოლასთან შეიკრიბნენ და განაცხადეს, რომ შიმშილობდნენ.

აჭყვისთავის სკოლის მასწავლებელი ხათუნა მენაბდე გამოცდაზე ჩაჭრილი ერთ-ერთი მოსწავლის დედაა.  კონფლიქტი აჭყვისთავის საჯარო სკოლაში ექსტერნის გამოცდებს მოჰყვა. რამდენიმე მოსწავლემ განაცხადა, რომ სკოლის დირექტორმა შორენა მენაღარიშვილმა მათ შეცდომით შემოახაზვინა გამოცდის დროს პასუხები, რის გამოც ისინი გამოცდაზე ჩაიჭრნენ.

გამოცდების შედეგებს სიტყვიერი დაპირისპირება მოჰყვა სკოლის დირექტორსა და ხათუნა მენაბდეს შორის, რაც, სკოლის დირექტორის განცხადებით, ფიზიკურ დაპირისპირებაში გადაიზარდა და პედაგოგმა დირექტორს ფიზიკური შეურაცხყოფა მიაყენა, რასაც პედაგოგი, ხათუნა მენაბდე უარყოფს. დირექციამ ხათუნა მენაბდე სკოლის დისციპლინური საბჭოს ოქმის, შრომის შინაგანაწესისა და მასწავლებლის პროფესიული კოდექსის დარღვევის  საფუძველზე დაითხოვა.

ექსტერნის გამოცდაზე ჩაჭრილმა მოსწავლეებმა და მათმა მშობლებმა აჭარის განათლების სამინისტროს მიმართეს განცხადებით, შეესწავლათ მათი საკითხი. სამინისტროს შიდა აუდიტისა და ინსპექტირების დეპარტამენტის უფროსმა ალექსანდრე მჟავანაძემ „ბათუმელებთან“ განაცხადა, რომ სამინისტრომ საქმე შეისწავლა:

„სამინისტრომ დაასრულა ინპექტირება, რომელიც განხორციელდა მოსწავლეებისა და მათი მშობლების განცხადების საფუძველზე, განცხადებას ახლდა მოსწავლეების განმარტებითი ბარათიც, სადაც გამოთქვამდნენ თავიანთ შენიშვნებს. ექსტერნის გამოცდაზე არიან კომისიის სხვა წევრები, პედაგოგები… ყველა ამბობს, რომ ასეთი ფაქტი [დირექტორის მხრიდან კარნახი] არ ყოფილა. ექსტერნის გამოცდა სულ 11 იყო და რამდენიმე გამოცდაში ამ მოსწავლეებს ჰქონდათ მიღებული არადამაკმაყოფილებელი შედეგი. ექსტერნის გამოცდებში თუ ერთი მაინც არადამაკმაყოფილებელი ნიშანი მიიღო მოსწავლემ, სხვა გამოცდებში, მაღალი ქულებიც რომ მიიღოს, გამოცდები არ ითვლება ჩაბარებულად. მოსწავლეებს პრეტენზია ჰქონდათ, რატომ გაგვიყვანეს სხვა გამოცდებზე, თუ მანამდეც ჩაჭრილები ვიყავითო, მაგრამ სკოლას არ ჰქონდა უფლება აეკრძალა მათთვის შემდეგ გამოცდაზე გასვლა.“

ალექსანდრე მჟავანაძემ განაცხადა, რომ დღეს თავადაც იმყოფებოდა აჭყვისთავში და ესაუბრა სკოლის მოსწავლეებსა და მათ მშობლებს. მისი თქმით, დღეს აჭყვისთავში იმყოფებოდა სოციალური აგენტიც, რომელმაც მოსწავლეების მშობლები გააფრთხილა, რომ ისინი აგებდნენ პასუხს ბავშვების უსაფრთხოებაზე.  

რეჟისორ გიორგი ოვაშვილის „ხიბულა“ [განმცხადებელი კომპანია – შპს ” ალამდარი”]; ნინო ჟვანიას „აღლუმი“ [შპს “ახალი ქართული ფილმი”] და ჰოლანდიელი რეჟისორის, ლუდი ვოეკენის „ნელსონი“ [შპს “მილიმეტრ ფილმი”] – აჭარის განათლების სამინისტრო წელს ამ კინოპროექტებს დააფინანსებს.

აჭარაში კინოხელოვნების განვითარების ხელშეწყობის პროგრამა უკვე მესამე წელია ხორციელდება და მისი ბიუჯეტი წლიდან წლამდე იზრდება.  2013 წელს პროგრამის ბიუჯეტი 100 ათასი ლარი იყო, 2014 წელს – 242 000 ლარი, ხოლო მიმდინარე, 2015 წელს პროგრამის ბიუჯეტი 400 000 ლარია.  გასულ, 2013-2014 წლებში პროგრამის ფარგლებში დაფინანსებულ ფილმებს შორისაა გიორგი ოვაშვილის „სიმინდის კუნძული“, კარლოვი ვარის ფესტივალის გამარჯვებული და  ლაშა ცქვიტინიძის ფილმი „მე ვარ ბესო“ – თბილისის საერთაშორისო კინოფესტივალის გამარჯვებული.    

დაფინანსება მიიღეს ბათუმის შოთა რუსთაველის, ივანე ჯავახიშვილის უნივერსიტეტების, საზღვაო აკადემიისa და სხვა უმაღლესი სასწავლებლების სტუდენტებმა. 

2015 წლის „სტუდენტთა დახმარების“ პროგრამის ფარგლებში სულ გათვალისწინებულია 951 სტუდენტის დაფინანსება. 

სტუდენტთა დახმარების ქვეპროგრამით გათვალისწინებული დაფინანსება გაიცემა შემდეგი კატეგორიის სტუდენტებზე: სტუდენტები მაღალმთიანი აჭარიდან: ქედა, შუახევი, ხულო; დედით ან მამით ობოლი, უდედმამო; მრავალშვილიანი ოჯახის წევრი: ოთხი და მეტი შვილი;  სოციალურად დაუცველი: 100 000 ქულა და ნაკლები.

რატომ გვჭირდება განათლება და რა კავშირშია ის წარმატებასთან?  რა ტიპის განათლება არის საჭირო იმისათვის, რომ მივაღწიოთ წარმატებას?  რატომ არის ცოდნა ძალა და როგორ შეგვიძლია ეს ძალა გამოვიყენოთ წარმატების მისაღწევად?  – ტორესა მოსი ისაუბრებს განათლებაზე, როგორც წარმატების მიღწევის ინსტრუმენტზე, თანამედროვე განათლების ორიენტირებსა და შესაძლებლობებზე.

დასწრება თავისუფალია. დასაწყისი 17 საათზე.

 შეხვედრაზე  ასევე  გაიმართება ტორესა მოსის  წიგნების  – ,,სიბრძნე სიცრუისა’’ და ,, მე/შენ  ქრისტე ხარ’’  გამოფენა- გაყიდვა. დისკუსიის მონაწილეებს საშუალება ექნებათ  ავტოგრაფი მიიღონ წიგნის ავტორისგან.

დისკუსიის მოდერატორები იქნებიან: “თავისუფალ ჟურნალისტთა სახლის”  წევრი, ჟურნალისტი მანანა ქველიაშვილი და “ბათუმის ახალგაზრდული ცენტრის”  ხელმძღვანელი მარიკა ზაქარაძე.

მის: ბათუმი, ლუკა ასათიანის ქ. № 37  [ბათუმის ხელოვნების სასწავლო უნივერსიტეტის საკონფერენციო დარბაზი]

დისკუსია დაგეგმილია  პროექტის  –  „ეროვნული ინტეგრაციის გაძლიერება საქართველოში“ [ANI] ფარგლებში,  რომელსაც ახორციელებს საქართველოს გაეროს ასოციაცია  (UNAG), აშშ-ს საერთაშორისო განვითარების სააგენტოს (USAID) ფინანსური მხარდაჭერით.

ბათუმის სამშობიარო სახლის დირექტორის, ნუკრი ბეჟანიძის განცხადებით, საავადმყოფომ უკვე მიმართა საქართველოს სამედიცინო საქმიანობის რეგულირების სააგენტოს, შეიწავლოს გარდაცვლილი პაციენტის საქმე. სწორედ სააგენტომ უნდა დაასკვნას, იკვეთება თუ არა საქმეში ექიმების ბრალი.  

„ველოდებით სააგენტოს დასკვნას და იმის მიხედვით გაირკვევა სიტუაცია. ჩვენ შეტყობინება გადავეცით და შეისწვალიან. ოჯახის წევრებს არარეალური პრეტენზიები აქვთ, ზოგიერთი ექიმი საერთოდ არ მონაწილეობდა ამ საქმეში და მათ მიმართაც აქვთ პრეტენზიები, ამიტომ რეგულირების სააგენტო გაარკვევს ამას“ – განაცხადა ნუკრი ბეჟანიძემ „ბათუმელებთან“.

საავადმყოფოს დირექტორი დღეს  გარდაცვლილი პაციენტის ოჯახის წევრებს არ შეხვედრია.

კითხვაზე, კონკრეტულად რამ გამოიწვია პაციენტის მდგომარეობის გართულება, ნუკრი ბეჟანიძე ამბობს, რომ ეს სერიოზული სიტუაციაა: „მძიმედ შემოვიდა თავიდან, ეს შემიძლია ვთქვა“ – ამბობს ნუკრი ბეჟანიძე.  

ბათუმის სამშობიარო სახლის წინ რუსთაველის ქუჩა ცალმხრივად გადაკეტილია. 29 წლის მაია ვერძაძის ოჯახის წევრები სამშობიარო სახლის ექიმებს გულგრილობასა და არაპროფესიონალიზმში ადანაშაულებენ. პაციენტს ორი ოპერაცია ბათუმის სამშობიარო სახლში გაუკეთეს და შემდეგ ბათუმის რეფერალურ საავადმყოფოში გადაიყვანეს, სადაც ის დღეს, დილას გარდაიცვალა.

ოჯახის წევრების თქმით, 29 წლის მაია სამშობიარო სახლში პარასკევს, 20 მარტს, მიიყვანეს. ახლობლები ამბობენ, რომ პაციენტს ორი კვირის მანძილზე მაღალი წნევა ჰქონდა და ოჯახი ექიმებს საკეისრო კვეთის გაკეთებას სთხოვდა, თუმცა ექიმებმა ეს საჭიროდ არ მიიჩნიეს. 

„მე მივიყვანე პარასკევს. ექოსკოპია რომ გადაუღეს, ექიმმა უთხრა, მკვდარია ნაყოფიო. სასწრაფოდ დავაწვინეთ. არავითარი სისხლდენა არ ჰქონია“ – ამბობს იზოლდა მორჩილაძე, გარდაცვლილის ბიცოლა.  

მისი თქმით, ნაყოფი მკვდარი დაიბადა და ოჯახს უთხრეს, რომ მეორე ოპერაციაც იყო საჭირო, რის დროსაც პაციენტს საშვილოსნო ამოუღეს. „მეორე დღეს მეუბნება ექიმი, სისხლდენაა მუცლის ღრუშიო. ვითხოვდი, დამაკვალიანეთ და ჩემი ფულით გადავიყვან თბილისში-მეთქი, არა, ამის განძრევა არ შეიძლება, მდგომარეობა სტაბილურიაო. დაეწყო სისხლდენა და გაეთიშა თირკმელი. დაგვიბარეს ისევ და გვითხრეს, ძალიან დამძიმდა მდგომარეობა და რეფერალურში უნდა გადავიყვანოთ ან რესპუბლიკურშიო, დიალიზის აპარატი არ გვაქვს ჩვენო. გამოჟონა ინფორმაციამ, რომ ოპერაციის დროს მუცლის ბადის გაკაწვრა მოხდაო და ამიტომაც დაიწყო სისხლდენაო“ – ამბობს იზოლდა მორჩილაძე.

„თავისი ფეხით შევიდა სამშობიარო ბლოკში, ტყუილია ის, რაც თქვეს ტელევიზორში, რომ სისხლდენით შეიყვანეს. ვადანაშაულებთ ექიმებს, იმიტომ, რომ როცა პაციენტს ჰქონდა 180 წნევა, ორი კვირით ადრე ითხოვეს, გაუკეთეთ საკეისროო. რა მოხდებოდა, რომ საკეისრო გაკეთებულიყო, ბავშვიც გადარჩებოდა და ქალიც. უარყო ექიმმა ორი დღის წინ ტელევიზორში, არანაირი განცხადება არ შემოსულა მაგის თაობაზეო. რატომ ტყუის?!“ – ამბობს გარდაცვლილის ოჯახის წევრი მაგული კოჩალიძე.

გარდაცვლილის ოჯახის წევრებთან შესახვედრად ბათუმის სამშობიარო სახლიდან  არავინ გამოსულა. სამშობიარო სახლს ამ წუთებშიც საპატრულო პოლიცია იცავს. რუსთაველის ქუჩაზე გამოიძახეს სასწრაფო დახმარებაც, რადგან გარდაცვლილი პაციენტის ოჯახის რამდენი წევრი ცუდად გახდა.

„თუ მართალი არიან ეს ექიმები, ბოდიშს მოვუხდით და წავალთ, მაგრამ არ გამოდიან. ესენი ზიან და უყურებენ ტელევიზორს, არ აინტერესებთ აქ რა ხდება. მაგათ ვუწოდებ თეთრხალათიან მკვლელებს, რით განსხვავდებიან მკვლელებისგან? იმით, რომ თეთრი ხალათები აცვიათ, ამიტომ არ იჭერენენ ამათ“ – ამბობს ზურაბ  დიასამიძე, გარდაცვლილის მეუღლის ბიძა.  

ბათუმის სამშობიარო სახლის დირექტორის, ნუკრი ბეჟანიძის განცხადებით, საავადმყოფომ უკვე მიმართა საქართველოს სამედიცინო საქმიანობის რეგულირების სააგენტოს, შეიწავლოს გარდაცვლილი პაციენტის საქმე. სწორედ სააგენტომ უნდა დადოს დასკვნა, იკვეთება თუ არა საქმეში ექიმების ბრალი.  

„ველოდებით სააგენტოს დასკვნას და იმის მიხედვით გაირკვევა სიტუაცია. ჩვენ შეტყობინება გადავეცით და შეისწვალიან. ოჯახის წევრებს არარეალური პრეტენზიები აქვთ, ზოგიერთი ექიმი საერთოდ არ მონაწილეობდა ამ საქმეში და მათ მიმართაც აქვთ პრეტენზიები, ამიტომ რეგულირების სააგენტო გაარკვევს ამას“ – განაცხადა ნუკრი ბეჟანიძემ „ბათუმელებთან“.

საავადმყოფოს დირექტორი დღეს  გარდაცვლილი პაციენტის ოჯახის წევრებს არ შეხვედრია.

კითხვაზე, კონკრეტულად რამ გამოიწვია პაციენტის მდგომარეობის გართულება, ნუკრი ბეჟანიძე ამბობს, რომ ეს სერიოზული სიტუაციაა: „მძიმედ შემოვიდა თავიდან, ეს შემიძლია ვთქვა“ – ამბობს ნუკრი ბეჟანიძე.

ბოლო ორი თვის მანძილზე ეს ბათუმის სამშობიარო სახლში ქალის გარდაცვალების მეორე შემთხვევაა

საჯარო ბიბლიოთეკა წიგნებს გამარტივებული ელექტრონული ტენდერით შეიძენს. ბიბლიოთეკის მიერ გამოცხადებულ ტენდერში გამარჯვებული უკვე გამოვლენილია – შპს “ბესტ სელერი – წიგნის სადისტრიბუციო სამსახური”.

წიგნების შესყიდვისთვის ბიბლიოთეკის მიერ დასახელებული იყო 20 ათასი ლარი, “ბესტ სელერი” კი, წიგნებს 18 980 ლარად სთავაზობს ბიბლიოთეკას. ტენდერშიც მხოლოდ ეს ერთი კომპანია მონაწილეობდა.

მოთხოვნილი წიგნების უმეტესობა 2011-2015 წლებში უნდა იყოს გამოცემული. მეორადი წიგნების მიწოდება დაუშვებელია. წიგნების მიწოდება უნდა მოხდეს ხელშეკრულების გაფორმებიდან შვიდ დღეში. ხელშეკრულება კი, დოკუმენტების მიხედვით, 26 მარტს გაფორმდება.

ბათუმში ჭაჭის თაუერი 2012 წლის 17 ოქტომბერს გაიხსნა. კოშკს გარს  ოთხი  შადრევანი აკრავს. თითოეულთან დამონტაჟებულია ჭაჭის ჩამოსასხმელი, სადაც ჭაჭა სპეციალური სენსორული მოწყობილობის საშუალებით მოედინება.   

 ჭაჭის კოშკის სიმაღლე მთლიანობაში  25 მეტრს შეადგენს, მთავარი გუმბათი განთავსებულია 25 მეტრის სიმაღლეზე, ხოლო დანარჩენი 4 გუმბათი – 5 მეტრ სიმაღლეზე. კოშკზე დამონტაჟებულია საათი.  

„ჭაჭის თაუერის“ მშენებლობა ბათუმის მერიის ბიუჯეტიდან 810 055 ლარით დაფინანსდა.

სხდომას აჭარის აჭარის ჯანმრთელობისა და სოციალური დაცვის მინისტრი ნუგზარ სურმანიძე, ფინანსთა და ეკონომიკის მინისტრის მოადგილე რამაზ ბოლქვაძე, აჭარის მთავრობის საერთაშორისო ურთიერთობათა დეპარტამენტის უფროსი-ხათუნა ნაყეური და რეგიონის ტურიზმისა და კურორტების დეპარტამენტის ტურისტული სააგენტოს დირექტორი სოფო ლაზიშვილი დაესწრებიან.

ვიზიტის ფარგლებში სილეზიის სავოევოდოს მარშალის ოფისში გაიმართება შეხვედრები სავოევოდოს ხელმძღვანელ პირებთან. შეხვედრაზე მხარეებს შორის 2014 წელს ჯანდაცვის, განათლების, ეკონომიკის, დასაქმებისა და ტურიზმის სფეროებში განხორციელებულ პროექტებს განიხილავენ. ასევე ხელი მოეწერება 2015 წლის თანამშრომლობის გეგმას. 

დაგეგმილია სტუმრობა სილეზიის უნივერსიტეტში. 

სილეზიის სავოევოდოსა და აჭარის ავტონომიურ რესპუბლიკას შორის თანამშრომლობა 2011 წელს თანამშრომლობისა და მეგობრული ურთიერთობების განვითარების შესახებ გაფორმებული ხელშეკრულების საფუძველზე გრძელდება.

ინფორმაცია აჭარის ჯანდაცვის  სამინისტროს პრესსამსახურმა გაავრცელა.

კლავიში – მალხაზ  დუმბაძე,  გიტარა –  თემურ დიასამიძე,  ბას-გიტარა – რობი გოგიტიძე, დრამერი – გიორგი თევდორაძე და ვოკალისტი ილა წულაძე.

კონცერტზე 15 კომპოზიცია შესრულდება.

როკ-ჯგუფი„ბეთლემი“ დაარსდა დაბა ქედაში 1987 წელს და უკვე 28 წლის არსებობის ისტორია აქვს.   წარსულში  ჯგუფი დიდი პოპულარობით სარგებლობდა. 90-იან წლებში მონაწილეობდა სხვადასხვა ფესტივალსა და ღონისძიებაში როგორც საქართველოში, ისე უცხოეთში (ბალტიისპირეთი, გერმანია). მოგვიანებით ჯგუფი დაიშალა, 2010 წელს კი, ახალი შემადგნელობით ჩამოყალიბდა.

„ბეთლემის“ სოლოკონცერტი ბათუმის საზაფხულო თეატრში 19:00 საათზე დაიწყება. დასწრება უფასოა.

როკ-ჯგუფი ბეთლემი

გიტარისტი თემურ დიასამიძე

ბას-გიტარისტი რობი გოგიტიძე და დრამერი გიორგი თევდორაძე

ენდოკრინოლოგის, უროლოგის, ლარინგოლოგის, ოფთალმოლოგის, ალერგოლოგის, ნევროპათოლოგის, კარდიოლოგის, და ექოსკოპისტის კონსულტაციის მიღება ადგილობრივ მოსახლეობას მთელი დღის განმავლობაში შეეძლება.

ასევე ჩატარდება რამდენიმე სახის სამედიცინო კვლევა. აქცია აჭარის ავტონომიური რესპუბლიკის ჯანმრთელობისა და სოციალური დაცვის სამინისტროსა და ქედის მუნიციპალიტეტის მხარდაჭერით გაიმართება.

მორიგ უფასო სამედიცინო აქციას 4 აპრილს, „საოჯახო მედიცინის რეგიონული ცენტრის“ მედიკოსები ხულოს მუნიციპალიტეტის სხალთის თემში ჩაატარებენ.

ინფორმაცია „ბათუმელებს“ ჯანდაცვის სამინისტროს პრესსამსახურის ხელმძღვანელმა ლიზა თედორაძემ მიაწოდა. 

პიესის ავტორი და რეჟისორი ზურაბ ქავთარაძეა. სპექტაკლში ნინო კახიძე, ირაკლი გვარჯალაძე, ეკენე მეხეშიძე, პაატა ფაცია და ახალგაზრდული მუსიკალური თეატრის მოსამზადებელი ჯგუფის აღსაზრდელები მონაწილეობენ.

„პეპის მოგზაურობა 2“   ბათუმის ხელოვნების ცენტრში 28 მარტს  15: 00 საათზე დაიწყება. ბილეთის ფასი 3 ლარია და მისი შეძენა მსურველებს ხელოვნების ცენტრის სალაროში შეეძლებათ.

მაგალითად, რუსთაველის ქუჩაზე, 26 მაისის ქუჩის კვეთაში, რუსთაველის ქუჩის მხრიდან, სამშობიარო სახლის ჩათვლით, დამონტაჟებულია სამი „ფეიბოქსი“, ხოლო 26 მაისის ქუჩიდან მემედ აბაშიძის გამზირამდე (ყოფილი სტალინის ქუჩამდე) – ხუთი „ფეიბოქსი“. აღნიშნული რვა აპარატიდან არც ერთი არ მუშაობდა.

„ფეიბოქსი ტერმინალი“ #3567144, რომელიც დამონტაჟებულია სამშობიარო სახლის წინ მაღაზიაში  ჩასასვლელ კიბესთან, არ მუშაობს სისტემატურად. „ფეიბოქსი“ ხშირად „ყლაპავს“ თანხას, რომელსაც უკან არავინ გიბრუნებს. ასეთი შემთხვევა მქონდა 26 თებერვალს, როცა „ფეიბოქსმა“ ოთხი ლარი „ჩამიყლაპა“. იქვე, გვერდით მდგომმა ახალგაზრდებმაც ასევე თქვეს, რომ მათაც „შეუჭამა“ თანხა რამდენჯერმე. ასევე თანხა „გადაუყლაპა მაღაზიიდან ამოსულ გოგონას, რომელსაც ტელეფონის ბალანსის შევსება უნდოდა. „ფეიბოქსმა“ იქვე ფული „გადაუყლაპა“ ტაქსის მძღოლსაც.

საქმის მოგვარება გადავწყვიტე, დავრეკე ცხელ ხაზზე: (032) 2319191. ჯერ ჩაირთო მუსიკა, ოპერატორმა კი 10 წუთის შემდეგ მიპასუხა. ჩაიწერა ჩემი ტელეფონის, ასევე „ფეიბოქსის“  ნომერი და მითხრა, რომ თანხა ჩამერიცხებოდა, თუმცა როდის?…

ამ ყველაფრის შემდეგ გამიჩნდა ეჭვი, მართლა ერთდროულად გაფუჭდა ამდენი „ფეიბოქსი“, თუ ხელოვნურად აფუჭებენ, ან კი იციან შესაბამის ბანკებში? თუ ეს იციან „ფეიბოქსის“ ზედამხედველებმა და ასეთ მუშაობას ამჯობინებენ?  წარმოიდგინეთ, ბათუმის ქუჩებში რამდენი ასეთი აპარატია დამონტაჟებული და ყოველი კვირის ბოლოს რამდენი თანხა იქნება მოსახლეობისგან მოპარული.

იქნებ ამ წერილმა გამოაფხიზლოს შესაბამისი ბანკების ხელმძღვანელები და დააწესონ კონტროლი „ფეიბოქსების“ მუშაობაზე.  

გასულ პარასკევს, ანუ სწორედ იმ ეტაპზე, როცა ამ საქმის გარშემო ბრალდებასა და დაცვას საბოლოო სიტყვა უნდა ეთქვათ სასამართლოში, პროკურორმა მოსამართლეს აცნობა, რომ ზემდგომ პროკურორთან შეთანხმებით უარს ამბობდა ბრალდებაზე. ეს იმას ნიშნავს, რომ სისხლის სამართლებრივი დევნა ბრალდებულის მიმართ შეწყდა. “შესაძლოა ჩაქირიდი მართლაც არის დამნაშავე, მაგრამ საქმეში მოპოვებული მტკიცებულებათა ერთობა არ არის საკმარისი იმისათვის, რომ დავრწმუნდეთ, მან ნამდვილად ჩაიდინა დანაშაული. ასეთ დროს კი კანონით ბრალდებულის სასარგებლო გადაწყვეტილება უნდა მივიღოთ”, – განმარტა პროკურორმა ირაკლი დონდოლაძემ. მეზღვაური ნიკოლოზ ჩაქირიდი ბრალდებული იყო სისხლის სამართლის კოდექსის 260-ე მუხლის მეორე ნაწილით (ნარკოტიკების შეძენა-შენახვა), რაც 14 წლამდე პატიმრობას ითვალისწინებს.

`გახარებული და გაკვირვებული ვარ, პროკურატურა უახლოვდება დემოკრატიულ სტანდარტებს… მე სასამართლოსგან ნამდვილად ველოდი გამამართლებელ განაჩენს, წინა სასამართლო პროცესზე, ბრალდებულის ნათესავმა მითხრა, რომ პროკურორი გაღიმებული დაინახა და მგონი ცუდად არ არის ჩვენი საქმეო… მადლობის მეტი რა გვეთქმის. მე ვმუშაობდი ადრე ძალოვან უწყებებში, დიდი ხანია ვმუშაობ ადვოკატად, ასეთ ფაქტს ბოლო პერიოდში ვერ ვიხსენებ”, – თქვა ადვოკატმა ნუგზარ მგელაძემ. 

“მადლობა, რომ დარწმუნდით ჩემს უდანაშაულობაში”, – ეს კი ბრალდებულის სიტყვებია. მოსამართლე დავით მამისეიშვილმა თქვა, რომ სასამართლო სადამსჯელო ორგანო არ არის და მას კანონი ავალდებულებს, დააკმაყოფილოს პროკურორის შუამდგომლობა. ამის მიუხედავად, მოსამართლე დავით მამისეიშვილმა მხარეებს მსგავსი რამ უთხრა: “ალბათ მიხვდა პროკურატურა, რომ მისთვის სასურველი შედეგი არ დადგებოდა, ამიტომაც მიიღო სახელმწიფო ბრალდებამ ეს გადაწყვეტილება”.
მოსამართლის გადაწყვეტილებით, ყადაღა მოეხსნა იმ სახლსაც, რომელიც ნიკოლოზ ჩაქირიდის გირაოს სანაცვლოდ იყო დაყადაღებული.

ბათუმელი ნიკოლოზ ჩაქირიდი ბოლო შრომითი ხელშეკრულებით კაპიტნის მესამე თანაშემწე იყო შორეულ ნაოსნობაში. სახლში ის 2013 წლის 17 დეკემბერს დაბრუნდა. ბათუმში დაბრუნებიდან დაახლოებით ერთ თვეში (2014 წლის იანვარში) ნათესავი დაუკავშირდა და სთხოვა გამოეტანა ამანათი, რომელიც საბერძნეთიდან იყო გამოგზავნილი. ნიკოლოზმა როგორც კი ამანათი გამოიტანა, ის კრიმინალური პოლიციის თანამშრომლებმა დააკავეს: ფუთაში 0,609 გრამი ჰეროინი აღმოჩნდა.
ნიკოლოზის ნათესავი საგამოძიებო უწყებაში მას შემდეგ გამოცხადდა, როცა გაიგო, რომ ის დააკავეს და თქვა, რომ ფუთა მას გამოუგზავნეს. ამის მიუხედავად, გასულ პარასკევამდე პროკურორი ირაკლი დონდოლაძე ნიკოლოზს მაინც დამნაშავედ მიიჩნევდა.