კონფერენცია ძირითადად ახალშობილთა სწორ კვებას ეხება. კონფერენციაში მონაწილეობენ როგორც საქართველოს, ასევე აზერბაიჯანისა და სომხეთის წარმომადგენლები.
ჯანმოს უახლემა ასამბლეამ შემდგომი 20 წელი გამოაცხადა ჯანმრთელობის “პროგრამირების” წლებად და ხაზი გაუსვა სიცოცხლის პირველი 1000 დღის მნიშვნელობას. აქედან გამომდინარე, საქართველოს ნეონატოლოგთა ასოციაციის ინიციატივით მომზადდა ექიმთა დიპლომის შემდგომი უწყვეტი სამედიცინო განათლების პროგრამა „სიცოცხლის პირველი 1000 დღე“ და წარადგინა თბილისის სახელმწიფო სამედიცინო უნივერსიტეტში აკრედიტაციისათვის. პროგრამის ხელმძღვანელი გახლავთ ასოციაციის პრეზიდენტი ია დავითაია.
სიცოცხლის პირველი 1000 დღე – როგორც უმნიშვნელოვანესი ეტაპი ნაყოფისა და ადრეული ასაკის ბავშვის ცხოვრებაში, წარმოადგენს ადამიანის ჯანმრთელობის საფუძველს მთელი სიცოცხლის განმავლობაში და განაპირობებს მრავალი დაავადების განვითარების თუ პრევენციის მიზეზს.
კონფერენციის ორგანიზატორთა აზრით, საქართველოს ნეონატოლოგთა ასოციაციის პროგრამა „სიცოცხლის პირველი 1000 დღე“ მნიშვნელოვან წვლილს შეიტანს სამედიცინო მუშაკთა პროფესიული დონის ამაღლებაში და ჩვენი ქვეყნის მომავლის ჯანმრთელობის პროგრამირებაში.
