ქობულეთის მუნიციპალიტეტის ტერიტორიაზე სასტუმროებსა და სასტუმროს ტიპის სახლებში უსაფრთხოების ნორმების შესწავლისა და მათზე რეკომენდაციების გაცემის მიზნით შექმნილი დროებითი სამუშაო ჯგუფი ტურისტული ობიექტების მონიტორინგს აწარმოებს. ხანძრის გაჩენის თავიდან აცილებისა და უსაფრთხოების ნორმების დაცვის მიზნით, სასტუმროებს დაურიგდათ რეკომენდაციები და მათ გასათვალისწინებლად 15-დღიანი ვადა მიეცათ.
ტურისტული ობიექტების მონიტორინგის შედეგებს ქობულეთის მუნიციპალიტეტის გამგებელი სულხან ევგენიძე საკრებულოს სხდომაზე სპეციალური ანგარიშით წარადგენს.
მიმდინარე წელს, 10 მაისს, უსაფრთხოების ნორმების დაუცველობის გამო ქობულეთის ერთ-ერთ სასტუმროში ხანძრის შედეგად სამი მოზარდი დაიღუპა.
